Monthly Archives: October, 2020

སེར་སྨད་རོང་པོ་དགེ་བཤེས་ངག་དབང་དཔལ་བཟང་ལགས་ཉེ་ཆར་ཟླ་བ་འདིའི་ ཚེས་ ༡༧ ཉིན་ཐོ་རེངས་ཚོུད་ ༡༌༣༠ རྒྱ་གར་ལྷོ་ཕྱོགས་སེར་སྨད་རང་ཤག་ཏུ་དགུང་ལོ་ ༨༧ ཐོག་དགོངས་པ་རྫོགས་ནས་དེ་རིང་ཕྱི་ཚེས་ ༢༧ བར་ཁྱོན་ཉིན་གྲངས་ ༡༡ སོང་ཡང་སྐུ་ཕུང་ལ་དྲི་མ་སོགས་གང་ཡང་མེད་པར་ཐུགས་དམ་ལ་བཞུགས་མུས་ཡིན་པ་དང། དགེ་བཤེས་ངག་དབང་དཔལ་བཟང་ལགས་ནི་བྱེས་ཀྱི་གདན་ས་ཆེན་པོ་སེར་སྨད་ཐོས་བསམ་ནོར་གླིང་གྲྭ་ཚང་གི་རང་ཤག་ཏུ་དགོངས་པ་རྫོགས་པའི་གནས་ཚུལ་དེ་དེ་རིང་བར་གསང་རྒྱ་ནན་པོ་གནང་འདུགགཞི་རྩའི་དགེ་བཤེས་ངག་དབང་དཔལ་བཟང་ལགས་ནི་ཁམས་སྟོང་འཁོར་ཡུལ་དགོན་སྡེ་བདུན་གྱི་ནང་ཚན་ཟླ་ཁོག་ནས་འོག་ཟླ་ཞེས་པའི་གྲོང་དུ་ཕྱི་ལོ་ ༡༩༣༤ ཟླ་ ༦ ཚེས་ ༣ ཉིན་སྐུ་འཁྲུངས་ཡོད་པ་དང་། ཆུང་དུས་ནས་ཁམས་སྟོང་འཁོར་གསང་ཆེན་རྡོ་རྗེ་གླིང་དགོན་དུ་ཆོས་ཞུགས་གནང་། དེ་རྗེས་བོད་དབུས་སུ་ཕེབས་ནས་སེར་སྨད་ཐོས་བསམ་ནོར་གླིང་གྲྭ་ཚང་དུ་ཆོས་སྒོར་ཞུགས། ཕྱི་ལོ་ ༡༩༥༩ ལོར་བོད་ལ་དུས་ལོག་བྱུང་རྗེས་༸གོང་ས་མཆོག་གིས་དབུས་པའི་བོད་མི་མང་དག་ཅིག་རྒྱ་གར་ནང་བཙན་བྱོལ་དུ་ཕེབས་སྐབས་སུ་གཅིག་མཚུངས་བཙན་བྱོལ་དུ་ཕེབས་ནས་སྦག་ས་ཆོས་སྒར་ཞུགས། དེ་རྗེས་ཕྱི་ལོ་ ༡༩༧༠ ལོར་གདན་ས་རྒྱ་གར་ལྷོ་ཕྱོགས་སུ་གཞིས་སྤོས་ཏེ་གདན་ས་ཆེན་པོ་སེར་སྨད་གྲྭ་ཚང་གསར་བཞེངས་ཀྱི་གནང་སྒོ་ཡོངས་རྫོགས་ཁྱོན་ལོ་ངོ་ ༤༠ ལྷག་གི་འགན་བཞེས་གནང་ཡོད་པ་རེད། ཕྱི་ལོ་ ༡༩༨༩ ཙམ་ལ་གྲྭ་ཚང་རིན་པོ་ནས་གླིང་བསྲེས་དགེ་བཤེས་ཀྱི་མཚན་རྟགས་གསོལ་སྩལ་བྱུང་དོན་ལྟར་དགེ་བཤེས་དམ་འཇོག་གནང་འདུགའདི་ག་རླུང་འཕྲིན་ཁང་གིས་སེར་སྨད་རོང་པོ་དགེ་བཤེས་ངག་དབང་དཔལ་བཟང་ལགས་ཀྱི་སྤུན་མཆེད་དགེ་བཤེས་ཚུལ་ཁྲིམས་བློ་ལྡན་ལགས་སུ་དགེ་བཤེས་ལགས་དམ་པ་ཁོང་དགོངས་པ་གཤེགས་ཚུལ་དང་སྐུ་ཚེའི་མཛད་རྗེས་སོགས་ཀྱི་ཐོག་དམིགས་བསལ་བཀའ་འདྲི་ཞུས་པ་གསན་གནང་འཚལ།

