ARCHIVE
Monthly Archives: February, 2019
རེས་གཟའ་མིག་དམར། ༢༠༡༩།༠༢།༢༦
vot.org -
ཉན་པ།: Listen
ཕབ་ལེན། Download
ཤེས་རིག་ཚོགས་ཆེན་ཐེངས་བདུན་པའི་ཐོག་ཁྱོན་གྲོས་ཆོད་དོན་ཚན་ ༧༢ གཏན་འབེབས་གནང་བ།
ཨོ་རི་ས་ནང་དྲག་ཆར་རླུང་འཚུབ་ཀྱི་གོད་ཆག་ཕོག་པར་ངལ་སེལ་ཧིན་སྒོར་འབུམ་དགུ་བཅུ་ཙམ་ཞལ་འདེབས་གནང་འདུག
ཊར་ཀི་དང་ཨིན་ཡུལ་གཉིས་ནས་རྒྱལ་ཚོགས་སུ་ཡུ་གུར་མི་རིགས་ཐོག་སྤེལ་བའི་བྱ་སྤྱོད་གླེང་བ།
བཙན་བྱོལ་བོད་མིའི་སྤྱི་ཚོགས་ནང་དྲྭ་རྒྱའི་བདེ་འཇགས་ཀྱི་གནད་དོན་ཐད་ལ་བཅར་འདྲི་ཞུས་པ།
དམིགས་བསལ་ལས་རིམ། བོད་ཆོལ་གསུམ་གྱི་གླུ་གཞས་རེ་རེ་ཆེད་འབུལ།
Tuesday 26/02/2019
7th General conference on Tibetan Education concludes
Over 90 lakh Rs received, over 114 lakh distributed for Odisha cyclone victims
Turkey, Britain raise China's treatment of Uighurs at UN rights forum
Interview with Tenzin Dalha, TPI researcher on cyber attack against Tibet
MUSIC FEATURE: Losar song collection from 3 Provinces of Tibet
དྲག་ཆར་རླུང་འཚུབ་ཀྱི་གོད་ཆག་ཕོག་པར་ངལ་སེལ་ཧིན་སྒོར་འབུམ་དགུ་བཅུ་ཙམ་ཞལ་འདེབས་གནང་བ།
vot.org -
ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་དྲག་ཆར་རླུང་འཚུབ་ཀྱི་གོད་ཆག་ཕོག་པར་ངལ་སེལ་རོགས་སྐྱོར་ཧིན་སྒོར་འབུམ་ ༩༠༡༦༤༡༣ ཞལ་འདེབས་གནང་སོན་བྱུང་འདུག་པ་དང་། བོད་མིའི་སྒྲིག་འཛུགས་ཀྱིས་དེའི་ཐོག་ཁ་སྣོན་གནང་སྟེ་ངལ་སེལ་ཆེད་ཁྱོན་ཧིན་སྒོར་ས་ཡ་ ༡༡༤༤༥༠༠༠ བཏང་འདུགདེ་ཡང་སྔ་ལོ་ཕྱི་ཟླ་ ༡༠ པའི་ནང་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་ Titli ཞེས་པའི་དྲག་ཆར་རླུང་འཚུབ་ཀྱི་དོན་རྐྱེན་འོག་སྟོན་ཐོག་དང་ཁང་པ་སོགས་ལ་གཏོར་སྐྱོན་འཚབ་ཆེན་བྱུང་ཡོད་སྟབས། བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ཛ་དྲག་རོགས་སྐྱོར་ཆེད་ཕྱི་རྒྱ་ཡུལ་གྲུ་ཁག་ཏུ་གནས་སྡོད་གནང་མཁན་གཏོང་ཕོད་ཅན་གྱི་བོད་རིགས་ཀུན་ལ་ཞལ་འདེབས་གང་ཐུབ་གནང་སྐྱོང་ཡོང་བའི་འབོད་སྐུལ་ཞུས་པ་བཞིན་༸དཔལ་ལྡན་བཀའ་ཤག་གིས་དབུས་པའི་ཕྱི་ནང་རོགས་ཚོགས་དང་བོད་རིགས་སྤུན་ཟླ། དེ་བཞིན་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་ནས་ཨོ་རི་ས་བོད་མིའི་གཞིས་ཆགས་སླད་དཔལ་འབྱོར་གྱི་རྒྱབ་རྟེན་ཞལ་འདེབས་ཁྱོན་བསྡོམས་སྒོར་ ༩༠༡༦༤༡༣.