Tibetan Royal Year of 2151 | Year of the Wood Dragon

བྲག་འགོ་ནང་༸གོང་ས་མཆོག་གི་༸སྐུ་པར་སྒྲིག་གཤོམ་མི་ཆོག་པའི་དམ་དྲག་བྱེད་པ་རྒྱ་གཞུང་གིས་ངོས་ལེན་བྱས་འདུག

Tibetan News Headlines

  • Martin Luther King གསུམ་པ་མཆོག་དང་༸གོང་ས་ཏཱ་ལའི་བླ་མའི་ཞི་བདེ་དང་ཤེས་ཡོན་བསྟི་གནས་ཁང་གི་མི་སྣར་མཇལ་ཁ་སྕལ་བ།
  • སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༧ དབུ་འཛུགས།
  • རྒྱ་གཞུང་གིས་འགན་ཁུར་ཇི་བཞིན་མ་བླངས་པར་བོད་རྒྱའི་དཀའ་རྙོག་མ་སེལ་བར་ལུས་ཡོད།
  • ལྷ་སྒྲོན་བཀྲས་མཐོང་ལགས་དང་ཧོང་ཀོང་རང་དབང་མཐུན་ཚོགས་གཉིས་ལ་གངས་སེང་འགྲོ་བ་མིའི་ཐོབ་ཐང་གི་གཟེངས་རྟགས་ཐོབ་པ།
  • རྒྱ་ནག་གི་ས་ཁོངས་བདག་དབང་ལ་དོ་ཕོག་འགྲོ་སྲིད་པའི་ས་མིང་རྣམས་གཞུང་གི་ཚད་གཞི་ལྟར་བསྒྱུར་དགོས་པ་བརྗོད་འདུག

Monday 18/03/2024

  • Dalai Lama meets Martin Luther King III, son of American civil rights icon
  • Tibetan Parliament begins budget session; Finance Kalon presents 2024-25 Budget
  • Tibetan MPs debate solidarity resolution, slams China for failing to address Sino-Tibet issue
  • Lhadon Tethong honored with ‘Snow Lion’ Human Rights Award
  • New measure stipulates place name translation must not compromise China’s territorial claims

