Tibetan Royal Year of 2151 | Year of the Wood Dragon

བྱང་ཀེལ་ཕོ་ནི་ཡའི་ Richmond སྲང་ལམ་ལ་ Dalai Lama གཞུང་ལམ་ཞེས་མཚན་འདོགས་རྒྱུར་ཐག་གཅོད།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

བྱང་ཀེལ་ཕོ་ནི་ཡའི་བོད་རིགས་སྤྱི་མཐུན་ཚོགས་པ་ནས་ Richmond གྲོང་སྡེ་ལྷན་ཚོགས་དང་སྤྱི་ཁྱབ་ལ་བོད་རིགས་སྤྱི་མཐུན་ཚོགས་པའི་སྡེ་བཞི་ཕུན་ཚོགས་གླིང་ཚོགས་ཁང་ཆགས་ཡུལ་གཞུང་ལམ་ལ་ Dalai Lama གཞུང་ལམ་ཞེས་མཚན་གདགས་རྒྱུ་ཞུ་སྐུལ་རིམ་པར་གནང་བ་ལྟར་ཁ་སང་ཕྱི་ཚེས་ ༢ ཉིན་ཀེལ་ཕོ་ནི་ཡའི་ Richmond གྲོང་སྡེ་ལྷན་ཚོགས་ཀྱི་འཐུས་མིའི་ཚོགས་འདུའི་ཐོག་སྤྱི་མོས་ཀྱིས་བོད་རིགས་སྤྱི་མཐུན་ཚོགས་པའི་སྡེ་བཞི་ཕུན་ཚོགས་ཁང་ཆགས་སའི་གཞུང་ལན་ལ་ཏཱ་ལའི་བླ་མའི་གཞུང་ལམ་ཞེས་མཚན་འདོགས་རྒྱུར་ཐུགས་ཐག་གཅོད་པ་མ་ཟད། དེའི་འགྲོ་གྲོན་ཆ་ཚང་གྲོང་སྡེ་ལྷན་ཚོགས་ནས་གནང་རྒྱུར་ཞལ་བཞེས་བྱུང་འདུག

རླུང་འཕྲིན་ཁང་གིས་བྱང་ཀེལ་ཕོ་ནི་ཡའི་བོད་རིགས་སྤྱི་མཐུན་ཚོགས་པའི་ཚོགས་གཙོ་ཟུར་པ་བསྟན་འཛིན་རང་གྲོལ་ལགས་སུ་བཅར་འདྲི་ཞུས་པར་སྡེ་བཞི་ཕུན་ཚོགས་གླིང་ཚོགས་ཁང་ཆགས་སའི་གཞུང་ལམ་ལ་ཏཱ་ལའི་བླ་མའི་མཚན་འདོགས་རྒྱུའི་ཐག་གཅོད་གནང་བ་དེ་ལོ་རྒྱུས་ནང་གནད་འགགས་ཅན་ཞིག་ཡིན་པ་དང་། ལོ་ངོ་བཅུ་ཕྲག་མང་པོའི་རིང་༸གོང་ས་༸སྐྱབས་མགོན་ཆེན་པོ་མཆོག་ནས་བོད་རིགས་ཙམ་མིན་པར་རྒྱལ་སྤྱིའི་ཁྲོད་ཆོས་དང་རིག་གཞུང། ཁོར་ཡུག མི་རིགས་མཐུན་སྒྲིལ་ཡོང་ཐབས་སུ་མཛད་འཕྲིན་བླ་ན་མེད་པར་བསྐྱངས་བའི་བྱིན་རླབས་ཤིག་ཀྱང་ཡིན་པར་འགྲེལ་བརྗོད་གནང་སོང་།

གཞི་རྩའི་བྱང་ཀེལ་ཕོ་ནི་ཡའི་བོད་རིགས་སྤྱི་མཐུན་ཚོགས་པས་གྲོང་སྡེ་ལྷན་ཚོགས་དང་གྲོང་སྡེ་སྤྱི་ཁྱབ་སྐུ་ཞབས་ Tom Butt ལགས་ཀྱི་མཚན་ཐོག་ཏུ་སྡེ་བཞི་ཕུན་ཚོགས་གླིང་ཚོགས་ཁང་ཆགས་ཡུལ་Huntington གཞུང་ལམ་གྱི་ཆ་ཤས་ཤིག་ལ་ Dalai Lama གཞུང་ལམ་ཞེས་མཚན་བསྒྱུར་བཅོས་གནང་དགོས་པ་དང་དེ་བཞིན་འདི་ལོ་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༤ ལ་ཕེབས་པར་༸རྒྱལ་བའི་༸སྐུའི་འཁྲུངས་སྐར་ཉིན་མོར་ཏཱ་ལའི་བླ་མའི་ཉིན་མོ་ཞེས་གསལ་བསྒྲགས་དགོས་པའི་འབོད་སྐུལ་ཞུས་པ་བཅས་གཞུང་ལམ་དེར་གནས་སྡོད་མང་ཚོགས་ཁག་ལས་མཚན་རྟགས་བསྡུ་རུབ་ཀྱིས་ཞུ་སྙན་ཕུལ་ཡོད་པ་ལྟར། Richmond གྲོང་སྡེ་ལྷན་ཚོགས་ནས་ཟླ་བ་ ༧ ཚེས་ ༡༦ ཉིན་༸གོང་ས་མཆོག་ལ་ཆེ་བསྟོད་དང་སྦྲགས་ཟླ་ ༧ ཚེས་ ༦ ཉིན་མོ་དེ་ཏཱ་ལའི་བླ་མའི་ཉིན་མོ་ཞེས་ཡོངས་བསྒྲགས་གནང་ཡོད་པ་རེད།

འབྲེལ་ཡོད་གསར་གནས།

གསར་གནས།