Monthly Archives: February, 2019

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་རབ་ཏུ་རྣམ་འབྱེད་ཀྱི་ཤེས་རབ་འཕེལ་བར་འཇམ་པའི་དབྱངས་སྒྲུབ་དགོས་ཞེས་བཀའ་བསྩལ་ཏེ། ཉིན་བཞིའི་ཆོས་འབྲེལ་རེ་ཞིག་ལེགས་གྲུབ་མཛད་འདུག དེ་ཡང་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འདས་པའི་ཉིན་གྲངས་གསུམ་གྱི་རིང་ཕྱི་ནང་གི་དད་ལྡན་ཆོས་ཞུ་བ་མང་ཚོགས་སྟོང་ཕྲག་བརྒལ་བར་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མའི་སྙིང་པོའི་བཀའ་ཆོས་བཀྲིན་བསྐྱངས་ཡོད་པ་ལྟར། དེ་རིང་ཆོས་འབྲེལ་གྱི་ཉིན་མཐའ་མའི་ཐོག་མགོན་པོ་༸གང་ཉིད་མཆོག་གིས་ཆོས་ཞུ་བ་ཚོར་༸རྗེ་བཙུན་འཇམ་དབྱངས་ཀྱི་རྗེས་གནང་དངོས་གཞི་དབུ་འཛུགས་མ་བསྩལ་གོང་། ཆོས་ཞུ་བ་ཚོར་བྱང་སྡོམ་འབོག་ཆོག་གནང་བ་དང་ཆབས་ཅིག་ཏུ་ཐོག་མར་རང་ཉིད་སྒོ་གསུམ་གྱི་མི་མཐུན་ཕྱོགས་ཀྱི་སྒྲིབ་པ་དེ་དག་བཤག་དགོས་པ་དང་སེམས་ཅན་ཐམས་ཅད་སོ་སོའི་གཉེན་དུ་བལྟ་ཐུབ་ཚེ་གང་སྣང་བ་ཀུན་གཉེན་དུ་ཤར་ཐུབ་ངེས་ཡིན་པར་བཀའ་བསྩལ་འདུག དེ་བཞིན་༸གོང་ས་མཆོག་གིས་༸སྐུ་སྒེར་གྱི་མྱོང་བ་དང་སྦྱར་ནས་གསུངས་པར་ཆོས་རབ་ཏུ་རྣམ་འབྱེད་ཀྱི་ཤེས་རབ་གོང་ནས་གོང་དུ་འཕེལ་བར་ཐུན་མོང་མ་ཡིན་པའི་ལྷག་པའི་ལྷ་དེ་༸རྗེ་བཙུན་འཇམ་དཔལ་དབྱངས་ཡིན་པ་ལྟར་༸གང་ཉིད་༸རྗེ་བཙུན་འཇམ་དཔལ་དབྱངས་དང་སེམས་ཐག་ཉེས་པོ་ཡོད་པ་དང་། ༸གང་ཉིད་མཆོག་སྐུ་ན་ཆུང་དུས་ནས་འཇམ་དབྱངས་ཀྱི་གཟུངས་སྔགས་འདོན་གྱི་ཡོད་པ་མ་ཟད། ང་ཚོ་འགྲོ་བ་མིའི་རིགས་ལ་སེམས་ཅན་གཞན་དང་མི་འདྲ་བར་ཆོས་རབ་ཏུ་རྣམ་འབྱེད་ཀྱི་ཤེས་རབ་ཡོད་སྟབས། ཤེས་རབ་དེ་འཕེལ་བར་ཚང་མས་ངེས་པར་དུ་འཇམ་པའི་དབྱངས་སྒྲུབ་དགོས་ཞེས་བཀའ་བསྩལ་འདུག ལྷག་དོན་༸གང་ཉིད་མཆོག་གིས་བོད་གངས་ཅན་ལྗོངས་ཀྱི་དཔལ་ནཱ་ལེནྡྲའི་ཆོས་བརྒྱུད་འཛིན་མཁན་རྣམས་ནས་ཆོས་ལ་དད་པ་བྱེད་པ་ཁོ་ན་ལས་ནང་པའི་ལྟ་གྲུབ་ཐོག་སློབ་གཉེར་གནང་ནས་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་བྱེད་དགོས་གལ་ཡིན་པའི་ལམ་སྟོན་བཀྲིན་བསྩལ་འདུག གཞི་རྩའི་༸གོང་ས་༸སྐྱབས་མགོན་ཆེན་པོ་མཆོག་གིས་ད་ལན་དད་ལྡན་མང་ཚོགས་ལ་དབུ་མ་སྙིང་པོའི་བཀའ་ཆོས་བཀའ་དྲིན་བསྩལ་བ་འདི་ནི་རྒྱལ་རོང་བརྟན་བཞུགས་གོ་སྒྲིག་ཚོགས་ཆུང་ནས་གསོལ་འདེབས་ཞུས་པ་ཞིག་ཡིན་པ་དང་ཐེངས་འདིའི་ཆོས་འབྲེལ་ཐོག་རྒྱ་གར་གཙོས་པའི་རྒྱལ་ཁབ་མི་འདྲ་བ་ ༥༨ ནས་ཁྱོན་ཆོས་ཞུ་བ་ ༧༠༠༠ ལྷག་ཆེད་བཅར་གནང་ཡོད་པ་རེད།

