Tibetan Royal Year of 2151 | Year of the Wood Dragon

༸གོང་ས་མཆོག་གིས་དྲྭ་ལམ་བརྒྱུད་སེམས་བསྐྱེད་ཆོ་ག་བཀའ་དྲིན་བསྩལ་གནང་མཛད་སོང་།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

དེ་རིང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ས་ག་ཟླ་བའི་དུས་ཆེན་ཁྱད་པར་ཅན་དང་བསྟུན་དྲྭ་ལམ་བརྒྱུད་སེམས་བསྐྱེད་ཆོ་ག་བཀའ་དྲིན་བསྩལ་གནང་མཛད་སོང་།

དེརིང་སྔ་དྲོ་ཕྱག་ཚོད་ ༩ པའི་ཐོག་དབུ་འཛུགས་གནང་བའི་ཆོས་འབྲེལ་དེའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་གི་དུས་ཆེན་ཁྱད་པར་བ་འདི་དང་བསྟུན་གདན་ས་གསུམ་གཙོ་བོར་གྱུར་པའི་རིས་སུ་མ་ཆད་པའི་ཆོས་བརྒྱུད་ཁག་རྣམས་ནས་ལོ་ལྟར་ས་ཟླའི་དུས་ཆེན་སྐབས་སེམས་བསྐྱེད་ཀྱི་ཆོ་ག་གསུང་རྒྱུ་བྱུང་ཚེ་ཕན་ཐོགས་ཆེན་པོ་ཡོད་པའི་དགོངས་པ་བྱུང་ཞེས་བཀའ་གནང་བ་དང་འབྲེལ། འབྱུང་འགྱུར་གྱི་ལོ་ཉི་ཤུ་རྩ་གྲངས་ཀྱི་རིང་ལ་མགོན་པོ་མཆོག་༸སྐུ་འཚོ་བཞུགས་གནང་རྒྱུ་ཡིན་ཞེས་བཀའ་བཟང་ཕེབས་པ་དང་ཆབས་ཅིག་འབྱུང་གྱུར་གྱི་ལོ་ངོ་ཉི་ཤུ་རྩ་གྲངས་ཀྱི་ས་ཟླའི་དུས་ཆེན་ནམ་ཡིན་ལ་སེམས་བསྐྱེད་ཆོ་ག་དང་འབྲེལ་ནས་སེམས་བསྐྱེད་དགོངས་པ་བཞེས་གནང་རྒྱུ་ཡིན་པ་བཀའ་བསྩལ་སོང་།

ད་དུང་མགོན་པོ་༸གང་ཉིད་མཆོག་གིས་སྟོན་པའི་བཀའ་དྲིན་རྗེ་སུ་དྲན་རྒྱུ་གཙོ་བོ་ནི་སྟོང་ཉིད་ཀྱི་ལྟ་བ་དང་བྱང་ཆུབ་སེམས་ཁོ་ནར་བསམ་བློ་གཏོང་རྒྱུ་དེ་ཡིན་པ་བཀའ་བསྩལ་བ་དང་སྦྲགས། དེ་རིང་གི་དུས་ཆེན་ཁྱད་པར་བ་འདིའི་ཐོག་སྤྱིར་སོ་སོའི་ས་གནས་ལ་ཕྱག་དང་མཆོད་འབུལ་གནང་གི་ཡོད་ཀྱང་གཙོ་བོ་བྱང་ཆུབ་སེམས་དང་སྟོང་ཉིད་ཀྱི་ལྟ་བར་བསམ་བློ་གཏོང་དགོས་པའི་ལམ་སྟོན་བཀའ་དྲིན་ཆེ་བར་བསྩལ་གནང་མཛད་སོང་།

༸གོང་ས་མཆོག་གིས་སངས་རྒྱས་ཀྱི་ཆོས་ཞེས་པ་དེ་སྨོན་ལམ་རྒྱབ་པ་ཙམ་གི་འདང་ངེས་ཞིག་མེད་པ་དང་། ལུས་ངག་གི་དགེ་སྒྲུབ་གནང་རྒྱུ་བཅས་ནི་ཆོས་ལུགས་གཞན་ཚོས་ཀྱང་གནང་གི་ཡོད་ནའང་། བསྔགས་བླ་མེད་དང་འབྲེལ་ནས་སེམས་ཕྲ་རག་གི་དབྱེ་བ་འབྱེད་རྒྱུ་ཡོད་པ་ནི་སངས་རྒྱས་པའི་ཆོས་ཀྱི་ཐུན་མིན་གྱི་ཁྱད་ཆོས་ཤིག་ཡིན་པ་མ་ཟད། མཁན་ཆེ་ཞི་བ་འཚོ་གཙོས་ས་སྐྱ་བཀའ་རྙིང་རིས་སུ་མ་ཆད་པའི་མཁས་གྲུབ་གཉིས་ལྡན་གྱི་སྐྱེས་བུ་དུ་མས་མཛད་རྗེས་ལ་བརྟེན་ནས་ང་ཚོར་སངས་རྒྱས་ཀྱི་བསྟན་པ་ཞིག་མཇལ་རྒྱུ་ཡོད་སྟབས། ཚང་མས་ཧུར་ཐག་གནང་དགོས་པའི་ལམ་སྟོན་བཀའ་དྲིན་ཆེ་བར་གནང་སོང་།

