Tibetan Royal Year of 2151 | Year of the Wood Dragon

ARCHIVE

Yearly Archives: 2018

རེས་གཟའ་ཟླ་བ། ༢༠༡༨།༡༢།༣༡

ཉན་པ།: Listen ཕབ་ལེན། Download ༸གོང་ས་མཆོག་གིས་དགུང་ལོ་བརྒྱ་ཕྲག་རིང་༸སྐུ་འཚོ་བཞུགས་ཀྱི་བཀའ་བཞེས་སྨིན་བསྩལ། བོད་མིའི་སྒྲིག་འཛུགས་ནས་བོད་ཀྱི་ཁོར་ཡུག་དང་འབྲེལ་བའི་རྒྱབ་ཤ་དཀར་པོར་ལན་འདེབས། རྒྱ་གཞུང་གིས་བོད་ཀྱི་ས་མཚམས་སུ་འབར་མདེལ་འཕྲུལ་ཆས་འགྲེམས་འཇོག། དམིགས་བསལ་ལས་རིམ། ༸རྒྱལ་མཆོག་སྐུ་ཕྲེང་བརྒྱད་པའི་སྐོར། Monday 31/12/2018 I pray to live over 100 years: Long Life offering for Dalai Lama in Bodh Gaya CTA challenges China’s white paper on Tibet’s ecology China announces induction of new light battle tank meant for Tibet border HISTORY FEATURE: 8th Dalai Lama Jamphel Gyatso

༸གོང་ས་མཆོག་གིས་དགུང་ལོ་བརྒྱ་ཕྲག་རིང་༸སྐུ་འཚོ་བཞུགས་ཀྱི་བཀའ་བཞེས་སྨིན་བསྩལ།

གནས་མཆོག་ཁྱད་པར་ཅན་རྡོ་རྗེ་གདན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཆོས་འབྲེལ་མཛད་འཆར་ཁག་ལེགས་པར་གྲུབ་པ་དང་བསྟུན། དེ་རིང་དུས་འཁོར་དབང་ཆེན་གྱི་ཆོས་རར་གཞུང་བསྟེན་དགྲ་ལྷའི་གཙོ་བོ་གནས་ཆུང་ཆོས་རྒྱལ་ཆེན་པོ་མཆོག་གིས་གཙོས་པའི་དཔལ་ལྡན་དགའ་ལྡན་ཕོ་བྲང་དང་འབྲེལ་བ་ཡོད་པའི་ལྷ་སྲུང་ཁག་གཅིག་སྐུ་ཕེབས་གནང་ཡོད་པ་མ་ཟད། བོད་མིའི་སྒྲིག་འཛུགས་དང་། རྣམ་རྒྱལ་གྲྭ་ཚང་། ཤེལ་དཀར་ཆོས་སྡེ་མངའ་ཞབས་བཅས་ལྷ་མི་ཟུང་འབྲེལ་གྱིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གསང་གསུམ་ལ་ཚུལ་བསྟན་སྐུ་གེགས་ཉེར་འཚེ་རིགས་ཀྱི་ཆ་ཙམ་མི་བཞེས་པར་བསྟན་པ་དང་འགྲོ་བའི་འཕྲལ་ཡུན་ཕན་བདེའི་བྱེད་པོར་སྐུ་ཚེ་༸ཞབས་པད་བརྟན་པའི་ཆེད་སྒྲོལ་དཀར་ཡེ་ཤེས་འཁོར་ལོའི་སྒོ་ནས་བརྟན་བཞུགས་བསྟར་འབུལ་ཞུས་ཡོད་པ་ལྟར། བོད་མའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་སྐབས་དེར་རྒྱལ་བ་བསྟན་འཛིན་རྒྱ་མཚོར་སྨོན་ལམ་བརྒྱབ་མཁན་མི་གྲངས་ས་ཡ་འགའ་ཤས་ཡོད་པ་ལྟར་ལས་དང་སྨོན་ལམ་གྱི་ཐོག་ནས་དམིགས་བསལ་དད་པ་དང་དམ་ཚིག་ཡོད་མཁན་ཚོའི་སྨོན་ལམ་ལྟར་ངོས་རང་ནས་ཀྱང་ལོ་བརྒྱ་ཕྲག་ལྷག་འཚོ་བཞུགས་ཡོང་རྒྱུའི་སྨོན་ལམ་བརྒྱབ་ཀྱི་ཡོད། ཁྱེད་རང་ཚོ་བློ་བདེ་པོ་བྱེད་ཞེས་སོགས་བཀའ་བཞེས་བཟང་པོའི་སློབ་བཀྲིན་བསྩལ་ཡོད། གཞི་རྩའི་དེ་རིང་བརྟན་བཞུགས་ཀྱི་མཛད་སྒོར་བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་དབུས་པའི་བཀའ་བློན་རྣམ་པ་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོ།  དེ་བཞིན་རྣམ་རྒྱལ་གྲྭ་ཚང་གི་མཁན་པོ་དབུ་ལས་རྣམ་པ། བལ་ཡུལ་ཁུལ་ནས་ཤེལ་དཀར་ཆོས་སྡེའི་བརྟན་བཞུགས་ཚོགས་མི་བཅས་ཆེད་ཕེབས་གནང་འདུགཤེས་རྟོགས་བྱུང་བར་མགོན་པོ་༸གང་ཉིད་མཆོག་གནངས་ཕྱི་ཚེས་ ༢ ཉིན་གནས་མཆོག་རྡོ་རྗེ་གདན་ནས་ཕྱིར་ལོག་བཞུགས་སྒར་དྷ་རྨ་ས་ལར་ཆིབས་བསྒྱུར་མཛད་ཀྱི་ཡོད་པ་རེད།

