Monthly Archives: February, 2019

སོག་པོའི་དད་ལྡན་ཆོས་ཞུ་བ་ཚོས་ཇི་ལྟར་གསོལ་འདེབས་ཞུས་དོན་ལྟར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཟླ་ ༢ ཚེས་ ༢༨ ཉིན་གྱི་སྔ་དྲོ་ཚོུད་ ༩ ཐོག་བཞུགས་སྒར་༸རྒྱལ་བའི་ཕོ་བྲང་དུ་སོག་པོའི་དད་ལྡན་ཆོས་ཞུ་བ་ཁག་གཅིག་དང་དེ་བཞིན་སོག་ཡུལ་དུ་ཡོད་པའི་དད་ལྡན་མང་ཚོགས་སྟོང་ཕྲག་བརྒལ་བར་དྲྭ་རྒྱ་བརྒྱུད་ནས་༸རྗེ་ཙོང་ཁ་པ་ཆེན་པོས་མཛད་པའི་རྟེན་འབྲེལ་བསྟོད་པ་དང་ལམ་རིམ་ཉམས་མགུར་གྱི་བཀའ་ཆོས་དབུ་འཛུགས་བསྐྱངས་པ་དང་འབྲེལ། དཔལ་ནཱ་ལེནྡཱའི་ཆོས་བརྒྱུད་དར་སྤེལ་ཐོག་བོད་མི་ཙམ་མ་ཟད་སོག་པོའི་མང་ཚོགས་ནས་ཞབས་འདེགས་ཆེན་པོ་ཞུས་ཡོད་པ་བཀའ་བསྩལ་སོང་།བཀའ་ཆོས་ཀྱི་ཐོག་མར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འགྲོ་མགོན་ཆོས་རྒྱལ་འཕགས་པ་དང་སོག་པོའི་ཇིང་གིར་རྒྱལ་པོ་དབར་བླ་སློབ་ཀྱི་འབྲེལ་བ་བཙུགས་པ་ནས་བཟུང་སངས་རྒྱས་ཀྱི་བསྟན་པ་སོག་ཡུལ་དུ་དར་ཁྱབ་བྱུང་ཡོད་པ་དང་། ཁྱད་པར་དུ་ཐམས་ཅད་མཁྱེན་པ་༸རྒྱལ་བ་བསོད་ནམས་རྒྱ་མཚོའི་༸སྐུ་དུས་ནས་སོག་ཡུལ་དུ་སངས་རྒྱས་ཀྱི་བསྟན་པ་སྤྱི་དང་སྒོས་འཇམ་མགོན་བླ་མའི་བསྟན་པ་རྒྱ་ཁྱབ་བྱུང་ཡོད་སྐོར་བཀའ་བསྩལ་བ་དང་འབྲེལ། བོད་སོག་གཉིས་དབར་ཐོུང་མ་ཡིན་པའི་དམིགས་བསལ་གྱི་འབྲེལ་བ་ཡོད་པ་ངོ་སྤྲོད་མཛད་ཡོད།༸གོང་ས་མཆོག་གིས་ད་དུང་སོག་ཡུལ་ནང་ཕྱིས་སུ་ཆབ་སྲིད་ཀྱི་དཀའ་ངལ་ཆེན་པོ་འཕྲད་པ་དེ་ལྟར་ཡང་སོག་པོའི་མང་ཚོགས་ཚོ་སངས་རྒྱས་པའི་ཆོས་ལ་བཅོས་མ་མ་ཡིན་པའི་ཆོས་དད་ཧ་ཅང་ཆེན་པོ་ཡོད་པ་ལྟར། རང་གི་སྲོག་ཀྱང་དོར་ནས་སངས་རྒྱས་ཀྱི་བསྟན་པ་རྒྱུན་འཛིན་གནང་ཡོད་སྐོར་བཀའ་བསྩལ་དང་འབྲེལ། སོག་ཡུལ་ལ་རང་དབང་བྱུང་རྗེས་ཕྱི་ལོ་ ༡༩༧༠ དོན་གྲངས་ནང་༸གོང་ས་མཆོག་ཡུལ་དེར་ཆིབས་བསྒྱུར་མཛད་སྐབས་༸གང་ཉིད་མཆོག་ཐུགས་སྐྱོ་སྣང་ཆེན་པོ་བྱུང་བའི་དུས་ཚིགས་བསྐྱར་དྲན་མཛད་ཡོད།༸གོང་ས་མཆོག་གིས་ད་ཆ་མགོན་པོ་༸གང་ཉིད་མཆོག་གི་༸སྐུ་དུས་སུའང་བོད་སོག་དབར་བླ་སློབ་ཀྱི་འབྲེལ་བ་གཙོས་པའི་བྱེས་སུ་ཡོད་པའི་བོད་ཀྱི་དགོན་སྡེ་ཁག་ཏུ་སོག་པའི་རབ་བྱུང་བ་བརྒྱ་ཕྲག་མང་པོས་བོད་བརྒྱུད་ནང་བསྟན་ལ་བསླབ་པ་སློབ་གཉེར་གནང་བཞིན་ཡོད་སྐོར་བཀའ་བསྩལ་བ་དང་སྦྲགས། སྤྱིར་ཚན་རིག་དང་མཉམ་དུ་འགྲོ་ཐུབ་མཁན་ཆོས་གཅིག་པོ་དེ་དཔལ་ནཱ་ལེནྡཱའི་ཆོས་བརྒྱུད་ཆགས་ཡོད་པ་དང། འདི་ལྟ་བུའི་ཆོས་བརྒྱུད་འདི་དར་སྤེལ་ཡོང་བར་བོད་སོག་གཉིས་ཀྱིས་ཞབས་འདེགས་ཆེན་པོ་བསྒྲུབས་ཡོད་པ་བཀའ་བསྩལ་ཡོད།༸གོང་ས་མཆོག་གིས་ལྷག་དོན་སོག་རིགས་ཚོས་དཔལ་ནཱ་ལེནྡཱ་ནས་བརྒྱུད་པའི་གཞུང་ཆེན་རྣམས་ལ་སློབ་གཉེར་གནང་དགོས་པ་མ་ཟད། ལྷག་དོན་དབུ་མ་དང་ཕར་ཕྱིན། དེ་བཞིན་ཚད་མ་རིག་པའི་རྣམ་གཞག་ཐོག་ལ་སློབ་གཉེར་གནང་དགོས་གལ་ཡིན་པའི་ལམ་སྟོན་དང་འབྲེལ། སོག་ཡུལ་གྱི་དད་ལྡན་པ་རྣམས་ལ་དེ་རིང་ཉིན་དང་པོའི་ཆོས་འབྲེལ་དུ་༸རྗེ་ཙོང་ཁ་པ་ཆེན་པོས་མཛད་པའི་རྟེན་འབྲེལ་བསྟོད་པའི་ཆོས་འབྲེལ་དངོས་གཞི་བསྐྱངས་ཡོད་པ་རེད།རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་བསྩལ་བའི་ཆོས་འབྲེལ་འདི་སོག་རིགས་ཚོར་གནང་བའི་བཀའ་ཆོས་ཐེངས་བདུན་པ་དེ་ཆགས་ཀྱི་ཡོད་པ་དང་། ཆོས་འབྲེལ་འདིའི་ཐོག་བཞུགས་སྒར་རང་དུ་སོག་རིགས་ཁྱོན་ ༡༦༠ ལྷག་ཆེད་བཅར་ཞུས་ཡོད་པ་མ་ཟད་སོག་ཡུལ་རང་ནས་དད་ལྡན་ཆོས་ཞུ་བ་མང་ཚོགས་ ༤༠༠༠ ལྷག་ལྷན་འཛོམས་ཀྱིས་དྲྭ་རྒྱ་བརྒྱུད་ནས་བཀའ་ཆོས་ཞུས་ཡོད་པ་རེད།དེ་རིང་༸གོང་ས་མཆོག་གི་བཀའ་ཆོས་བསྩལ་གྲུབ་མཚམས་སུ་སོག་ཡུལ་ནས་མགོན་པོ་༸གང་ཉིད་མཆོག་དགུང་གྲངས་ ༡༡༣ བར་བཞུགས་རྒྱུའི་ཆེད་སློབ་ཕྲུག་ ༡༡༣ གྱིས་ཞབས་རིམ་གསོལ་འདེབས་ཀྱི་བསྟོད་དབྱངས་ཕུལ་ཡོད་པ་རེད།

དེ་རིང་བཞུགས་སྒར་གངས་ཅན་སྐྱིད་ཤོངས་སུ་ཆགས་པའི་བོད་མིའི་སྒྲིགས་འཛུགས་ཀྱི་ཚོགས་ཁང་གསར་པའི་ནང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱིས་གོ་སྒྲིག་འོག་ཕ་མའི་ཚོགས་ཆེན་ཐེངས་གཉིས་པ་དབུ་འཛུགས་གནང་སོང། ཚོགས་ཆེན་དབུ་འབྱེད་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ཤེས་རིག་བཀའ་བློན་པདྨ་དབྱངས་ཅན་མཆོག།དེ་བཞིན་ཤེས་རིག་དྲུང་ཆེ་དང་འབྲེལ་ཡོད་ལས་བྱེད། འགན་འཛིན་རྣམ་པ། ཕྱོགས་མཐའ་ཁག་ནས་ཕེབས་པའི་སློབ་གྲྭ་སོ་སོའི་ཕ་མའི་ཚོགས་ཆུང་གི་སྐུ་ཚབ་ ༡༣༠ ལྷག་ནས་མཉམ་ཞུགས་གནང་འདུགསྐབས་དེར་ཤེས་རིག་བཀའ་བློན་པདྨ་དབྱངས་ཅན་མཆོག་གིས་དེ་སྔ་ཕྱི་ལོ་ ༢༠༡༥ ལོར་ཕ་མའི་ཚོགས་ཆུང་གི་ཚོགས་ཆེན་ཚོགས་པོའི་དགོས་དམིགས་ངོ་སྤྲོད་དང་འབྲེལ། ད་རེས་ཚོགས་ཆེན་གཉིས་པའི་སྐབས་དེ་སྔ་རྩ་འཛིན་ཡིག་ཆ་གཏན་འབེབས་གནང་བའི་ཐོག་བསྒྱུར་བཅོས་དང་བསྐྱར་བཅོས་ཇི་དགོས། དེ་བཞིན་ཕ་མའི་ཚོགས་ཆུང་མེད་པའི་ས་ཁུལ་དུ་ཚོགས་ཆུང་གསར་འཛུགས་ཐུབ་རྒྱུ་བཅས་ཀྱི་ཐོག་གོ་བསྡུར་སྦྱང་བཤད་གནང་རྒྱུ་ཡིན་པ་གསུངས་སོང་བ་དང་། ཕ་མའི་ངོས་ནས་སློབ་ཕྲུག་གི་ཤེས་ཡོན་སྤུས་ཚད་ཡར་རྒྱས་གཏོང་ཆེད་མཉམ་ཞུགས་གནང་རྒྱུ་གལ་ཆེན་པོ་ཡིན་པ་དང་། སྒོས་སུ་ཕ་མ་ཚོས་ཤེས་ཡོན་སྲིད་བྱུས་གོ་རྟོགས་ཀྱི་ལས་གཞི་ཐད་ཐུགས་སྣང་དང། གོ་བསྡུར་སྦྱང་བཤད་གནང་དགོས་པ་དང་འབྲེལ་ཤེས་ཡོན་སྲིད་བྱུས་ཀྱི་དགོས་དམིགས་བཞི་ངོ་སྤྲོད་གནང་ཡོད། ཕ་མ་ནི་བོད་ཕྲུག་ཚོར་བྱམས་བརྩེའི་ས་བོན་སྐྲུན་མཁན་ཞིག་ཡིན་པ་དང་བྱམས་བརྩེའི་སྒོ་ནས་ཕྲུ་གུ་གསོ་སྐྱོང་དང། བྱམས་བརྩེའི་ལམ་སྟོན་མ་ནོར་བ་གནང་དགོས་པའི་ལམ་སྟོན་གནང་ཡོད་པ་རེད།སྐུ་མགྲོན་གཙོ་བོ་སྲིད་སྐྱོང་མཆོག་གིས་ཁ་སང་ཤེས་རིག་ལས་ཁུངས་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་རྒྱུའི་སྐལ་བཟང་གི་གོ་སྐབས་ཐོབ་པ་དང་བསྟུན། ང་ཚོས་ཆོས་ལུགས་ལ་མ་བརྟེན་པའི་བཟང་སྤྱོད་དང། ཤེས་ཡོན་སྲིད་བྱུས། དེ་བཞིན་སློབ་ཕྲུག་ཚོའི་ཤེས་ཡོན་གྱི་གནས་ཚད་ཡར་རྒྱས་གོང་མཐོར་གཏང་བར་དམ་བཅའ་ཁས་ལེན་ཞུས་པ་བཞིན་དེ་དོན་དོན་འབྲས་སོན་དགོས་པའི་ཞུ་སྐུལ་དང་འབྲེལ། སློབ་གྲྭའི་ཤེས་ཡོན་ཡར་རྒྱས་སླད་བོད་མིའི་སྒྲིག་འཛུགས་ཀྱི་ལམ་སྟོན་དང་མཐུན་རྐྱེན། སློབ་གྲྭའི་འཛིན་སྐྱོང་། དགེ་རྒན། སློབ་ཕྲུག