༨༦ ད་བར་གནང་སོན་བྱུང་འདུག འོན་ཀྱང་བོད་མིའི་སྒྲིག་འཛུགས་ནང་སྲིད་ལས་ཁུངས་ནས་གཞིས་ཆགས་དེའི་ངལ་སེལ་སླད་ཁྱོན་ཧིན་སྒོར་ ༡༡༤༤༥༠༠༠ ལྷག་བཏང་འདུགདེ་བཞིན་ཨོ་རི་ས་བོད་མིའི་གཞིས་ཆགས་ཀྱི་གོད་ཆག་ལ་གདུང་སེམས་མཉམ་བསྐྱེད་ཚུལ་དུ་ཨོ་ཌི་ཤ་མངའ་སྡེ་གཞུང་ནས་ཀྱང་གུན་སྐྱོབས་ངལ་སེལ་རོགས་སྐྱོར་སྒོར་ ༥༢༢༣༦༧༨ གནང་འབྱོར་བྱུང་འདུག་པ་དང་དེ་དག་དོ་བདག་ཞིང་པ་སོ་སོའི་དངུལ་ཁང་གི་ཞལ་བྱང་བརྒྱུད་བགོས་འགྲེམས་གནང་ཡོད་པ་རེད།
སྔ་ལོ་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་སུ་དྲག་ཆར་རླུང་འཚུབ་ཀྱི་དོན་རྐྱེན་འོག་ས་ཞིང་ཨེ་ཀར་ ༡༠༠༠ ལྷ་ལ་གནོད་འཚེ་ཕོག་ཡོད་པ་དང་ཤིང་འབྲས་གྲངས་ ༣༤༠༠ ཙམ་ཞིག་རྩ་མེད་དུ་ཕྱིན་ཡོད་པ་མ་ཟད་ཁང་ཁྱིམ་ ༣༠ ཡས་མས་ཤིལ་ལ་གནོད་སྐྱོན་བྱུང་ཡོད་པ་རེད།རྩ་བའི་ཨོ་རི་ས་ཕུན་ཚོགས་གླིང་གཞིས་ཆགས་ནི་ཐོག་མ་ཕྱི་ལོ་ ༡༩༦༣ ཟླ་ ༥ ནང་གསར་འཛུགས་གནང་བ་ཞིག་ཡིན་པ་དང་། གཞིས་ཆགས་དེར་ཐོག་མ་དུད་ཚང་གྲངས་ ༡༠༧ ལ་མི་གྲངས་ ༥༠༣ ཡོད་པའི་ཁར་རྗེས་སུ་ས་གནས་གང་ས་ནས་བྱོར་བའི་དུད་ཁྱིམ་གྲངས་ ༢༧༠ དང་མི་གྲངས་ ༡༤༨༩ ཙམ་དང་དེ་བཞིན་གཞིས་ཆགས་ནང་སླར་ཕྱི་ལོ་ ༡༩༦༧ ལོར་བྱོར་བ་སོགས་གཞིས་ཆགས་དེར་ཁྱོན་བསྡོམས་གྲོང་སྡེ་ ༥ དང་ཁྱིམ་ཚང་ ༥༨༠ མི་གྲངས་ ༣༠༡༧ ས་ཁྱོན་ཨེ་ཀར་ ༡༨༥༩ ཙམ་ཡོད་པའི་ཐོག་འཚོ་རྟེན་གཙ་བོ་ནི་ཞིང་ལས་དང་བཟོ་ལས་སོགས་གཉེར་གནང་མུས་ཡིན་པ་རེད།
ཤེས་རིག་ཚོགས་ཆེན་ཐེངས་བདུན་པའི་ཐོག་ཁྱོན་གྲོས་ཆོད་དོན་ཚན་ ༧༢ གཏན་འབེབས་གནང་བ།
vot.org -
ཟླ་བ་འདིའི་ཕྱི་ཚེས་ ༢༣ ཉིན་དབུ་འཛུགས་ཀྱིས་ཚེས་ ༢༥ བར་ཉིན་གྲངས་གསུམ་གྱི་རིང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱིས་རྐང་འགན་བཞེས་ཐོག་བཞུགས་སྒར་གངས་སྐྱིད་ཚོགས་ཁང་གསར་པར་ཤེས་རིག་ཚོགས་ཆེན་ཐེངས་བདུན་པ་ཚོགས་ཡོད་པ་རེད།ཚོགས་ཆེན་གྱི་ཉིན་མཐའ་མའི་མཇུག་སྡོམ་མཛད་སྒོའི་ཐོག་ཚོགས་ཚོགས་བཅར་བ་རྣམས་ཚོགས་ཆུང་ཁག་ཏུ་ཆ་བགོས་གནང་བ་ལྟར་སློབ་གྲྭ་ཁག་གི་ནང་སློབ་ཕྲུག་གི་གྲངས་འབོར་ཇེ་ཉུང་དུ་འགྲོ་བཞིན་པའི་གནད་དོན་དང་། ཤེས་ཡོན་སྲིད་བྱུས་ལག་བསྟར་གནང་ནས་མི་ལོ་ ༡༣ ལྷག་འགྲོ་བཞིན་པར་མུ་མཐུད་ཚགས་ཚུད་གནང་ཐབས། དེ་བཞིན་སློབ་སྤྱི་དང་དགེ་ཆེ། དགེ་རྒན་བཅས་ཀྱི་ཆེད་ལས་ནུས་པ་གོང་མཐོར་གཏོང་ཕྱོགས། ལས་རིགས་སློབ་སྦྱོང་ཐད་དོ་དབྱིངས་སྐྲུན་ཐབས། སྤྱི་ཚོགས་ཀྱི་གཟིགས་ཕྱོགས་ལ་བསྒྱུར་བཅོས་གནང་ཕྱོགས་བཅས་གྲོས་གཞི་གཙོ་བོ་བཞི་དང་བྲེལ་བའི་གྲོས་བསྡུར་གནང་བའི་དགོངས་འཆར་ཁག་ཕྱོགས་བསྡོམས་དང་སྦྲགས་ཏེ་ཤེས་རིག་ཚོགས་ཆེན་ཐེངས་བདུན་པའི་ཐོག་གྲོས་ཆོད་དོན་ཚན་ ༦༥ སྤྱི་སྨན་གྲོས་ཆོད་དོན་ཚན་ ༧ བཅས་ཁྱོན་གྲོས་ཆོད་དོན་ཚན་ ༧༢ གཏན་འབེབས་གནང་ཡོད་པ་རེད།ཤེས་རིག་བཀའ་བློན་འབུམ་རམས་པ་པདྨ་དབྱངས་ཅན་མཆོག་གིས་ཐེངས་འདིའི་གྲོས་གཞི་དོན་ཚན་བཞི་དང་འབྲེལ་བའི་དགོངས་ཚུལ་ཁག་གཅིག་ངོ་སྤྲོད་གནང་བ་སྦྲགས། བོད་ཕྲུག་སློབ་མ་རྣམས་ཤེས་ཡོན་ཚད་དང་ལྡན་པ་ཞིག་ཡང་བར་ཤེས་ཡོན་ཐོག་ཕྱག་ལས་གནང་མཁན་ཚང་མར་ལྡོག་ཏུ་མེད་པའི་འོས་འགན་ཞིག་ཆགས་ཡོད་སྟབས། ཚང་མས་ཕྱར་བ་གྲུ་འདེགས་ཀྱི་སྒོ་ནས་མུ་མཐུད་ཧུར་སྐྱེད་གནང་རོགས་ཞེས་འབོད་སྐུལ་གནང་ཡོད།དེ་བཞིན་ཤེས་རིག་བཀའ་བློན་མཆོག་གིས་མཇུག་བསྡོམས་དང་འབྲེལ་ནས་ཤེས་རིག་ལས་ཁུངས་ནས་བཟོ་སྐྲུན་ཞུས་པའི་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་དྲྭ་ཚིག་གསར་པ་དབུ་འབྱེད་གནང་སོང་བ་དང་། སྐབས་དེར་ཤེས་རིག་ཤེས་ཡོན་ལྷན་ཚོགས་ཀྱི་འགན་འཛིན་ཚེ་རིང་བསམ་གྲུབ་ལགས་ཀྱིས་དྲྭ་ཚིག་དེའི་ནང་༸གོང་ས་མཆོག་གིས་ད་བར་ཆོས་ལུགས་མ་བརྟེན་པའི་བཟང་སྤྱོད་ཐོག་བསྩལ་བའི་བཀའ་སློབ་དང་། གསར་ཁང་ཁག་ནས་ཆོས་ལུགས་མ་བརྟེན་པའི་བཟང་སྤྱོད་ཐོག་དམིགས་བསལ་བཅར་འདྲི་ཞུས་པའི་ལེ་ཚན། དེ་བཞིན་ཆོས་ལུགས་མ་བརྟེན་པའི་བཟང་སྤྱོད་དང་འབྲེལ་བའི་ཐ་སྙད་ཀྱི་འགྲེལ་པ་དང་དཔེ་དེབ་སོགས་ཆེད་བཀོད་གནང་ཡོད་པ་ངོ་སྤྲོ་གནང་ཡོད།གཞི་རྩའི་ཐེངས་འདིའི་ཤེས་རིག་ཚོགས་ཆེན་ཐེངས་བདུན་པའི་ཐོག་རྒྱ་གར་དང་བལ་ཡུལ། ཕྱི་རྒྱལ་གཟའ་མཇུག་སློབ་གྲྭ་ཁག་གཅིག་བཅས་ཀྱི་འཛིན་སྐྱོང་འགན་འཛིན་དང་སློབ་སྤྱི། དེ་བཞིན་དགེ་རྒན་སོགས་ཤེས་ཡོན་ཐོག་ཕྱག་ལས་གནང་མཁན་ ༢༤༠ ལྷན་འཛོམས་གནང་ཡོད་པ་དང་། སང་ཉིན་ཕྱི་ཚེས་ ༢༧ ཉིན་བོད་མིའི་སྒྲིག་འཛུགས་ཤེས་རིག་ལས་ཁུངས་དང་ཁྱབ་ཁོངས་སློབ་སྡེ་ཁག་གི་དགེ་ལས་བཅས་ནས་ཚོགས་སྒེར་གཞན་གསུམ་དང་ལྷན་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་ཞུགས་རྒྱས་པ་ཞིག་འབུལ་རྒྱུ་རེད།
རེས་གཟའ་ཟླ་བ། ༢༠༡༩།༠༢།༢༥
vot.org -
ཉན་པ།: Listen
ཕབ་ལེན། Download
༸གོང་ས་མཆོག་སླར་ཡང་འཛམ་གླིང་ནང་ཤུགས་རྐྱེན་ལྡན་པའི་དབུ་ཁྲིད་ཨང་གསུམ་པར་བདམས་ཐོན།
བོད་ནང་འདྲ་མཉམ་འགྲུལ་བསྐྱོད་ཀྱི་ཁྲིམས་གཞི་གཏན་འབེབས་བྱས་པའི་དགའ་སྟོན་སྲུང་བརྩི།
མི་རིགས་དང། སྤྱི་ཚོགས་ཀྱི་འབྱུང་འགྱུར་གནས་བབས་དེ་ཤེས་ཡོན་ཡིན་པར་གསུངས་འདུག
རྒྱ་གཞུང་གིས་ཨོ་སི་ཀྲོ་ལི་ཡའི་དཔེ་དེབ་དཔར་སྐྲུན་ལ་ཐེ་གཏོགས་བྱེད་བཞིན་པ།
བོད་རིགས་བུ་མོ་ཞིག་ལ་མཐོ་སློབ་ཀྱི་སློབ་ཕྲུག་རྩེ་ཕུད་ཀྱི་གཟེངས་རྟགས་ཐོབ་འདུག
དམིགས་བསལ་ལས་རིམ། ༸རྒྱལ་མཆོག་སྐུ་ཕྲེང་དགུ་པ་ལུང་རྟོགས་རྒྱ་མཚོ།
Monday 25/02/2019
Dalai Lama ranked third in 100 Most Spiritually Influential Living People
Former Kalon Tripa addresses 7th Tibetan Education Conference
Chinese government censors ruling lines through Australian books
Interview with Ngawang Saldon, best outgoing student from St. John Medical College
HISTORY FEATURE: The 9th Dalai Lama Lungtok Gyatso
མི་རིགས་དང་སྤྱི་ཚོགས་ཀྱི་འབྱུང་འགྱུར་གནས་བབས་དེ་ཤེས་ཡོན་ལ་རག་ལས་ཡོད།
vot.org -
དེ་རིང་བཞུགས་སྒར་དུ་ཚོགས་པའི་ཤེས་རིག་ཚོགས་ཆེན་ཐེངས་བདུན་པའི་ཉིན་མཐའ་མར་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་དགེ་རྒན་གྱི་ལས་གནས་ནི་སྡེ་ཚན་གཞན་ལས་ཁྱད་དུ་འཕགས་པ་དགོས་པའི་རྒྱུ་མཚན། དགེ་རྒན་གྱི་ཀུན་སྤྱོད་དང་འགན་ཁུར་གནང་ཕྱོགས་ཞེས་པའི་བརྗོད་གཞིའི་ཐོག་བཀའ་སློབ་བསྩལ་སྐབས་མི་རིགས་དང་སྤྱི་ཚོགས་ཀྱི་འབྱུང་འགྱུར་གནས་བབས་དེ་ཤེས་ཡོན་ལ་རག་ལས་ཡོད་ཅེས་བཀའ་བསྩལ་སོང་། སློབ་དཔོན་ཟམ་གདོང་རིན་པོ་ཆེ་མཆོག་གིས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུ་ཁྲིད་ལམ་སྟོན་འོག་ཤེས་ཡོན་གྱི་ལས་དོན་དེ་རླབས་ཆེན་ཞིག་བྱུང་ཡོད་པ་དང། དེ་སྔ་ཡིན་ན་ཤེས་ཡོན་ཚོགས་ཆེན་ཐེངས་དང་པོར་མི་གྲངས་ ༣༠ ལྷག་ལས་མེད་སྟབས་ད་ཆ་དགེ་རྒན་གྱི་གྲངས་འབོར་ཧ་ལས་པ་འཕར་བ་དེ་ཡར་རྒྱས་ཀྱི་རྣམ་པ་དང་ཤེས་ཡོན་ཐད་གྲུབ་འབྲས་ཧ་ལས་པ་ཞིག་སོན་ཡོད་པ་དང་འབྲེལ། བོད་ཆོས་ལྡན་ཞིང་ཁམས་ཀྱི་མི་རིགས་རྣམས་ནས་རྒྱལ་ཁབ་གཞན་དང་མི་འདྲ་བར་ཆོས་དང་སྐད་ཡིག་སྒྲ་སྒྱུར་ཐད་ཕྱག་རྗེས་བླ་ན་མེད་པ་བཞག་གནང་ཡོད་པ་གསུངས་ཡོད། དེ་བཞིན་རིན་པོ་ཆེ་མཆོག་གིས་མི་རིགས་དང་སྤྱི་ཚོགས་ཀྱི་འབྱུང་འགྱུར་གྱི་གནས་བབས་ལ་བཟང་ངན་གང་བྱུང་ཡང་དེ་དག་གཙོ་བོ་རྒྱལ་ཁབ་ཀྱི་ཤེས་ཡོན་དང། ཤེས་ཡོན་སློབ་གསོ་ལ་རག་ལས་ཡོད་སྟབས་ཤེས་ཡོན་སློབ་གསོའི་ཡན་ལག་ནང་ཕ་མ་དང། སློབ་ཕྲུག