fbpx

Tibetan Royal Year of 2150 | Year of the Water Rabbit

གང་ཟག་སུ་འདྲ་ཞིག་ཡིན་རུང་ཆོས་དད་རང་མོས་དགོས་གལ་ཡིན་པར་བཀའ་སྩལ་བ།

Tibetan News Headlines

  • ༸གོང་ས་མཆོག་གིས་བོད་དང་ཁ་ཆེ་དབར་དམིགས་བསལ་འབྲེལ་བ་ཡོད་པར་བཀའ་སྩལ་བ།
  • གྲོས་ཚོགས་ཀྱི་ལས་ཉིན་ལྔ་པ་ཆ་ཚང་མང་ཚོགས་རྩིས་ཁྲ་ཚོགས་ཆུང་གི་སྙན་ཐོར་བཏང་ཡོད།
  • སུད་སིར་བོད་མི་གཙོས་སྐྱབས་བཅོལ་ཞུ་མི་རྣམས་ཀྱི་དཀའ་ངལ་སེལ་ཆེད་གྲོས་ཆོད་གཏན་འབེབས།
  • རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་བོད་ཀྱི་ཞོ་སྟོན་རྒྱས་པ་ཐེངས་ ༢༦ དབུ་འཛུགས།
  • སྦེལ་འཇམ་གཞུང་གིས་ནང་ཆོས་དེ་ཉིད་གཞུང་འབྲེལ་ཆོས་བརྒྱུད་གྲས་སུ་ངོས་འཛིན།
  • བྱང་ཨ་རིའི་གཟའ་མཇུག་སློབ་གྲྭའི་དགེ་རྒན་རྣམས་ལ་སཱི་ཤེས་ཡོན་ཟབ་ཁྲིད།

Monday 20/03/2023

  • Dalai Lama meets with Muslim scholars, speaks on common values between Islam and Buddhism
  • 11th Public Accounts Committee presents report to Parliament
  • Swiss National Council approves motion seeking relief for asylum seekers
  • Tibetan Opera ‘Shoton’ festival begins in Mundgod Tibetan settlement
  • Belgium officially recognises Buddhism as a non-denominational religion
  • SEE Learning conducts workshop for North America’s weekend Tibetan language and culture teachers
(Visited 1 times, 1 visits today)