དེ་རིང་བཞུགས་སྒར་གངས་སྐྱིད་ཊི་ཁང་པའི་ཚོགས་ཁང་དུ་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག་ཤེས་རིག་ཚོགས་ཆེན་ཐེངས་བདུན་པ་དེ་འཚོགས་པ་དང་སྦྲགས། སྐབས་དེར་བོད་མིའི་སྒྲིག་འཛུགས་སྲིད་སྐྱོང་བློ་བཟང་སེང་གེ་མཆོག་གིས་དགེ་རྒན་ཚོས་སློབ་ཕྲུག་ལ་བརྩེ་བ་དང་། ཤེས་ཡོན་ཡར་རྒྱས་ཐད་ཚོར་བ་མེད་ན་སློབ་གྲྭ་སྤྱི་ཡོངས་ཀྱི་ཤེས་ཡོན་གྱི་གནས་ཚད་ཉམས་རྒུད་འགྲོ་ངེས་ཡིན་པ་གསུངས་སོང་།དེ་ཡང་དེ་རིང་ཤེས་རིག་ཚོགས་ཆེན་ཐེངས་བདུན་པའི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་སྲིད་སྐྱོང་མཆོག་གཙོས་པའི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། ལྷན་ཁང་ཁག་གི་དྲུང་ཆེ་རྣམ་པ། དེ་བཞིན་རྒྱ་བལ་དང་ཕྱི་རྒྱལ་གཟའ་མཇུག་སློབ་གྲྭའི་སློབ་སྤྱི་དང་། དགེ་རྒན་༢༤༠ མན་ཙམ་ཞིག་ནས་མཉམ་ཞུགས་གནང་འདུག  སྐབས་དེར་ཚོགས་ཆེན་གྱི་སྐུ་མགྲོན་གཙོ་བོ་སྲིད་སྐྱོང་མཆོག་གིས། ངོས་ནས་ཤེས་ཡོན་སྲིད་བྱུས་ནི་རང་ཉིད་སློབ་ཕྲུག་ཡིན་པའི་སྐབས་མཐུན་རྐྱེན་མི་འདང་བ་དེ་ད་ལྟའི་སློབ་ཕྲུག་ཚོར་སྦྱོར་ཐུབ་པ་དེར་ངོས་འཛིན་ཞུ་བཞིན་ཡོད་པ་དང་འབྲེལ། དགེ་རྒན་ཟེར་བ་དེ་རྩ་ཆེན་ཞིག་དང་། དགེ་རྒན་ཚོས་ངོས་ནས་མི་ཚེ་ཧྲིལ་པོ་ཤེས་ཡོན་གྱི་ཐོག་གཏོང་བ་དང་། མ་འོངས་སོན་རྩ་བསྐྲུན་མ་བསྐྲུན་དེ་དགེ་རྒན་ལ་རག་ལས་པས། དགེ་རྒན་གྱི་ལས་དོན་དེ་རླབས་ཆེན་ཞིག་ཡིན་པར་ངོས་འཛིན་དང་སྦྲགས།  ད་རེས་ཚོགས་ཆེན་དེ་བརྒྱུད་དགེ་རྒན་ཚོས་གྲོས་གཞི་བཞག་པ་དེའི་ཐོག་བཀའ་བསྡུར་ཞིབ་ཞིང་ཕྲ་བ་དང་། དོན་ལ་འཁེལ་བ་ཡོང་རྒྱུའི་རེ་བ་དང་། བཀའ་ཤག་ངོས་ནས་གྲོས་ཆོད་ཁག་ཕྱག་བསྟར་གནང་ཐབས་སུ་འབད་བརྩོན་མཐའ་ཅིག་ཏུ་བྱེད་རྒྱུ་ཡིན་པ་གསུངས་འདུགགཞི་རྩའི་ཚོགས་ཆེན་བདུན་པའི་ཐོག་གྲོས་གཞི་རིམ་པ་བཞིར་གྲོས་བསྡུར་གནང་རྒྱུ་ཡིན་འདུག་པ་དང་། གྲོས་གཞི་དེ་ཡང་སློབ་གྲྭ་ཁག་ནང་བོད་རིགས་སློབ་ཕྲུག་ཇེ་ཉུང་དུ་འགྲོ་བཞིན་པ་དང་བསྟུན་མ་འོངས་པའི་སློབ་གྲྭའི་གྲངས་ཚད་དང་། ཤེས་ཡོན་གྱི་གནས་ཚད་ཐད་འཛིན་སྐྱོང་ནས་ལས་དོན་ཚགས་ཚུད་གཏོང་ཐབས་དང་། ཤེས་ཡོན་སྲིད་བྱུས་ལག་བསྟར་གནང་ནས་ལོ་ ༡༣ ལྷག་འགྲོ་བཞིན་པར་ད་དུང་མུ་མཐུད་ཚགས་ཚུད་གཏོང་ཐབས་དང་། བོད་དབྱིན་གཉིས་ཀྱི་སྐད་ཡིག་སློབ་ཁྲིད་ཡར་རྒྱས་གཏོང་ཐབས། ཆོས་ལུགས་ལ་མ་བརྟེན་པའི་བཟང་ཕྱོགས་སློབ་སྤེལ་སྐོར་གནང་ཕྱོགས། དེ་བཞིན་སློབ་སྤྱི་དང་དགེ་རྒན་རྣམ་པའི་ཆེད་ལས་དང་ནུས་པ་སོགས་གོང་མཐོར་གཏོང་ཕྱོགས་དང་། ཕ་མའི་ཚོགས་ཆུང་ནས་སློབ་ཕྲུག་གི་ཤེས་ཡོན་ཐོག་ནུས་པ་མཉམ་སྤུངས་སླད་སློབ་གྲྭའི་འགན་འཛིན་ནས་འགན་ཁུར་དང་། ལས་རིགས་སློབ་སྦྱོང་ཐད་དོ་དབྱིངས་བསྐྲུན་ཐབས་དང་སྤྱི་ཚོགས་ཀྱི་གཟིགས་ཕྱོགས་ལ་བསྒྱུར་བཅོས་བཅས་ཡིན་པ་རེད་འདུག

