Tibetan Royal Year of 2151 | Year of the Wood Dragon

གྲོས་ཆོད་ཁག་ ༧ གཏན་འབེབས་ཐོག་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་དགུ་པ་རེ་ཞིག་མཇུག་སྒྲིལ།

Tibetan News Headlines

  • བོད་ནང་ཕྱི་རྒྱལ་གསར་འགོད་པ་བསྐྱོད་རྒྱུར་མུ་མཐུད་དམ་དྲག་བྱེད་བཞིན་པ་མངོན་གསལ།
  • BJP ཚོགས་པའི་འོས་བསྡུའི་བསྒྲགས་གཏམ་ནང་རྒྱལ་བ་ཀརྨ་པ་རིན་པོ་ཆེ་འབྲས་ལྗོངས་ནང་དུ་གདན་འདྲེན་ཞུ་ཐབས་གནང་རྒྱུ་ཡིན་པ་གསུངས་འདུག
  • སྲིད་བློན་ Modi མཆོག་གིས་རྒྱ་ནག་དང་ལྷན་འབྲེལ་ལམ་དམ་གཟབ་འཛིན་རྒྱུ་གལ་ཆེ་ཡིན་པ་གསུངས་འདུག
  • རྒྱ་གཞུང་གིས་ཁེ་ན་ཌའི་འོས་བསྡུའི་ནང་ཐེ་གཏོགས་ཡོད་པ་མངོན་གསལ།
  • རྒྱ་གཞུང་གིས་ཨ་རིའི་ཚོང་ལས་ཁང་གཉིས་ལ་སྲིད་དོན་ཉེས་ཆད་འགེལ་བ།
  • ༸དཔལ་གཤེན་བསྟན་སྨན་རིའི་གླིང་དུ་༸རྒྱལ་བ་སྨན་རིའི་སྒྲུབ་ཆེན་ཐེངས་ ༣༤ པ་འཚོགས་བཞིན་འདུག
  • བཙན་བྱོལ་བོད་མིའི་གནས་སྟངས། Karuna ངལ་གསོ་ཁང་གི་སྐོར་ལ་བཅར་འདྲི།

Friday 12/04/2024

  • China has allowed only FCCC journalist inside the ‘Tibet Autonomous Region in 2023: Report
  • Sikkim BJP manifesto promises return passage for Gyalwa Karmapa
  • India-China border situation needs to be addressed urgently: PM Modi
  • China meddled in past two Canada elections but results not impacted , says Justin Trudeau
  • China sanctions 2 US defence companies over supporting arms sales to Taiwan
  • 34th Menri Grand ‘Drubchen’ begins in Yungdrung Bon monastery in Dolanji
  • DIASPORA FEATURE: Karuna Retirement Home

Belgium སྦེལ་ཇི་ཡམ་གྱི་རྒྱལ་ས་  Brussels སྦར་སིལ་ནང་ཉིན་གྲངས་གསུམ་རིང་ཚོགས་པའི་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ ༩ པའི་ཐོག་༸རྒྱལ་བའི་ཡང་སྲིད་ཀྱི་གནད་དོན་གཙོ་བོར་འགྱུར་བའི་རྒྱལ་སྤྱིའི་ཁྲོད་བོད་དོན་རྒྱབ་སྐྱོར་གྱི་ལས་དོན་ཐོག་ལག་བསྟར་དགོས་པའི་གྲོས་ཆོད་ཁག་ ༧ གཏན་འབེབས་ཀྱིས་ཁ་སང་ཚོགས་འདུ་རེ་ཞིག་མཇུག་སྒྲིལ་གནང་འདུག

བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་ Brussels སྦར་སིལ་སྐུ་ཚབ་དོན་ཁང་། རྒྱལ་སྤྱི་བོད་དོན་ལས་འགུལ་ཁང་དང་ས་གནས་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ་བཅས་ཀྱི་གོ་སྒྲིག་འོག  རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་དགུ་པ་དེ་བཞིན་ཟླ་བ་འདིའི་ཚེས་ ༢༣ ནས་ ༢༥ བར་ Brussels སྦར་སིལ་ནང་ཚོགས་ཡོད་ཅིང་། ཚོགས་ཆེན་དེའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་། སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་གཙོས་པའི་ཕྱི་དྲིལ་བཀའ་བློན་དང་དྲུང་ཆེ། དེ་བཞིན་བོད་མི་མང་སྤྱི་འཐུས་ཁག་གཅིག་དང་སྐུ་ཚབ་དོན་གཅོད་རྣམ་པ། ལྷག་དོན་རྒྱལ་སྤྱིའི་རྒྱལ་ཁབ་ ༤༠ ལྷག་ནས་ཕེབས་པའི་བོད་དོན་རྒྱབ་སྐྱོར་བ་བཅས་ནས་ལྷན་བཞུགས་གནང་ཡོད་པ་རེད།

