Monthly Archives: September, 2020

ཉན་པ།: Listen ཕབ་ལེན། Download འཛམ་གླིང་བདེ་སྐྱིད་དང་ཞི་བདེ་ཅན་ཞིག་ཡོང་ཐབས་སུ་བྱམས་བརྩེ་དགོས་གལ་བཀའ་སྩལ་བ། ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོ་དང་དངོས་གཞིའི་འོས་བསྡུའི་ཚེས་གྲངས་གསལ་བསྒྲགས། བོད་མི་རྣམས་ཀྱིས་རྒྱ་ནག་གཞུང་ཚབ་ལ་ངོ་རྒོལ་གྱིས་དགུ་པའི་ཉེར་བདུན་གྱི་ཉིན་མོར་རྗེས་དྲན། རྐང་པ་དྲག་སྐྱེད་བྱུང་མཚམས་སུ་མུ་མཐུད་གོམ་བགྲོད་ལ་ཞུགས་རྒྱུ་ཡིན། རྒྱ་གར་གྱི་བློན་ཆེན་ཟུར་པ་སྐུ་ཞབས་ Jaswant Singh མཆོག་དགོངས་པ་རྫོགས་པར་ཐུགས་གསོ། རྒྱལ་ཚོགས་ནང་བོད་མི་ས་ཡ་ཕྱེད་ཀ་ཙམ་ལ་བཙན་དབང་གིས་ངལ་རྩོལ་སློབ་གསོ་སྤྲོད་བཞིན་པའི་སྐོར་གླེང་བ། Monday 28/09/2020 Compassion & Mercy as the common values: HHDL speaks at Islam Buddhist online Forum EC announces calendar for 2021 Sikyong and 17th Tibetan Parliament elections Exile Tibetans mark September 27 Lhasa uprising with series of protests Coercive “Labour Trainings” of over half a million Tibetans by China raised at UNHRC Session Manali-Delhi Peace march reaches Bilaspur, one forced to halt march due to blisters CTA mourns demise of former union Home Minister Jaswant Singh

དེ་རིང་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་མ་ལེ་ཤི་ཡའི་ཁ་ཆེའི་གཙུག་ལག་སློབ་གཉེར་ཁང་གི་སློབ་དཔོན་ཆེན་པོ་ Datuk Dr. Osman Bakar ལགས་དང་ལྷན་དུ་ནང་ཆོས་དང་ཁ་ཆེ་གཉིས་ཀྱི་དབར་ཐུན་གྱི་མོང་གི་རིན་ཐང་བྱམས་བརྩེ་དང་སྙིང་རྗེའི་ཐད་བཀའ་མོལ་གནང་བ་དང་སྦྲགས།  སྐབས་དེར་༸གོང་ས་མཆོག་གིས་དེང་རབས་ཀྱི་འཛམ་གླིང་འདི་བདེ་སྐྱིད་ལྡན་པ་ཞིག་དང་ཞི་བདེ་ཅན་ཞིག་ཡོང་ཐབས་སུ་བྱམས་བརྩེ་ནི་ངེས་པར་དུ་དགོས་ངེས་ཤིག་ཡིན་པ་བཀའ་སྩལ་སོང་།

དེ་རིང་བོད་མིའི་སྒྲིག་འཛུགས་དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༡ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྐབས་ ༡༧ པའི་བོད་མི་མང་སྤྱི་འཐུས་རྣམ་པའི་སྔོན་འགྲོའི་འོས་བསྡུ་ཆེན་མོ་དེ་བཞིན་ ༢༠༢༡ ལོའི་ཕྱི་ཟླ་ ༡ པོའི་ཚེས་ ༣ ཉིན་གནང་རྒྱུ་ཡིན་པ་དང་། དངོས་གཞིའི་འོས་བསྡུ་ཆེན་མོ་དེ་བཞིན་ཕྱི་ཟླ་ ༤ པའི་ཚེས་ ༡༡ ཉིན་སོ་སོར་ཉིན་བརྒྱ་དུས་གཅིག་ཏུ་གནང་གཏན་ཁེལ་ཡོད་སྐོར་གསལ་བསྒྲགས་བསྐྱངས་བ་མ་ཟད། དབུས་འོས་བསྡུ་ལས་ཁང་གིས་ཕྱི་ལོ་ ༢༠༢༡ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་ཀྱི་དངོས་གཞིའི་འོས་གཞི་ ༢ གཏན་འབེབས་ཀྱིས་ཐག་གཅོད་གནང་ཡོད་པ་གསུངས་སོང་།

