Tibetan Royal Year of 2151 | Year of the Wood Dragon

ཏོག་དབྱིབས་རིམས་ནད་སྐོར་ཕྱོགས་ཡོངས་ནས་རྫུན་གཏམ་འཆད་བཞིན་པ།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

ཨ་རིའི་གྲོས་ཚོགས་འཐུས་མིས་རྒྱ་གཞུང་གིས་རིམས་ནད་སྐོར་རྫུན་གཏམ་འཆད་བཞིན་པ་དང་ཚན་རིག་གནས་ཚུལ་སྤེལ་བའི་བརྒྱུད་ལམ་ཐོག་ལོ་གཅིག་གི་གོང་ནས་རིམས་ནད་ཀྱི་སྔོན་བརྡ་བཏང་ཡོད་པ་སོགས་ཀྱི་གནས་ཚུལ་དང་འབྲེལ། དྲྭ་རྒྱའི་མི་སྣ་མང་དག་ཅིག་ནས་དེ་སྔ་ ༢༠༡༨ ལོར་རྒྱ་ནག་གི་དམག་དོན་ཚན་རིག་པ་ཟུར་པ་ Chen Hu ཟེར་བས་རྒྱ་ནག་གི་བརྒྱུད་ལམ་ཐོག་རྒྱ་ནག་ནས་དེ་སྔ་ཁྱབ་གདལ་བྱུང་བའི་ MERS དང་ SARS  ཡི་ནད་དུག་རྣམས་གྱི་སྨན་སྦྱོར་བྱས་ནས་ཆེས་ཉེན་ཚབས་ཆེ་བའི་སྐྱེས་ལྡན་རྫས་སྦྱོར་གྱི་མཚོན་ཆ་བསྐྲུན་ཐུབ་ངེས་ཡིན་སྐོར་བཤད་པའི་བརྙན་པར་དེ་ཡང་ཤུགས་ཆེར་བརྒྱུད་བསྒྲགས་བྱེད་བཞིན་པ་རེད།

དེའི་ཁྲོད་ཉེ་ཆར་ Wuhan གྲོང་ཁྱེར་མང་ཚོགས་ཁྲོད་དཀའ་སྡུག་མྱོང་བཞིན་པའི་རྒྱ་རིགས་བེུད་ཅིག་གིས་བརྙན་ཞིག་ཡོངས་བསྒྲགས་གནང་འདུག་པར་རྒྱ་ནག་དམར་ཤོག་ཚོགས་པས་འཆར་གཞི་དང་ངན་ཇུས་ལྡན་ཐོག་རིམས་ནད་དེ་བཏང་བ་ཞིག་ཡིན་པ་དང་ངལ་བ་དེ་དག་དངོས་སུ་མྱོང་མཁན་དེ་མི་སེར་དཀྱུས་མ་ཡིན་པར་མ་ཟད། ད་ལྟའི་ཆར་ཁོང་རྣམས་ལ་སྨན་བཅོས་འཐུས་སྒོ་ཚང་བ་ཅིག་ཀྱང་ཐོབ་ཀྱི་མེད་སྟབས་ཕ་མ་ཚོས་རང་ཁྱིམ་དུ་ཤི་སྒུག་བྱས་ནས་བསྡད་ཡོད་པ་གསུངས་འདུག

ཁོང་གིས་ཧོང་ཀོང་དང་ཐེ་ཝན། དེ་བཞིན་བོད་མིའི་རང་བཙན་གྱི་འཐབ་རྩོད་ལ་རྒྱབ་སྐྱོར་ཞུ་རྒྱུ་ཡིན་པ་དང་། རྒྱ་ནག་དམར་ཤོག་ཚོགས་པའི་སྲིད་དབང་འོག   གང་ཟག་སུ་འདྲ་ཞིག་ཡིན་རུང་རང་དབང་ཐོག་བཀའ་མོལ་གནང་རྒྱུའི་ཐོབ་ཐང་མེད་པ་དང་། དངོས་ཡོད་གནས་ཚུལ་བཤད་མཁན་རྣམས་ཉེན་རྟོག་པས་འཛིན་བཟུང་བྱེད་བཞིན་ཡོད་པ། ཁྲིམས་རྩོད་པ་རྣམས་ཀྱང་འཛིན་བཟུང་གིས་བཀག་ཉར་བྱེད་མུས་ཡིན་པ་དང་། ལྷག་དོན་བཀའ་མོལ་གནང་འདོད་ཡོད་ཀྱང་དེ་ལྟར་གོ་སྐབས་མེད་པ་སོགས་འགྲེལ་བརྗོད་གནང་འདུག

