Tibetan Royal Year of 2151 | Year of the Wood Dragon

༸གོང་ས་མཆོག་གིས་སྤྱི་ལོ་གསར་པའི་ནང་བཀྲ་ཤིས་པའི་ཉི་མ་ཤར་རྒྱུའི་ཐུགས་ཚོར་བྱུང་ཞེས་བཀའ་སྩལ་བ།

Tibetan News Headlines

  • བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་བཟང་ཕྱོགས་ཀྱི་འགྱུར་བ་གང་ཡང་མངོན་རྒྱུ་མེད་པ་མངོན་གསལ།
  • མགོན་པོ་སྐྱིད་ལགས་ཀྱིས་མུ་མཐུད་རྡོ་རྗེ་བཀྲིས་ཆེད་ཞུ་འབོད་གནང་བར་རྒྱ་གཞུང་ཉེན་རྟོག་པས་གཅར་རྡུང་།
  • རྒྱ་གཞུང་གིས་ཏོག་དབྱིབས་གཉན་རིམས་གྱི་འབྱུང་ཁུངས་རྩད་གཅོད་ཀྱི་ལས་དོན་ལ་ད་ལྟའང་འགོག་རྐྱེན་བཟོ་བཞིན་པ་མངོན་གསལ།
  • ཁ་སང་བོད་ཀྱི་ཞོ་སྟོན་རྒྱས་པ་ཐེངས་ ༢༧ པ་མཇུག་སྒྲིལ་སོང་།
  • རྒྱལ་སྲས་དད་པ་བརྟན་པའི་ལྷ་གཞུང་ངོ་སྤྲོད།
  • འཇར་མ་ནི་ནང་རྒྱ་ནག་ཆེད་དུ་གསང་ཉུལ་བྱས་པའི་དོགས་གཞི་འོག་མི་སྣ་ཁག་གཅིག་འཛིན་བཟུང་བྱས་འདུག

Tuesday 23/04/2024

  • No significant changes in the rights situation in Tibet: US report
  • Blinken must raise Tibet, Panchen Lama on China trip: Tibet advocacy group
  • Chinese authorities assaults Gonpo Kyi ; phone broken amid call for brother’s fair retrial
  • China froze Covid -19 origin tracing; pattern continues to this day: AP investigation
  • 27th Shoton festival ends with a call from Sikyong to intensify efforts to preserve Opera tradition
  • Introduction to Opera ‘Prince Dhepa Tenpa’
  • Germany and Britain detain suspected Chinese spies