དེ་སྔ་ཕྱི་ལོ་ ༡༩༨༧ ལོར་ཟླ་ ༩ པའི་ཚེས་ ༢༧ ཉིན་བོད་ཀྱི་རྒྱལ་ས་ལྷ་སར་འབྲས་སྤུངས་དགོན་པའི་དགེ་འདུན་པ་གྲངས་ ༢༡ གིས་སྣེ་ཁྲིད་པའི་འོག་བོད་མི་ཚོས་རྒྱ་གཞུང་གི་དབང་བསྒྱུར་ལ་ཞི་རྒོལ་གནང་ནས་ལོ་ངོ་ ༣༣ འཁོར་བ་དང་སྦྲགས།  བྱེས་བཞུགས་བོད་མི་རྣམས་ནས་རྒྱ་ནག་གཞུང་ཚབ་མདུན་དུ་ངོ་རྒོལ་དང་།  དེ་བཞིན་དྲ་ཐོག་ཐད་གཏོང་བརྒྱུད་ཉིན་མོ་དེར་འབྲེལ་གྱི་བགྲོ་གླེང་གནང་བ་བཅས་ལས་འགུལ་གྱི་རྣམ་པ་འདྲ་མིན་གྱི་སྒོ་ནས་ཉིན་མོ་དེ་རྗེས་དྲན་ཞུས་སོང་། 

བདུན་ཕྲག་སྔོམ་མའི་རེས་གཟའ་ལྷག་པའི་ཉིན་མོ་དང་བསྟུན་མ་ན་ལིའི་ཁུལ་གྱི་བོད་མི་གསུམ་གྱིས་རྒྱ་གར་གྱི་རྒྱལ་ས་ལྡི་ལི་བར་དུ་བོད་དོན་གོམ་བགྲོད་ཀྱི་ལས་འགུལ་ཞིག་དབུ་འཛུགས་ཀྱིས་ཉིན་རེ་སྤྱི་ལེ་༣༠ ནས་༤༠ བར་གོམ་བགྲོད་གནང་བཞིན་པ་དང་། གོམ་བགྲོད་ཁྲོད་ཀྱི་དགུང་ལོ་ ༦༥ སོན་པའི་པ་ཆུང་བདག་ལགས་ཀྱི་རྐང་པར་ཆུ་བར་ཐོན་པའི་རྐྱེན་གྱིས་གནས་སྐབས་སུ་གོམ་བགྲོད་ལ་ཞུགས་མ་ཐུབ་པར་སྨན་བཅོས་གནང་བཞིན་ཡོད་པ་རེད་འདུག འདི་གའི་གསར་འགོད་པས་ཁ་པར་གྱི་ལམ་ནས་པ་ཆུང་བདག་ལགས་སུ་དེར་འབྲེལ་གྱི་བཀའ་འདྲི་གནང་བར་ཁོང་གིས་ལྷམ་བདེ་མིན་གྱི་རྐྱེན་གྱིས་རྐང་བར་ཆུ་བུར་ཐོན་ནས་གནས་སྐབས་སུ་གོམ་བགྲོད་བྱེད་མ་ཐུབ་པར་སྨན་བཅོས་བྱེད་བཞིན་ཡོད་ནའང་། རྐང་པ་དྲག་སྐྱེད་བྱུང་མཚམས་སུ་མུ་མཐུད་དུ་སྔར་ལྟར་གོམས་བགྲོད་ལ་ཞུགས་རྒྱུ་ཡིན་སྐོར་གསུངས་སོང་།

ཉན་པ།: Listen ཕབ་ལེན། Download བློ་གསར་གཞོན་ནུ། སོན་རྩའི་ལས་གཞི་སྐོར། Sunday 27/09/2020 Young Minds: In conversation with the founders of ‘Sontsa Initiative’

