Tibetan Royal Year of 2151 | Year of the Wood Dragon

ARCHIVE

Monthly Archives: September, 2018

རེས་གཟའ་ཉི་མ། ༢༠༡༨།༠༩།༣༠

ཉན་པ།: Listen ཕབ་ལེན། Download བེུད་ལེ་ཚན། རྡ་ས་བོད་མིའི་མཉམ་ལས་བཟོ་གྲྭར་འདས་པའི་ལོ་ངོ་ ༤༠ རིང་ནས་རུམ་གདན་ཐག་བཞིན་པ་ཚེ་རིང་སྒྲོལ་དཀར་ལགས་དང་གླེང་མོལ། Sunday 30/09/2018 Women of Tibet: Carpet weaver Tsering Dolkar

རེས་གཟའ་སྤེན་པ། ༢༠༡༨།༠༩།༢༩

ཉན་པ།: Listen ཕབ་ལེན། Download བཙན་བྱོལ་བོད་མིའི་འོས་བསྡུའི་སྒྲིག་གཞི་གསར་པའི་སྐོར་གླེང་བ། Saturday 29/09/2018 New Tibetan Electoral Rules and Regulation

དབྱིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་སྐུ་ཚབ་ལ་འཚམས་འདྲི།

དེ་རིང་བོད་མིའི་སྒྲིག་འཛུགས་ནས་བཞུགས་སྒར་དུ་ཕེབས་པའི་དབྱིན་ཡུལ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་སྐུ་ཚབ་རྣམས་ལ་ཕེབས་བསུ་འཚམས་འདྲི་དང་སྦྲགས།   བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ནས་བོད་དོན་རྒྱབ་སྐྱོར་ཚོགས་པ་ཁོང་རྣམས་ཀྱིས་བོད་དོན་ཐད་རྒྱབ་སྐྱོར་གཡོ་བ་མེད་པ་གནང་བ་དེས་བོད་ནང་དུ་ཡོད་པའི་བོད་མི་རྣམས་ལ་སེམས་ཤུགས་འཕར་མ་ཞིག་སྟེར་བའི་བརྡ་ལན་སྤྲོད་ཀྱི་ཡོད་པ་གསུངས་སོང་། དེ་ཡང་དེ་རིང་བོད་མིའི་སྒྲིག་འཛུགས་ཀྱི་ཚོགས་ཁང་གསར་པའི་ནང་དུ་སྲིད་སྐྱོང་མཆོག་དབུས་པའི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། བོད་མིའི་སྒྲིག་འཛུགས་ཀྱི་སྲིད་ཞུ་བ་དང་གཞུང་འབྲེལ་མིན་པའི་ཚོགས་པ་ཁག་གི་ལས་བྱེད་ཚང་འཛོམས་ཐོག་དབྱིན་ཡུལ་རྙིང་ཞེན་ཚོགས་པའི་སྐུ་ཚབ་སྐུ་ཞབས་Tim Loughton མཆོག་དང་། Scotland རྒྱལ་ཡོངས་ཚོགས་པའི་སྐུ་ཚབ་སྐུ་ཞབས་ Chris law མཆོག་ནས་གསུངས་བཤད་གནང་སོང་། སྐབས་དེར་སྲིད་སྐྱོང་མཆོག་གིས་ད་རེས་ཁོང་རྣམ་པ་ཆེད་དུ་མངགས་ནས་བཞུགས་སྒར་དུ་ཕེབས་པའི་ཐོག་བོད་དོན་དང་བོད་མི་ལ་གདུང་སེམས་མཉམ་སྐྱེད་གནང་བ་དེར་བོད་མི་ཡོངས་ཀྱི་སྐུ་ཚབ་གནང་སྟེ་ཐུགས་རྗེ་ཆེ་ཞུས་པ་དང་སྦྲགས། ད་ཆ་གཉན་ཕྲང་ཅན་གྱི་དུས་ཚོད་དེར་བོད་དོན་གྱི་འཐབ་རྩོད་སླད་རྒྱལ་ཁབ་གཞན་གྱི་གཞུང་མང་གཉིས་ནས་རྒྱབ་སྐྱོར་དགོས་པ་ཧ་ཅང་གལ་ཆེན་ཞིག་ཡིན་པ་གསུངས་སོང་། རྩ་བའི་གྲོས་ཚོགས་འཐུས་མི་རྣམས་ནས་དེ་རིང་སྔ་དྲོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཇལ་ཁ་ཞུས་ཡོད་པ་དང་། ༸མགོན་པོ་མཆོག་ནས་སྐབས་དེར་ཁོང་རྣམས་ལ་བོད་དོན་གྱི་འཐབ་རྩོད་ལ་རྒྱབ་སྐྱོར་གནང་མཁན་རྣམས་དངོས་སུ་དྲང་བདེན་ལ་རྒྱབ་སྐྱོར་གནང་མཁན་ཞིག་ཡིན་པའི་བཀའ་སློབ་གནང་ཡོད་པ་བཞིན། ཁོ་ཚོའི་ངོས་ནས་གོ་སྐབས་ནམ་བྱུང་ལ་རྒྱལ་སྤྱིའི་སྡིངས་ཆའི་ཁྲོད་བོད་ཀྱི་གནད་དོན་གླེང་རྒྱུ་དང་།  བོད་དོན་ཐབ་རྩོད་ཐད་མུ་མཐུད་ནས་རྒྱབ་སྐྱོར་གནང་རྒྱུ་ཡིན་པ་མ་ཟད། དབྱིན་ཡུལ་དུ་ལོག་རྗེས་གྲོས་ཚོགས་སུ་ Reciprocal Access to Tibet འམ་བོད་ནང་དུ་འདྲ་མཉམ་འགྲུལ་བསྐྱོད་ཆོག་པའི་གནད་དོན་སྐོར་གླེང་རྒྱུ་ཡིན་པ་གསུངས་སོང་།

རེས་གཟའ་པ་སངས། ༢༠༡༨།༠༩།༢༨

ཉན་པ།: Listen ཕབ་ལེན། Download སྐབས་ ༡༦ པའི་སྤྱི་འཐུས་གྲོས་ཚོགས་ཚོགས་དུས་༦པ་མཇུག་སྒྲིལ། ཨིན་ཡུལ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་སྐུ་ཚབ་ལ་འཚམས་འདྲི། ཞི་ཅིང་པིང་འོག་ཆོས་དད་རང་དབང་གི་གནས་སྟངས་ཇེ་སྡུག་ཏུ་སོང་ཡོད་པ་ནན་བརྗོད། མཁས་དབང་ནམ་མཁའི་ནོར་བུ་མཆོག་དགོངས་པ་ཆོས་དབྱིངས་སུ་ཐིམས་པ། ལྷོ་ཕྱོགས་སུ་འཛམ་གླིང་ཁྱི་ནད་སྔོན་འགོག་གི་ཉིན་མོ་སྲུང་བརྩི་ཞུས་པ། Friday 28/09/2018 TPiE’s sixth session concludes with a call of unity from the Speaker CTA holds welcome reception for UK Parliamentary delegation USCIRF Chair calls out China’s ‘egregious’ violations of Religious Freedom Prof. Namkhai Norbu Rinpoche passes away Exile Tibetans mark World Rabbies Day