ཉན་པ།: Listen ཕབ་ལེན། Download ནང་པའི་གཞུང་ལུགས་དག་ལ་སློབ་གཉེར་གནང་ཚེ་དེ་ལ་གྲུབ་འབྲས་སོན་རྒྱུ་ཡོད། ཞི་ཅིན་ཕིང་ལ་བོད་ཀྱི་སྐད་ཡིག་རྡོག་རོལ་མཚམས་འཇོག་དགོས་བའི་ཞུ་སྐུལ། རྒྱལ་སྤྱིའི་༸རྗེ་ཙོང་ཁ་པའི་ལོ་སྲུང་བརྩི་དང་འབྲེལ་བའི་ལས་རིམ་ཁག་ཡོངས་བསྒྲགས་གནང་བ། ༢༠༡༩ ལོའི་བོད་ཀྱི་རྩེད་ཕུད་རྐང་རྩེད་སྤོ་ལོའི་བུམ་པ་སྦེལ་ཀོབ་རུ་ཁག་ལ་ཐོབ་པ། དམིགས་བསལ་ལས་རིམ། སྤུ་རུ་ཝ་ལ་ས་སྐྱ་གཞིས་ཆགས་སྐོར། Friday 22/02/2019 Dalai Lama concludes Uma Nyingpo teaching Tibetan NGOs urge Xi to embrace cultural and linguistic diversity Gelug International Foundation announces 2019 as Year of ‘Tsongkhapa’ Team Bylakuppe bags Champion League trophy DIASPORA FEATURE: Purwala Sakya Tibetan Society Settlement

དེ་རིང་ཕྱི་ཟླ་ ༢ ཚེས་ ༢༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མ་སྙིང་པོའི་བཀའ་ཆོས་འཕྲོ་སྐྱོང་མ་གནང་གོང་དུ་ཆོས་ཞུ་བ་ཚོས་འབད་བརྩོན་གྱི་ཐོག་ནས་ནང་པའི་གཞུང་ལུགས་དག་ལ་སློབ་གཉེར་གནང་ཚེ་དེ་ལ་གྲུབ་འབྲས་ངེས་ཅན་ཞིག་སོན་རྒྱུ་ཡོད་པ་ལམ་སྟོན་བསྩལ་སོང་།༸གོང་ས་༸སྐྱབས་མགོན་ཆེན་པོ་མཆོག་གིས་༸གང་ཉིད་མཆོག་དགུང་ལོ་བཅུ་གྲངས་ནས་ཕྱག་དཔེ་གཟིགས་རྒྱུའི་ཐུགས་སྣང་ཆེན་པོ་འཁྲུངས་སྐོར་བཀའ་བསྩལ་བ་དང་འབྲེལ། རིམ་བཞིན་སྟོང་ཉིད་ཀྱི་ལྟ་བར་ཐུགས་སྣང་ཆེ་བཞེས་ཀྱིས་ད་བར་དགུང་ལོ་ ༧༠ ལྷག་ཕེབས་ཡོད་པ་དང་། མགོན་པོ་མཆོག་དགུང་ན་ཕྲ་མོ་སྐབས་བྱང་ཆུབ་ཀྱི་སེམས་ཞེས་པ་དེ་ཐུགས་རྒྱུད་ལ་འཁྲུངས་དཀར་བར་དགོངས་ཀྱི་ཡོད་ཀྱང་༸གང་ཉིད་མཆོག་གི་ཐུགས་རྒྱུད་ལ་དེ་ལྟར་འཁྲུངས་པར་ལོ་ངོ་བཞི་བཅུ་ཞེ་གྲངས་རིང་ཉམས་བཞེས་མཛད་པའི་ཁྲོད་སྤྱོད་འཇུག་གཙོས་པའི་བློ་སྦྱོང་སོགས་ལ་སློབ་གཉེར་གནང་འབྲས་སུ་ད་ཆ་བྱང་ཆུབ་སེམས་དང་ཐུགས་ཉེ་པོ་ཆགས་ཡོད་པར་བཀའ་བསྩལ་ཡོད།ལྷག་དོན་མགོན་པོ་མཆོག་གིས་བཞུགས་ཁྲིར་བཞུགས་པའི་༸གོང་ས་མཆོག་ཞེས་པ་འདི་དཀའ་སྤྱད་ཀྱིས་སློབ་གཉེར་གནང་བ་ཞིག་ཡིན་པ་ཤེས་པའི་ཐོག་ནས་སྟོང་ཉིད་ཀྱི་ལྟ་བར་དགོངས་བཞེས་གནང་དགོས་པ་བཀའ་བསྩལ་བ་དང་འབྲེལ་ཏེ། ཆོས་ཞུ་བ་ཚོས་འབད་བརྩོན་གྱི་ཐོག་ནས་ནང་པའི་གཞུང་ལུགས་དག་ལ་སློབ་གཉེར་གནང་ཚེ་དེར་གྲུབ་འབྲས་ངེས་ཅན་ཞིག་སོན་རྒྱུ་ཡོད་པ་ལམ་སྟོན་མཛད་སོང་།  ༸གོང་ས་མཆོག་གིས་ཆོས་ཞུ་བ་ཚོར་མིའི་ལུས་རྟེན་ལ་བརྟེན་ནས་སྐྱེ་བ་གཏན་གྱི་འདུན་མ་ཐར་པ་དང་ཐམས་ཅད་མཁྱེན་པའི་གོ་འཕང་བསྒྲུབ་ཞུས་པའི་དཔལ་ནཱ་ལེནྡཱའི་ཆོས་བརྒྱུད་དང་མཇལ་ཡོད་པ་དང་། དེ་ཡང་སྔོན་གྱི་ལོ་ཙཱ་བ་རྣམས་ཀྱིས་སྐུ་ལས་བསྐྱོན་ནས་བོད་སྒྱུར་གནང་བའི་བཀའ་འགྱུར་དང་བསྟན་འགྱུར་གཉིས་ལ་སློབ་གཉེར་གནང་ཐོག་མི་ཚེ་དོན་སྙིང་ལྡན་པ་ཞིག་དང་། ཚེ་རབས་ཀུན་ཏུ་བདེ་ཞིང་སྐྱིད་པ་ཞིག་ཡོང་རྒྱུའི་རེ་བ་ཡོད་སྐོར་ལམ་སྟོན་མཛད་ཡོད།མགོན་པོ་༸གང་ཉིད་མཆོག་གིས་བསྟན་པ་སྤྱི་མཚན་དང་གང་ཟག་དགོས་གཉིས་ཀྱི་གཟབ་རྒྱས་ལམ་གྱི་རིམ་པ་རྣམས་ལེགས་པོ་ཤེས་ཐབ་སུ་ཐོག་མར་ཐོས་བྱུང་གི་ཤེས་རབ་སྐྱེས་དགོས་པ་དང་བར་དུ་བསམ་བྱུང་གྱི་ཤེས་རབ་སྐྱེས་དགོས་པ། དེ་ནས་རིམ་བཞིན་སྔགས་ཀྱི་རྣལ་འབྱོར་དང་འབྲེལ་ནས་ཏིང་ངེ་འཛིན་གྱི་ཤེས་རབ་སྐྱེས་དགོས་གལ་ཡིན་པ་བཀའ་བསྩལ་སོང་། གཞི་རྩའི་རྒྱལ་རོང་བརྟན་བཞུགས་གོ་སྒྲིག་ཚོགས་ཆུང་ནས་ཇི་ལྟར་གསོལ་འདེབས་ཞུས་དོན་ལྟར་༸གོང་ས་༸སྐྱབས་མགོན་ཆེན་པོ་མཆོག་ནས་ཁ་ཉིན་ཚེས་ ༢༠ ཉིན་དབུ་མ་སྙིང་པོ་བཀའ་ཆོས་དབུ་འཛུགས་ཀྱིས་དེ་རིང་དབུ་མ་སྙིང་པོའི་བཀའ་ཆོས་མཇུག་སྒྲིལ་གནང་ཡོད་པ་དང་། སང་ཉིན་སེར་སྐྱ་མང་ཚོགས་ལ་འཇམ་དབྱངས་ཀྱི་རྗེས་གནང་བསྩལ་རྒྱུ་ཡིན་པ་རེད།

དེ་རིང་སྔ་ཐོག་ཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་ཆོས་ལེགས་པར་གྲུབ་མཚམས་སུ་རྣམ་རྒྱལ་གྲྭ་ཚང་གི་དཔེ་མཛོད་ཁང་དུ་འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ཀྱིས་གསར་འགོད་ལྷན་ཚོགས་ཤིག་གི་ཐོག་ནས་རྒྱལ་སྤྱིའི་༸རྗེ་ཙོང་ཁ་པའི་ལོ་སྲུང་བརྩི་དང་འབྲེལ་བའི་ལས་རིམ་ཁག་གཅིག་ཡོངས་བསྒྲགས་གནང་སོང་།འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ནས་སྔར་ལོའི་ལོ་མཇུག་ཏུ་ཕྱི་ལོ་ ༢༠༡༩ ལོར་འཇམ་མགོན་བླ་མ་༸རྗེ་ཙོང་ཁ་པ་ཆེན་པོ་མཆོག་གདུལ་བྱ་རྟག་འཛིན་ཅན་གྱི་ངོར་དགོངས་པ་ཆོས་དབྱིངས་སུ་ཐིམ་ཚུལ་བསྟན་ནས་མི་ལོ་  ༦༠༠ འཁོར་བ་བསྟུན་༸རྗེ་རིན་པོ་ཆེ་མཆོག་གི་བཀའ་དྲིན་རྗེས་སུ་དྲན་པའི་ཐོག་ཕྱི་ལོ་ ༢༠༡༩ སྟེ་བོད་རབ་གནས་ས་མོ་ཕག་གི་ལོ་ཧྲིལ་པོ་འདི་རྒྱལ་སྤྱིའི་༸རྗེ་ཙོང་ཁ་པའི་ལོ་ཞེས་སྲུང་བརྩི་ཞུ་རྒྱུ་ཡོངས་བསྒྲགས་གནང་བ་ལྟར། དེ་རིང་གསར་འགོད་ལྷན་ཚོགས་ཐོག་འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་དྲུང་ཆེ་འབྲས་སྤུངས་སྒོ་མང་གྲྭ་ཚང་གི་མཁན་ཆེན་བློ་བཟང་རྒྱལ་མཚན་དཔལ་བཟང་པོ་མཆོག་གིས་རྒྱལ་སྤྱིའི་༸རྗེ་ཙོང་ཁ་པའི་ལོ་སྲུང་བརྩི་དང་འབྲེལ་བའི་དེ་སྔའི་གསལ་བསྒྲགས་སྒྲོག་སྦྱང་དང་འབྲེལ། ལྷན་ཚོགས་དེས་ལོ་འཁོར་མོ་འདི་རྒྱལ་སྤྱིའི་༸རྗེ་ཙོང་ཁ་པའི་ལོ་སྲུང་བརྩི་ཞུ་རྒྱུར་ཐུགས་གཏན་ཁེལ་དོན་ལྟར་ཟླ་བ་སྔོན་མའི་ནང་༸རྗེ་ཙོང་ཁ་པའི་བཀའ་དྲིན་རྗེས་སུ་དྲན་པོའི་ཐོག་དབུ་མ་སྙིང་པོའི་རྩ་འགྲེལ་དང་དབུ་མ་རྒྱན། དབུ་མ་སྣང་བ་བཅས་དབུ་མའི་གཞུང་ཆེ་ཁག་གསུམ་གྱི་ཐོག་དགེ་འདུན་པ་ཁག་གི་མཁས་པའི་བགྲོ་གླེང་ཞིག་གོ་སྒྲིག་ཞུས་ཟིན་པ་དང་། ད་ལྟའི་འཆར་ལས་རིམ་གཙོ་བོ་༸རྗེ་རིན་པོ་ཆེའི་བསྟོད་པ་དམིགས་བརྩེ་མ་ས་ཡ་ ༦༠༠ གསོག་སྒྲུབ་དང་། དད་ལྡན་མང་ཚོགས་ལ་༸རྗེ་ཙོང་ཁ་པ་དང་སྟོན་པའི་སྣང་བརྙན་རེ་འགྲེམ་སྤེལ་ཞུ་རྒྱུ། ༸རྗེ་ཡབ་སྲས་གསུམ་གྱི་གསུང་འབུམ་དེ་དག་དཔེ་དེབ་དང་དྲྭ་ཐོག་བཅས་སུ་འགྲེམས་སྤེལ་ཞུ་རྒྱུ་སོགས་ཀྱི་ལས་རིམ་ཁག་གཅིག་ད་ལྟ་གནང་མུས་ཡིན་པ་གསུངས་ཡོད།རྒྱལ་སྤྱིའི་དགེ་ལྡན་ལྷན་ཚོགས་ནས་༸རྗེ་རིན་པོ་ཆེའི་ཐུན་མིན་གྱི་ལྟ་སྒོམ་སྤྱོད་གསུམ་དང་འབྲེལ་བའི་སེར་སྐྱ་དབྱེ་མེད་ཀྱི་དཔྱད་རྩོམ་དང་སྙན་རྩོམ་འགྲན་བསྡུར། བློ་རྒྱུགས་འགྲན་བསྡུར། དེ་བཞིན་ཧོང་ཀོང་དང་མ་ལེ་ཤ་ཡའི་ནང་གསུང་ཆོས་ལས་རིམ་དང་། གནས་མཆོག་རྡོ་རྗེ་གདན་དུ་དམིགས་བསལ་སྨོན་ལམ་དང་རྟེན་འབྲེལ་ཐོག་རིས་མེད་ཆོས་བརྒྱུད་ཁག་གི་མཁས་པའི་འགྲོ་གླེང་སོགས་གོ་སྒྲིག་ཞུ་རྒྱུ་རེད་འདུགགཞི་རྩའི་གསར་འགོད་ལྷན་ཚོགས་ཐོག་འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་ཚོགས་མི་དགའ་ལྡན་ཤར་བྱང་གཉིས་དང་འབྲས་སྤུངས་སྒོ་མང་དང་བློ་གསལ་གླིང་། སེ་ར་བྱེས་སྨད་གཉིས། བཀྲ་ཤིས་ལྷུན་པོ་དང་རྒྱུད་གྲྭ་སྟོད་སྨད་གཉིས། དེ་བཞིན་རྭ་སྟོད་བཅས་ཀྱི་མཁན་རིན་པོ་ཆེ་རྣམ་པ་དང་བོད་མི་མང་དགེ་ལུགས་སྤྱི་འཐུས་རྣམ་གཉིས་བཅས་ཕེབས་ཡོད་པ་དང་། སྐབས་དེར་འཛམ་གླིང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་དྲུང་ཆེས་དད་ལྡན་མང་ཚོགས་དང་ཚོགས་པ་ཁག་ནས་ནས་ཀྱང་འཇམ་མགོན་བླ་མ་༸རྗེ་ཙོང་ཁ་ཆེན་པོའི་བཀའ་དྲིན་རྗེས་དྲན་མཚོན་ཆེད་དུ་ཆོས་ཕྱོགས་ཀྱི་མཛད་རིམ་གང་མང་སྤེལ་རྒྱུའི་འབོད་སྐུལ་ཞུས་ཡོད།

ཨ་རི་དང་ཡུ་རོབ་གཙོ་གྱུར་བོད་དོན་རྒྱབ་སྐྱོར་གྱི་ཚོགས་པ་ཆེ་ཁག་བཅུས་མཉམ་འབྲེལ་ཐོག་ནས་རྒྱ་ནག་གི་སྲིད་འཛིན་ཞི་ཅིན་ཕིང་ལ་ཞུ་ཡིག་ཅིག་བྲིས་ཏེ་མཉམ་འབྲེལ་རྒྱལ་ཚོགས་ཀྱི་ཆོས་དང་རིག་གཞུང་། དཔལ་འབྱོར་སོགས་བདག་གཅེས་དགོས་པའི་ཁྲིམས་ཡིག་གི་དོན་ཚན་ཁག་དང་། ལྷག་པར་དུ་རྒྱ་ནག་གི་རྩ་ཁྲིམས་ཀྱི་དོན་ཚན་ ༤ དང་ ༣༥ ལུང་འདྲེན་གྱིས་བོད་ཀྱི་སྐད་ཡིག་དང་རིག་གཞུང་ལ་བདག་གཅེས་ཀྱི་ཐོབ་ཐང་དགོས་པའི་ཞུ་སྐུལ་གནང་འདུགཁ་སང་རྒྱལ་སྤྱིའི་ཕ་སྐད་ཉིན་མོ་དང་སྟབས་བསྟུན་བོད་དོན་རྒྱབ་སྐྱོར་གྱི་ཚོགས་པ་ཆེ་ཁག་བཅུས་རྒྱལ་སྤྱིའི་ཕ་སྐད་ཉིན་མོ་ནི་རིག་གཞུང་དང་སྐད་ཡིག་སྣ་མང་ལ་རོལ་མྱོང་དང་བདག་གཅེས་གནང་བའི་ཉིན་མོ་ཞིག་ལ་སྲུང་བརྩི་ཞུ་བཞིན་པར་བརྟེན། ཉིན་མོ་འདི་མི་རིགས་སོ་སོའི་ཕ་མེས་ཀྱི་ཤུལ་བཞག་རིག་གཞུང་གི་བརྗོད་སྙིང་གལ་ཆེན་ཞིག་མཚོན་གྱི་ཡོད་སྟབས། བོད་ནང་གི་སྐད་ཡིག་གི་རང་དབང་རྡོག་རོལ་གཏོང་རྒྱུར་མཚམས་འཇོག་དགོས་པ་དང་། རྒྱ་ནག་གིས་བོད་སྐད་ཡིག་ལ་དབྱེ་འབྱེད་བྱས་ཏེ་ས་གནས་སྲིད་གཞུང་དང་ཁྲིམས་ཞིབ་ལམ་ལུགས། ཤེས་ཡོན་ལྟེ་གནས་མང་དག་ཅིག་ཏུ་བོད་ཀྱི་སྐད་ཡིག་ལ་ཕྱིར་བསྡུ་བྱས་ཡོད་པ་དེ་ནི་ས་གནས་བོད་རིགས་ཚོས་རང་གི་ཐུན་མོང་མ་ཡིན་པའི་རིག་གཞུང་རྩ་བརླག་འགྲོ་ཉེན་ཆེན་པོ་ཡོད་པ་མ་ཟད། དེ་ལྟ་བུའི་དབྱེ་འབྱེད་ཀྱི་བྱ་སྤྱོད་དེ་བོད་རིགས་མང་ཚོགས་ཀྱི་འགྲོ་བ་མིའི་ཐོབ་ཐང་ལ་རྡོག་རོལ་བཏང་བ་ཞིག་ཡིན་པར་གསལ་བཤད་གནང་ནས་རྒྱ་ནག་གིས་ཁྲིམས་ལུགས་དེ་དག་ཡོད་ཚད་ལ་ཁས་ལེན་བྱེད་ཀྱི་ཡོད་ནའང་ཕྱོགས་གཅིག་ནས་དེ་ལས་ལྡོག་པའི་བོད་མིའི་སྐད་དང་རིག་གཞུང་ལ་རྡོག་རོལ་གཏོང་བཞིན་ཡོད་པ་མངོན་གསལ་གནང་འདུག བོད་ནང་གི་སྐད་ཡིག་རྡོག་རོལ་གྱི་གནས་བབས་སོགས་མཚམས་འཇོག་དགོས་པ་ཙམ་མ་ཡིན་པར་སྐད་ཡིག་བདག་སྲུང་གི་རང་དབང་དང་ཐོབ་ཐང་དགོས་པའི་ཞུ་སྐུལ་དང་འབྲེལ་ནས། རྒྱལཚོགས་ཀྱིས་གཙོས་པའི་ཨ་རི་དང་ཡུ་རོབ་སོགས་ཐུན་མོང་ནས་ཆ་རྐྱེན་གང་ཡང་མེད་པར་བོད་ཀྱི་སྐད་ཡིག་ལས་འགུལ་བ་བཀྲ་ཤིས་དབང་ཕྱུག་ལགས་འཕྲལ་དུ་གློད་བཀྲོལ་གཏོང་དགོས་པ་མ་ཟད། རྒྱལ་སྤྱིའི་རིག་གཞུང་དང་སྐད་ཡིག་སྣ་མང་གི་སྒྲིག་ཡིག་དང་ཁྲིམས་ལུགས་ལ་གཞིར་བཞག་ཐོག་རྒྱ་ནག་གིས་བོད་ཀྱི་སྐད་ཡིག་ལ་གཏོར་བཅོམ་དང་སློབ་ཁྲིད་བཀག་འགོག་བྱས་པ་སོགས་ལ་བསྐྱར་ཞིབ་ཀྱིས་བོད་མི་ཚོར་རང་གི་ཉིན་རེའི་འཚོ་བའི་ཁྲོད་རང་དབང་ངང་རང་གི་སྐད་དང་ཡི་གེ་བེད་སྤྱོད་དང་གོང་མཐོར་གཏོང་རྒྱུའི་ཐོབ་ཐང་སྤྲོད་དགོས་པའི་འབོད་སྐུལ་ཞུས་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་སངས་རྒྱས་པའི་ཆོས་དེ་ལྟ་གྲུབ་ཐོག་ནས་དགོངས་པ་བཞེས་དགོས་པར་བཀའ་བསྩལ་བ། ཨ་རི་གཞུང་གིས་བོད་མིར་མུ་མཐུད་རོགས་དངུལ་གནང་གཏན་ཁེལ་འདུག བོད་ནང་གི་སྐད་ཡིག་གི་གནས་བབས་ཛ་དྲག་ཆགས་ཡོད་པར་འགྲེལ་བརྗོད་གནང་བ། སྤུ་རུ་ཝ་ལ་ས་སྐྱ་གཞིས་ཆགས་ནས་ཐོག་མའི་དམིགས་ཡུལ་ལྟར་ཕྱག་ལས་གནང་དགོས། ཊོ་རོན་ཊོ་གཙུག་ལག་སློབ་ཁང་གི་དགེ་སློབ་ཚོས་འཆི་མེད་ལྷ་མོ་ལགས་ཀྱི་ཆེད་ཞུ་སྐུལ་གནང་བ། Thursday 21/02/2019 Dalai Lama speaks on importance of Buddhist Philosophy US approves 17 Million dollars in funding for Tibetans State of Tibetan language inside Tibet critical: Tibetan rights group Puruwala Sakya Tibetan settlement celebrates 50th founding anniversary Toronto University’s faculty and students condemn backlash against Chime Lhamo