དགེ་རྒན། སྤྱི་ཚོགས་སོགས་ཚུད་ཀྱི་ཡོད། དེས་ན་སློབ་ཕྲུག་དང་ཕ་མ་ལ་ཞན་ཆ་ཡོད་ཚེ་ཞན་ཆ་དེ་ཡོ་བསྲང་བྱེད་མཁན་དགེ་རྒན་ཡིན་པ་མ་ཟད། སྤྱི་ཚོགས་ཀྱི་གནས་བབས་ཐོག་ནས་ཞན་ཆ་ཡོད་པ་ཡིན་ན་དེ་ཡོ་བསྲང་བྱེད་རྒྱུའི་རེ་འདུན་དེ་ཡང་དགེ་རྒན་ཆགས་ཀྱི་ཡོད་ཅེས་བཀའ་ནན་བསྩལ་སོང་།དགེ་རྒན་ཞེས་པའི་ཐ་སྙད་ཀྱི་གོ་དོན་ཞིབ་ཕྲ་འགྲེལ་བརྗོད་གནང་བ་དང་ཕྱོགས་མཚུངས་གནད་དོན་གང་འདྲ་ཞིག་ཡིན་རུང་དེར་ཐོས་པའི་སྒོ་ནས་བསམ་བྱུང་གི་དཔྱད་པ་གནང་སྟེ་ངེས་ཤེས་རྙེད་དགོས་གལ་ཡིན་པ་སོགས་ལམ་སྟོན་རྒྱ་ཆེ་བསྩལ་ཡོད་པ་རེད།དགེ་རྒན་གྱི་ལས་འགན་གཙོ་བོ་ནི་དགེ་རྒན་གྱི་ངོས་ནས་སློབ་ཕྲུག་ཚོས་སློབ་སྦྱོང་བྱེད་རྒྱུར་དོ་སྣང་བསྐྲུན་ཐབས་དང། སློབ་ཕྲུག་ཚོར་སློབ་ཚན་མཐར་ཕྱིན་པ་སློབ་རྒྱུ། དེ་བཞིན་སློབ་ཕྲུག་ཚོའི་སློབ་སྦྱོང་བྱེད་སྐབས་མི་མཐུན་ཕྱོགས་ཀྱི་ངལ་བ་རྣམས་སེལ་ཐུབ་རྒྱུ་བཅས་མེད་དུ་མི་རུང་བའི་འགན་གསུམ་ཆགས་ཡོད་པར་བཀའ་བསྩལ་བ་དང་ཆབས་ཅིག དེང་སང་དགེ་རྒན་དང་དགེ་ཕྲུག་གཉིས་ལ་འདམ་བག་དང་རྫ་མཁན་གྱི་དཔེ་བཞག་གི་ཡོད་སྟབས། དགེ་རྒན་ཚོས་སློབ་ཕྲུག་ལ་ཐུན་མིན་རང་བཞིན་གི་ནུས་པར་གང་ཡོད་ངོས་ལེན་མེད་པར་སློབ་ཕྲུག་དེ་གང་འདྲ་ཞིག་བཟོ་དགོས་སམ་ཞེས་དགོངས་པ་བཞེས་པ་དེ་ནོར་བ་དང་། དགེ་རྒན་གྱི་ངོས་ནས་སོན་གྱི་རང་བཞིན་ལ་བསྒྱུར་བཅོས་གཏང་མི་ཐུབ་པ་དང། འོན་ཀྱང་སོན་གྱི་འབྲས་བུ་སྨིན་ལུགས་ཐད་བསྒྱུར་བཅོས་གཏང་ཐུབ་སྐོར་དཔེ་མཚོན་དང་བཅས་པའི་ཐོག་ནས་ལམ་སྟོན་བསྩལ་ཡོད།རིན་པོ་ཆེ་མཆོག་གི་བཀའ་སློབ་བསྩལ་གྲུབ་མཚམས་སུ་དགེ་རྒན་ཁག་གཅིག་གིས་འཛིན་སྐྱོང་ནས་དགེ་རྒན་ཐོག་མཐུན་འགྱུར་གནང་ཕྱོགས་ཐད་རིན་པོ་ཆེ་མཆོག་ལ་གཟིགས་ཕྱོགས་གང་ཡོད་དང་འབྲེལ་བའི་བཀའ་འདྲི་ཞུས་ཡོད།
རྒྱ་ནག་གིས་ཨོ་སི་ཊོ་ལི་ཡའི་དཔེ་སྐྲུན་ལ་ཐེ་གཏོགས་བྱེད་བཞིན་པ།
vot.org -
རྒྱ་ནག་གིས་ Australia པར་སྐྲུན་ཁང་གི་དཔེ་དེབ་མང་པོ་ཞིག་རྒྱ་ནག་ནང་དུ་པར་སྐྲུན་བྱེད་རྒྱུར་བཀག་སྡོམ་བྱེད་བཞིན་ཡོད་པ་དང་། རྒྱ་ནག་གིས་དཔེ་དེབ་པར་སྐྲུན་གྱི་ཐད་ནས་སྒྲིག་གཞི་མང་པོ་ཞིག་གསར་འཛུགས་ཀྱིས་བོད་ཀྱི་གནད་དོན་དང་རྒྱ་ནག་གི་གནམ་སྡེ་སྒོ་མོ་ཆེའི་དོན་རྐྱེན་སོགས་ཀྱིས་མཚོན་པའི་རྒྱ་རིགས་ཁ་བྲལ་བའི་མིང་གཞུང་ནང་ཡོད་པའི་མི་དང་འབྲེལ་བ་ཡོད་རིགས་ཀྱི་དཔེ་དེབ་གཅིག་ཀྱང་རྒྱ་ནག་ནང་པར་སྐྲུན་བྱེད་ཐབས་མེད་པར་བཀག་འགོག་བྱས་འདུག
དེ་རིང་ཨོ་སི་ཊོ་ལི་ཡའི་གསར་ཤོག Sydney Morning Herald ཐོག་གནས་ཚུལ་ཐོན་པར་རྒྱ་ནག་གི་ནང་དཔེ་དེབ་པར་སྐྲུན་གྱི་རིན་གོང་ལྟོས་བཅས་ཀྱི་ཆུང་བ་ཡོད་སྟབས། ཕྱི་ཕྱོགས་ཀྱི་དཔེ་དེབ་མང་པོ་ཞིག་རྒྱ་ནག་གི་པར་སྐྲུན་ཁང་བརྒྱུད་ནས་པར་སྐྲུན་བྱེད་བཞིན་ཡོད་པ་ལྟར། ད་ཆ་རྒྱ་ནག་སྲིད་གཞུང་གིས་ཨོ་སི་ཊོ་ལིའི་ཡའི་རྩོམ་པ་པོ་ཁག་གིས་རང་གིས་མི་མང་ལ་དམིགས་པའི་དཔེ་དེབ་སོགས་ལ་བཀག་སྡོམ་གྱི་སྒྲིག་གཞི་ཆེད་བཟོས་ཀྱིས་རྒྱ་ནག་ནང་ཆབ་སྲིད་ཐད་ཁ་བྲལ་བ་དང་། རྔམ་སྟོན། དེ་བཞིན་སྲིད་འཛིན་ཞི་ཅིན་ཕིང་སོགས་ཀྱི་ཆབ་སྲིད་དཔོན་རིགས་ཀྱི་མིང་ཙམ་བཏོན་པ་ཙམ་གྱིས་དཔེ་དེབ་པར་སྐྲུན་བྱེད་ཐབས་མེད་པར་ཡོངས་བསྒྲགས་གནང་འདུག