བོད་རིགས་ཡོངས་རྫོགས་ཆིག་སྒྲིལ་ཡོང་བར་ཆ་རྐྱེན་གསུམ་གྱི་ཐོག་ནས་ནུས་པ་གཅིག་ཏུ་སྒྲིལ་དགོས།

བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་གཏན་འཕེལ་མཆོག་གིས་བོད་ཀྱི་ལོ་རྒྱུས་ཁྲོད་བོད་མི་རིགས་རྣམས་ཆིག་སྒྲིག་གི་གོང་བུ་གཅིག་ཏུ་གནས་ཡོད་པ་ལྟར། བོད་རིགས་ཡོངས་རྫོགས་ཆིག་སྒྲིལ་ཡོང་བར་ཆ་རྐྱེན་གཙོ་བོ་གསུམ་སྟེ། ཆོལ་ཁ་གསུམ་གྱི་ནུས་པ་གཅིག་ཏུ་སྒྲིལ་ཐུབ་དགོས་པ་དང། བསམ་བློའི་ཆབ་སྲིད་ཀྱི་ནུས་པ་གཅིག་ཏུ་སྒྲིལ་ཐུབ་དགོས་པ། དེ་བཞིན་རིག་གཞུང་དང་སྐད་ཡིག་གི་ཐོག་ནས་ནུས་པ་གཅིག་ཏུ་སྒྲིལ་ཐུབ་དགོས་ཅེས་འབོད་སྐུལ་དང་སྦྲགས། སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༦ མཇུག་སྒྲིལ་གནང་སོང་། རྩ་བའི་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ་འདི་ནི་ཚོགས་གཙོ་མཁན་པོ་བསོད་ནམས་གཏན་འཕེལ་མཆོག་གིས་སྐབས་ ༡༦ པའི་སྤྱི་འཐུས་གྲོས་ཚོགས་ཀྱི་ཚོགས་གཙོའི་འགན་བཞེས་རྒྱུའི་ཚོགས་དུས་མཐའ་མ་དེ་ཆགས་ཀྱི་ཡོད་པ་དང་། རིང་མིན་ཕྱི་ཟླ་ ༡༢ ནས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤྱི་འཐུས་པདྨ་འབྱུང་གནས་ལགས་ཀྱི་གནང་གི་ཡོད་པ་རེད། དེ་རིང་ཚོགས་དུས་མཐའ་མའི་ཐོག་ཚོགས་གཙོ་མཆོག་ནས་ཚོགས་གཙོའི་ལས་ཡུན་རིང་ལས་འགུལ་ཇི་སྤེལ་དང་རྒྱལ་སྤྱིའི་གྲོས་ཚོགས་འཐུས་མི་དང་མཇའ་འཕྲད་ཇི་གནང་སོགས་ཀྱི་ལས་བསྡོམས་སྙན་སྒྲོན་དང་སྦྲགས། ད་བར་གྲོ་ཚོགས་ཀྱི་ལས་དོན་ལེགས་གྲུབ་བྱུང་བ་དེ་ནི་གཙོ་བོ་༸གང་ས་སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ཡིན་པ་གསུངས་སོང་། མ་ཟད་ཚོགས་གཙོ་མཆོག་ནས་ཉེ་ཆར་ཨ་རི་གྲོ་ཚོགས་འོག་མའི་ནང་དུ་ Reciprocal Access to Tibet Act ཞེས་པའི་གྲོས་ཆོད་གཏན་འབེབས་གནང་པར་འབྲེལ་ཡོད་ཀུན་ལ་ཐུགས་རྗེ་ཆེ་ཞུས་པ་དང་ཆབས་ཅིག ཐེངས་འདིའི་གྲོས་ཚོགས་སུ་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་དང་གཏན་འབེབས་བྱུང་བ་དེ་ནི་གྲོས་ཚོགས་ཀྱིས་འགན་ཆེན་པོ་ཞིག་གྲུབ་པར་ངོས་འཛིན་ཞུ་གི་ཡོད་ཅེས་གསུངས་སོང་། ཚོགས་དུས་མཐའ་མ་དེར་སྲིད་སྐྱོང་བློ་བཟང་སེང་གེ་མཆོག་ནས་ལྔ་དང་ལྔ་བཅུ་དང་འབྲེལ་བའི་གནད་དོན་ཁག་ཅིག་རྗེས་མའི་གྲོ་ཚོགས་ནང་གསལ་བཤད་གནང་རྒྱུ་ཡིན་པ་དང་སྐབས་དེར་གྲོས་ཚོགས་ནང་བགྲོ་གླེང་ལྷུག་པོ་ཡོང་བའི་རེ་བ་ཡོད་ཅེས་གསུངས་པ་དང་ཆབས་ཅིག ཉེ་བའི་ཆར་སྤྱི་ཚོགས་དྲ་ལམ་ཐོག་སུད་སི་ནས་བུད་མེད་གཅིག་གིས་༸གོང་ས་མཆོག་ལ་མཚན་སྨད་ཞུས་པ་དེ་ཐབས་སྐྱོ་བའི་གནས་ཚུལ་ཞིག་ཡིན་པ་དང་དེ་རིགས་ལ་མཐའ་གཅིག་ཏུ་ངོ་རྒོལ་བྱ་དགོས་པ་གསུངས་སོང་།   དེ་རིང་གྲོས་ཚོགས་མ་གྲོལ་བའི་སྔོན་དུ་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་ལས་བསྡོམས་ཐོག་སྤྱི་འཐུས་རྣམ་པས་བགྲོ་གླེང་དང་དྲི་བ་དྲིས་ལན་གནང་ཡོད་པ་རེད། གཞི་རྩའི་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ་འདིའི་ཐོག་ཉེ་ལམ་དགོངས་པ་རྫོགས་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཟུར་པ་དང་། བོད་དོན་ཐོག་ཐུགས་འཁུར་ཆེ་བའི་རྒྱལ་སྤྱིའི་འགོ་ཁྲིད་ཁག་ཅིག་གི་མཛད་རྗེས་དྲན་གསོ་དང་སྦྲགས་མྱ་ངན་གུས་འདུད་དང་། ལྷག་པར་དུ་ད་བར་བོད་དོན་ཆེད་སྐུ་སྲོག་བློས་གཏོང་གནང་མཁན་རྒྱལ་གཅེས་པ་ཡོངས་ཀྱི་སྙིང་སྟོབས་ལ་ཆེ་བསྟོད་ཀྱིས་གདུང་སེམས་མཉམ་བསྐྱེད་ཞུས་ཡོད་པ་མ་ཟད། ཚོགས་དུས་ལས་ཉིན་དེ་དག་ཁྲོད་བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་སྤྱི་ལོ་ ༢༠༡༧ དང་ ༢༠༡༨ ལོའི་ལོ་འཁོར་ལས་བསྡོམས་ཐོག་ལ་ཞིབ་བཤེར་དང་། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཅིག་འོས་འདེམས། དེ་བཞིན་བཙན་བྱོལ་བོད་མིའི་བཅའ་ཁྲིམས་ནང་གི་དོན་ཚན་ཁག་ཅིག་ལ་བསྐྱར་བཅོས་དང་བཙན་བྱོལ་བོད་མིའི་འོས་བསྡུའི་སྒྲིག་གཞི་གསར་པ་གཏན་འབེབས་སོགས་གནང་ཡོད་པ་རེད།