རྒྱལ་རོང་བརྟན་བཞུགས་གོ་སྒྲིག་ཚོགས་ཆུང་ནས་ཇི་ལྟར་གསོལ་འདེབས་ཞུས་དོན་བཞིན་དེ་རིང་ཕྱི་ཟླ་ ༢ ཚེས་ ༢༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་བླ་ནམེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉིན་གཉིས་པའི་སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མ་སྙིང་པོའི་བཀའ་ཆོས་འཕྲོ་སྐྱོང་མ་གནང་གོང་ སངས་རྒྱས་པའི་ཆོས་དེ་ལྟ་གྲུབ་ཀྱི་ཐོག་ནས་དགོངས་པ་བཞེས་ཐུབ་ཚེ་དོན་སྙིང་ལྡན་པ་ཞིག་ཡིན་པར་ལམ་སྟོན་བཀྲིན་ཆེ་བ་བསྩལ་སོང་།༸གོང་ས་༸སྐྱབས་མགོན་ཆེན་པོ་མཆོག་གིས་སརྒྱས་པའིགཞུང་ནས་གཞི་བདེན་པ་གཉིས་ཀྱི་རྣམ་གཞག་ལས་རྟེན་ཅིང་འབྲེལ་པར་འབྱུང་བ་ཞེས་པ་དེ་ཁོར་ཡུག་དང་འབྲེལ་བ་ཆགས་ཀྱི་ཡོད་པ་ལྟར། ནང་བཅུད་ཀྱི་སེམས་ཅན་རྣམས་བདེ་སྐྱིད་དང་ལྡན་པ་ཞིག་འཚོ་བར་ཕྱིའི་སྣོད་ཀྱི་འཇིག་རྟེན་དེ་ཡག་པོ་དགོས་པ་དང་། དེ་བཞིན་འཛམ་གླིང་གི་ཤར་ལྷོ་ནུབ་བྱང་དང་བཅས་པའི་ཕྱོགས་བཞིའི་མཚམས་བརྒྱད་པོ་དེ་དག་གཅིག་གིས་གཅིག་ལ་ལྟོས་ཡོད་པ་མ་ཟད། གཟུགས་པོ་བདེ་ཐང་ཡོང་བ་ལ་སེམས་ཀྱི་ཞི་བདེ་དགོས་པ་དང་། སེམས་ཀྱི་ཞི་བདེ་ཡོང་བ་ལ་གཟུགས་པོ་བདེ་ཐང་དགོས་སྟབས། སརྒྱས་པའི་གཞུང་ནས་གཞི་བདེན་པ་གཉིས་ཀྱི་རྣམ་གཞག་གསུངས་ཡོད་པ་དེ་དག་གཏན་ཚིགས་དང་ལྡན་པ་ཞིག་ཡིན་པ་རེད། དེས་ན་སངས་རྒྱས་པའི་ཆོས་དེ་ལྟ་གྲུབ་ཀྱི་ཐོག་ནས་དགོངས་པ་བཞེས་ཐུབ་ཚེ་དོན་སྙིང་ལྡན་པ་ཞིག་ཡིན་པར་ལམ་སྟོན་བཀྲིན་ཆེ་བ་བསྩལ་སོང་།༸གོང་ས་༸སྐྱབས་མགོན་ཆེན་པོ་མཆོག་ནས་ཆོས་ཞུ་བའི་གྲས་སུ་དེ་སྔ་ནང་ཆོས་དང་འབྲེལ་བ་མེད་པའི་ནུབ་ཕྱོགས་པའི་མི་རིགས་ཚོའི་ཕ་མེས་ཀྱི་ཆོས་ལུགས་དེ་ནང་པ་མིན་ཡང་འཛམ་གླིང་ཤར་ལྷོ་ནུབ་བྱང་སོགས་ཀྱི་གནས་ཚུལ་དེ་རྣམས་ངེས་པར་དུ་ཤེས་དགོས་པའི་དུས་རབས་འདིར་ནང་ཆོས་ལ་དོ་སྣང་གསར་པ་ཞིག་གནང་བཞིན་ཡོད་པ་དང་། ཚན་རིག་གི་བསམ་བློ་ཡོད་པ་ཚོས་ནང་ཆོས་ལ་དོ་སྣང་བྱེད་བཞིན་ཡོད་པ་མ་ཟད། རྒྱ་རིགས་ཚོ་ལ་ཆ་མཚོན་ན་དེ་སྔ་ནས་སརྒྱས་པའི་ཆོས་བྱེད་མཁན་ཡིན་པ་དང་ལྷག་པར་དུ་རྒྱ་ནག་གི་མཁས་པ་ཧུན་ཙང་ངམ་ཐང་སན་བླ་མས་དཔལ་ནཱ་ལེནྡཱའི་ཆོས་བརྒྱུད་འཛིན་མཁན་ཞིག་ཆགས་ཀྱི་ཡོད་པས་སརྒྱས་པའི་ཆོས་ལ་ཤེས་ནས་དད་པ་ཐོབ་དགོས་པ་ཞིག་གནང་དགོས་གལ་ཡིན་པར་ལམ་སྟོན་མཛད་ཡོད།ཆོས་རབ་ཏུ་རྣམ་འབྱེད་ཀྱི་ཤེས་རབ་གོང་ནས་གོང་དུ་འཕེལ་བར་ཐུན་མོང་མ་ཡིན་པའི་ལྷག་པའི་ལྷ་དེ་རྗེ་བཙུན་འཇམ་དཔལ་དབྱངས་ཡིན་པ་ལྟར་གནངས་ཉིན་སེར་སྐྱ་མང་ཚོགས་ལ་འཇམ་དབྱངས་ཀྱི་རྗེས་གནང་བསྩལ་རྒྱུ་ཡིན་པ་རེད།