དེ་རིང་སྔ་དྲོ་ཕྱག་ཚད་ ༨་༣༠ ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐེག་ཆེན་ཆོས་གླིང་གཙུག་ལག་ཁང་དུ་ལྷོ་ཤར་ཨེ་ཤི་ཡའི་དད་མང་ཚོགས་ནས་ཇི་ལྟར་གསོལ་འདེབས་ཞུས་པ་བཞིན་དཔལ་ལྡན་ཟླ་བ་གྲགས་པའི་མཛད་པས་དབུ་མ་འཇུག་པ་རང་འགྲེལ་ཐོག་ཉིན་གཉིས་པའི་བཀའ་ཆོས་དབུ་འཛུགས་དང་འབྲེལ་འཕགས་པའི་བདེན་པ་བཞིའི་ངོ་སྤྲོད་དང་དད་ལྡན་ཆོས་ཞུ་བ་རྣམས་ཀྱི་བཀའ་འདྲི་ཁག་ལ་ལྗགས་ལན་སྩལ་སོང་།དེ་ཡང་དེ་རིང་མགོན་པོ་༸གང་ཉིད་མཆོག་གིས་བཀའ་ཆོས་ཀྱི་ཐོག་མར་བདེན་པ་བཞིའི་རྣམ་བཞག་ངོ་སྤྲོད་མཛད་པ་དང་སྦྲགས་ཏེ། རང་རྒྱུད་ཀྱི་མ་རིག་པའི་རྒྱུ་གང་ཡིན་པ་དེ་ལེགས་པར་ཤེས་པའི་ཐོག་ནས་གཉེན་པོ་སྟོབས་ལྡན་ཇི་ལྟར་བསྟེན་ཚུལ་སོགས་ལམ་སྟོན་བཀའ་དྲིན་ཆེ་བ་སྩལ་སོང་།དེ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཁ་སང་སྩལ་བའི་དབུ་མ་འཇུག་པའི་རང་འགྲེལ་གྱི་བཀའ་ཆོས་དང་འབྲེལ་ནས་ཆེད་དུ་བྱ་བའི་གདུལ་བྱ་ལྷོ་ཤར་ཨེ་ཤི་ཡའི་དད་མང་ཚོགས་ཚོའི་ཁྲོད་ནས་བཀའ་འདྲི་དགོངས་སྐོར་ཞུ་རྒྱུ་ཡོད་ཁག་ལ་དེ་ལྟར་གནང་འཐུས་ཀྱི་བཀའ་བཞེས་སྨིན་སྩལ་མཛད་དོན་བཞིན་ཆོས་ཞུ་བ་ཅིག་གིས་ཁོང་གི་བུ་འདི་ཉིད་ནང་ཆོས་ལ་དོ་སྣང་ཡོང་ཐབས་སུ་གང་གནང་དགོས་པའི་ཐད་ལ་ལམ་སྟོན་ཞུས་པར་༸གོང་ས་མཆོག་གིས་སྤྱིར་གང་ཟག་སུ་འདྲ་ཞིག་ཡིན་རུང་དེ་ཉིད་ལ་ཆོས་ལུགས་གང་ལ་དད་མོས་དང་སློབ་གཉེར་གནང་མིན་ནི་ཆོས་དད་རང་མོས་ཡིན་པས་དེ་ལྟར་རང་དབང་སྤྲོད་དགོས་གལ་ཡིན་པར་བཀའ་སྩལ་དང་སྦྲགས་ཏེ། སླད་མར་ངོས་ཀྱིས་བརྩམས་པའི་ནང་ཆོས་དང་འབྲེལ་བའི་དཔེ་ཆ་དང་། དེ་བཞིན་བརྙན་ཐོག་བཀའ་སློབ་སོགས་རིམ་པས་ངོ་སྤྲོད་བྱེད་དགོས་ཞེས་ལམ་སྟོན་མཛད་སོང་།མ་ཟད་ཆོས་ཞུ་བ་ཅིག་གིས་དེང་གི་དུས་སུ་ན་གཞོན་དེ་དག་སེམས་ཞུམ་པའི་དཀའ་ངལ་འབྱུང་གི་ཡོད་པ་དའི་ཐོག་ལམ་སྟོན་ཞུས་པར་མགོན་པོ་༸གང་ཉིད་མཆོག་གིས་གནས་ཚུལ་ཁག་ལ་ཕྱོགས་ཡོངས་ནས་བསམ་བློ་གཏང་དགོས་རྒྱུ་གལ་ཆེན་པོ་ཡིན་པ་བཀའ་སྩལ་སོང་།རྩ་བའི་༸དེ་རིང་གི་ཉིན་གཉིས་པའི་བཀའ་ཆོས་དེའི་ཐོག་ལྷོ་ཤར་ཨེ་ཤི་ཡའི་དད་ལྡན་མང་ཚོགས་གཙོས་པའི་ཕྱོགས་མཐའ་ཁག་ནས་བོད་མི་དང་ཧཱི་མ་ལའི་རི་རྒྱུད་ནས་ཆོས་ཞུ་བ་སྟོང་ཕྲག་འགའ་ཤས་ཕེབས་ཡོད་པ་དང་། དེ་བཞིན་༸མགོན་པོ་༸གང་ཉིད་མཆོག་གི་མཛད་འཆར་ལ་གཞིགས་ན་རིང་མིན་ཕྱི་ཟླ་ ༡༠ ཚེས་ ༣ དང ༥ ལ་ཐའེ་ཝན་གྱི་དད་ལྡན་མང་ཚོགས་ནས་ཇི་ལྟར་གསོལ་འདེབས་ཞུས་པ་བཞིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དཔལ་ནཱ་ལེནྡྲའི་སློབ་དཔོན་ཆེན་མོ་དཔལ་ལྡན་ཆོས་གྲགས་ཀྱི་མཛད་པའི་ཚད་མ་རྣམ་འགྲེལ་གྱི་ལེའུ་གཉིས་པའི་གསུང་ཆོས་བཀའ་དྲིན་སྩལ་རྒྱུ་རེད་འདུག

(Visited 126 times, 1 visits today)

འབྲེལ་ཡོད་གསར་གནས།

གསར་གནས།