Tibetan Royal Year of 2151 | Year of the Wood Dragon

བོད་ནང་སྤེལ་བཞིན་པའི་ངལ་རྩོལ་གྱི་ལས་འཆར་དེ་བོད་ཀྱི་རིག་གཞུང་ལ་ཉེན་ཁ་ཆགས་ཡོད།

Tibetan News Headlines

  • Dalai Lama congratulates president Murmu on her 66th birthday
  • China places stringent restrictions on access to sacred Tibetan religious site in Golok
  • Tibetans worldwide hold prayer vigils for Dalai Lama’s successful knee surgery
  • Xi’s visit to Tibetan areas in Qinghai shows continuation of his Sinicization policy
  • Australian Tibetan protestor hospitalized after attack by China supporter during Li Qiang’s visit
  • US approves new $360 million arms sale to Taiwan for drones, related equipment

རེས་གཟའ་ཕུར་བུ། ༢༠༢༤།༠༦།༢༠

  • ༸གོང་ས་མཆོག་གིས་རྒྱ་གར་གྱི་སྲིད་འཛིན་ Murmu མཆོག་གི་སྐྱེས་སྐར་ཉིན་འཚམས་འདྲི་སྩལ་བ། མགོ་ལོག་ཁུལ་གྱི་གནས་ཆེན་གཉན་པོ་གཡུ་རྩེ་རུ་ཆོས་ཕྱོགས་ཀྱི་བྱེད་སྒོར་དམ་བསྒྲགས།
  • བོད་མི་ཚོས་༸གོང་ས་མཆོག་གི་ཞབས་པུས་སྨན་བཅོས་ལེགས་གྲུབ་ཡོང་བའི་གསོལ་འདེབས་སྨོན་ལམ་ཞུ་བཞིན་འདུག
  • ཞི་ཅིན་ཕིང་གི་མཚོ་སྔོན་ལྟ་སྐོར་དེ་ནི་རྒྱ་གཞུང་གིས་བོད་མིའི་ཐོག་རྒྱ་བསྒྱུར་གྱི་སྲིད་བྱུས་དེ་མུ་མཐུད་ལག་བསྟར་མཁྲེགས་འཛིན་བྱེད་བཞིན་པའི་རྣམ་པ་རེད།
  • ཨོ་གླིང་བོད་མི་ཞི་རྒོལ་བར་རྒྱ་ནག་རྒྱབ་སྐྱོར་བས་ཉེས་རྡུང་གིས་སྨན་ཁང་དུ་བསྐྱལ་དགོས་བྱུང་འདུག
  • ཨ་རིས་ཐའེ་ཝན་ལ་ཨ་སྒོར་ས་ཡ་ ༣༦༠ ལྷག་གི་གོ་ལག་ཚོང་འགྲེམས་བྱ་རྒྱུ།

མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་དམིགས་བསལ་མཁས་ལས་མི་སྣ་དྲུག་མཉམ་འབྲེལ་གྱིས་གསར་འགོད་བསྒྲགས་གཏམ་ཞིག་སྤེལ་ཏེ་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་མངའ་ཁུལ་དུ་སྤེལ་བཞིན་པའི་ལག་ཤེས་སྦྱོང་བརྡར་དང་ངལ་རྩོལ་གནས་སྤོར་ཁག་དཀྲིས་བྱས་ནས་བོད་མི་ཐོག་སྟངས་འཛིན་དང་ཆབ་སྲིད་བཅོས་བསྒྱུར་གྱི་སློབ་གསོ་སྤྲོད་ནས་བོད་མི་རིགས་ཀྱི་ངོ་བོ་དང་སྐད་ཡིག རིག་གཞུང་དང་འབྲེལ་གོམས་སྲོལ་རྣམས་མེད་པ་བཟོ་བཞིན་ཡོད་པར་མ་ཟད། དེ་ལྟ་བུའི་ལས་འཆར་འོག་རིམ་བཞིན་བོད་མི་ཚོ་བཙན་དབང་གིས་ངལ་རྩོལ་ལས་རིགས་ནང་བཅུག་རྒྱུའི་ཉེན་ཁ་ཡོད་པར་གསུངས་འདུག