རྒྱ་ནག་གི་སྲིད་འཛིན་ཞི་ཅི་ཕིང་འོག་ཆོས་དད་རང་དབང་གི་གནས་སྟངས་ཆེས་ཇེ་སྡུག་ཏུ་སོང་ཡོད།

ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགན་འཛིན་སྐུ་ཞབས་བསྟན་འཛིན་རྡོ་རྗེ་ལགས་ཀྱིས་ཁ་སང་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཉན་ཞིབ་ལས་རིམ་ཐོག་ལྷན་བཞུགས་དང་འབྲེལ། རྒྱ་ནག་གི་སྲིད་འཛིན་ཞི་ཅི་ཕེང་གི་འགོ་ཁྲིད་འོག་རྒྱ་ནག་ནང་གི་ཆོས་དད་རང་དབང་གི་གནས་སྟངས་དེ་སྔར་ལས་ཆེས་ཇེ་སྡུག་དུ་སོང་ཡོད་པ་སྙན་གསེང་ཞུས་འདུག ཉན་ཞིབ་ལས་རིམ་དེའི་ཐོག་སྐུ་ཞབས་བསྟན་འཛིན་རྡོ་རྗེ་ལགས་དང། རྒྱ་ནག་ནང་གི་ཆོས་དད་རང་དབང་ཐོག་ཕྱག་ལས་གནང་མཁན་ཡི་ཤུའི་འགྲོ་བ་མིའི་ཐོབ་ཐང་ཚོགས་པ་ ChinaAid ཞེས་པའི་ཚོགས་གཙོ་སྐུ་ཞབས་ Bob Fu དེ་བཞིན་ Religious Freedom Institute ཞེས་པའི་ཆོས་དད་རང་དབང་གོང་འཕེལ་ལྟེ་གནས་ཁང་གི་ཚོགས་གཙོ་ Thomas Farr བཅས་ནས་ལྷན་བཞུགས་གནང་འདུག སྐུ་ཞབས་བསྟན་འཛིན་རྡོ་རྗེ་ལགས་ཀྱིས་སྐབས་དེར། ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ནས་ཕྱི་ལོ་ ༡༩༩༩ ནས་འགོ་འཛུགས་ཀྱིས་ལོ་ལྟར་རྒྱ་ནག་དང་དེ་བཞིན་ཆོས་དད་རང་དབང་གི་གནས་བབ་ཀྱི་ཆ་ནས་སེམས་འཚབ་བྱེད་འོས་པའི་རྒྱལ་ཁབ་ཀྱི་གྲས་སུ་འཇོག་བཞིན་ཡོད་ནའང་། འདས་བའི་ལོ་ངོ་ཉི་ཤུའི་ནང་གི་རྒྱ་ནག་ནང་གི་ཆོས་དད་རང་དབང་གི་གནས་སྟངས་དེ་ཡར་རྒྱས་ཕྱིན་མེད་པ་མ་ཟད། སྲིད་འཛིན་ཞི་ཅི་ཕེང་གི་འགོ་ཁྲིད་ཀྱི་འོག་སྔར་ལས་ཇེ་སྡུག་ལ་སོང་བའི་གནས་བབ་ཅིག་ཏུ་ལྷུང་ཡོད་ཅེས་གསུངས་འདུག ཁོང་གིས་ད་དུང་རྒྱ་ནག་ནང་ཆོས་ལུགས་ཅི་འདྲ་ཞིག་ཡིན་རུང་། རྒྱ་ནག་དམར་ཕྱོགས་ཚོགས་པའི་ཆབ་སྲིད་ཀྱི་ལྟ་གྲུབ་ལྟར་བསྐྱོད་དགོས་པ་མ་ཟད། རྒྱལ་ཁབ་ཀྱི་བདེ་འཇགས་ལ་ཁ་གཡར་བའི་ཐོག་ནས་ཆོས་ལུགས་དད་མོས་རང་དབང་གི་ཐོབ་ཐང་ཡོངས་སུ་རྡོག་རོལ་བཏང་ནས་བོད་བརྒྱུད་ནང་བསྟན་ཆོས་རྒྱུད་པ་དང། ཁ་ཆེ་བ། ཡི་ཤུ་ཆོས་ལུགས་པ། དེ་བཞིན་ཧྥ་ལུང་གོང་ཆོས་བརྒྱུད་པ་བཅས་ལ་བཙན་གནོན་དང་དབྱེ་འབྱེད་ཀྱི་སྲིད་བྱུས་ལག་བསྟར་བྱེད་བཞིན་ཡོད་སྐོར་གསལ་སྟོན་གནང་བ་མ་ཟད། དཔེར་ན་ཆོས་ལུགས་ཀྱི་མཚོན་རྟགས་དང་ལྷ་ཁང་སོགས་རྩ་གཏོར་བཏང་ཡོད་པར་འགྲེལ་བརྗོད་གནང་ཡོད་འདུག སྐུ་ཞབས་བསྟན་འཛིན་རྡོ་རྗེ་ལགས་ཀྱིས་སྐབས་དེར་ད་དུང་། རྒྱ་ནག་གི་བཙོན་ཁང་དུ་ཚེ་བཙོན་གྱི་ཉེས་ཆད་མྱོང་བཞིན་པའི་ཡུ་གུར་བའི་ཐོབ་ཐང་རྩོད་ལེན་པ་ལྕམ་ Gulmira Imin ལགས་དང་། དེ་བཞིན་ ༢༠༡༥ ལོར་འཛིན་བཟུང་བྱས་པའི་རྒྱ་མིའི་ཁྲིམས་རྩོད་པ་དང་ཡིད་ཤུའི་དབུ་ཁྲིད་སྐུ་ཞབས་ Hu Shigen ལྷག་དོན་ ༡༩༩༥ ལོ་ནས་བཟུང་རྒྱ་མིའི་བཟང་བཙོན་འོག་ཡོད་པའི་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་བཅས་ཀྱི་གནད་དོན་དམིགས་བསལ་གྱིས་གླེང་བ་དང་སྦྲགས། རྒྱ་ནག་གིས་པཎ་ཆེན་བླ་མ་ངོས་འཛིན་བྱས་པ་དེ་ནི་ལོ་ངོ་སྟོང་ཕྲག་རིང་གི་བོད་རྒྱུད་ནང་བསྟན་གྱི་སྤྲུལ་སྐུའི་ལམ་ལུགས་དེ་གཏོར་བཅོམ་བཏང་བ་ཞིག་ཡིན་པ་མ་ཟད། ༧གོང་ས་ཏ་ལའི་བླ་མའི་ཡང་སྲིད་ཀྱང་རྒྱ་ནག་གིས་འདེམས་སྒྲིག་བྱེད་རྩིས་ཡིན་པའི་བྱུས་ངན་ཞིག་ཀྱང་ཆགས་ཡོད་སྐོར་གསུངས་འདུག སྐུ་ཞབས་བསྟན་འཛིན་རྡོ་རྗེ་ལགས་ཀྱིས་ཐེངས་འདིའི་ཉན་ཞིབ་ལས་རིམ་དེ་དང་བསྟུན། ཨ་རིའི་ཕྱི་སྲིད་ལས་ཁུངས་ལ་འབོད་སྐུལ་དོན་ཚན་བཞི་ཞུས་པའི་ཁོངས་སུ། ཨ་རིའི་གཞུང་ངོས་ནས་རྒྱ་ནག་དེ་རྟོག་ཞིབ་དམིགས་བསལ་བྱེད་དགོས་པའི་རྒྱལ་ཁབ་ཀྱི་སྒྲིག་ཁོངས་སུ་འཕྲལ་མ་ཉིད་དུ་འཇོག་དགོས་པ་དང། Global Magnitsky Act ཞེས་པའི་རྒྱལ་སྤྱིའི་སྟེང་གི་འགྲོ་བ་མིའི་ཐོབ་ཐང་གི་ཁྲིམས་འཆར་གྱི་འོག་ནས། ཨ་རིའི་གཞུང་གིས་རྒྱ་ནག་ནང་གི་འགོ་གཙོ་ཚོ་དམ་བསྒྲག་གི་བཀའ་ཆད་གཏོང་དགོས་ཚུལ། གཞན་ཡང་དེ་སྔོན་རྒྱལ་སྤྱིའི་ཆོས་དད་རང་དབང་ཐད་བློན་ཆེན་རིམ་པའི་ལྷན་ཚོགས་ཚོགས་པ་ལྟར་རྒྱལ་སྤྱིའི་མཉམ་འབྲེལ་གྱི་ལས་དོན་ཤུགས་ཇེ་ཆེར་བཏང་ནས་རྒྱ་ནག་ནང་གི་ཆོས་དད་རང་དབང་གི་གནས་འབབ་ཐོག་སྤྱི་བསྒྲགས་སྤེལ་དགོས་པ་དང། ཨ་རིའི་གྲོས་ཚོགས་དང་འཛིན་སྐྱོང་གཉིས་ཀའི་ངོས་ནས་དུས་ནས་དུས་སུ་རྒྱ་ནག་ནང་བསྐྱོད་དེ་ཆོས་དད་རང་དབང་གི་གནས་འབབ་ཐོག་རྒྱ་ནག་དང་གླེང་མོལ་བྱེད་དགོས་པ་བཅས་ཀྱི་འབོད་སྐུལ་ཞུས་པ་མ་ཟད། ཉེ་ལམ་ཨ་རིའི་གྲོས་ཚོགས་འོག་མའི་བོད་ནང་དུ་འདྲ་མཉམ་གྱི་འགྲོ་སྐྱོད་ཆོག་པའི་ཁྲིམས་འཆར་གཏན་འབེབས་གནང་ཡོད་པ་ལྟར། གྲོས་ཚོགས་གོང་མའི་འཐུས་མི་ཚོས་ཀྱང་དེ་མཚུངས་གནང་དགོས་པའི་ཞུ་་སྐུལ་གནང་འདུག མཐའ་མར་ཁོང་གིས་ཆོས་ལུགས་དད་མོས་ནི་རྒྱལ་སྤྱིའི་སྟེང་འགྲོ་བ་མིའི་རིགས་ལ་གཅིག་གྱུར་གྱིས་ཚང་དགོས་བའི་གཞི་རྩའི་ཐོབ་ཐང་ཞིག་ཡིན་པས་ན། སུས་ཀྱང་དེ་ལ་སྟངས་འཛིན་བྱེད་ཐབས་མེད་པ་དང་། རྒྱ་ནག་གིས་ཆོས་དད་རང་མོས་ལ་བཀག་སྡོམ་བྱས་པ་དེ་ནི་རྒྱལ་སྤྱའི་ལམ་ལུགས་ལ་རྒོལ་རྡུང་བྱས་པ་ཁོ་ན་ཙམ་མིན་པར། མིའི་རིགས་ཀྱི་བསམ་བློའི་རང་དབང་ལ་ཚད་བཀག་བྱས་པ་ཞིག་ཆགས་ཡོད་པ་ཅེས་གསུངས་འདུག

ཆོལ་ཁ་གསུམ་གྱི་སྒྲིག་འཛུགས་དང་ཆོས་རྒྱུད་། གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་ཁག་ནས་སྲིད་སྐྱོང་དང་སྤྱི་འཐུས་ཀྱི་འོས་གཞི་འདོན་མི་ཆོག་པ་བཟོས་སོང་།

སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པའི་ལས་ཉིན་བདུན་པ་ནས་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་འཆར་འཛིན་ཚོགས་ཆུང་གི་བསྣམས་པའི་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་ཁྲིམས་འཆར་ཐོག་བགྲོ་གླེང་དང་གཏན་འབེབས་གནང་འགོ་བཙུགས་ཡོད་པ་དང་། དེ་རིང་གྲོས་ཚོགས་ཀྱི་ལས་ཉིན་དགུ་པའི་སྔ་དྲོའི་ཚོགས་དུས་ཐོག་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་ཁྲིམས་འཆར་ཡོངས་སུ་གྲུབ་སྟེ། བཙན་བྱོན་བོད་མིའི་འོས་བསྡུའི་སྒྲིག་གཞི་གསར་པ་གཏན་འབེབས་དང་འབྲེལ་མ་འོངས་པ་བཙན་བྱོལ་བོད་མིའི་འོས་བསྡུའི་སྐབས་ཆོལ་ཁ་གསུམ་གྱི་སྒྲིག་འཛུགས་དང་ཆོས་རྒྱུད། གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་ཁག་ནས་སྲིད་སྐྱོང་དང་སྤྱི་འཐུས་ཀྱི་འོས་གཞི་འདོན་མི་ཆོག་པ་སོགས་ཀྱི་སྒྲིག་གཞི་ཁག་ཅིག་གསར་འཇུག་གནང་སོང་། དེ་ཡང་དེ་རིང་ལས་ཉིན་དགུ་པའི་ཐོག་ཁྲིམས་བཟོའི་ལས་དོན་དང་འབྲེལ། བོད་མི་མང་སྤྱི་འཐུས་གསེར་རྟ་ཚུལ་ཁྲིམས་ལགས་ཀྱིས་བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ཉི་ཤུ་རྩ་བཞི་པ། དངུལ་དངོས་སོགས་ལྐོག་རྔན་སྤྲོད་ལེན་དང་རྒྱུད་སྐུལ་ཐབས་ཤེས་ཞེས་པའི་ནང་གསེས་བདུན་པའི་ཐོག་ཆོལ་ཁ་གསུམ་གྱི་སྒྲིག་འཛུགས་དང་ཆོས་རྒྱུད་ཁག གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་ཁག་བཅས་ཀྱིས་སྲིད་སྐྱོང་དང་སྤྱི་འཐུས་ཀྱི་འོས་གཞི་འདོན་པ་དང་། རྒྱབ་གཉེར་གསལ་བསྒྲགས་རིགས་བྱེད་མི་ཆོག་ཅེས་བཟོ་བཅོས་ཁྲིམས་འཆར་བསྣམས་ཡོད་པ་དང་། སྐབས་དེར་སྤྱི་འཐུས་རྡོ་རྗེ་ཚེ་བརྟན་ལགས་ཀྱིས་ཁྲིམས་འཆར་དེར་དགག་པ་དང་སྦྲགས་སྤྱི་འཐུས་རྣམས་ནས་བགྲོ་གླེང་གི་ཆ་ཤས་བླངས་སོང་། སྐབས་དེར་སྤྱི་འཐུས་ཁག་ཅིག་ནས་ཕྱི་ལོ་ ༢༠༡༦ ལོའོ་བཙན་བྱོལ་བོད་མིའི་འོས་བསྡུའི་རྒྱུད་རིམ་ཁྲོད་ཆོལ་ཁ་དང་ཚོགས་སྐྱིད་ཁག་ཅིག་ནས་སྲིད་སྐྱོང་དང་སྤྱི་འཐུས་ཀྱི་འོས་མི་འདོན་པ་དང་དེར་དྲིལ་བསྒྲགས་ཀྱི་ལས་གཞི་སོགས་སྤེལ་བར་བརྟེན་སྤྱི་ཚོགས་ནང་ཟིང་ཆ་ཆེན་པོ་བྱུང་ཡོད་པ་སོགས་འགྲེལ་བརྗོད་དང་སྦྲགས། བཟོ་བཅོས་ཁྲིམས་འཆར་དེར་རྒྱབ་བསྐྱོར་ཡོད་པ་གསུངས་ཡོད། འོན་ཀྱང་ཁག་ཅིག་ནས་ཆོལ་ཁ་བྱེ་བྲག་པ་ཞིག་གིས་འོས་མི་བཏོན་པ་ཙམ་དེ་དཀའ་ངལ་མ་ཡིན་