ད་ཆ་བཟོད་སྲན་བྱེད་ཐབས་བྲལ་སོང་ཝུ་ཧན་ནང་སྨན་མེད་པ་དང་སྨན་ཁང་ནང་ཉལ་ཁྲི་མི་འདུག CCTV བརྒྱུད་ལམ་ཐོག་བསྟན་པ་ཚང་མ་རྫུན་མ་རེད། མི་དཀྱུས་མ་ཚོའི་དཀའ་སྡུག་དང་འབོད་སྒྲ་ངས་མཐོང་སོང་ཞེས་ཚོར་ཤུགས་ཆེན་པོས་གསུངས་འདུག

རྩ་བའི་འདི་ལོ་ཕྱི་ཟླ་ ༡༢ ནང་ཝུ་ཧན་དུ་ཏོག་དབྱིབས་ནད་དུག་ཁྱབ་བརྡལ་བྱུང་བ་ནས་བཟུང་རྒྱ་གཞུང་གིས་སྨན་པ་Li Wenliang ལགས་དམ་པ་དེ་ཉིད་ཀྱིས་གཙོས་པའི་དེའི་སྐོར་དངོས་ཡོད་གནས་ཚུལ་གསུང་མཁན་རྣམས་འཛིན་བཟུང་བཀག་ཉར་དང་སུན་གཙེར་བཟོ་བ་དང། གར་སོང་ཆ་མེད་དུ་བཏང་བ་སོགས་ཀྱི་གནས་ཚུལ་རིམ་པ་ཐོན་ཡོད་སྟབས། ད་ཆ་ཝུ་ཧན་གྱི་བེུད་དེས་ས་གནས་ཀྱི་དངོས་ཡོད་གནས་ཚུལ་གསུངས་པར་བརྟེན་རྒྱ་གཞུང་ནས་འཛིན་བཟུང་བྱེད་སྲིད་པའི་ཉེན་ཁ་ཆེན་པོ་ཆགས་ཡོད་སྟབས། དྲྭ་རྒྱའི་ཐོག་ཁོང་མོའི་བདེ་འཇགས་ཐོག་སྲུང་སྐྱོབ་གནང་དགོས་གལ་ཡིན་སྐོར་གསུང་མཁན་མང་དག་ཅིག་འདུག

རྩ་བའི་ད་བར་རྒྱ་ནག་རྒྱལ་ཡོངས་གཙོས་པའི་རྒྱལ་སྤྱི་ཁྱོན་ཡོངས་སུ་རིམས་ནད་དེ་འགོས་ཁྱབ་ཤུགས་ཆེར་བྱུང་བཞིན་པའི་ཁྲོད་ད་བར་མི་བདུན་ཁྲི་ཆིག་སྟོང་ལྷག་ལ་ནད་གཞི་དེ་ཕོག་ཡོད་པ་དང་མི་ ༡༧༠༠ ལྷག་རྐྱེན་འདས་སུ་ཕྱིན་ཡོད་པ་རེད། དེའི་ཁྲོད་འཛམ་གླིང་རྒྱལ་ཁབ་འདྲ་མིན་ ༢༠ ལྷག་ནང་རིམས་ནད་དེ་འགོས་ཁྱབ་བྱུང་ཡོད་པ་ལྟར་ Philippines དང་ཧོང་ཀོང་། ཉི་ཧོང་། ཐེ་ཝན། དེ་བཞིན་ཕ་རན་སི་བཅས་ཀྱི་ནང་མི་གྲོངས་པའི་གནས་ཚུལ་ཡང་བྱུང་ཡོད་པ་རེད།

འབྲེལ་ཡོད་གསར་གནས།

གསར་གནས།