ཁ་སང་ཟླ་འདིའི་ཚེས་ ༢༦ ནས་དབུ་འཛུགས་ཀྱིས། ཚེས་ ༢༨ བར་སྟེ། ཉིན་གསུམ་གྱི་རིང་བོད་མིའི་སྒྲིག་འཛུགས་ནང་སྲིད་ཁྱབ་ཁོངས་རྒྱ་བལ་འབྲུག་གསུམ་ནང་གནས་འཁོད་ས་གནས་འགོ་འཛིན་རྣམ་པའི་འཛིན་སྐྱོང་ཚོགས་ཐེངས་ ༡༣ དྲྭ་ཐོག་བརྒྱུད་ཚོགས་བཞིན་པ་རེད་འདུག

ཉན་པ།: Listen ཕབ་ལེན། Download སྤྱི་ཚོགས་ལ་དཀའ་ངལ་འཕྲད་སྐབས་ངེས་པར་དུ་གྲོས་བསྡུར་གནང་དགོས་བའི་ལམ་སྟོན། ༸གོང་ས་མཆོག་གིས་གོ་མཚོན་བཀག་སྡོམ་གྱི་གྲོས་མཐུན་ལ་དགའ་བསུ་མཛད་འདུག ཆིངས་ཡིག་ལས་འཛིན་ལྷན་ཚོགས་ཀྱི་སྒྲིག་འཛུགས་ལ་ཁྱབ་ཆེའི་ལེགས་བཅོས་ཀྱི་ཞུ་སྐུལ། རྒྱ་གཞུང་གིས་ཆོས་དད་ལ་སྡང་འཛིན་ཤུགས་ཆེར་བྱེད་བཞིན་པ་མངོན་གསལ། བོད་ཚ་བ་དཔའ་ཤོད་ཁུལ་གྱི་གྲོང་ཚོ་༡༤ ཡི་བོད་མི་བཙན་དབང་གིས་གནས་སྤོར། རྒྱལ་རབས་ལོ་རྒྱུས། ཆིངས་ཡིག་དོན་ཚན་བཅུ་བདུན་གྱི་སྔ་རྗེས། Monday 26/10/2020 Dalai Lama speaks on India's heritage of Karuna & Ahimsa Dalai Lama welcomes UN treaty banning nuclear weapons Over 1000 Tibetans forcefully relocated in Chamdo Forum in Taiwan denounces CCP’s religious persecution Tibetan rights group calls for comprehensive reform of human rights treaty body system History Feature:Shimla Convention

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་རྒྱལ་ཚོགས་ཀྱི་རྡུལ་ཕྲན་མཚོན་ཆ་བཀག་སྡོམ་གྱི་གྲོས་མཐུན་ལ་དགའ་བསུ་མཛད་པ་དང་ཆབས་ཅིག ང་ཚོའི་མཐར་ཐུག་གི་དམིགས་ཡུག་གཙོ་བོ་དེ་ནི་རྡུལ་ཕྲན་མཚོན་ཆ་དང་བྲལ་བའི་འཛམ་གླིང་ཞིག་བསྐྲུན་རྒྱུ་དེ་ཡིན་པ་བཀའ་སྩལ་འདུག ཁ་ཉིན་རེས་གཟའ་སྤེན་པའི་ཉིན་རྒྱལ་སྤྱིའི་མཉམ་འབྲེལ་རྒྱལ་ཚོགས་དབུ་བརྙེས་ཏེ་ལོ་ངོ་ ༧༥ འཁོར་བའི་ཉིན་མོར་ Hondurus རྒྱལ་ཁབ་ནས་གྲོས་མཐུན་དེར་ཞལ་བཞེས་དོན་འཁྱོལ་གྱི་མཚན་རྟགས་བསྐྱོན་པ་དང་སྦྲགས། རྒྱལ་ཚོགས་ཀྱི་དེ་སྔ་ ༢༠༡༧ ལོར་གོ་ཚོན་བཀག་སྡོམ་གྱི་གྲོས་དོན་གཏན་འབེབས་ཕྱག་བསྟར་མ་ཐུབ་པར་ལུས་པ་དེར་དགོས་ངེས་རྒྱལ་ཁབ་ ༥༠ ཐམ་པའི་རྒྱབ་སྐྱོར་ཐོབ་ཐོག་ལོ་རྗེས་མའི་ཕྱི་ཟླ་དང་པོ་ནས་གྲོས་མཐུན་དེ་དངོས་སུ་ཕྱག་བསྟར་གནང་རྒྱུ་ཡོངས་གྲགས་གནང་ཡོད་པ་རེད། ཐག་གཅོད་དེ་དང་འབྲེལ་དེ་རིང་༸གོང་ས་༸སྐྱབས་མགོན་ཆེན་པོ་མཆོག་གིས་གསུང་འཕྲིན་ཞིག་བརྒྱུད་མགོན་པོ་༸གང་ཉིད་མཆོག་དུས་རྒྱུན་ནས་རྡུལ་ཕྲན་མཚོན་ཆ་བཀག་སྡོམ་དགོས་པར་ལས་འགུལ་སྤེལ་མཁན་ཞིག་ཡིན་སྟབས། རྒྱལ་ཚོགས་ཀྱི་གྲོས་མཐུན་དེར་དགའ་བསུ་ཡོད་ཅེས་བཀའ་སྩལ་བར་མ་ཟད། རྒྱལ་ཁབ་ལྔ་བཅུས་རྒྱབ་སྐྱོར་གནང་སྟེ་ཐག་གཅོད་གནང་པའི་གྲོས་མཐུན་འདི་ནི་སླད་མར་འགྲོ་བའི་བདེ་དོན་གྱི་ཆ་ནས་ལོ་རྒྱུས་རང་བཞིན་ཞིག་དང་འཛམ་གླིང་ཐོག་གི་འཁྲུག་རྩོད་ཞི་བའི་ལམ་བཟང་པོ་ཞིག་ཀྱང་རེད་ཅེས་བཀའ་སྩལ་འདུག དེ་བཞིན་མགོན་པོ་༸གང་ཉིད་མཆོག་ནས་གོ་ཚོན་བཀག་སྡོམ་གྱི་གྲོས་དོན་འདི་དངོས་སུ་ཕྱག་བསྟར་གནང་བའི་རྗེས་སུ་འཛམ་གླིང་ཐོག་དོན་ངོ་མའི་ཞི་བདེ་སྐྲུན་ཐུབ་པར་མ་ཟད། ང་ཚོ་འགྲོ་བ་ཚང་མ་གཅིག་ལ་གཅིག་བརྟེན་གྱི་ཐོག་ནས་འཚོ་དགོས་པའི་གནས་སྟངས་ཁྲོད་རྒྱལ་ཚོགས་ནས་གྲོས་མཐུན་དེ་ལྟར་གཏན་འབེབས་གནང་བ་དེ་ནི་གོ་ལ་སྤྱིའི་བདེ་དོན་ལ་དམིགས་པའི་བྱ་བ་བཟང་པོ་ཞིག་རེད་ཅེས་བཀའ་སྩལ་འདུག ལྷག་པར་དུ་༸གོང་ས་མཆོག་ནས་ཐེངས་འདིའི་ཐག་གཅོད་འདི་ནི་འཛམ་གླིང་ཞི་བདེ་དང་ལྡན་པ་ཞིག་བཟོ་རྒྱུའི་གོམ་པ་དང་པོ་དེ་ཡིན་པ་དང་། ང་ཚོའི་མཐར་ཐུག་གི་དམིགས་ཡུག་གཙོ་བོ་ནི་འཛམ་གླིང་ཐོག་གོ་ཚོན་དང་དམག་དཔུང་གཙང་སེལ་གནང་རྒྱུ་དེ་ཡིན་པ་དང་། གལ་སྲིད་ང་ཚོས་དམངས་ལ་འཆར་གཞི་ལྡན་པའི་ལས་གཞི་དང་སློབ་གསོ་རིགས་གནང་ཐུབ་ཚེ་དེ་ནི་གནང་ཐུབ་པ་ཞིག་ཡིན་པར་ལམ་སྟོན་བཀྲིན་ཆེ་བ་སྩལ་འདུག གཞི་རྩའི་གོ་ཚོན་བཀག་སྡོམ་གྱི་གྲོས་མཐུན་དེ་ཐོག་མར་ ༢༠༡༧ ལོར་གཏན་འབེབས་གནང་ཡང་དགོས་ངེས་ཚོགས་མི་རྒྱལ་ཁབ་ ༥༠ ཐམ་པའི་རྒྱབ་སྐྱོར་མ་རག་པར་བརྟེན་ད་བར་དངོས་སུ་ཕྱག་བསྟར་གནང་ཐུབ་མེད་པ་རེད།

