ARCHIVE
Monthly Archives: June, 2019
རེས་གཟའ་ཉི་མ། ༢༠༡༩།༠༦།༣༠
vot.org -
ཉན་པ།: Listen
ཕབ་ལེན། Download
བོད་ལ་གཟིགས་སྐོར་སྐུ་ཚབ་མཐའ་མའི་ལོ་རྒྱུས། བསྟན་འཛིན་ཕུན་ཚོགས་ཨ་ཏི་ཤ་ལགས་དང་གླེང་མོལ།
Sunday 30/06/2019
In conversation with Tenzin Phuntsok Atisha on his newly released book ‘His Holiness the Dalai Lama’s Fourth and the Last fact-finding delegation to Tibet, 1985’
རེས་གཟའ་སྤེན་པ། ༢༠༡༩།༠༦།༢༩
vot.org -
ཉན་པ།: Listen
ཕབ་ལེན། Download
ཡ་ཆེན་སྒར་ནས་ཕྱིར་ཕུད་བཏང་བའི་གྲྭ་བཙུན་ ༧༠ འཇོ་མདའ་རྫོང་གི་བཀག་ཉར་ཁང་དུ་བཅུག་འདུག
འཛམ་གླིང་སྟོབས་ཆེན་རྒྱལ་ཁབ་ཉི་ཤུའི་ཚོགས་ཆེན་དང་བསྟུན་གཞི་རྒྱ་ཆེ་བའི་རྔམ་སྟོན་ལས་འགུལ།
ལམ་ལྷོངས་མ་བྱུང་བའི་རྒྱ་བལ་གཉིས་ཀྱི་ས་མཚམས་ཀྱི་མེ་འཁོར་ལྕགས་ལམ།
རྒྱལ་ཚོགས་ནང་ལོ་ངོ་ ༢༣ ཙམ་གྱི་རིང་ལ་ཕྱག་ལས་གནང་མྱོང་མཁན་ལྷ་ལུང་པ་བསམ་འཕེལ་ལགས་དང་ལྷན་དུ་གླེང་མོལ།
Saturday 29/06/2019
Over 70 monks and nuns expelled from Yarchen Gar detained in Jomda County
Tibetans and Uyghurs protest in front of G20 summit venue in Osaka
Tibet - Kathmandu railway project struggling to get off the ground amid concerns of debt and earthquakes
In Conversation with Samphe D. Lhalungpa, former UN executive with over 23 years of work experience
ཡ་ཆེན་སྒར་ནས་ཕྱིར་ཕུད་བཏང་བའི་གྲྭ་བཙུན་ ༧༠ འཇོ་མདའ་རྫོང་གི་བཀག་ཉར་ཁང་དུ་བཅུག་འདུག
vot.org -
རྒྱ་ནག་གཞུང་གིས་བརྗོད་བཞིན་པའི་ཟི་ཁྲོན་དཀར་མཛེས་བོད་རིགས་རང་སྐྱོང་ཁུལ་དཔལ་ཡུལ་རྫོང་གི་ཁོངས་སུ་ཆགས་པའི་ཡ་ཆེན་ཨྱོན་བསམ་གཏན་གླིང་ཆོས་སྒར་ནང་དུ་སློབ་གཉེར་གནང་བཞིན་པའི་བོད་རང་སྐྱོང་ལྗོངས་སོགས་ཕྱི་ནས་ཡོང་བའི་གྲྭ་བཙུན་རྣམས་འདི་ལོ་ཕྱི་ཟླ་༥ པ་ནས་་ཕྱིར་ཕུད་གཏོང་པའི་ལས་གཞི་ལག་བསྟར་བྱས་པའི་ཁྲོད་འཇོ་མདའ་རྫོང་བཅུ་ཤོག་ཤང་ཁོངས་ནས་ཡིན་པའི་གྲྭ་བཙུན་བདུན་བཅུ་ཙམ་ཞིག་ཀྱང་ཉེ་ཆར་ཕྱི་ཟླ་༦ པའི་ཟླ་དཀྱིལ་ཙམ་ལ་ཕྱིར་ཕུད་བཏང་ཡོད་པ་དང་གྲྭ་བཙུན་དེ་དག་དགོན་པ་ནས་མ་བསྡད་པར་ཁ་བྲལ་ཏེ་ཕ་ཡུལ་དུ་ལོག་རྗེས་རྒྱ་ནག་གཞུང་གིིས་གྲྭ་བཙུན་རྣམས་བཙན་དབང་གིས་རང་ཁྱིམ་ནས་འཛིན་བཟུང་བྱས་ཏེ་འཇོ་བདའ་རྫོང་བཀག་ཉར་ཁང་དུ་བཅུག་ཏེ་རྒྱལ་གཅེས་ཆོས་གཅེས་ཀྱི་ཆབ་སྲིད་སློབ་གསོ་སྤྲོད་བཞིན་ཡོད་པ་རེད་འདུག
གྲྭ་བཙུན་དེ་དག་ལ་སྐྱ་ཆས་གཡོག་ཏེ་ཉིན་ལྟར་ཏཱ་ལའི་རུ་ཚོགས་ལ་དགག་པ་རྒྱག་པ་དང་རྒྱལ་ཁབ་ཀྱི་སྲིད་ཇུས་ཡག་པོ་ཡིན་ཚུལ། སོགས་ཀྱི་ཆབ་སྲིད་སློབ་གསོ་སྤྲོད་བཞིན་པ་མ་ཟད་ཆབ་སྲིད་སློབ་གསོའི་ནང་དོན་དེ་དག་བློ་འཛིན་བྱེད་དུ་བཅུག་ཏེ་རྒྱུགས་སྤྲོད་ཀྱང་བྱེད་དགོས་ཀྱི་ཡོད་པ་རེད་འདུག
གནས་ཚུལ་ངོ་སྤྲོད་པས་བརྗོད་པར་བཙུན་མ་དེ་དག་ཟླ་བ་གཉིས་ནས་གསུམ་བར་བཀག་ཉར་ཁང་དུ་རྒྱལ་གཅེས་ཆོས་གཅེས་ཀྱི་ཆབ་སྲིད་སློབ་གསོ་སྤྲད་པའི་རྗེས་རང་ཁྱིམ་དུ་ཕྱིར་སློག་བྱེད་ཀྱི་ཡོད་ཀྱང་རང་ཁྱིམ་དུ་སྡོད་པ་ལས་ཕྱོགས་ཕན་ཚུན་ལ་འགྲོ་མི་ཆོག་པ་དང་ལྷག་དོན་དགོན་པ་གང་དུ་ཡང་འགྲོ་མི་ཆོག་པའི་དམ་དྲག་བྱེད་ཀྱི་ཡོད་པ་རེད་འདུག
