དེ་རིང་སྔ་དྲོ། ཧར་པ་སྤུར་གཏན་ཉིན་སློབ་གྲྭའི་སློབ་ཟུར་བཅུ་ཡིས། སློབ་གྲྭ་དེ་ཚུགས་ནས་མི་ལོ་ལྔ་བཅུ་འཁོར་བའི་དུས་དྲན་མཛད་སྒོ་དང་འབྲེལ། བོད་ཀྱི་བླ་ན་མེད་པའི་དབུ་ཁྲིད། སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ལ་མཇལ་ཁ་ཞུས་ཏེ་ཐུབ་དབང་གི་སྐུ་འདྲ་ཞིག་དང་མགོན་པོ་གང་ལ་ཆེད་བསྟོད་ཀྱི་སྐུ་ཐང་ཞིག་ཕུལ་ཏེ་སློབ་གྲྭ་དེར་ཐུགས་སྨོན་སྐྱབས་འཇུག་ཞུས་འདུག 
འདི་ལོར་ཧར་པ་སྤུར་གཏན་ཉིན་སློབ་གྲྭ་དབུ་བརྙེས་ནས་མི་ལོ་ལྔ་བཅུ་འཁོར་བའི་དུས་དྲན་ཁེལ་གྱི་ཡོད་སྟབས། སློབ་ཟུར་ཚོགས་པའི་ཚོགས་གཞོན་དང་རྡ་ས་ཁུལ་གྱི་སློབ་ཟུར་ཁག་ཅིག་གིས་མགོན་པོ་གང་ལ་མཇལ་ཁ་ཞུས་ཡོད་པ་རེད། མཇལ་ཁ་གྲུབ་མཚམས་སུ་སློབ་ཟུར་ཚོགས་པའི་ཚོགས་གཞོན་ཚེ་བརྟན་མགོན་པོ་ལགས་ཀྱིས་གསར་འགོད་པར། དེ་རིང་མཇལ་ཁ་ཞུ་དོན་གཙོ་བོ་ནི་སློབ་ཟུར་ཚོགས་པའི་འགན་རྐང་བཞེས་ཀྱི་ཐོག་ནས་ཧར་པ་སྤུར་སློབ་གྲྭ་དབུ་བརྙེས་ནས་མི་ལོ་ལྔ་བཅུ་འཁོར་བའི་དུས་དྲན་མཛད་སྒོ་ཞིག་གོ་སྒྲིག་ཞུ་བཞིན་པར་བརྟེན། མཛད་སྒོ་དེའི་ལས་དོན་ལམ་སློང་ཡོང་བའི་ཐུགས་སྨོན་སྐྱབས་འཇུག་ཞུ་ཆེད་དུ་གཟིམ་ཆུང་མཇལ་ཞུས་བ་ལྟར། མགོན་པོ་གང་གིས་སློབ་ཟུར་རྣམས་ཀྱིས་ཕྱག་ལས་ཡག་པོ་གནང་གི་ཡོད་པར་གསུངས་ཏེ་ལས་དོན་ལམ་ལྷུངས་ཡོང་བའི་ཐུགས་སྨོན་སྐྱབས་འཇུག་ཞུས་ཡོད་པར་འགྲེལ་བརྗོད་གནང་སོང་།
དེ་བཞིན་དེ་རིང་གི་མཇལ་བཅར་ཞུ་མཁན་གྱི་ཁོངས་སུ་ཡོད་པའི་སློབ་ཟུར་ཚེ་དཔག་དབང་མོ་ལགས་ཀྱིས་གསར་འགོད་པར། མ་ཡུམ་སློབ་གྲྭའི་མི་ལོ་ལྔ་བཅུའི་དུས་དྲན་དང་འབྲེལ་ནས་སློབ་གྲྭ་དེར་སློབ་སྦྱོང་བྱེད་རྒྱུའི་གོ་སྐབས་ཐོབ་པར་དགའ་སྤོབས་ཡོད་པ་དང་། ད་ཆ་སློབ་གྲྭ་དེའི་སློབ་ཟུར་མང་པོ་སྤྱི་ཚོགས་ཀྱི་ལས་རིགས་འདྲ་མིན་གྱི་ཁྲོད་དུ་ཕྱག་ལས་གནང་མཁན་ཡིན་པར་བརྟེན། མཛད་སྒོ་དེ་གལ་ཆེན་པོ་ཡིན་པར་གསུངས་སོང་།
གཞན་ཡང་། བོད་ཀྱི་དཔེ་མཛོད་ཁང་དུ་ཕྱག་ལས་གནང་བཞིན་པའི་སློབ་ཟུར་བཀྲ་ཤིས་མཚོ་མོ་ལགས་ཀྱིས། ཁོ་མོ་ཆུང་དུས་ནས་འཛིན་རིམ་བཅུ་གཉིས་བར་དུ་ཧ་པ་སྤུར་སློབ་གྲྭ་ནས་སློབ་སྦྱོང་བྱས་ཡོད་པར་འགྲེལ་བརྗོད་ཀྱིས་། སློབ་གྲྭ་དེ་ནི་ཁོང་གི་ཡོན་གྱི་རྨང་གཞི་ཐོག་མ་འཛུགས་ས་ཡིན་པར་བརྟེན། འདི་ལོར་སློབ་གྲྭ་བཙུགས་ནས་མི་ལོ་ལྔ་བཅུ་འཁོར་བའི་དུས་དྲན་གྱི་མཛད་སྒོ་འཁོར་གྱི་ཡོད་པ་དེ་གལ་ཆེན་པོ་ཡིན་པ་དང་། དེ་རིང་སློབ་གྲྭ་དེའི་མིང་ཐོག་ནས་མགོན་པོ་གང་ལ་མཇལ་ཁ་ཞུ་རྒྱུའི་གོ་སྐབས་ཐོབ་པར་དགའ་བོ་བྱུང་སོང་ཞེས་གསུངས་སོང་།