དེ་རིང་སྔ་དྲོ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་རྒྱལ་སྤྱིའི་ལྟེ་གནས་ཁང་དང་ཀུན་ཁྱབ་འགན་ཁུར་ཐེབས་རྩ་ཁང་གཉིས་ཀྱིས་ཇི་ལྟར་གསོལ་བ་བཏབ་པ་ལྟར་རྒྱ་གར་གནའ་རབས་ཀྱི་གཅེས་ནོར་འཚེ་བ་མེད་པ་དང་བྱམས་བརྩེའི་ཉམས་ལེན་ཞེས་པའི་བརྗོད་གཞིའི་ཐོགབཀའ་སློབ་ལམ་སྟོན་དང་འབྲེལ་ནས། རྒྱ་གར་གྱི་མཁས་དབང་ཁག་གཅིག་གི་བཀའ་འདྲི་དགོངས་སྐོར་ཁག་ལ་བཀའ་ལན་མཛད་པའི་ཁྲོད། མིའི་རིགས་ཀྱི་སྤྱི་ཚོགས་ནང་དཀའ་ངལ་འཕྲད་སྐབས། དེ་ནི་མི་ཚེ་ཡི་ལམ་ལུགས་ཤིག་ཡིན་པར་སྙམ་ནས་བཞུགས་རྒྱུ་མིན་པར། མི་མང་རང་བཞིན་གྱིས་གྲོས་བསྡུར་བྱས་ཏེ་དཀའ་ངལ་སེལ་རྒྱུ་གལ་ཆེན་པོ་ཡིན་ལུགས་ཀྱི་ལམ་སྟོན་མཛད་པ་མ་ཟད། ཉིན་གཅིག་གི་ཉི་ཟླ་ཡི་འཆར་ནུབ་དེ་ཡང་ལྟོས་བཅོས་ཀྱིས་འགྱུར་བ་མེད་པ་འདྲ་ཞིག་ཡིན་ནའང་། གནས་སྟངས་འདྲ་མིན་གྱི་ཁྲོད་དུ་ཉི་ཟླའི་འཆར་ནུབ་ཀྱང་འགྱུར་བཞིན་ཡོད་པའི་ཆོས་ཉིད་ལུང་འདྲེན་སྩལ་སོང་།

ཁ་སྔོན་འཛམ་གླིང་མཉམ་འབྲེལ་རྒྱལ་ཚོགས་བཙུགས་ནས་མི་ལོ་ ༧༥ འཁོར་བ་དང་བསྟུན་བཞུགས་སྒར་དུ་རྟེན་གཞི་བྱས་པའི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་ནག་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཆིངས་ཡིག་ལས་འཛིན་ལྷན་ཚོགས་ཀྱི་སྒྲིག་འཛུགས་ལ་ཁྱབ་ཆེའི་ལེགས་བཅོས་གཏོང་དགོས་པའི་ཞུ་སྐུལ་གནང་ཡོད་པ་རེད།འདི་ལོའི་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་གྱི་བསྐྱར་ཞིབ་དབུ་འཛུགས་དང་འབྲེལ།  ད་ཆ་འཚོགས་བཞིན་པའི་བསྐྱར་ཞིབ་སྐབས་སུ་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་ནག་གིས་རྒྱལ་ཚོགས་ཀྱི་སྒྲིག་གཞི་བཤིག་གི་ཡོད་པས་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་ལྷན་ཚོགས་ལ་ཕྱོགས་ཡོངས་ནས་ལེགས་བཅོས་བྱ་དགོས་ཞེས་པའི་སྙན་ཐོ་འདོན་སྤེལ་གནང་འདུག