fbpx

Tibetan Royal Year of 2150 | Year of the Water Rabbit

ལྷ་ཐོག་ལུང་པའི་ཡུལ་མིའི་ས་ཆ་བཙན་འཕྲོག་དང་གཏེར་ཁ་སྔོག་འདོན་བྱེད་བཞིན་འདུག

Tibetan News Headlines

  • བཞུགས་སྒར་དུ་༸རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲེན་ཐེངས་ ༢༨ པ་དབུ་འཛུགས།
  • མོན་གྷོ་འདོད་རྒུ་གླིང་གི་གཞིས་གྲོང་བཅུ་པ་ཕན་བདེ་གཞིས་གྲོང་དབུ་འབྱེད།
  • རྒྱ་གཞུང་ནས་གནམ་སྡེ་སྒོ་མོ་ཆེའི་མི་གསོད་ཁྲག་སྦྱོར་གྱི་དོན་རྐྱེན་ཐོག་འགན་ལེན་དགོས་པ།
  • རྒྱལ་ཚོགས་ཀྱི་ཆེད་མཁས་མི་སྣས་ Jimmy Lai གི་གནས་བབ་ཐད་ཐུགས་འཚབ་མངོན་གསལ།
  • ཁེ་ན་ཌའི་གྲོས་ཚོགས་འཐུས་མི་ཞིག་རྒྱ་ནག་གི་གཏན་འཇག་མིང་གཞུང་ནག་པོའི་ནང་ཡོད་པ་མངོན་གསལ།
  • གཞན་ཕན་ཁྱིམ་གསར་གྱི་གློག་བརྙན་ནང་ Nawazuddin མཉམ་ཞུགས་བྱ་རྒྱུ་ཡིན་འདུག

Thursday 01/06/2023

  • 28th GCM Football tournament begins in Dharamsala
  • CTA inaugurates new camp for Tibetans from Tibet in Mundgod
  • Right group urges China to acknowledge Tiananmen Massacre
  • UN experts express ‘grave concern’ over detention of Jimmy Lai in Hong Kong
  • Canadian MP under China evergreen blacklist, former Conservative leader targeted
  • Bollywood actor Nawazuddin teams up with Tibetan Director for ‘Karma’
(Visited 4 times, 1 visits today)

བོད་ནང་ཁམས་ལྷ་ཐོག་གཡུ་ལུང་ཟངས་གཏེར་རི་བོའི་མདུན་ནས་རྒྱ་ནག་གཞུང་གི་གཏེར་འདོན་ཚན་པས་ལོ་ངོ་བཅུ་ཙམ་སྔོན་ནས་ཟངས་དང་གསེར་ཞ་ཉེ་སོགས་ཀྱི་གཏེར་ཁ་རྒྱ་ཆེ་སྔོག་འདོན་བྱས་དང་བྱེད་བཞིན་ཡོད་པ་མ་ཟད་སླར་སྔ་ལོ་ཕྱི་ལོ་ ༢༠༡༧ ལོ་འགོ་ནས་བཟུང་གཡུ་ལུང་རི་བོའི་རྒྱབ་ཕྱོགས་སུའང་གཏེར་ཁ་ཡོད་པ་ཤེས་རྟོགས་བྱུང་ནས་གཡུ་ལུང་གི་ལ་རྒྱབ་ལ་ཆགས་པའི་(རྡོག་ནོར་མའི་)འབྲོག་པ་རྣམས་ཀྱི་ས་ཆ་ཕལ་ཆེ་བ་ ༢༠༡༧ ལོ་འགོ་ནས་རྒྱ་གཞུང་གིས་བཙན་འཕྲོག་བྱས་ཏེ་ལྕགས་ར་སྐོར་བ་མ་ཚད་ཡུལ་མི་ཚོས་ས་འདིར་དབྱར་རྩྭ་དགུན་འབུ་བརྐོ་མི་ཆོག་པ་དང་རྟ་ནོར་སྒོ་ཟོག་སོགས་འབྲོག་པའི་འཚོ་བ་དོར་ནས་གཞུང་ལམ་རྒྱུད་དུ་ཁང་པ་རྒྱག་དགོས་པར་བཙན་བཀའ་བཏང་འདུག ཡུལ་མི་དེ་དག་ལ་གུན་གསབ་ཕྲན་བུ་ཞིག་ལས་སྤྲད་མེད་པར་བརྟེན་ས་གནས་ཡུལ་མི་ཚོར་དཀའ་ངལ་ཆེན་པོ་འཕྲད་བཞིན་ཡོད་པ་རེད་འདུག

