དེ་རིང་ཕྱི་ལོ་ ༢༠༢༣ ཟླ་ ༡ ཚེས་ ༡༩ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྡོར་གདན་དགའ་ལྡན་འཕེལ་རྒྱས་གླིང་ནས་ Golf cart རླངས་འཁོར་ལ་བཞུགས་ནས་སྟོན་པ་བཅོམ་ལྡན་འདས་མངོན་པར་རྫོགས་པར་སངས་རྒྱས་པའི་གནས་མཆོག་རྡོ་རྗེ་གདན་གྱི་བྱང་ཆུབ་ཆེན་པོའི་མཆོད་རྟེན་རིན་པོ་ཆེར་ཆིབས་སྒྱུར་གྱིས་སྟོན་པའི་སྐུ་བརྙན་ལ་མཆོད་མཇལ་དང་ཐུགས་སྨོན་མཛད་ཡོད་པ་རེད།
དེ་རིང་སྔ་དྲོ་ཕྱག་ཚོད་ ༧།༤༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་འཁོར་ལྷན་རྒྱས་དང་བཅས་རྡོར་གདན་བྱང་ཆུབ་ཆེན་པོའི་མཆོད་རྟེན་རིན་པོ་ཆེར་ཆིབས་སྒྱུར་མཛད་སྐབས་མཆོད་རྟེན་གྱི་དམིགས་བསལ་སྒོ་ཆེན་དུ་མཆོད་རྟེན་འཛིན་སྐྱོང་གི་འབྲེལ་ཡོད་འགོ་ཁྲིད་རྣམས་ཀྱིས་ཕེབས་བསུ་དང་བཅས་སྟོན་པའི་སྐུ་བརྙན་རིན་པོ་ཆེར་མཆོད་མཇལ་མཛད་པ་དང་། སྐུ་བརྙན་རིན་པོ་ཆེའི་མདུན་དུ་རྗེ་ཙོང་ཁ་པ་ཆེན་པོས་མཛད་པའི་རྟེན་འབྲེལ་བསྟོད་པ་སོགས་གསུང་འདོན་དང་ཐུགས་སྨོན་མཛད་རྗེས་དགའ་ལྡན་འཕེལ་རྒྱས་གླིང་དུ་ཆིབས་བསྒྱུར་བསྐྱངས་ཡོད།
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༢༢ ཟླ་ ༡༢ ཚེས་ ༢༢ ཉིན་གནས་མཆོག་རྡོ་རྗེ་གདན་དུ་༸ཞབས་སོར་འཁོད་དེ་དད་ལྡན་སྟོང་ཕྲག་མང་པོར་བཀའ་ཆོས་དང་། བཀའ་སློབ་ལམ་སྟོན། མི་མང་ལ་མཇལ་ཁ་སྩལ་བ། 
དེ་བཞིན་ཕྱི་ལོ་ ༢༠༢༣ ཟླ་ ༡ ཚེས ༡ སྟེ་ཕྱི་ལོ་གསར་བཞད་དང་བསྟུན་རི་བོ་དགེ་ལུགས་པའི་ཆོས་བརྒྱུད་འཛིན་པ་ཡོངས་ཀྱིས་ཀྱང་མགོན་པོ་༸གང་ཉིད་མཆོག་༸སྐུ་ཚེ་བསྐལ་བརྒྱར་བརྟན་ཕྱིར་བླ་མ་མཆོད་པའི་ཆོ་གའི་ཐོག་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུས་ཡོད། 
ཁ་སང་ཚེས་ ༡༨ ཉིན་རྒྱ་གར་གྱི་གནས་མཆོག་རྡོ་རྗེ་གདན་དུ་རྟེན་གཞི་བྱས་པའི་དཔལ་ཡུལ་རྣམ་གྲོལ་གླིང་དགོན་པར་སྔ་འགྱུར་རྙིང་མའི་ཆོས་བརྒྱུད་པས་མགོན་པོ་༸གང་ཉིད་མཆོག་ལ་རྫོགས་པ་ཆེན་པོ་ཀློང་ཆེན་སྙིང་གི་ཐིག་ལེའི་རིག་འཛིན་ཡུལ་ཀ་བདེ་ཆེན་རྒྱལ་མོའི་སྒོ་ནས་མཁའ་འགྲོའི་བསུན་ཟློག་དང་འབྲེལ་བའི་ཆོ་གའི་ཐོག་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུས་པ་སོགས་མཛད་འཕྲིན་ཁག་རེ་ཞིག་ལེགས་པར་གྲུབ་ཞུས་ཡོད། 
