Monthly Archives: December, 2019

ཉན་པ།: Listen ཕབ་ལེན། Download བཀའ་ཤག་གིས་ཁྲིམས་ཞིབ་ཁང་གི་བཅད་ཁྲའི་དགོངས་དོན་བཞིན་དགོངས་སེལ་ཞུ་ཡི་ཡོད་གསུངས་འདུག བོད་མི་རྣམས་ཀྱིས་ནམ་ཡང་རྒྱ་གར་གཞུང་མང་གི་བཀའ་དྲིན་མི་བརྗེད། ལྷ་སར་ཡོད་པའི་ཕྱི་ཕྱོགས་ཀྱི་བོད་མིར་སྔར་ལྷག་དམ་དྲག་བྱེད་རྒྱུའི་ཚོགས་འདུ་ཚོགས་པ། ཡུ་གུར་བའི་ཤེས་ཡོན་ཅན་སྐུ་ཞབས་ Tashpolat Tiyip ལགས་ཀྱི་གནས་སྟངས་གསལ་བཤད་དགོས་པའི་ཞུ་སྐུལ། དམིགས་བསལ་ལས་རིམ། བྱང་སེམས་གཞོན་སྐྱེས་ཚོགས་པ། Friday 27/12/2019 Case no 20: Kashag expresses its regret to Penpa Tsering No country has ever done more for Tibetans than India: Sikyong More restrictions in Lhasa for Tibetans from outside TAR UN experts demand info on whereabouts of Uighur academic DIASPORA FEATURE: Jangsem Youth club

བྱང་ཨ་རིའི་སྐུ་ཚབ་དོན་བཅོད་ཟུར་པ་ཚོགས་ཟུར་སྤེན་པ་ཚེ་རིག་ལགས་ཀྱི་སྲིད་སྐྱོང་བློ་བཟང་སེང་དགེ་མཆོག་བརྒྱུད་འཛིན་སྐྱོང་བཀའ་ཤག་གི་ཁོང་ལ་མ་ཉེས་ཁག་གཡོགས་བྱས་པའི་ཁ་མཆུ་ ༢༠ པའི་ཐོག་ཆེས་མཐོའི་ཁྲིམས་ཞིབ་ཁང་གི་དཔྱད་ཁྲ་བཏང་བ་བཞིན། བཀའ་ཤག་གིས་ཆེས་མཐོའི་ཁྲིམས་ཞིབ་ཁང་གི་དཔྱད་ཁྲའི་དགོངས་དོན་བཞིན་བཟོད་གསོལ་ཞུ་ཡི་ཡོད་གསུངས་འདུག དེ་ཡང་ཆེས་མཐོའི་ཁྲིམས་ཞིབ་ཁང་ནས་ཟླ་བ་སྔོན་མའི་ཕྱི་ཚེས་ ༢༢ ཉིན་ཁ་མཆུ་ཨང་ ༢༠ པའི་རྩོད་ལེན་པ་བཀའ་ཤག་གི་མཚན་ཐོག་ལ་བཀོད་ཁྱབ་ཞིག་བཏང་ཡོད་པའི་ནང་དུ། དེ་རིང་ཕྱི་ཟླ་ ༡༢ པའི་ཚེས་ ༢༧ བར་དཔྱད་ཁྲ་ཉམས་ལེན་གནང་རྒྱུའི་གོ་སྐབས་མཐའ་མ་ཞིག་གནང་སྟེ། དེ་ལྟར་མ་བྱུང་ཚེ་སྲིད་སྐྱོང་གཙོ་བྱས་པའི་བཀའ་ཤག་གི་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་རྒྱུ་ཡིན་སྐོར་བཀོད་པ་བཞིན། དེ་རིང་ཉིན་རྒྱབ་ཕྱག་ཚོད་ ༤ པའི་ཐོག་བཀག་ཤག་གི་ངོས་ནས་དེ་གའི་གཞུང་འབྲེལ་དྲ་གནས་ཐོག་གསལ་བསྒྲགས་ཤིག་འདོན་སྤེལ་གནང་བའི་ནང་དུ། ཆེས་མཐོའི་ཁྲིམས་ཞིབ་ཁང་གིས་ཕྱི་ལོ་ ༢༠༡༩ ཟླ་ ༡༠ ཚེས་ ༡༤ ཉིན་སྤེལ་བའི་བཅད་ཁྲའི་ནང་། བཀའ་ཤག་ནས་བྱང་ཨ་རི་དོན་གཅོད་སྤེན་པ་ཚེ་རིང་ལགས་འཕོ་འགྱུར་དང་། དེའི་རྗེས་འབྲེལ་གསལ་བཤད་དོན་ཚན་ ༡༠ གསལ་བསྒྲགས་བྱས་པ་དེ། གནས་ཚུལ་ཡོང་ཁུངས་ངེས་གཏན་མེད་པ་དང་། ཁ་ཡིན་ལ་གོ་ནོར་ཐེབས་པའི་དབང་གིས། སྤེན་པ་ཚེ་རིང་གི་ལྷག་བསམ་དང་། འཇོན་ཐང་། བཟང་སྤྱོད་བཅས་ལ་མ་ཉེས་ག་གཡོགས་ཤོར་བ་དང་། སྤྱི་ཚོགས་ནང་དངོས་བདེན་མ་ཡིན་པའི་གནས་ཚུལ་ཁྱབ་འགྲེམས་སོང་བའི་སྐོར་ཆེས་མཐོ་ཁྲིམས་ཞིབ་ཁང་གིས་ཐག་གཅོད་བཅད་ཁྲ་ཁྱབ་བསྒྲགས་གནང་འདུག་པར་བརྟེན། བཀའ་ཤག་གིས་སྤེན་པ་ཚེ་རིང་ལ་བཟོད་གསོལ་ཞུ་རྒྱུ་ཡིན།”ཞེས་བརྗོད་བྱ་འདི་རང་བཀོད་དགོས་པའི་བཅད་ཁྲའི་དགོངས་དོན་བཞིན་བཟོད་གསོལ་ཞུ་ཡི་ཡོད་ཅེས་འཁོད་འདུག གཞི་རྩའི་ཁ་མཆུ་ཨང་ ༢༠ ཞེས་པ་དེ་ནི་གཙོ་བོ་། དབུས་བོད་མིའི་སྒྲིག་འཛུགས་ཀྱི་འཛིན་སྐྱོང་བཀའ་ཤག་གིས་ཕྱི་ལོ་ ༢༠༡༧ ཟླ་ ༡༡ ཚེས་ ༧ ཉིན་སྐབས་དེའི་བྱང་ཨ་རིའི་སྐུ་ཚབ་དོན་གཅོད་སྐུ་ཞབས་སྤེན་པ་ཚེ་རིང་ལགས་ལས་གནས་ནས་འཕོ་འགྱུར་དང་འབྲེལ་དོན་ཚན་བཅུ་ཅན་གྱི་གསལ་བཤད་ཅིག་འདོན་སྤེལ་གནང་སྟེ་ཁོང་གིས་བཀའ་ཤག་གི་ཐུགས་རེ་བཞིན་ལས་དོན་གནང་མ་ཐུབ་པ་དང་། ཡིད་ཆེས་བློས་འགེལ་མི་ཐུབ་པ། དེ་བཞིན་འཛིན་སྐྱོང་ལ་བྱ་སྤུ་གནོན་གྱི་གོ་རིམ་ལ་ལྟོས་མེད་གནང་ཡོད་པ་བཅས་ཀྱི་རྒྱུ་མཚན་ལ་བརྟེན་ནས་ཐག་གཅོད་དེ་ལྟར་གནང་དགོས་བྱུང་ཡོད་པ་སོགས་གསལ་བཤད་གནང་རྗེས། སྤེན་པ་ཚེ་རིགས་ལགས་ཀྱིས་ ཁོང་གི་ལས་དོན་ལ་འཐུས་ཤོར་ཕྱིན་པ་སོགས་ཀྱི་གནད་དོན་ཁག་ལ་ངོས་ལེན་མེད་པ་དང་། ལྷག་དོན་སྲིད་སྐྱོང་མཆོག་གིས་གྲོས་ཚོགས་དང་མང་ཚོགས་ཁྲོད་ཐག་གཅོད་དེ་ཁྲིམས་དང་མཐུན་པ་ཞིག་བྱུང་ཡོད་མེད་ཐག་གཅོད་གནང་བར་ཆེས་མཐོའི་ཁྲིམས་ཞིབ་ཁང་ལ་ཕེབས་རྒྱུ་མ་གཏོགས་ཐབས་ལམ་གཞན་མེད་པར་འགྲེལ་བརྗོད་གནང་ཡོད་པ་བཞིན་ཁོང་གིས་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ལ་ཁྲིམས་གཏུག་ཞུས་ཡོད་པ་ཞིག་ཡིན་པ་རེད། དེ་རྗེས་ཆེས་མཐོའི་ཁྲིམས་ཞིབ་ཁང་གིས་འདི་ལོའི་ཕྱི་ཟླ་ ༦ ཚེས་ ༥ ནས་དབུ་འཛུགས་ཀྱིས་ཕྱི་ཟླ་ ༨ ཚེས་ ༢༡ བར་ཁ་མཆུ་དེ་དང་འབྲེལ་གནད་དོན་གསལ་བཟོའི་ཉན་ཞིབ་ཅིག་དང་། གནད་དོན་གཏན་འབེབས་ཀྱི་ཉན་ཞིབ་གཉིས། དེ་བཞིན་ཞིབ་གཅོད་ཉན་ཞིབ་དགུ་བཅས་ཁྱོན་ཉིན་ ༡༢ རིང་ཉན་ཞིབ་ཚོགས་པའི་རྗེས་ཕྱི་ཟླ་ ༡༠ ཚེས་ ༡༤ ཉིན་ཤོག་གྲངས་ ༡༠༢༨ ཅན་གྱི་བཅད་ཁྲ་འདོན་སྤེལ་གནང་སྟེ། ཁ་མཆུ་འདིའི་བརྒྱུད་རིམ་ཁྲོད་གྱོད་ཡ་ཞུ་སྦྱོར་བས་ཁུངས་སྐྱེལ་དགོས་པ་ཁག་ཐུབ་པ་དང་། རྩོད་ལེན་པ་སྲིད་སྐྱོང་བློ་བཟང་སེང་གེ་མཆོག་གིས་སྣེ་ཁྲིད་པའི་བཀའ་ཤག་སྐབས་ ༡༥ པས་ཁུངས་སྐྱེལ་དགོས་པ་ཁག་མ་ཐུབ་པར་བརྟེན། བཀའ་ཤག་ནས་སྐུ་ཞབས་སྤེན་པ་ཚེ་རིང་ལགས་ལས་གནས་ནས་འཕོ་འགྱུར་དང་དེའི་རྗེས་འབྲེལ་གསལ་བཤད་དོན་ཚན་བཅུ་གསལ་བསྒྲགས་བྱས་པ་དེ། གནས་ཚུལ་ཡོང་ཁུངས་ངེས་གཏན་མེད་པ་དང་། ཁ་ཡིན་ལ་གོ་ནོར་ཐེབས་པའི་དབང་གིས་སྤེན་པ་ཚེ་རིང་གི་ལྷག་བསམ་དང་འཇོན་ཐང་། བཟང་སྤྱོད་བཅས་ལ་མ་ཉེས་ཁ་གཡོགས་ཤོར་བ་སོགས་ཐག་གཅོད་གནང་སྟེ་བཀའ་ཤག་ནས་སྤེན་པ་ཚེ་རིང་ལགས་ལ་བཟོད་གསོལ་ཞུ་རྒྱུ་ཡིན་ཞེས་བརྗོད་བྱ་འདི་རང་བཀོད་པའི་དགོངས་སེལ་ཞུ་ཡིག་ཞིག་དབྱིན་བོད་སྐད་ཡིག་གཉིས་ཀའི་ནང་བོད་མིའི་སྒྲིག་འཛུགས་ཀྱི་གཞུང་འབྲེལ་གསར་འགྱུར་བརྒྱུད་ལམ་ཐོག་འདོན་འགྲེམས་གསལ་བསྒྲགས་བྱས་ཏེ་དེ་དག་གི་ཡིག་ཆ་རྣམས་ཞུ་སྦྱོར་བར་སྤྲོད་ཆེད་ཆེས་མཐོའི་ཁྲིམས་ཞིབ་ཁང་ལ་འབུལ་དགོས་པ་དང་། བཀའ་ཤག་གིས་ཞུ་སྦྱོར་བའི་ཁྲིམས་རྩོད་པའི་གླ་ཡོན་སྤྲོད་དམིགས་ཧིན་སྒོར་ ༩༨༠༠༠ ཕྱི་ལོ་ ༢༠༡༩ ཟླ་ ༡༡ ཚེས་ ༡༥ ནང་ཚུན་ཆེས་མཐོའི་ཁྲིམས་ཞིབ་ཁང་ལ་འབུལ་དགོས་པའི་བཅད་ཁྲ་བཏང་བ་དེ་ལྟར་ཡང་། བཀའ་ཤག་གིས་དུས་བཀག་ནང་ཚུད་དཔྱད་ཁྲའི་དགོངས་དོན་ཉམས་ལེན་མ་ཞུས་སྟབས། ཆེས་མཐོའི་ཁྲིམས་ཞིབ་ཁང་གིས་སླར་ཡང་ཟླ་བ་སྔོན་མའི་ཕྱི་ཚེས་ ༢༢ ཉིན་བཀདོ་ཁྱབ་ཞིག་བཏང་སྟེ། རྩོད་ལེན་པ་བཀའ་ཤག་གི་ངོས་ནས་དེ་རིང་ཕྱི་ཟླ་ ༡༢ ཚེས་ ༢༧ ཕྱི་འདྲོ་ཕྱག་ཚོད་ ༤ པའི་སྔོན་ཚུད་དུ་དཔྱད་ཁྲ་ཉམས་ལེན་མ་བྱས་ཚེ། བཙན་བྱོལ་བོད་མིའི་ཁྲིམས་ཞིབ་ཁང་གི་སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་གི་དོན་ཚན་ ༥༡ གཞིར་བཟུང་། སྲིད་སྐྱོང་གཙོ་བྱས་པའི་བཀའ་ཤག་གི་བཀའ་བློན་རྣམ་པ་ཚང་མས་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་རྒྱུ་ཡིན་པའི་བཀོད་ཁྱབ་བཏང་ཡོད་པ་རེད། འདི་ག་རླུང་འཕྲིན་ཁང་ནས་དེ་རིང་བཀའ་ཤག་གི་བཟོད་གསོལ་གསལ་བསྒྲགས་འདི་དང་འབྲེལ། བཀའ་ཤག་ལ་འབྲེལ་བ་ཞུ་ཐབས་བྱས་ཀྱང་བཀའ་དྲུང་དང་སྲིད་ཚབ་བཅས་ཀྱིས་བཅར་འདྲིར་དྭངས་ལེན་གནང་མེད་ལ། ཞལ་པར་བརྒྱུད་སྐུ་ཞབས་སྤེན་པ་ཚེ་རིང་ལགས་སུའང་འབྲེལ་བ་ཞུ་ཐབས་བྱས་ཀྱང་འབྲེལ་བ་མཐུད་ཐུབ་མ་སོང་། གང་ལྟར་ཁ་མཆུ་ཨང་ ༢༠ ཞེས་པ་དེ་ནི་བཙན་བྱོལ་བོད་མིའི་སྤྱི་ཚོགས་ཁྲོད་ཉེ་བའི་དུས་ཡུན་ནང་ཧ་ཅང་རྩོད་གླེང་ཆེ་བའི་གནད་དོན་ཞིག་ཏུ་གྱུར་ཡོད་པ་དང་། བོད་མི་ཁག་ཅིག་གིས་གནད་དོན་དེར་དགྲ་དགའ་གཉེན་སྡུག་གི་ངོ་བོར་གཟིགས་མཁན་ཡོད་ཀྱང། ཁག་གཅིག་གིས་དེ་ནི་མང་གཙོའི་རྒྱལ་ཁ་ཞིག་ལ་ངོས་འཛིན་གནང་མཁན་ཡོད་པ་རེད། རྩོད་ལེན་པ་བཀའ་ཤག་ངོས་ནས་དེ་སྔོན་ཆེས་མཐོའི་ཁྲིམས་ཞིབ་ཁང་གིས་ཁ་མཆུ་དེའི་ཐོག་མཐའ་མའི་དཔྱད་ཁྲ་བཏང་སྐབས་བཀའ་ཤག་གི་ངོས་ནས་དཔྱད་ཁྲ་དེ་འདོད་བློ་ཁེངས་བ་ཞིག་བྱུང་མེད་པའི་འགྲེལ་བརྗོད་གནང་བ་དེ་ལྟར་ཡང་། ཞུ་སྦྱོར་བ་སྤེན་པ་ཚེ་རིང་ལགས་དང་ཁོང་གི་ཁྲིམས་རྩོད་པ་རྣམ་རྒྱལ་ཚེ་སྐྱིད་ལགས་ཀྱིས་དེ་ནི་མང་གཙོ་དང་དྲང་བདེན་ལ་རྒྱལ་ཁ་ཐོབ་པ་ཞིག་ཆགས་ཡོད་སྐོར་གསུངས་ཡོད་པ་རེད།

ཉན་པ།: Listen ཕབ་ལེན། Download རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པ་ཆེད་འཛུགས་གནང་ནས་ལོ་ངོ་ ༦༠ འཁོར་བའི་ཚོགས་ཆེན། བོད་དང་ཤིན་ཅང་གི་མི་རིགས་རྣམས་རྒྱ་ནག་གི་ཆེས་དབུལ་ཕོངས་ཀྱི་གནས་སུ་མུ་མཐུད་ལྷུང་བ། འཛིན་རིམ་བཞི་པ་ནས་བརྒྱད་པ་བར་གྱི་དབྱིན་ཡིག་སློབ་ཚན་གྱི་བསླབ་གཞི་རྩ་འཛིན་ལ་བསྐྱར་ཞིབ། འཕྲོད་བསྟེན་ལས་རིམ། མིག་བརྟག་དཔྱད་དང་མིག་སྦྲུམ་གཤག་བཅོས་ཀྱི་ལས་གཞིའི་སྐོར། Thursday 26/12/2019 All India Tibet convention on Tibet marks 60th year, urges Delhi to confer Bharat Ratna on HHDL Tibetans and Xinjiang muslims among the poorest in China: Govt. report Interview with DoE Kalon on English Curriculum and Learning Standards Framework for Tibetan schools Health and Wellness: Cataract surgery

དེ་རིང་སྔ་དྲོ།   རྒྱ་གར་བོད་དོན་རྒྱབ་སྐྱོར་ཚོགསཔའི་སྡེ་ཚན་ནང་མའི་གོ་སྒྲིག་གི་འོག  ནུབ་བྷེང་ཀལ་མངའ་སྡེའི་Kolkata གྲོང་ཁྱེར་ནང་རྒྱ་གར་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སང་གེ་མཆོག་དང་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས། དེ་བཞིན་ནུབ་བྷེང་ཀལ་མངའ་སྡེའི་སྲིད་སྐྱོང་Shri. Jagdeep Shanka མཆོག་དང་མངའ་སྡེ་དེ་ཡི་གྲོས་ཚོགས་ཀྱི་འཐུས་མི།  གཞན་ཡང་རྒྱ་གར་གྱི་ཆབ་སྲིད་ཀྱི་ལྟ་གྲུབ་འདྲ་མིན་ཁག་གི་ཚོགས་ཁག་བཅུ་གཉིས་ཀྱི་འཐུས་ཚབ་མི་སྣ་སོགས་ལྷན་འཛོམས་ཀྱི་ཐོག་ནས།  རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་ཆེན་ཚོགས་ཐེངས་དང་པོ་ཚོགས་ནས་མི་ལོ་དྲུག་ཅུ་འཁོར་བར་དྲན་གསོ་དང་སྦྲགས། བོད་དོན་རྒྱབ་སྐྱོར་སྔར་ལགས་ཇེ་ཆེར་གཏོང་རྒྱུའི་ཚོགས་འདུ་ཚོགས་འདུག  