Tibetan Royal Year of 2151 | Year of the Wood Dragon

༸པཎ་ཆེན་རིན་པོ་ཆེ་མཆོག་གློད་བཀྲོལ་དགོས་པའི་རྔམ་སྟོན།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

རིང་མིན་རྒྱལ་སྤྱིའི་གར་སོང་ཆ་མེད་ཉིན་མོ་དང་བསྟུན་ཨིན་ཡུལ་ཁུལ་གྱི་བོད་མི་དང་བོད་དོན་རྒྱབ་སྐྱོར་བ་ཚོས་ཁ་སང་རེས་གཟའ་ལྷག་པ་སྟེ་༸རྒྱལ་བའི་༸སྐུའི་བླ་གཟའ་ལྷག་དཀར་ཉིན་ལོ་ཊན་དུ་རྟེན་གཞི་བྱས་པའི་རྒྱ་ནག་གཞུང་ཚབ་ཁང་གི་མདུན་དུ་ད་བར་གང་སོང་ཆ་མེད་དུ་གྱུར་བའི་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གིས་གཙོས་པའི་བོད་མིའི་ཆབ་སྲིད་བཙོན་པ་རྣམས་འཕྲལ་མར་གློད་བཀྲོལ་དགོས་པའི་རྔམ་སྟོན་ལས་འགུལ་སྤེལ་འདུག
ལས་འགུལ་དེ་རིང་མིན་ཕྱི་ཟླ་ ༣ ཚེས་ ༣༠ ཉིན་རྒྱལ་སྤྱིའི་གར་སོང་ཆ་མེད་ཉིན་མོའི་ཉིན་གཉིས་ཀྱི་སྔ་རོལ་དང་བསྟུན་ཁ་སང་ཨིན་ཡུལ་བོད་རིགས་ཚོགས་པ་དང་བོད་རང་དབང་ཚོགས་པ་གཉིས་ཀྱིས་གོ་སྒྲིག་གནང་ནས་སྤེལ་ཡོད་པ་དང་། སྐབས་དེར་བོད་མི་དང་བོད་དོན་རྒྱབ་སྐྱོར་བ་བཅས་ཀྱི་ལས་འགུལ་བ་ཚོས་རྒྱ་ནག་གཞུང་ཚབ་ཁང་གི་མདུན་ངོས་སུ་ཕྱག་ཏུ་བོད་ཀྱི་རྒྱལ་དར་དང་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་༸སྐུ་པར། དེ་བཞིན་ཤོག་བྱང་ཐོག་༸པཎ་ཆེན་རིན་པོ་ཆེ་མཆོག་གང་དུ་ཡོད་དམ། བོད་མིར་རང་དབང་དགོས་ཞེས་པའི་འབོད་ཚིག་ཆེད་བཀོད་དང་། བོད་མིའི་རང་དབང་འཐབ་རྩོད་འོག་རྒྱལ་གཅེས་པའི་འདས་གསོན་རྣམས་ལ་གདུང་སེམས་མཉམ་བསྐྱེད་དང་མྱ་ངན་གུས་ཞུས་ཡོད་པ་རེད།

རྩ་བའི་ཨིན་ཡུལ་བོད་རིགས་ཚོགས་པའི་ངོས་ནས་རྒྱུན་དུ་རེས་གཟའ་ལྷག་པ་སྟེ་༸རྒྱལ་བའི་༸སྐུའི་བླ་གཟའ་ལྷག་དཀར་ནམ་ཡིན་ལ་ཕྱི་དྲོ་རྒྱ་ནག་གཞུང་ཚབ་ཁང་གི་མདུན་དུ་བོད་དོན་དང་འབྲེལ་བའི་གནད་དོན་འདྲ་མིན་ཐོག་རྒྱ་གཞུང་ལ་ངོ་རྒོལ་སྐད་འབོད་སོགས་ཀྱི་ལས་འགུལ་རྣམ་པ་འདྲ་མིན་སྤེལ་དང་སྤེལ་མུས་ཡིན་པ་རེད།

འབྲེལ་ཡོད་གསར་གནས།

གསར་གནས།