Tibetan Royal Year of 2151 | Year of the Wood Dragon

བོད་རྨ་ཆུ་ཁུལ་ནས་བོད་མི་ཆབ་སྲིད་བཙོན་པ་ཞིག་ལོ་ ༧ ལྷག་བཙོན་འཇུག་རྗེས་གློད་བཀྲོལ་ཐོབ་འདུག

Tibetan News Headlines

  • སེམས་བཟང་པོ་བྱ་རྒྱུ་ནི་ངོས་ལ་སྒྲུབ་པའི་ཆོས་ཡག་ཤོས་དེ་ཆགས་ཀྱི་ཡོད་ཅེས་བཀའ་སྩལ་བ།
  • རྒྱ་ནག་གིས་ཨ་རུ་ནཱ་ཅལ་གྱི་ས་ཁུལ་ཁག་ལ་མིང་གསར་པ་བཏགས་པའི་ལས་གཞིར་དཔྱད་ཞིབ།

Saturday 20/04/2024

  • Dalai Lama Calls for greater Compassion, Deems Kindness the Best Religious Practice
  • Thread of beads: Analysis of China’s renaming of places in Arunachal

བོད་མདོ་སྨད་ཀན་སུ་ཞིང་ཆེན་རྨ་ཆུ་རྫོང་རྩེ་རི་མ་གྲོང་སྡེའི་རང་ལོ་ ༢༥ སོན་པའི་བོད་མི་ལྷ་སྐྱབས་ཞུ་བ་ཞིག་གིས་སྔར་ཕྱི་ལོ་ ༢༠༠༨ ལོར་འཛིན་བཟུང་བྱས་ནས་ ལོ་ ༧ ལྷག་ཙམ་བཙོན་ཁང་ནང་མི་སྤྱོད་ལས་འདས་པའི་སྡུག་སྦྱོང་མནར་གཅོད་རྗེས་ཟླ་སྔོན་མའི་ཕྱི་ཚེས་ ༣༠ ཉིན་སྨན་བཅོས་ཀྱི་གན་རྒྱའི་འོག་བཙོན་གྲོལ་བཏང་འདུག ལྷ་སྐྱབས་ལགས་ལ་རྒྱ་གཞུང་གིས་བཙོན་འཇུག་བྱེད་དོན་ནི། ཕྱི་ལོ་ ༢༠༠༨ ལོར་རྒྱ་གཞུང་གིས་བོད་ཐོག་དྲག་གནོན་བྱས་པ་ལ་ཞི་རྒོལ་གྱིས་རྩེ་རི་མ་གྲོང་སྡེར་ཡོད་པའི་རྒྱ་གཞུང་གི་ཁང་པར་མེ་སྤར་རྩིས་བྱས་པར་སྙད་ནས་ས་གནས་རྒྱ་གཞུང་ཉེན་རྟོག་པས་སྐབས་དེར་ཁོང་འཛིན་བཟུང་བྱས་འདུག་པ་དང།  ལོ་གཉིས་རིང་རྨ་ཆུ་ཁུལ་གྱི་བཙོན་ཁང་ནང་བཙོན་འཇུག་བྱས་རྗེས་བཙོན་ཁང་གཞན་མི་འདྲ་གསུམ་ཙམ་བརྗེ་ནས་ད་དབར་མི་སྤྱོད་ལས་འདས་པའི་དྲག་གནོན་འོག་དེང་ཆར་ཁོང་གི་གཟུགས་གཞིའི་གནས་སྟངས་ཤིན་ཏུ་ཞན་པོ་ཡོད་སྟབས། ཉེ་ཆར་གོང་ཚེས་ཉིན་ཁོང་སྨན་བཅོས་གན་རྒྱའི་འོག་གློད་བཀྲོལ་བཏང་པ་ཞིག་ཡིན་འདུག རྩ་བའི་ལྷ་སྐྱབས་ལགས་ནི་དེ་སྔོན་བཙོན་འཇུག་བྱེད་སྐབས་རང་ལོ་ ༡༧ ཡིན་པ་དང། ད་ལྟ་རང་ལོ་ ༢༥ སོན་ཡོད་པ་རེད་འདུག ད་བར་ཁོང་གི་གློ་བའི་ནད་གཞིར་སྨན་བཅོས་ཐེངས་འགའ་གནང་ཡང་ཕན་འབྲས་གང་ཡང་སོན་མེད་པས་རྒྱ་གཞུང་གི་བཅོས་ཐབས་མེད་པ་ཤེས་ནས་ཟླ་སྔོན་མའི་ཕྱི་ཚེས་ ༣༠ ཉིན་ཁོང་བཙོན་གྲོལ་བཏང་བ་ཡིན་འདུག ས་གནས་བོད་མི་རྣམས་ཀྱིས་ཁོང་ལ་རང་གི་རྒྱལ་ཁབ་དང་མི་རིགས་སླད་བློས་གཏོང་གནང་པར་བསྔགས་བརྗོད་དང་བཅས་བསུ་བ་གཟབ་རྒྱས་ཞུས་ཡོད་པ་རེད།

འབྲེལ་ཡོད་གསར་གནས།

གསར་གནས།