དེ་རིང་གི་ཚོགས་འདུ་དང་འབྲེལ་ནས། འདི་གའི་གསར་འགོད་པས་འཕགས་བོད་འབྲེལ་མཐུད་ལས་ཁུངས་ཀྱི་འབྲེལ་མཐུད་པ་འཇིགས་མེད་ཚུལ་ཁྲིམས་ལགས་སུ་བཀའ་འདྲི་ཞུས་པར་ཁོང་གིས།  གཙོ་བོ་རྒྱ་གར་གྱི་འཐབ་རྩོད་པ་གྲགས་ཅན་སྐུ་ཞབས་ Prakash Narayan མཆོག་གི་དབུ་ཁྲིད་འོག་ནས་བོད་མི་རྣམས་ཐོག་མར་༡༩༥༩ ལོར་རྒྱ་གར་དུ་འབྱོར་མཚམས་སུ་ཀོལ་ཀ་ཏ་གྲོང་ཁྱེར་ནང་རྒྱ་གར་བོད་དོན་རྒྱབ་སྐྱོར་གྱི་ཚོགས་འདུ་སྐོང་བའི་ལོ་རྒྱུས་ཀྱི་དུས་ཚིགས་དེར་དྲན་གསོ་ཞུས་པའི་ཐོག་ནས།  སྔོན་མའི་དམིགས་ཡུལ་ལྟར་རྒྱ་གར་གྱིས་བོད་དོན་ལ་རྒྱབ་སྐྱོར་བྱེད་ཕྱོགས་སྐོར་གྱི་ཐད་ནས་གོ་བསྡུར་གནང་ཡོད་པ་ངོ་སྤྲོད་གནང་སོང་། གཞན་ཡང་ཁོང་ལ་དེ་རིང་ཚོགས་ཆེན་དེ་བརྒྱུད་ནས་དམིགས་བསལ་གྱི་བོད་དང་འབྲེལ་བའི་གྲོས་ཆོད་ག་རེ་བཞག་ཡོད་མེད་ཀྱི་ཐད་ནས་བཀའ་དྲི་གནང་བར་ཁོང་གིས།   ཚོགས་ཆེན་གྱི་གྲོས་ཆོད་ནང་དུ་ཕྱོགས་གཅིག་ནས་སྤྱི་ནོར་༸གོང་ས་སྐྱབས་མགོན་མཆོག་ལ་རྒྱ་གར་གྱི་མི་སེར་གཟེངས་རྟགས་མཐོ་ཤོས། Bharat Ratna ཞེས་པ་དེ་འབུལ་བཞེས་གནང་རྒྱུར་ཤུགས་སྣོན་རྒྱག་རྒྱུ་དང་། དེ་བཞིན།  རྒྱ་གར་གྱི་སྤྱི་ཚོགས་ཀྱི་ཁྲོད་དུ་བོད་དོན་གོ་རྟོགས་ཀྱི་ལས་དོན་ཤུགས་ཆེར་སྤེལ་བ་བརྒྱུད་ནས་སྔར་ལས་ལྷག་པའི་བོད་དོན་རྒྱབ་སྐྱོར་ཡོང་ཐབས་སོགས་ཀྱི་གྲོས་ཆོད་བཞག་ཡོད་པར་གསུངས་སོང་། ཁོང་གིས་ད་དུང་། རྩ་བའི་ནུབ་བྷེང་ཀལ་མངའ་སྡེ་ནི་རྒྱ་གར་གྱི་ནང་དུ་དམར་ཤོག་གི་ཆབ་སྲིད་ཚོགས་པ་ཆེ་ཁག་གི་ས་ཁུལ་ཞིག་ལ་འཁེལ་གྱི་ཡོད་སྟབས།  བོད་དོན་དང་འབྲེལ་བའི་ལས་འགུལ་ཤུགས་ཆེར་སྤེལ་རྒྱུར་འགལ་རྐྱེན་སྣ་མང་ཞིག་ཡོད་ནའང་།  དེ་རིང་འདིར་རྒྱ་གར་གྱི་སྤྱི་ཚོགས་ཀྱི་འགོ་ཁྲིད་མང་པོ་ཆེད་དུ་འཛོམས་ནས་ཧིན་བོད་གཉིས་ཀྱི་མཛའ་འབྲེལ་ལ་གཞིགས་པའི་བོད་དོན་རྒྱབ་སྐྱོར་བྱེད་ཕྱོགས་ཀྱི་ཚོགས་འདུ་ཆེན་པོ་ཞིག་ཚོགས་ཡོད་པ་དེས་རྒྱ་ནག་དམར་གཞུང་ལ་བརྡ་ལན་གསལ་བོ་ཞིག་སྤྲད་ཡོད་སྐོར་ཡང་གསུངས་སོང་། རྩ་བའི་རྒྱ་གར་གྱི་འཐབ་རྩོད་པ་གྲགས་ཅན་Jai Prakash Narayan མཆོག་གི་དབུ་ཁྲིད་འོག་ཕྱི་ལོ་ ༡༩༥༩ ཟླ་ ༥ ཚེས་ ༣༠ ནས་ ༣༡ བར་རྒྱ་གར་གྱི་གྲོང་ཁྱེར་ཀོལ་ཀ་ཏར་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་ཆེན་ All India Convention on Tibet ཞེས་པ་དེ་ཆེས་ཐོག་མར་ཚོགས་ནས་འདི་ལོར་ལོ་ངོ་ ༦༠ འཁོར་བའི་དུས་དྲན་སྲུང་བརྩི་དང་སྟབས་བསྟུན་གྱིས་ཕྱོགས་ཡོངས་ནས་བོད་དོན་རྒྱབ་སྐྱོར་གོང་སྤེལ་གྱི་ཆེད་དུ་ཐེངས་འདིའི་ཚོགས་འདུ་དེ་ཚོགས་པ་ཞིག་རེད་འདུག པར་དབང་། འཕགས་བོད་འབྲེལ་མཐུད་ལས་ཁུངས།

