Monthly Archives: February, 2018

ཉན་པ།: Listen ཕབ་ལེན། Download རྒྱ་ནག་སྲིད་འཛིན་གྱི་ལས་ཡུན་ཚད་བཀག་མེད་པ་བཟོ་རྒྱུ་ནི་ཟིང་འཁྲུག་གི་ས་བོན་དུ་གསུངས་འདུག ཁྲིམས་རྩོད་པ་ལི་སྦའི་ཀོ་ཝང་གློ་བུར་དུ་གྲོངས་པ་དེ་དོགས་གཞིའི་གནད་དོན་གྱུར་འདུག ཤེས་རིག་གི་དགེ་ལས་ས་མིག་ཐོག་འཚང་སྙན་འབུལ་མཁན་ཉིས་ལྡབས་ཀྱི་མང་བ་བྱུང་འདུག བོད་ཀྱི་ཡུལ་སྐོར་སྤྲོ་འཆམ་ས་ཚིགས་༡༡༥ལ་རིན་མེད་བསྐྱོད་ཆོག་པ་བཟོས་འདུག བྱེས་ཀྱི་གདན་ས་གསུམ་དུ་ལྷ་ལྡན་སྨོན་ལམ་ཆེན་མོ་ཚོགས་བཞིན་འདུག ༸གོང་ས་མཆོག་གིས་བཀའ་སློབ་ཀྱི་ལེ་ཚན། ༢༠༡༡ལོའི་སུམ་ཅུའི་དུས་དྲན་ཐོག་གི་གསུང་འཕྲིན། Wednesday 28/02/2018 Ending term limit for President will plant seed of chaos in China again: Li Datong Sudden death of Chinese rights lawyer raises suspicions China in a bid to promote winter tourism in Tibet, top attractions free until April end Great Prayer Festival underway at major monasteries in South India FEATURE: His Holiness the Dalai Lama’s statement on Tibet Uprising Day 2011

ཉེ་ཆར་རེས་གཟའ་ཉི་མའི་ཉིན་རྒྱ་ནག་དམར་ཤོག་ཚོགས་པའི་དབུས་རྒྱུན་ལས་ཁང་ནས་ཡུལ་དེའི་རྩ་ཁྲིམས་ནང་གསལ་བའི་གནད་དོན་ཁག་ཅིག་ལ་བསྐྱར་བཅོས་བྱ་རྒྱུའི་གྲོས་གཞི་འདོན་སྤེལ་བརྒྱུད། དེ་སྔ་རྒྱ་ནག་གཞུང་གི་རྩ་ཁྲིམས་ནང་ལ་གསལ་བའི་རྒྱ་ནག་གི་སྲིད་འཛིན་དུས་ཡུན་ལ་ཚད་བཀག་ལོ་བཅུ་ཞེས་འཁོད་པ་དེ་ཕྱིར་འཐེན་བྱས་ཏེ་སྲིད་འཛིན་གྱི་ལས་ཡུན་ལ་དུས་བཀག་ཚད་གཞི་མེད་པ་བཟོ་རྒྱུ་ཡོངས་བསྒྲགས་བྱས་ཡོད་སྟབས། འདས་པའི་ཉིན་ཤས་ནང་རྒྱ་རིགས་གཙོ་འགྱུར་རྒྱལ་སྤྱིའི་ཐོག་དོ་སྣང་ཅན་མི་ཉུང་བ་ཞིག་ནས་གནད་དོན་དེ་འབྲེལ་བརྒྱུད་ལམ་འདྲ་མིན་སྟེང་དཔྱད་གཏམ་རིགས་སྤེལ་བ་མ་ཟད། རྒྱ་གཞུང་གི་གྲོས་གཞི་དེ་ལ་སྐྱོན་བརྗོད་ཤུགས་ཆེ་གནང་མཁན་ཡང་བྱུང་ཡོད། ལྷག་པར་དུ་ཁ་ཉིན་རྒྱ་ནག་གི་རྒྱལ་ས་ Beijing ནང་བཅའ་བཞུགས་ཡུལ་དེའི་ China Youth Daily འམ་རྒྱ་ནག་གི་གཞོན་ནུའི་གསར་ཤོག་གི་སྤྱི་ཁྱབ་རྩོམ་སྒྲིག་ཟུར་པ་སྐུ་ཞབས་ Li Datong ལགས་ཀྱིས་རྒྱ་ནག་དམར་ཤོག་ཚོགས་པའི་དབུས་རྒྱུན་ལས་ཁང་གིས་འདོན་སྤེལ་བྱས་པའི་གྲོས་གཞི་དེ་ཟླ་ ༣ ཚེས་ ༥ རེས་གཟའ་ཟླ་བ་ནས་རྒྱ་ནག་ནང་འཚོགས་གཏན་འཁེལ་བའི་སྐབས་ ༡༣ པའི་རྒྱ་ནག་རྒྱལ་ཡོངས་མི་དམངས་འཐུས་མི་ཚོགས་ཆེན་ཐོག་མཐའ་མའི་ཐག་གཅོད་བྱ་རྒྱུ་ཡིན་སྟབས། ཚོགས་ཆེན་ཐོག་རྒྱལ་ས་པེ་ཅིང་ནས་ཆེད་བཅར་ཞུ་མཁན་གྱི་རྒྱ་ནག་རྒྱལ་ཡོངས་མི་དམངས་འཐུས་མི་ Xu Tao དང་ Ren Ming དེ་བཞིན་ Yang Yuanqing དང་ Chen Jining གཙོས་པའི་འཐུས་མི་ ༥༥ མིང་ཐོག་ལ་ཞུ་སྙན་ཞིག་ཕུལ་འདུག ཞུ་སྙན་དེའི་ནང་སྐུ་ཞབས་ Li Datong ལགས་ནས་ཁོང་པེ་ཅིང་དུ་གནས་སྡོད་བྱེད་བཞིན་པའི་རྒྱ་ནག་གི་མི་སེར་ཞིག་ཡིན་པ་དང་། འཐུས་མི་དེ་དག་ང་ཚོའི་འཐུས་མི་རེད། དེས་ན་འཐུས་མི་རྣམས་ནས་འཚོགས་ལ་ཉེ་བའི་རྒྱ་ནག་རྒྱལ་ཡོངས་མི་དམངས་འཐུས་མི་ཚོགས་ཆེན་ཐོག་རྒྱ་ནག་དམར་ཤོག་ཚོགས་པའི་དབུས་རྒྱུན་ལས་ཁང་གིས་འདོན་སྤེལ་གནང་བའི་རྩ་ཁྲིམས་བསྐྱར་བཅོས་ཀྱི་གྲོས་གཞི་ནང་གསལ་བའི་སྲིད་འཛིན་གི་ལས་ཡུན་ལ་ཚད་བཀག་མེད་པ་བཟོ་རྒྱུ་དེར་མོས་མཐུན་རྩ་ན་མི་འདུག་ཞེས་གསུངས་དགོས་པ་གསལ་ཡོད། ལྷག་པར་དུ་ད་ལྟའི་རྒྱ་ནག་གཞུང་གི་རྩ་ཁྲིམས་ནང་སྲིད་འཛིན་གྱི་དུས་ཡུན་ལ་ཚད་བཀག་བཟོ་བ་ནི་དེ་སྔ་རྒྱ་ནག་གི་སྲིད་འཛིན་ Mao Zedong སྐབས་སུ་རྒྱ་ནག་ནང་རིག་གནས་གསར་བརྗེའི་ལས་འགུལ་སྤེལ་ནས་རྒྱ་ནག་ཁྱོན་ལ་དཀའ་སྡུག་ཆེན་པོ་འཕྲད་ཡོད་སྟབས། ཕྱི་ལོ་ ༡༩༨༢ ལོར་རྒྱ་ནག་དམར་ཤོག་ཚོགས་པ་དང་རྒྱ་རིགས་མི་མང་ཡོངས་ནས་ཆབ་སྲིད་ཀྱི་གནད་འགག་ཞིག་ལ་གཟིགས་ཏེ་བཟོས་པ་ཞིག་རེད་ཅེས་འགྲེལ་བརྗོད་དང་ཆབས་ཅིག ཐེངས་འདིའི་གྲོས་གཞི་བརྒྱུད་ནས་རྒྱ་ནག་གི་སྲིད་འཛིན་ལས་ཡུན་ལ་ཚད་བཀག་མེད་པ་བཟོ་རྒྱུ་དེ་སླར་རྒྱ་ནག་རྒྱལ་ནང་དུ་ཟིང་འཁྲུག་གི་ས་བོན་བཏབ་པ་ཞིག་རེད་ཅེས་གསུངས་འདུག དེ་བཞིན་ཁོང་གིས་རྒྱ་ནག་དེ་ད་ལྟ་ཡོད་བཞིན་པའི་རྩ་ཁྲིམས་ཀྱི་སྒྲོམ་གཞི་འོག་མདུན་བསྐྱོད་བྱ་དགོས་པ་མ་གཏོགས་འདས་ཟིན་པའི་ཆབ་སྲིད་ཀྱི་ལམ་ལུགས་ཐོག་ཕྱིར་ཤིག་བརྒྱབ་རྒྱུ་མེད་པ་གསུངས་པ་དང་འབྲེལ། རྩ་ཁྲིམས་བསྐྱར་བཅོས་ཀྱི་གྲོས་གཞིའི་ནང་སྲིད་འཛིན་གྱི་ལས་ཡུན་ལ་དུས་བཀག་མེད་པ་བཟོ་རྒྱུ་དེ་ཕྱིའི་རྒྱལ་ཁབ་ཁག་ནས་རྒྱ་ནག་ལ་འཕྱ་སྨོད་བྱ་གཞི་ཞིག་ཆགས་རྒྱུ་དང་སླད་མར་རྒྱ་ནག་གི་ཆེ་མཐོང་ལའང་གནོད་ངེས་རེད་ཅེས་གསུངས་ཡོད། གཞི་རྩའི་ཐེངས་འདིའི་རྒྱ་ནག་གི་རྩ་ཁྲིམས་བསྐྱར་བཅོས་ཀྱི་གྲོས་གཞི་གནད་དོན་དེ་དང་འབྲེལ་སྐུ་ཞབས་ Li Datong ལགས་ཙམ་མ་ཟད་རྒྱ་རིགས་ཚོང་པ་གྲགས་ཅན་ Wang Ying ལགས་དང་ཕྱི་སྡོད་རྒྱ་རིགས་མང་གཙོ་དོན་གཉེར་བ་གཙོས། དོ་སྣང་ཅན་མང་དག་ཞིག་ནས་སྤྱི་ཚོགས་ཀྱི་དྲ་གནས་ Weibo དང་ Wechat དེ་བཞིན་ Twitter ཐོག་རྒྱ་གཞུང་གི་ཐག་གཅོད་དེ་ཡག་རྟགས་ཤིག་མིན་པར་སྐྱོན་བརྗོད་ཤུགས་ཆེ་གནང་མཁན་མང་དག་བྱུང་ཡོད་ཀྱང་། རྒྱ་གཞུང་ནས་མང་ཚོགས་ཀྱི་བསམ་ཚུལ་དང་། མཆན་འགྲེལ་དེ་དག་སྤྱི་ཚོགས་ཀྱི་དྲ་གནས་ཐོག་ནས་ཕྱིར་འཐེན་དང་བཀག་སྡོམ་གྱིས་ཆེས་དམ་དྲག་བྱེད་མུས་ཡིན་པ་དང་། རྒྱ་ནག་གཞུང་འབྲེལ་གྱི་གསར་ཁང་ཁག་གིས་རྒྱ་ནག་དམར་ཤོག་ཚོགས་པའི་དབུས་རྒྱུན་ལས་ཁང་གི་གྲོས་གཞི་དེ་དུས་ཚོད་ཀྱི་ཆ་ནས་འོས་ཤིང་འཚམས་པ་རེད་ཅེས་བསྔགས་བརྗོད་བྱས་ཡོད།

ཉན་པ།: Listen ཕབ་ལེན། Download རྒྱ་ནག་གི་རྩ་ཁྲིམས་བསྐྱར་བཅོས་དང་འབྲེལ་བའི་མང་ཚོགས་ཀྱི་བསམ་ཚུལ་ལ་དམ་དྲག་བྱེད་བཞིན་འདུག རྒྱལ་ཚོགས་སུ་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་གླེང་དགོས་པའི་ཞུ་འབོད། དབྱིན་ཡུལ་གྲོས་ཚོགས་ནང་བོད་ཀྱི་ལོ་གསར་སྲུང་བརྩི་ཞུས་པ། ལ་དྭགས་ཀྱི་མི་མང་ཚོས་བ་ཀུ་ལ་རིན་པོ་ཆེ་དམ་པའི་རྗེས་དྲན་གྱི་འཁྲུངས་སྐར་སྲུང་བརྩི། རྒྱལ་སྤྱིའི་བོད་ཀྱི་གསོ་བ་རིག་པའི་ཚོགས་ཆེན་ཐེངས་གསུམ་པའི་ཐོག་ཆེད་ལས་མི་སྣས་བགྲོ་གླེང་ལྷུག་པོ་གནང་བ། ལྷོ་ཕྱོགས་སུ་སྔོན་འགྲོའི་དགེ་རྒན་རྣམས་ལ་བྱིས་པའི་ཀློག་རྩལ་འཁྲིད་ཐབས་ཀྱི་ཟབ་སྦྱོང་གནང་བཞིན་འདུག Tuesday 27/02/2018 China censors comments on Xi presidential term All-Party Parliamentary Group for Tibet, UK hosts Losar reception International NGOs urge UN member states act on China’s rights abuses Bakula Rinpoche Centenary celebration held at Delhi Central Council of Tibetan Medicine hosts 3rd International Conference

རྒྱལ་སྤྱིའི་བོད་དོན་ལས་འགུལ་ཁང་གཙོ་འགྱུར་གཞུང་འབྲེལ་མ་ཡིན་པའི་ཚོགས་པ་ ༢༠ ཡས་མས་ཤིག་ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མི་རྒྱལ་ཁབ་ཁག་ཅིག་ལ་བོད་ནང་གི་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་གྱི་གནད་དོན་གླེང་དགོས་པའི་ཞུ་འབོད་གནང་འདུག དེ་ཡང་རྒྱལ་སྤྱིའི་བོད་དོན་ལས་འགུལ་ཁང་གིས་གནས་ཚུལ་སྤེལ་བར་ཚོགས་པ་དེ་དག་ནས་སུད་སི་གྲོང་ཁྱེར་ཇི་ནི་ཝ Geneva ནང་ཁ་སང་ཕྱི་ཟླ་ ༢ ཚེས་ ༢༦ ཉིན་ནས་དབུ་འཛུགས་གནང་བའི་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་དང་བསྟུན། ལྷན་ཚོགས་དེའི་ཚོགས་མི་རྒྱལ་ཁབ་ཁག་ཅིག་ལ་ཞུ་ཡིག་ཕུལ་ཐོག་རྒྱལ་ཁབ་དེ་དག་ནས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་སྐབས་རྒྱ་ནག་གཞུང་གིས་བོད་ནང་བོད་མི་ཚོའི་སྨྲ་བརྗོད་རང་དབང་དང་། འདུ་འཛོམས་རང་དབང་སོགས་ལ་དྲག་གནོན་བྱས་པ་མ་ཟད་གཞུང་དང་ལྟ་སྤྱོད་མི་མཐུན་མཁན་རྣམས་ཉེས་མེད་འཛིན་བཟུང་གིས་བཙོན་འཇུག་ཁྲིམས་ཆད་གཏོང་བཞིན་པ་དེ་དག་རྩ་བ་ནས་བྱ་མི་རུང་བའི་བྱ་སྤྱོད་ཞིག་ཡིན་པ་ཐེར་བཏོན་གནང་དགོས་པ་གསུངས་འདུག དེ་བཞིན་བོད་ཀྱི་སྐད་ཡིག་སྲུང་སྐྱོབ་ལས་འགུལ་བ་བཀྲིས་དབང་ཕྱུག་ལགས་ཀྱིས་གཙོས་པའི་སྡུག་རྩུབ་མྱོང་བཞིན་པའི་རྒྱ་ནག་གི་ཁྲིམས་རྩོད་པ་དང་རྒྱ་རིགས་འགྲོ་བ་མིའི་ཐོབ་ཐང་རྩོད་ལེན་པ་མི་སྣ་ལྔའི་གནད་དོན་ཐེར་བཏོན་དང་། ལྷག་ཏུ་རྒྱ་ནག་གི་སྲིད་འཛིན་ཞི་ཅིང་ཕིང་གི་དབང་སྒྱུར་འོག་མང་ཚོགས་ཀྱི་གཞི་རྩའི་འགྲོབ་མིའི་ཐོབ་ཐང་གི་གནས་སྟངས་དུས་ད་ལྟའང་ཇེ་ཞན་ཇེ་སྡུག་ཏུ་འགྲོ་བཞིན་ཡོད་པ་མངོན་གསལ་གནང་འདུག རྩ་བའི་ཞུ་ཡིག་དེའི་ནང་ཐེར་བཏོན་གནང་བའི་མི་སྣ་ལྔ་པོ་དེ་དག་གི་ཁོངས་སུ་ཁ་བྲལ་གྱི་ནག་ཉེས་འོག་ལོ་གཉིས་ལྷག་ཙམ་དོ་དམ་བཀག་ཉར་བྱས་པའི་བོད་མི་སྐད་ཡིག་ལས་འགུལ་བ་བཀྲིས་དབང་ཕྱུག་ལགས་དང།  རྒྱ་ནག་གཞུང་གི་མནར་སྤྱོད་མྱོང་བཞིན་པའི་རྒྱ་རིགས་ནོ་སྦེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ Liu Xiaobo ལགས་དམ་པ་དེ་ཉིད་ཀྱི་ལྕམ་ Liu Xia ལགས། དེ་བཞིན་རྒྱ་རིགས་ཁྲིམས་རྩོད་པ་སྐུ་ཞབས་ Wang Quanzhang ལགས། Swedish གི་མི་སེར་ཡིན་པ་རྒྱ་རིགས་དཔེ་དེབ་ཚོང་འགྲེམས་པ་སྐུ་ཞབས་ Gui Minhai ལགས། རྒྱ་རིགས་ཁྲིམས་རྩོད་པ་ Yu Wensheng ལགས་བཅས་གི་གནད་དོན་མངོན་གསལ་གནང་འདུག རྒྱལ་སྤྱིའི་བོད་དོན་ལས་འགུལ་ཁང་གིས་གཙོས་པའི་གཞུང་འབྲེལ་མ་ཡིན་པའི་ཚོགས་པ་དེ་དག་གིས་འདི་ལོའི་ཕྱི་ཟླ་ ༡༡ ནང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་ལ་དུས་བཀག་བསྐྱར་ཞིབ་གནང་འཆར་ཡོད་སྟབས། དུས་ཚིགས་ཀྱི་ཆ་ནས་ད་རེས་ཀྱི་ལྷན་ཚོགས་དེའི་སྐབས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་གླེང་དགོས་པ་དེ་ཆེས་གནད་ཆགས་ཡོད་པ་མ་ཟད། ལྷན་ཁང་དེའི་ཚོགས་མི་རྒྱལ་ཁབ་རྣམས་ནས་རྒྱལ་སྤྱིའི་འགྲོ་བ་མིའི་ཐོབ་ཐང་གི་རིན་ཐང་དང་ལྷག་པར་དུ་རྒྱ་ནག་རྒྱལ་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་གོང་འཕེལ་གཏོང་རྒྱུར་ཆོད་སེམས་ཇི་ཙམ་ཡོད་པ་གསལ་སྟོན་གནང་རྒྱུ་དེ་ཛ་དྲག་ཆགས་ཡོད་ཅེས་གསུངས་འདུག