བོད་མཐོ་སྒང་གི་ཁོར་ཡུག་དང་འབྲེལ་བའི་རྒྱབ་ཤ་དཀར་པོའི་ལན་འདེབས།

རྒྱ་ནག་གཞུང་ནས་འདི་ལོའི་ཕྱི་ཟླ་ ༧ པའི་ནང་བོད་ཀྱི་ཁོར་ཡུག་གི་གནས་སྟངས་ཡག་པོ་ཡོད་ཚུལ་དང་འབྲེལ་བའི་ཡིག་ཆ་དཀར་པོ་འདོན་སྤེལ་བྱས་པ་དང་འབྲེལ། དེ་རིང་བོད་མིའི་སྒྲིག་འཛུགས་ཀྱིས་གསར་འགོད་ལྷན་འཚོགས་ཤིག་བསྐོང་ནས་ཤོག་གྲངས་ ༢༡ ཅན་གྱི་ལན་འདེབས་ཡིག་ཆ་ཞིག་འདོན་སྤེལ་གནང་སོང་།དེ་རིང་སྔ་དྲོ་ཚོུད་ ༡༡ ཐོག་ཕྱི་དྲིལ་ལས་ཁུངས་ཀྱི་ཚོགས་ཁང་དུ་ཕྱི་དྲིལ་དྲུང་ཆེ་རྣམ་གཉིས་དང། བོད་ཀྱི་སྲིད་བྱུས་ཉམས་ཞི་ཁང་གི་ཁོར་ཡུག་ཚན་པའི་འགན་འཛིན་འཛམ་ལྷ་བསྟན་པ་རྒྱལ་མཚན་ལགས་བཅས་དབུ་བཞུགས་ཐོག་རྒྱ་གཞུང་གིས་བོད་ཀྱི་ཁོར་ཡུག་ཐོག་གི་རྒྱབ་ཤ་དཀར་པོར་ལན་འདེབས་ཡིག་ཆ་དེ་འདོན་སྤེལ་གནང་སོང་བ་དང་། དེའི་ནང་བོད་མཐོ་སྒང་གི་གལ་གནད་དང། ལོ་རྒྱུས་ཐོག་བོད་མིའི་སྲོལ་རྒྱུན་གོམས་གཤིས་ཀྱི་ཐོག་ནས་བོད་ཀྱི་ཁོར་ཡུག་སྲུང་སྐྱོབ་བྱེད་བཞིན་པ་དང་། རྒྱ་གཞུང་གི་བཙན་ཤེས་འོག་བོད་མི་དེ་དག་གནས་སྤོ་བྱེད་བཞིན་པ། གོ་ལའི་གནམ་ཤིས་འགྱུར་ལྡོག་གི་ཤུགས་རྐྱེན་ཅི་ཐེབས། རྒྱ་གཞུང་གིས་ཁོར་ཡུག་སྲིད་བྱུས་ནོར་བ་དང་གང་བྱུང་གཏེར་འདོན་དང་འཛུགས་སྐྲུན་ལས་གཞི་རྐྱེན་པས་བོད་ཀྱི་ཁོར་ཡུག་ལ་གནོད་སྐྱོན་འགྲོ་བཞིན་པ། བོད་ནང་གད་སྙིགས་ཀྱི་དཀའ་ངལ་དང་རང་བྱུང་ཁོར་ཡུག་གི་གོད་ཆག་མང་དུ་འགྲོ་བཞིན་པ་སོགས་སྔར་འཕྲད་མྱོང་མེད་པའི་དཀའ་ངལ་མང་དག་ཅིག་འཕྲད་བཞིན་པ་ཐེར་འདོན་གནང་འདུགསྐབས་དེར་བོད་མིའི་སྒྲིག་འཛུགས་ཀྱི་མགྲིན་ཚབ་པ་དང་ལན་འདེབས་ཚོགས་ཆུང་གི་ཚོགས་གཙོ་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་ཀྱིས་རྒྱ་གཞུང་གི་བཏོན་པའི་རྒྱབ་ཤ་དཀར་པོ་དེ་དག་རྒྱ་ནག་གི་གཏན་འབེབས་བྱས་པའི་སྲིད་བྱུས་ཡིན་ལུགས་བརྗོད་བཞིན་པ་ལྟར། བོད་མིའི་སྒྲིག་འཛུགས་ཀྱི་ངོས་ནས་ཀྱང་དེར་གལ་འགངས་ཆེན་པོ་རྩིས་པའི་ཐོག་ནས་ཟླ་བ་མང་པོའི་རིང་ཉམས་ཞིབ་མཐིལ་ཕྱིན་པ་གནང་རྗེས་བོད་ནང་གི་ཁོར་ཡུག་དང་འབྲེལ་བའི་དངོས་ཡོད་གནས་ཚུལ་དང་བདེན་དཔང་ཐུབ་པའི་ལན་འདེབས་ཡིག་ཆ་དེ་ད་རེས་འདོན་སྤེལ་གནང་བ་ཡིན་སྐོར་གསུངས་སོང་། བསྟན་པ་རྒྱལ་མཚན་ལགས་ཀྱིས་བོད་མིའི་སྒྲིག་འཛུགས་ཀྱི་ཤོག་གྲངས་ ༢༡ ཅན་གྱི་ཡིག་ཆ་དེའི་ནང་གཙོ་དོན་ཚན་བརྒྱད་འབུར་འདོན་གནང་ཡོད་པ་དང་། དོན་ཚན་རེ་རེས་བོད་ཀྱི་ཁོར་ཡུག་གི་གནས་སྟངས་མི་འདྲ་བ་རེ་རེ་གསལ་སྟོན་བྱས་ཡོད་པ་དང། དེའི་ཁོངས་ནས་བོད་ནང་དེང་སྐབས་གད་སྙིགས་ཀྱི་དཀའ་ངལ་འཕྲད་བཞིན་པ། རང་བྱུང་གོད་ཆག་མང་དུ་འགྲོ་བཞིན་ཡོད་པ་བཅས་ཀྱི་གནད་དོན་གསར་པ་གཉིས་འཁོད་ཡོད་པ་དང་། དེ་བཞིན་ས་གནས་ས་ཐོག་ཏུ་རྒྱ་གཞུང་གི་དེ་གའི་ཁྲིམས་དང་འགལ་བའི་ལས་དོན་སྤེལ་བ་རྣམས་ཀྱིས་བོད་ཀྱི་ཁོར་ཡུག་ལ་གནོད་འཚེ་བཟོ་མུས་ཡིན་པ་སོགས་ཀྱི་གནད་དོན་བཞི་འབུར་འདོན་གནང་བ་དང་འབྲེལ། ཁོར་ཡུག་སྲུང་སྐྱོབ་འདི་ཆབ་སྲིད་དང་འབྲེལ་བ་མེད་པ་ཞིག་ཡིན་སྟབས། བོད་རྒྱ་གཉིས་ཟུང་འབྲེལ་ཐོག་ནས་ཕྱག་ལས་གནང་ཐུབ་པ་ཞིག་དང་གནང་དགོས་གལ་ཡིན་སྐོར་གསུངས་ཡོད།