དེ་མིན་མཚོ་སྔོན་དང་ཟི་ཁྲོན་ཞིང་ཆེན་ནས་ཡིན་པའི་གྲྭ་བཙུན་རྣམས་ལ་ཁོང་ཚོའི་རྫོང་སོ་སོའི་ངོས་ནས་གནས་ཚུལ་རིགས་མི་ལྷག་པའི་འགན་ལེན་བྱས་ཡོད་པར་བརྟེན་ད་ལྟའི་ཆར་ཕྱིར་ཕུད་བཏང་མེད་པ་བརྗོད་ཀྱི་འདུག ཡ་ཆེན་སྒར་དུ་དུས་རྒྱུན་དུ་རྒྱ་ནག་གཞུང་གིས་ལས་བྱེད་པ་༦༠༠་ཙམ་བཅའ་སྡོད་བྱས་ཡོད་པ་དེ་རྣམས་ཀྱིས་ཡ་ཆེན་སྒར་ཕྱི་ནང་ཚང་མར་དམ་དྲག་ཆེན་པོ་བྱེད་བཞིན་ཡོད་པ་རེད་འདུག
ལམ་ལྷོངས་མ་བྱུང་བའི་རྒྱ་བལ་གཉིས་ཀྱི་ས་མཚམས་ཀྱི་མེ་འཁོར་ལྕགས་ལམ།
vot.org -
རྒྱ་ནག་གིས་བལ་ཡུལ་གྱི་རྒྱལ་ས་བར་དུ་མེ་འཁོར་ལྕགས་ལམ་ཞིག་བཟོ་འཆར་ཡོད་ནའང་། ས་འགུལ་དང་མ་དངུལ་གྱི་རྐྱེན་གྱིས་ལས་གཞི་དེ་ལམ་ལྷོངས་མ་བྱུང་ནས་ཡུན་རིང་འགོར་ཡོད་པར་བརྟེན། མི་མང་གིས་ལས་གཞི་དེ་ལེགས་འགྲུབ་ཡོང་བར་སེམས་ཁྲལ་བྱེད་བཞིན་པ་རེད་འདུག
དེ་རིང་བལ་ཡུལ་གསར་ཁང་ཞིག་གིས་གསར་འགྱུར་སྤེལ་བ་ལྟར་ན། རྒྱ་བལ་གཉིས་ཀྱི་ས་མཚམས། (Kodari) ཀཱོ་དཱ་རིའི་འགྲུལ་ལམ་དེ་ས་ཡོམ་གྱི་རྐྱེན་གྱིས་གཏོརབཅོམ་ཆེན་པོ་ཐེབས་ཡོད་པར་བརྟེན། རྒྱ་ནག་གིས་སྤྱི་ལོ་ ༢༠༡༥ ལོར་( Rasuwa )རཱ་སཱོ་བཱའི་འགྲུལ་ལམ་དེ་སྒོ་འབྱེད་བྱས་ཡོད་པ་དང་། ས་མཚམས་དེ་ནི་རྒྱ་ནག་གི་རྒྱུད་གཅིག་ལམ་གཅིག་གི་ལས་འཆར་ཁྲོད་ནས་སྐྱིད་རོང་བརྒྱུད་དེ་བལ་ཡུལ་གྱི་རྒྱལ་ས་བར་དུ་མེ་འཁོར་ལྕགས་ལམ་བཟོ་འཆར་གྱི་ས་ཚིགས་སུ་འཁེལ་ཡོད་པ་རེད།
རྒྱ་བལ་ས་མཚམས་ཀྱི་ཉེན་རྟོག་པ་ཆཱེ་ཊི་རི་ཟེར་བ་ཞིག་གིས་བརྗོད་པ་ལྟར་ན། རྒྱ་ནག་གིས་རྒྱ་བལ་གཉིས་ཀྱི་ས་མཚམས་སུ་ཕྱི་མི་ཞིབ་བཤེར་ལས་ཁུངས་གསར་བ་ཞིག་འཛུགས་སྐྲུན་བྱས་ཡོད་ནའང་། བལ་ཡུལ་གྱི་ཕྱོགས་སུ་ད་དུང་བཟོ་ལས་འཛུགས་སྐྲུན་གྱི་རྨང་གཞི་དེ་ཧ་ཅང་སྐྱོ་བོ་ཡིན་པར་བརྗོད་དེ། བལ་ཡུལ་གྱི་ཕྱི་མི་ཞིབ་བཤེར་བ་དག་ལ་ད་དུང་དེང་རབས་ཀྱི་འཕྲུལ་ལས་རང་བཞིན་གྱི་ཞིབ་བཤེར་གྱི་ཡོ་ཆས་གཅིག་ཀྱང་མེད་པར་བརྟེན། དུས་རྒྱུན་ནས་ཕྱི་མི་རེ་རེའི་རྒྱབ་ཁུག་ཁ་ཕྱེ་རུ་བཅུག་ནས་ཞིབ་བཤེར་བྱེད་བཞིན་ཡོད་པར་མངོན་གསལ་གནང་བ་དང་སྦྲགས་ནས། རྒྱ་བལ་ས་མཚམས་ཀྱི་མེ་འཁོར་ལྕགས་ལམ་གསར་བཟོ་ཟེར་བ་དེ་ནི་རྨི་ལམ་ལྟ་བུ་ཞིག་རེད་ཅེས་བརྗོད་འདུག
དེ་བཞིན་བལ་ཡུལ་གྱི་ལྷོ་ཕྱོགས་ཀྱི་པོ་ཏཱ་ལ་མགྲོན་ཁང་གི་མགྲོན་བདག་གིས་གསར་ཁང་ལ་བརྗོད་པ་ལྟར་ན། བལ་ཡུལ་དུ་ས་ཡོམ་གྱི་རྐྱེན་གྱིས་ཁྲལ་བསྡུ་ལས་ཁུངས་ཀྱི་ཁང་བརྩེགས་ལ་གཏོར་བཅོམ་ཐེབས་ཡོད་རྗེས། བཟོ་ལས་ཁང་གི་དཀའ་རྙོག་ཅིག་གི་རྐྱེན་བྱས་ཏེ་ཁྲལ་བསྡུ་ལས་ཁུངས་ལོ་གཉིས་ཀྱི་རིང་དུ་ད་དུང་བསྐྱར་བཟོ་བྱེད་མ་ཐུབ་པའི་གནས་སྟངས་ངོ་སྤྲོད་བྱས་པ་མ་ཟད། ། རང་རྒྱལ་གྱི་སྲི་ཞུ་བ་དག་ལ་ཁང་བརྩེགས་གཅིག་ཀྱང་གསར་རྒྱག་བྱེད་མི་ཐུབ་པའི་རྒྱལ་ཁབ་ཅིག་གི་ངོས་ནས། ཀྱག་ཀྱོག་ཆེ་བའི་རི་ལུང་དེར་ཕུགས་ལམ་གསར་རྒྱག་གིས་མེ་འཁོར་ལྕགས་ལམ་གསར་བཟོ་བྱེད་རྒྱུ་ཡིན་ཟེར་བ་དེ་ནི་རྨི་ལམ་ལྟ་བུ་ཞིག་རེད་ཅེས་ཟུར་ཟ་བྱས་འདུག