སྙན་ཐོའི་ནང་འབྲེལ་ཡོད་ལས་འཛིན་པས་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་། རྒྱ་ནག་དང་ཆ་འདྲ་བའི་རྒྱལ་ཁབ་གཞན་དག་གིས་དབང་འཛིན་བཀོད་ཁྱབ་དང་ཁེ་ཕན་སླད་གྲོས་ཆིངས་ཁག་གི་ནུས་པ་ཤུགས་ཆེ་རུ་གཏོང་ཐབས་སུ་འབད་བཞིན་པ་གསལ་བོར་ཤེས་རྟོགས་གནང་བ་དང་། སོ་སོའི་ཆབ་སྲིད་ཀྱི་དམིགས་འདུན་ཁོ་ན་བསྒྲུབ་ཆེད་རྒྱལ་ཁབ་དེ་རིགས་ཀྱིས་མང་ཚོགས་ཀྱི་ཐོབ་ཐང་དང་དབང་ཆ་བཙན་འཕྲོག་བྱེད་བཞིན་པར་ཐུགས་སྣང་གནང་རོགས་ཞེས་གཞེན་སྐུལ་གནང་འདུག  ཆིངས་ཡིག་ལས་འཛིན་ལྷན་ཚོགས་ཀྱི་སྒྲིག་འཛུགས་བསྐྱར་ཞིབ་སྐབས་སྐྱེ་བོ་ཡོད་དོ་ཅོག་གིས་འགྲོ་བ་མིའི་ཐོབ་ཐང་ལོངས་སུ་སྤྱོད་དབང་གི་ནུས་པ་ཤུགས་ཆེ་རུ་གཏོང་ཆེད་ཁྱབ་ཆེའི་ལེགས་བཅོས་གཏོང་དགོས་པ་དང་། སྲིད་གཞུང་གི་དགོས་དམིགས་གཙིགས་སུ་འཛིན་པའི་རྒྱལ་ཁབ་དག་ལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་ལྷན་ཚོགས་ཀྱི་སྒྲིག་འཛུགས་དེ་ནུས་པ་ཤུགས་ཆེར་གཏོང་དུ་འཇུག་མི་རུང་བའི་འབོད་སྐུལ་གནང་འདུག སྙན་ཐོའི་ནང་ཁེ་དབང་འཕྲོག་རྩོད་སེལ་ཐབས། ཕྱི་གསལ་ནང་གསལ་གྱི་སྒོ་ནས་འགྲོ་བ་མིའི་ཐོབ་ཐང་གི་གནས་སྟངས་རྟོག་ཞིབ་གནང་ཐབས་སུ་ཆིངས་ཡིག་ལས་འཛིན་ལྷན་ཚོགས་ཀྱི་ཚོགས་མིས་ཕྱོགས་རིས་མེད་པ་དང་། ཕྱི་གསལ་ནང་གསལ་གྱི་དངོས་ཡོད་གནས་སྟངས་སྙན་སེང་ཞུ་རྒྱུ་གལ་ཆེན་པོ་ཡིན་པ་སོགས་མངོན་གསལ་གནང་འདུག རྒྱ་གཞུང་དེ་འགྲོ་བ་མིའི་ཐོབ་ཐང་གི་ཆིངས་ཡིག་ལས་འཛིན་ཁག་ ༡༠ ཁོངས་ནས་ ༦ ནང་འཛུལ་ཞུགས་ཀྱིས་ཡང་ནས་ཡང་དུ་ཆིངས་ཡིག་ཁག་ཏུ་གསལ་བའི་འགན་འཁྲི་ཁག་བརྩི་མེད་བཏང་བར་མ་ཟད། དུས་ཐོག་ཏུ་ལས་དོན་སྙན་སྒྲོན་ཞུ་ཡི་མེད་པ། ལྷག་པར་རྒྱ་གཞུང་གི་སྐུ་ཚབ་ཚོས་རྣམ་ཀུན་ནས་ཚུལ་མིན་དང་ཁྲིམས་འགལ་གྱི་བྱ་སྤྱོད་སྤེལ་བ་དང་། སྐབས་རེ་ཆིངས་ཡིག་ལས་འཛིན་བསྐྱར་ཞིབ་སྐབས་འཇིགས་སྐུལ་ཡང་གཏོང་གི་ཡོད་པ་དང་ཆབས་ཅིག རྒྱ་གཞུང་གིས་སྤྱི་ཆིངས་ཁག་རྩིས་མེད་བཏང་བའི་ཐད་ཀྱི་ཆིངས་ཡིག་ལས་འཛིན་ལྷན་ཚོགས་ཀྱི་སྐུལ་འདེབས་ཁག་མུ་མཐུད་སྣང་མེད་དུ་སྐྱུར་དུ་ཡོད་པ་འཁོད་འདུག