བོད་ཀྱི་ས་མཚམས་སུ་དམག་འཐབ་ལ་དམིགས་པའི་འབར་མདེལ་འཕྲུལ་ཆས་འགྲེམས་འཇོག

རྒྱ་ནག་གིས་རྒྱ་དཀར་ནག་གཉིས་ཀྱི་ས་མཚམས་སུ་དམག་འཐབ་ལ་དམིགས་པའི་ཨང་རྟགས་ ༡༥ ཅན་གྱི་ཆེས་ཡང་བའི་ལྕགས་ཁྲབ་འཁོར་ལོ་མང་པོ་ཞིག་འགྲེམས་འཇོག་བྱས་ནས་བོད་མཐོ་སྒང་གི་དཀའ་རྙོག་ཅན་གྱི་མཐའ་མཚམས་ལ་སྲུང་སྐྱོབ་བྱེད་བཞིན་ཡོད་པར་ཡོངས་བསྒྲགས་བྱས་འདུག ཁ་ཉིན་ཚེས་ ༢༩ ཉིན་ The Week ཞེས་པའི་གསར་ཁང་གིས་རྒྱ་ནག་ལྷོ་རྒྱུད་ཀྱི་ཞོགས་པའི་ཆ་འཕྲིན་ལ་རྒྱ་ནག་གི་མདའ་དཔོན་ Wu Qian ཟེར་བས་འགྲེལ་བརྗོད་བྱས་པའི་གནས་ཚུལ་སྤེལ་བར་སྐབས་འདིའི་མཐའ་མཚམས་ཀྱི་ལྕགས་ཁྲབ་འཁོར་ལོ་རེ་རེའི་ལྗིད་ཚད་ལ་ཏུན་ ༣༥ ལས་ཉུང་བ་ཡོད་ནའང་། འཕྲུལ་འཁོར་རེ་རེ་ལ་མ་མཐའ་ཡང་དམག་འཐབ་ཀྱི་མེ་མདའ་ ༡༠༥ རེ་ཡོད་པ་དང་། རྒྱ་གར་གྱི་འབར་མདེལ་འཕྲུལ་འཁོར་དང་བསྡུར་ན་ལྗིད་ཚད་ཡང་བས་བོད་མཐོ་སྒང་དུ་འགྲེམས་འཇོག་སླ་བའི་ཁྱད་ཆོས་ཡོད་པར་བརྗོད་འདུག དམའ་དཔོན་གྱིས་མཐའ་མཚམས་སུ་འབར་མདེལ་ལྕགས་ཁྲབ་འཕྲུལ་འཁོར་ཅི་ཙམ་ཆེ་བ་ཡོད་ན་དེ་ཙམ་གྱིས་དམག་དོན་དཔུང་འཇུག་ལ་རྩལ་འདོན་བྱེད་ཁག་པོ་ཡོད་པ་དང་། དམིགས་བསལ་དུ་བོད་མཐོ་སྒང་དང་འབྲོག་ལམ་ལྟ་བུའི་ས་མཐོ་རིགས་ལ་སྤྱོད་ཚེ་འཕྲུལ་ཆས་ཀྱི་ནུས་པར་ཞན་ཆ་ཆེན་པོ་ཡོད་པར་བརྟེན། ཐེངས་འདིའི་བོད་ཀྱི་མཐའ་མཚམས་སུ་འགྲེམས་འཇོག་བྱས་པའི་ལྕགས་ཁྲབ་འཁོར་ལོ་ལ་ཡང་བའི་ཁྱད་ཆོས་དང་མཐོ་སྒང་དུ་སྤྱོད་བདེ་ཞིང་འཚོ་རླུང་ཉུང་བའི་ས་ཁུལ་དུ་དམིགས་བསལ་གྱི་ནུས་པ་ཐོན་ཐུབ་པའི་ཁྱད་ཆོས་ལྡན་ཡོད་པའང་འགྲེལ་བརྗོད་བྱས་འདུག