Tibetan Royal Year of 2151 | Year of the Wood Dragon

རྒྱ་གར་ལྷོ་ཕྱོགས་སུ་ཆུ་ལོག་གི་གོད་ཆག་བྱུང་བར་བོད་གཞུང་མང་གཉིས་ཀྱིས་ཞལ་འདེབས་ཕུལ་འདུག

Tibetan News Headlines

  • བོད་ནང་ཕྱི་རྒྱལ་གསར་འགོད་པ་བསྐྱོད་རྒྱུར་མུ་མཐུད་དམ་དྲག་བྱེད་བཞིན་པ་མངོན་གསལ།
  • BJP ཚོགས་པའི་འོས་བསྡུའི་བསྒྲགས་གཏམ་ནང་རྒྱལ་བ་ཀརྨ་པ་རིན་པོ་ཆེ་འབྲས་ལྗོངས་ནང་དུ་གདན་འདྲེན་ཞུ་ཐབས་གནང་རྒྱུ་ཡིན་པ་གསུངས་འདུག
  • སྲིད་བློན་ Modi མཆོག་གིས་རྒྱ་ནག་དང་ལྷན་འབྲེལ་ལམ་དམ་གཟབ་འཛིན་རྒྱུ་གལ་ཆེ་ཡིན་པ་གསུངས་འདུག
  • རྒྱ་གཞུང་གིས་ཁེ་ན་ཌའི་འོས་བསྡུའི་ནང་ཐེ་གཏོགས་ཡོད་པ་མངོན་གསལ།
  • རྒྱ་གཞུང་གིས་ཨ་རིའི་ཚོང་ལས་ཁང་གཉིས་ལ་སྲིད་དོན་ཉེས་ཆད་འགེལ་བ།
  • ༸དཔལ་གཤེན་བསྟན་སྨན་རིའི་གླིང་དུ་༸རྒྱལ་བ་སྨན་རིའི་སྒྲུབ་ཆེན་ཐེངས་ ༣༤ པ་འཚོགས་བཞིན་འདུག
  • བཙན་བྱོལ་བོད་མིའི་གནས་སྟངས། Karuna ངལ་གསོ་ཁང་གི་སྐོར་ལ་བཅར་འདྲི།

Friday 12/04/2024

  • China has allowed only FCCC journalist inside the ‘Tibet Autonomous Region in 2023: Report
  • Sikkim BJP manifesto promises return passage for Gyalwa Karmapa
  • India-China border situation needs to be addressed urgently: PM Modi
  • China meddled in past two Canada elections but results not impacted , says Justin Trudeau
  • China sanctions 2 US defence companies over supporting arms sales to Taiwan
  • 34th Menri Grand ‘Drubchen’ begins in Yungdrung Bon monastery in Dolanji
  • DIASPORA FEATURE: Karuna Retirement Home

ཉེ་དུས་རྒྱ་གར་ལྷོ་ཕྱོགས་ཀ་ན་ཊ་ཀ་མངའ་སྡེའི་རྫོང་ཁག་ ༡༡ ནང་ཆར་ཆུ་ཆེན་པོ་བབས་ཏེ་ཆུ་ལོག་གི་གོད་ཆག་ཚབས་ཆེན་བྱུང་བའི་ཁྲོད་ཡུལ་མི་མང་པོ་ཞིག་ཤི་རྨས་ཐེབས་པ་དང་དུད་ཁྱིམ་མང་པོ་གནས་སྤོར་བྱེད་དགོས་བའི་དཀའ་མང་དག་ཅིག་འཕྲད་བཞིན་པར་བརྟེན་ཀ་ན་ཊ་ཀའི་མངའ་སྡེའི་ནང་རྟེན་གཞི་བྱས་པའི་བོད་མི་རྣམས་ཀྱིས་ཁུལ་དེའི་གནོད་ཐེབས་ཀྱི་ཡུལ་མི་རྣམས་ལ་གདུང་སེམས་མཉམ་བསྐྱེད་མཚོན་ཕྱིར་དུ་རང་ཉིད་ཀྱི་ཉིན་གཅིག་གི་ཕོགས་བསྡུ་རུབ་ཀྱིས་ཞལ་འདེབས་གནང་བ་མ་ཟད་བོད་མིའི་སྒྲིག་འཛུགས་བཀའ་ཤག་གིས་ཀྱང་ཧིན་སྒོར་འབུམ་ལྔ་ཞལ་འདེབས་གནང་འདུག