རྩ་བའི་རྒྱ་ནག་གི་རྒྱུད་གཅིག་ལམ་གཅིག་གི་ལས་འཆར་ལྟར་ན། རྒྱ་ནག་གིས་བོད་ཀྱི་སྐྱིད་རོང་ས་ཁུལ་བརྒྱུད་ནས་མེ་འཁོར་ལྕགས་ལམ་འཛུགས་སྐྱུན་བྱས་ནས་བལ་ཡུལ་གྱི་རྒྱལ་ས་ཀཐ་མཎ་ཊོ་བར་དུ་འབྲེལ་ལམ་མཐུད་རྒྱུ་ཡིན་པར་བརྗོད་ཡོད་ནའང་། བལ་ཡུལ་གྱི་ས་གནས་མང་ཚོགས་ཀྱིས་ལས་འཆར་དེ་ནི་རྨི་ལམ་ལྟ་བུ་ཞིག་གམ། ཡང་ན་ཤོག་བུའི་ལྕགས་ལམ་རེད་ཅེས་དོགས་སློང་བྱས་ཏེ། ལས་འཆར་དེ་ནི་དངོས་སུ་འགྲུབ་ཐུབ་པ་ཞིག་ཡིན་པར་ཡིད་ཆེས་བྱེད་ཀྱི་མེད་པ་རེད།
དེ་བཞིན་བལ་ཡུལ་གྱི་མེ་འཁོར་ལྕགས་ལམ་བཟོ་སྐྲུན་ཁང་གི་ཆེད་ལས་འཕྲུལ་བཟོ་བ་ཞིག་གིས་བརྗོད་པ་ལྟར་ན། རྒྱ་ནག་གིས་སྤྱི་ལོ་ ༢༠༡༨ ལོར་རྒྱ་བལ་ས་མཚམས་སུ་མེ་འཁོར་ལྕགས་ལམ་གསར་བཟོ་བྱེད་རྒྱུར་སྔོན་འགྲོ་ཡི་ཞིབ་འཇུག་བྱས་ཡོད་པའི་གྲུབ་དོན་ལྟར་ན། རྒྱ་བལ་ས་མཚམས་སུ་མེ་འཁོར་ལྕགས་ལམ་གསར་བཟོ་བྱེད་རྒྱུ་དེ་ནི་འཛམས་གླིང་སྟེང་གི་ཆེས་དཀའ་ཚེགས་ཆེ་བའི་བཟོ་ལས་ཤིག་ཡིན་པར་ར་སྤྲོད་བྱས་ཡོད་པར་ངོ་སྤྲོད་བྱས་ཏེ། གཅིག་ནས་ས་བབ་ཀྱི་ཆ་དང་གནམ་གཤིས་ཀྱི་ཆ། དེ་བཞིན། ས་ཡོམ་གྱི་ཉེན་ཁ་སོགས་ཀྱི་ཆ་ནས་ཧ་ཅང་གི་དཀའ་ཚེགས་ཆེ་བ་ཞིག་ཡིན་པར་འཁོད་ཡོད་ནའང་། རྒྱ་ནག་གིས་སྔོན་འགྲོའི་ཞིབ་འཇུག་གི་གྲུབ་དོན་དེ་ཡོངས་གྲགས་གནང་ཡོད་པ་མ་རེད་ཅེས་བརྗོད་འདུག
གཞན་ཡང་ཆེད་ལས་བ་ཞིག་གིས་བརྗོད་པ་ལར་ན། ལས་འཆར་དེའི་ཁྲོད་བལ་ཡུལ་དུ་མེ་འཁོར་ལྕགས་ལམ་བཟོ་སྐྲུན་བྱེད་པར་བརྒྱ་ཆ་གོ་བརྒྱད་ལྷག་ཟམ་ཆེན་དང་ཕུགས་ལམ་ནང་བསྐྲུན་དགོས་ཡོད་པ་དང་། ལས་གཞི་དེ་རྒྱ་གར་གྱི་གླིང་ཕྲན་དང་བོད་མཐོ་སྒང་གི་གླིང་འཕྲིན་གཉིས་གཞི་གཅིག་ཏུ་འདྲིས་ནས་རི་བོ་ཧི་མ་ལ་ཡའི་མཐོ་ཚད་ཇེ་མཐོར་འགྲོ་བཞིན་པའི་ས་ཚིགས་སུ་འཁེལ་ཡོད་སྟབས། ས་མཚམས་ཀྱི་མེ་འཁོར་ལྕགས་ལམ་གསར་རྒྱག་གི་ལས་གཞི་འདི་ནི་ཧ་ཅང་གི་ཉེན་ཁ་ཆེ་བའི་ལས་གཞི་ཞིག་ཡིན་པ་མ་ཟད། འགྲོ་གྲོན་གྱི་ཆ་ནས་ཀྱང་སྔོན་རྩིས་ལས་ལྡབ་འགྱུར་གྱིས་འགྲོ་སོང་ཆེ་བ་ཡིན་པར་ངོ་སྤྲོད་བྱས་འདུག
དེ་བཞིན་གསར་ཁང་གིས། བོད་ཁུལ་གྱི་སྐྱིད་རོང་ནས་བལ་ཡུལ་གྱི་རྒྱལ་ས་བར་དུ་མེ་འཁོར་ལྕགས་ལམ་གསར་བཟོ་བྱེད་པར་མ་དངུལ་གྱི་འགྲོ་གྲོན་རྒྱ་སྒོར་དུང་ཕྱུར་༣༨ ལྷག་གི་ཚོད་རྩིས་བྱེད་ཀྱི་ཡོད་པ་དང་། དེ་ནི་བལ་ཡུལ་གྱི་ལོ་འཁོར་གཅིག་གི་ཁྲལ་བསྡུའི་ཡོང་འབབ་དང་འདྲ་མཚུངས་སུ་གྱུར་ཡོད་པར་འགྲེལ་བརྗོད་བྱས་ཏེ། ས་བབ་ཀྱི་ཆ་ནས་རྒྱ་ནག་དང་བལ་ཡུལ་གཉིས་ཀྱི་ས་མཚམས་ཀྱི་མེ་འཁོར་ལྕགས་ལམ་གསར་བཟོའི་སུམ་ཆ་གཅིག་ཙལ་ལས་བལ་ཡུལ་གྱི་ས་ཐོག་ཏུ་འཁེལ་གྱི་མེད་ནའང་། བལ་ཡུལ་ཕྱོགས་སུ་ས་བབ་རྩུབ་ཅིང་གནམ་གཤིས་སྐྱོ་བར་བརྟེན་འགྲོ་གྲོན་གཅིག་པ་ལྟ་བུ་ཞིག་ཡིན་པར་མངོན་གསལ་གནང་འདུག
