Tibetan Royal Year of 2151 | Year of the Wood Dragon

རྒྱ་གཞུང་གིས་མུ་མཐུད་སྲོག་ཐོག་ཉེས་ཆད་ཐོག་ཆེས་གསང་རྒྱ་བྱེད་བཞིན་པར་སྐྱོན་བརྗོད་གནང་འདུག

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

རྒྱ་ནག་ནང་ལ་སྲོག་ཐོག་གི་ཁྲིམས་ཕོག་པ་ཉུང་དུ་ཕྱིན་ཡོད་ཀྱང་འཛམ་གླིང་རྒྱལ་ཁབ་གཞན་དང་བསྡུར་ན་རྒྱ་ནག་དེ་ད་ལྟའང་སྲོག་ཐོག་ཉེས་ཆད་གཏོང་མཁན་གྱི་རྒྱལ་ཁབ་ཆེས་སྡུག་ཤོས་ཡིན་པར་ཐེར་བཏོན་གནང་འངུག

དེ་ཡང་བདུན་ཕྲག་འདིའི་རེས་གཟའ་མིག་དམར་ཉིན་རྒྱལ་སྤྱིའི་ཉེས་ཡང་ཚོགས་པས་སྲོག་ཐོག་ཉེས་ཆད་དང་འབྲེལ་བའི་ཤོག་གྲངས་ ༤༤ཅན་གྱི་སྙན་ཐོ་ཞིག་འདོན་སྤེལ་གནང་འདུག དེའི་ནང་རྒྱ་ནག་གཞུང་གི་ངོས་ནས་སྲོག་ཁྲིམས་གཅོད་རྒྱུ་ཉུང་དུ་བཟོ་རྒྱུ་ཡིན་པར་ཁས་ལེན་དམ་བཅའ་བཞག་ཡོད་ཀྱང་། རྒྱ་གཞུང་གིས་གནད་དོན་དེའི་ཐད་ཆེས་གསང་རྒྱ་བྱས་པར་བརྟེན་ཡུལ་དེའི་ནང་གི་སྲོག་ཁྲིམས་ཀྱི་ཁྱབ་ཚད་ཇི་ཡིན་ཤེས་རྟོགས་ཐུབ་ཀྱི་མེད་པར་འགྲེལ་བརྗོད་གནང་འདུག་པ་མ་ཟད། ལྷག་དོན་རྒྱ་གཞུང་གིས་བྱེད་ཕྱོགས་དེས་རྒྱལ་སྤྱིའི་ཁྲིམས་ཀྱི་འབྲུ་དོན་དང་ཡོངས་སུ་འགལ་གྱི་ཡོད་པར་སྐྱོན་བརྗོད་ཤུགས་ཆེ་གནང་འདུག

ཕྱི་རྒྱལ་ཉམས་ཞིབ་ཁག་ཅིག་གིས་རྒྱ་ནག་ནང་དུ་སྲོག་ཁྲིམས་ཀྱི་ཉེས་ཆད་ཕོག་པའི་གྲངས་འབོར་དེ་སྔར་ལས་ཉུང་དུ་ཕྱིན་ཡོད་སྐོར་འགྲེལ་བརྗོད་གནང་ཡང་དོན་དངོས་ཐོག་རྒྱ་གཞུང་གིས་ཡུལ་དེའི་ནང་སྲོག་ཁྲིམས་ཕོག་པའི་གྲངས་འབོར་གྱི་གནས་ཚུལ་འཐུས་ཚང་བ་ཞིག་མཁོ་སྤྲོད་མི་བྱེད་པར་བརྟེན། སྲོག་ཁྲིམས་ཀྱི་ཉེས་ཆད་ཕོག་པའི་གྲངས་འབོར་ཉུང་དུ་ཕྱིན་ཡོད་ཚུལ་གྱི་འགྲེལ་བརྗོད་དེ་ཇི་ཙམ་བདེན་མིན་གྱི་བདེན་པོ་གནང་ཐུབ་ཀྱི་མེད་སྐོར་བརྗོད་འདུག

དེ་བཞིན་ཚོགས་པ་དེས་རྒྱ་ནག་ཁྲིམས་ཁང་གིས་ཐག་གཅོད་བྱས་པའི་གནད་དོན་ཁག་དྲ་རྒྱའི་ཐོག་བཀོད་གསལ་ལྟར་ན། རྒྱ་ནག་གོང་རིམ་མི་དམངས་ཁྲིམས་ཁང་ནས་ཕྱི་ལོ་ ༢༠༡༡ ནས་ ༢༠༡༦ ལོ་མཇུག་བར་བཙོན་པ་ ༧༠༡ ལ་སྲོག་ཁྲིམས་བཅད་ཡོད་པ་འཁོད་ཀྱང་། དངོས་ཀྱི་གྲངས་འབོར་དེ་ལོ་ལྟར་སྟོང་ཕྲག་བརྒལ་བ་ཆགས་ཀྱི་ཡོད་ཅེས་གསུངས་འདུག ཚོགས་པ་དེའི་སྙན་ཐོ་འབྲི་མཁན་ཁོངས་སུ་ཡོད་པའི་ཧོང་ཀོང་དུ་གནས་སྡོད་རྒྱ་རིགས་ཉམས་ཞིབ་པ་སྐུ་ཞབས་ William Nee ལགས་ཀྱིས་གོང་གསལ་གྲངས་ཐོ་དེར་གཞིགས་ཚེ་རྒྱ་གཞུང་གིས་ཡུལ་དེའི་ནང་གི་སྲོག་ཁྲིམས་དང་འབྲེལ་བའི་གནད་དོན་ཐད་ཕྱི་གསལ་ནང་གསལ་བྱ་རྒྱུའི་ཁས་ལེན་ཁག་དང་ཡོངས་སུ་འགལ་སྐོར་མངོན་གསལ་གནང་འདུག

ད་དུང་ཁོང་གིས་གནད་དོན་དེ་ནི་རྒྱ་ནག་འཛིན་སྐྱོང་ནས་འཐུས་ཤོར་ཙམ་ཞིག་མིན་པར་དེ་ནི་ཆེད་མངགས་འཆར་གཞི་དང་ལྡན་པའི་གསང་རྒྱའི་རྣམ་པ་ཞིག་མངོན་ཐུབ་ཀྱི་འདུག་ཅེས་བརྗོད་གནང་ཡོད་པ་རེད།

 

 

འབྲེལ་ཡོད་གསར་གནས།

གསར་གནས།