Tibetan Royal Year of 2151 | Year of the Wood Dragon

ARCHIVE

Monthly Archives: January, 2019

རེས་གཟའ་ཕུར་བུ། ༢༠༡༩།༠༡།༣༡

ཉན་པ།: Listen ཕབ་ལེན། Download གྲྭ་ཆོས་ཀྱིས་ལགས་ཀྱི་འཕྲོད་བསྟེན་གྱི་གནས་བབས་ཛ་དྲག་ཆགས་པ། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག་རྒྱ་ནག་ཐོག་གྲོས་ཆོད་འཇོག་དགོས། བོད་མིའི་སྒྲིག་འཛུགས་ཀྱི་ཨར་ལས་འཛུགས་སྐྲུན་དང་འབྲེལ་བའི་བཅར་འདྲི། དགེ་བཤེས་བྱམས་པ་འཕེལ་རྒྱས་ལགས་ནས་གྲོ་སོ་ཕྱེ་མར་དང་རྩེ་སྒྲོའི་མཚོན་དོན་ངོ་སྤྲོད་གནང་བ། Thursday 31/01/2019 Concern mounts over health of recently release Tibetan prisoner monk Human rights groups call for UN resolution against Chinese abuses Interview with head of CTA’s Housing and Estate on its construction projects Geshe Jampa Phelgye on Losar ‘Chemar’ offering

གྲྭ་ཆོས་ཀྱིས་ལགས་ཀྱི་འཕྲོད་བསྟེན་གྱི་གནས་བབས་ཛ་དྲག་ཆགས་པ།

བོད་ཀྱི་ཆབ་སྲིད་བཙོན་པ་གྲྭ་ཆོས་ཀྱིས་ལགས་གློད་བཀྲོལ་ཐོབ་ཡོད་ནའང་ཁོང་གི་འཕྲོད་བསྟེན་གྱི་གནས་བབས་ཛ་དྲག་ཆགས་ཡོད་པར་བརྟེན་ཁོང་གི་གནས་བབས་དེར་བློ་འཚབ་གནང་མཁན་མང་དུ་འགྲོ་བཞིན་ཡོད་པ་རེད། གྲྭ་ཆོས་ཀྱིས་ལགས་ནི་རྒྱ་ནག་དམར་ཤོག་ཚོགས་པར་ངོ་ལོག་གནང་མཁན་གྱི་ཕྱོགས་གཏོགས་ཡིན་པར་བསྙད་ནས་ཕྱི་ལོ་ ༢༠༡༥ ལོར་ལོ་བཞིའི་བཙོན་འཇུག་ཁྲིམས་ཐག་བཅད་ཡོད་པ་དང་། ཁོང་འདི་ལོའི་ཟླ་ ༡ ཚེས་ ༡༨ དགུང་མོར་ཉེན་རྟོག་རུ་ཁག་གི་ལྟ་སྲུང་ནན་པོའི་ངང་བཙོན་གྲོལ་བཏང་ཡོད་པ་རེད། ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་ནག་གཞུང་གིས་ཁོང་གི་འཕྲོད་བསྟེན་གྱི་གནས་སྟངས་ཤིན་ཏུ་ཞན་པོ་ཆགས་ཡོད་སྟབས་བཙོན་ཁང་དུ་འཆི་མ་དགོས་པར་ཟླ་བ་ལྔ་ཙམ་གོང་སྔ་སྣུར་གྱིས་བཙོན་གྲོལ་བཏང་ཡོད་པ་རེད་ཅེས་བཀོད་འདུག གྲྭ་ཆོས་ཀྱིས་ལགས་འཛིན་བཟུང་མ་གནང་སྔོན་ནས་མཁལ་མའི་ནད་གཞི་ཡོད་པ་དང་། འཛིན་བཟུང་བྱས་རྗེས་ཁོང་ཁེར་རྐྱང་བཙོན་འཇུག་གི་གནས་བབས་སུ་བསྐྱལ་ནས་མནར་གཅོད་བཏང་ཡོད་པ་མ་ཟད། ཕྱིས་སུ་ས་རྐོ་རྡོ་སློག་སོགས་ཀྱིས་མཚོན་པའི་ལམ་བཟོའི་ངལ་རྩོལ་ཤུགས་ཆེན་པོ་གནང་བཅུག་ཡོད་སྟབས།  ནད་གཞི་ཇེ་སྡུག་ཏུ་ཕྱིན་ནས་ད་ཆ་སྐུ་གཟུགས་ཧ་ཅང་ཞན་པས་འཕྲོད་བསྟེན་གྱི་གནས་བབས་ཛ་དྲག་ཆགས་ཡོད་པ་རེད།རླུང་འཕྲིན་ཁང་ནས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་སུ་བོད་ཀྱི་ཆབ་སྲིད་བཙོན་པ་ཆོས་ཀྱིས་ལགས་ཀྱིས་གཙོས་པའི་བཙོན་ཁང་དུ་མནར་གཅོད་རིགས་དུ་མ་མྱོང་བཞིན་པའི་གནད་དོན་དང་འབྲེལ་བའི་ཐོག་བཀའ་འདྲི་ཞུས་པར་འདྲི་གཅོད་ཀྱི་གོ་རིམ་བརྒྱུད་ནས་ཚད་ལས་བརྒལ་བའི་མནར་གཅོད་གཏོང་བཞིན་པ་མ་ཟད་ངལ་རྩོལ་གྱི་ལས་ཀ་ཤིན་ཏུ་ལྗིད་པའི་ཁར་བཙོན་ཁང་དུ་སྨན་བཅོས་སོགས་ཀྱི་མཐུན་རྐྱེན་མེད་སྐོར་ངོ་སྤྲོད་གནང་ཡོད། ཆོས་ཀྱིས་ལགས་གནས་སྐབས་སུ་ཁོང་གི་ཡུལ་ཚོ་གསེར་རྟར་བཞུགས་ཡོད་ནའང་། འཕྲོད་བསྟེན་གྱི་གནས་བབས་ཛ་དྲག་ཆགས་ཏེ་སྒལ་གཞུང་དང་རྐང་པ་སོགས་ན་ནས་དཀའ་ངལ་ཆེན་པོ་འཕྲད་བཞིན་ཡོད་སྟབས། ཁོང་གིས་སྨན་བཅོས་གནང་ཐབས་ལ་འབད་བརྩོན་གནང་བཞིན་ཡོད་ཀྱང་། རྒྱལ་ནག་གཞུང་གིས་གོང་རིམ་ནས་ཆོག་མཆན་མེད་པར་སྨན་ཁང་དུ་སྨན་བཅོས་གནང་བཅུག་མེད་པ་མ་ཟད་ཐ་ན་ཁོང་གི་དགོན་པ་རུ་ཕེབས་མ་བཅུག་པར་བརྙན་མིག་གི་ལྟ་སྲུང་འོག་བཀག་ཉར་བྱས་ཡོད་པ་རེད།

རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག་རྒྱ་ནག་ཐོག་གྲོས་ཆོད་འཇོག་དགོས།

རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་སྡེ་མི་འདྲ་བ་ ༤༠ ནས་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མི་རྒྱལ་ཁབ་རྣམས་ལ་རྒྱ་གཞུང་གིས་གཞི་རྩའི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་བཏང་དང་གཏོང་བཞིན་པའི་བྱ་སྤྱོད་ལ་ཞིབ་བཤེར་ནན་པོ་དང་འབྲེལ། དེའི་ཐོག་གྲོས་ཆོད་འཇོག་དགོས་པར་ཞུ་སྐུལ་གནང་འདུག རིང་མིན་སུད་སི་ཇི་ནི་ཝ་གྲོང་ཁྱེར་དུ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་ཆེན་འཚོགས་ལ་ཉེ་བ་དང་བསྟུན། ཁ་སང་ཟླ་ ༡ ཚེས་ ༣༠ ཉིན་བོད་རང་དབང་དང་། བོད་གནས་ལྟ་ཞིབ། རྒྱལ་སྤྱིའི་བོད་དོན་ལས་འགུལ་ཁང་། ཡུ་གུར་ལྷན་ཚོགས། རྒྱ་ནག་ནང་གི་འགྲོ་བ་མིའི་ཐོབ་ཐང་ཚོགས་པ། དེ་བཞིན་རྒྱལ་སྤྱིའི་འགྲོ་བ་མིའི་ཐོབ་ཐང་གནའ་འབྲེལ་ཚོགས་པ་སོགས་ཀྱིས་གཙོས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་སྡེ་ཁག་མི་འདྲ་བ་ ༤༠ ཡིས་ས་རྟགས་བཀོད་དེ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ལ་ཞུ་སྙན་ཕུལ་ཡོད་པ་རེད། ཞུ་སྙན་དེའི་ནང་རྒྱ་གཞུང་གིས་བོད་དང་ཡུ་གུར། དེ་བཞིན་གསར་འགོད་པ་དང་ཁྲིམས་རྩོད་པ། སློབ་ཕྲུག་བཅས་ཀྱིས་གཙོས་པའི་མི་མང་ས་ཡ་མང་པོའི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་གཏོང་བཞིན་ཡོད་སྐོར་འགྲེལ་བརྗོད་དང་སྦྲགས། རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མི་རྒྱལ་ཁབ་རྣམས་ནས་ཚོགས་ཆེན་ཐོག་རྒྱ་ནག་གི་བྱ་སྤྱོད་ལ་སྐྱོན་བརྗོད་ཀྱི་གྲོས་ཆོད་འཇོག་དགོས་པ་དང་། གྲོས་ཆོད་ནང་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་གི་གཙོ་འཛིན་མཆོག་གཙོ་གྱུར་དམིགས་བསལ་སྐུ་ཚབ་རྣམ་པ། གསར་འགོད་པ་སོགས་བོད་དང་ཤིན་ཅང་གཙོས་རྒྱ་ནག་གི་ས་ཁུལ་ཡོངས་སུ་རང་དབང་གི་ཐོག་ནས་ཕེབས་འཇུག་དགོས་པ། རྒྱལ་ཁབ་ཀྱི་བདེ་འཇགས་དང་འབྲེལ་བའི་ཁྲིམས་གཞི་ངན་པ་ལོག་སྤྱོད་བྱས་ནས་སྨྲ་བརྗོད་རང་དབང་། དེ་བཞིན་ཆོས་དད་རང་དབང་སོགས་འགྲོ་བ་མིའི་ཐོབ་ཐང་རྩོད་ལེན་གྱི་ལས་དོན་མཐའ་དག་ནག་ཉེས་ཅན་ལ་ངོས་འཛིན་རྒྱུ་མཚམས་འཇོག་དགོས་པ། རྒྱ་གཞུང་ནས་རྒྱལ་སྤྱིའི་ཁྲིམས་ལུགས་ལ་བརྩི་མེད་རྡོག་རོལ་གྱིས་གང་བྱུང་དུ་འཛིན་བཟུང་བྱས་པ་རྣམས་འཕྲལ་མར་གློད་བཀྲོལ་དགོས་པ་སོགས་དགོས་འདུན་བཀོད་དགོས་པ་གསུངས་འདུག

