བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་དེ་སྔོན་བོད་ས་མ་ཤོར་གོང་བོད་དུ་ཡོད་པའི་བལ་ཡུལ་གཞུང་ཚབ་པ་སྐུ་ཞབས་དམ་པ་ Bakhat Bahadur khrati Chhetri ལགས་ཀྱི་བུ་མོ་ Basundhara Lama ལགས་དང་ཁོང་གི་ནང་མི་རྣམས་ལ་མཇལ་ཁ་སྩལ་འདུག
དེ་རིང་ཕྱི་ཚེས་ ༢༢ ཉིན་གྱི་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་གིས་༸བཞུགས་སྒར་རྒྱལ་བའི་ཕོ་བྲང་དུ་ Basundhara Lama ལགས་དང་ཁོང་གི་ནང་མིར་མཇལ་ཁ་བཀའ་དྲིན་སྩལ་བ་དང་འབྲེལ། སྐབས་དེར་ Basundhara Lama ལགས་ཀྱིས་དེ་སྔ་ཁོང་གི་ཡབ་དམ་པ་ Bakhat Bahadur khrati Chhetri ལགས་བོད་ནང་ཡོད་སྐབས་ཀྱི་པར་ཞིག་མགོན་པོ་༸གང་ཉིད་མཆོག་ལ་སྤྱན་འབུལ་དང་སྦྲགས། དེ་སྔ་ཁོང་བོད་ཀྱི་རྒྱལ་ས་ལྷ་སར་བཞུགས་སྐབས་ཀྱི་དུས་ཚིགས་ཁག་ཅིག་དྲན་གསོ་གནང་འདུག
སྐབས་དེར་༸གོང་ས་མཆོག་གིས་ཐུགས་བརྩེ་བ་ཆེན་པས་ཁོང་གི་ནང་མི་རྣམས་ལ་སྔགས་ཆུ་གསོལ་སྩལ་དང་འབྲེལ། ཚེ་རབས་ནས་ཚེ་རབས་འཕགས་པ་སྤྱར་རས་གཟིགས་ཀྱི་རྗེས་སུ་བཟུང་ངེས་ཡིན་པ་བློ་བདེ་པོ་བྱོས་ཞེས་བཀའ་སྩལ་འདུག
རྩ་བའི་ Basundhara Lama ལགས་ནི་སྤྱི་ལོ་ ༡༩༤༢ ལོར་ཁོང་གི་ཡབ་དམ་པ་ ལགས་བོད་ནང་བལ་ཡུལ་གཞུང་ཚབ་པའི་ཐུགས་འགན་བཞེས་བཞིན་པའི་སྐབས་སྐྱེས་ཏེ་བོད་ནང་ལོ་ངོ་ ༢༠ ཙམ་བཞུགས་ཡོད་པ་དང་། ད་ལྟའི་ཆར་ ཁོང་དགུང་ལོ་ ༨༢ ཡིན་པ་རེད།