ད་ཆ་རྒྱལ་ཁབ་ཁག་ཅིག་གིས་ཆབ་སྲིད་ཀྱི་དགོས་དམིགས་དང་སྦྲགས། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་ལྷན་ཚོག་ཀྱི་སྒྲིག་འཛུགས་ལ་བསྒྱུར་བཅོས་གཏོང་ཐབས་བྱེད་བཞིན་པའི་ཁྲོད་རྒྱ་གཞུང་ནི་རྒྱལ་ཁབ་དེ་དག་གྲས་ཀྱི་དཔེ་མཚོན་ཞིག་ཆགས་ཡོད་པས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་ལྷན་ཚོགས་ཀྱི་སྒྲིག་འཛུགས་བསྐྱར་ཞིབ་སྐབས་སྤྱི་ཆིངས་ལག་བསྟར་དང་དཔྱད་ཞིབ་ལ་དོ་སྣང་མང་བ་གནང་དགོས་པ། འབྲེལ་ཡོད་ལས་འཛིན་པས་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་སྒྲིག་འཛུགས་ཀྱི་ཕྱག་ལས་གནང་ཕྱོགས་ཙམ་མིན་པར་སྐྱེ་བོ་ཡོངས་ཀྱིས་འགྲོ་བ་མིའི་ཐོབ་ཐང་ལོངས་སུ་སྤྱོད་དབང་ཐོག་དམིགས་འདུན་མངོན་འགྱུར་ཡོང་ཐབས་ཀྱི་ནུས་པར་འཕོ་འགྱུར་གནང་དགོས་པ་འཁོད་འདུག སྙན་ཐོ་དེའི་ནང་འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་ལྷན་ཚོགས་ནས་འབྲེལ་ཡོད་རྒྱལ་ཁབ་ཁག་གིས་འགྲོ་བ་མིའི་ཐོབ་ཐང་གི་འགན་འཁྲི་སྣང་མེད་སྐྱུར་འཇུག་བཞིན་པའི་གནས་སྟངས་མངོན་གསལ་དང་འབྲེལ།  རྒྱལ་ཚོགས་ནི་འགྲོ་བ་མིའི་ཐོབ་ཐང་གི་ཁྲིམས་ཡིག་རྩ་འཛིན་ཁག་ནང་གསལ་ཡོངས་ཁྱབ་ཀྱི་རང་དབང་དང་ཐོབ་ཐང་སྲུང་སྐྱོབ་གནང་མཁན་ཞིག་ཆགས་ཀྱི་ཡོད་སྟབས། འགྲོ་བ་མིའི་ཐོབ་ཐང་ཆིངས་ཡིག་ལས་འཛིན་ལྷན་ཚོགས་ཀྱི་སྒྲིག་འཛུགས་ལ་འཇིགས་སྐུལ་ཐེབས་ཚེ་རང་གཞན་ཚང་མར་འགྲོ་བ་མིའི་ཐོབ་ཐང་ལོངས་སུ་སྤྱོད་དབང་དེ་བཞིན་ཉེན་ཁར་ཚུད་ཡོད་པ་གསུངས་འདུག གཞི་རྩའི་རྒྱ་གཞུང་གིས་དུས་རྟག་ཏུ་རྒྱལ་སྤྱིའི་ཁྲོད་ཆབ་སྲིད་ཀྱི་དགོས་དམིགས་སོགས་ལ་དམིགས་ནས་འཁྱོག་བཤད་དྲིལ་བསྒྲགས་སྤེལ་བ་དང་། ལྷག་པར་དུ་རྒྱལ་ཚོགས་ཀྱི་ལས་རིམ་ཁག་གི་ཐོག་རྒྱ་ནག་ལ་ཁ་གཏད་གནང་མཁན་ཚོར་འགོག་རྐྱེན་བཟོ་རྒྱུ་སོགས་ཀྱི་བྱ་སྤྱོད་སྣ་མང་སྤེལ་གྱི་ཡོད་པ་རེད། རྒྱ་ནག་གིས་བོད་མི་གཙོས་ཡུ་གུར་ཁ་ཆེའི་མི་རིགས་སོགས་ཀྱི་འགྲོ་བ་མིའི་ཐོབ་ཐང་རྡོག་རོལ་གཏོང་བའི་གནད་དོན་ཐད་རྒྱལ་སྤྱིའི་ཁྲོད་སྐྱོན་བརྗོད་ཤུགས་ཆེ་གནང་བཞིན་ཡོད་པ་དེ་ལྟར་ཡང་། ཉེ་ལམ་རྒྱ་ནག་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མིར་སླར་ཡང་འདེམས་ཐོན་བྱུང་ཡོད་པ་རེད།