Sandy Grant ཞེས་པའི་ཨོ་སི་ཊོ་ལི་ཡའི་རྩོམ་པ་པོ་ཞིག་གིས་བྱིས་པའི་ས་ཁྲའི་དཔེ་དེབ་ཅིག་རྒྱ་ནག་ཏུ་པར་སྐྲུན་བྱེད་ཐབས་གནང་ཡོད་ཀྱང་། རྒྱ་ནག་གིས་དཔེ་དེབ་དེ་པར་སྐྲུན་མ་བྱས་པར་འགྲེལ་བརྗོད་བྱས་པ་དང་སྦྲགས། རྒྱ་ནག་དཔོན་རིགས་ནི་དུས་རྒྱུན་ནས་ས་ཁྲའི་རིགས་ལ་ཚོར་བ་རྣོན་པོ་ཡོད་པ་བཞིན་དཔེ་དེབ་ནང་དུ་ས་ཁྲ་རིགས་ཅི་ཞིག་ཡོད་ཀྱང་། དེ་དག་ཡོད་ཚད་རྒྱ་ནག་དམར་གཞུང་གིས་འཛམ་གླིང་ལ་བལྟ་བའི་བསམ་ཚུལ་དང་མཐུན་དགོས་པར་བརྟེན། ཁོང་གི་དཔེ་དེབ་དེའི་ནང་དུ་བོད་ཀྱི་ས་ཁྲ་ཡོད་སྟབས་པར་སྐྲུན་བྱེད་ཐབས་མ་བྱུང་བར་བརྗོད་འདུག
རྩ་བའི་རྒྱ་ནག་གི་པར་སྐྲུན་ཁང་ཞིག་གིས་ཨོ་སི་ཊོ་ལི་ཡའི་པར་སྐྲུན་ཁང་ཞིག་ལ་དཔེ་དེབ་དུ་གླེང་སློང་བྱེད་མི་ཆོག་པའི་བཀག་སྡོམ་གྱི་རིའུ་མིག་ཅིག་ཕུལ་བའི་ནང་དྲུག་བཞིའི་དོན་རྐྱེན་དང་ཕྱི་ལོ་ ༢༠༡༡ ལོའི་མང་གཙོའི་དགོས་འདུན་གྱི་ཡར་ལངས། དེ་བཞིན་ཕྱི་ལོ་ ༢༠༡༤ ལོའི་ཧོང་ཀུང་གི་ཉི་གཏུགས་གསར་བརྗེའི་ལས་འགུལ། བོད་རང་བཙན་དང་འབྲེལ་བའི་ལས་འགུལ་དང་ཡུ་གུར་གྱི་གནད་དོན། དེ་བཞིན་རྒྱ་ནག་ནང་གི་ཧྥ་ལུང་ཀོང་་སོགས་ཀྱིས་མཚོན་པའི་བཀག་སྡོམ་རང་བཞིན་གྱི་བརྗོད་གཞི་མང་པོ་ཞིག་གསལ་ཡོད་པ་ཡང་ཕྱིར་བསྒྲགས་འདུག
རྒྱ་ནག་ནང་གི་ཆབ་སྲིད་ཀྱི་འགོ་ཁྲིད་མང་པོ་དང་དམིགས་བསལ་གྱི་མོའོ་ཙེ་ཏུང་དང་ཞི་ཞིན་ཕིང་གཉིས་གཙོས་པའི་ད་ཡོད་ཀྱི་འཐབ་ཕྱོགས་གཅིག་གྱུར་ཁང་གི་དཔོན་རིགས་སུ་ཞིག་གི་མིང་ཡང་དཔེ་དེབ་དུ་འཁོད་མི་ཆོག་པའི་རྒྱ་ནག་གིས་ཁ་བྲལ་དུ་བསྙད་ཡོད་པའི་མི་ ༡༡༨ གྱི་མིང་གཞུང་གསལ་འདོན་གྱིས་རྒྱ་ནག་གི་ཉེ་རབས་ལོ་རྒྱུས་ཁྲོད་ཀྱི་མི་སྣ་སོགས་ཀྱི་མིང་དཔེ་དེབ་དུ་འཁོད་ཡོད་ཚེ་རྒྱ་ནག་ཏུ་དཔེ་དེབ་དེའི་རིགས་པར་སྐྲུན་བྱེད་ཐབས་མེད་པའི་བཀའ་རྒྱ་བཏང་འདུག
རྒྱ་རིགས་ཨོ་སི་ཊོ་ལི་ཡའི་མི་སེར་ཡིན་པ་ཚན་རིག་ཆེད་སྦྱོང་བ་ Wu Lebao ཡིས་བརྗོད་པར་ཁོང་ཡང་རྒྱ་ནག་གིས་བཀག་སྡོམ་བྱེད་བཞིན་པའི་མིང་གཞུང་ནག་པོའི་ནང་བླུགས་ཡོད་པ་དང་། ཁོང་ནི་རྒྱ་ནག་གིས་ཕྱི་ལོ་ ༢༠༡༡ ལོའི་མེ་ཏོག་གསར་བརྗེ་རྔམ་སྟོན་ཁྲོད་སྒྱུ་རྩལ་བ་ Ai Weiwei ལགས་དང་མཉམ་འབྲེལ་གྱིས་གསར་བརྗེ་སློང་མཁན་ཡིན་པར་དོགས་གཞི་བྱེད་བཞིན་ཡོད་སྐོར་བཤད་ནས་ཨོ་སི་ཊོ་ལིའི་ཡར་རང་གི་ཚན་རིག་གི་བྱ་གཞག་ལ་དོ་སྣང་གནང་ཏེ་བཞུགས་ཡོད་སྟབས་ཐོ་གཞུང་དེའི་ཁོང་གི་མིང་མཐོང་བས་ཧང་སང་སོང་ཞེས་འགྲེལ་བརྗོད་གནང་འདུག