དེ་རིང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་རྒྱ་གར་ལྷོ་ཕྱོགས་བོད་མིའི་གཞིས་ཁག་ལྔའི་ནང་གི་བོད་རིགས་སྲི་ཞུ་བ་དང་མཉམ་འབྲེལ་སྡེ་ཚན་རྣམས། སློབ་གྲྭ་དང་སྨན་ཁང་ཁག་གི་ལས་བྱེད་རྣམས་ཀྱིས་རང་ཉིད་ཀྱི་ཉིན་གཅིག་གི་གསོལ་ཕོགས་ཡོད་ཚད་བསྡུ་རུབ་གནང་སྟེ་ཁྱོན་བསྡོམས་ཧིན་སྒོར་ ༥༢༦༢༡༥་༦༥ བཅས་བྱུང་ཡོད་པ་ལྟར་ལྷོ་སྤྱི་ཆོས་འཕེལ་ཐུབ་སྟན་ལགས་ཀྱིས་ཁ་སང་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ B.S. Yediyurappa མཆོག་མཇལ་འཕྲད་དང་འབྲེལ་ནས་ཁོང་གི་ཕྱག་ལ་བཀའ་ཤག་ནས་བྱུང་བའི་ཧིན་སྒོར་འབུམ་ལྔ་དང་དེ་བཞིན་བོད་མི་མང་ཚོགས་ཀྱི་བསྡུ་རུབ་གནང་བའི་དངུལ་འབོར་དེའི་བརྒྱ་ཆ་ ༥༠ ཕུལ་བ་དང་མཉམ་དུ་ཀ་ན་ཊ་ཀ་མངའ་སྡེ་དེ་བོད་མི་རྣམས་ལ་བཀའ་དྲིན་ཆེན་པོ་ཡིན་པ་ཞུས་འདུག ལྷོ་ཕྱགས་ཀྱི་སྲིད་ཞུ་ལས་བྱེད་དང་མཉམ་འབྲེལ་སོགས་ཀྱི་མཚོན་པའི་ཉིན་གཅིག་གི་གསོལ་ཕོགས་ཀྱི་བརྒྱ་ཆ་ལྔ་བཅུ་ལྷག་འཕྲོ་དེ་མོན་གྷོ་འདོད་རྒུ་གླིང་གཞིས་ཆགས་སུ་གནས་པའི་བོད་མིའི་གནོད་ཐེབས་ཁྱིམ་ཚང་རྣམས་ལ་བགོ་འགྲེམས་གནང་རྒྱུ་རེད་འདུག

རྩ་བའི་རྒྱ་གར་ལྷོ་ཕྱོགས་ཁུལ་དུ་ཆུ་ལོག་གི་དོན་རྐྱེན་དེ་བྱུང་སྐབས་བོད་མིའི་གཞིས་ཆགས་ཀྱི་ས་གནས་འགོ་འཛིན་རྣམས་ཀྱིས་ཀྱང་ས་གནས་མངའ་སྡེ་གཞུང་གི་རྫོང་དཔོན་རྣམས་བརྒྱུད་དེ་ཆུ་ལོག་གི་གོད་ཆག་ཕོག་མཁན་རྣམས་ལ་གྲོང་སྡེ་ངལ་སེལ་བརྒྱུད་ནས་རོགས་རམ་གྱི་ལས་འགུལ་ཞིག་ཀྱང་སྤེལ་ཡོད་པ་རེད།

འབྲེལ་ཡོད་གསར་གནས།

གསར་གནས།