Monthly Archives: November, 2020

རྒྱ་གར་རྒྱལ་ཡོངས་ཀྱི་བོད་དོན་རྒྱབ་སྐྱོར་ཚོགས་པ་དང་རྒྱ་གར་བྱང་ཤར་གྱི་མངའ་སྡེ་ཨ་རུ་ཅལ་ནང་གི་འཕགས་བོད་འབྲེལ་མཐུད་ཡན་ལག་ཚོགས་པ་གཉིས་ཀྱི་གོ་སྒྲིག་འོག  གཟའ་འཁོར་སྔོན་མའི་ནང་བྱང་ཤར་ཁུལ་གྱི་ས་གནས་འདྲ་མིན་ཁག་ཅིག་ཏུ་རྔམ་སྟོན་ཁྲོམ་སྐོར་དང་གསར་འགོད་གསལ་བསྒྲགས་སོགས་བརྒྱུད་ནས་འཕགས་བོད་གཉིས་ཀྱི་ལོ་རྒྱུས་རང་བཞིན་གྱི་ཞི་བདེའི་འབྲེལ་ལམ་གསལ་སྟོན་དང་།  དེ་བཞིན་རྒྱ་ནག་གིས་བོད་ས་བཙན་བཟུང་བྱས་པ་དང་། གཞན་ཡང་དེང་སྐབས་འཕགས་བོད་མཐའ་མཚམས་ཁྲོད་ཀྱི་རྒྱ་དཀར་ནག་གི་གདོང་ཐུག་གི་གནད་དོན་ལ་ངོ་རྒོལ་གནང་བ་མ་ཟད། ཕྱི་ཚེས་༢༠ ཉིན་མོན་རྟ་དབང་ཁུལ་དུ་རྒྱ་ནག་ལ་རྒོལ་རྡུང་གི་ཞི་བའི་གོམས་བགྲོད་ཀྱི་ལས་འགུལ་ཞིག་ཀྱང་སྤེལ་འདུག

རྒྱལ་ཚོགས་ཀྱི་མི་རིགས་དབྱེ་འབྱེད་འགོག་ཐབས་ཁྱད་ལས་ཚོགས་ཆུང་གིས་རྒྱ་ནག་གཞུང་གིས་རྒྱལ་ཚོགས་ལ་ཕུལ་བའི་ལན་འདེབས་སྙན་ཐོ་དེ་རྒྱལ་ཚོགས་ཀྱི་ཁྲིམས་སྒྲིག་འབྲུ་དོན་ལྟར་འདོད་བློ་ཁེངས་པ་ཞིག་བྱུང་མི་འདུག་ཅེས་བརྗོད་འདུགཕྱི་ལོ་ ༢༠༡༨ ལོར་རྒྱལ་ཚོགས་མི་རིགས་དབྱེ་འབྱེད་འགོག་ཐབས་ཚོགས་ཆུང་ནས་རྒྱལ་ཚོགས་ཀྱི་ཁྲིམས་སྒྲིག་འབྲུ་དོན་གཞི་བཟུང་རྒྱ་ནག་ནང་གི་མི་རིགས་དབྱེ་འབྱེད་ཀྱི་གནས་བབ་དང་འབྲེལ་བའི་དུས་བཀག་བསྐྱར་ཞིབ་གནང་ཡོད་ཅིང་། སྐབས་དེར་རྒྱ་ནག་གཞུང་གིས་གོང་གསལ་འབྲེལ་ཡོད་ཚོགས་ཆུང་ནས་དུས་བཀག་བསྐྱར་ཞིབ་དང་འབྲེལ་རྒྱ་ནག་ལ་སྤྲད་པའི་བསམ་འཆར་ལྟར་རྒྱལ་ཚོགས་ཀྱི་ཚོགས་ཆུང་ལ་ལན་འདེབས་སྙན་ཐོ་ཞིག་ཕུལ་ཡོད་པ་རེད། འདི་ལོའི་ཕྱི་ཟླ་ ༨ ནང་མི་རིགས་དབྱེ་འབྱེད་འགོག་ཐབས་ཚོགས་ཆུང་གི་ཚོགས་ཐེངས་ ༡༠༡ ཐོག་རྒྱ་ནག་གཞུང་གིས་རྒྱལ་ཚོགས་ཀྱི་གོང་གསལ་ཚོགས་ཆུང་ལ་སྤྲད་པའི་མཇུག་སྐྱོང་ལན་འདེབས་སྙན་ཐོར་བསྐྱར་ཞིབ་གནང་བའི་སྙན་ཐོ་ཞིག་ཟླ་ ༡༡ ཚེས་ ༢༤ ཉིན་ཡོངས་གྲགས་གནང་ཡོད་པ་དང་། རྒྱ་ནག་གཞུང་གིས་རྒྱལ་ཚོགས་ལ་ཕུལ་བའི་ལན་འདེབས་སྙན་ཐོ་དེ་རྒྱལ་ཚོགས་ཀྱི་མི་རིགས་དབྱེ་འབྱེད་འགོག་ཐབས་ཀྱི་ཁྲིམས་སྒྲིག་འབྲུ་དོན་གཞི་བཟུང་འདོད་བློ་ཁེངས་པ་བྱུང་མི་འདུག་ཅེས་བརྗོད་འདུག་པ་མ་ཟད། རྒྱ་གཞུང་ནས་སྙན་ཐོ་ཞིག་བསྐྱར་དུ་རྒྱལ་ཚོགས་ཀྱི་ཚོགས་ཆུང་ལ་རིང་མིན་ ༢༠༢༣ ཟླ་ ༡ པོའི་ནང་ཚུད་ལ་ཕུལ་ཟིན་དགོས་སྐོར་བརྗོད་འདུག ད་ལན་རྒྱལ་ཚོགས་ཀྱི་ཚོགས་ཆུང་ནས་རྒྱ་ནག་ལ་དུས་བཀག་སྐྱར་ཞིབ་ལན་འདེབས་མཇུག་སྐྱོང་སྙན་ཐོར་དཔྱད་ཞིབ་གནང་སྟེ་སྤེལ་བའི་སྙན་ཐོ་དེའི་ནང་བོད་དོན་དང་འབྲེལ་བའི་ཚན་པར་རྒྱ་ཚོགས་ཀྱི་འབྲེལ་ཡོད་ཚོགས་ཆུང་གི་ངོས་ནས་རྒྱ་ནག་གཞུང་གིས་བོད་ནང་དུ་སྐད་གཉིས་སློབ་གསོ་སྲིད་བྱུས་ལག་བསྟར་བརྒྱུད་དེ་བོད་ཁུལ་གྱི་གཞི་རིམ་སློབ་གྲྭ་ཁག་ཏུ་བོད་ཀྱི་སྐད་ཡིག་ཚབ་ཏུ་རྒྱ་སྐད་གཙོ་བོར་འཛིན་པའི་སློབ་གསོ་སྤྲོད་བཞིན་པའི་གནད་དོན་དང་། རྒྱ་ནག་གཞུང་གིས་སྐད་ཡིག་རང་དབང་སྲུང་སྐྱོབ་ལས་འགུལ་བར་དྲག་གནོན་བྱེད་བཞིན་པའི་གནད་དོན་ཐོག་སེམས་འཚབ་ཀྱི་རྣམ་པ་བསྟན་པ་དང་འབྲེལ། རྒྱ་ནག་གཞུང་ནས་དམ་དྲག་དང་འཇིགས་སྐུལ་གང་ཡང་མེད་པར་མང་ཚོགས་ལ་ཤེས་ཡོན་སློབ་གསོའི་སྐོར་གླེང་སློང་གནང་རྒྱུའི་རང་དབང་སྤྲོད་དགོས་པར་མ་ཟད། སློབ་གྲྭ་ཁག་ཏུ་ཕ་སྐད་གཙོ་འཛིན་གྱི་སློབ་ཁྲིད་དང་འདང་ངེས་བཞིན་པའི་སློབ་གསོའི་ཆ་རྐྱེན་བསྐྲུན་དགོས་པར་ནན་བརྗོད་གནང་འདུག རྒྱལ་ཚོགས་དུས་སུ་དེ་འབྲེལ་ཐོག་བོད་དོན་ཞུ་གཏུག་གནང་མཁན་འབྲེལ་ཡོད་སུད་སི་སྐུ་ཚབ་དོན་གཅོད་འཆི་མེད་རིག་འཛིན་ལགས་ཀྱིས་ང་ཚོའི་ངོས་ནས་ད་བར་རྒྱལ་ཚོགས་སུ་བོད་ནང་གི་འགྲོ་བ་མིའི་ཐོབ་ཐང་དང་འབྲེལ་བའི་གནད་དོན་འདྲ་མིན་ཞུ་གཏུག་གནང་མུས་ཁྲོད་འདིར་ད་ལན་རྒྱལ་ཚོགས་ཀྱི་འབྲེལ་ཡོད་ཚོགས་ཆུང་གི་སྙན་ཐོར་བོད་ནང་གི་སྐད་ཡིག་རང་དབང་གི་གནས་བབ་གསལ་སྟོན་གནང་བ་དེས་བོད་དོན་ཞུ་གཏུག་གི་ལས་དོན་ལ་གྲུབ་འབྲས་ སོན་རྒྱུ་ཡོད་པ་མངོན་སྟབས་མ་འོངས་པར་མུ་མཐུད་འབད་རྩོན་ཞུ་དགོས་གལ་ཡིན་པ་གསུངས་ཡོད། གཞན་ཡང་སྙན་ཐོར་རྒྱ་ནག་གཞུང་ནས་ཁུལ་དེའི་ནང་གི་གྲངས་ཉུང་མི་རིགས་ཀྱི་ཕྱི་སྐྱོད་རང་དབང་ལ་དོ་དམ་སྟངས་འཛིན་བྱ་སྤྱོད་མཚམས་འཇོག་དགོས་པར་ནན་སྐུལ་གནང་འདུག་པར་མ་ཟད། ཉེ་སྔོན་རྒྱ་ནག་གཞུང་གི་གཞུང་འབྲེལ་མིན་པའི་ཚོགས་པ་དང་འབྲེལ་བའི་ཁྲིམས་སྒྲིག་གཏན་འབེབས་འོག་ཕྱི་ནང་གི་གཞུང་འབྲེལ་མིན་པའི་ཚོགས་པ་མང་དག་ཅིག་སྒོ་རྒྱབ་བཅུག་པ་དང་འབྲེལ་ཡོད་མི་སྣ་གར་སོང་ཆ་མེད་བཏང་བ། བཙོན་འཇུག་དོ་དམ་བྱས་པའི་ གནད་དོན་ལུང་འདྲེན་གྱིས་ད་ལྟའི་རྒྱ་ནག་ནང་ཕྱིའི་རྒྱལ་ཁབ་ཀྱི་རང་དབང་ཅན་གྱི་གཞུང་འབྲེལ་མིན་པའི་ཚོགས་པ་ག་ཚོད་ཡོད་མེད་དང་། དེ་དག་གི་ལས་དོན་གནང་ཕྱོགས་བཅས་པ་ཞིབ་བཀོད་མཇུག་སྐྱོང་གི་སྙན་ཐོ་རྒྱལ་ཚོགས་ལ་ཕུལ་དགོས་པའི་སྐུལ་འདེད་ཀྱང་གནང་འདུག རྩ་བའི་ཕྱི་ལོ་ ༢༠༡༨ ལོར་རྒྱལ་ཚོགས་ཀྱི་མི་རིགས་ཀྱི་དབྱེ་འགོག་ཐབས་ཚོགས་ཆུང་གཙོས་པའི་རྒྱལ་ཚོགས་ཀྱི་ཁྱད་ལས་ཚོགས་ཆུང་བཞི་མཉམ་འབྲེལ་གྱིས་རྒྱ་ནག་གཞུང་གིས་བོད་ནང་གི་བོད་མི་ཚོར་ཕྱི་སྐྱོད་ལག་འཁྱེར་སྤྲོད་རྒྱུར་འགོག་རྐྱེན་བཟོས་པ་ཐེར་འདོན་གནང་ཡོད་པ་དང་། སུད་སི་སྐུ་ཚབ་དོན་གཅོད་ཁང་གིས་རྒྱ་ནག་གཞུང་ནས་མི་རིགས་དབྱེ་འབྱེད་འགོག་ཐབས་དང་འབྲེལ་བའི་རྒྱལ་ཚོགས་ཀྱི་ཁྲིམས་སྒྲིག་འབྲུ་དོན་གཞི་བཟུང་དོན་འཁྱོལ་ལག་བསྟར་བྱེད་ཀྱི་མེད་པའི་སྙན་ཐོ་འདི་བཞིན་འབྲེལ་ཡོད་ཚོགས་ཆུང་ལ་ཕུལ་ཡོད་པ་རེད།

གཟའ་འཁོར་འདིའི་ནང་བཙན་བྱོལ་བོད་མིའི་འདུ་སྡོད་ཁྲོད་ཏོག་དབྱིབས་གཉན་རིམས་ཕོག་པ་བོད་མི་ ༤༤ དང་ ༢ འདས་གྲོངས་སུ་གྱུར་འདུགཁ་སང་བོད་མིའི་སྒྲིག་འཛུགས་ཀྱི་ཏོག་དབྱིབས་གཉན་རིམས་སྔོན་འགོག་ལས་དོན་ཚོགས་ཆུང་གི་གསར་འགོད་གསལ་བསྒྲགས་ཐེངས་ ༣༦ སྤེལ་སྐབས་ཚོགས་ཆུང་གི་གསར་འགོད་འབྲེལ་མཐུད་པ་སྨན་པ་ཚེ་རིང་མཚམས་གཅོད་ལགས་ཀྱིས་གཟའ་འཁོར་འདིའི་ནང་རྒྱ་གར་དང་བལ་ཡུལ་གཉིས་ཀྱི་བོད་མིའི་འདུ་སྡོད་ས་ཁུལ་ཁག་ཏུ་བོད་མི་ ༤༤ ལ་ཏོག་དབྱིབས་གཉན་རིམས་ཕོག་ཡོད་པ་དང་དེའི་ཁོངས་ནས་རྒྱ་གར་ནས་བོད་མི་ ༣༦ དང་བལ་ཡུལ་ཁུལ་ནས་ ༨ བཅས་ལ་གཉན་རིམས་དེ་ཕོག་ཡོད་པར་མ་ཟད། དེའི་ཁྲོད་ནས་ལོ་ན་རྒན་ཤོས་དེ་ ༨༧ དང་ལོ་ན་ཆུང་ཤོས་དེ་ ༧ བཅས་ཆགས་ཀྱི་འདུག་པ་དང་། ནད་ཡམས་དེའི་རྐྱེན་གྱིས་ལྷོ་ཕྱོགས་སྦེལ་ཀོབ་ནས་སྐྱེས་པ་རང་ལོ་ ༣༡ དང་ལ་དྭགས་ནས་སྐྱེས་མ་རང་ལོ་ ༦༧ སོན་པ་བཅས་བོད་མི་གཉིས་འདས་གྲོངས་སུ་གྱུར་འདུག