རེས་གཟའ་ལྷག་པ། ༢༠༡༩།༠༡།༣༠

ཉན་པ།: Listen ཕབ་ལེན། Download བཀའ་སྤྱི་གཉིས་ཀྱིས་གཙོས་བོད་མི་ཚོས་སྐུ་ཞབས་ཇོར་ཇི་ཕར་ནན་ཌི་སི་མཆོག་ལ་མྱ་ངན་རྗེས་དྲན་ཞུས་པ། བོད་རང་སྐྱོང་ལྗོངས་ཀྱི་ཕྱི་ཕྱོགས་བོད་མིའི་ས་ཁུལ་དུའང་གནས་ཚུལ་མཁོ་སྒྲུབ་བྱ་རྒྱུར་དམ་དྲག ཁམས་ནང་ཆེན་གྱི་དགོན་སྡེ་ཁག་ཏུ་བོད་ཡིག་བསླབ་མི་ཆོག་པའི་དམ་དྲག་འཕྲལ་མར་མཚམས་འཇོག་དགོས། དགེ་བཤེས་བྱམས་པ་རྒྱལ་མཚན་ལགས་ནས་བོད་ཀྱི་ལོ་གསར་ངོ་སྤྲོད་གནང་བ། བཀའ་སློབ་ལས་རིམ། ༸གོང་ས་མཆོག་གིས་མོན་གྷོར་ཆོས་ལུགས་མཐུན་སྒྲིག་ཐོག་བསྩལ་བའི་བཀའ་སློབ། Wednesday 30/01/2019 CTA holds prayer service,TPiE vice Chair visits family of late George Fernandes Reporting on Tibetan areas outside the TAR also restricted: FCCC report HRW calls China to lift ban on Tibetan language class in monastery Introduction to Losar by Geshe Jampa Gyaltsen FEATURE: Dalai Lama on Religious Harmony

རྒྱ་གར་གྱི་བདེ་སྲུང་བློན་ཆེན་ཟུར་པ་སྐུ་ཞབས་ཇོར་ཇི་ཕར་ནན་ཌི་སི་མཆོག་ལ་མྱ་ངན་རྗེས་དྲན་ཞུས་པ།

ཁ་སང་སྔ་དྲོ་རྒྱ་གར་གྱི་བདེ་སྲུང་བློན་ཆེན་ཟུར་པ་དང་སྐུ་ཞབས་ George Fernandes མཆོག་དགུང་གྲངས་ ༨༨ ཐོག་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་ཐོན་མ་ཐག་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་མཆོག་གིས་དབུས་པའི་ལྡི་ལི་ཁུལ་གྱི་བོད་མི་ཚོས་དམ་པ་ཁོང་གི་གཟིམ་ཤག་ཏུ་ཆེད་ཕེབས་ཀྱིས་ཁོང་གི་ནང་མི་སྐུ་འཁོར་ལྷན་རྒྱས་ལ་ཐུགས་གསོ་དང་། དམ་པ་དེ་ཉིད་ཀྱིས་རྒྱུན་རིང་ནས་བོད་དོན་ཐོག་ཁ་ཞེ་གཉིས་མེད་ཀྱིས་རྒྱབ་སྐྱོར་གང་འོས་གནང་བར་བཀྲིན་རྗེས་དྲན་ཞུས་ཡོད་པ་མ་ཟད་ཚོགས་གཞོན་མཆོག་གིས་དབུས་པའི་བོད་མི་དེ་དག་ནས་དམ་པ་ཁོང་གི་སླད་དུ་བསྔོ་སྨོན་གསུང་འདོན་གནང་ཡོད།རླུང་འཕྲིན་ཁང་གིས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱ་ཙཱརྱ་ཡེ་ཤེས་ཕུན་ཚོགས་མཆོག་ལ་བོད་མི་ཚོས་དམ་པ་ཁོང་ལ་དམིགས་བསལ་གྱི་བཀྲིན་རྗེས་དྲན་དང་གུས་བརྩེ་ཞུ་དགོས་དོན་གང་ཡིན་ཐད་ལ་བཀའ་འདྲི་ཞུས་པར་སྐུ་ཞབས་ཇོར་ཇི་ཕར་ནན་ཌི་སི་མཆོག་ནི་ཆབ་སྲིད་ཀྱི་དབང་ཆ་ཡོད་མེད་ལ་ལྟོས་མེད་བོད་མིར་ཁ་ཞེ་གཉིས་མེད་ཀྱིས་རྒྱབ་སྐྱོར་གནང་མཁན་དང་ལོ་རྒྱུས་ཀྱི་རང་བཞིན་ལྡན་པའི་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་ཆེན་ཐེངས་དང་པོ་ཚོགས་སྐབས་སྔ་ཕྱིར་རྒྱབ་སྐྱོར་གནང་མཁན་གྱི་དོན་དམ་པའི་བོད་དོན་རྒྱབ་སྐྱོར་བ་ཞིག་ཡིན་པ་སོགས་ངོ་སྤྲོད་གནང་སོང་།ཤེས་རྟོགས་བྱུང་བར་སང་ཉིན་སྔ་དྲོ་དམ་པ་ཁོང་གི་གཟིམ་ཤག་ཏུ་ཡི་ཤུའི་ལུགས་ཀྱི་ཐོག་ནས་མཆོད་འབུལ་གནང་རྒྱུ་དང་། ཉིན་རྒྱབ་ཚོུད་ ༣ སྟེང་སྐུ་ཕུང་ཞུགས་འབུལ་གནང་རྒྱུ་ཡིན་པ་མ་ཟད་གནངས་ཉིན་ཚེས་ ༡ ཉིན་སྤུར་ཐལ་དེ་ཡི་ཤུའི་ལུགས་ལྟར་སར་སྦས་གནང་རྒྱུ་བཅས་ཐུགས་གཏན་ཁེལ་ཡོད་པ་ལྟར། ལྡི་ལི་ཁུལ་གྱི་བོད་མི་ཚོས་དམ་པ་དེའི་འདས་མཆོད་ཀྱི་མཛད་རིམ་དེ་དག་ཐོག་མུ་མཐུད་ལྷན་ཞུགས་གནང་གི་འདུགདེ་བཞིན་དེ་རིང་ཉིན་རྒྱབ་ཚོུད་ ༢ ཐོག་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ཀྱིས་གོ་སྒྲིག་འོག་བཀའ་ཤག་གི་ཚོགས་ཁང་གསར་པར་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། སྲི་ཞུ་ལས་བྱེད་ཡོངས་ནས་བདེ་སྲུང་བློན་ཆེན་ཟུར་པ་དམ་པ་ཁོང་ལ་མྱ་ངན་གུས་བཏུད་ཞུ་ཕྱིར་ལྷན་འཛོམས་ཀྱིས་བསྔོ་སྨོན་གསུང་འདོན་གནང་བ་མ་ཟད། སྐབས་དེར་སྲིད་ཚབ་ཆོས་རིག་བཀའ་བློན་མཆོག་གིས་དམ་པ་ཁོང་ནི་བོད་ལ་དུས་འགྱུར་བྱུང་བ་ནས་བཟུང་བོད་དོན་ཐོག་ཁ་ཞེ་གཉིས་མེད་ཀྱིས་རྒྱབ་སྐྱོར་གནང་བ་མ་ཟད་ཕྱི་ལོ་ ༡༩༩༤ ལོར་རྒྱལ་ས་ལྡི་ལིར་རྒྱལ་སྤྱིའི་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་ཆེན་ཐེངས་དང་པོ་བསྐོང་ཚོགས་གནང་ཡོད་པ་སོགས་ངོ་སྤྲོད་གནང་བ་དང་སྦྲགས། དམ་པ་ཁོང་སྐུ་ཚེ་མ་ཟིན་པ་ནི་འཕགས་བོད་གཉིས་ཀར་གྱོང་གུད་ཆེན་པོ་ཕོག་ཡོད་པ་གསུངས་ཡོད། དེ་རྗེས་དབུས་ལས་ཁུངས་ཁག་ནས་ལས་མཚམས་བཞག་ཡོད་པ་རེད། རྒྱལ་ས་ལྡི་ལིར་སྐུ་ཞབས་ཇོར་ཇི་ཕར་ནན་ཌི་སི་མཆོག་ལ་མྱ་ངན་རྗེས་དྲན་ཞུས་པའི་སྒྲ། བཞུགས་སྒར་དུ་སྐུ་ཞབས་ཇོར་ཇི་ཕར་ནན་ཌི་སི་མཆོག་དགོངས་པ་རྫོགས་པར་གཞུང་འབྲེལ་མཆོད་འབུལ་གནང་བའི་སྒྲ།