དབྱིན་ཡུལ་གྲོས་ཚོགས་ནང་དུ་ཁུལ་དེའི་གྲོས་ཚོགས་འཐུས་མི་སྐོར་ཞིག་དང་ས་གནས་སུ་ཡོད་པའི་གཞུང་ཚབ་ཁག་ཅིག་གི་སྐུ་ཚབ་རྣམ་པ་ལྷན་འཛོམས་ཐོག་རབ་གནས་ས་ཁྱི་ལོའི་བོད་ཀྱི་ལོ་གསར་སྲུང་བརྩི་ཞུས་པ་དང་སྦྲགས། བོད་ནང་གི་འགྲོ་བ་མིའི་ཐོབ་ཐང་སྲུང་སྐྱོབ་དགོས་གལ་སྐོར་འབོད་སྐུལ་ཞུས་འདུག ལས་རིམ་འདི་ནི་ཁུལ་དེའི Tibet Society བོད་དོན་རྒྱབ་སྐྱོར་ཚོགས་པ་དང་དབྱིན་ཡུལ་གྱི་ཆབ་སྲིད་ཚོགས་པ་འདྲ་མིན་ལས་གྲུབ་པའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་གཉིས་ཐོུང་གིས་གོ་སྒྲིག་ཞུས་པ་ཆེས་ཐོག་མ་ཞིག་ཆགས་ཀྱི་འདུག་པ་དང་། མཛད་སྒོའི་ཐོག་དབྱིན་ཡུལ་གྱི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Chris law ལགས་དང་ Tibet Society ཚོགས་པའི་ཚོགས་གཙོ་སྐུ་ཞབས་ Norman Baker ལགས་རྣམ་གཉིས་ནས་ས་ཁྱི་ལོའི་བོད་ཀྱི་ལོ་གསར་པའི་འཚམས་འདྲིའི་གསུང་བཤད་གནང་འདུག Tibet Society ཚོགས་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་ Norman Baker ལགས་ཀྱིས་ལས་རིམ་འདི་ལྟ་བུ་དུས་སང་ནས་མུ་མཐུད་སྲུང་བརྩི་ཞུས་ཐུབ་པའི་རེ་བ་ཡོད་པ་གསུངས་འདུག་པ་དང་། དབྱིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Chris Law ལགས་ནས་སྐབས་དེའི་མཛད་སྒོའི་ཐོག་ཕེབས་པའི་གྲོས་ཚོགས་འཐུས་མི་རྣམས་ལ་ཁོང་སྐུ་སྒེར་གྱི་ངོས་ནས་བོད་དང་བོད་མིར་རྒྱབ་སྐྱོར་ཤུགས་ཆེ་གནང་མུས་སྐོར་གསུངས་པ་དང་ཆབས་ཅིག ཕྱག་སྦྲེལ་གྲོས་ཚོགས་འཐུས་མི་རྣམ་པའི་ངོས་ནས་ཀྱང་བོད་ནང་གི་འགྲོ་བ་མའི་ཐོབ་ཐང་སྲུང་སྐྱོབ་ཡོང་སླད་དུ་མཉམ་རུབ་ཀྱི་རྒྱབ་སྐྱོར་གནང་སྐྱོང་ཡོང་བའི་གཞེན་སྐུལ་གནང་འདུག བོད་རྒྱལ་ལོ་ ༢༡༤༥ རབ་གནས་ས་ཁྱི་ལོའི་གནམ་ལོ་གསར་དུ་བཞད་པའི་དགའ་སྟོན་གྱི་མཛད་སྒོ་དེའི་སྟེང་གྲོས་འཐུས་མི་སྐུ་ཞབས་ Chris Law ལགས་དང་ Kerry McCarthy ལགས་ཀྱིས་གཙོས་པའི་ཆབ་སྲིད་ཚོགས་པ་འདྲ་མིན་གྱི་འཐུས་མི་ ༥ དང་ས་གནས་སུ་ཡོད་པའི་ཕྱི་རྒྱལ་གཞུང་ཚབ་ཁག་ཅིག་གི་སྐུ་ཚབ་བཅས་ཕེབས་ཡོད་པ་རེད།

དེ་རིང་ཟླ་ ༢ ཚེས་ ༢༧ ཉིན་རྒྱ་གར་གྱི་རྒྱལ་ས་ལྡི་ལིའི་ལ་དྭགས་དྷ་རྨ་ས་ལའི་ནང་ལ་དྭགས་ནང་པའི་མཐུན་ཚོགས་ཀྱིས་གོ་སྒྲིག་འོག་བ་ཀུ་ལ་རིན་པོ་ཆེ་དམ་པ་མཆོག་སྐུ་འཁྲུངས་ནས་ལོ་ ༡༠༠ ཐམ་པ་འཁོར་བའི་དུས་དྲན་མཛད་སྒོ་ཚོགས་ཡོད་པ་རེད། མཛད་སྒོའི་སྐུ་མགྲོན་གཙོ་བོ་རྒྱ་གར་ནང་སྲིད་བློན་ཆེན་གཞོན་པ་སྐུ་ཞབས་ Kiren Rijiju