Tibetan Royal Year of 2151 | Year of the Wood Dragon

  བོད་ནང་གི་ཞིང་པའི་དཔྱིད་རྨོད་མཛད་སྒོའི་ཐོག་རྒྱ་ནག་གི་རྒྱལ་དར་འཕྱར་དུ་བཅུག་པ། 

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

བོད་ཀྱི་རྒྱལ་ས་ལྷ་སའི་ཉེ་འཁྲིས་ལྷོ་ཁ་ས་ཁུལ་དུ་རྒྱ་ནག་དཔོན་རིགས་ཀྱི་འདྲ་པར་སྒྲིག་གཤོམ་དང་རྒྱ་ནག་གི་དར་དམར་ཕོན་ཆེར་འཕྱར་ཏུ་བཅུག་ནས་ས་གནས་བོད་མི་ཞིང་པ་ཚོས་དཔྱིད་ཀའི་དཔྱིད་རྨོད་མཛད་སྒོ་ཚོགས་འདུགཉེ་ཆར་རྒྱ་ནག་གཞུང་འབྲེལ་བརྒྱུད་ལམ་ཐོག་གནས་ཚུལ་སྤེལ་བར་གཞིགས་ན། རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཟེར་བའི་ལྷོ་ཁ་ས་ཁུལ། ཤ་སོས་གྲོང་བརྡལ་མཚོ་རྒྱལ་གྲོང་ཚོའི་ནང་ས་གནས་བོད་མི་ཚོས་འདི་ལོའི་དཔྱིད་རྨོད་ཀྱི་མཛད་སྒོ་ཚོགས་ཏེ་བོད་མི་རྣམས་ནས་ལོ་གསར་བཞིན་གཟབ་འཕྱོར་ལེགས་པོ་སྤྲས་ཏེ་གྲོ་སོ་ཕྱེ་མར་དང་ཆང་སོགས་འཁྱེར་ཏེ་མ་འོངས་ལོ་ཏོག་ཡག་པོ་ཡོང་བར་རྟེན་འབྲེལ་གྱི་མཛད་སྒོ་ཚོགས་པའི་ཐོག་བོད་ཀྱི་ཐུན་མོང་མ་ཡིན་པའི་ལམ་སྲོལ་དང་མི་འདྲ་བར་རྒྱ་ནག་དཔོན་རིག་ཚོའི་འདྲ་པར་དང་རྒྱ་ནག་གི་རྒྱལ་དར་དམར་པོ་ཕོན་ཆེར་ནམ་མཁར་འཕྱར་ཏེ་དཔྱིད་རྨོད་ཀྱི་ཐོང་གཤོལ་དང་པོས་རྨོད་གཉའ་གཅོག་འགོ་འཛུགས་བཞིན་པའི་རྣམ་པ་གསལ་འདོན་བྱས་འདུགཨོ་སི་ཊོ་ལི་ཡར་བཅའ་བཞུགས་རྒྱ་ནག་ཉམས་ཞིབ་པ་སྤྱི་ཟུར་འབའ་བ་སྐལ་བཟང་རྒྱལ་མཚན་ལགས་སུ་གནད་དོན་དེའི་ཐོག་ཁོང་གི་གཟིགས་ཚུལ་ཇི་ཡོད་སྐོར་བཅར་འདྲི་ཞུས་པར་ཁོང་གིས་རྒྱ་གཞུང་གིས་བོད་པའི་ཐུན་མོང་མ་ཡིན་པའི་སྲོལ་རྒྱུན་གྱི་བྱེད་ཕྱོགས་དང་མི་འདྲ་བར་ཆབ་སྲིད་རང་ལ་དམིགས་ཏེ་ཞིང་ལས་ལྟ་བུའི་ལས་དོན་ནང་དུའང་ཆབ་སྲིད་ཀྱི་དམིགས་ཡུལ་འཛིན་བཞིན་ཡོད་པར་མ་ཟད། བོད་ཡིག་དང་རྒྱ་ཡིག་གཉིས་ཀའི་ཐོག་དེའི་སྐོར་གནས་ཚུལ་སྤེལ་བར་པར་འཇོག་སྟངས་བཅས་ཀྱི་ནང་ཆབ་སྲིད་ཀྱི་དམིགས་ཡུལ་ལ་གཞིགས་པའི་འདྲ་པར་དང་གནས་ཚུལ་བཀོད་ཕྱོགས་ལ་ཁྱད་པར་ཡོད་པ་མངོན་རྒྱུ་ཡོད་སྐོར་གསུངས་སོང་།

དེ་བཞིན་བོད་ནང་གི་བེུད་རྩོམ་པ་པོ་ཚེ་རིང་འོད་ཟེར་ལགས་ཀྱིས་རང་གི་ངོ་དེབ་ཐོག་ལྷོ་ཁ་ཁུལ་གྱི་དཔྱིད་རྨོད་མཛད་སྒོའི་འདྲ་པར་སྤེལ་བ་དང་སྦྲགས། དཔྱིད་རྨོད་ཀྱི་མཛད་སྒོ་དེ་བོད་པའི་རིག་གཞུང་གི་ཆ་ཤས་ཡིན་ཀྱང་སྐར་མ་ལྔ་ཅན་གྱི་དར་དམར་འཕྱར་དུ་བཅུག་པ་དེ་ནི་རིག་གནས་གསར་བརྗེ་སྐབས་ཀྱི་བྱེད་ཕྱོགས་ཡིན་པར་གསུངས་འདུགརྩ་བའི་རྒྱ་ནག་གཞུང་གིས་དེ་སྔོན་བོད་འབྲི་རུ་ཁུལ་དུ་བོད་མིའི་ཁང་པའི་ཐོག་དར་དམར་བསྒྲེང་འཛུགས་བྱེད་དགོས་པའི་བཙན་དཀའ་བཏང་བར་ས་གནས་བོད་མིས་ངོ་རྒོལ་ཤུགས་ཆེར་གནང་བའི་གནས་ཚུལ་ཐོན་པ་དང་། དེ་བཞིན་དེ་སྔོན་ ༢༠༡༦ ལོར་བོད་དཀར་མཛེས་ཁུལ་དུ་བོད་པའི་ཆོས་ཕྱོགས་ཀྱི་མཛད་སྒོ་ཞིག་གི་ཐོག་རྒྱ་གཞུང་གི་དར་དམར་སྒྲེང་འཛུགས་བྱེད་དགོས་པའི་བཙན་བཀའ་བཏང་བར་བོད་མིས་དང་ལེན་མ་གནང་སྟབས་བྱེད་སྒོ་དེ་ཕྱིར་འཐེན་བྱས་པའི་གནད་དོན་བྱུང་བར་མང་ཚོགས་ཁྲོད་གཞུང་ལ་སྐྱོན་བརྗོད་ཤུགས་ཆེར་གནང་བའི་གནད་དོན་བྱུང་མྱོང་ཡོད་པ་རེད།

འབྲེལ་ཡོད་གསར་གནས།

གསར་གནས།