བོད་རང་སྐྱོང་ལྗོངས་ཀྱི་ཕྱི་ཕྱོགས་བོད་མིའི་ས་ཁུལ་དུའང་གནས་ཚུལ་མཁོ་སྒྲུབ་བྱ་རྒྱུར་དམ་དྲག་བྱས་པ་གསལ་སྟོན།

རྒྱ་ནག་ཏུ་རྟེན་གཞི་བྱས་པའི་ Foreign Correspondents Club ཕྱི་རྒྱལ་གསར་འགོད་ཚོགས་པས་ཕྱི་ལོ་ ༢༠༡༨ ལོའི་ལོ་འཁོར་སྙན་ཐོ་ནང་འདས་ལོར་རྒྱ་ནག་ཏུ་གནས་བཞུགས་ཕྱི་རྒྱལ་གསར་འགོད་པའི་ལས་དོན་ཐོག་གཞུང་གི་སྟངས་འཛིན་སྔར་ལྷག་བྱེད་ཤུགས་ཆེ་རུ་བཏང་ཡོད་པར་འགྲེལ་བརྗོད་གནང་བ་མ་ཟད། རྒྱ་གཞུང་གིས་བོད་རང་སྐྱོང་ལྗོངས་ཀྱི་ཕྱི་ཕྱོགས་བོད་མིའི་ས་ཁུལ་དུའང་གནས་ཚུལ་མཁོ་སྒྲུབ་བྱ་རྒྱུར་དམ་དྲག་བྱས་པ་གསལ་སྟོན་གནང་འདུག Under Watch: Reporting in Surveillance State ཞེས་པའི་སྙན་ཐོ་དེ་གཙོ་བོ་རྒྱ་ནག་ནང་ཕྱག་ལས་གནང་བཞིན་པའི་རྒྱལ་ཁབ་དང་ས་ཁུལ་འདྲ་མིན་ ༣༡ ཙམ་གྱི་ཕྱི་རྒྱལ་གསར་འགོད་པ་ ༡༠༠ ལྷག་ཙམ་ལ་བཅར་འདྲི་དང་ལེན་བརྒྱུད་ཞིབ་འཇུག་གནང་བ་ཞིག་ཡིན་པ་དང་། དེའི་ནང་རྒྱ་གཞུང་གིས་རྒྱལ་སྤྱིའི་གསར་འགོད་པ་ཚོར་བོད་རང་སྐྱོང་ལྗོངས་ཟེར་བ་མ་གཏོགས་རྒྱ་ནག་གི་ས་ཁུལ་གཞན་ཚང་མའི་ནང་བསྐྱོད་ཆོག་པའི་ཆོག་མཆན་ཡོད་པ་དེ་ལྟར་ཡང་། འདས་ལོའི་ནང་ཤིན་ཅང་དུ་གནས་ཚུལ་མཁོ་སྒྲུབ་ཆེད་བསྐྱོད་རྒྱུར་དམ་དྲག་ཤུགས་ཆེ་བྱས་ཡོད་པ་མ་ཟད་བོད་རང་སྐྱོང་ལྗོངས་ཀྱི་ཕྱི་ཕྱོགས་བོད་མིའི་ས་ཁུལ་དུའང་ཕེབས་མཁན་ཕྱི་རྒྱལ་གསར་འགོད་པ་བཞི་ལས་གཉིས་ཀྱི་ལས་དོན་ལ་འགོག་རྐྱེན་དང་དམ་དྲག་ཤུགས་ཆེ་བྱས་ཡོད་པ་མངོན་གསལ་གནང་འདུགདེ་བཞིན་ཨ་རིའི་ New York Times གསར་འགོད་པ་ Steven Lee Meyers ལགས་དང་ཕྱག་རོགས་པར་པ་ཞིག་བོད་མདོ་ཁམས་སྡེ་དགེ་ནང་ཆགས་པའི་རྫོང་གསར་དགོན་གྱི་ལོ་གསར་དུས་སྟོན་སྲུང་བརྩི་གནང་ཕྱོགས་སྐོར་གསར་འགྱུར་སྤེལ་སྐབས་ཉེན་རྟོག་པས་དེ་མ་ཐག་བཀག་སྡོམ་དང་སྦྲགས། ཆུ་ཚོད་ ༡༧ ལྷག་གི་རིང་དོ་དམ་བྱས་པ་མ་ཟད་ཕ་རན་སི་ Le Monde གསར་ཁང་གི་གསར་འགོད་པ་ Brice Pedroletti ལགས་བོད་མདོ་སྨད་རྔ་བ་ནང་ཕེབས་སྐབས་རྒྱ་གཞུང་གི་ཉེན་རྟོག་པས་རྗེས་འདེད་དང་འབྲེལ་ཁོ་ཚོར་ཕྱག་རོགས་ཞུ་རྒྱུ་སོགས་ལ་བསྙད་དེ་སུན་གཙེར་ཡང་བཟོས་ཡོད་པ་གསལ་སྟོན་གནང་འདུག གཞི་རྩའི་ཚོགས་པ་དེས་ཕྱི་རྒྱལ་གྱི་གསར་འགོད་པ་ ༡༠༠ ལྷག་ཙམ་ལ་བཅར་འདྲི་དང་ལེན་བརྒྱུད་ཞིབ་འཇུག་གནང་བའི་ཁྲོད་གསར་འགོད་པ་བརྒྱ་ཆ་ ༥༥ ནས་འདས་ལོ་ནང་རྒྱ་ནག་ཏུ་གསར་འགོད་ལས་དོན་བྱེད་ཕྱོགས་ཀྱི་ཁོར་ཡུག་ལ་ཡར་རྒྱས་རྩ་བ་ནས་ཕྱིན་མེད་པ་དང་། བརྒྱ་ཆ་ ༩༡ ནས་རང་ཉིད་ཀྱི་ཁ་པར་གྱི་ཉེན་སྲུང་ཐོག་སེམས་འཚབ་ཡོད་པའི་རྣམ་པ་བཏོན་པ་མ་ཟད། བརྒྱ་ཆ་ ༤༨ ནས་རང་ཉིད་ཀྱི་ལས་དོན་ཐོག་ཉེན་རྟོག་པས་རྗེས་འདེད་བཏང་བ་དང་མགྲོན་ཁང་དུ་བཀའ་འཁྲོལ་མེད་པར་ཞུགས་པ་སོགས་འགྲེལ་བརྗོད་གནང་མཁན་བྱུང་འདུག FCCC ཚོགས་པའི་ཚོགས་གཙོ་ Hanna Sahlberg ལགས་ཀྱིས་རྒྱ་གཞུང་ནས་ཕྱིའི་གསར་འགོད་པ་ལ་དམ་དྲག་ཤུགས་ཆེ་བྱས་ཡོད་རྐྱེན་ཕྱི་རྒྱལ་གསར་འགོད་པ་རྣམས་ནས་ཀྱང་ད་ཆ་རྒྱ་ནག་ནང་གི་ཚོར་བ་རྣོ་བའི་གནད་དོན་ཁག་གི་ཐོག་གསར་འགྱུར་དགོད་རྒྱུ་ལས་གཡོལ་ཐབས་གནང་ཉེན་ཡོད་སྟབས། རྒྱ་ནག་ནང་གི་གནས་ཚུལ་ཕྱི་གསལ་ནང་གསལ་ཐོག་དགོད་ཐུབ་རྒྱུར་རེ་བ་ཡོད་པ་འགྲེལ་བརྗོད་གནང་འདུག

རེས་གཟའ་མིག་དམར། ༢༠༡༩།༠༡།༢༩

ཉན་པ།: Listen ཕབ་ལེན། Download ༸གོང་ས་མཆོག་གིས་སྐུ་ཞབས་ཇོར་ཇི་ཕར་ནན་ཌི་སི་མཆོག་ལ་ཐུགས་གསོ་བསྩལ་བ། ཁེ་ན་ཌའི་ཕྱི་སྲིད་བློན་ཆེན་གྱིས་བོད་དོན་ལ་མུ་མཐུད་རྒྱབ་སྐྱོར་གནང་རྒྱུ་ཡིན་ཞེས་གསུངས་འདུག རྩོམ་ཡིག་འགྲན་བསྡུར་གནང་བའི་ཐོག་ནས་བོད་ཀྱི་སྐད་ཡིག་ཉིན་མོ་སྲུང་བརྩི་ཞུས་པ། རྒྱ་ནག་གི་གཞུང་ཚབ་མདུན་དུ་བཀྲ་ཤིས་དབང་ཕྱུག་གློད་བཀྲོལ་དགོས་པའི་ཞུ་འབོད། སེར་བྱེས་གྲྭ་ཚང་གིས་ལ་དྭགས་ཀྱི་སློབ་ཕྲུག་ལ་ནང་ཆོས་དང་ཁོར་ཡུག་གི་གོ་རྟོགས་སྤེལ་བ། གླུ་གཞས་ལས་རིམ། གཞས་མ་ཀརྨ་སྒྲོལ་དཀར་ལགས་ནས་བླངས་པའི་བོད་ཀྱི་བྱིས་པ། Tuesday 29/01/2019 HHDL condoles demise of George Fernandes, calls him a ‘heroic leader’ Canadian Foreign Minister reiterates support for human rights in Tibet Panchen Lama’s 30th death anniversary marked as Tibetan Language Day Tibet activists in hold protest in NY, demands Tashi Wangchuk’s release Workshop on Tibetan Buddhism and environment to Ladakhi students MUSIC FEATURE: Tibetan singer Karma Dolkar and her song ‘Bod ki Jiypa’

