Tibetan Royal Year of 2151 | Year of the Wood Dragon

སྐལ་བཟང་ཚེ་རིང་ལགས་ཀྱི་གཟུགས་གཞིའི་གནས་སྟངས་ཛ་དྲག་ཏུ་གྱུར་ཡོད་པ།

Tibetan News Headlines

  • ༸གོང་ས་མཆོག་གིས་བོད་མི་ཚོ་སེམས་རྒྱུད་བཟང་པོ་བྱ་དགོས་གལ་ཡིན་པའི་བཀའ་ནན་སྩལ་སོང་།
  • རྒྱ་གར་ཚེའི་རིག་འབྱེད་ཀྱི་གཞུང་ཕྱི་མོར་གྲགས་པ་ཙ་ར་ཀའི་བསྡུ་བའི་སྐོར་བཅར་འདྲི།

Saturday 24/02/2024

  • Being a good human being is our responsibility as a Tibetan: Dalai Lama confers Jataka teaching at Tsuklakhang
  • In conversation with Prof. Rakdo Lobsang Tenzin Rinpoche on Tibetan translation of Charaka Samhita

ལྷ་ས་སྟོད་ལུང་བདེ་ཆེན་རྫོང་གྱི་བོད་མི་ཆབ་སྲིད་བཙོན་པ་སྐལ་བཟང་ཚེ་རིང་ལགས་ཀྱི་སྐུ་གཟུགས་ཀྱི་གནས་སྟངས་ཛ་དྲག་ཏུ་གྱུར་ཡོད་པ་རེད་འདུག
སྐལ་བཟང་ཚེ་རིང་ལགས་ནི་དེ་སྔ་ཕྱི་ལོ་༢༠༠༨ ལོར་བོད་ནང་ས་བྱི་ཞི་རྒོལ་ཆེན་མོའི་ལས་འགུལ་ནང་མཉམ་ཞུགས་པའི་རྐྱེན་ལྷ་ས་སྟོད་ལུང་རྫོང་ཉེན་རྟོག་པས་ཁོང་འཛིན་བཟུང་བྱས་ཡོད་པ་རེད། དེ་ནས་ཁོང་ལ་ལོ་བདུན་གྱི་བཙོན་འཇུག་ཁྲིམས་ཐག་བཅད་དེ་ལྷ་སའི་ཉེ་འཁྲིས་ཆུ་ཤུར་རྫོང་གི་བཙོན་ཁང་དུ་བཙོན་འཇུག་བྱས་པ་མ་ཟད། བཙོན་ཁང་ནང་ཁོང་ལ་གཅར་རྡུང་དྲག་པོ་ཚད་མེད་བཏང་ནས་སྔ་ལོ་ ༢༠༡༥ ཟླ་ ༧ ཚེས་༡༩ ཉིན་བཙོན་གྲོལ་བཏང་ཡོད་རེད། བཙོན་གྲོལ་ཐོབ་རྗེས་ལྷ་ས་དང་དེའི་ཉེ་འཁྲིས་ཀྱི་སྨན་ཁང་ཁག་ལ་སྔ་རྗེས་སུ་བསྟེན་གཏུགས་བྱས་ཀྱང་། ནད་གཞི་ལ་དྲག་སྐྱེད་མ་བྱུང་བས་ད་ཆ་ཁོང་སྨན་བཅོས་ཆེད་རྒྱ་ནག་ཟི་ཁྲོན་གྱི་ཁྲིན་ཏུའུ་གྲོང་ཁྱེར་དུ་མུ་མཐུད་སྨན་བཅོས་གནང་མུས་ཡིན་ནའང། ཁོང་གི་ཚེ་སྲོག་ལ་ཉེན་ཁ་ཆེན་པོ་འཕྲད་བཞིན་ཡོད་པའི་གནས་ཚུལ་ཐོན་བཞིན་འདུག
ད་ལྟའི་ཆར་སྟོད་ལུང་བདེ་ཆེན་རྫོང་གྱི་བོད་མི་ཆབ་སྲིད་བཙོན་པ་སྐལ་བཟང་ཚེ་རིང་ལགས་ཀྱི་སྐོར་ལ་གནས་ཚུལ་དེ་ཙམ་ལས་ཞིབ་ཕྲ་ཤེས་རྟོགས་དཀའ་བར་གྱུར་འདུག

འབྲེལ་ཡོད་གསར་གནས།

གསར་གནས།