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དེ་རིང་འདི་ག་གནས་མཆོག་རྡོ་རྗེ་གདན་དུ་རི་བོ་དགེ་ལུགས་པའི་ཆོས་བརྒྱུད་འཛིན་པ་ཡོངས་ཀྱིས་མགོན་པོ་༸གང་ཉིད་མཆོག་༸སྐུ་ཚེ་བསྐལ་བརྒྱར་བརྟན་ཕྱིར་བླ་མ་མཆོད་པའི་ཆོ་གའི་ཐོག་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུས་ཡོད་པ་ལྟར། ༸གོང་ས་མཆོག་གིས་མགོན་པོ་༸གང་ཉིད་མཆོག་ད་དུང་དགུང་གྲངས་བརྒྱ་ལྷག་ལྷག་བཞུགས་རྒྱུའི་དགོངས་པ་ཡོད་སྐོར་བཀའ་སྩལ་བ་མ་ཟད། སྤྱི་ལོ་གསར་པའི་ནང་བཀྲ་ཤིས་པའི་ཉི་མ་ཤར་རྒྱུའི་ཐུགས་ཚོར་བྱུང་ཞེས་བཀའ་སྩལ་སོང་།དེ་རིང་བརྟན་བཞུགས་བསྟར་འབུལ་གྱི་མཛད་སྒོ་དངོས་གཞི་དབུ་འཛུགས་མ་གནང་གོང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཛམ་གླིང་ནང་མགོན་པོ་༸གང་ཉིད་མཆོག་གི་མཚན་དང་དགོངས་གཞི་བཅས་པ་མི་མང་ཚང་མས་རྒྱུས་མངའ་ཡོད་པ་ཞིག་རེད་ཅེས་བཀའ་སྩལ་བ་དང་སྦྲགས་ཏེ་དགུང་གྲངས་བརྒྱ་ལྷག་༸སྐུ་འཚོ་བཞུགས་མཛད་རྒྱུ་ཡིན་ཞེས་བཀའ་བཞེས་བཟང་པོ་སྨིན་སྩལ་མཛད་ཡོད།མང་ཚོགས་ཀྱི་ངོས་ནས་རྒྱུན་དུ་བྱང་ཆུབ་སེམས་དང་སྟོང་ཉིད་ཀྱི་ལྟ་བར་ཉམས་བཞེས་གནང་སྟེ་མི་ཚེ་དོན་དང་ལྡན་པ་ཞིག་སྐྱེལ་དགོས་པའི་ལམ་སྟོན་སྩལ་བ་དང་ཆབས་ཅིག བོད་ལ་ད་བར་རྐྱེན་ངན་བར་ཆད་མང་དག་ཅིག་འཕྲད་ཡོད་ཀྱང་ད་ཆ་རྐྱེན་ངན་གྲོགས་ཤར་ལྟ་བུ་གྱུར་ནས་བོད་ཀྱི་ནང་པ་སངས་རྒྱས་པའི་ཆོས་དང་རིག་གཞུང་ལ་འཛམ་གླིང་ནང་དམིགས་བསལ་དོ་སྣང་གནང་ཡུལ་ཞིག་ཆགས་ཡོད་པ་སོགས་བཀའ་སྩལ་སོང་།མགོན་པོ་༸གང་ཉིད་མཆོག་གིས་བོད་ཀྱི་ཆོས་དང་ཪིག་གཞུང་གཉིས་ནི་འཛམ་གླིང་གི་སྤྱི་ནོར་ཡིན་པ་བཀའ་སྩལ་དང་འབྲེལ། ང་ཚོ་ཚང་མས་དེ་དག་མི་ཉམས་རྒྱུན་འཛིན་དང་ཉམས་པ་སོར་ཆུད་གནང་གལ་ཆེ་བ་དང་། དེ་རིང་སྤྱི་ལོ་གསར་པའི་ཚེས་ཤར་དང་བསྟུན་རིས་མེད་ཆོས་བརྒྱུད་ཁག་གི་བླ་ཆེན་རྣམ་པ་དབུ་བཞུགས་ཐོག་མགོན་པོ་༸གང་ཉིད་མཆོག་ལ་བརྟན་བཞུགས་བསྟར་འབུལ་ཞུས་པ་འདི་ནི་མ་སྒྲིག་ལྷུན་གྲུབ་བྱུང་ཡོད་པར་བཀའ་སྩལ་བ་དང་སྦྲགས། མགོན་པོ་༸གང་ཉིད་མཆོག་ལ་སྤྱི་ལོ་གསར་པའི་ནང་བཀྲ་ཤིས་པའི་ཉི་མ་ཤར་རྒྱུའི་ཐུགས་ཚོར་བྱུང་ཞེས་བཀའ་སྩལ་ཡོད།བརྟན་བཞུགས་ཀྱི་མཛད་སྒོའི་མཇུག་ཏུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་གནས་མཆོག་ཁྱད་པར་ཅན་རྡོ་རྗེ་གདན་དུ་བཀའ་ཆོས་སྩལ་རྒྱུ་བྱུང་བར་སྐལ་པ་བཟང་པོ་བྱུང་ཞེས་དང་། གཙོ་བོ་སེར་སྐྱ་མི་མང་གི་ངོས་ནས་དད་དམ་གཡོ་བ་མེད་པ་ཡོད་པ་དེས་སྤྱི་སྒེར་གྱི་རེ་སྨོན་བདེ་བླག་ཡོང་ངེས་ཡིན་སྐོར་བཀའ་སྩལ་བ་དང་སྦྲགས། མགོན་པོ་༸གང་ཉིད་མཆོག་༸སྐུ་ཚེ་ཡུན་དུ་བཞུགས་པའི་ཐོག་ནས་བསྟན་པའི་བྱ་བར་མཛད་པ་རྒྱ་གང་ཆེ་བསྐྱང་ཐུབ་པར་ཐུགས་སྨོན་མཛད་ཀྱི་ཡོད་ཅེས་བཀའ་སྩལ་ཡོད།རྩ་བའི་ཐེངས་འདིའི་བརྟན་བཞུགས་བསྟར་འབུལ་ཞུས་པ་འདི་ནི་རི་བོ་དགེ་ལྡན་པའི་ཆོས་བརྒྱུད་འཛིན་པ་ཡོངས་ཀྱིས་ཆོས་དང་དུས། སྟོན་པ། གནས། འཁོར་བཅས་ཕུན་ཚོགས་ལྔ་ལྡན་གྱི་སྒོ་ནས་གསོལ་འདེབས་ཞུས་པ་ཞིག་ཡིན་པ་རེད།

འབྲེལ་ཡོད་གསར་གནས།

གསར་གནས།