Tibetan Royal Year of 2151 | Year of the Wood Dragon

༸གོང་ས་༸སྐྱབས་མགོནཆེན་པོ་མཆོག་གིས་དགའ་ལྡན་ཁྲིི་ཐོག་ཁང་ལེགས་གྲུབ་ཀྱི་དབུ་འབྱེད་རབ་གནས་མཛད་པ།

Tibetan News Headlines

  • སྔོན་རྩིས་མ་དངུལ་སྒོར་ས་ཡ་ ༣༣༣༡ ལྷག་གཏན་འབེབས་ཐོག་གྲོས་ཚོགས་ཚོགས་དུས་ ༧ མཇུག་སྒྲིལ།
  • རྒྱ་ནག་གིས་སྡེ་དགེ་ཁུལ་ནས་བོད་མི་བཅུ་ལྷག་འཛིན་བཟུང་གིས་གར་སོང་ཆ་མེད་དུ་གྱུར་འདུག
  • རྒྱ་དཀར་ནག་གཉིས་ཀྱི་མཐའ་མཚམས་གྲོས་མོལ་ཁྲོད་གྲུབ་འབྲས་གང་ཡང་བྱུང་མེད་པ་མངོན་གསལ།
  • སྐད་ཡིག་ཕུན་གསུམ་ཚོགས་པའི་བོད་རིགས་ན་གཞོན་བཅུ་ཕྲག་གིས་བོད་དོན་སྐོར་བསྐྱོད་གནང་ན་རྒྱ་གར་གྱི་སྲིད་བྱུས་ལ་འགྱུར་བ་ཐེབས་ངེས་ཡིན་པ་གསུངས་འདུག
  • ཨོ་གླིང་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་ཟུར་ Janet Rice ལགས་ལ་ཕེབས་སྐྱེལ་དང་ཟུང་སྦྲེལ་ཚོགས་གཙོ་གསར་པར་ཕེབས་བསུ་ཞུས་པ།
  • མལ་དིལྦ་ནང་འཐུང་ཆུའི་དཀའ་ངལ་སེལ་སླད་བོད་ཀྱི་གཏེར་ཆུ་ཏུན་ ༡༥༠༠ མཁོ་སྤྲོད་བྱས་འདུག

Friday 29/03/2024

  • TPiE concludes 7th session, approves budget of over ₹ 3331 Million
  • China arrests 10 Tibetans from Derge county, whereabouts unknown
  • No breakthrough in India-China dialogue
  • Need of training for educated young Tibetans to influence India’s policy on Tibet: Tenzin Tsundue
  • Tibetans in Australia bid farewell for Senator Janet Rice, welcomes new co-chair for parliamentary Tibet group
  • Now China sends 1,500 tonnes of drinking water from Tibet to Maldives

༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་ཀར་ནཱ་ཊ་ཀ་མངའ་སྡེའི་རྒྱལ་ས་སྦེང་ལོར་ནས་མ2015-12-08-Mundgod-G04_D4D5948ཁའ་ལམ་བརྒྱུད་རྒྱ་གར་ལྷོ་ཕྱོགས་མོན་གྷོ་འདོད་གླིང་དུ་ཞབས་སོར་བདེ་བར་འཁོད་པ་དང།  མགོན་པོ་༸གང་ཉིད་མཆོག་གིས་དགའ་ལྡན་དགོན་པའི་བླ་སྤྱིའི་ཚོགས་ཆེན་དུ་ཆིབས་སྒྱུར་གྱིས་དགའ་ལྡན་ཁྲི་ཐོག་ཁང་གི་རྟེན་དང་བསྟན་པ་བཅས་གསར་བཞེངས་ལེགས་གྲུབ་ཀྱི་དབུ་འབྱེད་རབ་གནས་མཛད་ཡོད་པ་རེད།   སྐབས་དེར་༸གོང་ས་མཆོག་གིས་ང་ཚོ་བཙན་བྱོལ་བ་ཆགས་ནས་ད་བར་མི་ལོ་ ༥༦ སོང་བའི་རིང་ལ་ཐོག་མར་འབག་ས་ནས་བཟུང་ཆོས་སྒར་ཁག་དང། གཞིས་ཆགས་ཁག་གསར་འཛུགས་མཚོན་པའི་དཀའ་ངལ་མང་པོ་ཞིག་བརྒྱུད་དེ་སངས་རྒྱས་ཀྱི་བསྟན་པ་སྤྱི་དང་སྒོས་སུ་འཇམ་མགོན་བླ་མའི་བསྟན་པ་ཆོས་སྲིད་ཟུང་འབྲེལ་གྱི་ཐོག་ནས་ཡོང་བ་ཞིག་རེད།

