Tibetan Royal Year of 2151 | Year of the Wood Dragon

བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་མིའི་གཞུང་ཚབ་ཏུ་རྒོལ་མཆོང་།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

དེ་རིང་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༦༢ པའི་ཐོག  འཛམ་གླིང་ས་ཕྱོགས་གང་སར་གནས་པའི་བོད་མི་ཚོས་བོད་དོན་གྱི་ལས་འགུལ་རྣམ་པ་འདྲ་མིན་ཐོག་ནས་སྤེལ་བཞིན་པ་ལྟར།   བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་རྒྱ་གར་རྒྱལ་ས་ལྡི་ལིའི་རྒྱ་མིའི་གཞུང་ཚབ་ཏུ་རྒོལ་མཆོང་གི་ལས་འགུལཞིག་སྤེལ་འདུགདེ་ཡང་དེ་རིང་སྔ་དྲོའི་ཆུ་ཚོད་ ༡༡ ཙམ་ལ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་བློ་བཟང་ཚེ་རིང་གི་སྣེ་ཁྲིད་གནང་སྟེ་བེུད་གྲངས་བཞི་དང་། སྐྱེས་པ་མི་གྲངས་ ༤༦ བཅས་ཁྱོན་ལས་འགུལ་བ་མི་གྲངས་ ༥༠ ཐམ་པས་རྒྱལ་ས་ལྡིའི་རྒྱ་མིའི་གཞུང་ཚབ་མདུན་དུ་།   བོད་ཀྱི་རྒྱལ་དར་དང་།   འབོད་ཚིག་སྣ་ཚོགས་འཁོད་པའི་སྦྱར་ཡིག་མཉམ་ཁྱེར་དང་འབྲེལ་སོ་སོའི་ངོ་གདོང་ལ་བོད་ཀྱི་རྒྱལ་དར་དང་འབོད་ཚིག་བཅས་བྲིས་ཏེ།   བོད་ལ་རང་བཙན་དགོས་པ་དང་།    རྒྱ་མི་བོད་ནས་ཕྱིར་སྐྲོལ་བྱེད་དགོས་པ་སོགས་ཀྱི་སྐད་འབོད་དང་སྦྲགས།   གཞུང་ཚབ་ཕྱོགས་སུ་རྒོལ་མཆོང་བྱས་འདུག  སྡེ་ཚན་གཉིས་བྱས་ཏེ་རྒྱ་མིའི་གཞུང་ཚབ་ཏུ་ཆུ་ཚོད་ཕྱེད་ཀ་ཙམ་ལ་ངོ་རྒོལ་སྐད་འབོད་དང་།  རྒྱལ་སྤྱིའི་གསར་འགོད་པ་ཚོར་བོད་ནང་གི་དཀའ་སྡུག་སྐོར་ཞུ་འབོད་སོགས་བྱས་པའི་རྗེས། ས་གནས་སུ་སྔ་ས་ནས་སྐོར་སྲུང་བ་ཕོན་ཆེན་ཞིག་འགྲེམས་འཇོག་གནང་འདུག་པས།    ལས་འགུལ་བ་རྣམས་Mandir Marg ས་གནས་སྐོར་སྲུང་ལས་ཁུངས་ནང་བཀག་སྐྱིལ་བྱས་ཡོད་པ་རེད་།  དབུས་བོད་ཀྱི་གཞོན་ནུ་ལྷན་ཚོགས་ཀྱི་དྲུང་ཆེ་བསོད་ནམས་ཚེ་རིང་ལགས་ཀྱི་གསུངས་དོན་བྱས་ན།  དེ་རིང་གི་ལས་འགུལ་དེའི་ནང་བདེ་སྐྱིད་གླིང་དང་།   སྤོན་ཏྲ།  སྤུར་ཝ་ལ།  སིམ་ལ།  ལྡི་ལི།  ཧར་སྤེ་སྤུར་བཅས་ས་གནས་ཁག་དྲུག་ནས་ལས་འགུལ་བ་མི་གྲངས་ལྔ་བཅུ་ཡོད་པ་དང་།   དེ་ཡང་མི་གྲངས་ལྔ་བཅུ་འཇོག་དགོས་དོན་དེ་བོད་ཀྱི་གཞོན་ནུ་ལྷན་ཚོགས་དབུ་འཛུགས་ཏེ་ལོ་གྲངས་ ༥༠ འཁོར་བའི་གྲངས་ཀའི་རང་བཞིན་གྱི་མཚོན་དོན་ཞིག་དང་།  གཉིས་ནས་ད་རེས་གནས་སྟངས་ཀྱི་ཆ་ནས་རྒྱ་ནག་ནས་མཆེད་པའི་ཏོག་དབྱིབས་ནད་ཡམས་དེའི་རྐྱེན་གྱིས་གྲངས་ཚད་ལ་ཚད་བཀག་བྱས་པ་སོགས་ཀྱི་འགྲེལ་བརྗོད་དང་སྦྲགས།   རྒྱ་ནག་གིས་བོད་ལ་བཙན་འཛུལ་བྱས་ཏེ་བོད་མི་ས་ཡ་གཅིག་ལྷག་དམར་གསོད་བཏང་བ་དང་།   དགོན་སྡེ་ཁག་དྲུག་སྟོང་ལྷག་གཏོར་བཅོམ་བྱས་པ་མ་ཟད།   བོད་ནང་ད་དུང་ཡང་བོད་མི་ཚོ་གནས་སྟངས་ཛ་དྲག་འོག་གནས་ཡོད་པར་ལྟོས་མེད།   སོ་སོའི་རྒྱལ་ཁབ་དང་མི་རིགས་ཀྱི་ཆེད་དུ་བོད་ནང་གི་བོད་མི་ཚོའི་སྙིང་སྟོབས་ཞུམ་པ་མེད་པར་གནས་ཡོད་སྟབས་།   བོད་ཀྱི་གཞོན་ནུ་ལྷན་ཚོགས་ཀྱི་གཙོས་པའི་བོད་པའི་ཚོགས་པ་ཁག་ནས་བོད་ལ་རང་བཙན་མ་བྱུང་གི་བར་འཐབ་རྩོད་ཀྱི་ལས་འགུལ་མུ་མཐུད་སྤེལ་རྒྱུ་ཡིན་ཞེས་སོགས་གསུང་འདུག

འབྲེལ་ཡོད་གསར་གནས།

གསར་གནས།