པར། ཆོལ་ཁ་དེ་དག་ནང་དངོས་སུ་ཕྱག་ལས་གནང་མཁན་རྣམས་ཀྱི་གནས་ཚུལ་སྤེལ་སྟངས་དང་། ལས་དོན་བྱེད་ཕྱོགས་ཀྱི་རྐྱེན་པས་དཀའ་ངལ་འཕྲད་པ་ཞིག་ཏུ་གསུངས་སོང་།གང་ལྟར་བཟོ་བཅོས་ཁྲིམས་འཆར་དེའི་ཐོག་སྤྱི་འཐུས་རྣམ་པས་ཆུ་ཚོད་གཅིག་དང་ཕྱེད་ཀ་ལྷག་བགྲོ་གླེང་གནང་རྗེས་ཚོགས་གཙོ་མཆོག་གི་མཐའ་མའི་ཐག་གཅོད་སྐབས་ངོ་འོས་སྤྱི་འཐུས་གསུམ་ཆ་གཉིས་ཀྱི་རྒྱབ་བསྐྱོར་ཐོག་བཟོ་བཅོས་ཁྲིམས་འཆར་དེ་གཏན་འབེབས་བྱུང་ཡོད།   དེ་བཞིན་བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་དྲུག་ཅུ་རེ་བདུན་པ། སྲིད་སྐྱོང་གི་སྔོན་འགྲོ་དང་དངོས་གཞིའི་འོས་བསྡུ་བྱ་ཕྱོགས་ཞེས་པའི་ནང་གསེས་༤ པར་བཟོ་བཅོས་ཁྲིམས་འཆར་བསྣམས་ཏེ། འོས་བསྡུའི་སྐབས་དབུས་འོས་བསྡུ་ལས་ཁང་ནས་སྲིད་སྐྱོང་གི་དངོས་གཞིའི་འོས་གཞི་གཉིས་ལས་མ་ཉུང་བ་གསལ་བསྒྲགས་བྱེད་དགོས་པ་དང་། གལ་ཏེ་འོས་གཞི་གཅིག་ལས་མེད་པ་དང་དེ་ལ་སྔོན་འགྲོའི་འོས་ཤོག་ཁྱོན་འབོར་གྱི་བརྒྱ་ཆ་ ༥༡ ལས་མི་ཉུང་བའི་རྒྱབ་སྐྱོར་ཐོབ་ཡོད་ཚེ་ཁ་གཏད་མེད་པའི་སྲིད་སྐྱོང་ལ་འདེམས་ཐོན་བྱུང་བར་ངོས་འཛིན་གསལ་བསྒྲགས་བྱ་རྒྱུ། མེད་ཚེ་སྔོན་འགྲོའི་འོས་བསྡུ་བསྐྱར་དུ་བྱེད་དགོས། འོན་ཀྱང་སྔོན་འགྲོའི་འོས་བསྡུའི་སྐབས་འོས་མི་གཅིག་ལ་འོས་ཤོག་ཁྱོན་འབོར་བརྒྱ་ཆ་ ༦༠ ཡན་ཐོབ་ཡོད་ཚེ་དངོས་གཞིའི་ལས་རིམ་འགྲོ་མི་དགོས་པར་སྲིད་སྐྱོང་ལ་འདེམས་ཐོན་བྱུང་བར་ངོས་འཛིན་གསལ་བསྒྲགས་བྱ་རྒྱུ་བཅས་ངོ་ཡོད་སྤྱི་འཐུས་གསུམ་ཆ་གཉིས་ཀྱི་ཐོག་ནས་གཏན་འབེབས་གནང་སོང་། གཞན་ཡང་ད་རེས་གཏན་འབེབས་གནང་པའི་བཙན་བྱོལ་བོད་མིའི་འོསབསྡུའི་སྒྲིག་གཞི་བསྐྱར་བཅོས་ཚིག་བརྗོད་ནང་དུ་སློབ་གྲྭ་ཁག་ཏུ་གཞུང་འབྲེལ་ཕུད་། དེ་མིན་འོས་མི་དང་སྐྱེས་བུ་སུའི་ཐད་ནས་འོས་བསྡུ་དང་འབྲེལ་བའི་དྲིལ་བསྒྲགས་དང་། གཏམ་བཤད། ཡིག་ཆ་འགྲེམས་སྤེལ་བཅས་དངོས་ཤུགས་བརྒྱུད་གསུམ་ནས་བྱ་མི་ཆོག་པ་དང་། འོས་བསྡུའི་སྐབས་སུ་སྐྱེ་བོ་སུ་རུང་ནས་མི་མང་ཚོགས་འདུ་དང་། སྤྱི་ཚོགས་དྲ་ལམ་གྱི་གླེང་སྟེགས་བཅས་སུ་རྩ་དོན་དང་འབྲེལ་ལས་དོན་བྱེད་ཕྱོགས་ཐད་དོན་དངོས་སྐྱོན་འདོན་བྱེད་པ་ལས། བོད་མིའི་ཐུན་མོང་མ་ཡིན་པའི་བཟང་སྤྱོད་ལས་བརྒལ་ཏེ་གང་ཟག་སྒེར་གྱི་མི་གཤིས་ལ་སྐྱོན་བརྗོད་རིགས་ནམ་ཡང་མི་ཆོག་པའི་སྒྲིག་གཞི་ཁག་ཅིག་གསར་འཇུག་གནང་སོང་།

