Monthly Archives: August, 2018

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བོད་མིའི་ཆོལ་གསུམ་ཐུན་མོང་དང་རྒྱ་གར་བྱང་ཤར་ཕྱོགས་སུ་རྟེན་གཞི་བྱས་པའི་ཀ་རྡོར་སྒང་གསུམ་དང་ར་ཝང་ལ་བཅས་ནས་ཇི་ལྟར་གསོལ་འདེབས་ཞུས་དོན་ལྟར། མགོན་པོ་༸གང་ཉིད་མཆོག་ནས་ཕྱི་ཟླ་ ༩ ཚེས་ ༣ ཉིན་དུས་ཚོད་ལེགས་པའི་ཞལ་བཞེས་ཀྱི་སྐལ་བཟང་ཕེབས་པར་བརྟེན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མགོན་པོ་༸གང་ཉིད་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུ་རྒྱུ་དང་། དེའི་ཆེད་དུ་བཞུགས་སྒར་དུ་ཁ་ནས་རྣམ་གྲྭ་མཁན་པོ་ཁྲོམ་ཐོག་རིན་པོ་ཆེ་མཆོག་དབུ་བཞུགས་ཐོག་བརྟན་བཞུགས་ཀྱི་སྒྲུབ་བཤག་ཆོ་ག་དབུ་འཛུགས་གནང་འདུགདེའང་༸རྒྱལ་མཆོག་༸སྐུ་ཕྲེང་བཅུ་བཞི་བ་ཆེན་པོ་མཆོག་ཕྱི་ལུགས་དགུང་གྲངས་ ༨༤ དང་བོད་ལུགས་དགུང་གྲངས་ ༨༥ ཕེབས་པའི་དགུང་གེགས་ཁེལ་གྱི་ཡོད་པས་བསྟན་འགྲོ་སྤྱིའི་བདེ་དོན་སླད་དུ་དགུང་གེགས་ཀྱི་མཚན་མ་ཕྲ་མོ་ཙམ་ཡང་མི་བཞེས་པ་དང་། ལྷག་པར་དུ་བོད་གངས་པའི་བོད་འབངས་ཡོངས་ཀྱི་མགོན་དཔུང་དམ་པར་༸སྐུ་ཚེ་༸ཞབས་པད་བསྐལ་བརྒྱར་བརྟན་ཅིང་ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་པ་སོགས་ལ་དམིགས་ཏེ་ཕུལ་བ་ཞིག་རེད་འདུགདེ་བཞིན་བོད་མིའི་གཞིས་སྒར་རྒྱ་གར་བྱང་ཤར་ཕྱོགས་སུ་རྟེན་གཞི་བྱས་པའི་ཀ་རྡོར་སྒང་གསུམ་དང་ར་ཝང་ལ་བཅས་ནས་སྔ་ལོར་༸གོང་ས་མཆོག་འབྲས་ལྗོངས་རང་དབང་ལར་ཆིབས་བསྒྱུར་ཐུགས་གཏན་ཁེལ་བ་ལྟར་སྐབས་དེར་བརྟན་བཞུགས་བསྟར་འབུལ་ཞུ་རྒྱུའི་བསྐལ་བཟང་གི་བཀའ་བཞེས་སྨིན་བསྩལ་ཐོབ་ཡོད་ཀྱང། མགོན་པོ་མཆོག་སྐབས་དེ་དུས་ཆིབས་བསྒྱུར་མཛད་མེད་སྟབས་ད་རེས་བཞུགས་སྒར་དུ་བརྟན་བཞུགས་བསྟར་འབུལ་ཞུ་རྒྱུའི་ཞལ་བཞེས་ཀྱི་སྐལ་བཟང་ཕེབས་པ་ཞིག་རེད་འདུགཤེས་རྟོགས་བྱུང་བར་གཞིགས་ན་ཆོལ་གསུམ་ཐུན་མོང་གི་ངོས་ནས་མགོན་པོ་༸གང་ཉིད་མཆོག་ལ་བརྟན་བཞུགས་ཀྱི་འབུལ་རྫས་གཙོ་བོ་ནི་ཐུབ་དབང་༸སྐུ་བརྙན་ ༡༡༤ དང་ཚེ་ལྷ་རྣམ་གསུམ། དེ་བཞིན་བྱང་ཆུབ་མཆོད་རྟེན་བཅས་ཡིན་པ་དང་དེ་བཞིན་ཀ་རྡོར་སྒར་གསུམ་དང་སོ་ན་ཌ། དེ་བཞིན་ར་ཝང་ལ་བཅས་བོད་མིའི་གཞིས་སྒར་ནས་མགོན་པོ་༸གང་ཉིད་མཆོག་གི་བཀའ་དགོངས་བཞིན་བོད་ཀྱི་སྐད་ཡིག་སྲུང་སྐྱོབ་ཐད་འབད་པ་གང་ནུས་ཞུ་རྒྱུ་དང་༸པཎ་གྲུབ་བདུན་གྱི་ཞལ་ཐང་། སྒྲོལ་དཀར་ཡིད་བཞིན་འཁོར་ལོའི་༸སྐུ་བརྙན་བཅས་འབུལ་རྒྱུ་རེད་འདུག

དེ་རིང་ཟླ་ ༨ ཚེས་ ༢༨ ཉིན་རྒྱ་གར་གྱི་རྒྱལ་ས་ལྡི་ལི་གསར་པའི་ NDMC Convention ལྟེ་གནས་ཁང་དུ་བོད་མི་གཙོ་གྱུར་ཁུལ་འདིའི་ནང་པ་ཚོས་ཉེ་ཆར་ཕྱི་ཚེས་ ༡༦  ཉིན་འདས་གྲོངས་སུ་གྱུར་བའི་རྒྱ་གར་སྲིད་བློན་ཟུར་པ་དང་།  རྒྱ་གར་མི་སེར་གྱི་གཟེངས་རྟགས་མཐོ་ཤོས་ Bharat Ratna བཞེས་མྱོང་མཁན་རྒྱ་གར་གྱི་སྲིད་བློན་ཟུར་པ་སྐུ་ཞབས་ཝཱ་ཇ་པཱ་ཡི་མཆོག་དགོངས་པ་རྫོགས་པར་མྱ་ངན་གུས་འདུད་ཀྱི་མཆོད་འབུལ་སྨོན་ལམ་གཞི་རྒྱ་ཆེན་པོ་ཞིག་ཚོགས་གནང་ཡོད་པ་དང་། མཆོད་འབུལ་སྨོན་ལམ་དེའི་ཐོག་ལྡི་ལིའི་ཉེ་འཁྲིས་རྡེ་ར་རྡུན་ཁུལ་གྱི་དགོན་སྡེ་ཁག་ཅིག་ནས་དགེ་འདུན་ཞལ་གྲངས་ ༦༠ ལྷག་ཙམ་ཞིག་ཆེད་ཕེབས་གནང་འདུག་པ་མ་ཟད་ལྡི་ལི་ཁུལ་གནས་སྡོད་བོད་མི་དང་ས་གནས་ཀྱི་ནང་པ་ཁག་ཅིག་བཅས་ཁྱོན་མི་གྲངས་ ༡༠༠༠  ལྷག་འདུ་འཛོམས་བྱུང་འདུག ཧིན་བོད་མཛའ་འབྲེལ་ཚོགས་པ་དང་ཧི་མཱ་ལ་ཡ་ནང་པའི་མཐུན་ཚོགས། ལྡི་ལི་ཁུལ་དུ་གནས་སྡོད་བྱེད་མཁན་གྱི་བོད་རིགས་དང་། བལ་པོ། ཧི་མཱ་ཅལ་སྤ་རི་ཝར་བཅས་ཀྱིས་ཐུན་མོང་ཐོག་མཆོད་འབུལ་དེ་གོ་སྒྲིག་གནང་ཡོད་པ་རེད། རྒྱལ་ས་ལྡི་ལིའི་ NDMC Convention ལྟེ་གནས་ཁང་དུ་ཚོགས་པའི་དེ་རིང་གི་མཆོད་འབུལ་སྨོན་ལམ་དེའི་ཐོག་རྒྱ་གར་གྱི་  RSS  ཚོགས་པའི་སྐུ་ཞབས་ Indresh Kumar མཆོག་གིས་དབུས་པའི་བཀའ་ཟུར་རྒྱ་རི་སྒྲོལ་མ་མཆོག དགའ་ལྡན་ཕོ་བྲང་གི་རྒྱ་གར་དང་ལྷོ་ཨེ་ཤ་ཡའི་ངེས་སྟོན་པ་བཀའ་ཟུར་བསྟན་པ་ཚེ་རིང་མཆོག ཧི་མཱ་ལ་ཡའི་ནང་པའི་ཆོས་དང་རིག་གཞུང་སྲུང་སྐྱོབ་ཁང་གི་བླ་མ་ཆོས་འཕེལ་བཟོད་པ་ལགས། རྒྱ་གར་ BJP ཆབ་སྲིད་ཚོགས་པའི་འབྲེལ་ཡོད་ཁག་ཅིག་དང་ས་གནས་ཀྱི་བོད་པའི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་དང་ལས་བྱེད་བཅས་ནས་ཀྱང་ལྷན་ཞུགས་གནང་འདུག