སྐབས་དེར་ཚོགས་བཅར་བ་རྣམས་ནས། རྒྱ་གཞུང་གིས་བོད་མིའི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་གཏོང་བཞིན་པ་དང་། བོད་ནང་ཆེད་འཛུགས་བྱས་པའི་གཏན་འཇགས་སློབ་གྲྭ་སོགས་ཀྱི་བརྒྱུད་བོད་ཀྱི་ཆོས་རིག་དང་སྐད་ཡིག་བཅས་པ་རྩ་མེད་བཟོ་ཐབས་བྱེད་བཞིན་པ། བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་ངོས་འཛིན་ལམ་ལུགས་ལ་ཐེ་བྱུས།  ལྷག་པར་ད་ལྟའི་ཆར་བོད་སྡེ་དགེ་ནང་ཆུ་མཛོད་གསར་རྒྱག་གི་ལས་གཞི་དང་འབྲེལ་ནས་བཙན་བཀའ་བཏང་བ་དེ་བཟློག་ཐབས་སླད་ཞུ་གཏུག་གནང་མཁན་བོད་མི་ ༡༠༠༠ ལྷག་ཁྲིམས་འགལ་གྱིས་འཛིན་བཟུང་བྱས་པར་མཐའ་གཅིག་ཏུ་ངོ་རྒོལ་ཡོད་པ། ༸ཀུན་གཟིགས་པན་ཆེན་རིན་པོ་ཆེས་དབུས་པའི་བོད་མི་ཆབ་སྲིད་བཙོན་པ་རྣམས་གློད་བཀྲོལ་དགོས་པ། དེ་བཞིན་རྒྱ་གཞུང་གིས་བོད་ནང་གཏེར་ཁ་སྔོག་འདོན་སོགས་ཀྱི་ངན་སྤྱོད་དང་འབྲེལ་རྒྱལ་སྤྱིའི་སྤྱི་ཚོགས་ནས་བོད་ཀྱི་ཁོར་ཡུག་སྲུང་སྐྱོབ་གནང་གལ་ཡིན་པ་སོགས་ཀྱི་དགོས་འདུན་བཏོན་འདུག

ཚོགས་བཅར་བ་རྣམས་ནས་བོད་མིའི་རང་དབང་དང་བོད་ཀྱི་ཁོར་ཡུག་སྲུང་སྐྱོབ་ཐད་རྒྱབ་སྐྱོར་མུ་མཐུད་གནང་རྒྱུའི་ཞལ་བཞེས་དང་སྦྲགས། མ་འོངས་ལག་བསྟར་དགོས་པའི་གྲོས་ཆོད་ཁག་བདུན་གཏན་འབེབས་གནང་འདུག

ཁ་སང་ཚོགས་འདུ་མཇུག་སྒྲིལ་གྱི་མཛད་སྒོའི་ཐོག་ཚོགས་འདུར་ཆེད་བཅར་ཞུས་པའི་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས། བོད་ཀྱི་གནད་དོན་དེ་ཆབ་སྲིད་ཀྱི་གནད་དོན་ལས་གཏིང་ཟབ་པ་ཞིག་ཏུ་ངོས་འཛིན་གནང་དགོས་གལ་དང་འབྲེལ། ད་བར་བོད་དོན་རྒྱབ་སྐྱོར་གནང་མཁན་རྣམས་ལ་ཐུགས་རྗེ་ཆེ་ཞུ་དང་། རྒྱབ་སྐྱོར་མུ་མཐུད་གནང་སྐྱོང་ཡོང་བའི་ཞུ་སྐུལ་གནང་དགོས་པ་གསུངས་འདུག

France གྲོས་ཚོགས་གོང་མའི་འཐུས་མི་ལྕམ་སྐུ་ Jacqueline Eustache-Brinio ལགས་ཀྱིས་ཁོང་ཡུལ་དེའི་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་མི་ཡིན་པའི་ཆ་ནས་ཡུལ་དེའི་གཞུང་འཛིན་པ་རྣམས་ལ་བོད་མིའི་ཆབ་སྲིད་བཙོན་པ་རྣམས་འཕྲལ་མར་གློད་བཀྲོལ་དགོས་པ་དང་བོད་མི་སྐྱབས་བཅོལ་ཞུ་མཁན་རྣམས་ལ་རྒྱབ་སྐྱོར་མུ་མཐུད་གནང་རྒྱུ་ཡིན་པ་སོགས་གསུངས་འདུག

ཐེངས་འདིའི་ཚོགས་ཆེན་ཐོག་སྐུ་ཚབ་དོན་གཅོད་རྣམ་པ་ལྷན་བཞུགས་གནང་བ་དང་བསྟུན།  Belgium སྦེལ་ཇི་ཡམ་ནང་དུ་ཟླ་བ་འདིའི་ཚེས་ ༢༧ ནས་ ༢༩ བར་ཕྱི་དྲིལ་བཀའ་བློན་དང་དྲུང་ཆེ་གཉིས་མཉམ་བཞུགས་ཐོག་སྐུ་ཚབ་དོན་གཅོད་ཀྱི་ཚོགས་འདུ་ཞིག་འཚོགས་གཏན་འཁེལ་འདུག་ལ། དེའི་ཐོག་སྐུ་ཚབ་དོན་གཅོད་རྣམ་པ་ ༡༣ ཕན་ཚུན་དབར་བསམ་ཚུལ་བརྗེ་ལེན་དང་། ཆབ་སྲིད་དང་འཛིན་སྐྱོང་སོགས་མ་འོངས་ལས་དོན་གནང་ཕྱོགས། དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ ཕེབས་པའི་དགུ་སྟོན་དང་འབྲེལ་བའི་རྒྱལ་སྤྱིའི་ཐོག་ལས་དོན་སྤེལ་ཕྱོགས་བཅས་ཀྱི་ཐོག་ཉིན་གྲངས་ ༢ རིང་ཟབ་སྦྱོང་དང་གྲོས་བསྡུར་གནང་རྒྱུ་ཡིན་པ་རེད་འདུག

འབྲེལ་ཡོད་གསར་གནས།

གསར་གནས།