གོང་གི་ས་བབ་ཀྱི་དཀའ་ངལ་དེ་དག་ལ་མ་བལྟས་པར། རྒྱ་ནག་གི་རྒྱུད་གཅིག་ལམ་གཅིག་གི་ཚོགས་ཆེན་ཐེངས་གཉིས་པའི་ཐོག་སྐྱིད་རོང་ནས་བལ་ཡུལ་གྱི་རྒྱལ་སའི་བར་གྱི་མེ་འཁོར་ལྕགས་ལམ་གསར་བཟོ་བྱེད་རྒྱུའི་གྲོས་མཐུན་བྱུང་བར་བརྟེན། བལ་གཞུང་གིས་འཛུགས་སྐྲུན་གྱི་ལས་གཞི་དེ་དངོས་སུ་ལག་བསྟར་བྱེད་རྒྱུའི་རེ་བ་ཆེན་པོ་ཡོད་ནའང་། རྒྱ་ནག་གི་ཕྱོགས་ནས་མ་དངུལ་གྱི་རོགས་སྐྱོར་ག་ཚོད་ཅིག་སྟེར་རྒྱུ་ཡིན་མིན་ལ་ཁག་ཐེག་གཅིག་ཀྱང་མེད་པར་ལྷག་ཡོད་པ་རེད། དེ་བཞིན་འདི་ལོའི་བལ་གཞུང་གི་སྔོན་རྩིས་ཀྱི་འཆར་དངུལ་གྱི་ནང་དུ་མེ་འཁོར་ལྕགས་ལམ་གྱི་འགྲོ་གྲོན་གྱི་ཐོག་ལ་ཟུར་བཅད་གྱི་མ་དངུལ་གཅིག་ཀྱང་བཞག་མེད་པ་རེད། འོན་ཀྱང་བལ་གཞུང་གི་བཟོ་ལས་དང་འགྲིམ་འགྲུལ་གྱི་བློན་ཆེན་ལས་ཁུངས་ཀྱིས་བརྗོད་པ་ལྟར་ན། སྐྱིད་རོང་ནས་བལ་ཡུལ་གྱི་རྒྱལ་སའི་བར་དུ་མེ་འཁོར་ལྕགས་ལམ་གསར་རྒྱག་བྱེད་པར་མ་དངུལ་ཨ་སྒོར་ས་ཡ་ ༣༡༣ ལྷག་གནས་ཀྱི་ཡོད་པར་བརྗོད་འདུག དེ་ལྟ་བུའི་མ་དངུལ་གྱི་འགྲོ་གྲོན་དེ་ནི་བལ་གཞུང་གི་ལོ་རྗེས་མའི་མེ་འཁོར་ལྕགས་ལམ་འཛུགས་སྐྲུན་གྱི་མ་དངུལ་ལྡབ་ལྔ་ལྷག་ཆགས་ཀྱི་ཡོད་པར་འཁོད་འདུག
མ་དངུལ་ཕོན་ཆེན་ཆགས་ཀྱི་ཡོད་ནའང་། བལ་གཞུང་གི་དཔལ་འབྱོར་བློན་ཆེན་གྱིས་ཡོངས་ཁྱབ་ཀྱི་གསལ་བསྒྲགས་ཤིག་སྤེལ་ཏེ། བལ་གཞུང་གི་ངོས་ནས་མ་འོངས་བའི་ལོ་གཉིས་ཀྱི་ནང་ཚུད་དུ་སྐྱིད་རོང་ནས་བལ་ཡུལ་གྱི་རྒྱལ་སའི་བར་གྱི་མེ་འཁོར་ལྕགས་ལམ་གསར་རྒྱག་གི་འགྲོ་གྲོན་གྱི་སྙན་ཐོ་དང་ལས་གཞི་འགོ་འཛུགས་ཀྱི་ཉིན་མོ་བཅས་གསལ་བསྒྲགས་བྱེད་རྒྱུ་ཡིན་ཚུལ་ཡོངས་གྲགས་གནང་འདུག
གསར་ཁང་གིས། གལ་ཏེ། མེ་འཁོར་ལྕགས་ལམ་གྱི་བཟོ་ལས་འཛུགས་སྐྲུན་དེ་དངོས་སུ་འགོ་འཛུགས་ཞུས་པ་ཡིན་ན། རང་བྱུང་ཁོར་ཡུག་ལ་གཏོར་བཅོམ་ཐེབས་རྒྱུ་ཡིན་པར་སྐོར་ནས་གནས་ཚུལ་སྤེལ་ཏེ། གཅིག་ནས་རྒྱལ་ཡོངས་ཀྱི་སྤྱི་གླིང་གཉིས་དང་། དེ་བཞིན་ལང་ཐང་གི་ས་ཁུལ་གྱི་དོམ་ཁྲ་དང་གངས་གཟིག དེ་བཞིན་བལ་ཡུལ་གྱི་ཞཱི་བཱ་པུ་རཱིའི་(Shivapuir )ས་ཁུལ་དུ་རྟེན་གཞི་བྱས་པའི་བྱ་རིགས་སུམ་བརྒྱ་ལྷག་ལ་གནོད་སྐྱོན་ཐེབས་རྒྱུ་ཡིན་པར་བརྗོད་ཡོད་པ་མ་ཟད། མེ་འཁོར་ལྕགས་ལམ་འཛུགས་སྐྲུན་གྱི་ལས་གཞི་འདིར་དཔལ་འབྱོར་དང་ཆབ་སྲིད་སྐོར་ནས་གླེང་སློང་བྱེད་མཁན་ཡོད་པ་མ་གཏོགས། ཁོར་ཡུག་གི་གནད་དོན་གྱི་སྐོར་དེ་ད་དུང་ཐག་རིང་ན་ལྷག་ཡོད་པར་མངོན་གསལ་གནང་འདུག
རེས་གཟའ་པ་སངས། ༢༠༡༩།༠༦།༢༨
vot.org -
ཉན་པ།: Listen
ཕབ་ལེན། Download
རྒྱ་གཞུང་གིས་བོད་མི་ཉིར་གཅིག་འཛིན་བཟུང་གིས་ཁྲིམས་ཐག་བཅད་འདུག
འགྲོ་བ་མིའི་ཐོབ་ཐང་ལྷན་ཚོགས་དང་བསྟུན་བོད་མིས་རྔམ་སྟོན་ཞི་རྒོལ་གནང་བ།
བལ་ཡུལ་གཞུང་ནས་ཨ་རིའི་མི་སེར་ཕྱིར་སློག་བྱས་པའི་གནས་ཚུལ་གཙང་སེལ་བཟོ་དགོས།
སྟོབས་ཆེན་རྒྱལ་ཁབ་ཁག་ལ་ཧོང་ཀོང་གི་ཉེས་ཅན་རྩིས་སྤྲོད་ཀྱི་གནད་དོན་གླེང་དགོས་པའི་ཞུ་སྐུལ།
ཏཱ་ལའི་བླ་མའི་སློབ་ཡོན་ཐོག་ནས་འཛམ་གླིང་འདི་བཟང་པོའི་ཕྱོགས་སུ་བསྒྱུར་ཐབས་གནང་བཞིན་པ།
Friday 28/06/2019
21 Tibetans sentenced to prison in Nangchen
41st UNHRC session: Tibetans call on UN to press China on Tibet
US embassy seeks clarification over deportation of US citizen
G20 leaders urged to press Xi on Hong Kong freedoms
Two people changing the world with UVA based Dalai Lama fellowships