རྒྱ་གར་གྱི་བདེ་སྲུང་བློན་ཆེན་ཟུར་པ་སྐུ་ཞབས་ཇོར་ཇི་ཕར་ནན་ཌི་སི་མཆོག་ལ་ཐུགས་གསོ་མཛད་པ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༡ ཚེས་ ༢༩ ཉིན་སྔ་དྲོ་རྒྱ་གར་གྱི་བདེ་སྲུང་བློན་ཆེན་ཟུར་པ་དང་རྒྱ་གར་ཆབ་སྲིད་ཚོགས་པ་ Samata Party སྲོལ་གཏོད་པ་པོ་སྐུ་ཞབས་ George Fernandes མཆོག་དགུང་གྲངས་ ༨༨ ཐོག་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་ཐོན་པར་དམ་པ་ཁོང་གི་སྐུ་ཟླ་ལྕམ་ Leila kabir ལགས་ཀྱི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་བསྩལ་འདུགཐུགས་གསོའི་གསུང་འཕྲིན་དེའི་ནང་༸གང་ཉིད་མཆོག་གིས་སྐུ་ཞབས་ཇོར་ཇི་ཕར་ནན་ཌེ་སི་མཆོག་ནི་རྒྱུན་རིང་ནས་བོད་ཀྱི་འཐབ་རྩོད་ཐོག་ལ་ཁ་ཞེ་གཉིས་མེད་ཀྱིས་རྒྱབ་སྐྱོར་གནང་མཁན་གྱི་གྲོགས་པོ་བརྟན་པོ་དང་། ཁོང་སྐུ་འཚོ་བཞུགས་སྐབས་སུ་གོ་སྐབས་དང་དུས་ཚོད་ནམ་བྱུང་ལ་བོད་ཀྱི་གནད་དོན་གཙོ་བོར་གྱུར་པའི་བོད་དོན་ལྟར་དཀའ་ངལ་འཕྲད་བཞིན་པའི་མི་སེར་རྣམས་ལ་རྒྱབ་སྐྱོར་གནང་མཁན་ཞིག་ཡིན་པ་བཀའ་བསྩལ་འདུགམགོན་པོ་༸གང་ཉིད་མཆོག་གིས་སྐུ་ཞབས་ཇོར་ཇི་ཕར་ནན་ཌི་སི་མཆོག་ནི་རྒྱུན་དུ་རང་ཉིད་ཀྱི་ཕྱག་ལས་ནན་ཏན་ཐོག་ཕྱི་ནང་གི་བགེགས་རྐྱེན་ཡོངས་ལ་གདོང་ལེན་གནང་སྟེ་མི་སེར་དགོས་མཁོ་ཅན་རྣམས་ལ་རོགས་རམ་གང་ཐུབ་གནང་མཁན་ཞིག་ཡིན་པ་དང་། དམ་པ་ཁོང་ཆབ་སྲིད་ཀྱི་ཕྱག་ལས་ནས་དགོངས་ཞུ་གནང་རྗེས་སྔ་རྫེས་སུ་༸གང་ཉིད་མཆོག་དང་མཇལ་འཕྲད་ཡང་ཡང་བྱུང་ཡོད་པ་སོགས་དྲན་གསོ་དང་སྦྲགས། མགོན་པོ་༸གང་ཉིད་མཆོག་དང་སྐུ་ཞབས་ཇོར་ཇི་ཕར་ནན་ཌི་སི་མཆོག་ཆོས་ལུགས་ཀྱི་ཆ་ནས་ཐ་དད་ཡིན་ཀྱང་། མགོན་པོ་༸གང་ཉིད་མཆོག་ནང་པ་ཞིག་ཡིན་པའི་ཆ་ནས་དམ་པ་ཁོང་སྐྱེ་བ་མྱུར་དུ་བཞེས་ཏེ་སླར་ཡང་རང་རྒྱལ་ཁབ་དང་ལྷག་པར་དུ་ཆེས་དམིགས་བསལ་གྱི་ཞབས་ཞུ་གནང་དགོས་པ་དག་ལ་སྤྱི་སྨན་གྱི་ཞབས་འདེབས་ཞུ་ཐུབ་པའི་གདེང་སྤོབས་ཡོད་ཅེས་བཀའ་བསྩལ་འདུག གཞི་རྩའི་སྐུ་ཞབས་ George Fernandes དམ་པ་མཆོག་ནི་ཕྱི་ལོ་ ༡༩༣༠ ལོར་རྒྱ་གར་ལྷོ་ཕྱོགས་ Manglore