ཉན་པ།: Listen ཕབ་ལེན། Download བསོད་ནམས་ཚེ་རིང་དབྱིན་ཡུལ་སྐུ་ཚབ་དང་འཆི་མེད་རིག་འཛིན་སུད་སི་སྐུ་ཚབ་དོན་གཅོད་དུ་བསྐོ་བཞག སྲིད་སྐྱོང་མཆོག་གིས་ཨོ་སི་ཊོ་ལི་ཡའི་སྲིད་བློན་གསར་པ་མཆོག་ལ་འཚམས་འདྲི་གནང་བ། བོད་མིའི་མཉམ་འབྲེལ་ཁག་ ༡༥ ལོ་འཁོར་འཛིན་སྐྱོང་ཚོགས་ཆེན་ཐེངས་ ༡༨ ཚོགས་འདུག ལོ་གཅིག་ནང་དེབ་ ༡༠༠ བཀླགས་པའི་ཕུལ་བྱུང་གཟེངས་རྟགས་། སྟོབས་རྒྱལ་ལགས་ལ་ཨེ་ཤ་ཡ་ལུས་རྩལ་འགྲན་ཚོགས་ཁྲོད་ཟངས་ཀྱི་རྟགས་མ་ཐོབ་འདུག རྒྱ་གཞུང་ལ་དངངས་ཚབ་ཞིག་ཡོད་རྐྱེན་ཁ་བྲལ་བར་རྡུང་རྡེག་གཏོང་དགོས་ཞེས་བརྗོད་ཀྱི་ཡོད། དམིགས་བསལ་ལས་རིམ། ནང་མའི་ངོ་སྤྲོད་དང་ནང་མ་བཀྲ་ལ་ཤིས་པ། Tuesday 28/08/2018 Sonam Tsering Frasi and Chime Rigzin appointed new Representative for OoT London and Geneva Sikyong congratulates Australia’s new PM 18th annual conference of Tibetan Cooperatives held in Leh Rongwo monk felicitated for reading 100 Tibetan books Tibetan Athlete Tobgyal wins Bronze at 2018 Asian Games MUSIC FEATURE: Gen Samten on ‘Nangma’

ཕྱི་ཟླ་ ༨ ཚེས་ ༢༥ ཉིན་ནས་དབུ་འཛུགས་ཀྱིས་ཚེས་ ༢༧ བར་ཁྱོན་ཉིན་གྲངས་གསུམ་རིང་རྒྱ་གར་བྱང་ཕྱོགས་ལ་དྭགས་བསོད་ནམ་གླིང་བོད་མིའི་གཞིས་སྒར་མཉམ་འབྲེལ་ཚོགས་ཁང་དུ་བོད་མིའི་གཞིས་རིམ་སོ་ནམ་མཉམ་འབྲེལ་ཁག་བཅོ་ལྔའི་ལོ་འཁོར་འཛིན་སྐྱོང་ཚོགས་ཆེན་ཐེངས་ ༡༨ ཚོགས་ཡོད་པ་རེད། ཐེངས་འདིའི་ཚོགས་ཆེན་ཐོག་ས་གནས་ཁག་ ༡༥ ནས་ཚོགས་མི་གྲངས་ ༥༠ ལྷག་ནས་འདུ་འཛོམས་ཀྱིས་འདས་པའི་ལོ་གཅིག་གི་ལས་སྡོམ་དང་བྱུང་སོང་རྩིས་ཁྲ་ཁག་སྙན་སེང་ཞུས་ཏེ་དེ་དག་ཐད་དགོངས་ཚུལ་དང་འདྲི་རྩད་སོགས་གནང་བ་མ་ཟད་མཐར་གྲོས་ཆོད་ཁག་ ༡༠ གཏན་འབེབས་གནང་འདུག ཚོགས་འདུའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་འཁོར་ལྷ་ཚང་བསོད་ནམས་སྟོབས་རྒྱལ་མཆོག དབུས་རྒྱ་གར་གཞུང་གི་ཆེ་མཐོའི་མི་སྣ་སོགས་གདན་ཞུས་གནང་ཡོད་པ་རེད། རྩ་བའི་བོད་མིའི་མཉམ་འབྲེལ་དེ་ཕྱི་ལོ་ ༡༩༦༣ ལོར་བོད་མི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཙན་བྱོལ་བོད་མིའི་འཚོ་རྟེན་ཡར་རྒྱས་ལ་དམིགས་ཏེ་བཞུགས་སྒར་ལ་ཆེད་འཛུགས་གནང་བ་ཞིག་ཡིན་པ་དང་། དེས་ནས་རིམ་བཞིན་བཙན་བྱོལ་བོད་མིའི་གཞིས་ཆགས་ཁག་གི་ནང་མཉམ་འབྲེལ་ཁག་ ༡༥ བྱུང་ཡོད་པ་དང་། ཕྱི་ལོ་ ༢༠༠༥ ལོར་བཀའ་ཤག་སྐབས་ ༡༢ པས་བོད་མི་མཉམ་འབྲེལ་ཁག་ ༡༥ དེ་དག་ལ་ཐུན་མོང་གི་སྒྲིག་འཛུགས་ཤིག་དགོས་གལ་གཟིགས་པ་ལྟར་རྒྱ་གར་དབུས་མཉམ་འབྲེལ་གྱི་ཁོངས་སུ་བོད་མི་སྤྱི་མཐུན་མཉམ་འབྲེལ་ཞེས་དེབ་སྐྱེལ་ཞུས་ཡོད་པ་རེད། བོད་མི་སྤྱི་མཐུན་མཉམ་འབྲེལ་གྱི་ཁོངས་སུ་ལས་རིགས་ཞབས་ཞུ་དང་ས་ཞིང་འདེབས་ལས་ཀྱི་ཚོང་ལས་བཅས་གཉིས་ཡོད་པ་དེ་དག་གིས་སྟོན་ཐོག་དང་ཤིང་འབྲས་སོགས་ཀྱི་ཚོང་ལས་དང་། མཉམ་འབྲེལ་དངུལ་ཁང་། སུད་ཚོང་གཉེར་མཁན་རྣམས་ལ་བུན་གཡར། འཐུང་ཆུ་གཙང་བཟོ། ཁྲོམ་ར་གསར་འཛུགས། སྣུམ་གྱི་ཚོང་ལས། བརྙན་འཕྲིན་གྱི་ཚོང་ལས། སྤོས་གྱི་ཚོང་ལས། ཐུག་པའི་ཚོང་ལས། ཚོང་ཁང་དང་ཟ་ཁང་སོགས་ཀྱི་ལས་གཞི་འདྲ་མིན་ཐོག་ཚོང་ལས་གཉེར་བཞིན་ཡོད་པ་དང་། ལོ་རེའི་ཁེ་སང་རྣམས་ཤེར་བདག་མི་མང་ལ་བགོས་འགྲེམས་བྱ་རྒྱུ་དང་སྤྱི་ཚོགས་ཡར་རྒྱས། མ་འོངས་ལས་གཞི། གཏན་འཇགས་མ་དངུལ་བཅས་སུ་བདེ་སྤྱོད་གནང་གི་ཡོད་པ་མ་ཟད། བོད་ཕྲུག་ཚོའི་སློབ་ཡོན་ཆེད་དུ་ཤེར་བདག་མི་མང་གི་སློབ་ཕྲུག་དང་ལས་བྱེད་པའི་སློབ་ཕྲུག་རྣམས་ལ་ལོ་རེ་བཞིན་སློབ་ཡོན་ཡང་གནང་སྲོལ་ཡོད་པ་རེད།

དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཟླ་བ་འདིའི་ཚེས་ ༢༤ ཉིན་སྐུ་ཞབས་ Scott Morrison མཆོག་གིས་ཨོ་སི་ཊོ་ལི་ཡའི་སྲིད་བློན་གསར་པའི་ལས་ཁུར་དམ་འབུལ་གནང་བར་དགའ་བསུའི་འཚམས་འདྲི་གནང་འདུག དེའང་བོད་མིའི་སྒྲིག་འཛུགས་ཀྱི་དྲྭ་གནས་ཐོག་གནས་ཚུལ་སྤེལ་བར་གཞིགས་ན། སྲིད་སྐྱོང་མཆོག་གིས་འཚམས་འཕྲིན་དེའི་ནང་བོད་མིའི་སྒྲིག་འཛུགས་ཀྱི་སྐུ་ཚབ་ཞུས་ནས་སྐུ་ཞབས་ Scott Morrison མཆོག་ཨོ་སི་ཊོ་ལི་ཡའི་སྲིད་བློན་གསར་པར་བསྐོ་བཞག་བྱུང་བར་དགའ་བསུའི་འཚམ་འདྲི་ཡོད་ཅེས་དང་། ལྷག་དོན་སྐུ་ཞབས་ Scott Morrison མཆོག་གི་སྲིད་གཞུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་དང་བོད་དོན་ལ་རྒྱབ་སྐྱོར་གནང་རྒྱུར་ཡིད་ཆེས་བརྟན་པོ་ཡོད་ཅེས་བཀོད་འདུག རྩ་བའི་སྐུ་ཞབས་ Scott John Morrisonམཆོག་ནི་དགུང་ལོ་ ༥༠ ལ་ཕེབས་ཡོད་པ་དང་། ཨོ་སི་ཊོ་ལི་ཡའི་ཆབ་སྲིད་ནང་ལོ་ངོ་ ༣༠ ཙམ་གྱི་རིང་ཕྱག་ལས་གནང་མྱོང་ཡོད་པ་རེད།  ད་ལྟའི་ཆར་ཨོ་སི་ཊོ་ལི་ཡའི་སྲིད་བློན་གསར་པར་བསྐོ་བཞག་བྱུང་བ་དང་གུ་ཡངས་མང་གཙོ་ཚོགས་པའི་དབུ་ཁྲིད་ཞིག་ཡིན་པ་རེད། སྐུ་ཞབས་ཁོང་སྲིད་བློན་དུ་བསྐོ་བཞག་མ་བྱུང་གོང་ཨོ་སི་ཊོ་ལི་ཡའི་ནང་སྲིད་ལྷན་ཁང་གི་བློན་ཆེན་ལས་ཚབ་གནང་མྱོང་ཡོད་པ་རེད།

རྒྱ་ནག་དབུས་ཆབ་སྲིད་ལྷན་ཁང་གི་རྒྱུན་ལས་དང་རྒྱ་ནག་ཆབ་སྲིད་གྲོས་ཚོགས་ཀྱི་འགོ་གཙོ་ Wang Yang ཡིས་ཟླ་བ་འདིའི་ཚེས་ ༢༤ ནས་ ༢༦ བར་རྒྱ་གཞུང་གིས་དབྱེ་བའི་བོད་རང་སྐྱོང་ལྗོངས་ཁུལ་དུ་ལས་དོན་རྟོག་ཞིབ་ཆེད་བསྐྱོད་ཡོད་པ་དང་། ཕྱི་ཚེས་ ༢༦ ཉིན་ཁོ་པ་རྒྱལ་ས་ལྷ་སར་འབྱོར་སྐབས་ས་གནས་ཡུལ་མི་དང་གྲྭ་བཙུན་རྣམས་ལ་གཏམ་བཤད་ཞིག་སྤེལ་བའི་བརྒྱུད་ས་གནས་བོད་མི་རྣམས་ནས་རྒྱ་ནག་གཞུང་གི་སྲིད་བྱུས་སྤྱི་ལ་རྒྱབ་སྐྱོར་དང་། ལྷག་དོན་རྒྱ་ནག་གི་ཆིག་སྒྲིལ་ནུས་པ། གྲངས་ཉུང་མི་རིགས་ཀྱི་མཐུན་སྒྲིལ། སྤྱི་ཚོགས་ཀྱི་གཏན་ལྷིང་བཅས་ལ་དམིགས་ཏེ་བོད་ནང་གི་ཁ་བྲལ་རིང་ལུགས་པ་རྣམས་ལ་འགོག་རྒོལ་ཤུགས་ཆེ་ཙམ་བྱེད་དགོས་པ་མ་ཟད་དུས་རྟག་ཏུ་བདེ་འཇགས་ཀྱི་སླད་དོགས་ཟོན་དང་གྲ་སྒྲིག་ཨང་གསར་དགོས་ཞེས་བརྗོད་ཡོད་པ་རེད། ས་གནས་ཀྱི་དགོན་སྡེ་གྲྭ་ཚང་ཁག་ནས་ཆོས་ཕྱོགས་ཀྱི་བྱེད་སྒོ་རྣམས་རྒྱ་ནག་གི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དང་མཐུན་པ་ཞིག་དགོས་པ་མ་ཟད་གྲྭ་བཙུན་རྣམས་ནས་ཀྱང་སྤྱི་ཚོགས་ཀྱི་བདེ་འཇགས་དང་རྒྱལ་ཁབ་ཀྱི་ཆིག་སྒྲིལ་སླད་ཁ་བྲལ་བར་གདོང་ལེན་བྱེད་དགོས་ཞེས་ནན་བརྗོད་བྱས་འདུག འདི་ག་རླུང་འཕྲིན་ཁང་ནས་བོད་མིའི་སྒྲིག་འཛུགས་ཀྱི་མགྲིན་ཚབ་པ་ཕྱི་འབྲེལ་དྲུང་ཆེ་དྭགས་པོ་བསོད་ནམས་ནོར་བུ་ལགས་སུ་ Wang Yang ཡི་གཏམ་བཤད་དང་འབྲེལ་བའི་བཅར་འདྲི་ཞུས་པར་རྒྱ་ནག་གི་འགོ་ཁྲིད་ཚོས་རྒྱུན་དུ་བོད་ཐོག་འཛིན་པའི་སྲིད་བྱུས་ཐད་གཏམ་བཤད་སྐབས་སུ་བོད་མི་རྣམས་ཁ་བྲལ་བ་ཡིན་པ་དང་། ཁ་བྲལ་བར་རྡུང་རྡེག་བྱེད་དགོས་ཞེས་བཤད་ཀྱང་། དོན་དངོས་ཐོག་བོད་ནང་གཏན་ལྷིང་མེད་པ་དང་རྒྱ་གཞུང་གིས་བོད་ནང་ལག་བསྟར་བྱེད་བཞིན་སྲིད་བྱུས་ཐོག་མི་མང་ཚོ་འདོད་བློ་མ་ཁེངས་པའི་རྣམ་འགྱུར་ཤུགས་ཆེ་བསྟན་ཡོད་སྟབས། རྒྱ་གཞུང་ལ་དངངས་ཚབ་ཞིག་བྱུང་རྐྱེན་ཁ་བྲལ་བར་རྡུང་རྡེག་གཏོང་དགོས་ཞེས་བརྗོད་ཀྱི་ཡོད་པ་རེད་ཅེས་གསུངས་སོང་། རྩ་བའི་བོད་མིའི་སྒྲིག་འཛུགས་ནས་བོད་རྒྱ་གཉིས་ཀྱི་དཀའ་རྙོག་ཞི་འགྲིག་ཡོང་ཐབས་སུ་གཉིས་སྨན་དབུ་མའི་ལམ་གྱི་སྲིད་བྱུས་བརྒྱུད། རྒྱ་ནག་དང་ཁ་བྲལ་མ་ཡིན་པར་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབ་རྩོད་བཞིན་ཡོད་ཀྱང་། རྒྱ་ནག་ཕྱོགས་ནས་ཡང་ནས་ཡང་དུ་ཁ་བྲལ་བ་ཞེས་པའི་ཐ་སྙད་གཙོ་འཛིན་བརྒྱུད་བོད་མི་རྣམས་ཀྱིས་༸གོང་ས་མཆོག་ལ་བཅངས་པའི་དད་གུས་དང་། བོད་ནང་༸གོང་ས་མཆོག་གི་མཛད་འཕྲིན་གྱི་ནུས་པ་ཆུང་དུ་གཏོང་ཐབས་ཐོག་འབད་འབུངས་ཤུགས་ཆེ་བྱེད་བཞིན་ཡོད་པ་མ་ཟད། ཉེ་ཆར་བོད་ནང་གི་སློབ་གྲྭའི་དབྱར་ཁའི་གུང་སེང་སྐབས་སུའང་ལྷ་ས་གྲོང་ཁྱེར་གྱི་སློབ་མ་རྣམས་ཆོས་ལུགས་ཀྱི་བྱེད་སྒོར་མཉམ་ཞུགས་མི་བྱེད་པའི་མིང་རྟགས་བཀོད་བཅུག་པ་སོགས་ཀྱི་བཀག་སྡོམ་དང་དམ་དྲག་རིགས་མུ་མཐུད་བྱེད་བཞིན་ཡོད་པ་རེད།

