Tibetan Royal Year of 2151 | Year of the Wood Dragon

རྒྱ་གཞུང་གིས་རང་སྲེག་གནང་མཁན་བོད་མི་གསུམ་གློད་བཀྲོལ་བཏང་འདུག

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

རང་ལུས་མེར་བསྲེགས་བཏང་ནས་རྒྱ་གཞུང་ལ་ཞི་རྒོལ་གནང་རྐྱེན་འཛིན་བཟུང་བྱས་པའི་བོད་མིའི་ཁྲོད་ནས་རྔ་བ་ཀིརྟི་དགོན་པའི་དགེ་འདུན་པ་གསུམ་དུས་ཚོད་སྔ་རྗེས་སུ་གློད་བཀྲོལ་བཏང་འདུག

དེའང་ཟླ་བ་འདིའི་ཚེས་ ༢༩ ཉིན་གྲྭ་བློ་བཟང་སྐལ་བཟང་ལགས་རྔ་བ་ཏིག་ཡང་བཙོན་ཁང་ནས་གློད་གྲོལ་བཏང་ཡོད་པ་དང་། ཁོང་ནི་དེ་སྔོན་༢༠༡༡ ལོ་ཟླ་ ༣ ཚེས་ ༡༦ ཉིན་རང་ལུས་མེར་སྲེག་གནང་མཁན་གྲྭ་ཕུན་ཚོགས་ལགས་ཀྱི་ཚ་བོ་ཡིན་པ་རེད་འདུག

གཞི་རྩའི་ཕྱི་ལོ་ ༢༠༡༡ ཟླ་ ༩ ཚེས་ ༢༦ ཉིན་བོད་ནང་གི་སྔ་དྲོ་ཚོུད་ ༡༠།༠༠ ཡས་མས་ཤིག་ལ་བོད་མདོ་སྨད་རྔ་བ་ཀིརྟི་དགོན་གྱི་རང་ལོ་ ༡༨ སོན་པའི་གྲྭ་བློ་བཟང་སྐལ་བཟང་ལགས་དང་རང་ལོ་ ༡༨ ཡིན་པའི་གྲྭ་བློ་བཟང་དཀོན་མཆོག་ལགས་རྣམ་གཉིས་ཀྱིས་༸རྒྱལ་བ་རིན་པོ་༸སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས་ཞེས་རྔ་པ་རྫོང་གི་ཁྲོམ་གཞུང་དུ་རང་སྲེག་གནང་བཞིན་ཞི་རྒོལ་གནང་ནས་དུས་ཡུན་རིང་པོ་མ་འགོར་བར་རྒྱ་གཞུང་གི་དྲག་ཆས་ཉེན་རྟོག་མི་སྣ་འབྱོར་ནས་ཁོང་གཉིས་འཛིན་བཟུང་བྱས་རྗེས་ད་བར་ལོ་ངོ་དྲུག་ཙམ་རིང་གར་སོང་ཆ་མེད་དུ་གྱུར་ཡོད་པ་རེད།

དེ་བཞིན་ཁོང་གི་རོགས་པ་རྔ་བ་ཀིརྟི་དགོན་གྱི་གྲྭ་བློ་བཟང་དཀོན་མཆོག་ལགས་འདིའི་ལོ་ཟླ་ ༣ ཚེས་ ༢༨ མཚནམོར་རྒྱ་ནག་ཟི་ཁྲོན་དན་ཡང་བཙོན་ཁང་ནས་གློད་བཀྲོལ་བཏང་ཡོད་པ་དང་། དྲག་ཆས་ཉེན་རྟོག་དམག་མིས་གསང་སྟབས་འོག་ནས་རང་ཁྱིམ་དུ་བསྐྱེལ་ཡོད་པ་དང་། ཁོང་རང་ཁྱིམ་དུ་འབྱོར་སྐབས་རྐང་པ་གཡས་པ་བཏུབ་ཡོད་པ་མ་ཟད་གཟུགས་གཞིའི་གནས་སྟངས་ཆེས་ཞན་པོ་ཆགས་ཡོད་པ་རེད་འདུག

དེ་མིན་ཕྱི་ལོ་ ༢༠༡༢ ལོར་རྒྱ་གཞུང་གིས་བཙན་གནོན་ལ་ཞི་རྒོལ་སླད་རང་སྲེག་གནང་མཁན་གྲྭ་བློ་བཟང་རྒྱ་མཚོ་ལགས་ཀྱང་སྔ་ལོ་ ༢༠༡༦ ཟླ་ ༥ ཚེས་ ༡༠ ཉིན་རྒྱ་ནག་ཟི་ཁྲོན་ཏན་ཡང་བཙོན་ཁང་ནས་གློད་བཀྲོལ་བཏང་ཡོད་པ་རེད་འདུག ད་ལྟའི་ཆར་ཁོང་གི་གཟུགས་གཞིའི་གནས་སྟངས་ཇི་ཆགས་སོགས་ཀྱི་གནས་ཚུལ་ཞིབ་ཕྲ་ཤེས་རྟོགས་ཐུབ་ཀྱི་མེད་པ་རེད།

འདི་གའི་ས་གནས་གསར་འགོས་པས་ཁུངས་ལྡན་གནས་ཚུལ་ཤེས་རྟོགས་ཡོད་པའི་བོད་མི་ཞིག་ལ་བཅར་འདྲི་ཞུས་དོན་ལྟར་ཁོང་གིས་བཙོན་གྲོལ་དང་འབྲེལ་བའི་ཁུངས་ལྡན་གནས་ཚུལ་འགྲེལ་བརྗོད་གནང་ཡོད་པ་རེད། རྩ་བའི་རྒྱ་གཞུང་གིས་འདི་ལོ་ནང་བོད་དོན་སླད་རང་སྲེག་གནང་མཁན་བོད་མི་གསུམ་བཙོན་གྲོལ་བཏང་འདུག

འབྲེལ་ཡོད་གསར་གནས།

གསར་གནས།