འགྲོ་བ་མིའི་ཐོབ་ཐང་ལྷན་ཚོགས་དང་བསྟུན་བོད་དོན་རྔམ་སྟོན་ལས་འགུལ།
vot.org -
ཟླ་བ་འདིའི་ཕྱི་ཚེས་ ༢༤ ནས་དབུ་འཛུགས་ཀྱིས་སུད་སི་གྲོང་ཁྱེར་ཇི་ནི་ཝ་ནང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༤༡ པ་འཚོགས་བཞིན་པ་བསྟུན། ལྷན་ཚོགས་ཐོག་རྒྱལ་ཚོགས་ཀྱི་ཚོགས་མི་རྒྱལ་ཁབ་ཁག་ནས་རྒྱ་ནག་གཞུང་ལ་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྒྲིག་ལ་དོན་འཁྱོལ་ལག་བསྟར་བྱེད་བཅུག་རོགས་ཞེས་པའི་དགོས་འདུན་འོག་བོད་མི་ཚོས་ཞི་བའི་རྔ་སྟོན་གྱི་ལས་འགུལ་སྤེལ་སོང་། དེ་རིང་ཟླ་ ༦ ཚེས་ ༢༨ ཉིན་ཇི་ནི་ཝའི་རྒྱལ་ཚོགས་ལས་ཁུངས་མདུན་ངོས་ཀྱི་ལས་འགུལ་ཐང་ཆེན་དུ་སུད་སི་དང་ལེག་ཏིག་སཊཡན་བོད་རིགས་ཚོགས་པས་གོ་སྒྲིག་འོག་བོད་དོན་རྔམ་སྟོན་ལས་འགུལ་གནང་བའི་ཐོག་སུད་སི་སྐུ་ཚབ་དོན་གཅོད་འཆི་མེད་རིག་འཛིན་ལགས་གཙོས། ས་གནས་བོད་རིགས་མི་མང་དང་གཞུང་འབྲེལ་མིན་པའི་ཚོགས་པ་ཁག དེ་བཞིན་བོད་དོན་རྒྱབ་སྐྱོར་བ་བཅས་འདུ་འཛོམགས་གནང་ཡོད་པ་དང་། སྐབས་དེར་ལས་འགུལ་བ་ཚོས་ལག་ཏུ་བོད་ཀྱི་རྒྱལ་དར་དང་རྒྱ་ནག་གཞུང་ནས་བོད་མི་དམར་གསོད་དང་དང་བོད་ཀྱི་ཆོས་དང་རིག་གཞུང་། སྐད་ཡིག་རྩ་གཏོར་གྱི་སྲིད་བྱུས་མཚམས་འཇོག་དགོས་པ་སོགས་འཁོད་པའི་འཕྲེད་དར་འཕྱར་ནས་ཞི་འབོད་དང་བོད་དོན་ཆེད་རང་སྲོག་བློས་བཏང་གནང་བའི་རྒྱལ་གཅེས་པ་ཡོངས་ལ་བསྔོ་སྨོན་གསུང་འདུན་བཅས་གནང་བའི་ཐོག་ནས་ཞི་བའི་ལས་འགུལ་སྤེལ་སོང་།སུད་སི་དག་ལེག་ཏིག་སཊཡན་བོད་རིགས་མི་མང་ཚོགས་གཙོ་ནོར་བུ་ལགས་ཀྱིས་རྒྱ་ནག་གཞུང་གིས་བོད་ནང་གི་བོད་མིའི་ཐོག་སྤེལ་བའི་དམ་དྲག་གི་སྲིད་བྱུས་འོག་བོད་མིའི་གནས་སྟངས་སྔར་ལས་ཆེས་ཛ་དྲག་ཏུ་འགྱུར་བཞིན་ཡོད་པར་བརྟེན་རྒྱལ་ཚོགས་ཀྱི་ཚོགས་མི་རྒྱལ་ཁབ་ཁག་ནས་ལྷན་ཚོགས་དེའི་ཐོག་ནས་དཀའ་ངལ་སེལ་ཐབས་གནང་དགོས་ཞེས་གསུངས་ཡོད།
དེ་རིང་རྒྱལ་ཚོགས་ཀྱི་མདུན་ངོས་སུ་ཞི་བའི་སྐད་འབོད་ཀྱི་ལས་འགུལ་སྤེལ་བ་ཙམ་མ་ཟད་སུད་སི་དང་ལེག་ཏིག་སཊཡན་བོད་རིགས་མི་མང་གི་ངོས་ནས་རྒྱལ་ཚོགས་ཀྱི་ཚོགས་གཙོ་ལྕམ་སྐུ་ Michelle Bachelet ལགས་ཀྱི་མཚན་ཐོག་ཏུ་བོད་དོན་ཞུ་སྙན་ཞིག་ཀྱང་ཕུལ་ཡོད་པ་དང་། ཞུ་སྙན་ནང་གཙོ་བོ་འདི་ལོའི་རྒྱལ་ཚོགས་ཀྱིས་བྱིས་པའི་ཐོབ་ཐང་གི་ཁྲིམས་སྒྲིག་གཏན་འབེབས་གནང་ནས་ལོ་ངོ་ ༣༠ འཁོར་བ་དང་བསྟུན་རྒྱལ་ཚོགས་ཀྱི་ངོས་ནས་རྒྱ་ནག་གཞུང་ལ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་གནས་སྟངས་སྐོར་འདྲི་རྩད་གནང་རོགས་ཞེས་དང་། དེ་བཞིན་བོད་ནང་བྱིས་པ་ཚོར་ཤེས་ཡོན་དང་བོད་པའི་སྐད་ཡིག་ཐོག་སློབ་གཉེར་གནང་རྒྱུའི་ཐོབ་ཐང་སྲུང་སྐྱོང་དགོས་པ། སྐད་ཡིག་སྲུང་སྐྱོབ་ལས་འགུལ་བ་བཀྲིས་དབང་ཕྱུག་ལགས། ད་བར་གྱི་བོད་མིའི་རང་ལུས་མེར་སྲེག་གི་གནད་དོན། བོད་ནང་འབྲེལ་ཡོད་རྟོག་ཞིབ་མི་སྣ་རང་དབང་ཐོག་ཆེད་སྐྱོད་གནང་དགོས་པ་མ་ཟད། ལྷག་པར་དུ་ལྷན་ཚོགས་ཐོག་ཚོགས་མི་རྒྱལ་ཁབ་ཚོས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནད་དོན་མ་གླེང་བར་ཁུ་སིམ་པོར་བཞུགས་ཚེ་རྒྱལ་ཚོགས་ཀྱི་གཞི་རྩའི་ལྟ་གྲུབ་ཁག་དང་རྒྱབ་འགལ་ཆགས་ཡོད་ཅེས་གསུངས་པ་དང་ཆབས་ཅིག ༸གོང་ས་མཆོག་གི་སྐུ་ཚབ་དང་རྒྱ་ནག་དབར་ཞི་མོལ་ལམ་བུ་དེ་ནི་བོད་ནང་གི་བོད་མིའི་དཀའ་ངལ་དང་འགྲོ་བ་མིའི་ཐོབ་ཐང་གནད་དོན་སེལ་རྒྱུ་ནི་ཐབས་ལམ་གཅིག་པོ་དེ་རེད་ཅེས་སོགས་འཁོད་འདུག