སང་ཕྱི་ཚེས་ ༢༠ ཉིན་གྷ་ཡ་གནམ་ཐང་ནས་མཁའ་ལམ་བརྒྱུད་རྒྱ་གར་གྱི་རྒྱལ་ས་ལྡི་ལིར་༸ཞབས་སོར་འཁོད་རྒྱུ་དང་། ཚེས་ ༢༡ དང་ཚེས་ ༢༢ ཉིན་གཉིས་རིང་ལྡི་ལིར་མཛད་འཕྲིན་བསྐྱངས་གྲུབ་རྗེས་ཚེས་ ༢༣ ཉིན་ཧི་མཱ་ཅལ་མངའ་སྡེའི་དྷརྨ་སཱ་ལཱའི་བཞུགས་སྒར་༸རྒྱལ་བའི་ཕོ་བྲང་དུ་༸ཞབས་སོར་འཁོད་གནང་མཛད་ཀྱི་ཡོད་པ་རེད།
༸གོང་ས་མཆོག་གིས་བྱང་ཆུབ་ཆེན་པོའི་མཆོད་རྟེན་དུ་གནས་གཟིགས་མཛད་པ།
Tibetan News Headlines
- གཞིས་ལུས་བོད་མི་རྣམས་ཀྱི་ལྷག་བསམ་ལ་ཆེ་བསྟོད་དང་བོད་དོནབདེན་མཐའ་གང་མགྱོགས་སེལ་རྒྱུའི་ཐུགས་རེ་ཡོད་པ་བཀའ་སྩལ།
- རྒྱ་ནག་གཞུང་ཚབ་པས་ཧ་ཝར་ཌི་ཀེ་ནེ་ཌི་སློབ་གྲྭར་གཏམ་བཤད་བྱེད་པར་ས་གནས་་བོད་མིས་ངོ་རྒོལ།
- ཆབ་སྲིད་བཙོན་ཟུར་ཞིག་གིས་རྒྱ་མིའི་བཙོན་འཇུག་མནར་གཅོད་སྐོར་ཕྱིར་བསྒྲགས།
- ཨ་རིའི་ཕྱི་སྲིད་དྲུང་ཆེ་ Antony Blinken རྒྱ་ནག་ཏུ་ཕེབས་འཆར།
- G7 འགོ་ཁྲིད་ཚོས་རྒྱ་ནག་གིས་བོད་དང་ཤིན་ཅང་ནང་དུ་འགྲོ་བ་མིའི་ཐོབ་ཐང་རྡོག་རོལ་ཐད་སེམས་འཚབ་སྟོན་པ།
- རྩམ་པ་ཟ་མ་ཎི་བགྲང་མཁན་ཚང་མས་རྡོག་རྩ་ཆིག་སྒྲིལ་བྱ་རྒྱུ་གལ་འགངས་ཆེན་པོ་ཡིན་པའི་ལམ་སྟོན་སྩལ་གནང་སོང་།
Monday 22/04/2024
- Dalai Lama grants audience to participants of Shoton Festival and TWA members
- Tibetan and Taiwanese activists disrupt Chinese ambassador’s address at Harvard
- Tibetan political prisoner shares harrowing accounts of experiences in Chinese prisons
- Blinken to visit China to bolster relations amid global turbulence
- G7 Foreign ministers express concern over China’s human rights violations in Xinjiang, Tibet
- Sakya Gongma Trichen gives teaching to Tibetan students in Delhi