དེ་བཞིན་ཕ་མ་བཅས་ལ་རག་ལས་པས་དེ་དག་ལྔ་ལག་པའི་མཛུབ་མོ་ལྔ་ལྟར་ཡིན་པ་སོགས་དཔེ་མཚོན་གྱི་ཐོག་ནས་གལ་གནད་སྐོར་ངོ་སྤྲོད་གནང་སོང་བ་དང་ཆབས་ཅིག འགྲོ་འགྲོན་གྱི་ཆ་ནས་ཀྱང་བོད་མིའི་སྒྲིགས་འཛུགས་ཀྱིས་ཕྱི་ལོ་ ༢༠༡༡༌༡༢ ལོའི་སྔོན་རྩིས་སྐབས་བོད་ཕྲུག་ཚོའི་ཤེས་ཡོན་གྱི་ལས་དོན་ཆེད་འགྲོ་སོང་ཧིན་སྒོར་ས་ཡ་ ༡༠༧ བཏང་ཡོད་ཀྱང་ཕྱི་ལོ་ ༢༠༡༨༌༡༩ ལོའི་སྔོན་རྩིས་དེ་ཧིན་སྒོར་ས་ཡ་ ༣༠༥ ལ་འཕར་ཡོད་པ་གསུངས་ཡོད།གཞི་རྩའི་ཤེས་རིག་དྲུང་ཆེ་ཀརྨ་སེང་གེ་ལགས་ནས་ཕ་མའི་ཚོགས་ཆེན་དང་པོའི་སྐབས་གྲོས་གཞི་ལག་བསྟར་བྱུང་བ་ཁག་དང་། ཕ་མའི་ཚོགས་ཆུང་བསྐོ་གཞག་གནང་བའི་ཐོག་སློབ་གྲྭ་མང་པོ་ཞིག་གི་ནང་ཚོགས་ཆུང་ཚགས་ཚུད་ཡོང་བ་དང། དབུས་བོད་སློབ་འཛིན་ཚོགས་རྩིས་བཞེས་པའི་ཐོག་ད་ཆ་ཚགས་ཚུད་འགྲོ་བཞིན་པ། དགེ་རྒན་རྒྱུན་གནས་ཐུབ་པར་ཟབ་སྦྱོང་གནང་བ་དང་མཐུན་རྐྱེན་གནང་ཆོག་པ་སོགས་སྙན་སྒྲོན་གནང་ཡོད། ཉིན་གཉིས་ཀྱི་ཚོགས་ཆེན་ཐོག་ཕ་མ་ཚོའི་ངོས་ནས་ཚོགས་ཆུང་སོ་སོར་ཆ་བགོས་ཀྱིས་རང་ཉིད་ཀྱི་བུ་ཕྲུག་གི་ཤེས་ཡོན་ཡར་རྒྱས་དང་སློབ་གྲྭ་ཡར་རྒྱས་གཏོང་ཕྱོགས་ཐད་འགན་ཁུར་གནང་ཕྱོགས་དང། གཏན་ཉིན་སློབ་གྲྭ་ཁག་གི་ནང་དགེ་རྒན་ཕ་མའི་ཚོགས་ཆུང་གི་རྩ་འཛིན་ལམ་སྟོན་ལག་བསྟར་ཚགས་ཚུད་གཏོང་ཕྱོགས་སྐོར་བཅས་གྲོས་གཞི་གཙོ་བོ་གཉིས་ཀྱི་ཐོག་བཀའ་བསྡུར་གནང་རྒྱུ་ཡིན་པ་རེད།

ཉན་པ།: Listen ཕབ་ལེན། Download ༸གོང་ས་མཆོག་གིས་དྲ་རྒྱ་བརྒྱུད་ནས་སོག་ཡུལ་གྱི་མང་ཚོགས་ལ་ཆོས་འབྲེལ་བསྩལ་བ། བཞུགས་སྒར་དུ་ཕ་མའི་ཚོགས་ཆེན་ཐེངས་གཉིས་པ་དབུ་འཛུགས་གནང་སོང་། སྨོན་ལམ་བརྡ་འཕྲིན་ཞིབ་འཇུག་ཁང་གི་ཆོས་ལུགས་དང་འབྲེལ་བའི་ཐ་སྙད་ཐད་ཀྱི་ཚོགས་འདུ། གཞས་མ་ལེ་ཌི་གྷ་གྷའི་ཞལ་རས་རྒྱ་ནག་གི་བརྙན་འཕྲིན་དུ་མི་མཐོང་བ་བཟོས་འདུག Thursday 28/02/2019 Dalai Lama begins 2 day teaching to Mongolian devotees via webcast DOE hosts 2nd Parents Conference of Tibetan Schools Scholars from major Tibetan Buddhist schools discuss Buddhist་ terminology Chinese broadcaster slammed for blurring Lady Gaga's face

རྒྱལ་སྤྱིའི་མང་ཚོགས་ས་ཡ་མང་པོས་དགའ་མོས་ཞུ་ཡུལ་ཨ་རིའི་གཞས་མ་གྲགས་ཅན Lady Gaga ལགས་ཀྱིས་དེ་སྔ་ཕྱི་ལོ་ ༢༠༡༦ ལོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུས་ནས་བཀའ་འདྲི་ཞུ་རྒྱུའི་མཛད་རིམ་ཞིག་གནང་རྐྱེན་ཉེ་ཆར་རྒྱ་གཞུང་གིས་གཞས་མ་ Lady Gaga ལགས་ཀྱིས་ཞལ་རས་ Oscar Award ཞེས་རྒྱལ་སྤྱིའི་ཐོག་གྲགས་ཆེ་བའི་བྱ་དགའ་འབུལ་བཞེས་ཀྱི་ལས་རིམ་སྐབས་ཆེད་དམིགས་ཀྱིས་མི་མངོན་པ་བཟོས་འདུགཟླ་ ༣ ཚེས་ ༢༥ ཉིན་ཨ་རིའི་ California མངའ་སྡེའི་གྲོང་ཁྱེར་ Los Angeles ནང་རྟེན་གཞི་བྱས་པའི་ Dolby འཁྲབ་སྟོན་ཁང་དུ་ Oscar Award ཞེས་པའི་གློག་བརྙན་དང་འབྲེལ་བའི་བྱ་དགའ་འབུལ་བཞེས་ཀྱི་མཛད་སྒོ་ཐེངས་ ༩༡ པ་ཚོགས་ཡོད་པ་ལྟར་སྐབས་དེར་གོ་སྒྲིག་ཚོགས་ཆུང་ནས་གཞས་མ་ Lady Gaga ལགས་བེུད་གླུ་མ་འཁྲབ་ཁྲིད་པ་ལེགས་ཤོས་ཀྱི་བྱ་དགའི་འོས་གཞིའི་ཁོངས་སུ་གསལ་བསྒྲགས་གནང་ཡོད་ཀྱང་། ལས་རིམ་དེ་ཕྱིས་སུ་རྒྱ་གཞུང་གི་ Mango བརྙན་འཕྲིན་ཐོག་རྒྱང་སྲིང་གནང་སྐབས་རྒྱ་གཞུང་གིས་ཆེད་དམིགས་ཀྱིས་གཞས་མ་ Gaga ལགས་ཀྱི་ཞལ་རས་མི་མངོན་པ་བཟོས་པ་མ་ཟད། Oscar རྒྱལ་སྤྱིའི་གློག་བརྙན་བྱ་དགའ་འབུལ་ཡུལ་གྱི་ལས་རིམ་ཐོག་དེ་བཞིན་ཨ་རིའི་གློག་བརྙན་འཁྲབ་སྟོན་པ་སྐུ་ཞབས་ Rami Malek ལགས་སུ་འཁྲབ་སྟོན་པ་ལེགས་ཤོས་ཀྱི་གཟེངས་རྟགས་ཐོབ་ཡོད་སྐབས་ཁོང་གིས་གློག་བརྙན་དེ་ནི་གཙོ་བོ་ཕྱི་མི་གཞིས་སྤོས་ཐོག་ཕེབས་པའི་མཚན་མཐུན་འཁྲིག་སྤྱོད་གནང་མཁན་སྐྱེས་པ་ཞིག་ནས་གྱོད་ཤག་མེད་པའི་ཐོག་ནས་རང་ཉིད་ཀྱི་མི་ཚེ་སྐྱེལ་ཐབས་གནང་སྐོར་ཡིན་པར་འགྲེལ་བརྗོད་གནང་ཡོད་པ་དེ་ལྟར་ཡང་། རྒྱ་གཞུང་གི་ Mango བརྙན་འཕྲིན་ནང་སྐུ་ཞབས་ Rami Malek ལགས་ནས་སྐབས་དེར་གསུང་བཤད་གནང་བའི་ནང་མཚན་མཐུན་འཁྲིག་སྤྱོད་གནང་མཁན་སྐྱེས་པ་ཞེས་པའི་ཚིག་དེར་བསྒྱུར་བཅོས་བཏང་ནས་དམིགས་བསལ་སྡེ་ཁག་ཞེས་བཀོལ་སྤྱོད་བྱས་ཡོད་པ་རེད། ཁྱད་པར་དུ་བྷི་བི་སི་བརྒྱུད་ལམ་གྱིས་རྒྱ་ནག་གི་ Mango བརྙན་འཕྲིན་ལས་ཁང་ནས་ཨ་རིའི་གློག་བརྙན་འཁྲབ་སྟོན་པ་དང་གཞས་པ་གྲགས་ཅན་རྣམ་གཉིས་ཐོག་བཏང་འཛིན་བྱ་རྒྱུའི་བྱ་སྤྱོད་དེའི་རྐྱེན་པས་ད་ཆ་རྒྱ་ནག་ནང་དར་ཁྱབ་ཆེ་བའི་སྤྱི་ཚོགས་ཀྱི་དྲྭ་གནས་ Weibo ཐོག་ཏུ་མང་ཚོགས་ནས་སྐྱོན་བརྗོད་ཤུགས་ཆེ་གནང་མཁན་མང་དག་ཅིག་བྱུང་འདུག གཞས་མ་ Lady Gaga ལྟ་བུར་མཚོན་ན་ཁོང་དེ་སྔོན་གླུ་མ་འཁྲབ་སྟོན་པ་ལེགས་ཤོས་ཀྱི་འོས་གཞིའི་ཁོངས་སུ་མིང་འདོན་གནང་ཡོད་ཀྱང་ཁོང་གིས་༸གོང་ས་༸སྐྱབས་མགོན་ཆེན་པོ་མཆོག་དང་ལྷན་དུ་བྱམས་བརྩེ་དང་ན་གཞོན་གྱི་དཀའ་རྙོག་སྐོར་ལ་བཀའ་འདྲི་སོགས་གནང་སྟབས་རྒྱ་ནག་གཞུང་ནས་གཞས་མ་ཁོང་རྒྱ་ནག་ནང་འཁྲབ་སྟོན་གནང་རྒྱུར་བཀག་སྡོམ་བྱས་པ་མ་ཟད། ཁོ་མོའི་གླུ་གཞས་ཀྱི་འཁོར་ཐག་རྣམས་རྒྱ་ནག་ནང་ཚོང་འགྲེམས་གནང་རྒྱུ་དང་དྲྭ་ཐོག་ཏུ་ཡོད་པའི་ཁོང་གི་གླུ་གཞས་རྣམས་བཀག་སྡོམ་བྱས་ཡོད་པ་རེད།

དེ་རིང་སྔ་དྲོ་ཚོུད་ ༡༠ ཐོག་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་དུ་སྨོན་ལམ་བརྡ་འཕྲིན་ཞིབ་འཇུག་ཁང་གིས་གོ་སྒྲིག་གི་འོག་ནང་བསྟན་ཆོས་ལུགས་དང་འབྲེལ་བའི་ཐ་སྙད་རྩོམ་སྒྲིག་གནང་ཕྱོགས་ཀྱི་ཆོས་བརྒྱུད་ཁག་གི་རྩོམ་སྒྲིག་མི་སྣའི་ཉིན་གཉིས་ཀྱི་ཚོགས་འདུ་ཐེངས་བདུན་པ་དབུ་འཛུགས་གནང་སོང་།སྐབས་དེར་ཚོགས་འདུའི་སྐུ་མགྲོན་གཙོ་བོ་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་དབུ་བཞུགས་ཐོག་བོད་ཀྱི་ཆོས་བརྒྱུད་ཆེན་པོ་བཞི་དང་གཡང་དྲུང་བོན། དེ་བཞིན་རྒྱལ་བ་ཇོ་ནང་པ་སོགས་ཀྱི་འཐུས་ཚབ་ཀྱི་ཐ་སྙད་རྩོམ་སྒྲིག་པ་མི་གྲངས་སུམ་བཅུ་ལྷག་འདུ་འཛོམས་བྱུང་འདུག