མཆོག་གིས་དབུས་པའི་ལ་དྭགས་ཀྱི་གྲོས་ཚོགས་ཚོགས་མི་དང་རྒྱལ་སྤྱིའི་ནང་པའི་མཐུན་ཚོགས་ཀྱི་ཚོགས་གཙོ་བླ་མ་བློ་བཟང་ལགས།  ས་གནས་ཀྱི་བློན་ཆེན། སོག་ཡུལ་གྱི་གཞུང་ཚབ་པ།  འབྲེལ་ཡོད་ལ་དྭགས་ཀྱི་གནད་ཡོད་མི་སྣ། ལྡི་ལི་བོད་མིའི་ས་གནས་འགོ་འཛིན། ས་གནས་བོད་མིའི་ཚོགས་ཁག་གི་སྐུ་ཚབ། དེ་བཞིན་ལ་དྭགས་ཀྱི་མང་ཚོགས་བཅས་ཁྱོན་མི་གྲངས་ ༣༠༠ སྐོར་ཞིག་འདུ་འཛོམས་ཐོག་འཁྲུངས་སྐར་སྲུང་བརྩི་གཟབ་རྒྱས་ཞུས་ཡོད། མཛད་སྒོ་གོ་སྒྲིག་ཞུ་མཁན་ལ་དྭགས་ནང་པའི་མཐུན་ཚོགས་ཀྱི་ཚོགས་གཙོ་དང་རྒྱལ་སྤྱིའི་ནང་པའི་མཐུན་ཚོགས་ཀྱི་ཚོགས་གཙོ་བླ་མ་བློ་བཟང་ལགས་ནས་སྐུ་ཞབས་བ་ཀུ་ལ་རིན་པོ་ཆེ་མཆོག་བོད་ནས་དགེ་བཤེས་ལྷ་རམས་པ་ཐོན་རྗེས་ལ་དྭགས་སུ་ཕྱིར་ཕེབས་ནས་ལ་དྭགས་ཀྱི་མི་མང་ཚོར་ཆོས་སྲིད་ གཉིས་ཀྱི་ཐོག་ནས་ཤིན་ཏུ་ནས་བཀྲིན་ཆེན་པོ་ཡིན་པའི་སྐོར་སོགས་འགྲེལ་བརྗོད་གནང་པ་མ་ཟད། རིན་པོ་ཆེ་མཆོག་ནི་ལ་དྭགས་དེང་དུས་ཅན་དུ་བསྒྱུར་མཁན་གྱི་རླབས་ཆེན་དབུ་ཁྲིད་ཞིག་ཡིན་པར་གསུངས་ཡོད། སྐུ་མགྲོན་གཙོ་བོ་རྒྱ་གར་ནང་སྲིད་བློན་ཆེན་གཞོན་པ་སྐུ་ཞབས་  Kiren Rijiju མཆོག་ནས་རང་ཉིད་ལ་དྭགས་སུ་བསྐྱོད་སྐབས་ཁུལ་དེའི་ས་ཆའི་གནས་བབ་ཐོག་ནས་མང་ཚོགས་ལ་འཚོ་བའི་དཀའ་ངལ་མང་པོ་ཞིག་དང་། ལྷག་པར་རྒྱ་ནག་དང་པ་ཀིས་ཐན་གཉིས་ཀྱི་ས་མཚམས་སུ་འཁེལ་ཡོད་པར་ལྟོས་མེད་མི་མང་ཚོའི་རྒྱལ་ཞེན་གྱི་སྙིང་སྟོབས་དང་སོ་སོའི་ཆོས་དང་རིག་གཞུང་ལ་སྲུང་སྐྱོབ་གང་ཡོང་གནང་བཞིན་པར་ཡི་རང་བསྔགས་བརྗོད་གནང་ཡོད། དེ་བཞིན་མི་རབས་གཞོན་པ་ཚོས་བ་ཀུ་ལ་རིན་པོ་ཆེ་མཆོག་གིས་དབུས་པའི་མི་རབས་རྒན་པ་ཚོའི་བཀྲིན་དག་ལ་བསམ་ཤེས་གནང་དགོས་གལ་ཡིན་པར་གསུང་བཤད་གནང་སོང་། གཞི་རྩའི་ཞིང་གཤེགས་དམ་པ་བ་ཀུ་ལ་རིན་པོ་ཆེ་སྐུ་ཕྲེང་ ༡༩ པ་མཆོག་ནི་ཕྱི་ལོ་ ༡༩༡༧ ལོར་ལ་དྭགས་ཀྱི་རྒྱལ་བརྒྱུད་ཁྱིམ་ཚང་ཞིག་ཏུ་སྐུ་འཁྲུངས་ཤིང་། དགུང་ལོ་ ༡༣ ལ་སོན་སྐབས་བོད་ལ་ཆེད་ཕེབས་ཀྱིས་གཞུང་ཆེན་བཀའ་པོད་ལྔའི་ཐོག་གསན་བསམ་སློབ་གཉེར་མཛད་ནས་བོད་ནང་དགེ་བཤེས་རྒྱུགས་སྤྲོད་གནང་འདུག་པ་མ་ཟད། ཕྱིས་སུ་ལ་དྭགས་ལ་ཕྱིར་ཕེབས་གནང་ནས་༸རྒྱལ་མཆོག་སྐུ་ཕྲེང་ ༡༣ ཆེན་པོ་མཆོག་གིས་ཁོང་བ་ཀུ་ལ་སྐུ་ཕྲེང་ ༡༨ པའི་ཡང་སྲིད་དུ་ངོས་འཛིན་མཛད་པ་དང་། དེ་བཞིན་རིན་པོ་ཆེ་མཆོག་ནས་རྒྱ་གར་གྲོས་ཚོགས་འཐུས་མི་གནང་སྟེ་ས་གནས་བོད་མིའི་འཕྲོད་བསྟེན་དང་ཤེས་ཡོན་བཅས་མང་ཚོགས་ཀྱི་བདེ་དོན་སླད་ཕྱག་ལས་མང་དག་གནང་ཡོད་པ་རེད། གཞན་ཡང་སོག་ཡུལ་ནང་དུ་རྒྱ་གར་གཞུང་ཚབ་པའི་ཕྱག་ལས་གནང་ནས་རུ་སུ་དང་སོག་པོ་གཉིསསུ་ནང་ཆོས་སླར་གསོ་མཛད་དེ་ཕྱི་ལོ་ ༢༠༠༥ ལོར་རིན་པོ་ཆེ་མཆོག་གི་མཛད་རྗེས་ལ་ཆེ་བསྟོད་ཞུ་ཕྱིར་སླེ་གནམ་ཐང་ལ་བ་ཀུ་ལ་གནམ་ཐང་ཞེས་མིང་བསྒྱུར་གནང་ཡོད་པ་རེད། ལྷག་པར་དུ་ཞིང་གཤེགས་དམ་པ་བ་ཀུ་ལ་རིན་པོ་ཆེ་མཆོག་འཁྲུངས་ནས་ལོ་བརྒྱ་འཁོར་བའི་འཁྲུངས་སྐར་གྱི་རྗེས་དྲན་དེ་རྒྱ་གར་རྒྱལ་ཡོངས་སུ་ཞུ་བཞིན་ཡོད་པ་ལྟར། དེ་རིང་ལྡི་ལི་ལ་དྭགས་དྷ་རྨ་ས་ལའི་འཁྲུངས་སྐར་གྱི་མཛད་སྒོའི་ཐོག་ལ་དྭགས་སློབ་ཕྲུག་དང་ཚོགས་པ་ཁག་ཅིག་ནས་རིག་གཞུང་དང་འབྲེལ་བའི་གཞས་སྣ་ཁག་ཅིག་གཟིགས་འབུལ་ཞུས་ཡོད་པ་རེད།

ཉན་པ།: Listen ཕབ་ལེན། Download རྒྱ་ནག་སྲིད་འཛིན་གྱི་ལས་ཡུན་ལ་ཚད་བཀག་མེད་པ་བཟོ་རྒྱུ། འགུལ་རིས་བརྙན་ཐུང་བརྒྱུད་ ༢༠༢༢ ལོའི་པེ་ཅིང་ཨོ་ལམ་པིག་རྩེད་འགྲན་ལ་སྐྱོན་བརྗོད། བོད་མིའི་སྒྲིག་འཛུགས་ནས་རྙིང་མའི་དབུ་འཛིན་མཆོག་ལ་འཚམས་འདྲིའི་མཇལ་བཅར། བཞུགས་སྒར་དུ་ཆོ་འཕྲུལ་སྨོན་ལམ་ཆེན་མོ་དབུ་འཛུགས། དམིགས་བསལ་ལེ་ཚན། ༸རྒྱལ་མཆོག་༸སྐུ་ཕྲེང་གསུམ་པའི་མཛད་རྣམ། Monday 26/02/2018 China proposes removal of 2 year term for President Beijing2022: IOC urged to implement policies to address human rights abuses Religion Kalon calls on new head of Nyingma Tradition Monlam Chenmo, Great Prayer Festival begins at Dharamsala HISTORY FEATURE: The 3rd Dalai Lama

རྒྱ་ནག་གཞུང་ནས་འཚོགས་ལ་ཉེ་ལ་བའི་རྒྱ་ནག་མི་དམངས་འཐུས་མི་ཚོགས་ཆེན་སྐབས་རྒྱ་ནག་གི་རྩ་ཁྲིམས་ནང་དོན་ཁག་ཅིག་ལ་བསྐྱར་བཅོས་བརྒྱུད་རྒྱ་ནག་གི་སྲིད་འཛིན་ལས་ཡུན་ལ་དུས་བཀག་ཚད་གཞི་མེད་པ་བཟོ་རྒྱུ་རེད་འདུག ཁ་སང་ཟླ་ ༢ ཚེས་ ༢༥ ཉིན་རྒྱ་ནག་གཞུང་འབྲེལ་གྱི་གསར་ཁང་ Xinhua དང་ Global Times ཐོག་གནས་ཚུལ་སྤེལ་བར་ཉེ་ཆར་རྒྱ་ནག་དམར་ཤོག་ཚོགས་པའི་དབུས་རྒྱུན་ལས་ཁང་ནས་ཡུལ་དེའི་རྩ་ཁྲིམས་ནང་གསལ་བའི་རྒྱ་ནག་དམར་ཤོག་ཚོགས་པའི་འགོ་ཁྲིད་ཀྱི་གནད་དོན་དང་། གྲོང་སྡེ་ཁག་གི་ཆབ་སྲིད་ལས་དོན། དེ་བཞིན་གྲངས་ཉུང་མི་རིགས་དང་རྒྱ་ནག་དབུས་རྒྱུན་ལས་ཁང་གི་ལས་འགན་དང་དབང་ཚད་སོགས་དང་འབྲེལ་བའི་གནད་དོན་ཁག་ཅིག་ལ་བསྐྱར་བཅོས་བྱ་རྒྱུའི་གྲོས་གཞི་ཞིག་གཏན་འབེབས་བྱས་ཡོད་པ་དང་། གྲོས་གཞི་དེ་ཟླ་ ༣ ཚེས་ ༥ ཉིན་འཚོགས་གཏན་འཁེན་བའི་རྒྱ་ནག་མི་དམངས་འཐུས་མི་ཚོགས་ཆེན་ཐོག་མཐའ་མའི་ཐག་གཅོད་བྱ་རྒྱུ་ཡིན་པ་གསལ་འདུག