གྲོང་ཁྱེར་དུ་སྐུ་འཁྲུངས་ཤིང་། སྐུ་འཚོ་བཞུགས་རིང་ལ་སྤྱི་ཚོགས་ཞབས་ཞུ་དང་རྒྱ་གར་གྱི་གྲོས་འཐུས་མི་སྐབས་ ༩ གནང་ཡོད་པ་མ་ཟད། རྒྱ་གར་གྱི་བཟོ་ལས་བློན་ཆེན། མེ་འཁོར་འགྲིམ་འགྲུལ་བློན་ཆེན། དེ་བཞིན་ཕྱི་ལོ་ ༡༩༩༩ ལོར་རྒྱ་གར་དང་ Pakistan དབར་བྱུང་བའི་ Kargil དམག་གི་སྐབས་སུའང་རྒྱ་གར་བདེ་སྲུང་བློན་ཆེན་སོགས་ཀྱི་ཐུགས་འགན་བཞེས་མྱོང་ཡོད་པ་རེད། ཁོང་བདེ་སྲུང་བློན་ཆེན་གནང་བའི་སྐབས་སུ་ཁོང་ནས་རྒྱ་གར་གྱི་དགྲ་བོ་ཨང་དང་པོ་ནི་རྒྱ་ནག་རེད་ཅེས་གསུངས་ཡོད་པ་དང་། དེ་ནི་རྒྱ་གར་གཞུང་གི་བློན་ཆེན་ཞལ་ནས་གསུངས་པ་ཆེས་ཐོག་མ་ཆགས་ཀྱི་ཡོད་རེད། དམ་པ་ཁོང་ནི་༸གོང་ས་༸སྐྱབས་མགོན་ཆེན་པོ་མཆོག་དང་དམིགས་བསལ་གྱི་ཐུགས་ཉེ་པོ་ཡོད་མཁན་ཞིག་དང་། འདས་པའི་ལོ་ངོ་བཞི་ཙམ་གྱི་གོང་ནས་དམ་པ་ཁོང་སྙུང་གཞི་བཞེས་ཡོད་སྟབས་སྨན་བཅོས་ཀྱི་གནང་སྒོ་ཁག་གནང་བཞིན་པའི་སྐབས་སུ་༸གོང་ས་༸སྐྱབས་མགོན་ཆེན་པོ་མཆོག་ཁོང་གི་བཞུགས་གནས་སུ་ཆེད་ཕེབས་ཀྱིས་མཇལ་འཕྲད་དང་ཐུགས་སྨོན་སོགས་གནང་ཡོད་པ་མ་ཟད། དེ་སྔ་ཕྱི་ལོ་ ༢༠༡༥ ལོར་རྒྱལ་ས་ལྡི་ལིར་ཚོགས་པའི་ཨེ་ཤ་ཡའི་མང་གཙོ་གོང་འཕེལ་དང་འབྲེལ་བའི་ལྷན་ཚོགས་ཐོག་སྐུ་ཞབས་ George Fernandes དམ་པ་མཆོག་གི་མཛད་རྗེས་ལ་ཆེ་བསྟོད་གནང་ཡོད་པ་དང་། སྐབས་དེར་མགོན་པོ་༸གང་ཉིད་མཆོག་ནས་དམ་པ་ཁོང་དང་མཇལ་འཕྲད་ནམ་གནང་མཛད་ཀྱང་ ཁོང་གིས་བོད་ཀྱི་གནད་དོན་གླེང་སློང་གནང་གི་ཡོད་པ་དང་། རང་ཉིད་ཀྱི་ཡིད་ཆེས་ཡོད་པའི་ཕྱག་ལས་དེ་ལྷག་བསམ་རྣམ་དག་གི་ཐོག་ནས་གནང་མཁན་ཞིག་ཡིན་པ་སོགས་ཀྱི་ཆེ་བསྟོད་མཛད་ཡོད། དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ནས་ཀྱང་སྐུ་ཞབས་དམ་ George Fernandes མཆོག་དགོངས་པ་རྫོགས་པར་ཐུགས་གསོ་དང་སྦྲགས། དམ་པ་ཁོང་ནི་རྒྱ་གར་གཞུང་གི་སྲི་ཞུ་བའི་ཕྱག་ལས་གནང་སྐབས་དང་། ཕྱིས་སུ་བགྲེས་ཡོལ་གནང་རྗེས་བོད་དོན་ཐོག་རྒྱབ་སྐྱོར་དང་གླེང་སློང་ཤུགས་ཆེ་གནང་མཁན་ཞིག་ཆགས་ཡོད་པ་སོགས་འགྲེལ་གསུངས་པ་དང་ཆབས་ཅིག དམ་པ་ཁོང་འདས་གྲོངས་སུ་གྱུར་བ་དེ་ནི་བོད་མི་ཚོར་མཚོན་ན་བོད་ཀྱི་རླབས་ཆེན་གྱི་གྲོགས་པོ་ཞིག་མེད་པར་གྱུར་བ་རེད་ཅེས་གསུངས་འདུག