ཉན་པ།: Listen ཕབ་ལེན། Download ༸གོང་ས་མཆོག་གིས་དྲང་བདེན་ནི་མེ་མདའི་དབང་ཚད་ལས་སྟོབས་ཤུགས་ཆེ་བ་ཡོད་པར་བཀའ་བསྩལ་བ། རྒྱ་གཞུང་གིས་བོད་ཀྱི་མཐའ་མཚམས་ས་ཁུལ་དུ་རྒྱལ་ཁབ་སྲུང་སྐྱོབ་ཀྱི་གྲོང་ཚོ་གསར་རྒྱག་ཤུགས་ཆེར་བཏང་བ་མངོན་གསལ། ཧོང་ཀོང་ནང་ཡི་ཤུའི་འཁྲུངས་སྐར་དང་བསྟུན་སླར་ཡང་གཞུང་རྒོལ་གྱི་ལས་འགུལ་བརྩམས་པ། སུད་སི་ཡི་བདུན་རེའི་དུས་དེབ་ཀྱིས་རྒྱ་ནག་གི་དྲིལ་བསྒྲགས་ལས་དོན་སྒྲུབ་བཞིན་པ་ཐེར་འདོན། ༸གོང་ས་མཆོག་གི་བཀའ་སློབ་ལེ་ཚན། བསྟན་པ་ཡུན་རིང་གནས་ཐབས་སུ་སློབ་གཉེར་གནང་གལ་སྐོར། Wednesday 25/12/2019 Dalai Lama visits Mahabodhi temple, says power of truth stronger than power of guns China accelerates construction of “border defense villages” in Tibet Hong Kong police fire teargas to disperse Christmas Eve protests Swiss politician Roger Köppel's closeness to Chinese Communists slammed FEATURE: Dalai Lama’s speech at Gaden Jangtse monastery

དེ་རིང་སྔ་དྲོ་ཕྱག་ཚོད་ ༨ པ་ཙམ་ལ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་བྷི་ཧར་མངའ་སྡེ་གྷ་ཡ་རྫོང་དུ་རྟེན་གཞི་བྱས་པའི་བདག་ཅག་གི་སྟོན་པ་མངོན་པར་རྫོགས་ཏེ་སངས་རྒྱས་པའི་གནས་མཆོག་ཁྱད་པར་ཅན་རྡོ་རྗེ་གདན་གྱི་བྱང་ཆུབ་མཆོད་རྟེན་དུ་གནས་མཇལ་མཛད་པ་དང་སྦྲགས།  ༸གོང་ས་མཆོག་གིས་དྲང་བདེན་ནི་མེ་མདའི་དབང་ཚད་ལས་སྟོབས་ཤུགས་ཆེ་བ་ཡོད་སྐོར་བཀའ་བསྩལ་འདུག གཞི་རྩའི་དུས་རྒྱུན་འཆར་ཅན་༸གོང་ས་མཆོག་གནས་མཆོག་རྡོ་རྗེ་གདན་དུ་ཞབས་སོར་འཁོད་པ་དང་སྦྲགས།  བྱང་ཆུབ་མཆོད་རྟེན་དུ་གནས་གཟིགས་མཛད་གནང་བཞིན་ཡོད་པ་ལྟར།  དེ་རིང་ཡང་༸གང་ཉིད་མཆོག་གིས་བྱང་ཆུབ་མཆོད་རྟེན་གྱི་སྟོན་པ་ཐུབ་པའི་དབང་པོའི་སྐུ་བརྙན་གྱི་དྲུང་དུ་མཆོད་མཇལ་དང་འཛམ་གླིང་ཞི་བདེ་དང་བོད་མི་ཡོངས་ཀྱི་སྤྱི་མཐུན་བསོད་ནམས་གསོག་སླད་ཐུགས་སྨོན་སྐྱབས་འཇུག་མཛད་པ་མ་ཟད། སྐབས་དེར་ཕྱི་ནང་གི་གསར་འགོད་པ་ཁག་ཅིག་གིས་༸མགོན་པོ་མཆོག་ལ་འཛམ་གླིང་ཞི་བདེའི་དགོངས་བཞེད་དང་འབྲེལ་བོད་ཀྱི་ཆོས་དང་རིག་གཞུང་རྒྱུན་འཛིན་སོགས་ཀྱི་སྐོར་བཀའ་འདྲི་ཞུས་སྐབས།   ༸གང་ཉིད་མཆོག་གིས་སྐབས་དེར།   རྒྱ་གར་གྱི་གནའ་བོའི་ལེགས་བཤད་བསྐྱར་གསོ་དང་སྦྲགས་༸སྐུའི་ཐུགས་བསྐྱེད་དམ་བཅའ་ཆེན་པོ་བཞིའི་སྐོར་ངོ་སྤྲོད་མཛད་ཡོད་པ་རེད་འདུག ད་དུང་གསར་འགོད་པ་རྣམས་ཀྱིས་༸གང་ཉིད་མཆོག་ལ་རྒྱ་གཞུང་ལ་བརྡ་ལན་ཇི་ཡོད་སྐོར་བཀའ་འདྲི་ཞུས་སྐབས།  ༸མགོན་པོ་མཆོག་གིས་རྒྱ་ནག་ནི་ནང་པའི་རྒྱལ་ཁབ་ཅིག་ཡིན་པ་མ་ཟད།   རྒྱ་ནག་གི་རྒྱལ་ཁབ་ཀྱི་ནང་དུ་ནང་པའི་གྲངས་འབོར་ཡང་ད་ཆ་འཕེལ་བཞིན་ཡོད་སྐོར་བཀའ་བསྩལ་འདུག   ལྷག་པར་དུ་འཐབ་རྩོད་ལ་ཆ་མཚོན་ན་རྒྱ་ནག་ལ་མེ་མདའི་སྟོབས་ཤུགས་ཡོད་ཀྱང་བོད་མིར་དྲང་བདེན་གྱི་རྒྱབ་རྟེན་ཡོད་པས།   དུས་ཀྱི་མཐའ་མར་དྲང་བདེན་དེ་ཡུན་གནས་སུ་ཐུབ་རྒྱུ་ཡིན་པ་བཀའ་བསྩལ་འདུག གཞི་རྩའི་༸མགོན་པོ་གང་ཉིད་མཆོག་ཁ་སང་ཉིན་གུང་ཕྱག་ཚོད་ ༡ པོ་ཙམ་ལ་རྒྱ་གར་ལྷོ་ཕྱོགས་མོན་གྷོ་འདོད་རྒྱུ་གླིང་དུ་རྟེན་གཞི་བྱས་པའི་གདན་ས་དགའ་འབྲས་གཉིས་ནང་གི་མཛད་འཆར་ཁག་ལེགས་པར་གྲུབ་པ་དང་བསྟུན།  རྡོ་རྗེ་གདན་དུ་ཞབས་སོར་འཁོད་ཡོད་པ་དང་།  ད་ལྟའི་མཛད་འཆར་ལྟར་ན།  ༸གོང་ས་མཆོག་གིས་ཕྱི་ལོ་ ༢༠༢༠ ལོའི་ཟླ་བ་༡ པོའི་ཚེས་༢ ཉིན་དད་ལྡན་ཆོས་ཞུ་བར་རྒྱལ་སྲས་ཐོགས་མེད་བཟང་པོས་མཛད་པའི་རྒྱལ་སྲས་ལག་ལེན་སོ་བདུན་མའི་གསུང་ཆོས་དང་།   ཕྱི་ཚེས་ ༣ ཉིན་སྤྱན་རས་གཟིགས་ཀྱི་བཀའ་དབང་།   