དེ་བཞིན་༸གོང་ས་མཆོག་གིས་དེ་རིང་ཆོས་འགྲེལ་དང་འབྲེལ་ནས་སེམས་པ་བཟང་པོ་བྱས་ན་འཕྲལ་བདེ་བ་དང་ཕུགས་ལ་ཕན་པ། དེ་བཞིན་རང་ཉིད་སྐྱིད་པ་བཅས་ཡོང་རྒྱུ་ཙམ་མ་ཟད། ཆོས་ཁས་མི་ལེན་མཁན་ཞིག་ཡིན་ཚེ་སེམས་པ་བཟང་པོ་བྱས་ནས་གྲོགས་མང་བ་དང་མི་ཀུན་གྱི་དགའ་པོ་བྱ་ས་ཞིག་ཏུ་འགྱུར་ངེས་ཡིན་པ་ལས་རང་དོན་ཁོ་ན་ཁོག་ལ་བཅངས་ནས་རང་གཅེས་འཛིན་ཁོ་ནར་བསམ་བློ་བཏང་ཚེ་དངངས་སྐྲག་དང་མ་སྐྱིད་པ། དེ་བཞིན་གཞན་གྱི་གུས་བརྩི་བྱ་ཡུལ་དུ་མི་འགྱུར་བ་དང་། ཕན་པའི་བསམ་པ་དེ་ཡོད་ན་དུད་འགྲོ་ཡིན་ཡང་དགའ་པོ་བྱེད་ཀྱི་རེད་ཅེས་ལམ་སྟོན་བསྩལ་གནང་མཛད་སོང་།

རྩ་བའི་ཐེམ་སྦང་གི་དུས་སྐབས་འདིར་མགོན་པོ་༸གང་ཉིད་མཆོག་གིས་དྲྭ་ལམ་བརྒྱུད་མང་ཚོགས་ལ་ད་བར་གསུང་ཆོས་དང་བཀའ་དབང་སོགས་བཀའ་དྲིན་ཆེ་བར་བསྩལ་གནང་མཛད་པ་བཞིན་ཟླ་བ་འདིའི་ནང་དུའང་དྲྭ་ལམ་བརྒྱུད་བགྲོ་གླེང་དང་བཀའ་བསྡུར་གནང་རྒྱུ་སོགས་ཀྱི་མཛད་འཆར་ཁག་གཅིག་བཀོད་སྒྲིག་གནང་ཡོད་པ་རེད། དེ་ཡང་ཕྱི་ཚེས་ ༧ ཉིན་ལྷོ་ཤར་ཨེ་ཤ་ཡའི་ཡུལ་གྲུ་གང་སར་གནས་པའི་གཞོན་སྐྱེས་ཁག་ཅིག་དང་ལྷན་དུ་བགྲོ་གླེང་དང་བཀའ་འདྲི་དགོངས་སྐོར་གྱི་མཛད་འཕྲིན་ཞིག་བསྐྱང་རྒྱུ་ཡིན་པ་དང་ཕྱི་ཚེས་ ༡༧ ཉིན་རྩོམ་པ་པོ་གྲགས་ཅན་སྐུ་ཞབས་ Pico Iyer ལགས་དང་ལྷན་དུ་བཀའ་བསྡུར་གྱི་མཛད་རིམ་ཞིག་བསྐྱང་གནང་རྒྱུ་ཡིན་པ་རེད། དེ་བཞིན་ཕྱི་ཚེས་ ༢༠ ཉིན་ ༸གོང་ས་མཆོག་དང་ཀླད་པའི་ཚན་རིག་པ་གྲགས་ཅན་སྐུ་ཞབས་ Richard Davidson ལགས་གཉིས་མཉམ་བཞུགས་ཐོག་སེམས་དང་སྲོག་གི་གནད་དོན་ཁག་ཅིག་གི་ཐོག་བགྲོ་གླེང་མཛད་གནང་རྒྱུ་རེད། ཕྱི་ཚེས་ ༢༦ ཉིན་རྒྱ་གར་ Haryana མངའ་སྡེའི་གྲོང་ཁྱེར་ Gurgaon ནང་རྟེན་གཞི་བྱས་པའི་ Amity གཙུག་ལག་སློབ་གཉེར་ཁང་གི་སློབ་མ་རྣམས་ལ་འཛམ་གླིང་འདི་ཞི་བདེ་དང་བྱམས་བརྩེ་ལྡན་པ་ཞིག་བསྐྲུན་ཐབས་ཀྱི་འཆར་སྣང་ཞེས་པའི་བརྗོད་གཞིའི་ཐོག་བཀའ་སློབ་ལམ་སྟོན་དང་སློབ་མ་རྣམས་ཀྱི་བཀའ་འདྲི་དགོངས་སྐོར་ཞུས་བཅས་ཀྱི་མཛད་འཆར་ཡོད་པ་རེད།

འབྲེལ་ཡོད་གསར་གནས།

གསར་གནས།