 ཉེ་སྔོན་ཇི་ནི་ཝའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་དམིགས་བསལ་མཁས་ལས་མི་སྣ་དྲུག་ཐོུང་གིས་རྒྱ་གཞུང་གིས་བོད་ནང་སྤེལ་བཞིན་པའི་ལག་ཤེས་སྦྱོང་བརྡར་གྱི་ལས་འཆར་བརྒྱུད་བོད་ནང་འགྲོ་བ་མིའི་ཐོབ་ཐང་རྡོག་རྡོལ་གཏོང་བཞིན་ཡོད་པའི་གནད་དོན་ལ་གསལ་བཤད་དགོས་པའི་འདྲི་རྩད་བཅུ་བཞི་གནང་རྗེས་ཁ་སང་ཕྱི་ཚེས་ ༢༧ ཉིན་རྒྱལ་ཚོགས་ཀྱི་མཁས་ལས་མི་སྣ་ཁག་དྲུག་གིས་གོང་དུ་ཞུས་པའི་གནད་དོན་ཐོག་མཉམ་འབྲེལ་གྱིས་གསར་འགོད་བསྒྲགས་གཏམ་ཞིག་སྤེལ་འདུག

རྩ་བའི་ཕྱི་ལོ་ ༢༠༡༥ ལོ་ནས་ད་བར་རྒྱ་གཞུང་གིས་ལག་ཤེས་སྦྱོང་བརྡར་ཟེར་བའི་ལས་འཆར་སྤེལ་ཏེ་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཟེར་བའི་མངའ་ཁུལ་ནས་བོད་མི་ཞིང་འབྲོག་མང་ཚོགས་ས་ཡ་གཉིས་དང་འབུམ་བརྒྱད་ལྷག་གྲོང་ཁྱེར་དང་གྲོང་སྡེར་ངལ་རྩོལ་ལས་རིགས་ནང་བཙན་དབང་གིས་གནས་སྤོས་བྱས་ཡོད་པ་རེད།

རྒྱལ་ཚོགས་ཀྱི་མཁས་ལས་མི་སྣ་ཚོས་སྤེལ་བའི་གསར་འགོད་བསྒྲགས་གཏམ་ནང་རྒྱ་གཞུང་གིས་གཉེར་བའི་ལག་ཤེས་སྦྱོང་བརྡར་ལྟེ་གནས་ཁང་དེ་དག་ཏུ་རྒྱ་གཞུང་གིས་བོད་མི་ཚོར་ལག་ཤེས་ཆེད་ལས་གོང་འཕེལ་གཙོ་བོ་སློབ་ཁྲིད་བྱེད་ཀྱི་མེད་པ་དང་དེ་ལས་དམག་སྦྱོང་གི་ཁོར་ཡུག་འོག་བོད་མི་ཚོར་ཆབ་སྲིད་དང་བསམ་བློ་བཅོས་བསྒྱུར་གྱི་སློབ་གསོ་གཙོ་བོ་སྤྲོད་བཞིན་ཡོད་པར་མ་ཟད་རྒྱ་གཞུང་གི་འབྲེལ་ཡོད་འགོ་ཁྲིད་ཚོས་བོད་མི་རིགས་ཀྱི་སྐད་ཡིག་དང་ཆོས། རིག་གཞུང་གོམས་སྲོལ་བཅས་པ་ནི་མང་ཚོགས་ཕྱུག་པོའི་ལམ་བུར་བསྐྱོད་རྒྱུར་འགོག་རྐྱེན་ཞིག་ཆགས་ཡོད་པར་ངོས་འཛིན་གྱིས་ལས་འཆར་དེའི་འོག་ནས་བོད་ཀྱི་སྐད་ཡིག་དང་ཆོས་དད་རང་དབང་བཅས་པ་ཡོངས་རྫོགས་མེད་པ་བཟོ་བཞིན་ཡོད་པ་རེད་ཅེས་འགྲེལ་བརྗོད་གནང་འདུག