དེ་བཞིན་ཕྱི་ཚེས་ ༤ ནས་ ༦ བར་འདི་ལོའི་མགོ་སྟོད་དུ་གནས་མཆོག་རྡོ་རྗེ་གདན་དུ་བསྩལ་བའི་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་འཕྲོ་སྐྱོང་མཛད་གནང་རྒྱུ་ཡིན་པ་རེད།  ཐེངས་འདིའི་ཆིབས་བསྒྱུར་དང་བསྟུན།  གྷ་ཡ་རྫོང་གི་ཉེན་རྟོག་པས།  ༸གོང་ས་མཆོག་རྡོ་རྗེ་གདན་དུ་བཞུགས་པའི་རིང་མངའ་སྡེ་དང་ས་གནས་རྫོང་ནས་༸སྐུ་ཕྱའི་སྲུང་སྐྱོབ་སླད་ཕྱོགས་ཡོངས་ལ་ཉིན་མཚན་བསྟུད་མར་ཉེན་རྟོག་པ་འགྲེམས་འཇོག་གནང་ཡོད་པ་དང་།  ལྷག་པར་དུ་ཆོས་ཞུ་བ་ཚོར་གཟིགས་རྟོགས་སླད་ཡར་འགྲོ་མར་འགྲོ་སོགས་ཀྱི་འགྲིམ་འགྲུལ་སྟབས་བདེ་བཟོས་ཡོད་པ་རེད། མ་ཟད། བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ཀྱི་དྲུང་ཆེ་སྐར་མ་རིན་ཆེན་ལགས་ཀྱིས་ཀྱང་འདི་གའི་གསར་འགོད་པར་ཐེངས་འདིར་སྔར་རྒྱུན་གཞིན་ ༸སྐུ་ཕྱའི་སྲུང་སྐྱོབ་ཡག་པོ་གནང་ཡོད་པར་གསུངས་སོང་། པར་དབང་། དགའ་ལྡན་ཕོ་བྲང་།

རྒྱ་ནག་གི་སྲིད་འཛིན་ཞི་ཅིན་ཕིང་གིས་རྒྱལ་སྲུང་སྲིད་བྱུས་ཞེས་པའི་འོག ཕྱིའི་འཛམ་བུ་གླིང་དང་བོད་དབར་དེང་དུས་ཀྱི་ཆ་རྐྱེན་ལྡན་པའི་འགག་སྒོ་མཁྲེགས་པོ་ཞིག་བཟོ་བསྐྲུན་བྱེད་དགོས་པའི་དམིགས་ཡུལ་གྱི་འོག་ནས་བོད་ཀྱི་མཐའ་མཚམས་ས་ཁུལ་ཁག་ཏུ་རྒྱལ་ཁབ་སྲུང་སྐྱོབ་ཀྱི་གྲོང་ཚོ་ཞེས་པའི་འཛུགས་སྐྲུན་ལས་གཞི་དེ་འདི་ལོ་ཤུགས་ཆེ་རུ་བཏང་ཡོད་པ་མངོན་གསལ་གནང་འདུག དེ་ཡང་ཨ་རིའི་རྒྱལ་ས་ Washington DC ནང་དུ་རྟེན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཁ་ཉིན་གནས་ཚུལ་སྤེལ་བའི་ནང་དུ། རྒྱ་ནག་གཞུང་གིས་འདི་ལོ་བོད་ཀྱི་ས་མཚམས་ས་ཁུལ་དུ་རྒྱལ་ཁབ་སྲུང་སྐྱོབ་ཀྱི་གྲོང་ཚོ་འཛུགས་བསྐྲུན་ཞེས་པའི་ལས་གཞི་དེ་ཤུགས་ཆེ་རུ་བཏང་བའི་འོག   གྲོང་འཚོ་དེ་དག་གི་ནང་དུ་རྒྱ་ནག་དམར་ཤོག་ཚོགས་པའི་ལས་བྱེད་པ་ཆེད་འཛུགས་ཀྱིས་༸གོང་ས་མཆོག་ལ་དད་གུས་བྱེད་མཁན་བོད་མི་ཚོ་གཙོ་བྱས་པའི་ཕྱིའི་སྟོབས་ཤུགས་སིམ་འཛུལ་གྱི་རིགས་ལ་འགོག་རྒོལ་གྱི་ལས་གཞི་སྤེལ་བཞིན་པ་དང། དེའི་ཁྲོད་བོད་ཀྱི་མཐའ་མཚམས་ས་ཁུལ་ཁག་གི་གྲྭ་བཙུན་རྣམས་ལ་༸གོང་ས་མཆོག་གི་ཤུགས་རྐྱེན་ལ་འགོག་རྒོལ་བྱེད་ཕྱོགས་ཀྱི་དམིགས་གསལ་སྦྱོང་དར་སྤྲད་པ་དང། དེ་བཞིན་བོད་ཀྱི་རྒྱལ་ས་ལྷ་ས་ནས་ཟི་ཁྲོན་ཞིང་ཆེན་བར་དུ་མེ་འཁོར་ལྕགས་ལམ་དང་ཕུག་ལམ་འཛུགས་སྐྲུན་བྱས་ཟིན་པ་སོགས་ཐེར་འདོན་གནང་འདུག ལས་འགུལ་ཁང་གིས་རྒྱ་ནག་གཞུང་འབྲེལ་བརྒྱུད་ལམ་རང་གི་ཐོག་ཐོན་པའི་གནས་ཚུལ་ལ་གཞིགས་ཏེ། རྒྱ་གཞུང་གིས་ཕྱི་ལོ་་༢༠༡༧ ལོ་ནས་ཕྱི་ལོ ༢༠༢༠ བར་གྱི་བོད་ཀྱི་མཐའ་མཚམས་ས་ཁུལ་ཁག་ཏུ་རྒྱལ་སྲུང་གྲོང་ཚོ་འཛུགས་སྐྲུན་གྱི་ལས་གཞི་ཕྱིར་བསྒྲགས་བྱས་པའི་ནང་དུ། བོད་ཀྱི་མཐའ་མཚམས་ས་ཁུལ་ཁག་ཏུ་གྲོང་ཚོ་འདིའི་རིགས་ ༦༢༤ ཙམ་འཛགས་སྐྲུན་བྱེད་འཆར་ཡོད་པ་དང་། དེ་དག་རྒྱ་གར་གྱི་ཨ་རུ་ན་ཅལ་མངའ་སྡེ་དང་ས་ཐག་ཉེ་བའི་ཉིང་ཁྲི་ས་ཁུལ་དང་། དེ་བཞིན་གཞིས་ཀ་རྩེ་བཅས་ཀྱི་ནང་དུ་འཛུགས་སྐྲུན་བྱེད་འཆར་ཡོད་པ་དང། གྲོང་ཚོ་དེ་དག་ནི་མི་འབོར་ཤུགས་ཆེན་པོ་མེད་པའི་ས་ཁུག་ཁག་དང་། བོད་ནང་གི་བོད་མི་རྣམས་བལ་ཡུལ་དང་རྒྱ་གར་ལ་བྲོས་བྱོལ་ཡོང་སའི་ས་ཁུལ་ཁག་ཏུ་འཛུགས་སྐྲུན་བྱེད་བཞིན་པ་མངོན་གསལ་གནང་འདུག