Tibetan Royal Year of 2151 | Year of the Wood Dragon

སྲིད་ཟུར་མཆོག་རྒྱ་གར་རྒྱལ་ཡོངས་གྲོས་ཚོགས་འཐུས་མིའི་ལྷན་ཚོགས་ཐོག་ལྷན་ཞུགས།

Tibetan News Headlines

  • ཨ་རིའི་སྐུ་ཚབ་ཚོགས་ཆུང་ཞིག་ཐའེ་ཝན་ནང་འཚམས་གཟིགས་གནང་བཞིན་པ།
  • རྒྱ་དཀར་ནག་གཉིས་བར་སླར་ས་མཚམས་གྲོས་མོལ་གནང་ཡང་འདུན་བསྐྱོད་མེད་པ།
  • བོད་ནང་བོད་མིའི་སྐད་ཡིག་རྩ་མེད་གཏོང་ཐབས་བྱེད་བཞིན་པ་མཚམས་འཇོག་དགོས།
  • ཤམ་བྷ་ལ་གློག་བརྙན་བྷར་ལིན་རྒྱལ་སྤྱིའི་གློག་བརྙན་དུས་སྟོན་གྱི་འགྲན་བསྡུར་ནང་ཚུད་པ།
  • འཕྲོད་བསྟེན་ཤེས་བྱ་ངོ་སྤྲོད། ཕོ་བའི་འབྲས་ནད་སྐོར།

Thursday 22/02/2024

  • US lawmaker visits Taiwan, reassures firm US support for the island nation
  • India, China hold border Talks, no indication of breakthrough in disengagement
  • China called to end campaigns of forced linguistic and cultural assimilation
  • Film starring several Tibetan cast selected for Berlin international film festival 
  • Health and Wellness: stomach cancer

རྒྱ་གར་རྒྱལ་ཡོངས་ཀྱི་གྲོས་ཚོགས་གོང་འོག་འཐུས་མིའི་ལྷན་ཚོགས་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་ཟུར་པ་བློ་བཟང་སེངྒེ་མཆོག་ལྷན་ཞུགས་གནང་སྟེ། ཚོགས་བཅར་བ་ཁག་གཅིག་ལ་ལེགས་སྤེལ་ཉེན་འགོག་གི་ཟབ་སྦྱོང་གནང་ཡོད་པ་མ་ཟད། ལྷན་ཚོགས་དེའི་མཇུག་སྡོམ་མཛད་སྒོར་གསུང་བཤད་ཀྱང་གནང་འདུག

དེ་ཡང་རྒྱ་གར་གྱི་ཚོང་འབྲེལ་ལྟེ་གནས་ Mumbai ཁུལ་དུ་ཁ་སྔོན་ཕྱི་ཚེས་ ༡༥ ནས་ ༡༧ བར་ཉིན་གྲངས་གསུམ་རིང་རྒྱ་གར་རྒྱལ་ཡོངས་ཀྱི་གྲོས་ཚོགས་གོང་འོག་གཉིས་ཀྱི་འཐུས་མིས་གཙོས་པའི་མངའ་སྡེའི་གྲོས་ཚོགས་ཀྱི་འཐུས་མི་བཅས་ཁྱོན་ཚོགས་བཅར་བ་ ༡༥༠༠ ལྷག་ལས་གྲུབ་པའི་ལྷན་ཚོགས་ཤིག་ཚོགས་ཡོད་པ་དང་འབྲེལ། ལྷན་ཚོགས་དེ་ནི་མང་གཙོ་གོང་འཕེལ་དང་། ཚོགས་བཅར་བ་ཕན་ཚུན་ཤེས་བྱ་བརྗེ་ལེན། དེ་བཞིན་གྲོས་ཚོགས་ཀྱི་འཐུས་མི་མིང་དོན་མཚུངས་པ་ཞིག་ཡོང་ཐབས་སོགས་ཀྱི་ཆེད་དམིགས་པ་ཞིག་ཡིན་འདུག་པ་མ་ཟད། རྒྱ་གར་གྱི་ལོ་རྒྱུས་ནང་གྲོས་ཚོགས་འཐུས་མིའི་གྲངས་འབོར་དེ་ལྟ་བུ་དུས་གཅིག་ཏུ་ལྷན་འཛོམས་གནང་བ་ཐེངས་དང་པོ་དེ་ཆགས་ཀྱི་ཡོད་པ་རེད་འདུག

སྐབས་དེར་བོད་མིའི་སྒྲིག་འཛུགས་ཀྱི་སྲིད་སྐྱོང་ཟུར་པ་བློ་བཟང་སེངྒེ་མཆོག་ཚོགས་ཆུང་ཁག་གཅིག་གི་ཚོགས་གཙོའི་ངོ་བོ་ཐོག་ནས་ལྷན་ཞུགས་གནང་ཡོད་པ་དང་། ལྷག་པར་དུ་གྲོས་ཚོགས་ཀྱི་འཐུས་མི་ཁག་གཅིག་ལ་ཟབ་སྦྱོང་དང་། དེ་བཞིན་ལྷན་ཚོགས་ཀྱི་མཛད་སྒོའི་ཐོག་ C དྲུག་ཅེས་ Casteism རིགས་རུས་དབྱེ་འབྱེད་དང་། Criminalization ནག་ཉེས་ཆགས་ལུགས་ Communalism ཆོས་ལུགས་ཞེན་ཆགས། Corruption ལྐོག་ཟ་རུལ་སུངས། དེ་བཞིན་ Colonial Mindset ཞུམ་སེམས་དང་། Climate change ཁོར་ཡུག་འགྱུར་ལྡོག་བཅས་ལ་གདོང་ལེན་གནང་ཕྱོགས་ཐོག་གསུང་བཤད་གནང་སྐབས།  སྲིད་ཟུར་མཆོག་གིས་དེ་དག་གི་གཉན་པོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ལམ་སྟོན་ལྟར་ K གསུམ་ཞེས་ Karma ལས་རྒྱུ་འབྲས་དང་། Karuna སྙིང་རྗེ། དེ་བཞིན་ Kartabya ལས་འགན་བཅས་ཀྱི་སྐོར་ནན་བརྗོད་གནང་འདུག