དེ་བཞིན་རྒྱ་གར་གྱི་དམག་མིའི་ངོས་ནས་ཀྱང་འདས་པའི་ལོ་བཅུ་ཕྲག་གཅིག་གི་ནང་དུ་དམག་འཐབ་ལ་དམིགས་པའི་གོ་མཚོན་གསར་བཟོ་བྱེད་རྒྱུའི་མངོན་འདོད་རྒྱ་ཆེར་ཡོད་པ་ལྟར་ཕྱི་ལོ་ ༢༠༡༧ ལོར་རྒྱ་དཀར་ནག་དང་འབྲུག་གི་ས་མཚམས་སུ་འབྲོག་ལམ་གྱི་རྙོག་གླེང་དེ་བྱུང་བ་དང་སྟབས་བསྟུན། རྒྱ་གར་གྱི་དམག་མིས་ཀྱང་མཐོ་སྒང་དུ་བེད་སྤྱོད་བྱེད་བདེ་བའི་ལྗིད་ཚད་ཡང་བའི་ལྕགས་ཁྲབ་འཁོར་ལོ་གསར་བཟོ་བྱེད་འགོ་ཚུགས་ཡོད་པར་བཀོད་འདུག གཞན་ཡང་ Deccan Herald ཞེས་པའི་གསར་ཁང་གིས་གནས་ཚུལ་སྤེལ་བར་རྒྱ་ནག་གིས་རྒྱ་དཀར་ནག་གི་ས་མཚམས་ལ་སྤྱི་ལེ་ ༡༢༥ ལས་མེད་པའི་མཐའ་མཚམས་སམ། བོད་ནང་གི་སྟོད་མངའ་རིའི་ཁུལ་དུ་མིའི་བཟོས་འཁོར་སྐར་གསར་པ་ཞིག་སྔོན་ནས་འགྲེམས་འཇོག་བྱས་ཡོད་པར་བརྟེན།  ད་ཆ་རྒྱ་གར་གྱི་མཁའ་ལམ་ཞིབ་འཇུག་ཁང་གིས་ཀྱང་འབྲུག་ཡུལ་ནང་དུ་རྒྱ་དཀར་ནག་གི་ས་མཚམས་ལ་དམིགས་པའི་མིའི་བཟོས་འཁོར་སྐར་གསར་པ་ཞིག་འཛུགས་འཆར་ཡོད་པ་བཀོད་འདུག རྩ་བའི་འདས་པའི་བདུན་ཕྲག་གཅིག་གི་ནང་དུ་རྒྱ་དཀར་ནག་གི་ས་མཚམས་རྩོད་རྙོག་ལ་རྣོ་ངར་ལྡན་པའི་གསར་འགྱུར་མང་པོ་ཞིག་ཐོན་ཡོད་པ་དང་། རྒྱ་ནག་གིས་ཟི་ལང་ནས་ལྷ་ས་བར་དུ་མྱུར་ལམ་གསར་པ་ཞིག་ཆེད་རྒྱག་གིས་རྒྱ་དཀར་ནག་གི་ས་མཚམས་སུ་ཉེན་འཚབ་ཆེ་བའི་དུས་སྐབས་སུ་འཐབ་བྱུས་རང་བཞིན་གྱི་སྤྱོད་སྒོ་ཡོད་པར་བསྒྲགས་ཡོད་པ་ལྟར། རྒྱ་གར་གྱི་བྱང་ཕྱོགས་ཀྱི་མངའ་སྡེ་ཨ་སམ་ནང་དུ་ཡར་ཀློང་གཙང་པོའི་རྒྱུད་དུ་ཟམ་ཆེན་ཞིག་འཛུགས་སྐྲུན་བྱས་ནས་ས་མཚམས་སུ་དམག་ཆས་སྐྱེལ་འདྲེན་གྱི་ནུས་ཤུགས་ཆེ་རུ་བཏང་ཡོད་པར་ཡོངས་བསྒྲགས་བྱས་ཡོད་པ་རེད།