གསར་འགོད་ལྷན་ཚོགས་ཐོག་སྨན་པ་ཚེ་རིང་མཚམས་གཅོད་ལགས་ཀྱིས་ད་ལྟའི་ཆར་རྒྱ་གར་ནང་ལ་ནད་མནར་དང་འདས་གྲོངས་སུ་གྱུར་བའི་གྲངས་འབོར་དེ་ཉིན་རེ་བཞིན་ཇེ་མང་དུ་འགྲོ་མུས་ལ་བརྟེན་བོད་མི་མང་ཚོགས་ཀྱི་ངོས་ནས་སྔོན་འགོག་སོགས་ཀྱི་གནང་སྒོ་ཁག་ལ་ཐུགས་སྣང་དང་ལྷག་དོན་བླ་གཉན་ནད་རིགས་ཡོད་པ་དང་ལོ་ན་བགྲེས་པ་ཚོར་སྡང་བ་ཡོད་སྟབས་ཐུགས་གཟབ་གནང་དགོས་སྐོར་ལམ་སྟོན་གནང་ཡོད་པར་མ་ཟད།དེ་བཞིན་བདེ་ལེགས་སྨན་ཁང་གི་སྨན་པ་བསྟན་འཛིན་བརྩོན་འགྲུས་ལགས་ཀྱིས་ད་ལྟའི་ཆར་ཧི་མཱ་ཅལ་མངའ་སྡེའི་ཁུལ་དུ་ཏོག་དབྱིབས་གཉན་རིམས་ཕོག་མཁན་གྱི་གྲངས་འབོར་དེ་ཚད་མཐོ་པོར་བསླེབས་ཡོད་པ་དང་། དེང་ཆར་གནམ་གཤིས་གྲང་ངར་ཆེ་རྐྱེན་ཁ་བ་འབབ་ཀྱི་ཡོད་སྟབས་ཡུལ་སྐོར་སྤྲོ་འཆམ་པ་མི་ཉུང་བ་ཞིག་ཁ་བ་ལྟ་བར་ཡོང་གི་ཡོད་པས་བཞུགས་སྒར་དུ་གནས་འཁོད་བོད་མི་མང་ཚོགས་ཀྱིས་ཡིད་གཟབ་དགོས་ཞེས་གཞེན་སྐུལ་ནན་པོ་གནང་སོང་།དེའི་བར་ན། ཁ་སང་ཕྱི་ཚེས་ ༢༦ ཉིན་བོད་མིའི་སྒྲིག་འཛུགས་བཀའ་ཤག་གིས་རྒྱ་གར་དབུས་གཞུང་དང་ཧི་མཱ་ཅལ་མངའ་སྡེའི་ནང་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་ ༡༩ ཕོག་མཁན་གྱི་གྲངས་འབོར་ཇེ་མང་འགྲོ་བཞིན་པ་དང་། དྷ་ས་བཞུགས་སྒར་དུའང་ཡུལ་སྐོར་སྤྲོ་འཆམ་ཡོང་མཁན་ཡོད་ཁོངས་ Truind རི་རྩེ་དང་བྷག་སུ། མེག་གྷན་བཅས་སུ་སྤྲོ་འཆམ་ཡོང་མཁན་མི་ཉུང་བ་ཡོད་པ་ས་ཆ་དེ་དག་ནས་ནད་གཞི་འགོ་ཉེན་ཆེན་པོ་ཡོད་སྟབས་སྔོན་འགོག་དང་འབྲེལ་བའི་རྩ་འཛིན་ལག་བསྟར་དགོས་པའི་དོན་ཚན་ ༡༢ ཅན་ཡོད་པའི་བཀོད་ཁྱབ་ཅིག་གནང་འདུག་པ་དང་། དེའི་ནང་གཙོ་བོ་ཟླ་བ་འདིའི་ཚེས་ ༡༧ ནས་ ༢༠ བར་སྲི་ཞུ་བ་རྣམས་ལས་བཅར་མ་དགོས་པའི་སྐོར་ངག་ཐོག་རྩ་འཛིན་ཁུངས་ཁྱབ་སོང་དོན་ལྟར་སླད་མར་ཛ་དྲག་གནས་སྟངས་ལ་གཞིགས་ནས་འཕྲོད་ལས་ནས་ལམ་སྟོན་ཁུངས་ཁྱབ་དེ་དག་རྩ་འཛིན་ལག་བསྟར་ཞུ་དགོས་པ་དང་། ཕྱི་ཟླ་ ༡༢ ཚེས་ ༡ རེས་གཟའ་མིག་དམར་ནས་ཟླ་བ་གཅིག་རིང་ལས་ཁུངས་སོ་སོའི་སྲི་ཞུ་གྲངས་འབོར་གྱི་བརྒྱ་ཆ་ ༥༠ རེ་རེས་མོས་གནང་སྟེ་ལས་བཅར་ཞུ་དགོས་པར་མ་ཟད། ལས་ཁུངས་ཁག་གི་འོག་ལས་ཡོངས་ལ་མདུན་རེའི་ནང་རེས་གཟའ་པ་སངས་ནམ་ཡིན་ལ་ནམ་ཡམས་དང་འབྲེལ་བའི་དཔྱད་བསྡུར་གནང་དགོས་པ། དེ་བཞིན་འབྱུར་འགྱུར་ཡང་རྒྱ་གར་མངའ་གཞུང་གི་ལམ་སྟོན་བཀོད་ཁྱབ་ཇི་ཐོན་སྐབས་བསྟུན་ལམ་སྟོན་གསལ་ཆ་ཡོང་ངེས་ཡིན་པ་སོགས་དོན་གནད་བཅིུས་ཅན་གྱི་བཀའ་ཁྱབ་བསྒྲགས་འདུགགཞི་རྩའི་རྒྱ་བལ་གཉིས་སུ་ཆགས་པའི་བཙན་བྱོལ་བོད་མིའི་སྤྱི་ཚོགས་ཁྲོད་ད་བར་བོད་མི་ཁྱོན་ ༡༢༧༤ ལ་ Covid-19 འམ་ཏོག་དབྱིབས་གཉན་རིམས་ཕོག་དེ་ཡོད་པ་དང་དེའི་ཁོངས་ནས་དྲག་སྐྱེད་བྱུང་བ་ ༡༠༨༥ དང་ ༣༡ འདས་གྲོངས། དེ་བཞིན་ད་ལྟའི་ཆར་ནད་ཀྱིས་མནར་བཞིན་པ་ ༡༥༨ ཆགས་ཡོད་པ་རེད།ཉེ་ཆར་ཧི་མཱ་ཅལ་མངའ་སྡེ་གཞུང་གིས་མངའ་སྡེའི་རྒྱལ་ས་སིམ་ལ་གཙོས་པའི་ཀངྒ་ར་དང་ཀུ་ལུ། མན་ཌི་བཅས་རྫོང་ཁག་བཞིའི་ནང་གནས་སྡོད་བྱེད་བཞིན་པའི་མང་ཚོགས་རྣམས་ལ་ཟླ་བ་འདིའི་ཚེས་ ༢༣ ཉིན་ནས་དབུ་འཛུགས་ཀྱིས་ཕྱི་ཟླ་ ༡༢ ཕྱི་ཚེས་ ༡༥ བར་ཕྱི་དྲོ་ཚོུད་ ༨ ནས་ ༦ པ་བར་ཐེམ་སྤང་བཀའ་རྒྱ་ Curfew ཡིན་པ་དང་དེ་བཞིན་ཁ་རས་ངེས་པར་དུ་གྱོན་དགོས་པ་དང་ཁ་རས་མ་གྱོན་ཚེ་ཧིན་སྒོར་ ༡༠༠༠ ཉེས་ཆད་འགེལ་རྒྱུ་ཡིན་པའི་ལམ་སྟོན་བཀོད་ཁྱབ་གནང་ཡོད་པ་རེད། སླར་ཡང་ཧི་མཱ་ཅལ་མངའ་སྡེའི་ཉེན་རྟོག་སྤྱི་ཁྱབ་པའི་དམིགས་བསལ་དབང་ཚད་ཐོག་ནས་ཅི་སྟེ་ཁ་རས་མ་གྱོན་པའི་རིགས་འབྱུང་ཚེ་ཧིན་སྒོར་ ༥༠༠༠ ཉེས་ཆད་འགེལ་རྒྱུ་དང་ཡང་ན་ཧིན་སྒོར་ ༥༠༠༠ དང་ཉིན་གྲངས་ ༨ རིང་བཙོན་འཇུག་གནང་རྒྱུའི་ཉེས་ཆད་འགེལ་རྒྱུའི་བཀོད་ཁྱབ་གནང་འདུག

ཉན་པ།: Listen ཕབ་ལེན། Download བོད་ཕྱི་ནང་གཉིས་ཀྱི་ཕོ་མོ་དབྱེ་འབྱེད་ཀྱི་རྩུབ་སྤྱོད་དང་འབྲེལ་བའི་དཔྱད་གླེང་། སེ་ར་བླ་སྤྱིས་དགེ་འདུན་པ་སུས་ཀྱང་དྲྭ་ལམ་བརྒྱུད་ཆབ་སྲིད་དང་འབྲེལ་བའི་ཕྱོགས་རིས་ཀྱི་བྱ་སྤྱོད་སྤེལ་མི་ཆོག་པའི་གྲོས་ཆོད། བོད་མིའི་གཞིས་སྒར་གྱི་ངལ་སེལ་དང་འབྲེལ་ས་གནས་ཀྱི་གནད་ཡོད་མི་སྣའི་ལྷན་ཚོགས་ཆེས་ཐོག་མ། རྒྱ་གར་གཞུང་གིས་འཕགས་བོད་ཀྱི་འབྲེལ་ལམ་ཐོག་ནས་རྒྱ་ནག་ལ་གདོང་ལེན་གནང་དགོས། འཕྲོད་བསྟེན་ལས་རིམ། ཏོག་དབྱིབས་གཉན་རིམས་ཀྱི་སྔོན་ཁབ། Thursday 