ཁ་སང་ཐེ་ཝན་གྱི་རྒྱལ་ས་ Taipei རུ་འཛམ་གླིང་གི་ཆོས་ལུགས་ཆེ་ཁག་གསུམ་གྱི་སྐུ་ཚབ་ལྷན་འཛོམས་ཀྱིས་རྒྱ་ནག་དམར་པོའི་གཞུང་གིས་བོད་གཙོས་ཡི་ཤུ་དང་ཁ་ཆེའི་གྲངས་ཉུང་མི་རིགས། དེ་བཞིན་ཧྥ་ལུང་གྷོང་བཅས་ཀྱི་ཆོས་དད་ལ་སྡང་འཛིན་ཤུགས་ཆེ་བྱེད་བཞིན་པའི་སྐོར་ལ་ལྷན་ཚོགས་གནང་འདུགདེ་རིང་ Taipei Times གསར་ཁང་གིས་ཐེ་ཝན་བོད་ཀྱི་གྲོགས་པོ་ཚོགས་པ་དང་ Taiwan East Turkestan Association གཉིས་ཀྱི་གོ་སྒྲིག་འོག་ཐེ་ཝན་སྐུ་ཚབ་དོན་ཁང་གི་དོན་གཅོད་ཟླ་བ་ཚེ་རིང་ལགས་དང་ཡི་ཤུའི་ཆོས་དཔོན་ Huang Chun-sheng ལགས། དེ་བཞིན་དེ་སྔ་དྲུག་བཞི་དོན་རྐྱེན་གྱི་ལས་འགུལ་ནང་ཡོད་པའི་ Wuer Kaixi བཅས་ནས་གཏམ་བཤད་གནང་འདུག་པ་དང་། སྐབས་དེར་ཟླ་བ་ཚེ་རིང་ལགས་ཀྱིས་རྒྱ་ནག་དམར་པོའི་གཞུང་གིས་བོད་བརྒྱུད་ནང་བསྟན་དང་ལྷག་པར་དུ་བོད་མིའི་ཆོས་དད་ལ་སྡང་འཛིན་ཤུགས་ཆེ་བྱས་ཏེ་མནར་གཅོད་ཀྱི་བྱ་སྤྱོད་སྤེལ་རྒྱུ་དེ་དུས་ཡུན་རིང་པོ་ནས་དམིགས་ཡུལ་ཡོད་པ་མ་ཟད། བོད་གཙོས་གྲངས་ཉུང་མི་རིགས་ཀྱི་ངོ་བོ་དང་རིག་གཞུང་དེ་དག་རྒྱའི་སྲིད་བྱུས་འོག་ནས་ནག་བསུབ་གཏོང་ཐབས་བྱེད་ཀྱི་ཡོད་པར་འགྲེལ་བརྗོད་གནང་འདུག སྐབས་དེར་ཡི་ཤུའི་ཆོས་དཔོན་ Huang Chun-sheng ལགས་ཀྱིས་རྒྱ་ནག་དམར་ཤོག་གཞུང་གིས་དབང་ཆ་བཟུང་ནས་ཡི་ཤུའི་ཆོས་བརྒྱུད་འཛིན་མཁན་རྣམས་ལ་སྡུག་སྦྱོང་དང་མི་རིགས་དབྱེ་འབྱེད། བཙོན་འཇུག དེ་བཞིན་སྲོག་ཁྲིམས། དམར་གསོད། ཆོས་ལུགས་བརྒྱུད་སྤེལ་བྱེད་མཁན་རྣམས་ཕྱིར་འབུད་བཅས་ཀྱི་བྱ་ངན་དང་། ལྷག་དོན་ཡི་ཤུའི་གསུང་རབ་ཀྱི་ཕྱག་དཔེ་རྣམས་མེད་པ་བཟོ་ཐབས་བྱས་པར་མ་ཟད། དེ་འབྲེལ་ལྷ་ཁང་གཏོར་བཤིག་སོགས་རྒྱ་ནག་གཞུང་གིས་ཆོས་ལུགས་དང་འབྲེལ་བའི་ཐོག་སྡུག་སྦྱོང་ཤུགས་ཆེ་གཏོང་བཞིན་ཡོད་པར་འགྲེལ་བརྗོད་གནང་འདུག