བདེ་མཆོག་ཚེ་ལྷ་དཀར་པོའི་བཀའ་དབང་བསྩལ་བ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཁ་སང་ཉིན་གཅིག་གི་རིང་གནས་མཆོག་རྡོ་རྗེ་གདན་གྱི་ཆོས་འབྲེལ་དེ་སྐུ་ངལ་གསོ་བཞུགས་ཆེད་བར་སེང་གནང་བའི་རྗེས། དེ་རིང་སླར་ཡང་ཉེ་བརྒྱུད་འཇམ་དབྱངས་ཆོས་འཁོར་གྱི་ཆོས་འབྲེལ་བསྩལ་ཡོད་པ་དང་། མགོན་པོ་༸གང་ཉིད་མཆོག་ནས་ཆོས་འབྲེལ་གྱི་ཐོག་མར་ཁ་སང་ཆོས་འབྲེལ་བར་མཚམས་བཞག་དོན་ནི་༸གང་ཉིད་མཆོག་གི་སྐུའི་འཕྲོད་བཞེས་ལ་སྐུ་ངལ་ཕྲན་བུ་འཕྲད་རྐྱེན་ཡིན་སྐོར་བཀའ་བསྩལ་ཡོད།དེ་རྗེས་༸གོང་ས་༸སྐྱབས་མགོན་ཆེན་པོ་མཆོག་ནས་འཇམ་དབྱངས་ཆོས་འཁོར་ནང་ཚན་བདེ་མཆོག་ཚེ་ལྷ་དཀར་པོའི་སྒྲུབ་བཞག་དང་འབྲེལ་ཚེ་དབང་དངོས་གཞི་བཀྲིན་བསྩལ་ཡོད་པ་མ་ཟད། མགོན་པོ་༸གང་ཉིད་མཆོག་ནས་སྐབས་དེར་ང་ཚོའི་ལུས་རྟེན་འདི་རིང་དུ་གནས་པའི་དགོས་པ་དེ་རང་དོན་གྲུབ་ཐབས་ཙམ་མིན་པར་གཞན་དོན་གྲུབ་པར་འབད་བརྩོན་བྱེད་དགོས་པ་དང་། ལྷག་པར་གནས་མཆོག་ཁྱད་པར་ཅན་རྡོ་རྗེ་གདན་ལྟ་བུར་དུས་གཅིག་ལ་ཆོས་ཞུ་བ་འདི་ཙམ་ཞིག་འདུ་འཛོམས་བྱུང་ཐུབ་པ་དེ་སྐལ་པ་ཤིན་ཏུ་ནས་བཟང་པོ་ཡིན་སྐོར་སོགས་བཀའ་བསྩལ་བ་མ་ཟད། ཆ་རྐྱེན་ཆ་ཚང་ཡོད་པའི་མི་ལུས་འདིའི་རིང་ལ་དངོས་ཤུགས་བརྒྱུད་གསུམ་གྱི་ཐོག་ནས་གཞན་དོན་ལ་འབད་གནད་ཡིན་པ་སོགས་ལམ་སྟོན་མཛད་སོང་། ༸ གོང་ས་ ༸སྐྱབས་མགོན་ཆེན་པོ་མཆོག་ནས་ད་དུང་དེ་རིང་གི་ཉེ་བརྒྱུད་འཇམ་དབྱངས་ཆོས་འཁོར་གྱི་བདེ་མཆོག་ཚེ་ལྷ་དཀར་པོའི་ཆོས་འབྲེལ་གྲུབ་མཚམས། ཆོས་ཞུ་བ་ཚོས་ངེས་པར་དུ་བླ་མས་གསུངས་ཟིན་པའི་གདམས་ངག་དག་ཉིན་མཚན་དབྱེ་མེད་ཐོག་ནས་ཐོས་བསམ་སྒོམ་གསུམ་གནང་ཐོག་སེམས་རྒྱུད་ལ་འགྱུར་བ་ཡོང་ཐབས་གནང་གནད་ཡིན་པར་ལམ་སྟོན་བཀྲིན་བསྩལ་ཡོད།

