ཟླ་འདིའི་ཕྱི་ཚེས་ ༡༧ ཉིན་ཨ་མདོ་ཞོན་ཧྭ་བིས་མདོ་ནས་ཡིན་པའི་རྒྱལ་གཅེས་པ་གྲྭ་ཐུབ་བསྟན་བརྩོན་འགྲུས་ལགས་རྒྱ་གཞུང་གི་བཙོན་ཁང་ནས་ལོ་གསུམ་གྱི་ཁྲིམས་ཆད་དུས་ཚང་ཐོག་བཙོན་ནས་གློད་བཀྲོལ་ཐོབ་འདུག
ཁོང་ནི་རྒྱ་གཞུང་གིས་བོད་ནང་རང་ལུས་མེར་བསྲེགས་གནང་མཁན་ཚོར་གདུང་སེམས་མཉམ་བསྐྱེད་ཞུ་བའི་ལས་འགུལ་ཐོག་འགན་འཁུར་བླངས་པའི་ཉེས་མིང་འོག་ལོ་ངོ་གསུམ་རིང་དུས་བཀག་བཙོན་འཇུག་བྱས་ཡོད་པ་དང། ཁོང་རྒྱ་གཞུང་གི་བཙོན་ནས་ལོ་གསུམ་གྱི་བཙོན་འཇུག་དུས་བཀག་ཚང་ཟིན་རྗེས་རང་གི་ཕ་ཡུལ་ཕྱིར་ཕེབས་པའི་སྐབས་དེར་སེར་སྐྱ་མི་མང་རྣམས་མཇལ་དར་སྒྲོན་འབུལ་གྱིས་ཕེབས་བསུ་ཞུས་འདུག