རྒྱལ་སྤྱིའི་བོད་དོན་ལས་འགུལ་ཁང་གིས་རྒྱ་གཞུང་གི་ངོས་ནས་རྒྱ་དཀར་ནག་གཉིས་ཀྱི་ས་མཚམས་ནས་ས་ཐག་རིང་ཐུང་ལ་གཞིགས་ཏེ་སྲུང་སྐྱོབ་ཀྱི་རིམ་པ་དང་པོ་དང་། རིམ་པ་གཉིས་པ་ཞེས་མིང་བཏགས་ཡོད་པ་དང་། ད་ལྟའི་ཆར་རིམ་པ་དང་པོའི་ས་ཁུལ་ཁག་གི་ནང་དུ་གྲོང་ཚོ་ ༤༢༧ འཛུགས་སྐྲུན་ཟིན་པ་དང། དེ་ནས་རིམ་པ་གཉིས་པའི་ས་ཁུལ་ནང་དུ་ད་བར་གྲོང་ཚོ་གསར་པ་༢༠༡ འཛུགས་སྐྲུན་བྱས་ཟིན་པ། དེ་བཞིན་འཛུགས་སྐྲུན་གྱི་ལས་གཞི་དེའི་འོག་ས་གནས་བོད་མི་རྣམས་བཙན་དབང་གིས་གཞིས་སྤོར་བྱེད་དུ་བཅུག་ཡོད་པར་གསུངས་པ་དང་འབྲེལ། རྒྱ་གཞུང་གིས་ས་མཚམས་ཁག་ཏུ་རྒྱལ་སྲུང་གྲོང་ཚོ་གསར་སྐྲུན་གྱི་ལས་གཞིར་དོ་སྣང་ཆེན་པོ་བྱེད་དགོས་དོན་གཅིག་ནི། ས་གནས་བོད་རིགས་འགོ་ཁྲིད་རྣམས་ལ་དམར་ཤོག་ཚོགས་པར་བློ་གཏད་བྱེད་དགོས་པ་དང་། དམར་ཤོག་ཚོགས་པའི་སྟངས་འཛིན་འོག་སྡོད་དུ་འཇུག་རྒྱུའི་ཆེད་དུ་ཡིན་པ་མངོན་རྒྱུ་ཡོད་པ་གསུངས་འདུག དེ་བཞིན་རྒྱ་གཞུང་གིས་རྒྱ་ནག་མི་དམངས་བཅིངས་གྲོལ་དམག་མིའི་དབང་ཚད་རྒྱ་ཆེ་རུ་བཏང་སྟེ་བོད་ཀྱི་ས་མཚམས་བརྒལ་ནས་རྒྱ་གར་དང་བལ་ཡུལ་སོགས་ཀྱི་ནང་དུའང་ཉམས་ཞིབ་བྱེད་དུ་འཇུག་བཞིན་ཡོད་པ་དང་། རྒྱལ་སྲུང་གྲོང་ཚོའི་ནང་གི་དམར་ཤོག་ཚོགས་པའི་ལས་བྱེད་པ་རྣམས་ལ་ཡང་རྒྱ་གར་དང་བལ་ཡུལ་གྱི་ས་མཚམས་ས་ཁུལ་དུ་འབྲེལ་བ་བྱས་པ་བརྒྱུད་རྒྱ་ནག་གི་ཤུགས་རྐྱེན་ཆེ་རུ་གཏོང་རྒྱུའི་ལས་འགན་སྤྲད་ཡོད་པ་ཐེར་འདོན་གནང་འདུག འདི་གའི་གསར་འགོད་པས་གནད་དོན་དེའི་ཐོག་ཕྱི་ལོ་་༢༠༡༧ ཙམ་ནས་ཉམས་ཞིབ་གནང་བཞིན་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་པདྨ་རྒྱལ་ལགས་སུ་བཀའ་འདྲི་ཞུས་པར་ཁོང་གིས་རྒྱ་གཞུང་གིས་རྩ་བའི་རྒྱལ་ཁབ་ཀྱི་ས་མཚམས་སྲུང་སྐྱོབ་ཀྱི་མིག་ཐོག་ནས་བོད་མིའི་ཐོག་དམ་དྲག་བྱེད་རྒྱུ་དང་། འདི་ལོ་རྒྱ་ནག་གིས་པཎ་ཆེན་རྒྱལ་མཚན་ནོར་བུ་སྐྱིད་རོང་ཁུལ་དུ་སླེབས་སྐབས་བལ་ཡུལ་ནས་སླེབས་པའི་མི་མང་ཁག་ཅིག་ལ་གཏམ་བཤད་སྤེལ་བ་སོགས་ལ་གཞིགས་ཏེ།  རྒྱ་གཞུང་གི་དམིགས་ཡུལ་གཞན་གཅིག་ནི་ལས་གཞི་དེའི་འོག་རྒྱ་གར་དང་བལ་ཡུལ་གྱི་ས་མཚམས་སུ་གནས་བའི་མི་སེར་རྣམས་རྒྱ་ནག་གི་མི་སེར་ལ་བསྒྱུར་ཐབས་སོགས་ཡིན་པ་གསུངས་སོང་།

ཉན་པ།: Listen ཕབ་ལེན། Download ༸གོང་ས་མཆོག་གནས་མཆོག་རྡོ་རྗེ་གདན་དུ་ཞབས་སོར་བདེ་བར་འཁོད་འདུག རྒྱ་རིགས་ཤེས་ལྡན་པ་དང་མང་གཙོ་དོན་གཉེར་བས་རྒྱ་ནག་གིས་སྐུའི་ཡང་སྲིད་ཀྱི་གནད་དོན་ལ་ཐེ་གཏོགས་བྱས་པར་དགག་གཞག སྲིད་སྐྱོང་དང་བཀའ་་བློན་རྣམ་པའི་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་པའམ་ལས་གནས་ལས་རྩ་དགོངས་ཞུས་ཚེ་བློ་ཡུལ་ལས་འདས་པའི་རྐྱེན་ངན་བར་ཆད་འཕྲད་སྲིད་པ་གསུངས་འདུག རྒྱལ་སྤྱིའི་ཨོར་གཏུམ་སྤོ་ལོ་རྩེད་མཁན་གྲགས་ཅན་ཞིག་གིས་རྒྱ་ནག་ལ་སྐྱོན་བརྗོད། པྲག་གྲོང་ཁྱེར་སྤྱི་ཁྱབ་པས་རྒྱལ་ཁབ་གང་ཞིག་གིས་རྒྱ་ནག་དང་འབྲེལ་བ་མ་བཞག་གོང་བསམ་བློ་གཏོང་དགོས་བར་སྐུལ་བ། བཙན་བྱོལ་བོད་རིགས་ན་གཞོན་ཁག་ཅིག་ལ་འགོ་ཁྲིད་ཀྱི་ཟབ་སྦྱོང་གནང་བཞིན་པ། Tuesday 24/12/2019 