Tibetan Royal Year of 2151 | Year of the Wood Dragon

ཚེ་རིང་དབང་རྒྱལ་ལགས་ཀྱི་ཕྱག་དེབ་ Another Place ཞེས་པའི་ཐད་བཅར་འདྲི།

Tibetan News Headlines

  • འབྲི་ཆུའི་བཞུར་རྒྱུན་དུ་ཁམས་སྡེ་དགེ་ཁུལ་གྱི་དོན་རྐྱེན་དང་འབྲེལ་ནས་གླེང་མོལ།

Saturday 02/03/2024

  • China’s dam projects in Tibet: Social and environmental impact

འདས་པའི་དུས་ཡུན་ཁྲོད་བོད་པའི་སྤྱི་ཚོགས་ནང་བོད་ཡིག་གི་ལམ་ནས་རྩོམ་བྲིས་གནང་མཁན་མང་དག་ཅིག་བྱུང་ཡོད་ཀྱང་། བོད་མི་ཞིག་གིས་སྐད་ཡིག་གཞན་གྱི་ཐོག་བོད་སྒྲུང་གསུང་མཁན་ནི་ ཉུང་ཤས་ལས་མེད།  དེའི་ཁྲོད་ཉེ་ལམ་ Blackneck Books ཞེས་བོད་སྨྱུག་དཔེ་སྐྲུན་ཁང་དང་། HighAsia གཉིས་ཟུང་འབྲེལ་གྱིས་རྩོམ་པ་པོ་དམ་པ་ཚེ་རིང་དབང་རྒྱལ་ལགས་ཀྱིས་རྩོམ་སྒྲིག་གནང་བའི་ Another Place ཞེས་པའི་ཕྱག་དེབ་དེ་འདོན་སྤེལ་གནང་ཡོད་པ་རེད། གཞི་རྩའི་ཚེ་རིང་དབང་རྒྱལ་ལགས་དམ་པ་ཁོང་ལ་ཡོངས་གྲགས་སུ་ Editor ཞེས་འབོད་ཀྱི་ཡོད་པ་དང་། དམ་པ་དེ་ཉིད་ཕྱི་ལོ་ ༡༩༤༩ ལོར་རྒྱ་གར་མངའ་སྡེ་ནུབ་བྷེང་གྷལ་དུ་ཆགས་པའི་ཀ་བློན་སྦུག་གྲོང་སྡེ་ནང་འཁྲུངས་ཞིང་། གཞི་རིམ་སློབ་གྲྭ་འགྲིམ་རྗེས་དབྱིན་ཡུལ་དུ་རྟེན་གཞི་བྱས་པའི་ Bristol གཙུག་ལག་སློབ་གཉེར་ཁང་དུ་རྒྱལ་རབས་ལོ་རྒྱུས་ཐོག་ཏུ་སློབ་སྦྱོང་གནང་ཡོད་པ་དང་སློབ་མཐར་སོན་རྗེས་ཕྱི་ལོ་ ༡༩༧༠ ནང་བོད་གཞུང་ལ་ཞབས་འདེགས་ཞུས་འདུགདེ་རྗེས་ཕྱི་ལོ་ ༡༩༧༦ ནས་ ༡༩༩༦ བཅས་ལོ་ངོ་ ༢༠ མ་ཟིན་ཙམ་རིང་ Tibetan Review ཞེས་བོད་གནས་བསྐྱར་ཞིབ་དུས་དེབ་ཁང་གི་རྩོམ་སྒྲིག་པའི་འགན་ཁུར་བཞེས་ཡོད་པར་མ་ཟད་འདི་ག་རླུང་འཕྲིན་ཁང་གི་རྩོམ་སྒྲིག་པའི་འགན་ཡང་བཞེས་ཡོད་པ་རེད། འོན་ཀྱང་ཁོང་ཕྱི་ལོ་ ༢༠༠༠ ལོའི་ཟླ་ ༡༡ ཚེས་ ༢༤ ཉིན་དགུང་ལོ་ ༥༡ ཐོག་མཆིན་པའི་གཉན་ཚད་རྐྱེན་གྱིས་ཁེ་ན་ཌར་འདས་གྲོངས་སུ་གྱུར་ཡོད་པ་རེད།

ཚེ་རིང་དབང་རྒྱལ་ལགས་ཀྱིས་ལོ་ཡུན་མང་པོ་ཞིག་གི་རིང་རྩོམ་སྒྲིག་པའི་འགན་འཁུར་བཞེས་གནང་བར་བརྟེན་ཁོང་ལ་ཡོངས་གྲགས་སུ་ Editor འམ་རྩོམ་སྒྲིག་པ་ཞེས་སྤྱི་མིང་དུ་འབོད་ཀྱི་ཡོད་པ་རེད། ཁོང་རང་ཉིད་རྩོམ་སོགས་སྒྱུ་རྩལ་ལ་ཧ་ཅང་དགའ་མོས་གནང་མཁན་ཞིག་ཡིན་པ་དང་། ཁོང་གིས་བོད་ཀྱི་གནད་དོན་གཙོས་སྤྱི་ཚོགས་འཕོ་འགྱུར་སོགས་ཁྱི་ཐད་དཔྱད་རྩོམ་དང་རྩོམ་ཐུང་དེ་བཞིན་བརྩམ་སྒྲུང་རིང་བ་སོགས་རྩོམ་བྲིས་གནང་ཡོད་པ་རེད།

འབྲེལ་ཡོད་གསར་གནས།

གསར་གནས།