རེས་གཟའ་ཉི་མ། ༢༠༡༨།༡༢།༣༠

ཉན་པ།: Listen ཕབ་ལེན། Download ༸གོང་ས་མཆོག་གིས་བདེ་མཆོག་ཚེ་ལྷ་དཀར་པོའི་བཀའ་དབང་བསྩལ་བ། བྱ་དོ་རིན་པོ་ཆེ་མཆོག་ནས་དབང་གི་གོ་དོན་ངོ་སྤྲོད་གནང་བའི་སྐོར། Sunday 30/12/2018 His Holiness confers White Heruka Long Life Empowerment Meaning and Significance of Empowerment with Jador Rinpoche

༸པཎ་ཆེན་སྐུ་ཕྲེང་བཅུ་པ་ཆེ་མཆོག་གི་དགོངས་རྫོགས་མཆོད་འབུལ་གནང་བ།

ཁ་སང་བོད་ཟླ་ ༡༡ ཚེས་ ༢༡ ཉིན་༸ཀུན་གཟིགས་པཎ་ཆེན་ཨེར་ཏེ་ནི་སྐུ་ཕྲེང་བཅུ་པ་ཆོས་ཀྱི་རྒྱལ་མཚན་མཆོག་དགོངས་པ་ཆོས་དབྱིངས་སུ་ཐིམ་ནས་མི་ལོ་ཧྲིལ་པོ་ ༣༠ འཁོར་བའི་དུས་དྲན་དང་བསྟུན། འདི་ག་འཕགས་ཡུལ་གྱི་གནས་མཆོག་རྡོ་རྗེ་གདན་གྱི་མཆོད་རྟེན་རིན་པོ་ཆེའི་དྲུང་དུ་རྒྱ་གར་ལྷོ་ཕྱོགས་གདན་ས་བཀྲིས་ལྷུན་པོས་གོ་སྒྲིག་གནང་ཐོག་དགོངས་རྫོགས་ཀྱི་མཆོད་འབུལ་སྨོན་ལམ་རྒྱ་ཆེ་གནང་ཡོད་པ་རེད།ཁ་སང་ཕྱི་དྲོ་རྡོ་རྗེ་གདན་གྱི་མཆོད་རྟེན་རིན་པོ་ཆེའི་དྲུང་དུ་༸དཔལ་ས་སྐྱ་ཁྲི་འཛིན་རཏྣ་བཛྲ་རིན་པོ་ཆེ་མཆོག་དང་། འཇམ་མགོན་༸རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེ་མཆོག་གིས་དབུས་པའི་ཁྲི་ཟུར་རིན་པོ་ཆེ་མཆོག ཤར་པ་ཆོས་རྗེ་མཆོག གདན་ས་གྲྭ་ཚང་ཁག་གི་མཁན་བླ་སྤྲུལ། དེ་བཞིན་དད་ལྡན་ཆོས་ཞུ་བ་བཅས་མི་གྲངས་ ༧༠༠༠ ལྷག་ཙམ་ཞིག་འདུ་འཛོམས་གནང་བའི་ཐོག་ནས་རིན་པོ་ཆེ་མཆོག་གི་དགོངས་རྫོགས་མཆོད་འབུལ་གཟབ་རྒྱས་གནང་ཡོད་པ་མ་ཟད། གདན་ས་བཀྲིས་ལྷུན་པོའི་ཕྱག་མཛོད་དཀོན་མཆོག་བསྟན་འཛིན་ལགས་ཀྱིས་མང་ཚོགས་ནས་རྒྱ་ནག་གི་བཙན་ཁྲིད་འོག་གར་སོང་ཆ་མེད་དུ་གྱུར་བའི་༸པཎ་ཆེན་སྐུ་ཕྲེང་བཅུ་པའི་ཡང་སྲིད་དགེ་འདུན་ཆོས་ཀྱི་ཉི་མ་མཆོག་གང་མགྱོགས་ཀློད་བཀྲོལ་ཡོང་ཐབས་སུ་རྒྱབ་སྐྱོར་གནང་དགོས་པའི་འབོད་སྐུལ་གནང་ཡོད་པ་རེད།གཞི་རྩའི་ཁ་སང་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་ཞུགས་ཐོག་གནས་མཆོག་རྡོ་རྗེ་གདན་གྱི་ཆོས་འབྲེལ་སྐབས་སུའང་བཟང་སྤྱོད་སྨོན་ལམ་གསུང་འདོན་སོགས་གནང་ཡོད་པ་མ་ཟད། ༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་ཐུང་བརྒྱུད་༸པཎ་ཆེན་སྐུ་ཕྲེང་བཅུ་པ་མཆོག་དགོངས་པ་རྫོགས་ནས་མི་ལོ་ ༣༠ འཁོར་བར་གསུང་འཕྲིན་ཞིག་ཀྱང་བསྩལ་ཡོད་པ་རེད།