བོད་ནང་གི་འགྲོ་བ་མིའི་ཐོབ་ཐང་ཐོག་མུ་མཐུད་རྒྱབ་སྐྱོར་གནང་རྒྱུ་ཡིན།

ཁེ་ན་ཌའི་ཕྱི་སྲིད་བློན་ཆེན་མཆོག་གིས་བོད་ནང་གི་འགྲོ་བ་མིའི་ཐོབ་ཐང་གནས་སྟངས་ལ་སེམས་འཚབ་ཆེན་པོའི་ཐོག་ནས་མུ་མཐུད་རྒྱབ་སྐྱོར་གནང་རྒྱུ་ཡིན་ཞེས་གསུངས་འདུག ཁ་སང་ཁེ་ན་ཌའི་ཕྱི་སྲིད་བློན་ཆེན་ལྕམ་ Chrystia Freeland ལགས་ཀྱིས་བསྒྲགས་གཏམ་ཞིག་སྤེལ་ཏེ་རྒྱ་གཞུང་གིས་བོད་ནང་གི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་ཐོག་སེམས་འཚབ་ཀྱིས་བོད་དོན་ཐོག་མུ་མཐུད་རྒྱབ་སྐྱོར་གནང་རྒྱུ་ཡིན་པར་བསྐྱར་ནན་གནང་འདུག ཁེ་ན་ཌའི་བོད་དོན་རྒྱབ་སྐྱོར་ཚོགས་པ་ Canada Tibet Committee  དྲྭ་གནས་ཐོག་གནས་ཚུལ་བཀོད་པར་ཁེ་ན་ཌའི་ཕྱི་སྲིད་བློན་ཆེན་མཆོག་གིས་ཉེ་ཆར་བསྒྲགས་གཏམ་ཞིག་སྤེལ་བའི་བརྒྱུད་རྒྱ་གཞུང་གིས་བོད་ནང་གི་འགྲོ་བ་མིའི་ཐོབ་ཐང་ཐོག་མུ་མཐུད་རྡོག་རོལ་གཏོང་བཞིན་པའི་གནས་སྟངས་ལ་སེམས་འཚབ་ཡོད་པའི་རྣམ་པ་ཆེད་བཏོན་གནང་བ་དང་། བསྒྲགས་གཏམ་དེ་ཕྱི་སྲིད་བློན་ཆེན་མཆོག་གིས་གཙོ་བོ་ཡུལ་དེའི་གྲོས་ཚོགས་འཐུས་མི་དང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་གཞོན་པ་སྐུ་ཞབས་ Randall Garrison ལགས་དང་ཁོང་གི་འོག་ལ་སྦྱོང་བརྡར་བྱེད་མཁན་མཁའ་འགྲོ་ལགས་རྣམ་གཉིས་ཀྱིས་དེ་སྔོན་ཁེ་ན་ཌའི་གཞུང་ལ་ཡིག་ཐོག་ནས་བོད་ནང་གི་ཆབ་སྲིད་བཙོན་པའི་གནས་སྟངས་དང་རྒྱ་གཞུང་གིས་བོད་ནང་གི་འགྲོ་བ་མིའི་ཐོབ་ཐང་ཐོག་རྡོག་རོལ་གཏོང་བཞིན་པའི་གནས་སྟངས་ཐད་དྲི་བ་ཁག་ཅིག་ཕུལ་ཡོད་པར་ཡ་ལན་གྱི་ཚུལ་དུ་སྤེལ་བ་ཞིག་རེད། ཁེ་ན་ཌའི་ཕྱི་སྲིད་བློན་ཆེན་ལྕམ་ Chrystia Freeland ལགས་ཀྱིས་སྤེལ་བའི་བསྒྲགས་གཏམ་དེའི་ནང་ཁེ་ན་ཌ་གཞུང་ནས་རྒྱ་ནག་གི་འགོ་ཁྲིད་ཚོ་དང་ཐུག་འཕྲད་ཀྱི་གོ་སྐབས་ནམ་བྱུང་ལ་བོད་ནང་གི་ཆེས་ཞན་པའི་འགྲོ་བ་མིའི་ཐོབ་ཐང་གི་གནད་དོན་གླེང་གནང་གི་ཡོད་པ་དང་། ཁྱད་པར་དུ་ཡུལ་དེའི་སྲིད་འཛིན་སྐུ་ཞབས་ Justin Trudeau མཆོག་གིས་སྔ་ལོ་ ༢༠༡༨ ལོར་རྒྱ་ནག་གི་བློན་ཆེན་དང་ཐུག་འཕྲད་སྐབས་སུ་འགྲོ་བ་མིའི་ཐོབ་ཐང་དང་སྨྲ་བརྗོད་རང་དབང་། དེ་བཞིན་ཆོས་དད་རང་དབང་གི་གནད་དོན་སྐོར་ཞལ་གསང་པོའི་ཐོག་ནས་གླེང་གནང་ཡོད་པ་ལྟར། ལོ་དེར་ཨ་རིའི་ Washington དུ་ཚོགས་པའི་བློན་ཆེན་ལྷན་ཚོགས་དང་སུད་སི་ཇི་ནི་ཝར་བསྐོང་ཚོགས་གནང་བའི་རྒྱ་ནག་གི་དུས་བཀག་བསྐྱར་ཞིབ་ལས་རིམ་བཅས་ཀྱི་ཐོག་སྲིད་འཛིན་ Trudeau མཆོག་གིས་དབུ་ཁྲིད་པའི་ཁེ་ན་ཌ་གཞུང་གི་ངོས་ནས་བོད་ནང་གི་ཛ་དྲག་གནས་སྟངས་ཐོག་སེམས་འཚབ་ཡོད་པའི་རྣམ་པ་ཆེད་བཏོན་གྱིས་བོད་མིར་གཞི་རྩའི་འགྲོ་བ་མིའི་ཐོབ་ཐང་རྣམས་ལོངས་སུ་སྤྱོད་བཅུག་དགོས་པར་རེ་འདུན་གནང་མུས་ཡིན་སྐོར་གསུངས་འདུག རྒྱ་གཞུང་ལ་རྒྱལ་སྤྱིའི་ཁྲིམས་ལུགས་ལ་བརྩི་སྲུང་གིས་འགྲོ་བ་མིའི་ཐོབ་ཐང་ཐད་ཡར་རྒྱས་གཏོང་དགོས་པའི་འབོད་སྐུལ་བསྐྱར་ནན་ཞུ་རྒྱུ་ཡིན་པ་གསུངས་འདུག དེ་བཞིན་གནད་དོན་དེའི་ཐོག་ཁེ་ན་ཌ་བོད་དོན་རྒྱབ་སྐྱོར་ཚོགས་པའི་འཛིན་སྐྱོང་འགན་འཛིན་ཤེས་རབ་མཐར་ཕྱིན་ལགས་ཀྱིས་ཁེ་ན་ཌ་གཞུང་ནས་ད་བར་བོད་དོན་ལ་ཁ་ཞེ་གཉིས་ཀྱིས་རྒྱབ་སྐྱོར་དང་སེམས་འཚབ་གནང་བཞིན་པར་ཐུགས་རྗེ་ཆེ་ཞུས་པ་དང་འབྲེལ་སླད་མར་རྒྱབ་སྐྱོར་གནང་རོགས་ཞེས་འབོད་སྐུལ་གནང་འདུག

Latest news