གཞན་ཡང་དེ་སྔ་དྲུག་བཞི་དོན་རྐྱེན་གྱི་ལས་འགུལ་ལ་ཞུགས་པའི་ Wuer Kaixi ལགས་ཀྱིས་རྒྱ་གཞུང་དེ་ཆོས་དད་ཀྱི་ནུས་པར་ཞེད་སྣང་བྱེད་ཀྱི་ཡོད་པ་དང་། རྒྱ་ནག་དམར་པོའི་གཞུང་གིས་རྒྱལ་ཁབ་གཞན་ལ་དབང་སྒྱུར་བྱས་ནས་ཐོན་ཁུངས་མཐའ་དག་འཕྲོག་བཅོམ་བྱས་པ་སོགས་ནི་ཉེས་ཅན་གྱི་གཞུང་ཞིག་ཡིན་པ་མ་ཟད། ཁ་ཆེའི་བུད་མེད་ཚོས་གདོང་ཁེབས་གོན་པ་དང་ཁ་ཆེའི་མི་རིགས་ཚོས་ཕག་ཤ་མ་ཟ་བ་ནི་དྲག་སྤྱོད་པར་ངོས་འཛིན་བྱེད་ཀྱི་ཡོད་སྐོར་འགྲེལ་བརྗོད་གནང་འདུག ད་དུང་སྐབས་དེར་ Falun Gong ཆོས་བརྒྱུ་འཛིན་མཁན་གྱི་ཁྲིམས་རྩོད་ཚོགས་པའི་མགྲིན་ཚབ་པ་ Teresa Chu ལགས་ཀྱིས་རྒྱ་གཞུང་གིས་མི་ལོ་ ༢༠ ནང་ཧྥ་ལུང་གྷོང་ཆོས་བརྒྱུད་འཛིན་མཁན་སྟོང་ཕྲག་མང་པོར་མནར་གཅོད་གཏང་རྒྱུ་གཙོས་དངུལ་གྱི་ཁེ་ཕན་སླད་ལུས་པོའི་ནང་ཁྲོལ་ཕྱིར་འདོན་གྱི་བྱ་ངན་དུ་མ་བརྩམས་ཡོད་པར་ངོ་སྤྲོད་དང་ཆབས་ཅིག མིའི་ནང་ཁྲོལ་འདོན་རྒྱུ་ནི་དུས་རབས་ཉེར་གཅིག་པའི་ནང་མིས་བཟོས་པའི་བྱ་བ་ཐ་ཤལ་ཞིག་ཡིན་ཀྱང་དུས་ད་ལྟའང་བྱ་ངན་དེ་ལག་བསྟར་བྱེད་བཞིན་པ་རེད་ཅེས་འགྲེལ་བརྗོད་གནང་འདུག ཕྱི་ལོ་ ༢༠༠༧ ལོར་རྒྱ་ནག་གི་ཚགས་ཤོག་ Southern Weekly ཞེས་པར་མིའི་ནང་ཁྲོལ་ཕྱིར་འདོན་གྱིས་ཚོང་འགྲེམས་བྱེད་མུས་ལ་བརྟེན་ཨ་སྒོར་ས་ཡ་ ༡༤ ལྷག་བྱུང་ཡོད་པའི་གནས་ཚུལ་ལུང་འདྲེན་གནང་སྟེ་དེ་དག་ལ་གདོང་ལེན་གནང་གནད་ཡིན་པར་མ་ཟད་རྒྱ་ནག་དམར་པོའི་གཞུང་དེ་མགོ་རྟིང་སློག་དུས་རན་པར་འགྲེལ་བརྗོད་གནང་ཡོད།

ཉན་པ།: Listen ཕབ་ལེན། Download ཐུགས་དམ་སྐོར་གླེང་མོལ། Sunday 25/10/2020 Art and Culture of Tibet : ‘Thukdam’

ཉན་པ།: Listen ཕབ་ལེན། Download ཕྱི་ལོ་ ༢༠༢༡ ལོའི་སྲིད་སྐྱོང་གི་འོས་མི། བཀྲ་ཤིས་དབང་འདུས་ལགས་དང་ཁོང་གི་མ་འོངས་འཆར་གཞི་དང་ལས་འཆར་སྐོར་གླེང་བ། Saturday 24/10/2020 My Sikyong: Tashi Wangdu and his Manifesto