Monthly Archives: October, 2020

ཉན་པ།: Listen ཕབ་ལེན། Download ཨ་རི་དང་རྒྱ་གར་གཉིས་ཀྱི་དབར་རྒྱལ་སྲུང་གི་གྲོས་མཐུན་བཞག་པ། གསང་མྱུལ་བ་རྩད་ཞིབ་ཆེད་བོད་རྒྱ་སྐད་ཤེས་མཁན་གྱི་མི་སྣ་བསྐོ་འཆར། འཕགས་བོད་ས་མཚམས་སུ་གྲོང་ཚོ་གསར་རྒྱག་གི་ལས་གཞིར་ཡིད་གཟབ། ནོར་འཁྲུལ་ལ་དགོངས་སེལ་ཞུས་པར་བརྟེན་ཆད་པ་འགེལ་མ་དགོས་པའི་ཐག་གཅོད། སུད་སིའི་སྐྱབས་བཅོལ་བོད་མིར་ཞིབ་འཇུག་བྱེད་མཁན་གྱི་ལས་ཁུངས་ཀྱི་ལས་དོན་ལ་སྐྱོན་བརྗོད། ལྷག་དཀར་ལས་རིམ། སངས་རྒྱས་སྐྱབས་ལགས་ཀྱི་ལྷག་དཀར་ལས་འགུལ་ཐོག་བཅར་འདྲི། Wednesday 28/10/2020 India signs historical defense agreement with US, China rattled HP Police to recruit Tibetan and Chinese speaking experts to probe Chinese spies China’s border villages are a threat to India’s defense, says expert TSJC acquits Tibetan MP in contempt of court case Dedicating every Wednesday to Tibet: Lhakar activist Sangyal Kyab

དེང་སྐབས་རྒྱ་དཀར་ནག་གཉིས་དབར་ས་མཚམས་ཀྱི་རྩོད་རྙོག་ཇེ་ཆེར་འགྲོ་བཞིན་པའི་ཁྲོད། རྒྱ་གར་དང་ཨ་རི་གཉིས་དབར་BECA འམ་ Basic Exchange and Cooperation Agreement ཞེས་རྒྱལ་ཁབ་ཕྱོགས་གཉིས་དབར་བདེ་སྲུང་དང་རྒྱལ་ཁབ་བདེ་འཇགས་ཀྱི་གནད་དོན་ཐད་མཉམ་ལས་བྱེད་རྒྱུའི་ལོ་རྒྱུས་རང་བཞིན་ལྡན་པའི་གྲོས་མཐུན་བཞག་འདུག

ཧི་མཱ་ཅལ་མངའ་སྡེའི་ཉེན་རྟོག་སྤྱི་ཁྱབ་འགན་འཛིན་ DGP Sanjay Kundu ལགས་ཀྱིས་རྒྱ་གར་དབུས་གཞུང་ལ་ཧི་མཱ་ཅལ་མངའ་ཁུལ་གྱི་ས་ཚིགས་གསུམ་གྱི་ནང་རྒྱ་ནག་དམར་པོའི་གཞུང་གི་གསང་མྱུལ་བར་ཞིབ་བཤེར་ནན་པོ་གནང་ཕྱིར་བོད་སྐད་དང་རྒྱ་སྐད་ཤེས་མཁན་གྱི་མི་སྣ་ CID འམ་གསང་བའི་ལས་ཁུངས་ཀྱི་ཁྱབ་ཁོངས་ཁྲིམས་འགལ་ཞིབ་གཅོད་ཁོངས་སུ་བསྐོ་གཞག་གནང་རྒྱུའི་སྙན་སེང་ཞུས་ཡོད་པ་གསུངས་འདུགའདི་ལོའི་ཕྱི་ཟླ་ ༨ ནང་རྒྱ་གར་གྱི་ཁྲལ་བསྡུ་ལས་ཁུངས་ཀྱིས་རྒྱལ་ས་ལྡི་ལིའི་ཉེ་འཁྲིས་གྲོང་ཁྱེར་ Gaziabad དང་། Gurugram བཅས་ཀྱི་ས་ཚིགས་ ༢༡ ཙམ་ནང་གི་རྒྱ་གར་དང་རྒྱ་རིགས་ཁག་ཅིག་གི་ཁྱིམ་ལ་གློ་བུར་དུ་སྔོག་གཤེར་གྱི་ལས་དོན་སྤེལ་བའི་ཁྲོད། ཧིན་སྒོར་བྱེ་བ་ ༡༠༠༠ ཅན་གྱི་དངུལ་གྱི་ནག་ཚོང་འོག་ Charlie Peng འམ་བློ་བཟང་ཟེར་བའི་སྐྱེས་པ་ཞིག་འཛིན་བཟུང་བྱས་པ་དང་།ཁོ་པ་ནི་རྒྱ་གར་ནང་དངུལ་ཚོང་གཉེར་ཞོར་དུ་༸གོང་ས་མཆོག་གི་མཛད་འཕྲིན་དང་འབྲེལ་བའི་གསང་གནས་འཚོལ་བསྡུ་བྱེད་མཁན་རྒྱ་ནག་གི་གསང་མྱུལ་བ་ཞིག་ཡིན་པ་ར་འཕྲོད་བྱུང་བར་མ་ཟད། ཧི་མཱ་ཅལ་མངའ་ཁུལ་ནས་འབྲེལ་ཡོད་མི་སྣ་གཞན་གཉིས་འཛིན་བཟུང་སོགས་ཀྱི་གནད་དོན་བྱུང་རྗེས་མངའ་སྡེའི་སྤྱི་ཁྱབ་བློན་ཆེན་དང་སྤྱི་ཁྱབ་ཉེན་རྟོག་ལས་ཁང་ནས་༸རྒྱལ་བའི་༸སྐུ་ཕྱྭར་སྲུང་སྐྱོབ་ཀྱི་གཞོགས་འདེགས་རྒྱ་སྐྱེད་གང་ཐུབ་གནང་རྒྱུ་དང་རྒྱ་ནག་གི་གསང་མྱུལ་བར་དོགས་ཟོན་གྱི་ལས་དོན་སྤེལ་ཤུགས་ཆེ་རུ་གཏོང་རྒྱུ་ཡིན་སྐོར་གསུངས་ཡོད་པ་རེད།ཟླ་བ་འདིའི་ཚེས་ ༢༤ ཉིན་ཧི་མཱ་ཅལ་མངའ་སྡེའི་ཉེན་རྟོག་སྤྱི་ཁྱབ་འགན་འཛིན་ DGP Sanjay Kundu ལགས་ཀྱིས་གསར་འགོད་ལྷན་ཚོགས་ཐོག་དུས་ནམ་ཞིག་གི་བར་དུ་རྒྱ་ནག་གི་གསང་མྱུལ་བ་དང་བོད་ཀྱི་གནད་དོན་ནི་གསོན་པོར་གནས་རྒྱུ་ཡིན་སྟབས། ང་ཚོས་ཀྱང་ནུས་པ་གང་ཡོད་ཆེད་འདོན་གྱིས་ལས་དོན་གཉེར་གྱི་ཡོད་ཀྱང་ང་ཚོའི་ངོས་ནས་བོད་སྐད་དང་རྒྱ་སྐད་སོགས་ཤེས་ཀྱི་མེད་པ་དང་། ལྷག་པར་དུ་དེ་འབྲེལ་གནད་དོན་ཐད་ཞིབ་གཅོད་བྱེད་སྐབས་རྒྱ་གར་དབུས་གཞུང་གི་ཞིབ་གཅོད་ལས་ཁུངས་ཁོ་ནར་བརྟེན་དགོས་ཀྱི་ཡོད་སྟབས། ཞིབ་གཅོད་གནང་རྒྱུར་ངལ་བ་ཆེན་པོ་འཕྲད་བཞིན་ཡོད་པས་ཧི་མཱ་ཅལ་མངའ་སྡེའི་སྤྱི་ཁྱབ་ཉེན་རྟོག་ལས་ཁུངས་ཀྱིས་རྒྱ་གར་དབུས་གཞུང་ལ་ CID གསང་བའི་ལས་ཁུངས་ཀྱི་ཁྱབ་ཁོངས་སུ་བོད་སྐད་དང་རྒྱ་སྐད་ཤེས་མཁན་གྱི་མི་སྣ་བསྐོ་གཞག་གནང་རྒྱུའི་བཀའ་འཁྲོལ་ཡོང་བའི་སྙན་སེང་ཞུས་ཡོད་པ་གསུངས་འདུག ཁོང་གིས་ཅི་སྟེ་རྒྱ་གར་དབུས་གཞུང་གིས་ CID སྡེ་ཚན་ཁོངས་སུ་མི་སྣ་དེ་དག་བསྐོ་གཞག་གནང་རྒྱུའི་བཀའ་འཁྲོལ་གནང་ཚེ་ལས་ཡུན་རིང་པོའི་རིང་ལ་ཧི་མཱ་ཅལ་མངའ་སྡེའི་ཁྱབ་ཁོངས་དྷརྨ་ས་ལ་དང་སིམ་ལ། ཀུ་ལུ་བཅས་ཀྱི་ས་ཚིགས་སུ་ཞིབ་གཅོད་ལས་དོན་གཉེར་རྒྱུར་བསྐོ་གཞག་གནང་འཆར་ཡོད་པར་མ་ཟད། ཧི་མཱ་ཅལ་ཉེན་རྟོག་སྤྱི་ཁྱབ་འགན་འཛིན་ལགས་ཀྱིས་རྒྱ་གར་དབུས་གཞུང་ནས་བཀའ་འཁྲོལ་གནང་རྒྱུའི་ཐུགས་རེ་ཡོད་ཅེས་གསུངས་འདུག  གཞན་ཡང་སྐབས་དེར་གསར་འགོད་པ་ཞིག་གིས་༸གོང་ས་༸སྐྱབས་མགོན་ཆེན་པ་མཆོག་གི་༸སྐུ་ཕྱྭ་དང་འབྲེལ་བའི་སྐོར་ལ་བཀའ་འདྲི་ཞུས་པར་སྐུ་ཞབས་ DGP SanjayKundu ལགས་ཀྱིས་༸གོང་ས་མཆོག་གི་༸སྐུ་ཕྱྭའི་ཐད་ལ་ད་བར་རྒྱ་གར་དབུས་གཞུང་ནས་བསྐྱར་ཞིབ་གནང་དགོས་པའི་ལམ་སྟོན་སོགས་གང་ཡང་ཕེབས་མེད་ཀྱང་ཏོག་དབྱིབས་ཀྱི་དུས་ཚིགས་འདིར་༸གོང་ས་མཆོག་བཞུགས་སྒར་༸རྒྱལ་བའི་ཕོ་བྲང་ནས་ཕྱིར་ཆིབས་བསྒྱུར་མཛད་མེད་པ་དང་། མགོན་པ་མཆོག་གི་༸སྐུ་ཕྱྭའི་སྲུང་སྐྱོབ་ཀྱི་ལས་དོན་ཁག་སྔར་བཞིན་ཚགས་ཚུད་ངང་གནང་དང་གནང་མུས་ཡིན་པ་གསུངས་འདུག  རྩ་བའི་ཉེ་བའི་ཆར་རྒྱ་གར་གྱི་རྒྱལ་ས་ལྡི་ལི་ནས་ Charlie Peng ཟེར་བ་དང་ Rajeev Sharma ཞེས་པའི་རྒྱ་གར་གྱི་གསར་འགོད་པ་ཞིག་རྒྱ་ནག་གཞུང་ལ་རྒྱ་གར་གྱི་གསང་བའི་གནས་ཚུལ་མཁོ་སྤྲོད་བྱས་པ་དང་། རྒྱ་ནག་གཞུང་གི་འཁྱོག་བཤད་དྲིལ་བསྒྲགས་སྤེལ་བ་སོགས་ཀྱི་ལས་དོན་གཉེར་བའི་གནད་དོན་འོག་འཛིན་བཟུང་བྱས་ཡོད་པ་རེད། ཁོ་པ་དང་མཉམ་དུ་དངུལ་མཁོ་སྤྲོད་བྱེད་མཁན་རྒྱ་རིགས་བེུད་ Qin Shi ཟེར་བ་ཞིག་དང་བལ་པོའི་མི་སེར་ཡིན་པ་ Sher Singh ཟེར་བ་གཉིས་ཀྱང་འཛིན་བཟུང་བྱས་ཡོད་པ་རེད།