ཉན་པ།: Listen ཕབ་ལེན། Download བོད་ཀྱི་གསོ་བ་རིག་པའི་ཐོག་ནས་ཏོག་དབྱིབས་གཉན་རིམས་ལ་ཕན་འབྲས་ཇི་བྱུང་དང་རྒྱ་གར་གཞུང་ནས་ངོས་བཞེས་གནང་རྒྱུར་ལས་དོན་གཉེར་ཕྱོགས། Saturday 26/09/2020 Sowa Rigpa's scope and impact in the times of Covid-19 Pandemic

དེ་རིང་བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གིས་སྤྱི་འཐུས་རྒྱུན་ལས་ ༡༡ ལ་བཅའ་ཁྲིམས་དང་འགལ་བའི་ཆད་འགེལ་བྱས་པ་དེར་སྤྱི་འཐུས་ལྷན་ཚོགས་ནས་ངོས་ལེན་མེད་པའི་གསལ་བསྒྲགས་གནང་འདུགཆེས་མཐོའི་ཁྲིམས་ཞིབ་ཁང་གིས་དེ་རིང་ཕྱི་ལོ་ ༢༠༢༠ ཟླ་ ༩ ཚེས་ ༢༥ ཉིན་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༠ ཕར་འགྱངས་གནང་བའི་ཐག་གཅོད་དང་འབྲེལ། སྤྱི་འཐུས་རྒྱུན་ལས་ལྷན་ཚོགས་ཀྱི་ཚོགས་མི་གྲངས་ ༡༡ ནས་བསམ་བཞིན་དུ་བཙན་བྱོལ་བོད་མིའི་བཅའ་ཁྲིམས་ལ་བརྩི་མེད་བྱས་པའི་བྱེད་འཛོལ་ལ་ཆད་འགེལ་གྱི་ཐག་གཅོད་བཀའ་ཁྱབ་བཏང་སྟེ་རྒྱུན་ལས་ ༡༡ ཡོད་པ་དེ་དག་གི་གཞུང་འབྲེལ་འོས་བསྡུའི་འདེམས་བྱེད་ཀྱི་ཐོབ་དབང་བཀག་བསྐྱིལ་བྱས་པའི་ཆད་འགེལ་བྱས་པར་སྤྱི་འཐུས་ལྷན་ཚོགས་ནས་ནམ་ཡང་ངོས་ལེན་མེད་པ་དང་། བོད་མི་མང་སྤྱི་འཐུས་ལྷན་ཚོགས་ནི་ཆེས་མཐོའི་ཁྲིམས་ཞིབ་ཁང་གི་བཀའ་ཁྱབ་གཏོང་སའི་ཁྱབ་ཁོངས་སུ་མེད་པ་མ་ཟད། མང་གཙོའི་ཀ་བ་གསུམ་གྱི་འགན་དབང་གྱི་ས་མཚམས་ལས་བརྒལ་ཏེ་བཅའ་ཁྲིམས་དང་ཡོངས་སུ་འགལ་བའི་བྱེད་བབ་དེར་ངོས་ལེན་ཞུ་ཐབས་བྲལ་ཞེས་གསལ་བསྒྲགས་གནང་འདུག སྤྱི་འཐུས་ལྷན་ཚོགས་ཀྱིས་གསལ་སྒྲགས་དེའི་ནང་ཚོགས་གཙོ་སྦྲེལ་པོ་མཆོག་ཆེས་མཐོའི་ཆེས་མཐོའི་ཁྲིམས་ཞིབ་ཁང་དུ་ཆེད་བཅར་གྱིས་ཁྲིམས་ཞིབ་པ་ཆེ་བར་གྲོས་ཚོགས་ཕར་འགྱངས་གནང་བ་དེ་བཅའ་ཁྲིམས་དང་འགལ་མེད་པའི་གསལ་བཤད་དང་། དེ་རྗེས་རྒྱུན་ལས་ཀྱིས་ཁྲིམས་འགལ་གནང་མེད་པའི་གསལ་འདེབས། ཞུ་སྐུལ་བཅས་གང་ཕུལ་ཡང་བརྩི་མེད་ཀྱིས་ཆེས་མཐོའི་ཁྲིམས་ཞིབ་ཁང་ནས་ཕྱོགས་གཅིག་ཁོ་ནའི་བསམ་ཚུལ་དང་འགྲེལ་བཤད་ཤ་སྟག་གནང་སྟེ་བོད་མི་མང་སྤྱི་འཐུས་རྒྱུན་ལས་རྣམས་ཐོག་མ་ཉིད་ནས་བོད་ཀྱི་ཡུལ་མིའི་ལས་འགན་མ་བླངས་མཁན་རང་དུ་ངོས་འཛིན་གནང་བ་ལྟར་ཐག་གཅོད་དེ་ཉིད། ཆེས་མཐོའི་ཁྲིམས་ཞིབ་ཁང་ལ་སྤྱི་འཐུས་རྒྱུན་ལས་ཚོའི་འདེམས་བྱེད་ཀྱི་ཐོབ་ཐང་བཀག་བསྐྱིལ་བྱ་རྒྱུའམ་ཉེས་ཆད་གཅོད་རྒྱུའི་དབང་ཚད་བཙན་བྱོལ་བོད་མིའི་བཅའ་ཁྲིམས་ཀྱི་འགོ་མཇུག་གང་དུ་ཡང་གསལ་མེད་པར་བརྟེན་བཅའ་ཁྲིམས་དང་འགལ་བའི་ཐག་གཅོད་དེར་ངོས་ལེན་ཞུ་ཐབས་བྲལ་བ་དང་། དེ་བཞིན་འཛིན་སྐྱོང་བཀའ་ཤག་དང་རང་དབང་ཅན་གྱི་སྡེ་ཚན་ཁག་གཙོས་འབྲེལ་ཡོད་ཚང་མས་བཅའ་ཁྲིམས་དང་འགལ་བའི་ཐག་གཅོད་དེར་ངོས་བཞེས་གནང་ན་འགྲིག་ཐབས་མེད་སྐོར་གསུངས་པ་མ་ཟད། གནད་དོན་འདི་འབྲེལ་དགྲ་དགའ་གཉེན་སྡུག་སོགས་ཀྱི་དཀའ་རྙོག་བྱུང་རིགས་ཡོངས་རྫོགས་ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་དང་ཁྲིམས་ཞིབ་པ་གཞན་ཀརྨ་དགྲ་འདུལ་དང་བསྟན་འཛིན་ལུང་རྟོགས་རྣམས་ནས་འགན་ཁུར་དགོས་པ་བཅས་གསུངས་འདུག

ཉན་པ།: Listen ཕབ་ལེན། Download ཚོགས་གཙོ་སྦྲེལ་པོ་གཙོས་པའི་སྤྱི་འཐུས་རྒྱུན་ལས་༡༡ གྱི་འོས་བསྡུའི་འདེམས་བྱེད་ཀྱི་ཐོབ་ཐང་བཀག་བསྐྱིལ། ཨོན་ཊ་རི་ཡོ་མངའ་སྡེར་བོད་ཀྱི་རིག་གནས་གཅེས་ནོར་གྱི་ཟླ་བར་སྲུང་བརྩི་ཞུ་རྒྱུའི་ཁྲིམས་འཆར་གཏན་འབེབས། ཕྱི་ལོགས་སུ་གནས་པའི་བཙན་བྱོལ་བོད་མིའི་སྤྱི་ཚོགས་ཉམས་ཞིབ་དེབ་ཅིག་དབུ་འབྱེད། འཕགས་བོད་ས་མཚམས་ཀྱི་རྩོད་རྙོག་ཁྲོད་བལ་ཡུལ་གྱིས་བོད་མིར་ལྟ་རྟོག་ནན་བྱེད། ངོ་དེབ་ཚོང་ལས་ཁང་གིས་རྩོམ་པ་པོ་ཚེ་རིང་འོད་ཟེར་ལགས་ཀྱི་ངོ་དེབ་བཀག་སྡོམ། མང་གཙོའི་རྒྱལ་ཁབ་འདྲ་མིན་གྱི་རྩ་ཁྲིམས་ཕྱོགས་བསྡུས་ཀྱི་དཔེ་དེབ་དབུ་འབྱེད། Friday 25/09/2020 TSJC strips right to vote from 11 TPiE Standing Committee members Ontario passes bill to recognize July as Tibetan Heritage Month CTA releases baseline study of Tibetan diaspora community outside South Asia Nepal keeping close watch on Tibetans amid India-China conflict FB deactivates prominent Tibetan writer’s account again Sikyong launches ‘Collection of Charters’ by TPiE Deputy Speaker