Tibetan Royal Year of 2151 | Year of the Wood Dragon

གཉན་རིམས་དྲག་སྐྱེད་མ་བྱུང་བར་སྔོན་འགོག་གི་ཐབས་ལམ་ཁག་བསྟེན་དགོས་པའི་གཞེན་སྐུལ།

Tibetan News Headlines

  • ༸གོང་ས་མཆོག་གིས་སོག་པོའི་དད་ལྡན་པ་རྣམས་ལ་ཉིན་གཉིས་ཀྱི་ཆོས་འབྲེལ་དབུ་འཛུགས།
  • ༸སྐུའི་གཅུང་མོ་ཨ་མ་རྗེ་བཙུན་པདྨ་ལགས་སུ་ Pearl S. Buck ཆེ་བསྟོད་གཟེངས་རྟགས་འབུལ་བཞེས།
  • བཞུགས་སྒར་རྡ་རམ་ས་ལར་བོད་ཀྱི་བེུད་ལྷན་ཚོགས་ཀྱི་ཚོགས་ཆེན་ཐེངས་ ༡༤ པ་དབུ་འཛུགས།
  • རྒྱ་གཞུང་གིས་བོད་དང་ཤིན་ཅང་ནང་སྤེལ་བཞིན་པའི་བྱ་སྤྱོད་ནི་འཆར་གཞི་ལྡན་པའི་མི་རིགས་རྩ་གཏོར་གྱི་སྲིད་བྱུས་ཡིན་པ་ཐེར་འདོན།
  • མོན་གྷོ་འདོད་རྒུ་གླིང་དུ་དྲག་ཆར་རླུང་ཚུབ་བྱུང་ཡང་མི་ཤི་སྐྱོན་ཆག་རིགས་བྱུང་མིན་འདུག

Friday 19/04/2024

  • Dalai Lama begins two-day teaching on ‘Gaden Lhagyama’ to Mongolian devotees
  • Jetsun Pema receives Randolph’s Pearl S. Buck award
  • 14th Tibetan Women Association General Body Meeting begins in Dharamshala
  • China spearheading systematic elimination of civilization and people, says UN expert
  • Mundgod Tibetan settlement hit with severe thunderstorm

བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གིས་ད་བར་གཞིས་སྒར་ཁག་གི་བོད་མིར་ཏོག་དབྱིབས་སྔོན་ཁབ་ཐོབ་པར་མཐུན་འགྱུར་རྒྱབ་སྐྱོར་དང་སྦྱིན་བདག་གནང་མཁན་དགོན་སྡེ་ཁག་དང་ཚོགས་སྒེར་སྒྲིག་འཛུགས་ཡོངས་ལ་ཐུགས་རྗེ་ཆེ་ཞུས་པ་དང་འབྲེལ། རྒྱ་གར་ནང་ད་དུང་ཡང་བོད་མི་བརྒྱ་ཆ་ ༢༩ ཙམ་དང་བལ་ཡུལ་ནང་བརྒྱ་ཆ་ ༧༨ ལྷག་ཙམ་ལ་སྔོན་ཁབ་ཐོབ་མེད་སྐོར་གསུསང་སོང་། གསར་འགོད་གསལ་བསྒྲགས་ཐེངས་ ༦༤ སྤེལ་སྐབས་བོད་མིའི་སྒྲིག་འཛུགས་ཀྱི་འཕྲོད་བསྟེན་དྲུང་འཕར་བྱམས་པ་ཕུན་ཚོགས་ལགས་ཀྱིས་སྤྱིར་འདི་ལོའི་ཟླ་ ༡ ཚེས་ ༡༦ ནས་བཟུང་རྒྱ་གར་གྱི་ནང་དུ་ཏོག་དབྱིབས་གཉན་རིམས་ཀྱི་འགོག་ཁབ་བརྒྱབ་ཡོད་པ་ལྟར་བོད་མིའི་སྤྱི་ཚོགས་ནང་དུའང་སྔོན་ཁབ་དེ་ཐོབ་ཐབས་ཀྱི་ལས་དོན་ཆེས་ཆེར་སྤེལ་བའི་ངང་ནན་མདུན་སྐྱོད་གནང་བཞིན་ཡོད་པར་འགྲེལ་བརྗོད་དང་སྦྲགས། ད་ལྟའི་ཆར་རྒྱ་གར་ནང་གི་བོད་མིའི་གཞིས་སྒར་ཁག་ཏུ་སྔོན་ཁབ་རིམ་པ་དང་པོ་ཐོབ་ཟིན་པ་མི་གྲངས་ ༢༡༣༧༠ དང་སྔོན་ཁབ་རིམ་པ་གཉིས་ཀ་བརྒྱབ་ཟིན་པ་མི་གྲངས་ ༡༤༠༩༦ ཆགས་ཀྱི་ཡོད་སྐོར་གསུངས་པ་མ་ཟད་བལ་ཡུལ་ནང་ལ་མཚོན་ན་ད་བར་ཁྱོན་བོད་མི་ ༣༥༣ ལ་སྔོན་ཁབ་རིམ་པ་གཉིས་ཀ་བརྒྱབ་ཟིན་པ་དང་དེ་བཞིན་ ༡༠༨༤ ལ་སྔོན་ཁབ་རིམ་པ་དང་པོ་བརྒྱབ་ཟིན་ཡོད་ཀྱང་། ད་དུང་རྒྱ་བལ་གཉིས་ཀྱི་ནང་སྔོན་ཁབ་མ་ཐོབ་པའི་གྲངས་འབོར་དེ་ ༢༠༦༨༥ ཆགས་ཀྱི་ཡོད་པར་གསུངས་ཡོད། སྐབས་དེར་བྱམས་པ་ཕུན་ཚོགས་ལགས་ཀྱིས་བོད་མིར་སྔོན་འགོག་སྨན་ཁབ་དེ་ཐོབ་པར་གཙོ་བོ་བོད་མི་འདུས་སྡོད་ཀྱི་ས་གནས་འགོ་འཛིན་རྣམ་པས་དབུས་ས་གནས་འཕྲོད་བསྟེན་སྨན་ཁང་ཁག དེ་བཞིན་དེར་མཐུན་འགྱུར་རྒྱབ་སྐྱོར་དང་སྦྱིན་བདག་གནང་མཁན་དགོན་སྡེ་ཁག་དང་ཚོགས་སྒེར་སྒྲིག་འཛུགས་སོགས་ཀྱི་ཐུགས་བརྩོན་གནང་བར་བརྟེན་ནས་ཡིན་སྟབས་འབྲེལ་ཡོད་ཚང་མར་ཐུགས་རྗེ་ཆེ་ཞུས་པ་དང་ལྷག་པར་དུ་དབུས་བོད་ཀྱི་སྨན་རྩིས་ཁང་གིས་བོད་མིའི་སྒྲིག་འཛུགས་དང་མཉམ་སྦྲེལ་གྱིས་ལུས་ཟུངས་བཅུད་སྨན་སོགས་ནད་ཡམས་སྔོན་འགོག་གི་ཐབས་ལམ་གང་ཡོང་གནང་བཞིན་པར་དམིགས་བསལ་ཡི་རང་བསྔགས་བརྗོད་དང་ཐུགས་རྗེ་ཆེ་ཞུས་ཡོད། ནད་ཡམས་འདི་རྩ་མེད་དང་གཉན་རིམས་ལས་དྲག་སྐྱེད་མ་བྱུང་བར་དུ་དོགས་ཟོན་དང་སྔོན་འགོག་གི་ཐབས་ལམ་རིགས་མུ་མཐུད་བསྟེན་དགོས་པའི་གཞེན་སྐུལ་ནན་པོ་གནང་སོང་། ཁ་སང་གི་གསལ་འགོད་ལྷན་ཚོགས་སྐབས་ཚོགས་ཆུང་གི་གསར་འགོད་འབྲེལ་མཐུད་པ་སྨན་པ་ཚེ་རིང་མཚམས་གཅོད་ལགས་ཀྱིས་ད་བར་བཙན་བྱོལ་བོད་མིའི་འདུས་སྡོད་ས་ཁུལ་ཁག་ཏུ་ཁྱོན་བོད་མི་ ༤༩༥༣ ལ་ཏོག་དབྱིབས་གཉན་རིམས་ཕོག་ཡོད་ཀྱང་། དེའི་ཁོངས་ནས་ ༤༣༣༩ དྲག་སྐྱེས་བྱུང་ཡོད་པ་དང། ད་ལྟའི་ཆར་ནད་ཀྱིས་མནར་བཞིན་པ་བོད་མི་སྡོམས་ ༤༨༨ ཡོད་པ་ལས་འདས་པའི་བདུན་ཕྲག་གཅིག་ཁོ་ནའི་ནང་དུ་རྒྱ་གར་དང་བལ་ཡུལ་གཉིས་སུ་བོད་མི་གཉན་རིམས་ཕོག་མཁན ༡༤༩ བྱུང་བ་ལས་བོད་མི་ ༢ ཚེ་སྲོག་ཤོར་ཡོད་པར་འགྲེལ་བརྗོད་གནང་ཡོད།

འབྲེལ་ཡོད་གསར་གནས།

གསར་གནས།