26/11/2020 Gender based violence in Tibetan community: webinar panel discussion Sera Lachi urges monks to refrain from engaging in online partisan politics Leh government holds first meeting on welfare of local Tibetans Use Tibet links, counter China in the Himalayas: Claude Arpi HEALTH and WELLNESS: Dr. Sonam Topgyal Nyatsatsang on Covid-19 vaccine

ཁ་སང་ཕྱི་ཟླ་ ༡༡ པའི་ཚེས་༢༥ ཉིན་ནི་མཉམ་འབྲེལ་རྒྱལ་ཚོགས་ཀྱིས་བུད་མེད་ལ་རྩུབ་སྤྱོག་རིགས་འགོག་ཐུབ་ཀྱི་ཉིན་མོར་གཏན་འབེབས་ཀྱིས་སྲུང་བརྩི་ཞུ་བཞིན་ཡོད་པ་ལྟར། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་གོ་སྒྲིག་གི་འོག   བོད་ཕྱི་ནང་གཉིས་ཀྱི་སྤྱི་ཚོགས་ཁྲོད་ཀྱི་ཕོ་མོ་དབྱེ་འབྱེད་དང་འབྲེལ་བའི་དྲྭ་ཐོག་གི་དཔྱད་གླེང་ཞིག་གོ་སྒྲིག་ཞུས་འདུག

ཁ་སང་ཚེས་ ༢༥ ཉིན་སེ་ར་ཐེན་ཆེན་བླ་སྤྱིས་ཉེ་ཆར་ཕྱི་ཟླ་ ༩ པའི་ནང་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གཞུང་འཛིན་ལྷན་ཚོགས་ཀྱི་དམིགས་བསལ་ཚོགས་འདུ་ཞིག་ཚོགས་ཏེ་རི་བོ་དགེ་ལྡན་པའི་ཆོས་སྡེ་སྤྱི་ལ་ཁྱབ་པའི་ཕྱི་ལོ་ ༢༠༢༡ ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྐབས་ ༡༧ པའི་བོད་མི་མང་སྤྱི་འཐུས་གཉིས་ཀྱི་འོས་བསྡུ་ཆེན་མོའི་ལས་རིམ་དང་འབྲེལ་འབྲོག་རི་བོ་དགེ་ལྡན་པའི་གདན་ས་དང་བཤད་གྲྭ་ཁག་གི་ཁོར་ཡུག་ནང་དུ་འོས་བསྡུའི་དྲིལ་བསྒྲགས་རིགས་གང་ཡང་གནང་མི་ཆོག་པའི་ལམ་སྟོན་དོན་ཚན་དགུ་ཅན་ཞིག་གཏན་འབེབས་གནང་ཡོད་པ་ལྟར། ལམ་སྟོན་གྱི་དོན་གནད་ཁག་དགོན་སྡེ་སོའི་ནང་དུ་དངོས་སུ་ཕྱག་བསྟར་ཁེལ་ཐབས་སུ་ཆེད་དམིགས་དགེ་འདུན་པ་སུས་ཀྱང་སྤྱི་ཚོགས་དྲྭ་ལམ་བརྒྱུད་ཆགས་སྡང་ཕྱོགས་རིས་དང་འབྲེལ་བའི་ཆབ་སྲིད་ཀྱི་བྱ་སྤྱོད་སྤེལ་མི་ཆོག་པའི་བཀོད་ཁྱབ་གནང་འདུགཁ་སང་ཕྱི་ཚེས་ ༢༥ ཉིན་གདན་ས་ཆེན་པོ་སེ་ར་ཐེག་ཆེན་གླིང་གི་ཚོགས་ཆེན་འདུ་ཁང་ཆེན་མོར་ཟླ་བ་སྔོན་མའི་ཚེས་ ༧ ཉིན་གདན་ས་དེའི་གྲྭ་ཚང་གཉིས་ཀྱི་༸སྐྱབས་རྗེ་མཁན་རིན་པོ་ཆེ་རྣམ་གཉིས་ཀྱིས་དབུས་པའི་ཁྲིམས་བདག་ཚོགས་ཆེན་ཞལ་ངོ་རྣམ་གཉིས། ཚོགས་ཆེན་དབུ་མཛད་ཆེན་མོ་དང་སེར་སྨད་དབུ་མཛད། སེ་ར་བླ་སྤྱིའི་ཕྱག་མཛོད། གྲྭ་ཚང་བྱེས་སྨད་ཀྱི་ཕྱག་མཛོད། འཕྲོད་བསྟེན་འགན་འཛིན་བཅས་ལྷན་ཞུགས་ཀྱིས་ཉེ་ཆར་ཕྱི་ཟླ་ ༩ ཚེས་ ༤ ཉིན་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གཞུང་འཛིན་ལྷན་ཚོགས་ཀྱི་དམིགས་བསལ་ཚོགས་འདུ་ཞིག་ཚོགས་ཏེ་རི་བོ་དགེ་ལྡན་པའི་ཆོས་སྡེ་སྤྱི་ལ་ཁྱབ་པའི་བཅའ་ཡིག་ཆེན་མོའི་དོན་ཚན་བཅོ་ལྔ་པ་ཀུན་སྤྱོད་སྐོར་གྱི་ནང་གསེས་བཅོ་ལྔའི་ནང་ལ་གཞུང་འབྲེལ་གྱི་ཆབ་སྲིད་དང་རིག་གཞུང་སོགས་ཀྱི་ལས་འགུལ་མ་ཡིན་པའི་ཚོགས་སྡེ་གཞན་གྱི་ལས་འགུལ་གང་ཡིན་ཡང་། གདན་སའི་སློབ་གཉེར་བ་རྣམས་མཉམ་ཞུགས་གནང་མི་ཆོག་ཅེས་གསལ་བའི་དགོས་འདུན་ལམ་སྟོན་དོན་ཚན་དགུ་ཅན་ཞིག་གཏན་འབེབས་གནང་དོན་ལྟར། གདན་སའི་ལས་ཀྱི་སྣེ་མོ་ཡོངས་ནས་མཁྱེན་རྟོགས་ཡོང་ཐབས་དང་དངོས་གཞི་ཕྱག་བསྟར་གནང་ཕྱོགས། དེ་བཞིན་དགེ་འདུན་འདུ་མང་ཚོར་གོ་རྟོགས་གསལ་སྤེལ་སོགས་ལ་ཆེད་དམིགས་ཀྱིས་བཀོད་ཁྱབ་གྲོས་ཆོད་དོན་ཚན་དྲུག་ཅན་ཞིག་སྤེལ་འདུག ཐེངས་འདིའི་ལམ་སྟོན་གྱི་གྲོས་ཆོད་ཁག་ནི་གདན་སའི་དགེ་འདུན་པ་སྤྱི་ཚོགས་ནང་འོས་འཕེན་རྒྱུའི་ཐོབ་ཐང་ཡོད་མཁན་ཚང་མས་མང་གཙོའི་ལམ་སྲོལ་ནང་རིན་ཐང་དང་གལ་ཆེ་བའི་སོ་སོའི་འགོ་ཁྲིད་འོས་འདེམ་གནང་རྒྱུའི་ཐོབ་ཐང་ཡོད་པ་ལྟར། ཆགས་སྡང་ཕྱོགས་རིགས་དང་འཐེན་འཁྱེར་སོགས་ཀྱི་གཞན་དབང་དུ་མ་སོང་བར་འཕྲལ་ཕུགས་རྒྱང་གསུམ་ལ་སྨན་པའི་འོས་འཕེན་དགོས་པ་དང། གཞུང་འབྲེལ་དང་ཤེས་ཡོན། འཕྲོད་བསྟེན་བཅས་ཀྱི་ལས་འགུལ་སྤེལ་སྐབས་ལས་གཞན་ཚོགས་སྡེ་དང་སྒེར། ཆབ་སྲིད་སོགས་ཀྱི་ལས་གཞི་སྤེལ་ཕྱིར་གདན་སའི་བླ་སྤྱི་དང་གྲྭ་ཚང་གཉིས། ཁང་ཚན། མི་ཚན། དགེ་འདུན་པ་སྒེར་སུས་ཀྱང་གདན་སར་ཁྱབ་བསྒྲགས་དང་སྦྱར་ཡིག