རྒྱ་ནག་གིས་བོད་མི་ཉི་ཤུ་རྩ་གཅིག་འཛིན་བཟུང་གིས་ཁྲིམས་ཐག་བཅད་འདུག
vot.org -
རྒྱ་ནག་དམར་ཤོག་སྲིད་གཞུང་གིས་བོད་ས་ཡོངས་སུ་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་སྤེལ་བཞིན་པའི་ཁྲོད་དུ་མཚོ་སྔོན་ཞིང་ཆེན་ཡུལ་ཤུལ་ཁུལ་ནང་ཆེན་རྫོང་ཤོར་མདའ་གྲོང་རྡལ་ནས་ཡིན་པའི་བོད་མི་ ༢༡ ལ་ཁྲིམས་ཐག་བཅད་ཡོད་པ་དང་དེའི་ཁྲོད་ནས་བོད་མི་གཉིས་ནི་གྲོང་སྡེ་རིམ་པའི་འགོ་ཁྲིད་ཟུར་པ་རེད་འདུགདེ་རིང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བར་རྒྱ་གཞུང་གིས་བོད་མི་ཉེར་གཅིག་ལ་བསྙོན་འཛུགས་བྱས་ཏེ་ནག་ཚོགས་རྩ་འཛུགས་བྱས་པ་དང་། སྡེ་མིའི་ལས་དོན་ལ་ཁ་ལོ་བསྒྱུར་ནས་གཞི་རིམ་གྱི་སྤྱི་ཚོགས་དོ་དམ་གྱི་སྒྲིག་ལམ་ལ་གཏོར་བརླག་བཏང་བ་སོགས་ཀྱི་མིང་ཐོག་ནས་བོད་མི་ཉེར་གཅིག་འཛིན་བཟུང་བྱས་པ་དག་ལ་ཚོགས་ཁག་གཉིས་བྱས་ཏེ་ཁྲིམས་ཐག་དང་ཆད་པ་བཅད་འདུགམི་བཅུ་གཅིག་ཅན་གྱི་ཚོགས་པ་དེར་རྒྱ་སྒོར་ཁྲི་གཅིག་ནས་ཁྲི་ལྔ་བར་གྱི་ཉེས་ཆད་བཅད་པ་སྦྲགས་ཏེ་ལོ་གཉིས་ནས་དྲུག་བར་གྱི་བཙོན་འཇུག་གི་ཁྲིམས་ཐག་བཅད་འདུག མི་བཅུ་ཅན་གྱི་ཚོགས་པར་ལོ་གསུམ་དང་ཕྱེད་ཀ་ནས་དྲུག་གི་ཁྲིམས་ཐག་བཅད་དེ་རྒྱ་སྒོར་འབུམ་གསུམ་དང་ཕྱེད་ཀ་ནས་འབུམ་གཉིས་ཀྱི་ཆད་པ་བཅད་འདུག
གསར་འགོད་པས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་བོད་གནས་ཉམས་ཞིབ་པ་པདྨ་རྒྱལ་ལགས་སུ་བཅར་འདྲི་ཞུས་པར་ཐེངས་འདིར་རྒྱ་ནག་གིས་འཛིན་བཟུང་བྱས་པའི་བོད་མི་དེ་དག་ནི་ནང་ཆེན་རྫོང་ཤོར་མདའ་གྲོང་རྡལ་རྡོ་ཁྲང་སྡེ་བ་ནས་ཡིན་པ་དང་། རྒྱ་ནག་གིས་ཁོང་རྣམས་འཛིན་བཟུང་བྱེད་དོན་ནི་ཁོར་ཡུག་སྲུང་སྐྱོབ་ཀྱི་མིང་ཐོག་ནས་རྒྱ་ཁབ་ཀྱི་རྩ་འཛུགས་ལ་འགོག་རྒོལ་བྱས་ལུགས་བརྗོད་སྐོར་ངོ་སྤྲོད་གནང་སོང་།དེ་བཞིན་ཁོང་གིས་ནག་སེལ་གཤེད་བཅོམ་ཟེར་བ་དེ་ནི་རྒྱ་ནག་གིས་ཆབ་སྲིད་ཀྱི་དམིགས་འབེན་གསལ་པོ་ཡོད་པའི་ཐོག་ནས་བོད་ཁུལ་དུ་ལག་བསྟར་བྱེད་བཞིན་པའི་སྲིད་བྱུས་ཤིག་ཡིན་པ་དང་། སྲིད་བྱུས་དེའི་འོག་ཏུ་ཆོས་དང་རིག་གཞུང་། སྐད་ཡིག ཁོར་ཡུག་སོགས་ཀྱིས་མཚོན་པའི་བརྗོད་བྱ་མང་པོ་ཞིག་ཡོད་སྟབས་སྲིད་གཞུང་གིས་རྒྱལ་ཁབ་ཀྱི་ལྟ་སྤྱོད་དང་མི་མཐུན་པ་རྣམས་འཇུ་ཆོག་ཆོག་བྱས་ནས་སྲིད་བྱུས་དེ་ལག་བསྟར་བྱེད་ཀྱི་ཡོད་པ་གསུངས་ཡོད།