དགེ་བཤེས་སྨོན་ལམ་ལགས་ཀྱིས་ལས་རིམ་ངོ་སྤྲོད་དང་སྦྲགས་ནས་སྨོན་ལམ་བརྡ་འཕྲིན་ཞིབ་འཇུག་ཁང་གིས་ལོ་དགུའི་ལས་འཆར་གྲ་སྒྲིག་བྱས་ཡོད་པ་ལྟར། ད་ཆ་ལོ་དྲུག་གི་རིང་ཚིག་མཛོད་ཐོན་རིམ་གཉིས་ལྷག་ཕྱོགས་སྒྲིག་གིས་སྤྱི་ཚོགས་ཐོག་ཐ་སྙད་གྲངས་འབུམ་གཉིས་ཙམ་གཏན་འབེབས་ཀྱིས་བཀྲམ་ཡོད་པ་མ་ཟད་ད་ལྟའི་ཆར་བོད་ནང་གཅིག་པུར་ཚིག་མཛོད་བེད་སྤྱོད་གཏོང་མཁན་ས་ཡ་བཞི་ཙམ་ཡོད་པ་སོགས་གསུངས་ཡོད།  སྐུ་མགྲོན་གཙོ་བོ་དགེ་བཤེས་ལྷག་རྡོར་ལགས་ཀྱིས་གཞུང་ལུགས་ཡོད་ཚད་ཀྱི་རྩ་བ་ཐ་སྙད་རིག་གནས་ཆགས་ཡོད་སྟབས་སྨོན་ལམ་ཚིག་བརྡ་འཕྲིན་ཞིབ་འཇུག་ཁང་གི་ལས་གཞི་དེ་རླབས་ཆེན་གྱི་བྱ་བཞག་ཅིག་ཡིན་པར་བསྔགས་བརྗོད་གནང་དང་འབྲེལ། ཐ་སྙད་ཕྱོགས་སྒྲིག་གི་སྐབས་ཚིག་གཅིག་ཡིན་ཡང་གཟབ་གཟབ་གནང་དགོས་གལ་ཡིན་པ་གསུངས་ཡོད། གསར་འགོད་པས་དགེ་བཤེས་སྨོན་ལམ་ལགས་སུ་བཙན་བྱོལ་དུ་མི་ལོ་དྲུག་ཅུའི་རིང་བརྡ་འཕྲིན་གྱི་ཚིག་མཛོད་ཅིག་ཕྱོགས་སྒྲིག་གནང་མ་ཐུབ་པའི་རྒྱུ་རྐྱེན་གང་ལ་ཐུག་ཡོད་སྐོར་བཀའ་འདྲི་ཞུས་པར་ཁོང་གིས་བོད་པའི་སྤྱི་ཚོགས་ཀྱི་ནང་མཉམ་འབྲེལ་གྱི་ནུས་པ་དང་ལས་གཞི་རྩ་འཛུགས་ཀྱི་བློ་ཁོག་མེད་རྐྱེན་སོགས་གསུངས་སོང་།སྨོན་ལམ་བརྡ་འཕྲིན་ཞིབ་འཇུག་ཁང་གི་སྤྱི་ཁྱབ་རྩོམ་སྒྲིག་པ་མཁན་པོ་འཇུ་བསྟན་སྐྱོང་ལགས་ཀྱིས་ཐ་སྙད་ཕྱོགས་སྒྲིག་དང་འབྲེལ་ནས་བོད་ཀྱི་ཚིག་མཛོད་རིག་པའི་སྐོར་པ་གསུངས་ནས་བོད་ཀྱི་སྐད་བརྡ་རིག་པ་དང་ཚིག་མཛོད་རིག་པ་དེ་རྒྱལ་སྤྱིའི་ཚིག་མཛོད་རིག་པ་དང་ཕྱོགས་མཐུན་པ་ཞིག་དགོས་གལ་ ཡིན་སྐོར་གསུངས་ཡོད།

ཉན་པ།: Listen ཕབ་ལེན། Download ༸གོང་ས་མཆོག་གིས་༸གང་ཉིད་སྐུ་ལྷོད་ལྷོད་བཞུགས་དགོས་གལ་ཡིན་པར་བཀའ་བསྩལ་བ། Richmond གྲོང་སྡེ་ལྷན་ཚོགས་ནས་གསུམ་བཅུའི་དུས་དྲན་སྲུང་བརྩིའི་སླད་བསྒྲགས་གཏམ་སྤེལ་འདུག མེ་སྐྱོན་དོན་རྐྱེན་ཁྲོད་ང་མི་སྒེར་ལ་ཧིན་སྒོར་འབུམ་བརྒྱད་ཅུའི་གྱོང་གུན་ཐེབས་པ་གསུངས་འདུག ༢༠༡༩ དང་ ༢༠ ལོའི་བོད་མིའི་སྒྲིག་འཛུགས་ཀྱི་སྔོན་རྩིས་ཚོད་དཔག་ཚོགས་ཆུང་གི་ལས་དོན་དབུ་འཛུགས། Wednesday 27/02/2019 I need to take more rest: Dalai Lama at ‘Tenshug’ ceremony today Richmond issues Proclamation recognizing Tibetan Uprising Day Tibetan shopkeeper laments Rs. 80 Lakh loss in Arunachal protests Tibetan Parliamentary Committee meets to review CTA Budget 2019-20