བོད་ནང་འགྲོ་བ་མིའི་ཐོབ་ཐང་ཇེ་སྡུག་ཏུ་འགྲོ་བཞིན་པའི་འགྲིམ་འགྲུལ་འགྲེམས་སྟོན་དབུ་འབྱེད་གནང་སོང་།

བཞུགས་སྒར་དུ་རྟེན་གཞི་བྱས་པའི་བོད་ཀྱི་དགུ་བཅུ་གསུམ་ལས་འགུལ་ཚོགས་པ་ནས་དེ་རིང་ཚོགས་པ་དེ་དབུ་བརྙེས་པའི་དུས་ཚིགས་དང་། ལྷག་པར་དུ་ཕྱི་ལོ་ ༡༩༨༧ ཟླ་ ༩ ཚེས་ ༢༧ ལོར་བོད་ནང་གཞོན་སྐྱེས་མང་དག་ཞིག་གིས་རྒྱ་གཞུང་གི་ནོར་འཁྲུལ་ཅན་གྱི་སྲིད་བྱུས་ལ་ཞི་རྒོལ་ཆེན་པོ་གནང་བའི་ཉིན་མོ་དང་བསྟུན།  བོད་དོན་འཐབ་རྩོད་ཀྱི་ལོ་རྒྱུས་དྲན་གསོ་དང་རྒྱལ་སྤྱིའི་ཁྲོད་བོད་དོན་གྱི་གནད་དོན་གོ་རྟོགས་སླད།   བོད་ནང་གི་འགྲོ་བ་མིའི་ཐོབ་ཐང་ཇེ་སྡུག་ཏུ་འགྲོ་བཞིན་པའི་འགྲིམ་འགྲུལ་འགྲེམས་སྟོན་ཞིག་དབུ་འབྱེད་གནང་སོང་། དེ་རིང་ཉིན་རྒྱབ་མེག་གྷན་ Club House གྱི་གསོལ་མགྲོན་ཁང་དུ་ཚོགས་པའི་འགྲེམས་སྟོན་དབུ་འབྱེད་ཐོག་སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་མཆོག་གཙོས།   གསར་འགོད་པ།   བོད་མི་དོན་གཉེར་བ་ཁག་ཅིག་ནས་མཉམ་ཞུགས་གནང་ཡོད་པ་དང་།  འགྲིམ་འགྲུལ་གྱི་འགྲེམས་སྟོན་དེའི་ཐོག་ ༥༩ འི་སྔོན་གྱི་བོད་རང་དབང་ཅན་གྱི་རྒྱལ་ཁབ་ཡིན་པའི་པར་རིས་ཚན་པ་དང་།  རྒྱ་ནག་དམར་པོའི་བཙན་འཛུལ་བྱེད་སྐབས་བོད་ནང་གི་གནས་སྟངས་དང་།  དེ་བཞིན་འདས་པའི་ལོ་དྲུག་བཅུའི་ནང་བོད་ནང་ཞི་རྒོལ་རབས་དང་རིམ་པ་བྱུང་བའི་ཚན་པ་བཅས་འགྲེམས་སྟོན་གནང་འདུག སྐབས་དེར་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་ལྷ་རྒྱ་རི་རྣམ་རྒྱལ་སྒྲོལ་དཀར་ལགས་ཀྱིས་ད་རེས་ཀྱི་འགྲིམ་འགྲུལ་འགྲེམས་སྟོན་ལས་གཞི་དེ་ལོ་གཅིག་ནང་ཚན་དུ་རྒྱ་གར་དུ་ཡོད་པའི་བོད་མིའི་གཞིས་ཆགས་དང་རྒྱ་གར་གྱི་ས་གནས་ཁག  དེ་བཞིན་རྒྱ་གར་དང་བོད་པའི་སློབ་གྲྭ་མ་ཟད།  ཕྱི་རྒྱལ་ནང་དུ་ཡང་འགྲེམས་སྟོན་གནང་རྒྱུ་ཡིན་པ་དང་།   ཁོང་གིས་འགྲེམས་སྟོན་འདི་བརྒྱུད་རྒྱ་གར་དང་ཕྱི་མིའི་མང་ཚོགས་རྣམས་ལ་བོད་ནང་གི་གནས་སྟངས་དང་།   བོད་དེ་ལོ་རྒྱུས་སྒོ་ནས་རང་བཙན་གཙང་མའི་རྒྱལ་ཁབ་ཡིན་པ་སོགས་ཁྱབ་བསྒྲགས་གནང་རྒྱུ་ཡིན་པ་གསུངས་སོང་། དེ་བཞིན་སྐུ་མགྲོན་གཙོ་བོ་ཨ་ཅཱརྱ་ཡེ་ཤེས་ཕུན་ཚོགས་ལགས་ནས་སྐབས་དེར།   ད་ལྟའི་མི་ཐོག་ཁག་ཅིག་གིས་བོད་ཀྱི་གནད་དོན་གོ་བ་དང་།  པར་རིས་བརྒྱུད་ནས་མཐོང་བ།   དེ་བཞིན་ཡིག་རིགས་བརྒྱུད་ནས་མཁྱེན་པ་མ་ཟད།  ཁག་ཅིག་གིས་བརྒྱད་ཅུ་གྱ་གྲངས་ནས་བོད་ནང་གི་གནས་སྟངས་དངོས་སུ་མྱོང་སྟབས། གནས་སྟངས་དེ་དག་ལ་གཞི་བཞག་པའི་ཐོག་བོད་རིགས་ནང་ཁུལ་ལ་བོད་དོན་འཐབ་རྩོད་ཐད་གོ་བརྡ་འཕྲོད་རྒྱུ།  ངེས་པ་རྙེད་ཐུབ་རྒྱུ།  དེ་བཞིན་སེམས་ཁུར་གནང་བར་འབད་དགོས་པ་གསུངས་པ་དང་།    ད་རེས་ཀྱི་འགྲེམས་སྟོན་བཞིན་བོད་པའི་ལོ་རྒྱུས་མིག་མཐོང་ལག་སོན་དུ་མཐོང་རྒྱུ་ཡོད་པའི་ཐོག་ཕྱི་མི་ཞིག་ལ་བོད་དོན་འཐབ་རྩོད་སྐོར་འགྲེལ་བརྗོད་བྱས་པ་ཡིན་ན་ཡང་དེར་རྒྱབ་སྐྱོར་ཚད་ལྡན་ཞིག་དང་།  ནུས་པ་ཆེ་བ་ཐོན་གྱི་ཡོད་སྐོར་གསུངས་པ་དང་།   འགྲེམས་སྟོན་འདི་ལྟ་བུའི་བོད་དོན་གྱི་འཐབ་རྩོད་ལ་སྨིན་རྒྱུ་ཡིན་པ་གསུངས་སོང་།     མ་ཟད།  ཚོགས་གཞོན་མཆོག་གིས་དེ་རིང་གི་ཉིན་མོ་དེ་ལོ་རྒྱུས་ཀྱི་རང་བཞིན་ལྡན་པ་ཞིག་ཡིན་སྟབས།  བོད་ཀྱི་རྩ་དོན་གྱི་ཆེད་འདས་གྲོངས་སུ་ཕྱིན་པ་རྣམས་དྲན་གསོ་ཞུ་རྒྱུ་དང་།  ང་ཚོ་ངོས་ནས་བོད་དོན་གྱི་འཐབ་རྩོད་དོན་དུ་རྒྱུན་དུ་ནས་རིག་པ་བསྒྲིམ་དགོས་པ་གསུངས་སོང་། གཞི་རྩའི་བོད་ཀྱི་དགུ་བཅུ་གསུམ་ལས་འགུལ་ཚོགས་པ་དེེ་བོད་མིའི་ཆབ་སྲིད་བཙོན་ཟུར་གཙོ་བོར་གྱུར་བའི་མི་སྣ་ལས་གྲུབ་པའི་ཚོགས་པ་ཞིག་ཡིན་པ་དང་།  ཆབ་སྲིད་ཉེན་གཡོལ་ལ་ཕེབས་པའི་རྒྱལ་གཅེས་པ་དག་གིས་ཆབ་སྲིད་ཀྱི་ལྟ་བ་དང་། དམིགས་ཡུལ་ངེས་ཅན་ཞིག་ཡོད་པ་དེ་ཉིད་མངོན་འགྱུར་ཡོང་ཆེད་ཕྱི་ལོ་ ༡༩༩༡ ཟླ་ ༩ ཚེས་ ༢༧ ཉིན་བཞུགས་སྒར་རྡ་རམ་ས་ལར་དངོས་སུ་དབུ་བརྙེས་པའི་གཞུང་འབྲེལ་མིན་པའི་ཚོགས་པ་ཞིག་ཡིན་ཞིང་། ད་ལྟའི་ཆར་ཚོགས་པ་འདིར་གནས་ཡུལ་རྒྱ་གར་གཙོས་པའི་ཕྱི་རྒྱལ་ཡུལ་གྲུ་ཁག་གི་ནང་ཁྱོན་ཚོགས་མི་ ༦༢༠ ལྷག་ཡོད་པ་རེད།  

བོད་མི་སྒྲིག་འཛུགས་ཀྱིས་བོད་ནང་འདྲ་མཉམ་གྱི་འགྲུལ་བཞུད་ཆོག་པའི་ཁྲིམས་འཆར་གཏན་འབེབས་བྱུང་བར་དགའ་བསུ་ཞུས་སོང་།