མིང་གཞུང་ནག་པོའི་ནང་ཡོད་པའི་སྐུ་ཞབས་ Wu Lebao ཡིས་ཨོ་སི་ཊོ་ལི་ཡའི་གསར་ཁང་ལ་རྒྱ་ནག་སྲིད་གཞུང་གིས་རྒྱལ་ནང་དུ་པར་སྐྲུན་གྱི་བཀག་སྡོམ་སྔར་ལས་ཤུགས་ཆེར་བྱེད་བཞིན་ཡོད་ནའང་། དེ་ཙམ་གྱིས་སྲིད་གཞུང་གི་བློ་ཡུལ་མ་ཚིམ་པར་ད་ཆ་ནུབ་ཕྱོགས་རྒྱལ་ཁབ་ཁག་ཏུ་ཡང་རྒྱ་ནག་གི་པར་སྐྲུན་བཀག་སྡོམ་གྱི་ཤུགས་རྐྱེན་ཇེ་ཆེར་གཏོང་བཞིན་ཡོད་པ་དང་། ཨོ་སི་ཊོ་ལི་ཡའི་ནང་རྒྱ་ནག་གིི་མི་འབོར་གང་འཚམས་ཤིག་ཡོད་པར་བརྟེན་རྒྱ་ནག་གིས་ཁྱོན་ཡོངས་ནས་ཨོ་སི་ཊོ་ལི་ཡའི་བརྒྱུད་ལམ་ཡོངས་སུ་བཀག་སྡོམ་བྱེད་པར་འབད་བརྩོན་བྱེད་བཞིན་ཡོད་སྐོར་ནན་བརྗོད་གནང་འདུག
རྒྱ་ནག་གི་པར་སྐྲུན་ཁང་དང་མཉམ་དུ་ཕྱག་ལས་གནང་ཡོད་པའི་དཔེ་སྐྲུན་ཁང་ཞིག་གིས་བཤད་པར་རྒྱ་ནག་གི་ནང་དུ་སྲོལ་ཡིག་དེའི་གཞུང་ལུགས་དེ་སྔ་མོ་ཞིག་ནས་ཡོད་ནའང་། ད་ཆ་རྒྱ་ནག་གིས་གློ་བུར་དུ་མངོན་གསལ་གྱིས་པར་སྐྲུན་བཀག་སྡོམ་གྱི་སྒྲིག་གཞི་དེ་ཇེ་དམ་དུ་བཏང་སོང་ཞེས་བརྗོད་པ་མ་ཟད། རྒྱ་ནག་གིས་དཔེ་དེབ་ཡོད་ཚད་ལ་ཞིབ་བཤེར་བྱེད་བཞིན་ཡོད་པ་དང་ང་ཚོས་རྒྱ་ནག་གིས་དཔེ་དེབ་ཡོད་ཚད་རེ་རེ་བཞིན་ཅི་ལྟར་ཀློག་བཞིན་ཡོད་ཚུལ་དེ་ཤེས་དཀའ་ནའང་ཁོང་ཚོས་ཡོད་ཚད་ཀློག་བཞིན་ཡོད་པ་ཁག་ཐེག་བྱེད་ཐུབ་ཅེས་འགྲེལ་བརྗོད་བྱས་ཡོད་པ་ཡང་འཁོད་འདུག
༸གོང་ས་མཆོག་ཆེས་ཤུགས་རྐྱེན་ལྡན་པའི་ཆོས་ཕྱོགས་ཀྱི་དབུ་ཁྲིད་ཨང་གསུམ་པར་བདམས་པ།
vot.org -
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཛམ་གླིང་ནང་ཆེས་ཤུགས་རྐྱེན་ལྡན་པའི་ཆོས་ཕྱོགས་ཀྱི་དབུ་ཁྲིད་ཨང་གསུམ་པར་བདམས་ཐོན་བྱུང་འདུག
དབྱིན་ཡུལ་ནང་རྟེན་གཞི་བྱས་པའི་ Watkins Magazine ཞེས་ལུས་སེམས་སྲོག་སྐོར་གྱི་དུས་དེབ་ཐོག་ཉེ་ཆར་ཕྱི་ལོ་ ༢༠༡༩ ལོའི་ཆོས་ཕྱོགས་ཀྱི་སློབ་སྟོབ་པ་དང་ལས་འགུལ་བ། རྩོམ་པ་པོ། ལྟ་གྲུབ་སྨྲ་བ་སོགས་འཛམ་གླིང་ནང་ཆེས་ཤུགས་རྐྱེན་ལྡན་པའི་སྐྱེས་བུ་སྐུ་འཚོ་བཞུགས་ཡོད་པ་བརྒྱའི་མཚན་གཞུང་ཞིག་གསལ་བསྒྲགས་གནང་བའི་ཁོངས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཆེས་ཤུགས་རྐྱེན་ལྡན་པའི་ཆོས་ཕྱོགས་ཀྱི་དབུ་ཁྲིད་ཨང་རིམ་མཐོ་ཤོས་གསུམ་པར་མཚན་འདོན་ཞུས་འདུག