རེས་གཟའ་སྤེན་པ། ༢༠༡༨།༡༢།༢༩

ཉན་པ།: Listen ཕབ་ལེན། Download ༸པཎ་ཆེ་སྐུ་ཕྲེང་བཅུ་པ་མཆོག་གི་དགོངས་རྫོགས་ཀྱི་མཆོད་འབུལ་གནང་བ། རྒྱ་གཞུང་གིས་ཆོས་དད་རང་དབང་ལ་དམ་གནོན་བྱེད་བཞིན་པར་འཛམ་གླིང་ཁྱོན་ནས་ཁ་གཏད་གཅོག་དགོས། སྟོབས་རྒྱལ་ལགས་ཨོ་རྩེད་འགྲན་བསྡུར་སླད་ Ethiopia རུ་སྦྱོང་བརྡར་གནང་བཞིན་པ། རྒྱ་གར་ལྷོ་ཕྱོགས་ཀྱི་བོད་མིར་རིས་མེད་སྨན་བཅོས་གནང་བ། བོད་ཀྱི་མཛངས་པའི་འགྲན་ཞུགས་པ་ཚེ་རིང་ཆོས་འཕེལ་ལགས་དང་གླེང་མོལ། Saturday 29/12/2018 Prayer service for 10th Panchen Rinpoche in Bodh Gaya International community urged to stand against China’s war on religion Tibetan athletes in Ethiopia for Tokyo Olympics AOCA holds free eye surgery camp in Bylakuppe Tsering Chomphel on his stint at Mr. Model Worldwide contest

སྟོབས་རྒྱལ་ལགས་ཨོ་རྩེད་སླད་ཨི་ཐོ་པི་ཡར་སྦྱོང་བརྡར་གནང་བཞིན་པ།

ཁ་སང་རྒྱ་ནག་གི་རྒྱལ་ཡོངས་རྩེད་རིགས་ཚོགས་པའི་ཚོགས་མི་ཁག་ཅིག་ཨ་ཕི་རི་ཀའི་གླིང་ཕྲན་ཁྱབ་ཁོངས་སུ་གཏོགས་པའི་ Ethiopia རུ་ཕྱིན་ནས་ཕྱི་ལོ་ ༢༠༡༩ ནང་གི་ཉི་ཧོང་གི་ཨོ་ལམ་པིག་རྩེད་འགྲན་གྱི་འབྲིང་རྒྱུག་དང་རྒྱང་རྒྱུག་ལ་སྦྱོང་བརྡར་སྤྲོད་བཞིན་ཡོད་པ་དང་། ཐེངས་འདིའི་རྩེད་འགྲན་པའི་ཁྲོད་དུ་བོད་ཀྱི་རྒྱང་རྒྱུག་པ་སྟོབས་རྒྱལ་ལགས་ཀྱིས་གཙོ་པའི་བོད་རིགས་གསུམ་ནས་མཉམ་ཞུགས་གནང་འདུག དེ་རིང་རྒྱ་ནག་གི་གསར་ཁང་ CGTN ཞེས་པས་རྒྱ་ནག་གི་རུ་ཁག་དེའི་ནང་བོད་ཀྱི་རྩེད་འགྲན་པ་སྟོབས་ལགས་ཀྱིས་གཙོ་པའི་རྒྱ་ནག་རྒྱལ་ཡོངས་རྩེད་རིགས་ཚོགས་པའི་ཚོགས་མི་ ༨ ཡོད་པ་དང་། ཁོང་རྣམ་པས་ཨི་ཐོ་པི་ཡར་ཁྱོན་ཟླ་བ་གསུམ་གྱི་རིང་རྩེད་སྦྱོང་གནང་གི་འདུགཐེངས་འདིའི་རྩེད་འགྲན་སྦྱོང་བརྡར་གྱི་རུ་དཔོན་སྐུ་ཞབས་སྐལ་བཟང་ཚེ་རིང་ལགས་ཀྱིས་བརྗོད་པར་ལོ་རྗེས་མིའི་ཨོ་རྩེད་འགྲན་བསྡུར་གྱི་ཆེད་དུ་སྐབས་འདིའི་རྩེད་འགྲན་སྦྱོང་བརྡར་རྨིད་ ༥༠༠༠ ནས་ ༡༠༠༠ ཅན་གྱི་འབྲིང་རྒྱུག་དང་རྒྱང་རྒྱུག་གཉིས་ཡིན་པ་ལྟར་ཨོ་རྩེད་འགྲན་བསྡུར་ཐོག་གྲུབ་འབྲས་ཆེན་པོ་ལེན་རྩིས་ཡོད་པར་བརྗོད་འདུག དེ་བཞིན་རྩེད་རིགས་དོ་དམ་ལྟེ་གནས་ཁང་གིས་གོ་སྒྲིག་གི་འོག་ཐེངས་འདིའི་རྩེད་འགྲན་སྦྱོང་བརྡར་དེ་བོད་རིགས་རྩེད་འགྲན་པ་ཁུལ་དེའི་ནང་སྦྱོང་བརྡར་གནང་བའི་སྐབས་དྲུག་པ་དེ་ཆགས་ཡོད་པ་དང་འབྲེལ། ད་ཆ་མཚོ་སྔོན་དང་ཡོ་ནན་སོགས་ནས་བོད་རིགས་རྩེད་འགྲན་པ་གྲགས་ཅན་ ༦ འབུར་དུ་འཐོན་བཞིན་ཡོད་པར་ངོ་སྤྲོད་བྱས་འདུགརྩ་བའི་བོད་རིགས་རྩེད་འགྲན་པ་སྟོབས་རྒྱལ་ལགས་ནི་རྒྱལ་སྤྱིའི་ཨོ་རྩལ་འགྲན་བསྡུར་ལ་ཞུགས་མྱོང་མཁན་ཞིག་ཡིན་པ་མ་ཟད། ཕྱི་ལོ་ ༢༠༡༧ ལོར་ཁོང་གིས་གྲོང་ཁྱེར་ཐེན་ཅཱན་དུ་ཚོགས་པའི་རྒྱ་ནག་རྒྱལ་ཡོངས་ཀྱི་རྨིད་ ༡༠༠༠༠ ལྷག་གི་རྒྱང་རྒྱུག་འགྲན་བསྡུར་ནས་རྣམ་པར་རྒྱལ་ཏེ་གྲུབ་འབྲས་ཆེན་པོ་བླངས་ཡོད་པ་རེད། ཐེངས་འདིའི་ཟླ་བ་གསུམ་གྱི་རིང་རྩེད་འགྲན་སྦྱོང་བརྡར་གནང་བཞིན་པ་དེ་ཕྱི་ལོ ༢༠༡༩ ཟླ་ ༣ ནང་མཇུག་སྒྲིལ་གྱི་ཡོད་པ་དང་། ཁོང་སླར་རྒྱལ་སྤྱིའི་ཨོ་རྩལ་འགྲན་བསྡུར་ལ་ཞུགས་རྒྱུ་རེད་འདུག དེ་བཞིན་འདི་ལོར་བོད་རིགས་བུད་མེད་ཤེས་རབ་མཚོ་ལགས་ཀྱིས་ཀྱང་ Argentina ནང་གི་རྒྱལ་སྤྱིའི་ན་གཞོན་ཨོ་རྩལ་འགྲན་ཚོགས་ནང་འགྲོས་རྩལ་འགྲན་བསྡུར་ནང་དུ་ཨང་རིམ་དང་པོ་སོན་ནས་གསེེར་གྱི་རྟགས་མ་ཐོབ་པ་ལྟར། བོད་མཐོ་སྒང་དུ་ན་གཞོན་སྐྱེས་རྩེད་འགྲན་པ་མང་པོ་བྱུང་ཡོད་པ་ཟད། རྒྱལ་སྤྱིའི་ཨོ་རྩེད་འགྲན་བསྡུར་དུ་ཡང་མཉམ་ཞུགས་གྱིས་གྲུབ་འབྲས་མི་དམན་པ་བླངས་དང་ལེན་བཞིན་པ་རེད།

Latest news