རྒྱ་གར་ལྷོ་ཕྱོགས་སེ་ར་ཐེག་ཆེན་གླིང་གྲྭ་ཚང་བྱེས་བྱ་བྲལ་ཁང་ཚན་གྱི་དགེ་འདུན་པ་ཁག་ཅིག་གིས་ཆེད་གཉེར་གནང་བའི་ལྗང་རླུང་ཚོགས་པས་སྔ་ལོ་ ༢༠༡༧ ལོ་ནས་དབུ་འཛུགས་ཀྱིས་དུས་ཡུན་ལོ་ངོ་གཅིག་ཏག་ཏག་རིང་ལ་བོད་ཕྱི་ནང་གཉིས་ཀྱི་སྤྱི་ཚོགས་ཁྲོད་ལྗང་རླུང་དཔེ་ཀློག་བྱ་འགུལ་ཞིག་སྤེལ་ཡོད་པ་དང་ལྗང་རླུང་དཔེ་ཀློག་གི་བྱ་འགུལ་ནང་ཞུགས་མཁན་རྩེ་ཕུད་ཨང་རིམ་གསུམ་ལ་ཁ་སང་ལྗང་རླུང་ཚོགས་པ་གཉེར་ནས་ལོ་ངོ་བཅུ་འཁོར་བའི་དུས་ཚིགས་དང་བསྟུན་དཔེ་ཀློག་གི་བྱ་དགའ་གནང་ཡོད་པ་རེད། ལྗང་རླུང་དཔེ་ཀློག་འགྲན་བསྡུར་ནང་ཞུགས་མཁན་དེ་དག་གི་ཁྲོད་ནས་ཨང་གསུམ་པ་རྒྱ་གར་ལྷོ་ཕྱོགས་སེ་ར་དགོན་གྱི་དགེ་བཤེས་ཉི་མ་རྒྱལ་མཚན་ལགས་དང་འཇིགས་མེད་རྒྱ་མཚོ་ལགས་རྣམ་གཉིས་ལ་དེབ་ ༢༥ བཀླགས་པའི་མཚན་སྙན་གཟེངས་བསྟོད་དང་བྱ་དགའ་ཨ་སྒོར་ ༥༠ ཐོབ་པ་དང་། ཨང་གཉིས་པ་རྒྱ་གར་ལྷོ་ཕྱོགས་སེ་ར་བྱེས་ཀྱི་དགེ་འདུན་པ་ཐུབ་བསྟན་ཟླ་བ་ལགས་ལ་དེབ་བདུན་ཅུ་གྱ་ཅུ་ཙམ་ཀློག་མཁན་གྱི་གཟེངས་བསྟོད་དང་ཨ་སྒོར་ ༡༥༠ བྱ་དགའ་ཐོབ་ཡོད་པ་རེད། ཨང་དང་པོ་དེ་བོད་མདོ་སྨད་རོང་བོ་དགོན་ཆེན་གྱི་དགེ་འདུན་པ་པདྨ་འཕྲིན་ལས་ལགས་ལ་དེབ་ ༡༠༠ བཀླགས་པའི་ལྗང་རླུང་ཕུལ་བྱུང་དཔེ་ཀློག་པའི་མཚན་སྙན་གཟེངས་བསྟོད་དང་ཨ་སྒོར་ ༡༠༠༠ བྱ་དགའ་ཐོབ་འདུག ལྗང་རླུང་ཚོགས་པས་དཔེ་ཀློག་འགྲན་བསྡུར་གྱི་བྱེད་སྒོ་དེ་སྤེལ་དགོས་དོན་ནི་བོད་པའི་སྤྱི་ཚོགས་ནང་དཔེ་དེབ་བཀལག་རྒྱུའི་གོམས་གཤིིས་སྤེལ་ཐབས་ཆེད་དུ་རེད་འདུག་པ་དང་། ལྗང་རླུང་ཚོགས་པ་དེ་ཕྱི་ལོ་ ༢༠༠༧ ལོར་སེ་ར་བྱེས་བྱ་བྲལ་ཁང་ཚན་གྱི་གྲྭ་རྐྱང་ཁག་ཅིག་ནས་ཆེད་འཛུགས་གནང་བ་ཞིག་ཡིན་ཅིང་ཚོགས་པ་དེ་ནི་རིག་གནས་ཁོ་ན་དང་འབྲེལ་བའི་ཚོགས་པ་ཞིག་ཡིན་པ་རེད། ཚོགས་པ་དེས་ད་བར་ལྗང་རླུང་ཚགས་པར་འདོན་སྤེལ་དང་རིག་གནས་འཆད་ཁྲིད། དཔེ་དེབ་ ༩༠ པར་སྐྲུན་བཅས་གནང་ཡོད་པ་རེད།