ཉེ་སྔོན་ཁམས་དཀར་མཛེས་བྲག་འགོ་རྫོང་གི་བོད་མིའི་ཚོང་ཁང་ཁག་ལ་༸གོང་ས་མཆོག་གི་༸སྐུ་པར་སྒྲིག་གཤོམ་མི་ཆོག་པ་དང་། ལྷག་དོན་༸སྐུ་པར་ཡོངས་རྫོགས་རྫོང་རིག་གནས་ཁྲིམས་འཛིན་རུ་ཆེན་ལ་རྩིས་སྤྲོད་བྱ་དགོས་པའི་བཙན་བཀའ་བཏང་པ་རྒྱ་གཞུང་གིས་ངོས་ལེན་བྱས་འདུག
དེ་ཡང་ཁ་སང་ཟླ་ ༢ ཚེས་ ༣ ཉིན་ Global Times བརྒྱུད་ལམ་ཐོག་གནས་ཚུལ་སྤེལ་བའི་ནང་འཁོོད་དོན། རྒྱ་གཞུང་གིས་དབྱེ་བའི་ཟི་ཁྲོན་ཞིང་ཆེན་ས་གནས་སྲིད་གཞུང་གི་དྲིལ་བསྒྲགས་ཚན་པའི་མགོ་གཙོ་ Gou Yadong ཟེར་བ་དེས་ཟླ་སྔོན་མའི་ཚེས་ ༤ ཉིན་རྒྱ་གཞུང་གིས་བོད་ཁམས་དཀར་མཛེས་བྲག་འགོར་༸གོང་ས་མཆོག་གི་༸སྐུ་པར་སྒྲིག་གཤོམ་མི་ཆོག་པའི་བརྡ་ཐོ་ཞིག་བཏང་ཡིན་པ་ངོས་ལེན་བྱས་འདུག་པ་དང། དེའང་ལོ་ལྟར་སྤྱི་གསར་དུས་ཆེན་གྱི་སྔ་རོལ་དུ་རྒྱལ་ཁབ་ཁ་བྲལ་གྱི་དབུ་ཁྲིད་༸གོང་ས་མཆོག་༸སྐྱབས་མགོན་ཆེན་པོ་མཆོག་གི་༸སྐུ་པར་ནི་ཁྲིམས་འགལ་གྱི་པར་དང་། དེ་བཞིན་དཔེ་དེབ་ཁག་ཅིག་ཀྱང་བཀག་སྡོམ་བྱ་རྒྱུའི་ལས་འགུལ་སྤེན་བཞིན་ཡོད་པའི་ཆ་ཤས་ཤིག་ཡིན་སྐོར་བཤད་པ་མ་ཟད། ལྷག་དོན་བོད་མི་མང་ཚོགས་ཚོའི་ངོས་ནས་རྒྱ་ནག་གི་འགོ་ཁྲིད་རིམ་པའི་འདྲ་པར་ཁག་སྒྲིག་གཤོམ་བྱེད་ན་དེར་བཀག་སྡོམ་གང་ཡང་མེད་པ་བརྗོད་འདུག
ད་དུང་ Gou Yadong ཡིས་ལས་འགུལ་དེ་ཡང་བྲག་མགོ་རྫོང་རིག་གནས་ཡུལ་སྐོར་ལས་ཁུངས་དང་། བྲག་མགོ་རྫོང་སྤྱི་བདེ་ལས་ཁུངས། དེ་བཞིན་རྫོང་མི་རིགས་ཆོས་དོན་ལས་ཁུངས་བཅས་ཀྱིས་སྟངས་འཛིན་འོག་སྤེལ་མུས་ཡིན་པ་བཤད་ཡོད་པ་རེད།
དེ་མཚུངས་སུ་ Tibet.cn བརྒྱུད་ལམ་གྱིས་འདི་ལོར་རྒྱ་གཞུང་གིས་མང་ཚོགས་ཚོར་བོད་རང་སྐྱོང་ལྗོངས་ཟེར་བ་དེ་དབུ་བརྙེས་ནས་ལོ་ ༥༠ འཁོར་བའི་དུས་དྲན་དང་བསྟུན། གཞུང་གི་ལས་ཁུངས་དང་དགོན་སྡེ་སོགས་ཚོགས་སྐྱིད་ཁག་ལ་རྒྱ་ནག་གི་འགོ་ཁྲིད་སྔ་རྗེས་ལྔའི་པར་རྔན་པའི་ཚུལ་དུ་སྤྲད་ཡོད་པ་མངོན་གསལ་བྱས་འདུག
གཞི་རྩའི་ཟླ་སྔོན་མའི་ཚེས་ ༤ ཉིན་རྒྱ་གཞུང་གིས་བོད་ཁམས་དཀར་མཛེས་བྲག་འགོ་རྫོང་གི་བོད་མིའི་ཚོང་ཁང་ཁག་ལ་༸གོང་ས་མཆོག་གི་༸སྐུ་པར་སྒྲིག་གཤོམ་མི་ཆོག་པ་དང་། ལྷག་དོན་༸སྐུ་པར་ཡོངས་རྫོགས་རྫོང་རིག་གནས་ཁྲིམས་འཛིན་རུ་ཆེན་ལ་སྤྲོད་དགོས་པ་དང་རང་འགུལ་གྱིས་རྩིས་སྤྲོད་མ་བྱེད་ཚེ། ཐབས་ཤེས་དྲག་པོ་སྤྱད་ནས་རྩིས་ལེན་བྱེད་རྒྱུ་མ་ཟད། དོ་བདག་ལ་ཁྲིམས་ཆད་ནན་པོ་གཏང་རྒྱུ་ཡིནཞེས་བཀའ་རྒྱའི་བརྡ་ཐོ་ཞིག་བཏང་ཡོད་པ་རེད།

འབྲེལ་ཡོད་གསར་གནས།

གསར་གནས།