རྒྱ་ནག་གཞུང་གི་ངོས་ནས་ལག་ཤེས་སྦྱོང་བརྡར་དང་ངལ་རྩོལ་ལས་རིགས་ཐོག་ནས་མང་ཚོགས་གནས་སྤོས་ལས་འཆར་ནི་ས་གནས་མང་ཚོགས་ཀྱི་འཚོ་བའི་གནས་སྟངས་ཡར་རྒྱས་ཀྱི་ཕུགས་དམིགས་ཡིན་ཞེས་འགྲེལ་བརྗོད་བྱེད་བཞིན་ཡོད་པ་དེ་ལྟར་ནའང། རྒྱལ་ཚོགས་ཀྱི་མཁས་ལས་མི་སྣ་རྣམས་ཀྱིས་རྟོག་ཞིབ་གནང་འབྲས་སུ་ལས་འཆར་དེ་བོད་མི་ཚོ་ཉམས་རྒུད་དུ་གཏང་རྒྱུའི་ངལ་རྩོལ་ལས་རིགས་ཤིག་ཡིན་པར་འགྲེལ་བརྗོད་གནང་འདུག 

དེ་བཞིན་གསར་འགོད་བསྒྲགས་གཏམ་ནང་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་མངའ་ཁུལ་ནས་ད་བར་ངལ་རྩོལ་ལས་རིགས་ཆེད་གྲོང་ཁྱེར་ཁག་ཏུ་ཞིང་འབྲོག་མང་ཚོགས་ག་ཚོད་གནས་སྤོས་བྱས་ཡོད་པའི་གྲངས་ཐོ་ཁ་གསལ་དགོས་པ་དང། བོད་མི་དེ་དག་ལ་ངལ་རྩོལ་གནས་སྤོར་མཉམ་ཞུགས་གནང་བར་རང་ཐག་རང་གཅོད་ཀྱི་ཐོབ་ཐང་དང་རང་དབང་ཡོད་མེད། ལས་གཞིའི་འོག་བོད་མི་ཚོར་ཁེ་ཕན་ཇི་ཡོད། ངལ་རྩོལ་བ་དེ་དག་ལ་མཐུན་རྐྱེན་སྤྲོད་ཕྱོགས། བོད་མི་ཚོར་བོད་ཀྱི་སྐད་ཡིག་བཀོལ་སྤྱོད་ཐོབ་ཐང་ཇི་ཡོད་སོགས་ཞིབ་ཕྲ་ཁ་གསལ་དགོས་པ་སོགས་ཀྱི་དགོས་འདུན་ཆེད་བཏོན་གནང་ཡོད་པ་རེད།

གསར་འགོད་བསྒྲགས་གཏམ་སྤེལ་མཁན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་དམིགས་བསལ་མཁས་ལས་རྟོག་ཞིབ་མི་སྣ་ཁག་དྲུག་ནི། རྒྱལ་ཚོགས་ཀྱི་རིག་གཞུང་ཐོབ་ཐང་དང། འཛུགས་སྐྲུན། གྲངས་ཉུང་མི་རིགས། མི་རིགས་དབྱེ་འབྱེད། བེུད་དང་བྱིས་པ་ཚོང་འགྲེམ། དེ་བཞིན་ཚེ་གཡོག་སྔོན་འགོག་གནད་དོན་ཐོག་རྟོག་ཞིབ་དང་སྲུང་སྐྱོབ་གནང་མཁན་བཅས་ཆགས་ཡོད།

འབྲེལ་ཡོད་གསར་གནས།

གསར་གནས།