དེ་རིང་། རྒྱ་གར་གྱི་ The daily Guardian ཞེས་པའི་གསར་ཁང་དུ་བོད་དོན་ཆེད་མཁས་བ་དང་རྩོམ་པ་པོ། སྐུ་ཞབས་Claude Arpi ལགས་ཀྱིས་དཔྱད་རྩོམ་ཞིག་སྤེལ་ཏེ།  རྒྱ་ནག་གིས་འཕགས་བོད་ས་མཚམས་སུ་རྒྱལ་ཁབ་སྲུང་སྐྱོབ་ཀྱི་གྲོང་ཚོ་གསར་རྒྱག་དང་ཡུལ་སྐོར་སྤྲོ་འཆམ་དང་འབྲེལ་བའི་འཛུགས་སྐྲུན་ལས་གཞི་རྒྱ་སྐྱེད་བྱེད་བཞིན་པ་དེར་རྒྱ་གར་གཞུང་གིས་ཡིད་གཟབ་དང་སྦྲགས། དེར་གདོང་ལེན་གྱིས་དགོས་ངེས་ལས་གཞི་སྤེལ་དགོས་པའི་འབོད་སྐུལ་ཞུས་འདུག

སུད་སི་གཞུང་གི་ཕྱི་མི་ཞིབ་བཤེར་དོ་དམ་ལས་ཁུངས་ནང་གི་སྐྱབས་བཅོལ་བོད་མིའི་རྒྱབ་ལྗོངས་ཐོག་ཞིབ་འཇུག་བྱེད་མཁན་སྡེ་ཚན་གྱིས་རྒྱ་གཞུང་གི་འདོད་བློ་དང་མཐུན་པའི་དྲིལ་བསྒྲགས་ཀྱི་ལས་དོན་གཉེར་བཞིན་ཡོད་པ་ཐེར་འདོན་གྱི་སྐྱོན་བརྗོད་གནང་འདུགསུད་སིའི་ཕྱི་མི་ཞིབ་བཤེར་ལས་ཁུངས་ཀྱི་ LINGUA Analyses ཞེས་པའི་སུད་སི་ནང་སྐྱབས་བཅོལ་ཞུ་མཁན་ཚོའི་མི་རིགས་དང་རིག་གཞུང་། དེ་བཞིན་སྐད་ཡིག་སོགས་ཀྱི་ཐོག་ཞིབ་འཇུག་དང་འདྲི་རྩད་བྱེད་མཁན་སྡེ་ཚན་གྱི་བོད་མི་སྐྱབས་བཅོལ་དང་འབྲེལ་བའི་གསང་གནད་སྙན་ཐོ་ཕྱིར་འགྱར་བྱུང་བ་ཞིག་དང་འབྲེལ་རེས་གཟའ་ཉི་མའི་ཉིན་སུད་སིར་ས་གནས་ཚགས་ཤོག་ NZZam Sonntag ཞེས་པར་སུད་སིར་རྟེན་གཞི་བྱས་པའི་ Bern གཙུག་ལག་སློབ་ཆེན་གྱི་བོད་རིག་པའི་མཁས་དབང་ Kollmar Paulenz ལགས་ཀྱིས་གཙོས་པའི་འཇར་མན་དང་ཕ་རན་སི་བཅས་ནས་ཡིན་པའི་བོད་རིག་པའི་མཁས་དབང་བཞིས་སྡེ་ཚན་དེའི་ལས་དོན་གནང་ཕྱོགས་ལ་སྐྱོན་བརྗོད་ཀྱི་དཔྱད་རྩོམ་ཞིག་སྤེལ་འདུག དཔྱད་རྩོམ་ནང་གཙོ་བོ་ཁོང་རྣམས་ནས་ LINGUA Analyses སྡེ་ཚན་ནང་གི་བོད་མི་སྐྱབས་བཅོལ་བའི་ཐོག་འདྲི་རྩད་དང་ཞིབ་འཇུག་བྱེད་མཁན་ཆེད་ལས་པ་དེ་དག་ལ་བོད་ཀྱི་ལོ་རྒྱུས་རྒྱབ་ལྗོངས་དང་ཆབ་སྲིད། དེ་བཞིན་བོད་མིའི་སྐད་ཡིག་ཐོག་ཤེས་ཚད་འདང་ངེས་ཞིག་མེད་པ་དང། ཞིབ་འཇུག་གི་ལས་དོན་ཁག་སྤུས་ཚད་ལྡན་པ་བྱས་མེད་པར་མངོན་གསལ་གནང་བ་དང་། ལྷག་པར་དུ་ཁོང་རྣམས་ནས་འབྲེལ་ཡོད་སྡེ་ཚན་དེའི་ནང་གི་ཆེད་ལས་མི་སྣ་ཁག་གིས་ད་བར་བོད་མིའི་ཐོག་ཞིབ་འཇུག་དང་འདྲི་རྩད་བྱས་པའི་སྙན་ཐོ་སྤེལ་ཁག་ལ་གཞིགས་ཚེ་རྒྱ་ནག་གཞུང་ཕྱོགས་དང་མཐུན་པའི་དྲིལ་བསྒྲགས་ཀྱི་ཚིག་སྤྱོད་ཡོད་པ་ཐེར་འདོན་གནང་བ་དང་། སྙན་ཐོ་དེ་དག་ཀྱང་རྒྱ་གཞུང་གི་དགའ་ཕྱོགས་དང་མཐུན་པར་བྲིས་འདུག་ཅེས་ཟུར་ཟའི་ཚུལ་དུ་སྐྱོན་བརྗོད་གནང་འདུགཁོང་རྣམས་ཀྱིས་ཆེད་ལས་མི་སྣ་དེ་དག་གིས་ད་བར་སུད་སི་ནང་སྐྱབས་བཅོལ་ཞུ་མཁན་གྱི་བོད་མིའི་ཐོག་འདྲི་རྩད་དང་ཞིབ་འཇུག་བྱས་པའི་སྙན་ཐོ་ཁག་ཚད་དང་ལྡན་པ་ཞིག་བྱུང་མེད་པའི་རྐྱེན་གྱིས་སྐྱབས་བཅོལ་ཞུ་མཁན་བོད་མི་ཚོར་དཀའ་ངལ་ཆེན་པོ་འཕྲད་ཡོད་སྐོར་གྱི་གནད་དོན་ཆེས་བཀོད་གནང་ཡོད་པ་རེད། རླུང་འཕྲིན་ཁང་གིས་ད་རེས་དཔྱད་རྩོམ་འདི་དང་འབྲེལ་ཐད་ཀར་འབྲེལ་ཡོད་ཚོགས་པ་སུད་སི་བོད་མི་སྐྱབས་བཅོལ་ཚོགས་པའི་ཚོགས་གཙོ་འཕྲིན་ལས་རྒྱལ་མཚན་ལགས་སུ་ད་ལྟའི་ཆར་སུད་སི་ནང་སྐྱབས་བཅོལ་བོད་མི་ཡིག་ཆ་མེད་པ་རྣམས་ཀྱི་དངོས་ཡོད་གནས་བབ་སྐོར་བཅར་འདྲི་ཞུས་པར་ད་བར་གོང་གསལ་སྡེ་ཚན་འདི་བརྒྱུད་ནས་སྐྱབས་བཅོལ་བོད་མི་ཚོར་འདྲི་རྩད་བྱས་པའི་བོད་མི་མང་པོ་ཞིག་ལ་ཡིག་ཆ་མ་རག་པའི་གནས་སྟངས་བྱུང་ཡོད་པར་མ་ཟད། ཁོང་རྣམས་སྔ་རྗེས་སུ་སུད་སི་གཞུང་ལ་ LINGUA Analyses སྡེ་ཚན་གྱི་ཆེད་ལས་མི་སྣ་ཁག་གི་ལས་དོན་བྱེད་ཕྱོགས་ཀྱི་ལམ་སྲོལ་ལ་བསྐྱར་ཞིབ་གནང་སྐྱོང་ཡོང་བའི་ ཡིག་ངག་གཉིས་ཐོག་ནས་འབོད་སྐུལ་རིམ་པ་ཞུས་ཡོད་ཀྱང་། ད་བར་དོན་འབྲས་གང་ཡང་སོན་མེད་པ་རེད་འདུག སུད་སི་སྐྱབས་བཅོལ་བོད་མི་ཚོགས་པའི་ངོས་ནས་ད་ལན་གྱི་བོད་རིག་པའི་མཁས་དབང་གིས་སྤེལ་བའི་དཔྱད་རྩོམ་ལུང་འདྲེན་དང། དེ་བཞིན་དེ་སྔོན་ ༢༠༡༥ལོར་སུད་སི་ཞིབ་བཤེར་ལས་ཁུངས་དང་རྒྱ་ནག་དབར་གསང་བའི་ཐོག་བཞག་པའི་ཆིག་ཡིག་དེ་འདི་ལོའི་ཕྱི་ཟླ་ ༡༢ ནང་སླར་གསོ་གནང་རྒྱུའི་དུས་ཚིགས་ཁེལ་གྱི་ཡོད་པ་བཅས་གནད་དོན་གཉིས་གཞི་རྩར་འཛིན་འཛིན་ནས་ཁ་སང་ཚོགས་པ་དེའི་ངོས་ནས་ཕྱི་ཚེས་ ༢༦ ཉིན་སུད་སི་གཞུང་དང་ཕྱི་མི་ཞིབ་བཤེར་ལས་ཁུངས་སུ་དོན་ཚན་གསུམ་ཅན་འཁོད་པའི་ཞུ་གཏུག་གི་བསྒྲགས་གཏམ་ཞིག་སྤེལ་འདུག་ཅིང་། སུད་སི་ནང་ཡིག་ཆ་མེད་པའི་སྐྱབས་བཅོལ་བོད་མི་ཚོར་ཁྲིམས་མཐུན་གཏན་སྡོད་ཡིག་ཆ་འཕྲལ་དུ་སྤྲོད་དགོས་པ་དང་བོད་མི་སྐྱབས་བཅོལ་བར་ཞིབ་འཇུག་བྱེད་ཕྱོགས་ཀྱི་ལམ་སྲོལ་ལ་ངེས་པར་དུ་བསྐྱར་ཞིབ་དགོས་པ། དེ་བཞིན་ཕྱི་ལོ་ ༢༠༡༥ ལོར་རྒྱ་ གཞུང་དང་སུད་སི་ཕྱི་མི་ཞིབ་བཤེར་ལས་ཁུངས་དབར་གསང་ཐོག་བཞག་པའི་ཆིག་ཡིག་དེ་སླར་གསོ་གནང་མཚམས་འཇོག་དགོས་པ་བཅས་ཆེད་བཀོད་གནང་ཡོད་པ་རེད། རྩ་བའི་སུད་སི་བོད་མི་སྐྱབས་བཅོལ་ཚོགས་པའི་གྲངས་ཐོ་ལ་གཞིགས་ན། ད་ཆ་སུད་སི་ནང་ཡིག་ཆ་ནག་པོ་ཆགས་པའི་སྐྱབས་བཅོལ་བོད་མི་ ༣༠༠ ཡས་མས་ཤིག་ཡོད་པ་དང། ཕྱི་ལོ་ ༢༠༡༧ ལོར་སུད་སི་ཕྱི་མི་ཞིབ་བཤེར་དོ་དམ་ལས་ཁུངས་ནས་བོད་མི་དེ་དག་སྐྱབས་བཅོལ་གྱི་ཐོབ་ཐང་སྤྲོད་རྒྱུའི་ཆ་རྐྱེན་ཚང་མེད་པར་བརྟེན་རང་གནས་སུ་ཕྱིར་སློག་དགོས་ཞེས་བརྡ་ལན་སྤྲད་པའི་གནས་ཚུལ་བྱུང་ཡོད་པ་དང། བོད་མི་དེ་དག་མང་ཆེ་བ་ནི་ཉུང་ཐར་ཡིག་ཆ་མ་རག་ནས་ལོ་ངོ་བདུན་དང་བརྒྱད་ཕྱིན་པ་ཤ་སྟག་ཆགས་ཀྱི་འདུག

ཁེ་ན་ཌར་གནས་བཞུགས་སངས་རྒྱས་སྐྱབས་ལགས་ཀྱིས་ཕྱི་ལོ་ ༢༠༡༨ ལོ་ནས་བཟུང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི༸སྐུའི་བླ་གཟའ་དང་བསྟུན་རེས་གཟའ་ལྷག་པ་ནམ་ཡིན་ལ་ཁེ་ན་ཌར་རྟེན་གཞི་བྱས་པའི་རྒྱ་ནག་གཞུང་ཚབ་མདུན་དུ་༸གོང་ས་མཆོག་བོད་དུ་གདན་འདྲེན་ཞུས་དགོས་པ་དང་བོད་རྒྱ་གཉིས་ཀྱི་དཀའ་རྙོག་སེལ་ཆེད་དྲང་བདེན་ཐོག་ནས་ཞི་བའི་གྲོས་མོལ་གནང་དགོས་པ། དེ་བཞིན་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ལ་རྒྱབ་སྐྱོར་དགོས་པ། ༸ཀུན་གཟིགས་༸པཎ་ཆེན་རིན་པོ་ཆེ་མཆོག་གིས་གཙོས་པའི་བཀྲིས་དབང་ཕྱུག་ལགས་དང་བོད་མིའི་ཆབ་སྲིད་བཙོན་པ་རྣམས་འཕྲལ་དུ་གློད་བཀྲོལ་དགོས་པའི་དགོས་འདུན་འོག་ལས་འགུལ་སྤེལ་གྱི་ཡོད་པ་རེད།    