བོད་མིའི་སྒྲིགས་འཛུགས་བཀའ་ཤག་ནས་ཡུ་རོབ་སྤྱི་ཟུར་བསོད་ནམས་ཚེ་རིང་ཕར་སི་ལགས་དབྱིན་ཡུལ་སྐུ་ཚབ་དོན་གཅོད་དང་ནང་སྲིད་དྲུང་ཆེ་ལས་ཐོག་འཆི་མེད་རིག་འཛིན་ལགས་སུད་སི་སྐུ་ཚབ་དོན་གཅོད་དུ་བསྐོ་བཞག་གནང་འདུག དེའང་བོད་མིའི་སྒྲིག་འཛུགས་བཀའ་ཤག་ནས་དེ་རིང་ཕྱི་དྲོ་གསལ་བསྒྲགས་ཤིག་གནང་བར་གཞིགས་ན། སྐུ་ཞབས་བསོད་ནམས་ཚེ་རིང་ཕར་སི་ལགས་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཆོས་འཕེལ་ཚེ་རིང་ལགས་ཀྱི་ཚབ་ཏུ་བསྐོ་གཞག་གནང་བ་དང་། ཁོང་ནས་ཕྱི་ཟླ་ ༡༠ ཚེས་ ༡ ནས་སྐུ་ཚབ་དོན་གཅོད་ཀྱི་ཕྱག་ལས་དངོས་སུ་དབུ་འཛུགས་གནང་རྒྱུ་ཡིན་པ་རེད། དེ་བཞིན་སུད་སི་བོད་ཀྱི་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་ཀྱི་ཚབ་ཏུ་ནང་སྲིད་དྲུང་ཆེ་ལས་ཐོག་འཆི་མེད་རིག་འཛིན་ལགས་བསྐོ་བཞག་གནང་ཡོད་པ་དང་། ཁོང་གིས་འབྲེལ་ཡོད་ཡིག་ཆ་རྣམས་གྲ་གྲིག་གནང་གྲུབ་རྗེས་སུད་སི་དོན་གཅོད་ཀྱི་ཕྱག་ལས་དབུ་འཛུགས་གནང་རྒྱུ་རེད་འདུག རྩ་བའི་བསོད་ནམས་ཚེ་རིང་ཕར་སི་ལགས་ནི་སྐབས་ ༡༣ དང་ ༡༤ པའི་བོད་མི་མང་སྤྱི་འཐུས་ལྷན་ཚོགས་སུ་ཡུ་རོབ་སྤྱི་འཐུས་གནང་མྱོང་ཡོད་པ་དང་དེ་བཞིན་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་ཁོངས་སུའང་ཡོད་པ་རེད།

ཉན་པ།: Listen ཕབ་ལེན། Download སྐུ་ཞབས་ McCain མཆོག་དགོངས་པ་རྫོགས་པར་ཐུགས་གསོའི་གསུང་འཕྲིན་བསྩལ་བ། དབུ་མའི་ལམ་གྱི་སྲིད་བྱུས་དང་འབྲེལ་བའི་ཟབ་ཁྲིད་པའི་ཟབ་སྦྱོང་། མི་ནི་སོ་ཊ་བོད་རིགས་སྤྱི་མཐུན་ཚོགས་པ་དབུ་བརྙེས་ནས་ལོ་ངོ་ ༢༥ འཁོར་བའི་རྗེས་དྲན།། ལྷོ་བྱང་དགེ་རྒན་རྣམས་ལ་སློབ་ཁྲིད་ཐབས་ལམ་གྱི་ཟབ་སྦྱོང་གནང་བ། དམིགས་བསལ་ལེ་ཚན། ༸རྒྱལ་བ་སྐུ་ཕྲེང་དྲུག་པའི་མཛད་རྣམ། Monday 27/08/2018 Dalai Lama condoles Senator McCain’s demise CTA holds ‘Umaylam’ training of trainers TAFM begins 25th founding anniversary celebration Workshop for Primary Tibetans teachers : Bylakuppe HISTORY FEATURE: Tseyang Gyatso, the sixth Dalai Lama