ད་ལྟ་ང་ཚོའི་མི་རབས་བརྗེ་འགྲོ་གྱི་ཡོད་ཀྱང་བོད་མི་ཚོས་སོ་སོའི་ཆོས་དང་རིག་གཞུང་དེ་མུ་མཐུད་རྒྱུན་གནས་ཐུབ་ཐབས་སུ་འགན་ཁུར་ཡོད་པ་དང་དེ་ལྟར་ཡོད་པ་བཞིན་འབད་བརྩོད་རྒྱ་གང་ཆེ་གནང་གལ་ཡིན་པ་སོགས་བཀའ་སྩལ་མཛད་འདུག   ད་དུང་མགོན་པོ་༸གང་ཉིད་མཆོག་གིས་དེ་སྔ་བོད་ལ་དགའ་ལྡན་ཁྲི་ཐོག་ཁང་ཟེར་བ་ཞིག་ཡོད་ཀྱང་བཙན་བྱོལ་དུ་ད་བར་གསར་འཛུགས་ཞུ་ཐུབ་མེད་པ་རེད། ད་ནས་བཟུང་དགེ་ལུགས་སྤྱི་ལ་ཁྱབ་པའི་ཁྲིམས་སྒྲིག་ལམ་སྐྱོང་རྒྱུ་གཙོས་པའི་སངས་རྒྱས་ཀྱི་བསྟན་པ་ལམ་བསླབ་པ་གསུམ་གི་ཉམས་ལེན་ལུང་སྡེ་སྣོད་གསུམ་གྱི་འཆད་ཉན་སོགས་ལ་གཙོ་བོ་འཛིན་གནང་དགོས་པ་དང་།     དེ་བཞིན་བོད་གངས་ཅན་ལྗོངས་ཀྱི་ཆོས་བརྒྱུད་ཚང་མས་མཉམ་རུབ་ཀྱིས་སངས་རྒྱས་བསྟན་པ་སྤྱི་ལ་སྨན་པའི་ཞབས་འདེགས་ཕྱོགས་གང་ས་ནས་བསྒྲུབ་དགོས་གལ་ཡིན་པ་བཀའ་སྩལ་འདུག    ༸གང་ཉིད་མཆོག་གིས་མུ་མཐུད་བཀའ་སྩལ་མཛད་དོན་ལ། ངོས་ཀྱིས་ཉེ་སྔོན་བཤད་པ་ལྟར་ད་ལྟ་ང་ལོ་ ༨༡ བསླེབ་ཀྱི་ཡོད་སྟབས།   དུས་ཡུན་རིང་པོ་འཚོ་ཐུབ་རྒྱུར་དཀའ་ལས་ཁག་པོ་རེད། རྩ་བའི་ང་ཚོ་བོད་ཀྱི་གནད་དོན་དེ་མི་ལོ་ ༥༦ འགོར་ཟིན་ཀྱང་། ད་དུང་ངལ་བ་མང་དག་ཞིག་གི་འོག་གནས་ཡོད་སྐོར་བཀའ་སྩལ་དང་སྦྲགས།   གཞོན་སྐྱེས་ཚོས་བོད་ཀྱི་ཆོས་དང་རིག་གཞུང་དེ་དག་ཉམས་པ་སླར་གསོ་དང་མི་ཉམས་རྒྱུན་འཛིན་བྱ་དགོས་པའི་བཀའ་སློབ་གནང་པ་མ་ཟད། ད་དུང་༸གོང་ས་མཆོག་གིས་ང་ཚོའི་མི་རིགས་ཀྱི་རིག་གཞུང་དང་བཅས་པ་ཆག་འཇིག་དང་གཉན་འཕྲང་གི་དུས་སུ་སླེབས་བསྡད་ཡོད་པས་དེའི་ཐད་ལ་བོད་མི་ཚོས་འབད་སྤུངས་རྒྱ་གང་ཆེ་གནང་གལ་ཡིན་པའི་བཀའ་སློབ་སྩལ་འདུག

ལྷག་དོན་མགོན་པོ་མཆོག་གིས་བོད་གཞིས་བྱེས་ལྷན་འཛོམས་ཞིག་མ་བྱུང་བར་དགེ་འདུན་འདུ་མང་ཚོས་བཤད་སྒྲུབ་ཀྱི་བསྟན་པ་འདི་ཡང་དུས་ཡུན་རིང་པོར་བསམ་བློ་བཏང་ནས་རྒྱུན་གནས་ཐུབ་ཐབས་སུ་འཛིན་སྐྱོང་སྤེལ་གསུམ་ཞུ་གལ་ཆེ་བ་དང་།   ཕྱོགས་མཚུངས་སུ་མི་སྐྱ་ཕོ་མོ་ཁྱད་མེད་ཚོས་ཀྱང་ནང་ཆོས་ལ་སློབ་གཉེར་བྱེད་དགོས་པའི་བཀའ་བརྩལ་སོགས་མཛད་འདུག

འབྲེལ་ཡོད་གསར་གནས།

གསར་གནས།