སྤྱིར་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ ༡༩ ཁྱབ་གདལ་རྐྱེན་གྱིས་རྒྱལ་སྤྱིའི་ཁྲོད་གཞུང་དང་ཚོགས་སྡེ་ཁག་ནས་རྒྱ་ནག་གིས་ནད་ཡམས་སྟངས་འཛིན་བྱེད་ཕྱོགས་ཐད་ལ་སྐྱོན་བརྗོད་ཤུགས་ཆེ་གནང་མུས་ཡིན་པར་མ་ཟད། ལྷག་པར་ཨ་རི་དང་རྒྱ་གར། དེ་བཞིན་ཡུ་རོབ་མཐུན་ཚོགས་ཀྱི་རྒྱལ་ཁབ་མང་པོས་རྒྱ་ནག་ཐོག་འཛིན་པའི་སྲིད་བྱུས་མཁྲེགས་སུ་གཏོང་བཞིན་པའི་ཁྲོད་འདིར་བྱེས་བཞུགས་བོད་མི་རྣམས་ནས་གོ་སྐབས་ཆེས་བཞེས་ཀྱིས་རྣམ་པ་མི་འདྲ་སྒོ་ནས་བོད་དོན་ལས་འགུལ་སྤེལ་མུས་ཡིན་པ་རེད།དེའི་ཁྲོད་བོད་མི་ཁག་ཅིག་གིས་མ་སྐུལ་དང་བླངས་ཀྱིས་རེས་གཟའ་ལྷག་པ་སྟེ་ལྷག་དཀར་གྱི་དུས་ཚིགས་ནམ་ཡིན་ལ་ཡུལ་སོ་སོའི་ནང་བོད་དོན་ལས་འགུལ་སྤེལ་གྱི་ཡོད་སྟབས། རླུང་འཕྲིན་ཁང་གིས་གཟའ་འཁོར་སྔོན་མ་ནས་ལྷག་དཀར་གྱི་ལས་རིམ་ཞེས་པ་ཞིག་དབུ་འཛུགས་ཀྱིས་དེ་ལྟ་བུའི་ལས་འགུལ་སྤེལ་མཁན་བོད་མི་ཁག་ཅིག་གི་སྐོར་ཆེད་བསྒྲིགས་ལེ་ཚན་ཞིག་རྒྱང་སྲིང་ཞུ་བཞིན་ཡོད་པ་ལྟར། དེ་རིང་གཟའ་འཁོར་འདིའི་ལྷག་དཀར་གྱི་ལས་རིམ་ཐོག་མདོ་སྨད་རྔ་བ་ནས་ཡིན་པའི་སངས་རྒྱས་སྐྱབས་ལགས་སུ་ཁོང་གི་ལྷག་དཀར་ལས་འགུལ་ཐོག་བཅར་འདྲི་ཁག་ཅིག་ཞུས་ཡོད། བོད་ནས་ཚར་ལོང་བྱུང་བའི་སངས་རྒྱས་སྐྱབས་ལགས་ནི་ཕྱི་ལོ་ ༢༠༡༤ ལོར་ཁེ་ན་ཌར་འབྱོར་ཡོད་པ་དང་། ཁོང་གིས་འདས་པའི་ལོ་གཉིས་ཙམ་གོང་ནས་ལྷག་དཀར་ནམ་ཡིན་ལ་བོད་དོན་ལས་འགུལ་སྤེལ་བཞིན་པ་དང་། ཉེ་ཆར་ཁེ་ན་ཌའི་གྲོང་ཁྱེར་ Toronto ནས་རྒྱལ་ས་ Ottawa བར་དང་དེ་རྗེས་སླར་ཊོ་རོན་ཊོ་བར་བོད་དོན་གོམ་བགྲོད་ཀྱི་ལས་འགུལ་ཞིག་སྤེལ་ཡོད་པ་རེད།ཁོང་གིས་བོད་དོན་ལས་འགུལ་སྤེལ་རྒྱུའི་སྐོར་དེ་སྔ་སྐད་འཕྲིན་བརྒྱུད་བོད་ནང་གནས་བཞུགས་རང་ཉིད་ཀྱི་ཕ་མ་སྤུན་མཆེད་ལ་ཞུ་སྐབས་སུ་ཁོང་ཉིད་ཀྱི་པཱ་ལགས་ཀྱིས་ཁོང་གི་སྙིང་སྟོབས་ལ་བསྔགས་བརྗོད་གནང་བ་དང་། ལྷག་པར་དུ་ཁོང་གིས་ཁེ་ན་ཌ་ལྟ་བུ་རང་དབང་ཅན་གྱི་རྒྱལ་ཁབ་ནང་འབྱོར་རྗེས་དངུལ་ཁོ་ན་བཟོ་རྒྱུར་མ་དམིགས་པར་བོད་མི་རིགས་དང་རྒྱལ་ཁབ་ཀྱི་དོན་དུ་ལས་འགུལ་སྤེལ་རྒྱུ་གལ་ཆེར་གཟིགས་ཡོད་པ་ཕ་མ་གཉིས་ལ་ཞུས་པ་དང་ཆབས་ཅིག ཁོང་གིས་ཕྱི་ཕྱོགས་རྒྱལ་ཁབ་ནང་ལས་དོན་སྤེལ་བ་དེའི་རྐྱེན་གྱིས་རྒྱ་གཞུང་ནས་ཕ་མ་གཉིས་འཛིན་བཟུང་བྱེད་སྲིད་པས་རྟག་ཏུ་གཟབ་གཟབ་གནང་རོགས་ཞེས་ཞུས་ཡོད་སྐོར་གསུངས་སོང་། ཁོང་གི་ལས་འགུལ་སྤེལ་བའི་བརྒྱུད་རིམ་ཁྲོད་སྐབས་རེར་ལས་ཀ་ཤོར་བ་བྱུང་ཡོད་པ་དེ་ལྟར་ཡང་། ལས་ཀ་ཤོར་བར་འགྱོད་པ་མེད་པ་དང་སྒོས་མི་ཚེ་གང་པོར་དངུལ་ཁོ་ན་བཟོ་རྒྱུར་དུས་ཚོད་བཏང་ནས་བོད་དོན་ཐད་གང་ཡང་མ་གནང་ན་དེས་འགྱོད་པ་ཡོང་བ་འདུག་ཅེས་གསུངས་སོང་། ཁོང་གིས་ཆོལ་ཁ་གསུམ་གྱི་བོད་མི་ཡོངས་ནས་རྡོག་རྩ་གཅིག་སྒྲིལ་གནང་བའི་ཐོག་རྒྱ་ཆེ་ས་ནས་དགོངས་པ་བཞེས་དགོས་པ་དང་ད་ཆ་གཞོན་སྐྱེས་རྣམས་ལ་དམིགས་བསལ་གྱི་འོས་འགན་ཡོད་སྟབས་བོད་མི་ཡོད་དོ་ཅོག་ནས་བོད་ཀྱི་གནད་དོན་ཐད་ནུས་པ་མཉམ་སྤུངས་གནང་དགོས་པའི་འབོད་སྐུལ་གནང་ཡོད།