Dalai Lama arrives in Bodh Gaya after completing Mundgod visit Chinese scholars, democratic leaders reject China’s claims in Dalai Lama’s reincarnation issue Group of religious and Dotoe Chitues urge Sikyong to uphold TSJC verdict, warns of dire consequences Sonny Bill Williams: Rugby star latest to criticise China over Uighurs Think twice and be cautious before getting into bed with China: Prague Mayor Leadership workshop for Tibetan students underway

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་སྒར་དུ་རྟེན་གཞི་བྱས་པའི་གདན་ས་འབྲས་སྤུངས་དང་དགའ་ལྡན་ནང་གི་མཛད་འཆར་ཁག་ལེགས་པར་གྲུབ་སྟེ། དེ་རིང་ཉིན་གུང་ཙམ་ལ་མགོན་པོ་གང་ཉིད་མཆོག་གནས་མཆོག་རྡོ་རྗེ་གདན་དུ་ཞབས་གསོ་བདེ་བར་འཁོད་གནང་མཛད་འདུག དེ་ཡང་༸གོང་ས་སྐྱབས་མགོན་ཆེན་པོ་མཆོག་དེ་རིང་སྔ་དྲོ་ཆུ་ཚོད་བདུན་པ་ཡོལ་ཙམ་ལ་དགའ་ལྡན་བྱང་རྩེ་གྲྭ་ཚང་གི་རྟེན་གཙོ་བོར་གནས་གཟིགས་མཛད་རྗེས་དགའ་ལྡན་ཁྲི་རིན་པོ་ཆེ་མཆོག་དང་། ཤར་བྱང་ཆོས་རྗེ་རྣམ་གཉིས། དེ་བཞིན་གྲྭ་ཚང་གི་དགེ་འདུན་འདུས་མང་བཅས་དང་ལྷན་དུ་འདུ་ཁང་གི་སྒོ་འགྲམ་དུ་སྐུ་པར་ལྷན་སྒྲོན་མཛད་རྗེས། ཁུལ་དེའི་ཉེ་འཁྲིས་སུ་ཆགས་པའི་ཧོབ་ལིའི་གནམ་ཐང་བརྒྱུད་གནས་མཆོག་རྡོ་རྗེ་གདན་དུ་ཆིབས་༸ཞལ་སྒྱུར་གནང་མཛད་ཡོད་པ་དང་། མགོན་པོ་གང་ཉིད་མཆོག་ཉིན་མོའི་ཆུ་ཚོད་དང་པོ་ཡོལ་ཙམ་ལ་གནས་མཆོག་རྡོ་རྗེ་གདན་དུ་ཞབས་གསོ་འཁོད་སྐབས་ས་གནས་སུ་ཡོད་པའི་དད་ལྡན་མང་ཚོགས་ཡོངས་ཀྱིས་ཕེབས་བསུ་གཟབ་རྒྱས་ཞུས་འདུག མཛད་འཆར་ལྟར་བྱས་ན་༸གོང་ས་སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་གསུངས་ཆོས་ར་བའི་ནང་དུ་ཕྱི་ལོ་ ༢༠༢༠ ལོའི་ཟླ་ ༡ ཚེས་ ༢ ཉིན་དད་ལྡན་མང་ཚོགས་ཡོངས་ལ་རྒྱལ་སྲས་ཐོགས་མེད་བཟང་པོས་མཛད་པའི་རྒྱལ་སྲས་ལག་ལེན་སོ་བདུན་མའི་གསུང་ཆོས་དང་། ཕྱི་ཚེས་ ༣ ཉིན་སྤྱན་རས་གཟིགས་ཀྱི་བཀའ་དབང་། དེ་བཞིན་ཕྱི་ཚེས་ ༤ ནས་ ༦ བར་ཉིན་གྲངས་གསུམ་རིང་འདི་ལོའི་མགོ་སྟོད་གནས་མཆོག་རྡོ་རྗེ་གདན་དུ་སྩལ་བའི་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་འཕྲོ་སྐྱོང་བཀའ་དྲིན་མཛད་གནང་གི་ཡོད་པ་རེད། གཞི་རྩའི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ཟླ་བ་འདིའི་ཕྱི་ཚེས་བཅུ་གཉིས་ནས་ལྷོ་ཕྱོགས་མོན་གྷོ་འདོད་རྒྱུ་གླིང་བོད་མིའི་གཞིས་སྒར་དུ་རྟེན་གཞི་བྱས་པའི་གདན་ས་འབྲེ་སྤུངས་དང་གདའ་ལྡན་སོ་སོའི་དགོན་ཁག་ཏུ་དད་ལྡན་ཆིག་ཁྲི་བརྒལ་བར་ནང་ཆོས་ངོ་སྤྲོད་དང་ཚེ་དབང་བཅས་བཀའ་དྲིན་བསྩལ་བ་མ་ཟད། དགོན་སྡེ་ཁག་གི་རྟགས་གསལ་ལ་གཟིགས་ཞིབ། ལྷག་པར་དུ་རྗེ་ཙོང་ཁ་པ་ཆེན་པོ་སྐུ་མྱ་ངན་ལས་འདས་ནས་ལོ་དྲུག་བརྒྱ་འཁོར་བའི་རྒྱལ་སྤྱིའི་མཁས་པའི་བགྲོ་གླེང་དང་། རྗེ་ཙོང་ཁ་པ་ཆེན་པོ་མཆོག་གི་དགོངས་རྫོགས་མཆོད་འབུལ་འདུ་འཛོམས་སོགས་སུ་དབུ་བཞུགས་ཀྱིས་བཀའ་སློབ་བཀའ་དྲིན་སྩལ་བ་སོགས་ཁྱོན་ཉིན་གྲངས་ ༡༤ ལྷག་གི་རིང་ལ་མཛད་འཕྲིན་རྒྱ་ཆེར་བསྐྱངས་གནང་མཛད་ཡོད་པ་རེད།