ལོ་ལྟར་ཕྱི་ཟླ་ ༢ ཚེས་ ༢༡ ཉིན་རྒྱལ་སྤྱིའི་སྐད་ཡིག་ཉིན་མོར་སྲུང་བརྩི་ཞུ་བཞིན་ཡོད་པར་བརྟེན་བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་དང་དང་མང་གཙོ་འཕེལ་རྒྱས་ལྟེ་གནས་ཁང་གིས་སྐད་ཡིག་གི་ཆ་ནས་གྲངས་ཉུང་དུ་གྱུར་རིགས་ཀྱི་སྐད་ཡིག་གི་ཐོབ་ཐང་ཞེས་པའི་མཉམ་འབྲེལ་རྒྱལ་ཚོགས་ཀྱི་སྙན་ཐོ་ཞིག་བོད་སྐད་ཐོག་ཕབ་སྒྱུར་གྱིས་བོད་ནང་གི་སྐད་ཡིག་གི་གནས་བབས་གོང་མཐོར་གཏོང་ཕྱོགས་ཀྱི་འཕྲུལ་དེབ་ཅིག་སྤྱི་ཚོགས་དྲྭ་ལམ་ཐོག་ཏུ་འགྲེམས་སྤེལ་ཞུས་འདུག བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་དང་སྙན་ཐོའི་ཡིག་སྒྱུར་གནང་མཁན་པདྨ་རྒྱལ་ལགས་སུ་དཔེ་དེབ་དེའི་བརྗོད་བྱ་གཙོ་བོའི་སྐོར་ལ་བཅར་འདྲི་ཞུས་པར་སྙན་ཐོ་དེར་ས་བཅད་ ༤ དང་ནང་གསེས་དོན་ཚན་ ༨ བཅས་ཁྱོན་ཤོག་གྲངས་ ༥༣ གྱིས་གྲུབ་ཅིང་། ནང་དོན་གཙོ་བོ་ནི་སྐད་ཡིག་གི་ཐོབ་ཐང་དང་དེ་ལག་བསྟར་བྱེད་ཕྱོགས། འགྲོ་བ་མིའི་ཐོབ་ཐང་གཞིར་བཟུང་གིས་སྐད་ཡིག་གི་གནད་དོན་ཐད་བསམ་གཞིགས་དང་ལག་ལེན་སོགས་བརྒྱུད་ནས་གྲངས་ཉུང་མི་རིགས་ཀྱི་སྐད་ཡིག་ཡར་རྒྱས་གོང་འཕེལ་གཏོང་ཕྱོགས་སོགས་འཁོད་ཡོད་སྐོར་ངོ་སྤྲོད་གནང་སོང་། དེ་བཞིན་ད་ལྟའི་བོད་ནང་གི་སྐད་ཡིག་གི་གནས་བབས་དང་འབྲེལ་གསུངས་པར་རྒྱ་ནག་གིས་སྐད་གཉིས་སློབ་གསོ་ཟེར་བའི་སྲིད་བྱུས་འོག་བོད་རང་གི་སྐད་ཡིག་དེ་ཚོང་ལས་དང་ལས་རིགས་སོགས་ཀྱི་ཁྱབ་ཁོངས་སུ་བེད་མེད་བཟོས་ཏེ་ཟུར་བཅད་བྱས་ཡོད་པ་མ་ཟད། སྐད་ཡིག་རྒྱུད་འཛིན་ཚོགས་པ་ཁག་བཙན་ཤེད་ཀྱིས་སྒོ་རྒྱག་གི་ཡོད་པ་དང་མི་སྒེར་གྱི་སློབ་གསོ་བ་སོགས་འཛིན་བཟུང་བྱེད་བཞིན་པས་བོད་ཀྱི་སྐད་ཡིག་གི་གནས་བབས་དེ་ཛ་དྲག་གི་ངོ་བོར་གནས་ཡོད་པ་གསུངས་ཡོད། གཞན་ཡང་དཔེ་དེབ་དེར་ས་གནས་མི་མང་གིས་ཁྲིམས་མཐུན་གྱི་ཐོག་ནས་རང་གི་སྐད་ཡིག་དེ་ཅི་ལྟར་འཛིན་སྐྱོང་སྤེལ་གསུམ་གནང་ཐུབ་པའི་ཐབས་ལམ་དང་ལག་ལེན་སོགས་གསལ་པོར་འཁོད་ཡོད་སྟབས་བོད་རིགས་མང་ཚོགས་ཀྱིས་ཐུགས་སྣང་གནང་དགོས་པའི་རེ་སྐུལ་གནང་བཞིན་ཡོད་པར་འགྲེལ་བརྗོད་གནང་སོང་། རྩ་བའི་རྒྱལ་སྤྱིའི་སྐད་ཡིག་ཉིན་མོ་ནི་ཕྱི་ལོ་ ༡༩༩༩ ལོར་མཉམ་འབྲེལ་རྒྱལ་ཚོགས་ཀྱིས་བྷང་ལ་དྷེ་ཤཱིའི་ནང་ཕ་སྐད་སྲུང་སྐྱོབ་ཀྱི་ཞི་རྒོལ་ཁྲོད་དུ་སློབ་ཕྲུག་མང་པོ་དམར་གསོད་བཏང་བའི་ཉིན་མོ་ཆེས་ཐོག་མའི་རྒྱལ་སྤྱིའི་ཕ་སྐད་ཉིན་མོར་གཏན་འབེབས་གནང་ཡོད་པ་ལྟར། ཕྱི་ཟླ་ ༢ ཚེས་ ༢༡ ཉིན་འཛམ་གླིང་གང་སར་རྒྱལ་སྤྱིའི་སྐད་ཡིག་ཉིན་མོར་སྲུང་བརྩི་ཞུ་བཞིན་ཡོད་པ་རེད།