ཉན་པ།: Listen ཕབ་ལེན། Download བོད་མི་ཚོས་འཚེམས་ལུས་མེད་པར་འོས་བསྡུའི་དེབ་འགོད་གནང་དགོས་པའི་གཞེན་སྐུལ། ནད་ཡམས་དང་རྒྱ་གཞུང་གིས་བོད་དང་ཧོང་ཀོང་སོགས་ལ་འཛིན་པའི་སྲིད་བྱུས་ཐོག་བགྲོ་གླེང་། ས་གནས་འགོ་འཛིན་རྣམས་ཀྱི་ཚོགས་ཐེངས་ ༡༣ པ་དབུ་འཛུགས། སེར་སྨད་རོང་པོ་ཁང་ཚན་གྱི་དགེ་བཤེས་ཤིག་ཐུགས་དམ་ལ་བཞུགས་མུས། རྒྱ་གཞུང་གིས་ཨ་རིར་རྒོལ་ལན་དང་འབྲེལ་རྒྱ་ནག་ནང་གི་ཨ་རིའི་གསར་ཁང་དྲུག་ལ་དམ་དྲག Tuesday 27/10/2020 Only three days left to register for 2021 Tibet elections, EC urges all to register Finding Common Ground Conference in Taipei discusses COVID19, Tibet and Hong Kong 13th Administrative Conference of Tibetan Settlement Officers commences 87 Years old Sera Mey geshe in Thukdam China tightens rules on US media outlets in ‘reciprocal’ move

བོད་མི་ཞིག་ཡིན་པའི་ཆ་ནས་ཕྱི་ལོ་ ༢༠༢༡ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྐབས་ ༡༧ པའི་བོད་མི་མང་སྤྱི་འཐུས་རྣམ་པའི་སྔོན་འགྲོ་དང་དངོས་གཞིའི་འོས་འསྡུའི་ལས་རིམ་ནང་ཆ་ཤས་བཞེས་སླད་དང་ཐོག་མིང་གཞུང་དེབ་འགོད་གནང་རྒྱུ་ནི་རྩ་བའི་ཆ་རྐྱེན་ཞིག་ཡིན་པ་ལྟར་ཕྱི་ཟླ་ ༨ ཚེས་ ༢༡ ཉིན་བོད་མིའི་སྒྲིག་འཛུགས་དབུས་འོས་བསྡུ་ལས་ཁང་གིས་མིང་གཞུང་དེབ་བཀོད་ཞུ་སླད་ཕྱི་ཟླ་ ༩ ཚེས་ ༡ ནས་ཕྱི་ཟླ་ ༡༠ ཚེས་ ༡༥ བར་ཉིན་གྲངས་ ༤༥ དུས་ཚིགས་གནང་རྒྱུའི་གསལ་བསྒྲགས་གནང་ཡོད་པར་མ་ཟད། བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ ༢༠ པའི་དགོངས་དོན་བཞིན་འོས་འཕེན་པའི་མིང་ཐོ་སྣོན་འཕྲི་བྱ་སླད་ཕྱི་ཟླ་ ༡༠ ཚེས་ ༣༠ བར་དུས་འགྱངས་གནང་བ་བཞིན། འོས་བསྡུའི་དེབ་བཀོད་སླད་ཉིན་གྲངས་གསུམ་ལས་ལྷག་མེད་སྟབས། དབུས་འོས་བསྡུ་ལས་ཁང་གི་འགན་འཛིན་དཔེ་ཟུར་དབང་འདུས་ཚེ་རིང་ལགས་ཀྱིས་འོས་བསྡུའི་ལས་རིམ་ཁྲོད་རྨང་གཞི་ནི་མིང་གཞུང་དེབ་འགོད་བྱ་རྒྱུ་དེ་ཡིན་སྟབས། བོད་མི་ཚོས་འཚེམས་ལུས་མེད་པར་འོས་བསྡུའི་དེབ་འགོད་གནང་རོགས་གནང་ཞེས་སྐུལ་མ་གནང་སོང་།གཞི་རྩའི་དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་འོས་བསྡུའི་ལས་རིམ་ཁྲོད་མིང་གཞུང་དེབ་འགོད་ཞུ་རྒྱུའི་སླད་ཉིནགྲངས་ ༤༥ དུས་ཚོད་གནང་ཡོད་ཀྱང་། ས་གནས་ཁག་ཁ་ཤས་ནང་དུ་མིང་གཞུང་དེབ་བཀོད་བྱ་རྒྱུ་ལུས་པ་དང་དོགས་བཅོས་བྱ་ཕྱིར་བཙན་བྱོལ་བོད་མིའི་འོས་བསྡུའི་སྒྲིག་གཞི་དོན་ཚན་ ༢༠ པའི་དགོངས་དོན་བཞིན་ཕྱི་ཟླ་ ༡༠ ཚེས་ ༡༦ ནས་ཕྱི་ཚེས་ ༣༠ བར་ཉིན་གྲངས་ ༡༤ ཡི་དུས་ཚིགས་འཕར་མ་གནང་དགོས་པའི་དགོས་དམིགས་དང་དེའི་ཕན་ཐོགས་སྐོར་ལ་གསུངས་ཡོད། བཙན་བྱོལ་བོད་མིའི་ཁྲོད་དཔྱ་དེབ་རྙིང་པའི་སྟེང་དེབ་སྐྱེལ་ཆོག་མིན་གྱི་གནད་དོན་དང་འབྲེལ་ནས་དབུས་འོས་བསྡུའི་ལས་ཁང་གིས་ཟླ་ ༡༠ ཚེས་ ༢༠ ཉིན་ཕུལ་བའི་རྩ་འཛིན་བཀོད་ཁྱབ་ཞིག་གི་ནང་དཔྱ་དེབ་རྙིང་པའི་སྟེང་དེབ་སྐྱེལ་མི་ཆོག་པའི་ལམ་སྟོན་དང་སྦྲགས། ལུགས་མཐུན་གྱི་འོས་བསྡུའི་ནང་ཆ་ཤས་བླངས་རྒྱུའི་སླད་དཔྱ་དེབ་རྙིང་པ་ནས་གསར་པ་བསྒྱུར་རྒྱུ་ཁོ་ནའི་ཆེད་དུ་ཕྱི་ལོ་ ༢༠༢༠ ཟླ་ ༡༢ ཚེས་ ༡༥ བར་དམིགས་བསལ་གོ་སྐབས་གནང་ཡོད་སྐོར་ལ་གསུངས་སོང་། རྩ་བའི་ཕྱི་ལོ་ ༢༠༡༡ ལོའི་བཀའ་སྤྱིའི་འོས་བསྡུ་ཆེན་མོའི་སྐབས་འོས་འཕེན་པའི་མིང་གཞུང་དེབ་སྐྱེལ་བྱེད་མཁན་ ༨༣༩༩༠ བྱུང་ཡོད་པ་དང་དེ་དག་གི་ཁོངས་སུ་དངོས་སུ་འོས་འཕེན་མཁན་མི་གྲངས་ ༤༩༡༨༤ བྱུང་ཡོད་པ་དང་། ཕྱི་ལོ་ ༢༠༡༦ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་སྐབས་སུ་དེབ་སྐྱེལ་གནང་མཁན་ ༩༠༣༧༧ བྱུང་ཡོད་པ་དང་། དེ་དག་གི་ཁོངས་སུ་དངོས་གཞིར་འོས་བླུག་མཁན་མི་གྲངས་ ༥༩༣༥༣ བྱུང་ཡོད་པ་རེད། དབུས་འོས་བསྡུ་ལས་ཁང་གི་འགན་འཛིན་དཔེ་ཟུར་དབང་འདུས་ཚེ་རིང་ལགས་ཀྱིས་དབུས་འོས་བསྡུ་ལས་ཁང་དུ་ཕྱི་ཟླ་ ༡༠ ཚེས་ ༣༡ ཉིན་ས་གནས་ཁག་གི་འོས་བསྡུ་དེབ་སྐྱེལ་ཞུས་པའི་མིང་གཞུང་འབྱོར་གྱི་ཡོད་སྟབས། ད་ཆར་བོད་མི་ཇི་ཙམ་ནས་མིང་གཞུང་དེབ་བཀོད་གནང་ཡོད་མེད་ཀྱི་ཤེས་རྟོག་ཐུབ་ཀྱི་མེད་པ་གསུངས་སོང་། སྤྱིར་བོད་མིའི་སྒྲིག་འཛུགས་དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་ཆེན་མོ་དེ་ ༢༠༢༡ ཕྱི་ཟླ་ ༡ ཚེས་ ༣ ཉིན་གནང་རྒྱུ་ཡིན་པ་དང་དངོས་གཞིའི་འོས་བསྡུ་ཆེན་མོ་ཕྱི་ཟླ་ ༤ ཚེས་ ༡༡ ཉིན་སོ་སོར་ཉིན་བརྒྱ་དུས་གཅིག་ཏུ་གནང་གཏན་ཁེལ་ཡོད་པའི་གསལ་བསྒྲགས་གནང་ཡོད་པ་རེད།

ཉེ་ལམ་ཟླ་ ༡༠ ཚེས་ ༢༤ ཉིན་ཐེ་ཝན་རྒྱལ་ས་ཐེ་པེར་ཐུན་མོང་གི་གཞི་རྟེན་འཚོལ་བ་ཞེས་པའི་རྒྱལ་སྤྱིའི་བགྲོ་གླེང་ཚོགས་འདུ་བསྐོང་ཚོགས་གནང་ཡོད་པ་དང་། བགྲོ་གླེང་གི་བརྗོད་གཞི་ནི་ནད་ཡམས་དང་རྒྱལ་སྤྱིའི་འགྱུར་ལྡོག་ཤུགས་ཆེར་འགྲོ་སྐབས་རྒྱ་ནག་གཞུང་གིས་བོད་དང་སོག་པོ། ཤར་ཏུར་ཀི་སི་ཐན། ཧོང་ཀོང་སོགས་ཀྱི་ཐོག་འཛིན་པའི་སྲིད་བྱུས་ཞེས་པ་དེ་ཡིན་པ་རེད།ཐེ་ཝན་བོད་ཀྱི་སྐུ་ཚབ་དོན་ཁང་དང་ཐེ་སྡོད་བོད་རིགས་ཚོགས་པ་རྣམ་གཉིས་ཀྱིས་གོ་སྒྲིག་ཞུས་པའི་རྒྱལ་སྤྱིའི་བགྲོ་གླེང་གི་ཚོགས་འདུ་ཐོག་སྐུ་མགྲོན་གཙོ་བོ་༸སྐྱབས་རྗེ་ཀིརྟི་རིན་པོ་ཆེ་མཆོག་དང་ཐེ་པེ་གྲོང་ཁྱེར་གྲོས་ཚོགས་འཐུས་མི་ལྕམ་སྐུ་ལིན་དབྱི་མོང་ལགས་ཀྱིས་གཙོས་པའི་མཁས་དབང་དང་དཔྱད་ཞིབ་པ། མང་ཚོགས་དོན་གཉེར་བ་སོགས་ལྷན་ཞུགས་གནང་འདུགསྐབས་དེར་སྐུ་མགྲོན་གཙོ་བོ་༸སྐྱབས་རྗེ་ཀིརྟི་རིན་པོ་ཆེ་མཆོག་གིས་རྒྱ་ནག་ནས་ཁྱབ་གདལ་བྱུང་བའི་ཏོག་དབྱིབས་གཉན་རིམས་ ༡༩ དེས་འཛམ་གླིང་སྤྱིར་སྐུ་ངལ་དུ་མ་སྤྲད་ཡོད་པར་མ་ཟད། རྒྱ་གཞུང་གིས་རྣམ་ཀུན་འཁྱོག་བཤད་དྲིལ་བསྒྲགས་དང་ཧམ་བཤད། དེ་བཞིན་མཐོང་ཆུང་དང་བཙན་གནོད་བྱེད་པ་དག་ད་ཆ་འཛམ་གླིང་གི་མི་མང་ཚོས་ངེས་པར་དུ་མཁྱེན་རྟོགས་དགོས་པའི་དུས་ཚོད་ཅིག་ལ་བསླེབས་ཡོད་པ་དང་། ལྷག་པར་དུ་ད་ལྟའི་དུས་ཚོད་འདིར་བོད་གཙོས་རྒྱའི་དབང་སྒྱུར་འོག་ཡོད་པའི་མི་རིགས་དག་གིས་དཀའ་ངལ་དངོས་དེ་འཛམ་གླིང་ཡོངས་ལ་གསུང་རྒྱུའི་གོ་སྐབས་ལྡན་པ་དང་། རྒྱ་ནག་མི་མང་ལའང་རྒྱ་གཞུང་གིས་བྱེད་ཕྱོགས་དེ་རྒྱལ་སྤྱིའི་ཁྲོད་ངོ་སྤྲོད་གནང་དུས་ཤིག་ཤར་ཡོད་པ་གསུངས་འདུག རྒྱ་གཞུང་གིས་དེ་གའི་དབང་སྒྱུར་ཡོད་པའི་མི་རིགས་རྣམས་ཀྱི་ངོ་བོ་རྩ་བརླག་གཏོང་རྒྱུར་དམིགས་ནས་སྲིད་བྱུས་སྣ་མིན་སྤེལ་བཞིན་པར་མ་ཟད་དེའི་ཁྲོད་བོད་དང་ཤིན་ཅང་ལྟ་བུ་ནི་ད་ཆ་བཙོན་ར་ཆེན་པོ་ཞིག་གི་ངོ་བོར་གནས་ཡོད་སྟབས། ང་ཚོ་ཚང་མས་མཉམ་རུབ་ཐོག་ནས་རྒྱ་གཞུང་གི་སྲིད་བྱུས་དེར་བསྒྱུར་བཅོས་གཏོང་ཐབས་ཤེས་པ་གནང་དགོས་སྐོར་སོགས་གསུངས་འདུག དེ་བཞིན་ཚོགས་འདུ་ཐོག་ཕེབས་པའི་གྲོས་ཚོགས་འཐུས་མི་ལྕམ་སྐུ་ལིན་དབྱི་མོང་ལགས་ཀྱིས་ཁོང་ནས་བོད་མི་སོགས་ལ་རྒྱབ་སྐྱོར་གནང་དགོས་དོན་ནི་ཐེ་ཝན་གཞོན་སྐྱེས་ཚོས་རྒྱ་གཞུང་གིས་བོད་མིས་གཙོས་པའི་སོག་པོ་དང་ཤར་ཏུར་ཀི་སི་ཐན། དེ་བཞིན་ཧོང་ཀོང་བཅས་ཀྱི་ཐོག་འཛིན་པའི་སྲིད་བྱུས་དག་ལག་བསྟར་བྱེད་བཞིན་པ་དེ་དག་མཁྱེན་རྟོགས་དང་རྒྱབ་སྐྱོར་ཐོབ་ཆེད་ལས་འགུལ་སྤེལ་གྱི་ཡོད་པར་ངོ་སྤྲོད་གནང་འདུག དེ་བཞིན་ཚོགས་འདུ་ཐོག་ཨུ་རུ་སུ་དང་འཇར་མི་ན། དེ་བཞིན་ཨ་རི་སོགས་ནས་མཁས་དབང་དང་ཞིབ་འཇུག་པ་རྣམས་ནས་བརྙན་འཕྲིན་བརྒྱུད་བོད་ཀྱི་ལོ་རྒྱུས་གནས་བབ་དང་། ཁོར་ཡུག རྒྱ་ནག་གཞུང་གིས་བོད་དང་སོག་པོ། ཤར་ཏུར་ཀི་སི་ཐན་ཐོག་འཛིན་པའི་སྲིད་བྱུས། རྒྱ་གཞུང་གི་ལྐོག་བྱུས་དང་ཧོང་ཀོང་མི་མང་གི་འཐབ་རྩོད། རྒྱལ་སྤྱིའི་ཁྲིམས་ཐོག་ནས་བོད་དང་ཐེ་ཝན་གྱི་རང་སྐྱོང་གནས་བབ་སོགས་ཀྱི་བརྗོད་གཞི་ངོ་སྤྲོད་དང་དྲི་བ་དྲིས་ལན་བཅས་ཀྱི་ལས་རིམ་ཚོགས་འདུག  ཐེ་ཝན་བོད་ཀྱི་སྐུ་ཚབ་དོན་གཅོད་ཟླ་བ་ཚེ་རིང་ལགས་ཀྱིས་ད་ལན་གྱི་ཚོགས་འདུའི་བརྗོད་གཞི་དེ་བགྲོ་གླེང་ནང་མཉམ་ཞུགས་གནང་མཁན་ཧོང་ཀོང་བ་རྣམས་ཀྱིས་བསམ་ཚུལ་གསུངས་ཁག་ལ་བརྟེན་ནས་དེ་ལྟར་ཐག་གཅོད་གནང་ཡོད་པ་དང་། ཁོང་གིས་ཚོགས་འདུ་དེ་གྲུབ་རྗེས་རེས་གཟའ་ཉི་མའི་ཉིན་རྒྱ་གཞུང་གིས་གཉའ་གནོན་འོག་ཡོད་པའི་མི་རིགས་རྣམས་ཀྱི་ཆོས་དད་རང་དབང་ལ་དམ་དྲག་བྱེད་ཕྱོགས་སོགས་ཀྱི་སྐོར་ལ་བགྲོ་གླེང་ཚོགས་འདུ་གནང་རྒྱུ་ཡིན་པ་སོགས་གསུངས་ཡོད།གཞི་རྩའི་ད་ཆ་ཏོག་དབྱིབས་གཉན་རིམས་ཀྱིས་རྒྱལ་སྤྱིའི་ཁྱོན་ཡོངས་ལ་སྐུ་ངལ་དུ་མ་བཟོས་ཡོད་པ་དང་ཛ་དྲག་གི་དུས་ཚིགས་རྐྱེན་གྱིས་དྲྭ་ལམ་ནས་ཐོ་འགོད་ཀྱིས་མི་གྲངས་དྲུག་ཅུ་ལྷག་ནས་མཉམ་ཞུགས་གནང་འདུག ཐེ་ཝན་བོད་ཀྱི་སྐུ་ཚབ་དོན་ཁང་དང་ཐེ་སྡོད་བོད་རིགས་ཚོགས་པ་ཟུང་འབྲེལ་ཐོག་ཕྱི་ལོ་ ༢༠༡༤ ལོ་ནས་བཟུང་ཐེ་ཝན་ནང་ཐུན་མོང་གི་གཞི་རྟེན་འཚོལ་བ་ཞེས་རྒྱལ་སྤྱིའི་བགྲོ་གླེང་ཚོགས་འདུ་ལོ་རེར་ཐེངས་རེ་བསྐོང་ཚོགས་གནང་གི་ཡོད་པ་རེད།