Tibetan Royal Year of 2151 | Year of the Wood Dragon

མོན་ཡུལ་བསྟན་དོན་རིག་གཞུང་གཅེས་སྐྱོང་ལྷན་ཚོགས་ལ་གཟིམ་ཆུང་མཇལ་ཁ་སྩལ་བ།

Tibetan News Headlines

  • ༸གོང་ས་མཆོག་གིས་ཧིན་དྷུའི་བླ་ཆེན་དགོངས་པ་རྗོགས་པར་ཐུགས་གསོའི་གསུང་འཕྲིན་སྩལ་འདུག
  • མགོན་པོ་སྐྱིད་ལགས་ཀྱིས་ཉེན་རྟོག་པས་ཁོང་ལ་སྡུག་སྦྱོང་བཏང་བའི་སྐོར་ཁྲིམས་ཁང་ལ་ཞུ་གཏུག་བྱས་འདུག
  • དྭང་བླངས་དཔྱ་དངུལ་ལག་དེབ་ཆག་ཡང་དང་འབུལ་ཚེའི་དུས་བཀག་ཕར་འགྱང་གནང་སོང་།
  • ནང་སྲིད་ལས་ཁུངས་དང་སྦྲགས་ལྷན་ཁང་ཁག་གི་སྔོན་རྩིས་གཏན་འབེབས་དང་བགྲོ་གླེང་ལས་རིམ་གྲུབ་སོང་།
  • ཁྲིམས་ཞིབ་པའི་འོས་ཆོས་ལྡན་པའི་མི་འགྲོ་འཚོལ་རྒྱུ་ཁག་པོ་མ་གཏོགས་གཞན་དཀའ་ངལ་མེད་པ་གསུངས་སོང་།
  • དབྱིན་ཡུལ་གྱི་གྲོང་སྡེ་གཉིས་ལ་ Hikvision བརྙན་མིག་སྤྱོད་རྒྱུ་མཚམས་འཇོག་དགོས་པའི་ཞུ་སྐུལ་གནང་འདུག

Thursday 28/03/2024

  • Dalai Lama expresses ‘sadness’ and offers ‘condolences’ on the passing away of Swami Smaranananda Maharaj
  • Gonmo Kyi sues China’s police over ‘repressive censorship and vigilant supervision’
  • Parliament extends Chatrel exemption period by six months
  • House discusses budget allocation for DoH for the fiscal year 2024-25
  • MPs express concern over challenges in finding nominees for Justice Commissioners
  • Review into Harborough and Lutterworth CCTV cameras after concerns made by company with links to Chinese government Now

དེ་རིང་ཕྱི་ཟླ་ ༩ ཚེས་ ༦ ཉིན་གྱི་སྔ་དྲོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་༸རྒྱལ་བའི་ཕོ་བྲང་དུ་སང་ཉིན་མགོན་པོ་༸གང་ཉིད་མཆོག་ལ་བརྟན་བཞུགས་བསྟར་འབུལ་ཞུ་མཁན་ཁོངས་སུ་ཡོད་པ་མོན་ཡུལ་བསྟན་དོན་རིག་གཞུང་གཅེས་སྐྱོང་ལྷན་ཚོགས་ཀྱི་ཚོགས་བཅར་བ་ཡོངས་ལ་མཇལ་ཁ་སྩལ་འདུག༸རྒྱལ་བའི་གཟིམ་ཆུང་མཇལ་ཁའི་ཐོག་ཨ་རུ་ནཱ་ཅལ་མངའ་སྡེའི་ཆོས་རིག་གཙོ་འཛིན་འཇམ་དཔལ་དབང་འདུས་ལགས་ཀྱིས་དབུས་པའི་པདྨ་ཤྲིའི་གཟེངས་རྟགས་བཞེས་མཁན་གུ་རུ་སྤྲུལ་སྐུ་མཆོག རྟ་ཝང་གི་རྫོང་དཔོན། དེ་བཞིན་མོན་པ་མི་མང་ཚོགས་པའི་དྲུང་ཆེ། ཨ་རུ་ནཱ་ཅལ་ཁུལ་གྱི་དགོན་སྡེ་ཁག་གི་མཁན་པོ་བཅས་ཁྱོན་མི་གྲངས་ ༢༠ ལྷག་ཆེད་བཅར་ཞུས་འདུགདེ་རིང་གི་མཇལ་ཁ་གྲུབ་མཚམས་སུ་གསར་འགོད་པས་རྟ་དབང་དགོན་པའི་མཁན་ཟུར་གུ་རུ་སྤྲུལ་སྐུ་མཆོག་ལ་མཇལ་ཁ་དང་འབྲེལ་བའི་བཅར་འདྲི་ཞུས་པར་སང་ཉིན་བརྟན་བཞུགས་ཐོག་དད་ལྡན་མང་ཚོགས་ལ་བཀའ་སློབ་ལམ་སྟོན་དང་མ་ཎིའི་བཀའ་ལུང་བསྩལ་གནང་ཡོང་བའི་གསོལ་འདེབས་ཞུས་པ་དང་ཆབས་ཏེ་སླད་མར་མོན་ཡུལ་དུ་ཆིབས་བསྒྱུར་བཀྲིན་བསྐྱང་བའི་གསོལ་འདེབས་ཞུས་ཡོད་པར་གསུངས་ཡོད།དེ་བཞིན་༸གོང་ས་མཆོག་གིས་སྐབས་དེར་དེ་སྔ་ ༡༩༥༩ ལོར་༸གོང་ས་མཆོག་རྒྱ་གར་ལ་བྲོས་བྱོལ་དུ་ཕེབས་སྐབས་དང་བོད་མིར་ངལ་བ་ཆེས་ཆེར་འཕྲད་པའི་དུས་སྐབས་སུའང་མོན་པ་ཚོས་ཕན་ཐོགས་ཆེན་པོ་གནང་བ་དེ་བརྗེ་མེད་ཅེས་བཀའ་སྩལ་བ་དང་སྦྲགས། མོན་ཁུལ་གྱི་དད་ལྡན་མང་ཚོགས་རྣམས་ཀྱི་ངོས་ནས་མགོན་པོ་༸གང་ཉིད་མཆོག་ལ་དད་དམ་གཡོ་བ་མེད་པ་ཞིག་ཡིན་སྟབས་མོན་ཡུལ་དུ་ཆིབས་བསྒྱུར་བཀྲིན་བསྐྱང་རྒྱུའི་བཀའ་བཞེས་བཟང་པོ་སྨིན་བསྩལ་མཛད་སོང་ཞེས་གསུངས་སོང་།རྩ་བའི་མོན་ཡུལ་བསྟན་དོན་རིག་གཞུང་གཅེས་སྐྱོང་ལྷན་ཚོགས་དང་གཞིས་བྱེས་རྒྱལ་བ་ཇོ་ནང་པ། མདོ་སྨད་མང་འབའ་བྱ་གསུམ། བལ་ཡུལ་རྣམ་རྒྱལ་མཐོ་འབྲིང་དགེ་ལས་སློབ་ཟུར། དེ་བཞིན་སིཌ་ནི་བོད་རིགས་མཐུན་ཚོགས་བཅས་ཚོགས་པ་ལྔས་ཇི་ལྟར་གསོལ་འདེབས་ཞུས་དོན་ལྟར། སང་ཉིན་༸རྒྱལ་བའི་༸སྐུའི་བླ་གཟའ་དང་བསྟུན་ནས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་ཐོག་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ་ཡིན་པ་རེད།

འབྲེལ་ཡོད་གསར་གནས།

གསར་གནས།