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གཞིས་བྱེས་རྒྱལ་རོང་ཐུན་མོང་དང་བོད་མིའི་སྒྲིག་འཛུགས་ཤེས་རིག་ལས་ཁུངས་དང་ཁྱབ་ཁོངས་སློབ་གྲྭ་ཁག རྒྱ་གར་རྒྱལ་ཡོངས་བོད་མིའི་ཚོང་པ་ཚོགས་པ། དེ་བཞིན་སྨན་པ་སྐལ་བཟང་དོན་ལྡན་ལགས་བཅས་ནས་ཇི་ལྟར་གསོལ་འདེབས་ཞུས་དོན་ལྟར། དེ་རིང་རེས་གཟའ་ལྷག་པ་༸སྐུའི་བླ་གཟའ་དང་སྟབས་བསྟུན་སྔ་དྲོ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་མགོན་པོ་༸གང་ཉིད་མཆོག་༸སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་རྒྱས་པ་ཞིག་བསྟར་འབུལ་ཞུས་ཡོད་པ་རེད།དེ་རིང་ཟླ་ ༢ ཚེས་ ༢༧  ཉིན་གྱི་སྔ་དྲོ་ཚོུད་ ༩ པ་མ་ཟིན་ཙམ་ལ་བོད་མིའི་སྒྲིག་འཛུགས་ཤེས་རིག་བཀའ་བློན་མཆོག་དང་བརྟན་བཞུགས་གོ་སྒྲིག་ཚོགས་ཆུང་ཁག་བཞིའི་སྣེ་ཁྲིད་པ་རྣམ་པས་སྤོས་སྣེ་སྔོན་བསུ་དང་། བོད་ཀྱི་ཟློས་གར་ཚོགས་པས་བཀྲ་ཤིས་ཀྱི་གླུ་དབྱངས་དང་བཅས་མགོན་པོ་༸གང་ཉིད་མཆོག་བཞུགས་སྒར་༸རྒྱལ་བའི་ཕོ་བྲང་གི་གཟིམ་ཆུང་ནས་ཐེག་ཆེན་ཆོས་གླིང་གཙུག་ལག་ཁང་གི་བཞུགས་ཁྲིར་༸ཞབས་སོར་འཁོད་མཚམས་བརྟན་བཞུགས་ཀྱི་རྡོ་རྗེ་སློབ་དཔོན་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་མཇལ་དར་ཕུལ་བ་དང་སྦྲགས་བརྟན་བཞུགས་ཀྱི་ཆོ་ག་ཁག་གསུང་འདོན་དང་རྟེན་འབྲེལ་གྱི་གསོལ་ཇ་འབྲས་སིལ་འདེགས་འབུལ་ཞུས་སོང་།སྐབས་དེར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་སྔ་མགོན་པོ་༸གང་ཉིད་མཆོག་ལ་དྭགས་སུ་ཆིབས་བསྒྱུར་མཛད་སྐབས་ལ་དྭགས་ཀྱི་མང་ཚོགས་ཚོར་༸གོང་ས་མཆོག་༸སྐུ་ལུས་ཤ་རུས་ལས་གྲུབ་པ་ཡིན་སྟབས་༸སྐུ་ཐང་ཆད་རྒྱུའི་མཛད་འཕྲིན་མང་དག་ཞིག་བསྐྱང་ཚེ་༸སྐུ་ཚེ་ཡུན་རིང་བཞུགས་རྒྱུར་འགོག་རྐྱེན་བཟོ་ངེས་ཡིན་པས་༸སྐུ་ལྷོད་ལྷོད་གནང་ནས་༸སྐུ་ཚེ་རིང་བ་བཞུགས་རྒྱུར་དགའ་བ་འདུག་གམ་བྲལ་འཚུབ་ཐོག་༸སྐུ་ཚེ་ཐུང་བ་བཞུགས་རྒྱུར་དགའ་བ་འདུག་ཞེས་བཀའ་བསྩལ་བ་ལུང་འདྲེན་དང་སྦྲགས། མགོན་པོ་༸གང་ཉིད་མཆོག་ད་ཆ་༸རྒྱལ་བ་སྐུ་འཕྲེང་རིམ་བྱོན་ནང་གི་༸སྐུ་ཚེ་རིང་ཤོས་བཞུགས་མཁན་༸རྒྱལ་བ་དགེ་འདུན་གྲུབ་པའི་དགུང་ལོའི་མཚམས་སུ་ཕེབས་ཡོད་སྟབས་མགོན་པོ་མཆོག་༸སྐུ་ལྷོད་ལྷོད་གནང་ནས་བཞུགས་དགོས་གལ་ཡིན་པར་བཀའ་བསྩལ་ཡོད།དེ་བཞིན་མགོན་པོ་༸གང་ཉིད་མཆོག་ནས་ཐེངས་འདིའི་བརྟན་བཞུགས་ཀྱི་ཆོ་ག་དང་བཅས་པ་ཡག་པོ་བྱུང་ཡོད་པ་མ་ཟད། གཙོ་བོ་ཕྱོགས་གཉིས་དབར་དད་པ་དང་དམ་ཚིག་གཡོ་བ་མེད་པ་ཡོད་པས་བླ་མའི་༸སྐུ་ཚེ་ཡུན་དུ་བརྟན་པར་འབྲེལ་བ་ཏན་ཏན་ཡོད་ཅེས་བཀའ་བསྩལ་ཡོད། མགོན་པོ་༸གང་ཉིད་མཆོག་ནས་བོད་མི་རིགས་ཀྱི་སེམས་ཤུགས་དང་སྙིང་སྟོབས། དེ་བཞིན་བོད་ཆོལ་གསུམ་ཆིག་སྒྲིག་ཐོག་གནས་ཐུབ་པ་ནི་གཙོ་བོ་སངས་རྒྱས་ཀྱི་ཆོས་དང་འབྲེལ་བའི་བོད་ཀྱི་ཐུན་མོང་མ་ཡིན་པའི་རིག་གཞུང་དང་སྐད་ཡིག་ལ་བརྟེན་ནས་བྱུང་བ་ཞིག་ཡིན་པ་མ་ཟད། ད་ཆ་རིག་གཞུང་དེ་དག་འཛམ་གླིང་སྤྱི་ལ་གང་ཙམ་ཕན་ཐོགས་ཞུ་བཞིན་ཡོད་པ་སོགས་བཀའ་བསྩལ་དང་འབྲེལ་ནས་བོད་མི་ཚོས་ད་བར་གཅེས་འཛིན་གནང་བའི་ཐུན་མོང་མ་ཡིན་པའི་དཔལ་ནཱ་ལེནྡཱའི་རིག་གནས་སྤྱི་དང་ལྷག་པར་དུ་བོད་ཀྱི་སྐད་ཡིག་ཁོ་ནའི་ཐོག་ཆ་ཚང་བ་ཡོད་པའི་སེམས་ཁམས་རིག་པའི་རྣམ་གཞག་དང་། ཚད་མའི་རྣམ་གཞག་དེ་དག་ལ་དོ་སྣང་ཡོད་པའི་ཡུལ་མི་ཚོར་སློབ་གཉེར་གནང་རྒྱུའི་གོ་སྐབས་སྐྲུན་རྒྱུ་དང་། ཁྱད་པར་དུ་རྒྱ་གར་བས་གཙོས་པའི་ཤར་ཕྱོགས་ནང་པའི་ཡུལ་གྲུ་དེ་དག་ནང་རིག་གནས་དེ་བསྐྱར་གསོ་ཡོང་ཐབས་གནང་དགོས་པར་ལམ་སྟོན་ཡང་མཛད་ཡོད།གཞན་ཡང་ད་རེས་བརྟན་བཞུགས་བསྟར་འབུལ་ཞུ་མཁན་ཁོངས་སུ་ཡོད་པ་བོད་མིའི་སྒྲིག་འཛུགས་ཤེས་རིག་ལས་ཁུངས་དང་ཁྱབ་ཁོངས་སློབ་གྲྭ་ཁགནས་བརྟན་ཞུགས་ཀྱི་གོ་སྐབས་དང་བསྟུན། ཤེས་རིག་ལས་ཁུངས་དང་ཁྱབ་ཁོངས་སློབ་གྲྭ་ཁག་གི་འགོ་ལས་ཡོངས་ནས་སློབ་མ་ཀུན་ལ་ཉེ་རིང་མེད་པར་མགོན་པོ་༸གང་ཉིད་མཆོག་གི་བཀའ་དགོངས་དང་མཐུན་པ་གདབ་ཤོག་གཉིས་ལྡན་གྱི་བོད་མི་ཤ་སྟག་གསོ་སྐྱོང་གནང་རྒྱུ་དང་། ཆོས་ལུགས་ལ་མ་བརྟེན་པའི་བཟང་སྤྱོད་ཐོག་སློབ་སྟོན་ཚགས་ཚུད་གནང་རྒྱུའི་ཁས་ལེན་དམ་བཅའ་ཞུས་ཡོད་པ་རེད།མགོན་པོ་༸གང་ཉིད་མཆོག་གིས་དེ་སྔ་སློབ་གྲྭ་ཁག་གི་ཆོས་དགེ་ཚོ་ལ་ལྟ་གྲུབ་དགེ་རྒན་ཞེས་མིང་བཏགས་དོན་བཞིན་སློབ་མ་ཚོར་སྨོན་ལམ་རྒྱག་རྒྱུ་ཙམ་མིན་པར་སངས་རྒྱས་ཀྱི་ལྟ་གྲུབ་དང་ཚད་མའི་སྐོར་སོགས་སློབ་ཁྲིད་གནང་རྒྱུར་ཆེད་དམིགས་གནང་བ་ཞིག་ཡིན་པར་བཀའ་ནན་བསྩལ་ཡོད།

ཨ་རི་ཁེལ་ཕོ་ནི་ཡའི་བྱང་ཕྱོགས་སུ་ཆགས་པའི་ Richmond གྲོང་སྡེ་ལྷན་ཚོགས་ནས་རིང་མིན་ཕྱི་ཟླ་ ༣ ཚེས་ ༡༠ ཉིན་བོད་མིའི་རང་དབང་སྒེར་ལངས་གནང་བའི་གསུམ་བཅུའི་དུས་དྲན་ཐེངས་ ༦༠ པ་དང་སྟབས་བསྟུན་བོད་དོན་ལ་རྒྱབ་སྐྱོར་གྱི་བསྒྲགས་གཏམ་ཞིག་སྤེལ་འདུགབསྒྲགས་གཏམ་དེ་ཁ་སང་ཕྱི་དྲོ་ Richmond གྲོང་ཁྱེར་གྱི་སྤྱི་ཁྱབ་པ་སྐུ་ཞབས་ Tom Butt ལགས་དང་གྲོང་སྡེ་ལྷན་ཚོགས་ཀྱི་ཚོགས་མི་སྐུ་ཞབས་ EDUARDO MARTINEZ ལགས་རྣམ་པ་གཙོས། ཁེལ་ཕོ་ནི་ཡ་བོད་རིགས་སྤྱི་མཐུན་ཚོགས་པའི་རྒྱུན་ལས་ཁག་གཅིག་བཅས་ལྷན་ཞུགས་གནང་ནས་སྤེལ་འདུག                                སྐབས་དེར་སྐུ་ཞབས་ MARTINEZ ལགས་ཀྱིས་བསྒྲགས་གཏམ་སྒྲོག་སྦྱང་གནང་བར་རྒྱ་གཞུང་གི་དྲག་པོའི་སྲིད་བྱུས་འོག་འགྲོ་བ་མིའི་ཐོབ་ཐང་གང་ཡང་མེད་པར་དཀའ་སྡུག་མྱོང་བཞིན་པའི་གཞིས་ལུས་བོད་མི་རྣམས་ལ་གདུང་སེམས་མཉམ་བསྐྱེད་ཡོད་པ་དང་། རྒྱ་གཞུང་གིས་ Richmond དང་California མི་སེར་ཡིན་པའི་བོད་མི་རྣམས་བོད་ནང་བསྐྱོད་རྒྱུར་མུ་མཐུད་བཀག་སྡོམ་བྱེད་བཞིན་པར་སྐྱོན་བརྗོད་ཡོད་པ་མ་ཟད། དེ་བཞིན་ཨ་རིའི་གཞུང་གིས་བོད་ནང་རང་དབང་འདྲ་མཉམ་ཐོག་འགྲུལ་བཞུད་ཆོག་པའི་གྲོད་ཆོད་གཏན་འབེབས་གནང་བ་དེ་འཕྲད་མར་ལག་བསྟར་དོན་འཁྱོལ་ཡོང་བའི་འབོད་སྐུལ་ཞུས་ནས་བོད་མིའི་འཚེ་མེད་ཞི་བའི་འཐབ་རྩོད་ལ་མུ་མཐུད་རྒྱབ་སྐྱོར་གནང་ངེས་ཡིན་པའི་རྣམ་པ་ཆེད་བཏོན་གནང་ཡོད་པ་རེད། ལྷག་དོན་ཐེངས་འདིའི་བསྒྲགས་གཏམ་བརྒྱུད་ཕྱི་ཟླ་ ༣ ཚེས་ ༨ ཉིན་ Richmond