Tibetan Royal Year of 2151 | Year of the Wood Dragon

ཨེ་ཤ་ཡའི་ནང་པའི་ཞི་བདེའི་ལྷན་ཚོགས་ཐོག་འཚམས་འཕྲིན་མཛད་པ།

Tibetan News Headlines

  • Wronged, Tried, and Killed: The Custodial Death of Tibetan Political Prisoners in Chinese Prisons

རེས་གཟའ་སྤེན་པ། ༢༠༢༤།༠༧།༡༣

  • རྒྱ་གཞུང་གི་དོ་དམ་མནར་གཅོད་འོག་ཚེ་སྲོག་ཤོར་བའི་བོད་མི་ཆབ་སྲིད་བཙོན་པའི་གནད་དོན་གླེང་བ།

དེ་རིང་ཕྱི་ཚེས་ ༢༡ ཉིན་སོག་པོའི་རྒྱལ་ས་ Ulaanbaatar ནང་ཨེ་ཤ་ཡའི་ནང་པའི་ཞི་བདེའི་ལྷན་ཚོགས་དངོས་སུ་དབུ་འཛུགས་གནང་བ་དང་བསྟུན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་པར་གྱི་ཐོག་ནས་ཚོགས་བཅར་བ་ཡོངས་ལ་འཚམས་འཕྲིན་བསྩལ་འདུགའཚམས་འཕྲིན་དེའི་ནང་༸གོང་ས་༸སྐྱབས་མགོན་ཆེན་པོ་མཆོག་ནས་དེ་སྔ་ཕྱི་ལོ་ ༡༩༧༩ ལོར་སོག་ཡུལ་དུ་ལྷན་ཚོགས་ཚོགས་སྐབས་མགོན་པོ་༸གང་ཉིད་མཆོག་དངོས་སུ་ལྷན་ཞུགས་མཛད་ཡོད་པ་དྲན་བསྐུལ་དང་། ད་རེས་སླར་ལྷན་ཚོགས་དེ་བསྐོང་ཚོགས་གནང་བར་ཐུགས་དགྱེས་ཚོར་ཆོན་པོས་འཚམས་འདྲི་བསྩལ་བ་མ་ཟད་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་ཀྱིས་དད་པ་གཅིག་པོའི་སྐད་ཆ་མིན་པར་སྡུག་བསྔལ་གྱི་འབྱུང་ཁུངས་གཙོ་བོ་དེ་མ་རིག་པར་བརྟེན་ནས་ཡོང་གི་ཡོད་པ་དང་། མ་རིག་པའི་བློ་དེ་དག་རྟེན་འབྱུང་གི་དེ་ཁོ་ན་ཉིད་ཀྱི་ཐོག་ནས་སེལ་དགོས་སྟབས། གཞུང་ཆེན་དག་ལ་སློབ་གཉེར་གནང་དགོས་གལ་ཡིན་པ་བཀའ་བསྩལ་འདུག   མགོན་པོ་༸གང་ཉིད་མཆོག་གིས་འདས་པའི་ལོ་བཅུ་ཕྲག་ཁ་ཤས་ནང་ཆེན་པོ་ཧོར་གྱི་ཡུལ་ནས་ནང་པའི་གཞུང་ལུགས་ཐོག་མཁས་པ་དང་གྲུབ་པའི་སྐྱེས་བུ་བསམ་གྱིས་མི་ཁྱབ་པ་མང་པོ་བྱུང་ཡོད་པ་སོགས་བཀའ་བསྩལ་དང་སྦྲགས། སོག་པོ་བ་ཚོས་ཆོས་ལ་དད་པ་གནང་དང་མི་གནང་སོ་སོའི་འདོད་མོས་རེད། འོན་ཀྱང་སངས་རྒྱས་པའི་ལྟ་གྲུབ་ཐོག་ལ་དེང་སྐབས་ཚན་རིག་མཁས་པ་ཚོས་དོ་སྣང་ཆེན་པོ་བྱེད་བཞིན་ཡོད་སྟབས། དེ་དག་གི་ཐོག་ལ་སློབ་གཉེར་གནང་རྒྱུ་ཆེས་གནད་ཆེར་ཆགས་ཡོད་པ་ལམ་སྟོན་མཛད་འདུགགཞི་རྩའི་ཨེ་ཤ་ཡའི་ནང་པའི་ཞི་བདེའི་ལྷན་ཚོགས་ཐེངས་ ༡༡ པ་འདི་དེ་རིང་ནས་དབུ་འཛུགས་ཀྱིས་ཕྱི་ཚེས་ ༢༤ བར་འཚོགས་གནང་གི་ཡོད་པ་རེད།

འབྲེལ་ཡོད་གསར་གནས།

གསར་གནས།