ཁ་སང་ཕྱི་ཚེས་ ༢༦ ཉིན་ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ Tom Cotton ལགས་ཀྱིས་གཙོས་པའི་གྲོས་ཚོགས་འཐུས་མི་བཞིས་རྒྱ་ནག་དེ་ཨ་རི་གཞུང་གིས་གཏན་འཇགས་ལུགས་མཐུན་གྱི་ཚོང་འབྲེལ་གནས་བབས་ནས་ཕྱིར་འཐེར་གནང་རྒྱུ་དང་འབྲེལ་བའི་ China Trade Relations Act ཞེས་པའི་ཁྲིམས་འཆར་ཞིག་འདོན་སྤེལ་གནང་འདུག
རྩ་བའི་དེ་སྔ་ཕྱི་ལོ་ ༢༠༠༠ ལོར་ཨ་རིའི་གྲོས་ཚོགས་ཀྱིས་རྒྱ་ནག་དེ་ཨ་རི་གཞུང་གི་ Most Favoured Nation ཞེས་གཏན་འཇགས་ཚོང་འབྲེལ་གྱི་གནས་བབས་ལྡན་པའི་ཁོངས་སུ་བཅུག་ནས་ད་ཆ་ལོ་ངོ་ཉི་ཤུ་ལྷག་འགྲོ་བཞིན་ཡོད་པ་རེད།
སྐུ་ཞབས་ Tom Cotton ལགས་ཀྱིས་གཙོས་པའི་གྲོས་ཚོགས་འཐུས་མི་བཞིས་རྒྱ་ནག་དེ་ཨ་རི་གཞུང་གིས་གཏན་འཇགས་ལུགས་མཐུན་གྱི་ཚོང་འབྲེལ་གནས་བབས་ནས་ཕྱིར་འཐེར་གནང་རྒྱུ་དང་འབྲེལ་བའི་ China Trade Relations Act ཞེས་པའི་ཁྲིམས་འཆར་ཞིག་འདོན་སྤེལ་གནང་བ་དང་འབྲེལ། གྲོས་ཚོགས་གོང་མའི་འཐུས་མི་སྐུ་ཞབས་ Tom Cotton ལགས་ཀྱིས་ཨ་རི་གཞུང་གིས་རྒྱ་ནག་དེ་ལོ་ངོ་བཅུ་ཕྲག་གཉིས་ལྷག་གི་རིང་ལ་ Most Favoured Nation ཞེས་གཏན་འཇགས་ཚོང་འབྲེལ་གྱི་གནས་བབས་ཁོངས་སུ་བཅུགས་པ་དེས་ རྒྱ་ནག་གཞུང་ནས་ཨ་རིའི་བཟོ་བསྐྲུན་གྱི་ལས་རིགས་ལ་དོ་ཕོག་ཆེན་པོ་བཏང་བར་མ་ཟད་རྒྱ་ནག་གཞུང་ནས་རྒྱལ་སྤྱིའི་ཚོང་འབྲེལ་གྱི་སྒྲིག་གཞིར་བརྩི་མེད་ཀྱིས་ངལ་རྩོལ་བའི་གཞི་རྩའི་འགྲོ་བ་མིའི་ཐོབ་ཐང་བརྩི་མེད་རྡོར་རོལ་བཏང་དང་གཏོང་གཞིན་ཡོད་སྟབས། རྒྱ་ནག་གཞུང་ལ་དེ་ལྟ་བུའི་དམིགས་བསལ་ཁེ་ཕན་ཐོབ་རྒྱུའི་འོས་བབ་མེད་པ་རེད་ཅེས་གསུངས་འདུག
ཁོང་གིས་ཨ་རི་གཞུང་གིས་ཨ་རིའི་ཚོང་གི་སྡེ་ཚན་ཁག་སྲུང་སྐྱོབ་གོང་སྤེལ་དང་རྒྱ་ནག་གཞུང་གི་བྱ་སྤྱོད་དག་ལ་འགན་ལེན་ཡོད་པ་ཞིག་བཟོ་དགོས་པ་སོགས་གསུངས་འདུག
གྲོས་ཚོགས་གོང་མའི་འཐུས་མི་སྐུ་ཞབས་ Ted Budd ལགས་ཀྱིས་རྒྱ་ནག་དམར་ཤོག་ཚོགས་པ་དེ་ཨ་རིའི་གྲོགས་པོ་མིན་པ་དང་འཛམ་གླིང་ལ་ཕན་ཐོགས་ཡོད་པ་ཞིག་མ་རེད་ཅེས་གསུངས་པ་མ་ཚད་པར་འགྲོ་བ་མིའི་ཐོབ་ཐང་རྡོག་རོལ་བཏང་བ་གཙོས་ཨ་རིའི་ཚོང་དང་དཔལ་འབྱོར་རྐུ་འཁྱེར་བྱེད་མཁན་ཞིག་ཆགས་ཡོད་སྟབས་ངེས་པར་དུ་འགན་ལེན་ཡོད་པ་ཞིག་བཟོ་དགོས་ཞེས་སོགས་གསུངས་པ་དང་ཆབས་ཅིག རྒྱ་ནག་ལ་དེ་འབྲེལ་གནད་དོན་ཐོག་གདོང་ལེན་གནང་ཐབས་གཙོ་བོ་ནི་ Permanent Normal Trade Relations ཞེས་གཏན་འཇགས་ལུགས་མཐུན་གྱི་ཚོང་འབྲེལ་གནས་བབས་ནས་ཕྱིར་འཐེན་གནང་རྒྱུ་དེ་རེད་ཅེས་གསུངས་ཡོད།
གཞི་རྩའི་ China Trade Relations Act ཞེས་པའི་ཁྲིམས་འཆར་ནང་དེ་སྔ་ཕྱི་ལོ་ ༢༠༠༠ ཟླ་ ༩ ཚེས་ ༡༩ ཉིན་ཨ་རིའི་གྲོས་ཚོགས་ཀྱིས་རྒྱ་ནག་ལ་ Most Favoured Nation ཞེས་གཏན་འཇགས་ཚོང་འབྲེལ་གྱི་གནས་བབས་གནང་བའི་གོ་སྐབས་བརྒྱུད་རྒྱ་ནག་དེ་བཞིན་རིམ་པས་འཛམ་གླིང་ཚོང་འབྲེལ་ལྷན་ཚོགས་ནང་འཛུལ་ཐུབ་པ་སོགས་ཀྱི་ཁེ་ཕན་མང་དག་ཅིག་རག་ཡོད་ཀྱང་། རྒྱ་ནག་གཞུང་གིས་གོ་སྐབས་དེ་སྤྱད་ནས་ད་བར་ཨ་རི་ནང་གི་ལས་རིགས་ས་ཡ་ ༢ ལྷག་ལ་དོ་ཕོག་བཏང་ཡོད་པ་དང་། རྒྱ་ནག་དེ་ཚོང་གི་གནས་བབ་ཇེ་བཟང་དུ་སོང་བ་དེའི་ཚོད་ཀྱིས་འཛམ་གླིང་ལ་ཉེན་ཚབས་ཆེ་བའི་རྒྱལ་ཁབ་ཞིག་ཏུ་གྱུར་ཡོད་པ་སོགས་འགྲེལ་བརྗོད་གནང་འདུག འབྲེལ་ཡོད་པར་བདག་དབང་། nationalreview