གྲོང་སྡེ་ལྷན་ཚོགས་ཀྱི་མདུན་ཐང་དུ་བོད་ཀྱི་རྒྱལ་དར་སྒྲེང་འཛུགས་གནང་རྒྱུ་མ་ཟད། གསུམ་བཅུའི་དུས་དྲན་ཉིན་འཁྱོངས་རིང་བོད་ཀྱི་ཉིན་མོ་ཞེས་སྲུང་བརྩི་ཞུ་གཏན་ཁེལ་ཡོད་པ་ཡོངས་བསྒྲགས་གནང་ཡོད།རྩ་བའི་ Richmond ནང་བོད་དོན་རྒྱབ་སྐྱོར་གྱི་བསྒྲགས་གཏམ་སྤེལ་རྒྱུ་དང་བོད་ཀྱི་རྒྱལ་དར་སྒྲེང་འཛུགས་གནང་རྒྱུའི་ལས་འགུལ་དེ་ Richmond གྲོང་ཁྱེར་གྱི་སྤྱི་ཁྱབ་པ་སྐུ་ཞབས་ Tom Butt ལགས་ཀྱིས་ཕྱི་ལོ་ ༢༠༡༧ ནས་དབུ་འཛུགས་གནང་བ་ལྟར་ད་ལན་ཐེངས་གསུམ་པ་ཆགས་ཀྱི་ཡོད་པ་རེད།

ཁ་ཉིན་ཚེས་ ༢༤ ཉིན་རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་རྒྱལ་ས་ཨི་ཊ་ན་གར་དུ་རྒྱ་གར་གྱི་ས་གནས་ཡུལ་མི་དང་སློབ་ཕྲུག་ཚོགས་པ་འདུ་འཛོམས་ཀྱིས་མངའ་སྡེ་གཞུང་གིས་ཕྱི་ཕྱོགས་ཀྱི་སྐྱབས་བཅོས་བར་གཏན་སྡོད་ཀྱི་ལག་ཁྱེར་སྤྲོད་རྒྱུའི་ཐག་གཅོད་བྱུང་བར་རྔམ་སྟོན་ཁྲོམ་སྐོར་དང་གཏོར་འཕྲོག་སྲེག་གསུམ་གྱི་རྙོག་གླེང་གི་གནས་ཚུལ་བྱུང་བའི་ཁྲོད། བོད་རིགས་ཀྱི་ཚོང་རའི་ཊ་ཀཱར་ཁང་བརྩེགས་ལ་ཡང་གཏོར་རྒོལ་བྱས་ཡོད་པའི་ཁོངས་སུ་བོད་རིགས་ཁྱིམ་ཚང་བཅུ་དྲུག་གི་ཚོང་ཁང་ ༡༧ དང་ཟ་ཁང་ ༣ ཙམ་བཅས་ཀྱི་ཅ་དངོས་འཕྲོག་ཡོད་པ་མ་ཟད། ཚོང་ཁང་ཁག་གཅིག་ཆེད་དུ་མེ་སྤར་ཡོད་པའི་གནས་ཚུལ་བྱུང་ཡོད་པ་རེད། འདི་གའི་གསར་འགོད་པས་ཨི་ཊ་ན་གར་གྱི་གྱོན་ཆོས་བཙོང་མཁན་བོད་མི་བསྟན་འཛིན་ལགས་སུ་ཡུལ་དངོས་ཀྱི་དོན་རྐྱེན་དེའི་ཐད་བཅར་འདྲི་ཞུས་པར་ཁོང་གིས་ཁོ་རང་སྒེར་ལ་མཚོན་ན་ཡང་ད་ཐེངས་ཀྱི་འཕྲོག་བཅོམ་དང་མེར་བསྲེགས་ཀྱི་གནད་དོན་ཁྲོད་ཧིན་སྒོར་འབུམ་བརྒྱད་ཅུ་ཙམ་གྱི་གྱོང་གུད་ཐེབས་ཡོད་པར་འགྲེལ་བརྗོད་གནང་ཡོད།དེ་བཞིན་བཙན་བྱོལ་བོད་མིའི་སྒྲིག་འཛུགས་ནང་སྲིད་དྲུང་ཆེ་དབང་འདུས་ཚེ་རིང་ལགས་སུ་དེ་འབྲེལ་བཀའ་འདྲི་ཞུས་པར་འདི་ལོའི་རྒྱ་གར་རྒྱལ་ཡོངས་འོས་བསྡུ་དང་དམིགས་བསལ་ས་གནས་ས་ཐོག་ཏུ་ཕྱི་ཕྱོགས་ནས་ཕེབས་པའི་སྐྱབས་བཅོལ་བ་དག་ལ་གཏན་སྡོད་ཀྱི་ལག་ཁྱེར་བསྩལ་བ་སོགས་ཀྱི་རྙོག་གླིང་གི་ཁྲོད་བོད་རིགས་ཚོང་ཁང་དང་ཟ་ཁང་ཁག་གཅིག་ལ་གྱོང་གུད་ཕོག་ཡོད་པ་ལས། གནས་ཚུལ་དེ་ཆེད་དུ་བོད་རིགས་ཚོར་དམིགས་པ་ཞིག་མིན་སྐོར་འགྲེལ་བརྗོད་དང་སྦྲགས། ནང་སྲིད་ཀྱི་ངོས་ནས་ཀྱང་གང་མགྱོགས་གནོད་སྐྱོན་ཕོག་པའི་བོད་རིགས་རྣམས་དང་འབྲེལ་བ་གནང་རྒྱུ་ཡིན་ཞེས་གསུངས་སོང་། རྩ་བའི་རྒྱ་གར་གྱི་མངའ་སྡེ་མང་པོའི་ནང་དུ་བོད་རིགས་ཀྱི་གཞིས་ཆགས་དང་སློབ་གྲྭ དེ་བཞིན་དགོན་སྡེ་སོགས་ཡོད་པ་བཞིན་བོད་རིགས་དང་ས་གནས་ཀྱི་ཡུལ་མི་སོགས་ཞི་བདེ་བག་ཕེབས་ཐོག་མཉམ་གནས་གནང་བཞིན་ཡོད་ནའང་། རྒྱ་གར་བྱང་ཤར་གྱི་མངའ་སྡེ་ཨ་རུ་ནཱ་ཅལ་དུ་དུས་རྒྱུན་ནས་བོད་རིགས་དང་ཡུལ་མིའི་དབར་རྙོག་གླེང་དུ་མ་འབྱུང་བཞིན་ཡོད་པ་ལྟར། སྔར་ལོ་ཡང་ཨ་རུ་ནཱ་ཅལ་མངའ་སྡེའི་སློབ་ཕྲུག་ཚོགས་པས་འགོ་ཁྲིད་འོག་བོད་རིགས་མི་མང་མངའ་སྡེ་དེ་ནས་ཕྱིར་ཕུད་གཏོང་དགོས་པའི་སྐད་འབོད་བྱས་པའི་གནས་ཚུལ་ཡང་བྱུང་ཡོད་པ་རེད།