དེ་རིང་བོད་མི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གཙོས་པའི་སྤྱི་འཐུས་རྣམ་པས་ཨ་རིའི་གྲོས་ཚོགས་འོག་མའི་ནང་བོད་ནང་འདྲ་མཉམ་གྱི་འགྲུལ་བཞུད་ཆོག་པའི་ཁྲིམས་འཆར་གཏན་འབེབས་བྱུང་བར་དགའ་བསུ་ཞུས་སོང་། དེ་ཡང་སྐབས་ ༡༦ པའི་སྤྱི་འཐུས་གྲོས་ཚོགས་ཀྱི་ཚོགས་དུས་༦པའི་ལས་ཉིན་བརྒྱད་པ་དང་དགུ་པའི་ཚོགས་དུས་ཁག་ཅིག་གི་ཐོག་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་རྩིས་ལོ་ ༢༠༡༧ དང ༢༠༡༨ ཀྱི་ལས་བསྡོམས་ཐོག་བགྲོ་གླེང་གནང་བའི་ཁྲོད་ཕྱི་དྲིལ་བཀའ་བློན་བློབཟང་སེང་གེ་མཆོག་གིས་ཨ་རི་གྲོས་ཚོགས་འོག་མས་རྒྱ་ནག་དང་བོད་དུ་ཡོད་པའི་མཁས་པ་དང་གསར་འགོད་པ་རྣམས་ཨ་རིར་རང་དབང་ཐོག་ཕེབས་ཆོག་གི་ཡོད་པ་ལྟར་ཨ་རིའི་མི་སེར་རྒྱ་ནག་ནང་ཕེབས་བཇུག་དགོས་པའི་གྲོས་ཆོད་བཞག་པ་དེར་གྲོས་ཚོགས་འཐུས་མི་གཙོས་པའི་རྒྱལ་སྤྱི་བོད་དོན་ལས་འགུལ་ཁང་བཅས་ལ་དགའ་བསུ་ཞུས་པའི་ཐོག་མ་འོངས་པར་སྲིད་འཛིན་གྱིས་དེར་མཚན་རྟགས་བསྐྱོན་པའི་ཁྲིམས་ཤིག་ཆགས་རྒྱུའི་རེ་བ་ཡོད་ཅེས་གསུངས་སོང་། སྐབས་དེར་སྤྱི་འཐུས་མང་དག་ཅིག་ནས་ཀྱང་ཨ་རི་གྲོས་ཚོགས་འོག་མའི་ནང་ Reciprocal Access to Tibet Act ཞེས་པའི་གྲོས་ཆོད་གཏན་འབེབས་བྱུང་བར་ཐུགས་རྗེ་ཆེ་ཞུས་པ་དང་མཉམ་ཨ་རིར་གནས་སྡོད་བོད་མི་ཚོས་ཐུགས་འགན་བཞེས་པའི་ཐོག་སོ་སོའི་གྲོས་ཚོགས་འཐུས་མི་དང་འབྲེལ་བ་གནང་ནས་གྲོས་ཚོགས་གོང་མའི་ནང་བསླེབ་ཐུབ་པ་ཙམ་དུ་མ་ཟད་ཁྲིམས་ཤིག་བཟོ་ཐུབ་རྒྱུའི་འབད་བརྩོན་གནང་དགོས་པའི་སྐུལ་མ་གནང་སོང་། རྩ་བའི་ཁ་ཉིན་ཕྱི་ཚེས་ ༢༥ ཉིན་ཨ་མི་རི་ཀའི་གྲོས་ཚོགས་འོག་མའི་ནང་དུ་གཏན་འབེབས་བྱུང་བའི་ཁྲིམས་འཆར་དེའི་ནང་དོན་གཙོ་བོ་ནི་རྒྱ་ནག་གི་དཔོན་རིགས་དང་གསར་འགོད་པ། དེ་བཞིན་མི་སེར་རྣམས་ཨ་རིའི་ས་ཕྱོགས་གང་སར་རང་དབང་ངང་འགྲུལ་བསྐྱོད་ཀྱི་ཐོབ་ཐང་ཡོད་པ་བཞིན་ Reciprocal Access ཞེས་ཨ་རིའི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་གི་མི་སྣ་དང་གསར་འགོད་པ། བོད་པ་ཨ་རིའི་མི་སེར་ཡིན་པ། དེ་བཞིན་ཨ་རི་བ་བཅས་བོད་དང་རྒྱ་ནག་ནང་རང་དབང་ངང་འགྲུལ་བསྐྱོད་ཆོག་པའི་ཐོབ་ཐང་འདྲ་མཉམ་སྤྲོད་དགོས་སྐོར་དང་། རྒྱ་གཞུང་ནས་ཨ་མི་རི་ཀའི་མི་སེར་བོད་ནང་འགྲུལ་བསྐྱོད་བྱ་རྒྱུར་བཀག་སྡོམ་བྱེད་བཞིན་ཡོད་པ་ལྟར་རྒྱ་ནག་གི་འབྲེལ་ཡོད་རྣམས་ལ་བཀག་སྡོམ་གནང་རྒྱུ་ཡིན་པའི་ཁྲིམས་འཆར་ཞིག་ཡིན་པ་རེད། ཐེངས་འདིའི་ཕྱི་དྲིལ་ལས་ཁུངས་ཀྱི་ལས་བསྡོམས་བགྲོ་གླེང་ཁྲོད་ཕྱི་རྒྱལ་མི་སེར་ཡིན་པའི་བོད་རིགས་ཚོར་རྒྱ་གར་དུ་ཡོད་པའི་གཞིས་ཆགས་ཁག་ཏུ་སྤུན་མཆེད་སོགས་ཐུག་འཕྲད་ལ་འབྱོར་སྐབས་papཞེས་པ་དེ་ཞུ་རྒྱུར་་དཀའ་ངལ་འཕྲད་ཀྱི་ཡོད་སྐོར་དང་། དབུ་མའི་ལམ་གྱི་སྲིད་བྱུས་དང་འབྲེལ་ཏེ། རྒྱ་གར་གཞུང་མང་ལ་གོ་རྟོགས་ཇི་སྤེལ་དང་དེའི་ཕན་འབྲས་ཅི་བྱུང་། ཕྱིའི་རྒྱལ་ཁབ་ཁག་གི་དོན་གཅོད་ལས་བྱེད་བསྐོ་བཞག་གནང་ཕྱོགས་དང་ཕྱི་རྒྱལ་ཡུལ་གྲུ་ཁག་ཏུ་རྒྱ་རིགས་འབྲེལ་མཐུད་པའི་ལས་འགན་དང་གྲུབ་འབྲས་ཅི་སོན། དེ་བཞིན་སྐུ་ཚབ་དོན་གཅོད་ཁང་གི་ལས་ཁུངས་ཇི་ཉོས་སོགས་ཀྱི་གནད་དོན་འདྲ་མིན་ཐོག་བགྲོ་གླེང་ལྷུག་པོ་གནང་སོང་། རྩ་བའི་ཐེངས་འདིའི་སྐབས་ ༡༦ པའི་སྤྱི་འཐུས་གྲོས་ཚོགས་ཀྱི་ཚོགས་དུས་༦པའི་ལས་ཉིན་མཐའ་མ་དེ་སང་ཉིན་འཚོགས་རྒྱུ་ཡིན་པ་དང་། ད་དུང་གྲོས་ཚོགས་སུ་འཕྲོད་བསྟེན་ལས་ཁུངས་ཀྱི་ལས་བསྡོམས་ཐོག་བགྲོ་གླེང་དང་སྦྱང་བཤད་གནང་རྒྱུ་ལྷག་ཡོད་པ་རེད།

Latest news