ཁམས་ལྷ་ཐོག་ལུང་པའི་གཡུ་ལུང་ཟངས་གཏེར་ནི། ཨེ་ཤ་ཡ་ཁྱོན་གྱི་གཏེར་ཁ་ཨང་གཉིས་པ་དང་རྒྱ་ནག་རྒྱལ་ཡོངས་ཀྱི་གཏེར་ཁ་ཨང་དང་པོ་དེ་ཡིན་པ་རྒྱ་ནག་གཞུང་འབྲེལ་དྲ་རྒྱ་ཁག་གི་ཐོག་ལ་དེ་ལྟར་བཀོད་ཡོད་པ་དང་། ལྷག་དོན་དེར་ཡོད་པ་ནི་ཟངས་གཏེར་ཡིན་ཅིང་ད་དུང་གསེར་དང་། གཡུ། ཞ་ཉེ། རྡོ་སོལ། ལྕགས་སོགས་ཕུན་སུམ་ཚོགས་པའི་གཏེར་ཁ་ཡོད་པ་རེད་འདུག

ལྷ་ཐོག་བོད་མི་འབྲོག་པ་ཚོར་དེ་སྔ་འཚོ་བའི་ཡོང་ཁུངས་གཙོ་བོ་ལོ་ལྟར་དབྱར་རྩ་དགུན་འབུ་བརྐོ་ནས་ལོ་རེར་མི་ཚང་རེར་དབྱར་རྩ་དགུན་འབུ་བརྐོ་བའི་ཡོང་འབབ་རྒྱ་མིའི་སྒོར་མོ་ཁྲི་ ༥༠ ནས་བརྒྱད་ཅུ་ཙམ་རག་གི་ཡོད་པ་རེད། ད་ཆ་འབྲོག་པ་ཚོར་དབྱར་རྩ་དགུན་འབུ་བརྐོ་བའི་ཡོང་འབབ་མེད་པ་ཆགས་པའི་ཁར་མི་རབས་ནས་མི་རབས་བར་བརྒྱུད་པའི་འབྲོག་པའི་འཚོ་རྟེན་ཡང་མེད་པ་ཆགས་ཡོད་པ་རེད། དེར་བརྟེན་ས་གནས་འབྲོག་པ་ཚོ་འབྲོག་པའི་འཚོ་བ་དོར་ཏེ་གྲོང་སྡེ་ཅན་དུ་འགྱུར་རྗེས་དེ་སྔ་ཁོ་ཚོར་རང་འཚོ་ཐུབ་པའི་ཤེས་ཡོན་དང་ཚོང་ལས་ལག་རྩལ་སོགས་ཀྱི་ཆ་རྐྱེན་མེད་སྟབས་འབྱུང་འགྱུར་ལོ་གཉིས་གསུམ་རྗེས་ཁོ་ཚོའི་འཚོ་བར་དཀའ་ངལ་ཆེན་པོ་འཕྲད་ངེས་ཡིན་པ་རེད་འདུག

