Tibetan Royal Year of 2151 | Year of the Wood Dragon

༸གོང་ས་མཆོག་གིས་རྒྱ་གར་གྱི་གློག་བརྙན་འཁྲབ་སྟོན་པ་ Kangana Ranaut ལ་མཇལ་ཁ་སྩལ་བ།

Tibetan News Headlines

  • Dalai Lama gives audience to Himalayan Buddhists from Rolwa Ling
  • One household and One file: Surveillance ramped up after anti-dam protests
  • GCM Gold Cup Final and Green Book debacle
  • Taiwan’s parliament passes bill pushing pro-China changes
  • East Turkistan government in exile calls on US to pass Uyghur Policy Act
  • Any attempt to intimidate individuals or communities in the UK will not be tolerated: UK to China

རེས་གཟའ་ལྷག་པ། ༢༠༢༤།༠༥།༢༩

  • ༸གོང་ས་མཆོག་གིས་བལ་ཡུལ་རོལ་བ་གླིང་ཁུལ་གྱི་བོད་རིགས་ཁག་གཅིག་ལ་མཇལ་ཁ་སྩལ་བ།
  • རྒྱ་གཞུང་གིས་སྤྱི་ཚོགས་དབང་སྒྱུར་ཇེ་ཤུགས་ཆེ་རུ་གཏོང་ཐབས་སུ་ཁྱིམ་ཚང་གཅིག་དང་ཡིག་ཆ་གཅིག་ཅེས་པའི་སྲིད་བྱུས་ལག་བསྟར།
  • ༸རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་དང་དཔྱ་ཁྲལ་ལག་དེབ་ཀྱི་དཀའ་རྙོག
  • ཐེ་ཝན་གྲོས་ཚོགས་སུ་ཁྲིམས་གཞི་གསར་པ་གཏན་འབེབས།
  • ཨ་རིར་ཡུ་གུར་ཁྲིམས་འཆར་གཏན་འབེབས་དགོས་པའི་ཞུ་སྐུལ།
  • དབྱིན་ཡུལ་ནང་གི་མི་སེར་ལ་རྒྱ་ནག་གིས་སུན་གཙེར་བྱས་པ་དེར་བཟོད་སྲན་རྩ་བ་ནས་བྱ་རྒྱུ་མིན་གསུངས་འདུག

དེ་རིང་སྔ་དྲོ་བཞུགས་སྒར་༸རྒྱལ་བའི་ཕོ་བྲང་དུ་རྒྱ་གར་གྱི་གློག་བརྙན་འཁྲབ་སྟོན་པ་ Kangana Ranaut ཀཱང་གཱ་ནཱ་རཱ་ནཱོཊ་དང་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་ Jairam Thakur མཆོག་རྣམ་གཉིས་ཆེད་ཕེབས་ཀྱིས་བོད་མི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་འདུག

Kangana Ranaut ཀཱང་གཱ་ནཱ་རཱ་ནཱོཊ་ནི་རྒྱ་གར་གྱི་བེུད་གློག་བརྙན་འཁྲབ་སྟོན་པ་ཞིག་ཡིན་པ་མ་ཟད། རིང་མིན་ཟླ་བ་འདིའི་ཚེས་ ༡༩ ཉིན་རྒྱ་གར་རྒྱལ་ཡོངས་འོས་བསྡུ་ཆེན་མོའི་ནང་། ཧི་མ་ཅལ་མངའ་སྡེའི་ Mandi ས་ཁུལ་ནས་ BJP ཆབ་སྲིད་ཚོགས་པའི་གྲོས་ཚོགས་འོག་མའི་འཐུས་མིར་བཞེངས་ཀྱི་ཡོད་པ་རེད།

མཇལ་ཁ་གྲུབ་མཚམས་གསར་འགོད་པས་བཅར་འདྲིར་དང་ལེན་ཁྲོད་ Kangana ཀཱང་གཱ་ནཱ་གིས། དེ་རིང་༸གོང་ས་མཆོག་ལྟ་བུའི་སྐྱེས་ཆེན་དམ་པའི་སྐུ་མདུན་དུ་མཇལ་བཅར་ཞུ་རྒྱུ་བྱུང་བར་ཧ་ཅང་དགའ་ཚོར་ཆེན་པོ་བྱུང་ཡོད་སྐོར་དང་འབྲེལ། དེ་ནི་མི་ཚེ་འདིའི་ནང་གཙིགས་ཆེར་བརྩི་རྒྱུའི་མྱོང་ཚོར་ཞིག་ཡིན་པ་འགྲེལ་བརྗོད་གནང་སོང་།

རྩ་བའི་སྔ་ལོའི་ཕྱི་ཟླ་ ༤ པའི་ནང་རྒྱ་ནག་གཞུང་གིས། ༸གོང་ས་མཆོག་གི་མཛད་འཕྲིན་ནས་ཟུར་སྟོན་གྱིས་ཆེད་བཟོ་བྱས་པའི་བརྙན་ཐུང་ཞིག་དང་འབྲེལ་ནས་༸གོང་ས་མཆོག་ལ་མཚན་སྨད་དང་༸གོང་ས་མཆོག་གིས་མཛད་འཕྲིན་ལ་འབྲེལ་ལོག་བྱས་པའི་གནད་དོན་བྱུང་བའི་སྐབས། Kangana Ranaut ཀཱང་གཱ་ནཱ་རཱ་ནཱོཊ་ནས་རང་གི་ Twitter དྲ་ལམ་ཐོག་༸གོང་ས་མཆོག་གི་སྐུ་པར་དང་ Joe Biden གི་པར་གཉིས་སྒྲིག་སྦྱོར་བྱས་པ་ཞིག་འདོན་སྤེལ་དང་སྦྲགས། ཟུར་ཟའི་རྣམ་པའི་ཐོག་ནས་འགྲེལ་བརྗོད་བྱས་ཡོད་པར། སྐབས་དེར་བོད་མིས་གཙོས་པའི་༸གོང་ས་མཆོག་ལ་དད་གུས་ཞུ་མཁན་རྣམ་པས་ཁོང་ལ་སྐྱོན་བརྗོད་ཤུགས་ཆེར་བྱས་པའི་ཁྲོད། ཁག་གཅིག་ཁོང་གི་ལས་ཁུངས་མདུན་དུ་ངོ་རྒོལ་གནང་བའི་གནད་དོན་ཡང་བྱུང་ཡོད་སྟབས། སྐབས་དེར་ཁོང་རང་ཉིད་ཀྱི་ Instagram དྲ་ལམ་ཐོག་གསལ་བཤད་གནང་བའི་ནང་། རྩེད་མོ་དང་སྦྲགས་ནས་དེ་ལྟར་བྱས་པར་བསམ་ཤེས་གནང་རོགས་ཞེས་དང་། ཁོང་རང་ཉིད་སངས་རྒྱས་ཀྱི་གསུང་རབ་ལ་ཡིད་ཆེས་བྱེད་མཁན་ཞིག་ཡིན་པ་མ་ཟད། ༸གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གིས་སྐུ་ཚེ་ཧྲིལ་པོར་མི་མང་གི་བདེ་དོན་སླད་མཛད་འཁུར་བཞེས་ཡོད་ཅེས་དང་། ངས་སུ་ལ་ཡང་འཁོན་འཛིན་བྱས་མེད་ཅེས་འགྲེལ་བརྗོད་བྱས་ཡོད་པ་རེད།

འབྲེལ་ཡོད་གསར་གནས།

གསར་གནས།