རྩ་བའི་རྒྱ་ནག་གིས་ནག་སེལ་གཤེད་བཅོམ་གྱི་སྲིད་བྱུས་ལག་བསྟར་བྱས་པ་ནས་བཟུང་བོད་ཁུལ་དུ་ཞིང་འབྲོག་མང་ཚོགས་ཀྱི་འགྲོ་བ་མིའི་ཐོབ་ཐང་ལ་རྡོག་རོལ་ཚབས་ཆེན་ཐེབས་བཞིན་པ་མ་ཟད། བཙོན་འཇུག་ཀྱང་བྱེད་ཀྱི་ཡོད་པའི་ཁྲོད་ནས་འདི་ལོའི་ཕྱི་ཟླ་ ༤ ནང་རེབ་གོང་རྫོང་དུ་ཐེངས་དང་པོར་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་སྤེལ་ནས་ཡུལ་མིའི་དགུ་བཙོན་འཇུག་བྱས་པ་ལྟར། ཐེངས་འདིར་བོད་ཀྱི་རང་བྱུང་ཁོར་ཡུག་སྲུང་སྐྱོབ་ཚོགས་པ་གཉིས་ཀྱི་མི་ཉེར་གཅིག་ལ་བཙོན་འཇུག་གི་ཁྲིམས་ཐག་བཅད་ཡོད་པ་རེད། དེ་བཞིན་རྔ་བ་རྫོང་གི་ཆུང་མཆུ་ས་ཁུལ་དུ་ཡང་བོད་མི་ཁག་གཅིག་འཛིན་བཟུང་བྱས་པའི་གནས་ཚུལ་ཐོན་པར་བརྟེན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བོད་ནང་གི་འགྲོ་བ་མིའི་ཐོབ་ཐང་དོན་གཉེར་བ་དང་། ཉེས་མེད་བཙོན་འཇུག་ཐེབས་མཁན་ཚོའི་བདེ་འཇགས་ཐད་ལ་བློ་འཚབ་བྱེད་བཞིན་ཡོད་པ་དང་། ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ཁྲོད་དུ་བོད་མི་ཚོའི་འགྲོ་བ་མིའི་ཐོབ་ཐང་ཁག་རྡོག་རོལ་གཏོང་མུས་ཡིན་པའི་ཐད་ལ་འཕྲལ་དུ་རྟོག་ཞིབ་བྱེད་དགོས་པར་མ་ཟད། རྒྱ་གཞུང་གིས་རྒྱལ་ཁབ་ཀྱི་བདེ་འཇགས་ལ་ཁ་གཡར་ནས་བོད་ནང་གཞི་རྒྱ་ཆེ་བའི་དོགས་ཟོན་མྱུལ་ཞིབ་རིགས་ཚང་མ་མཚམས་འཇོག་དགོས། ནག་སེལ་གཤེད་བཅོམ་གྱི་ཆེད་དོན་འཐབ་རྩོད་ཁྲོད་དུ་མ་ཉེས་ཁག་གཡོག་ཐེབས་པའི་བོད་མི་ཚོར་ཆ་རྐྱེན་གང་ཡང་མེད་པར་མྱུར་དུ་གློད་བཀྲོལ་དགོས་པ་བརྗོད་འདུག པར་རྣམས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་།
བལ་ཡུལ་གཞུང་ནས་ཨ་རིའི་མི་སེར་ཕྱིར་སློག་བྱས་པའི་གནས་ཚུལ་གཙང་སེལ་བཟོ་དགོས།
vot.org -
ཉེ་ལམ་བལ་ཡུལ་གྱི་ The Himalayan Times གསར་ཁང་གིས་རང་ལོ་ ༥༣ ཡིན་པ་སྤེན་པ་ཚེ་རིང་ཟེར་བ་ཞིག་ཨ་རིའི་ཕྱི་སྐྱོད་ལག་འཁྱེར་ཐོག་བལ་ཡུལ་དུ་སྐྱོད་སྐབས་བལ་ཡུལ་རྒྱལ་སྤྱིའི་གནམ་ཐང་ Tribhuvan དུ་འཛིན་བཟུང་གིས་ཆུ་ཚོད་གཅིག་ལྷག་གི་རིང་ལ་འདྲི་རྩད་བྱས་རྗེས་༸གོང་ས་མཆོག་དང་འབྲེལ་བ་བཏགས་ནས་ཨ་རིར་ཕྱིར་སློག་བཏང་བའི་གནས་ཚུལ་ཐོན་ཡོད་པ་ལྟར། ཁ་སང་ཕྱི་ཚེས་ ༢༧ ཉིན་སླར་ཡང་ The Himalayan Times གསར་ཁང་གིས་ཡུལ་དེར་རྟེན་གཞི་བྱས་པའི་ཨ་རི་གཞུང་ཚབ་ཁང་གིས་བལ་ཡུལ་གཞུང་ལ་གནད་དོན་དེ་དང་འབྲེལ་ནས་གནས་ཚུལ་གཙང་སེལ་བཟོ་དགོས་པའི་གློག་འཕྲེན་ཆེད་གཏོང་གནང་ཡོད་པའི་གནས་ཚུལ་སྤེལ་འདུགབོད་མི་སྤེན་པ་ཚེ་རིང་ཞུ་བ་ཁོང་བ་ཡུལ་ནས་ཨ་རིར་ཕྱིར་སློག་བཏང་ནས་ཉིན་གཉིས་ཀྱི་རྗེས་སུ་ཨ་རི་གཞུང་ཚབ་ཁང་གི་མགྲིན་ཚབ་པ་ལྕམ་ Andie De Arment ལགས་ཀྱིས་བལ་ཡུལ་གཞུང་ལ་གློག་འཕྲིན་ཐོག་ནས་བོད་མི་དེའི་གནད་དོན་དང་འབྲེལ་ནས་དངོས་ཡོད་ཀྱི་གནས་ཚུལ་ཁ་གསལ་བཟོ་དགོས་པ་མ་ཟད། བལ་ཡུལ་ནང་ཨ་རིའི་མི་སེར་ཡིན་པ་འཛུལ་ཞུགས་བྱ་རྒྱུར་ཕྱིའི་རྒྱལ་ཁབ་ཅིག་གི་བཀའ་འཁྲོལ་དགོས་པ་སོགས་འགྲེལ་བརྗོད་གཙང་མ་དགོས་པ་གསུངས་འདུག
དེ་བཞིན་ཡུལ་དེའི་ཕྱི་དྲིལ་དྲུང་ཆེ་ཟུར་པ་སྐུ་ཞབས་ Madan Kumar Bhattarai