Tibetan Royal Year of 2151 | Year of the Wood Dragon

གོམ་བགྲོད་དང་རྐང་འཁོར་སྐོར་སྐྱོད་བརྒྱུད་༸སྐུའི་འཁྲུངས་སྐར་སྲུང་བརྩི།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

སང་ཕྱི་ཟླ་ ༧ ཚེས་ ༦ སྟེ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༧ བདག་གིར་བཞེས་པའི་༸སྐུའི་འཁྲུངས་སྐར་དང་བསྟུན་རྒྱ་གར་ཤར་ཕྱོགས་སུ་ཆགས་པའི་ཀ་ལིམ་སྤོང་ནང་དུ་གོམ་བགྲོད་དང་རྐང་འཁོར་སྐོར་སྐྱོད་བརྒྱུད་༸རྒྱལ་བའི་༸སྐུའི་འཁྲུངས་སྐར་སྲུང་བརྩི་ཞུས་འདུག

ཁ་སྔོན་ཕྱི་ཚེས་ ༣ རེས་གཟའ་ཉི་མའི་ཉིན་ཟླ་བ་ཤར་པ་ལགས་དང་བློ་ཆོས་ལགས། ལྷུན་གྲུབ་ལགས། བསྟན་འཛིན་ནོར་འཛིན་ལགས། ཕུན་ཚོགས་ལགས་བཅས་ཀྱིས་༸གོང་ས་མཆོག་༸སྐུ་ཚེ་ཡུན་དུ་བརྟན་ཅིང་མཛད་འཕྲིན་རྒྱས་པ་དང་། རྒྱ་གར་ཡུལ་མི་དང་བོད་མི་དབར་འཆམ་མཐུན་ཡོང་བ་བཅས་དམིགས་ཡུལ་གཙོ་བཟུང་འོག་འབྲས་ལྗོངས་དང་ཀ་སྦུག  རྡོ་རྗེ་གླིང་།  སི་ལི་གུ་རི་བཅས་ནས་བོད་མི་གཙོས་ཡུལ་མི་ཁྱོན་མི་གྲངས་ ༡༥༠ ལྷག་མཉམ་ཞུགས་གནང་ནས་ཀ་སྦུག་ནས་ལ་ཝ་དགོན་པ་བར་སྤྱི་ལེ་ ༨༧ ལམ་ཐག་ཡོད་སར་གོམ་བགྲོད་དང་རྐང་འཁོར་སྐོར་སྐྱོད་གནང་བ་དང་དེ་བཞིན་ལ་ཝར་༸གོང་ས་མཆོག་གི་དགུང་གྲངས་དང་མཐུན་པའི་ལྗོན་ཤིང་ ༨༧ འདེབས་འཛུགས་ཀྱིས་༸རྒྱལ་བའི་༸སྐུའི་འཁྲུངས་སྐར་སྲུང་བརྩི་ཞུས་འདུགལྷག་པར་གོ་སྒྲིག་ཞུ་མཁན་རྣམས་ནས་མི་མང་མཉམ་ཞུགས་གནང་མཁན་ཚོར་ཕྱག་འཁྱེར་གནང་བར་ཁུལ་དེའི་དབུས་གཙང་ཚོགས་གཙོར་ཞུས་དོན་བཞིན་ཀ་སྦུག་དབུས་གཙང་ཆོལ་ཁས་རྒྱབ་སྐྱོར་གནང་སྟེ་མཉམ་ཞུགས་གནང་མཁན་ཚོར་ཕྱག་འཁྱེར་གནང་ཡོད།   གཞི་རྩའི་འཛམ་གླིང་གི་ས་གནས་གང་སར་ཡོད་པའི་བོད་མི་རྣམས་ཀྱིས་ལས་གཞིའི་རྣམ་པ་འདྲ་མིན་སྤེལ་བའི་ཐོག་ནས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྲུང་བརྩི་ཞུས་དང་ཞུ་བཞིན་ཡོད་པ་རེད།  ཁ་སང་ལ་དྭགས་ཀྱི་ཁྲིགས་སེ་དང་བདེ་སྐྱིད་དགོན་པའི་དབུ་བླ་དང་རྒྱ་གར་གྱི་གྲོས་ཚོགས་གོང་མའི་འཐུས་མི་གནང་མྱོང་མཁན་ཁྲིགས་སེ་རིན་པོ་ཆེ་མཆོག་གིས་ལ་དྭགས་དབུས་གཞུང་མངའ་སྡེའི་འཛིན་སྐྱོང་ལ་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་ཆ་ཤས་ཙམ་ཞིག་འཇལ་སླད་ཕྱི་ཟླ་ ༧ ཚེས་ ༦ ཉིན་ལ་དྭགས་དབུས་གཞུང་མངའ་སྡེ་ཁྱོན་ཡོངས་ནས་༸གོང་ས་མཆོག་གི་༸སྐུའི་འཁྲུངས་སྐར་སྲུང་བརྩི་ཞུ་རྒྱུ་དང་དེ་ཉིན་གཞུང་སྒེར་ལས་ཁུངས་ཁག་ལས་མཚམས་འཇོག་ཆོག་པའི་གཞུང་འབྲེལ་གུང་སེང་གསལ་བསྒྲགས་གནང་སྐྱོང་ཡོང་བའི་ཞུ་སྙན་ཕུལ་འདུག

འབྲེལ་ཡོད་གསར་གནས།

གསར་གནས།