ཐེངས་འདིའི་རྩ་ཁྲིམས་བསྐྱར་བཅོས་ནང་གི་རྒྱ་ནག་དམར་ཤོག་ཚོགས་པའི་འགོ་ཁྲིད་ཀྱི་གནད་དོན་ཐད་ལ་གཞིགས་ཚེ་དེ་སྔ་རྒྱ་ནག་གཞུང་གི་རྩ་ཁྲིམས་ནང་ལ་གང་ཟག་སུ་རུང་ཞིག་ནས་རྒྱ་ནག་གི་སྲིད་འཛིན་བྱེད་སྐབས་དུས་ཡུན་རིང་ཤོས་ལ་ལོ་ངོ་བཅུ་ལས་ལྷག་པ་བྱ་མི་མཆོག་པར་ཚད་བཀག་བྱས་པ་དེ་ཕྱིར་འཐེན་བྱས་ནས་སྲིད་འཛིན་གྱི་ལས་ཡུན་དེར་ཚད་བཀག་མེད་པ་བཟོས་ཡོད། བསྐྱར་བཅོས་དེས་ད་ལྟ་སྲིད་འཛིན་གྱི་ལས་ཡུན་སྐབས་གཉིས་པ་དང་ལས་ཐོག་སྲིད་འཛིན་ཞི་ཅིང་ཕིང་རང་ཉིད་ཀྱི་འདོད་པ་ལྟར་རྒྱ་ནག་གི་སྲིད་འཛིན་བསྟུད་མར་བྱ་རྒྱུའི་ལམ་ཁ་ཞིག་བསྐྲུན་ཡོད་སྟབས། དེ་འབྲེལ་རྒྱ་རིགས་ཁག་ཅིག་ནས་རྒྱ་ནག་ནང་དར་ཁྱབ་ཆེ་བའི་སྤྱི་ཚོགས་ཀྱི་དྲ་གནས་ Weibo དང་ Wechat སོགས་ཀྱི་ཐོག་ང་ཚོའི་རྒྱལ་ཁབ་འདི་བྱང་ཀོ་རི་ཡའི་རྒྱལ་ཁབ་དང་གཅིག་མཚུངས་ཆགས་ཀྱི་འདུག གལ་ཏེ་སྲིད་འཛིན་གྱི་དུས་ཡུན་ཐེངས་གསུམ་བཟོ་ན་འགྲིག་པ་ལས་དུས་བཀག་མེད་པ་བཟོ་བ་དེ་བཟང་རྟགས་ཤིག་མིན་པར་སྐྱོན་བརྗོད་ཤུགས་ཆེ་གནང་མཁན་མང་དག་ཞིག་བྱུང་འདུག འདི་ག་རླུང་འཕྲིན་ཁང་ནས་གནས་ཚུལ་དང་འབྲེལ་ཨོ་སི་ཊོ་ལི་ཡ་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་འབའ་བ་སྐལ་བཟང་རྒྱལ་མཚན་ལགས་སུ་བཅར་འདྲི་ཞུས་པར་ད་ལྟའི་ཆ་ལ་རྒྱ་ནག་མི་དམངས་འཐུས་མི་ལྷན་ཚོགས་ཀྱི་ཚོགས་མི་བརྒྱ་ཆ་ ༧༢ ལྷག་རྒྱ་ནག་དམར་ཤོག་ཚོགས་པའི་འཐུས་མི་ཡིན་སྟབས། གྲོས་ཆོད་དེ་གཏན་འབེབས་ཐུབ་རྒྱུ་ངེས་པ་ཞིག་ཡིན་པ་དང་། རྩ་ཁྲིམས་བསྐྱར་བཅོས་རྗེས་སུ་ཞི་ཅིང་ཕིང་ལ་དབང་ཆ་ཚང་ཡོད་སྟབས་བོད་ཀྱི་གནད་དོན་ཐོག་ལ་ལག་པ་འཆང་ཚེ་འཆང་ས་དང་རེ་བ་བྱ་རྒྱུ་ཡོད་སྐོར་གསུངས་ཡོད། གཞི་རྩའི་ཐེངས་འདིའི་རྒྱ་ནག་མི་དམངས་འཐུས་མི་ཚོགས་ཆེན་བརྒྱུད་རྒྱ་ནག་གི་སྲིད་འཛིན་ལོ་ཡུན་དང་འབྲེལ་བའི་གནད་དོན་ཙམ་མ་ཟད། སྔར་ལོ་རྒྱ་ནག་གི་རྒྱལ་ས་ Beijing ནང་ཚོགས་པའི་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ ༡༩ ཐོག་ཞི་ཅིང་ཕིང་གིས་ཡོངས་བསྒྲགས་སུ་བཤད་པའི་རྒྱ་ནག་གི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འཕེལ་རྒྱས་ལམ་ལུགས་ཞེས་པའི་ལྟ་གྲུབ་དེ་རྒྱ་ནག་གི་རྩ་ཁྲིམས་ནང་བཞག་རྒྱུ་དང་། གྲངས་ཉུང་མི་དང་འབྲེལ་བའི་ཐ་སྙད་བེད་སྤྱོད་བྱེད་ཕྱོགས་ལ་བསྐྱར་བཅོས་སོགས་རྩ་ཁྲིམས་ཀྱི་དོན་ཚན་མི་འདྲ་བ་བཅུ་ཙམ་ལ་བསྐྱར་བཅོས་གཏན་འབེབས་བྱེད་ཀྱི་ཡོད་པ་རེད།