ལགས་ཀྱིས་རྒྱལ་སྤྱིའི་ཁྲོད་མི་ངོ་འཕྲོད་རྒྱུར་ནོར་འཁྲུལ་བྱུང་བ་ནི་གནས་ཚུལ་གསར་པ་གང་ཡང་མ་ཡིན་ཀྱང་། བལ་ཡུལ་གཞུང་ནས་ནོར་འཁྲུལ་དེ་ངོས་ལེན་བྱེད་དགོས་པ་དང་མཐོང་ཚུལ་ཙམ་གྱིས་ཐག་གཅོད་བྱ་རྒྱུར་ངེས་པར་དུ་ཡིད་གཟབ་བྱེད་དགོས་གལ་ཡིན་པ་བརྗོད་འདུགསྤེན་པ་ཚེ་རིང་ཞུ་བ་ཁོང་དེ་སྔ་གནམ་ཐང་ལ་འདྲི་རྩད་བྱས་སྐབས་ཁོང་བོད་རིགས་ཡིན་ཀྱང་། བོད་མིའི་སྒྲིག་འཛུགས་ཀྱི་དབུ་ཁྲིད་གནང་མྱོང་མེད་པ་དང་། ཁོང་ཨ་རིའི་ཕྱི་སྐྱོད་ལག་འཁྱེར་ཐོག་རྒྱ་གར་བརྒྱུད་ནས་ཨ་རིར་འགྲོ་སྐྱོད་ཆོག་པའི་ལོ་ངོ་བཅུའི་མཐོང་མཆན་ཡོད་པ་སོགས་འགྲེལ་བརྗོད་དང་སྦྲགས། ཁོང་བལ་ཡུལ་ནང་གྲོགས་པོ་ཁག་གཅིག་དང་ཐུག་འཕྲད་བྱས་ནས་ཕྱིར་ལོག་མཁན་ཡིན་ཞེས་གཤད་ཡོད་པ་དང་། སྐབས་དེར་བལ་ཡུལ་གནམ་ཐང་གི་ལས་བྱེད་ཞིག་ནས་རྒྱལ་ས་ Kathmandu ནང་རྟེན་གཞི་བྱས་པའི་རྒྱ་ནག་གཞུང་ཚབ་ཁང་ནས་དེ་སྔ་བལ་ཡུལ་གྱི་ཕྱི་སྲིད་ལས་ཁུངས་ལ་ཕྱག་བྲིས་ཤིག་གི་བརྒྱུད་སྤེན་པ་ཚེ་རིང་ནི་བོད་དོན་ཐོག་ཕྱག་ལས་གནས་མཁན་ཞིག་ཡིན་པ་ཙམ་དུ་མ་ཟད་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱབ་སྐྱོར་ཤུགས་ཆེ་གནང་མཁན་ཞིག་ཡིན་སྟབས། ཁོང་བལ་ཡུལ་ནང་འཛུལ་རྒྱུར་བཀག་སྡོམ་བྱེད་དགོས་པ་དང་། ཁོང་ནི་རྒྱ་ནག་གི་ most wanted ཞེས་ངེས་པར་དུ་འཛིན་བཟུང་བྱེད་དགོས་པའི་མི་སྣ་ཞིག་ཀྱང་ཡིན་ཞེས་བརྗོད་ཡོད་སྟབས། ཁོང་ཨ་རིར་ཕྱིར་སློག་བྱས་པ་ཡིན་ཞེས་འགྲེལ་བརྗོད་བྱས་ཡོད་པ་རེད།གཞི་རྩའི་བལ་ཡུལ་གཞུང་ནས་སྤེན་པ་ཚེ་རིང་ཞེས་པའི་མིང་ལ་བརྟེན་ནས་བོད་མི་འཛིན་བཟུང་བྱས་པ་དེ་ཐེངས་དང་པོ་མིན་པར་དེ་སྔ་ཡུལ་དེའི་ས་མཚམས་ཁུལ་དུ་བསྡད་མཁན་སྤེན་པ་ཚེ་རིང་ཟེར་བ་ཞིག་ཀྱང་འཛིན་བཟུང་བྱས་ཡོད་པ་རེད།
བལ་ཡུལ་གྱི་ The Himalayan Times ཞེས་པའི་གསར་ཁང་གིས་འདོན་སྤེལ་གནང་བའི་གནས་ཚུལ་རིམ་པའི་ནང་བོད་མི་མང་སྤྱི་འཐུས་ཚོགས་ཟུར་ཨ་རི་དོན་གཅོད་ཟུར་པ་སྤེན་པ་ཚེ་རིང་ལགས་ཀྱི་སྐུ་པར་སྤྱོད་ཡོད་སྟབས། འདི་ག་རླུང་འཕྲིན་ཁང་ནས་དེ་སྔ་གནས་ཚུལ་དེ་ཐོན་མ་ཐག་ཏུ་ཞིབ་དཔྱད་དང་འབྲེལ། ཚོགས་ཟུར་སྤེན་པ་ཚེ་རིང་ལགས་སུ་ཞལ་པར་བརྒྱུད་བཀའ་འདྲི་ཞུ་སྐབས་ཁོང་གིས་བལ་ཡུལ་གནམ་ཐང་ནས་འཛིན་བཟུང་གིས་ཕྱིར་སློག་པའི་སྤེན་པ་ཚེ་རིང་ཟེར་བ་དེ་ང་མིན་ཞེས་གསུངས་ཡོད་པ་རེད།
རེས་གཟའ་ཕུར་བུ། ༢༠༡༩།༠༦།༢༧
vot.org -
ཉན་པ།: Listen
ཕབ་ལེན། Download
༸གོང་ས་མཆོག་གིས་བོད་ལ་ཕྱིར་ཕེབས་རྒྱུའི་ཐུགས་རེ་ཆད་མེད་ཅེས་བཀའ་བསྩལ་བ།
ཨིན་ཡུལ་ནས་བོད་དོན་ཐོག་མུ་མཐུད་ཐུགས་འགན་གཙོ་བཞེས་གནང་དགོས།
ཁ་མཆུ་ཨང་ ༢༠ པའི་ཐོག་གནད་དོན་གཏན་འབེབས་ཀྱིས་ཉན་ཞིབ་ཐེངས་གཉིས་པ།
གཞུང་ཞབས་ཟུར་པ་ཚོས་༸གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུའི་གྲ་སྒྲིག་གནང་བཞིན་པ།
འབྲུག་ཆེན་རིན་པོ་ཆེས་བོད་མི་ནང་ཁུལ་མཐུན་སྒྲིལ་དགོས་པ་གསུངས་འདུག
འཕྲོད་བསྟེན་ལས་རིམ། ཁྲག་གི་ཚད་གཞི་དང་དེ་འབྲེལ་ན་ཚ།
Thursday 27/06/2019
China is changing: Dalai Lama hopeful about returning to Tibet
Sikyong urges UK to support efforts to seek Sino-Tibetan talks
Case no. 20: Tibetan court holds final hearing on framing of issues
Former CTA staff gears up for Tenshug offering to the Dalai Lama
Drugchen Rinpoche urges Tibetans to uphold unity
Health and Wellness: Blood function and blood disorder