ཉིན་གྲངས་གསུམ་རིང་ཚོགས་པའི་རྒྱ་གར་རྒྱལ་ཡོངས་ཀྱི་གྲོས་ཚོགས་འཐུས་མིའི་ལྷན་ཚོགས་དེ་ནི་རྒྱ་གར་ Maharashtra མཱཧཱ་རཤྲཱ་མངའ་སྡེའི་ Pune པུ་ནེ་ནང་རྟེན་གཞི་བྱས་པའི་ MIT གཙུག་ལག་སློབ་ཆེན་གྱིས་གོ་སྒྲིག་ཞུས་པ་ཞིག་ཡིན་པ་དང་། སློབ་ཆེན་དེ་གསར་འཛུགས་གནང་མཁན་དང་ཚོགས་གཙོ་གཅིག་ལྕོགས་སློབ་དཔོན་སྐུ་ཞབས་ Rahul V Karhad རཱ་ཧུལ་སྦི་ཀརྷཏ་མཆོག་དང་སྲིད་སྐྱོང་ཟུར་པ་བློ་བཟང་སེངྒེ་མཆོག་རྣམ་གཉིས་སྒེར་གྱི་འབྲེལ་བའི་ཐོག་ནས་སྲིད་ཟུར་མཆོག་ད་རེས་ཀྱི་ལྷན་ཚོགས་དེར་ཆེད་དུ་གདན་ཞུ་གནང་བ་ཞིག་ཡིན་འདུག་པ་མ་ཟད། སྲིད་ཟུར་བློ་བཟང་སེངྒེ་མཆོག་ལྷན་ཚོགས་དེའི་སློབ་སྟོན་པ་དང་གོ་སྒྲིག་ཚོགས་ཆུང་གི་ཚོགས་མི་ཁོངས་སུའང་ཡོད་འདུག  

གྲོང་ཁྱེར་མུམ་སྦའི་ཁུལ་དུ་ཉིན་གྲངས་གསུམ་རིང་ཚོགས་པའི་རྒྱ་གར་རྒྱལ་ཡོངས་གྲོས་ཚོགས་འཐུས་མིའི་ལྷན་ཚོགས་དེའི་ཐོག་གཞན་ཡང་རྒྱ་གར་གཞུང་གི་སྲིད་འཛིན་གཞོན་པ་ཟུར་པ་དང་། གྲོས་ཚོགས་གོང་འོག་གི་ཚོགས་གཙོ་ཚོགས་གཞོན་ཟུར་པ། ས་གནས་གྲོས་ཚོགས་ཁག་གི་ཚོགས་གཙོ་གཙོས་པའི་འཐུས་མི་བཅས་ཁྱོན་གནད་ཡོད་མི་སྣ་ ༡༥༠༠ ལྷག་འདུ་འཛོམས་བྱུང་ཡོད་པ་རེད།

འདི་གའི་གསར་འགོད་པས་སྲིད་ཟུར་མཆོག་ལ་གྲོས་ཚོགས་འཐུས་མི་ཁོང་རྣམ་པའི་ངོས་ནས་བོད་དོན་ཐོག་ཐུགས་སྣང་དང་སེམས་ཁུར་གང་འདྲ་ཡོད་མེད་དང་། ལྷག་པར་གོ་སྐབས་དེ་དང་བསྟུན། གནད་ཡོད་མི་སྣ་དེ་དག་ལ་བོད་དོན་གླེང་སློང་སོགས་ཀྱི་སྐོར་བཀའ་འདྲི་ཞུས་སྐབས། སྲིད་ཟུར་མཆོག་གིས་ཐེངས་འདིའི་ལྷན་ཚོགས་འདི་བཞིན་སྤྱི་ཡོངས་ནས་ཡག་པོ་བྱུང་སོང་བ་དང་། ལྷག་པར་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐོར་ལ་ཞུས་སྐབས་ཁོང་རྣམ་པས་༸རྒྱལ་བ་རིན་པོ་ཆེ་མཆོག་མཇལ་མྱོང་ཡོད་པ་དང་བོད་དོན་ལ་རྒྱབ་སྐྱོར་ཡོད་པའི་འགྲེལ་བརྗོད་གནང་གི་ཡོད་སྐོར་དང་། དེ་བཞིན་བོད་ཀྱི་གནད་དོན་བཅས་ཀྱི་ཐོག་གླེང་སློང་ཡག་པོ་བྱུང་སོང་ཞེས་གསུངས་སོང་།

འབྲེལ་ཡོད་གསར་གནས།

གསར་གནས།