ཆེས་ཤུགས་རྐྱེན་ལྡན་པའི་མི་སྣའི་ཁོངས་སུ་ཨང་དང་པོར་ཡི་ཤུའི་རྣམ་དག་ཆོས་ལུགས་ཀྱི་བླ་ཆེན་ Pope Francis མཆོག་དང་གཉིས་པར་ Oprah Winfrey ལགས། དེ་བཞིན་ཡི་ཤུའི་ཆོས་དཔོན་ Desmond Tutu མཆོག་སོགས་ཡིན་པ་རེད།Watkins དུས་དེབ་ཐོག་ཆེས་སྙན་གྲགས་དང་ཤུགས་རྐྱེན་ལྡན་པའི་མི་སྣའི་མཚན་གཞུང་ཁོངས་སུ་ཐོན་པར་ཆ་རྐྱེན་གསུམ་ལྡན་ཚང་དགོས་པ་ལྟར། སྐུ་འཚོ་བཞུགས་ཡོད་པ་དང་འཛམ་གླིང་ཁྱོན་ལ་དམིགས་བསལ་ཆོས་ཕྱོགས་ཀྱི་ལེགས་སྐྱེས་ནུས་པ་ལྡན་པ། དྲྭ་རྒྱའི་བརྒྱུད་ལམ་ཐོག་འཛམ་གླིང་ཁྱོན་ནས་དེར་དོ་སྣང་ཆེན་པོ་ཞུ་ཡུལ་དང་། དེ་བཞིན་ Wikipedia ནང་གང་ཟག་དེ་འབྲེལ་ལོ་རྒྱུས་ཡོད་དགོས་པ་བཅས་ཀྱི་ཆ་རྐྱེན་ལྡན་དགོས་ཀྱི་ཡོད་པ་རེད། ཐེངས་འདིའི་མཚན་གཞུང་དེ་དྲྭ་ལམ་གཅིག་པོ་མིན་པར་ཕྱི་ཟླ་ ༢ ཟླ་མཇུག་གི་དུས་དེབ་འདོན་ཐེངས་ ༥༧ པའི་ནང་པར་སྐྲུན་འགྲེམས་སྤེལ་ཞུ་རྒྱུ་རེད་འདུག
རྩ་བའི་དབྱིན་ཇིའི་རྒྱལ་ས་ལོན་ཌན་དུ་རྟེན་གཞི་བྱས་པའི་ Watkins དཔེ་དེབ་ཁང་ནས་ཆོས་ཕྱོགས་དང་བསམ་བློའི་བཅོས་སྒྱུར་སོགས་ཀྱི་ཐད་འདས་པའི་ལོ་ ༡༢༠ ལ་བློ་སྤོབས་ཀྱི་ལས་གཞི་སྤེལ་བཞིན་པ་དང་ཤོག་གྲངས་ ༡༦ ཅན་གྱི་དུས་དེབ་དེའི་ནང་ཆེས་སྙན་གྲགས་ཆེ་བའི་མི་སྣ་དེ་དག་གི་ཕྱག་རྗེས་དང་འདྲ་པར། མཛད་རྣམ་དེ་བྱུང་སོགས་བཀོད་ཡོད་པ་རེད།
རེས་གཟའ་ཉི་མ། ༢༠༡༩།༠༢།༢༤
vot.org -
ཉན་པ།: Listen
ཕབ་ལེན། Download
བོད་ནང་གི་ངལ་རྩོལ་བསྒྱུར་བཀོད་ར་བའི་སྐོར་ལ་གླེང་མོལ།
Sunday 24/02/2019
Gulags of Tibet: Panel Discussion
རེས་གཟའ་སྤེན་པ། ༢༠༡༩།༠༢།༢༣
vot.org -
ཉན་པ།: Listen
ཕབ་ལེན། Download
ཆོས་རབ་ཏུ་རྣམ་འབྱེད་ཀྱི་ཤེས་རབ་འཕེལ་བར་འཇམ་པའི་དབྱངས་སྒྲུབ་དགོས་ཞེས་བཀའ་བསྩལ་སོང།
ཤེས་རིག་ཚོགས་ཆེན་ཐེངས་བདུན་པ་དབུ་འཛུགས་གནང་བ།
མོན་གྷོ་འདོོད་རྒུ་གླིང་དུ་བོད་རིགས་མཐོ་རིམ་སློབ་མའི་ཚོགས་ཆེན་ཐེངས་ ༡༣ པ་འཚོགས་བཞིན་པ།
ཨེ་ཙིའི་ནད་གཞི་སྔོན་འགོག་གི་གོ་རྟོགས་སླད་དཔེ་དེབ་དང་འོོད་སྡེར་ཁྲི་གསུམ་རིན་མེད་འགྲེམས་སྤེལ།
ཨ་རི་མི་ནི་སོ་ཊ་གཙུག་ལག་སློབ་ཁང་གིས་རྒྱ་གཞུང་གི་ཁུང་ཙི་སློབ་གླིང་དང་འབྲེལ་བ་གཅོད་རྒྱུ།
Saturday 23/02/2019
Dalai Lama confers Manjushri initiation to thousands of devotees
DOE hosts 7th Tibetan General conference on Education
13th Tibetan College Students Conference begins in Mundgod
Free distribution of books and CDs for creating awareness of AIDS in Tibet
UMN’s Confucius Institute set to close