ལྷག་པར་དུ་གཏེར་སྔོག་བྱེད་མཁན་དང་འབྲེལ་བའི་ཐོག་ནས་རྒྱ་མི་དུ་མ་ཞིག་ལུང་པ་དེར་ཡོང་ནས་ཏག་སེ་རྩེ་ས་དང་མཱ་ཅང་ཤོ་སྦག་རྒྱག་ས་སོགས་རྒྱན་རྩེད་ཁང་མང་པོ་གསར་དུ་བརྒྱབ་ནས་ཡུལ་དེའི་ན་གཞོན་རྣམས་རྒྱན་རྩེད་ཁང་ལ་བསླུ་བྲིད་བྱས་ཏེ་ཁོ་ཚོའི་ལག་ཏུ་ཡོད་པའི་སྒོར་མོ་ས་ཡ་དང་བྱེ་བ་མང་པོ་རྒྱ་ཡུལ་དུ་འཁྱེར་འགྲོ་བ་དང་། ད་དུང་གཏེར་ཁ་སྔོག་མཁན་དང་མཉམ་དུ་རྒྱ་མོ་གཞང་འཚོང་མ་མང་པོ་ཡོང་ནས་ནད་ངན་ཁྱབ་བརྡལ་གཏོང་བ་སོགས་སྣོད་བཅུད་གཉིས་ཀར་དཀའ་ངལ་ཆེན་པོ་བཟོ་བཞིན་ཡོད་པ་རེད་འདུག

ས་གནས་ཡུལ་མི་ཚོས་དེ་སྔོན་རྒྱ་ནག་གིས་གཏེར་ཁ་སྔོག་འདོན་བྱས་པ་ལ་བརྟེན་ཁོར་ཡུག་ལ་གཏོར་སྐྱོན་དང་ལྷག་དོན་མི་ཕྱུགས་ལ་ནད་ཡམས་བྱུང་ཡོད་པ་སོགས་ཞུས་ནས་གཞུང་ལ་ཞུ་གཏུག་ལན་མང་བྱས་ཀྱང་མང་ཚོགས་ཀྱི་རེ་འདུན་ལ་དོན་འབྲས་གང་ཡང་སོན་མེད་པ་རེད་འདུག

ཚོད་དཔག་བྱས་ན་གཏེར་ཁ་སྔོག་འདོན་བྱ་ཡུལ་ལྷ་ཐོག་གཡུ་ལུང་ཟངས་གཏེར་རི་བོའི་རྒྱབ་མདུན་གཉིས་ཁོ་ནར་ས་གནས་བོད་རིགས་འབྲོག་པ་ཁྱིམ་ཚང་ ༤༠༠ ནས་ ༥༠༠ བར་ཡོད་པ་དང་ཆ་སྙོམས་མི་གྲངས་ ༥༠༠༠ ཙམ་ཡོད་པ་རེད་འདུག

ཁམས་ལྷ་ཐོག་ལུང་པའི་ཆགས་བབ་དང་དབང་བསྒྱུར་ས་ཁོངས་ཐོག་ནས་བཤད་ན་དེ་ནི་སྡེ་དགེའི་ནུབ་ཕྱོགས་དང་ཆབ་མདོའི་ཤར་ཕྱོགས། ནང་ཆེན་གྱི་ལྷོ་ནུབ་ཕྱོགས་ཤིག་ལ་ཆགས་ཡོད་ཅིང་ལོ་རྒྱུས་ཐོག་བོད་ཀྱི་རྒྱལ་ཐོག་ ༣༣ པ་བཙན་པོོ་སྲོང་བཙན་སྒམ་པོོའི་སྐབ་ནས་ ༡༩༥༩ བར་ལྷ་ཐོག་རྒྱལ་པོ་དང་རྒྱལ་བརྒྱུད་རིམ་པས་དབང་བསྒྱུར་བྱས་ཏེ་ཡུལ་དེ་ཁྲིམས་འགོ་རང་བཙན་གྱི་ཚུལ་དུ་གནས་ཡོད་པ་དང་།  ས་ཁོངས་ཀྱི་ཆ་ནས་བཤད་ན་ཕྱི་ལོ་ ༡༩༥༩ བོད་ལ་དུས་འགྱུར་མ་བྱུང་སྔོན་དགའ་ལྡན་ཕོ་བྲང་གི་དབང་བསྒྱུར་ས་ཁོངས་སུ་ཚུད་ཡོད་ཅིང་དེང་སང་རྒྱ་ནག་གི་སྲིད་འཛིན་ས་ཁོངས་ཀྱི་དབང་དུ་བྱེད་ན་ཆབ་མདོ་རྫོང་གི་ས་ཁོངས་སུ་ཚུད་ཡོད་པ་རེད་འདུག

(Visited 21 times, 1 visits today)

འབྲེལ་ཡོད་གསར་གནས།

གསར་གནས།