Tibetan Royal Year of 2151 | Year of the Wood Dragon

ཉེན་རྟོག་པས་དམ་དྲག་འོག་བོད་པའི་དགེ་འདུན་པ་ཞིག་གིས་རང་སྲོག་བཅད་འདུག

Tibetan News Headlines

  • Dalai Lama gives audience to Himalayan Buddhists from Rolwa Ling
  • One household and One file: Surveillance ramped up after anti-dam protests
  • GCM Gold Cup Final and Green Book debacle
  • Taiwan’s parliament passes bill pushing pro-China changes
  • East Turkistan government in exile calls on US to pass Uyghur Policy Act
  • Any attempt to intimidate individuals or communities in the UK will not be tolerated: UK to China

རེས་གཟའ་ལྷག་པ། ༢༠༢༤།༠༥།༢༩

  • ༸གོང་ས་མཆོག་གིས་བལ་ཡུལ་རོལ་བ་གླིང་ཁུལ་གྱི་བོད་རིགས་ཁག་གཅིག་ལ་མཇལ་ཁ་སྩལ་བ།
  • རྒྱ་གཞུང་གིས་སྤྱི་ཚོགས་དབང་སྒྱུར་ཇེ་ཤུགས་ཆེ་རུ་གཏོང་ཐབས་སུ་ཁྱིམ་ཚང་གཅིག་དང་ཡིག་ཆ་གཅིག་ཅེས་པའི་སྲིད་བྱུས་ལག་བསྟར།
  • ༸རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་དང་དཔྱ་ཁྲལ་ལག་དེབ་ཀྱི་དཀའ་རྙོག
  • ཐེ་ཝན་གྲོས་ཚོགས་སུ་ཁྲིམས་གཞི་གསར་པ་གཏན་འབེབས།
  • ཨ་རིར་ཡུ་གུར་ཁྲིམས་འཆར་གཏན་འབེབས་དགོས་པའི་ཞུ་སྐུལ།
  • དབྱིན་ཡུལ་ནང་གི་མི་སེར་ལ་རྒྱ་ནག་གིས་སུན་གཙེར་བྱས་པ་དེར་བཟོད་སྲན་རྩ་བ་ནས་བྱ་རྒྱུ་མིན་གསུངས་འདུག

བོད་དིང་རི་རྫོང་ཤེལ་དཀར་དགོན་པའི་གྲྭ་བསྟན་འཛིན་རྡོ་རྗེ་ཞུ་བ་ཞིག་གིས་ཉེན་རྟོག་པས་དམ་དྲག་ལྟ་རྟོག་ནན་པོ་དང་སུན་གརྩེར་ཚད་མེད་བྱས་པའི་རྐྱེན་གྱིས་རང་སྲོག་བཅད་པའི་གནས་ཚུལ་ཐོན་འདུག

Tenzin Dorjee Suicide
Picture Credit: TibetTimes

དེའང་སྔ་ལོའི་ཕྱི་ཟླ་ ༥ པའི་ནང་གྲྭ་བསྟན་འཛིན་རྡོ་རྗེ་ལགས་ཀྱིས་ས་གནས་ཡུལ་མི་རྣམས་ལ་བོད་མིའི་བླ་ན་མེད་པའི་དབུ་འཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་གིས་ལྗགས་རྩོམ་མཛད་པའི་གསུང་ཆོས་སྐོར་གོ་རྟོགས་དང་འགྲེལ་བརྗོད་གནང་བའི་རྐྱེན་གྱིས་རྒྱ་གཞུང་ཉེན་རྟོག་པས་འཛིན་བཟུང་དང་འབྲེལ་ཉིན་ཤས་དོ་དམ་བཀག་ཉར་ཁྲོད་དྲི་རྩད་དང་གཅར་རྡུང་ཤུགས་ཆེ་བཏང་རྗེས་གློད་བཀྲོལ་བཏང་ཡང་། ཉེན་རྟོག་པས་ཉིན་མཚན་མེད་པར་དམ་དྲག་ལྟ་རྟོག་ནན་པོ་དང་སུན་སྣང་ཤུགས་ཆེ་བཟོས་པའི་རྐྱེན་གྱིས་ཟླ་བ་སྔོན་མའི་ཕྱི་ཚེས་ ༢༥ ཉིན་རང་ཁྱིམ་དུ་རང་སྲོག་བཅད་ཡོད་པ་རེད་འདུག

བཙན་བྱོལ་དུ་གནས་བཞུགས་དེ་འབྲེལ་གནས་ཚུལ་ཡོང་ཁུངས་ཞིག་གིས་གསར་འགོད་པར་འགྲེལ་བརྗོད་གནང་བ་ལྟར་ན། ཤེལ་དཀར་དགོན་པའི་རྒན་བསྟན་འཛིན་རྗོ་རྗེ་ལགས་ནི་རྒྱུན་དུ་༸གོང་ས་༸སྐྱབས་མགོན་ཆེན་པོ་མཆོག་གི་གསུང་རྩོམ་དང་བཀའ་སློབ་ཁག་ཡུལ་མི་རྣམས་ལ་ངོ་སྤྲོད་དང་འགྲེལ་བརྗོད་གནང་རྒྱུ་དགའ་པོ་ཡོད་མཁན་ཞིག་རེད་འདུག

སྔ་ལོའི་ཕྱི་ཟླ་ ༥ པ་ཙམ་ལ་ཁོང་འཛིན་བཟུང་བཀག་ཉར་འོག་མི་སྤྱོད་ལས་འདས་པའི་ཉེས་རྡུང་ཚད་མེད་བཏང་སྟེ་བཙོན་ཁང་ནས་གློད་བཀྲོལ་བཏང་རྗེས། ཉེན་རྟོག་པས་ཁོང་གི་འགྲོ་འདུག་སྤྱོད་གསུམ་ལ་དམ་དྲག་དང་། ལྷག་པར་དུ་ཆོས་འབྲེལ་སོགས་ཀྱི་ཆོས་ཕྱོགས་ཀྱི་བྱ་བ་རིགས་སྤེལ་རྒྱུ་སྟངས་འཛིན་ནན་པོ་བྱས་སྟབས་ཁོང་གིས་དམ་དྲག་འདི་ལ་བཟོད་དུ་མེད་པའི་སུན་སྣང་སྐྱེས་ནས་མཐའ་མར་རང་སྲོག་བཅད་ཡོད་པའི་འགྲེལ་བརྗོད་གནང་སོང་།

མ་ཟད་གྲྭ་བསྟན་འཛིན་ལགས་ཀྱིས་རང་སྲོག་བཅད་པའི་གནས་ཚུལ་འདི་ཁོང་གི་ཨ་མས་ཤེས་རྟོགས་བྱུང་རྗེས་ཨ་མ་སེམས་སྡུག་རྐྱེན་གྱིས་ད་ལྟའི་ཆར་ལྷ་སའི་སྨན་ཁང་ཞིག་གི་ནང་སེམས་ནད་བཅོས་བཞིན་ཡོད་པ་རེད་འདུག

གཞི་རྩའི་གྲྭ་བསྟན་འཛིན་རྡོ་རྗེ་ལགས་ཀྱི་ཕ་ངག་དབང་རྗེ་རྗེ་དང་མ་ལྷ་མོ་ནོར་སྐྱིད་གཉིས་ལ་བུ་ཕྲུག་ ༨ ཡོད་པའི་ནང་ནས་ཁོང་ཆུང་ཤོས་དེ་ཡིན་འདུག

འབྲེལ་ཡོད་གསར་གནས།

གསར་གནས།