Tibetan Royal Year of 2151 | Year of the Wood Dragon

བུད་མེད་རྩུབ་སྤྱོད་འགོག་ཐབས་ཀྱི་རོལ་དབྱངས་འདུ་འཛོམས་ཐོག་བོད་ནང་གི་གནས་སྟངས་སྐོར་གསུངས་པ།

Tibetan News Headlines

  • Organic Research and Training Centre: Inculcating sustainable farming with modern approach among Tibetans in exile

རེས་གཟའ་ཉི་མ། ༢༠༢༤།༠༧།༡༤

  • སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་སྦྱོང་བརྡར་ཁང་གི་སྐོར་གླེང་མོལ།

ཁ་སང་ཕྱི་ཟླ་ ༢ ཚེས་ ༡༤ ཉིན་བཞུགས་སྒར་ས་གནས་གཞུང་གི་མཐོ་སློབ་ཀྱི་ཚོགས་ཁང་དུ་ Jagori Rural Charitable Trust ཞེས་པའི་གཞུང་ཁོངས་མིན་པའི་ཚོགས་པས་ One Billion Rising ཞེས་པའི་ལས་འགུལ་གྱི་ཆ་ཤས་འོག་བུད་མེད་ལ་རྩུབ་སྤྱོད་འགོག་ཐབས་ཀྱི་རོལ་དབྱངས་འདུ་འཛོམས་ཀྱི་མཛད་སྒོ་ཞིག་ཚོགས་ཡོད་པ་རེད།
སྐབས་དེའི་བུད་མེད་ལ་རྩུབ་སྤྱོད་འགོག་ཐབས་ཀྱི་རོལ་དབྱངས་མཛད་སྒོར་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གདན་ཞུ་ཕུལ་འདུག
རྩ་བའི་ One Billion Rising ཞེས་པའི་ལས་འགུལ་དེ་ནི་ཨ་རིའི་བེུད་ཀྱི་ཐོབ་ཐང་རྩོད་ལེན་པ་ Eve Ensler ལགས་ཀྱིས་ཕྱི་ལོ་ ༢༠༡༢ ལོའི་ཕྱི་ཟླ་ ༢ ཚེས་ ༡༤ ཉིན་ Valentines འམ་དགའ་རོགས་ཉིན་མོར་བརྩི་སྲུང་ཞུས་པ་ཞིག་ཡིན་པ་དང་། དེ་ནི་གཙོ་བོ་ནི་བེུད་ཐོག་རྩུབ་སྤྱོད་འགོག་ཐབས་ལ་དམིགས་ཏེ་དབུ་འཛུགས་གནང་བ་ཞིག་ཡིན་པ་རེད།
བཞུགས་སྒར་དྷརྨ་སཱ་ལཱར་གོ་སྒྲིག་གནང་བའི་བུད་མེད་ལ་རྩུབ་སྤྱོད་འགོག་ཐབས་ཀྱི་རོལ་དབྱངས་མཛད་སྒོའི་ཐོག་མཐོ་སློབ་དང་སློབ་གྲྭར་སློབ་གཉེར་གནང་བཞིན་པའི་གཞོན་སྐྱེས་མང་དག་ཅིག་འདུ་འཛོམས་བྱུང་ཡོད་པའི་ཁྲོད་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དང་ཀངྒ་རའི་རྫོང་དཔོན་གཞོན་པ་དང་ཉེན་རྟོག་སྤྱི་ཁྱབ། དེ་བཞིན་དྷ་ས་ས་གནས་འགོ་འཛིན་དཀོན་མཆོག་མིག་དམར་ལགས་བཅས་དབུས་ས་གནས་ཀྱི་གནད་ཡོད་མི་སྣ་ཁག་གཅིག་ཆེད་ཕེབས་གནང་འདུག
བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་མཆོག་གིས་སྐབས་དེར་རྒྱ་ནག་གཞུང་གིས་བོད་ས་བཙན་བཟུང་བྱས་ཏེ་ད་ལྟའི་ཆར་བོད་པའི་ཕྲུ་གུ་ས་ཡ་གཅིག་ཙམ་རང་གི་ཕ་མ་དང་ཁ་བྲལ་བཏང་ནས་མི་སེར་སྤེལ་ཡུལ་གྱི་གཏན་འཇགས་སློབ་གྲྭ་ཁག་ཏུ་བཙན་དབང་གིས་བཏང་བའི་ཁར་ཆབ་སྲིད་ཀྱི་སློབ་གསོ་སྤྲོད་བཞིན་ཡོད་པ་མ་ཟད། ཆབ་སྲིད་ཀྱི་སློབ་གསོ་བརྒྱུད་ནས་བོད་མིའི་ངོ་བོ་མཚོན་པའི་ཆོས་དང་རིག་གཞུང་། སྐད་ཡིག ཡུལ་གོམས་གཤིས་ལུགས་སོགས་རྩ་གཏོར་དུ་བཏང་སྟེ་བོད་མིའི་རིག་གཞུང་དང་ཡུལ་སྲོལ་གོམས་གཤིས་སོགས་ཧན་མི་རིགས་ཀྱི་རིག་གཞུང་ཅན་དུ་སྒྱུར་བཞིན་ཡོད་པར་ངོ་སྤྲོད་གནང་འདུག
དེ་བཞིན་བཀའ་བློན་མཆོག་གིས་ས་གནས་ཀྱི་གཞུང་འབྲེལ་མིན་པའི་ཚོགས་པས་སྤྱི་ཚོགས་ཡར་རྒྱས་དང་བཟང་པོའི་ཕྱོགས་སུ་བསྐྱོད་ཐབས་ཀྱི་ལས་གཞིར་ཡི་རངས་བསྔགས་བརྗོད་གནང་བ་དང་ཆབས་ཅིག གཞོན་སྐྱེས་ཚོ་དང་ལྷག་དོན་སྐབས་དེར་འཛོམས་པའི་བྱིས་པ་རྣམས་ལ་རྩུབ་སྤྱོད་འགོག་ཐབས་དང་རང་དབང་། དེ་བཞིན་ཐོབ་ཐང་སོགས་ཀྱི་སྐོར་ལ་ད་ལྟ་ནས་སློབ་གསོ་སྤྲོད་གནད་ཆགས་ཡོད་པ་གསུངསའདུག
རོལ་དབྱངས་འདུ་འཛོམས་དེའི་ཐོག་བོད་ཀྱི་ཟློས་གར་ཚོགས་པས་ཀྱང་མཉམ་ཞུགས་གནང་སྟེ་བོད་ཀྱི་ཐུན་མིན་རྐང་བྲོ་གླུ་གཞས་གཟིགས་འབུལ་ཞུས་འདུག པར་གྱི་བདག་དབང་བོད་མིའི་སྒྲིག་འཛུགས།

འབྲེལ་ཡོད་གསར་གནས།

གསར་གནས།