ཏོག་དབྱིབས་ནད་ཡམས་དེ་རྒྱ་ནག་ཝུ་ཧན་གྲོང་ཁྱེར་ནས་ཆེས་ཐོག་མར་མཆེད་པའི་རྗེས་སུ་འཛམ་གླིང་རྒྱལ་ཁབ་རྣམས་ལས་ཁྱབ་གདལ་ཤུགས་ཆེ་ཤོས་ཕོག་ཡུལ་ཡོ་རོབ་རྒྱལ་ཁབ་ཨི་ཊ་ལི་ཆགས་ཡོད་ཅིང་། ད་བར་ཟླ་བ་གཉིས་མན་ཙམ་ནང་ཨི་ཊ་ལི་ནང་མི་གྲངས་ ༡༦༨༩༤༡ ལ་ཏོག་དབྱིབས་ནད་ཡམས་ཕོག་པའི་གནས་ཚུལ་བྱུང་བ་མ་ཟད་གཉན་རིམས་རྐྱེན་པས་མི་གྲངས་ ༢༢༡༧༠ འདས་གྲོངས་ཕྱིན་ཡོད་པ་དང་དེ་བཞིན་དྲག་སྐྱེད་བྱུང་བ་ ༤༠༡༦༤ ལྷག་ཆགས་ཀྱི་འདུག
ད་ཆ་ཨི་ཊ་ལི་རྒྱལ་ཁབ་འདི་འཛམ་གླིང་ནང་ཏོག་དབྱིབས་ནད་ཡམས་མང་ཤོས་ཕོག་ཡུལ་རྒྱལ་ཁབ་ཨང་གསུམ་པ་དེ་ཆགས་ཀྱི་ཡོད་སྟབས། རླུང་འཕྲིན་ཁང་གིས་ནད་ཡམས་ཁྱབ་གདལ་ཆེས་ཆེར་འགྲོ་རྐྱེན་ཛ་དྲག་གནས་སུ་འགྱུར་བཞིན་པའི་དུས་སྐབས་འདིར་ཨི་ཊ་ལི་ནང་གནས་སྡོད་བོད་མི་ཚོའི་གནས་སྟངས་ཇི་ཆགས་སྐོར་ལ་ས་གནས་བོད་རིགས་ཚོགས་པའི་ཚོགས་གཙོ་རྣམ་རྒྱལ་བཟོད་པ་ལགས་སུ་བཅར་འདྲི་ཁག་ཅིག་ཞུས་ཡོད།