རྩ་བའི་རྒྱ་གར་བྱང་ཕྱོགས་ལྡེ་ར་ལྡུན་ཁུལ་དུ་ཆགས་པའི་ཧ་པ་སྤུར་སློབ་གྲྭ་དེ་ནི་སྤྱི་ལོ་ ༡༩༧༠ ལོར་ཐོག་མར་དབུ་བརྙེས་ཏེ་ཁུལ་དེའི་བོད་པའི་སྤྱི་ཚོགས་ཀྱི་ཤེས་ཡོན་ལྟེ་གནས་ཐོག་མ་དེ་ཆགས་ཡོད་པ་དང་། སྤྱི་ལོ་ ༡༩༩༤ ལོར་སློབ་གྲ་དེ་བོད་སློབ་འཛིན་ཚོགས་ལ་དེབ་སྐྱེལ་བྱས་ཡོད་པ་ཞིག་ཡིན་པ་དང་། ད་བར་སློབ་གྲྭ་དེ་ནས་སློབ་ཕྲུག་བརྒྱ་ཕྲག་མང་པོ་སྐྱེད་སྲིང་བྱས་ནས་འདི་ལོའི་ཟླ་བ་ ༢ པའི་ཚེས་ ༧ ཉིན་སློབ་གྲྭ་དེ་དབུ་བརྙེས་ནས་མི་ལོ་ལྔ་བཅུ་འཁོར་གྱི་ཡོད་པར་བརྟེན། སློབ་གྲྭ་དེའི་སློབ་ཟུར་ཚོགས་པའི་འགན་རྐང་བཞེས་ཀྱི་ཐོག ཉིན་གསུམ་གྱི་རིང་དུས་དྲན་སྲུང་བརྩིའི་མཛད་སྒོ་རྒྱས་བ་ཞིག་གོ་སྒྲིག་ཞུ་བཞིན་ཡོད་པ་ལྟར། དེ་རིང་མགོན་པོ་གང་ལ་ཆེད་དུ་མཇལ་ཁ་ཞུས་ཏེ་ཐུགས་སྨོན་སྐྱབས་འཇུག་ཡོང་བའི་གསོལ་འདེབས་ཞུས་ཡོད་པ་ལྟར། མགོན་པོ་གང་གིས་སློབ་གྲྭའི་མཛད་སྒོ་དང་འབྲེལ་བའི་བཀའ་སློབ་ཕེབས་པ་དེ་སློབ་གྲྭ་དབུ་བརྙེས་བའི་དུས་དྲན་མཛད་སྒོའི་སྐབས་དངོས་སུ་མང་ཚོགས་ལ་སྦྱན་འབུལ་ཞུ་རྒྱུ་རེད།
ཧར་པ་སྤུར་གཏན་ཉིན་སློབ་གྲྭའི་སློབ་ཟུར་ཚོགས་པས་༸གོང་ས་མཆོག་ལ་མཇལ་ཁ་ཞུས་འདུག
Tibetan News Headlines
- བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་བཟང་ཕྱོགས་ཀྱི་འགྱུར་བ་གང་ཡང་མངོན་རྒྱུ་མེད་པ་མངོན་གསལ།
- མགོན་པོ་སྐྱིད་ལགས་ཀྱིས་མུ་མཐུད་རྡོ་རྗེ་བཀྲིས་ཆེད་ཞུ་འབོད་གནང་བར་རྒྱ་གཞུང་ཉེན་རྟོག་པས་གཅར་རྡུང་།
- རྒྱ་གཞུང་གིས་ཏོག་དབྱིབས་གཉན་རིམས་གྱི་འབྱུང་ཁུངས་རྩད་གཅོད་ཀྱི་ལས་དོན་ལ་ད་ལྟའང་འགོག་རྐྱེན་བཟོ་བཞིན་པ་མངོན་གསལ།
- ཁ་སང་བོད་ཀྱི་ཞོ་སྟོན་རྒྱས་པ་ཐེངས་ ༢༧ པ་མཇུག་སྒྲིལ་སོང་།
- རྒྱལ་སྲས་དད་པ་བརྟན་པའི་ལྷ་གཞུང་ངོ་སྤྲོད།
- འཇར་མ་ནི་ནང་རྒྱ་ནག་ཆེད་དུ་གསང་ཉུལ་བྱས་པའི་དོགས་གཞི་འོག་མི་སྣ་ཁག་གཅིག་འཛིན་བཟུང་བྱས་འདུག
Tuesday 23/04/2024
- No significant changes in the rights situation in Tibet: US report
- Blinken must raise Tibet, Panchen Lama on China trip: Tibet advocacy group
- Chinese authorities assaults Gonpo Kyi ; phone broken amid call for brother’s fair retrial
- China froze Covid -19 origin tracing; pattern continues to this day: AP investigation
- 27th Shoton festival ends with a call from Sikyong to intensify efforts to preserve Opera tradition
- Introduction to Opera ‘Prince Dhepa Tenpa’
- Germany and Britain detain suspected Chinese spies
