Tibetan Royal Year of 2151 | Year of the Wood Dragon

བསྟན་འཛིན་ཉི་མ་ལགས་ལ་རྒྱ་ནག་རྒྱལ་ཡོངས་ཀྱི་སྐད་སྙན་འགྲན་བསྡུར་ཁྲོད་ཨང་དང་པོའི་བྱ་དགའ་ཐོབ་པ།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

ཕྱི་ལོ་ ༢༠༡༨ ལོའི་རྒྱ་ནག་རྒྱལ་ཡོངས་སྐད་སྙན་འགྲན་བསྡུར་ནང་བོད་རིགས་གླུ་བ་བསྟན་འཛིན་ཉི་མ་ལགས་ལ་ཨང་དང་པོའི་གསེར་གྱི་རྟགས་མ་ཐོབ་འདུག

དེའང་འདི་ལོའི་ sing china ཞེས་རྒྱ་ནག་རྒྱལ་ཡོངས་གླུ་སྐད་སྙན་མོའི་འགྲན་བསྡུར་དེ་ལོ་འདིའི་ཕྱི་ཟླ་ ༧ ཚེས་ ༡༣ ཉིན་དབུ་འཛུགས་གནང་ཡོད་པ་དང། ཁ་སང་ཟླ་ ༡༠ ཚེས་ ༧ གྱི་ཕྱི་དྲོ་རྒྱ་ནག་གི་རྒྱལ་ས་པེ་ཅིང་དུ་ཚོགས་པའི་ཆེས་མཐའ་མའི་འགྲན་བསྡུར་ཐོག་རྩེ་ཕུད་མི་འགྲོ་ལྔའི་ཁོངས་སུ་འབྲུག་བྱམས་ཚེ་རིང་ལགས་དང་བསྟན་འཛིན་ཉི་མ་ལགས་བཅས་བོད་མི་གཉིས་ཚུད་ཐུབ་པ་བྱུང་བ་མ་ཟད། བསྟན་འཛིན་ཉི་མ་ལགས་ནས་སྐབས་དེར་བོད་གཞས་དང་དར་ཆེ་བའི་རོལ་དབྱངས་གཉིས་ཟུང་དུ་སྦྲེལ་བའི་ཐོག་ནས་གླུ་གཞས་བླངས་ཏེ་ཐེངས་འདིའི་འགྲན་བསྡུར་གྱི་ཨང་དང་པོའི་གསེར་གྱི་རྟགས་མ་བླངས་ཡོད་པ་རེད་འདུགབོད་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ནས་ཡིན་པའི་བསྟན་འཛིན་ཉི་མ་ལགས་ནས་རྟགས་མ་བཞེས་སྐབས་རང་མི་རིགས་ཀྱི་གླུ་གཞས་དེ་འཛམ་གླིང་ཐོག་གི་གླུ་གཞས་ཉན་མཁན་རྣམས་ལ་བླངས་འདོད་ཡོད་པ་དང་། རང་མི་རིགས་ཀྱི་ཐུན་མིན་གླུ་གཞས་དང་དར་ཆེའི་གླུ་གཞས་གཉིས་ཟུང་སྦྲེལ་ཐོག་ཉན་མཁན་དག་ལ་སྔར་ལས་བོད་ཀྱི་ཁྱད་ཆོས་ལྡན་པའི་རོལ་དབྱངས་ལ་གསན་བཅུག་རྒྱུའི་འདུན་པ་ཤུགས་ཆེ་ཡོད་སྐོར་གསུངས་འདུགརྩ་བའི་བསྟན་འཛིན་ཉི་མ་ལགས་ནི་མཚོ་སྔོན་མི་རིགས་སློབ་ཆེན་གྱི་དགེ་རྒན་ཡིན་པ་དང་། ཁོང་གིས་རང་ཉིད་ནས་རོལ་དབྱངས་གི་ཕུགས་འདུན་མ་དོར་བར་དུས་ཡུན་ལོ་ཕྱེད་རིང་འབད་པ་ལྷོད་མེད་གནང་བའི་མཐར་རྒྱ་ནག་རྒྱལ་ཡོངས་སྐད་སྙན་འགྲན་བསྡུར་ཁྲོད་ཨང་དང་པོའི་བྱ་དགའ་བསླངས་བ་ཞིག་ཡིན་པ་རེད། sing China ཞེས་པའི་རྒྱ་ནག་གི་གླུ་སྐད་སྙན་མོའི་འགྲན་སྡུར་དེའི་ཐོག་སྔ་ལོར་ཡང་བོད་གཞིས་ཀ་རྩེ་ནས་ཡིན་པའི་གཞས་པ་བཀྲིས་ཕུན་ཚོགས་ལགས་ཀྱིས་ཨང་དང་པོ་བྱ་དགའ་བསླངས་ནས་བོད་ཕྱི་ནང་གཉིས་ཀྱི་བོད་མི་ཚོས་དགའ་བསུ་ཆེན་པོ་ཞུས་ཡོད་པ་མ་ཟད། ཁོང་གིས་སྐབས་དེར་བླངས་བའི་ཨ་མའི་ཕྱག་ཟུང་ཞེས་པའི་གླུ་གཞས་དེར་བོད་གཞིས་བྱེས་གཉིས་ཀྱི་བོད་མིའི་ཁྲོད་ནས་དགའ་མོས་ཆེན་པོ་གནང་དང་གནང་བཞིན་ཡོད་པ་རེད།

འབྲེལ་ཡོད་གསར་གནས།

གསར་གནས།