ཕྲེད་དར་སོགས་གང་ཡང་སྤྱོད་མི་ཆོག་པར་མ་ཟད། དེ་ལྟར་གནང་རིགས་འབྱུང་ཚེ་འདྲི་རྩད་ཉེས་ཆད་གཅོད་སྲིད་སྐོར་དང་། དེ་བཞིན་གཞུང་འབྲེལ་དང་ཤེས་ཡོན། འཕྲོད་བསྟེན་བཅས་ཀྱི་ལས་འགུལ་སྤེལ་སྐབས་ལས་གཞན་ཚོགས་སྡེ་དང་སྒེར། ཆབ་སྲིད་སོགས་ཀྱི་ལས་འགུལ་ནང་ཞུགས་མཁན་ཚོར་བླ་སྤྱི་དང་གྲྭ་ཚང་གཉིས། ཁང་ཚན། སྒེར་སོགས་ཀྱི་ཁང་པ་དང་སྤྱོད་མི་ཆོག་པར་མ་ཟད། དངུལ་སོགས་ཀྱི་མཐུན་འགྱུར་གནང་མི་ཆོག་པ་དང་འདི་བཞིན་དེ་དག་ལས་བླ་སྤྱི་དང་གྲྭ་ཚང་། ཁང་ཚན། གྲྭ་པ་སྒེར་སུས་ཀྱང་ལྐོག་ངན་ལེན་མི་ཆོག་པ། ལྷག་དོན་གཞུང་འབྲེལ་དང་ཤེས་ཡོན། འཕྲོད་བསྟེན་བཅས་ཀྱི་ལས་འགུལ་སྤེལ་སྐབས་ལས་གཞན་ཚོགས་སྡེ་དང་སྒེར། ཆབ་སྲིད་སོགས་ཀྱི་ལས་འགུལ་སྤེལ་སྐབས་མང་ཇ་དང་གྲྭ་ཇ། ཆོས་ར། སློབ་གྲྭ་སོགས་གནང་སྒོ་ཁག་ཕྱིར་བཤོལ་གནང་མི་ཆོག་པ་དང་། ཆབ་སྲིད་དང་འབྲེལ་ནས་ཆགས་སྡང་ཕྱོགས་རིས་འཐེན་འཁྱེར་གྱི་གཏམ་བཤད་རིགས་གནང་མི་ཆོག་པ། དགེ་འདུན་པ་སུས་ཀྱང་དེང་དུས་ཀྱི་སྤྱི་ཚོགས་བརྒྱུད་ལམ་དྲྭ་རྒྱ་དང་སྐད་འཕྲིན་སོགས་སྤྱོད་ནས་ཆགས་སྡང་ཕྱོགས་རིས་དང་འབྲེལ་བའི་ཆབ་སྲིད་ཀྱི་ཚོགས་ཁག་གིས་འཛིན་སྐྱོང་གནང་སྟངས་བཅས་ཀྱི་སྐོར་ལ་གཏམ་གླེང་དང་ཡི་གེ་སྤེལ་བ་ལ་སོགས་པའི་བྱ་སྤྱོད་སྤེལ་མི་ཆོག་པ་བཀོད་འདུགབོད་གཞིས་བྱེས་གཉིས་ཀྱི་སྐུ་ཚབ་མཚོན་པའི་སྤྱི་འཐུས་རྣམ་པ་དང་། ཆོས་བརྒྱུད་ཁག་གི་སྐུ་ཚབ་ཕེབས་རྒྱུ་གོ་སྐབས་ལྡན་དོན་ལྟར་དེའི་ནང་དགེ་ལུགས་ཆོས་བརྒྱུད་ཀྱི་སྤྱི་འཐུས་ཀྱི་འོས་མིར་ཞུགས་མཁན་དང་འོས་འདེམས་ཐོབ་ནས་སྤྱི་འཐུས་ཀྱི་མཚན་གནས་དང་ལས་གནས་བཞེས་སྐབས་སྟོན་པ་ཐུབ་པའི་དབང་པོའི་རྗེས་འཇུག་དང་༸གོང་༸སྐྱབས་མགོན་ཆེན་པོ་མཆོག་གི་བཀའ་དགོངས་དང་མཐུན་པ་དང་ཁྱད་པར་དུ་༸རྗེ་བླ་མ་ཙོང་པ་ཆེན་པོའི་བསྟན་པའི་མཚན་ཤས་རིགས་མི་ཡོང་བར་རང་ཚུགས་བརྟན་པོ་དང་། དགེ་ལུགས་ཀྱི་སྤྱི་འཐུས་ལ་འོས་འདེམས་བྱུང་མཚམས་སུ་༸སྐྱབས་རྗེ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་དང་༸སྐྱབས་རྗེ་ཤར་བྱང་གི་ཆོས་རྗེ་རྣམ་གཉིས་སོ་སོར་མཇལ་བཅར་ཞུས་ཏེ་དགེ་ལུགས་སྤྱི་འཐུས་ཀྱི་ལས་འགན་ཇི་ཞུ་སྙན་གསོལ་དང་འབྲེལ་ནས་བླང་དོར་ལམ་སྟོན་བཀའ་སློབ་ཡང་ཡང་ངེས་པར་དུ་ཞུ་དགོས་པ་སོགས་ཀྱི་ལམ་སྟོན་དོན་ཚན་དྲུག་ཅན་གྱི་གྲོས་ཆོད་གཏན་འབེབས་གནང་འདུག  

རྒྱ་གར་བྱང་ཕྱོགས་ལ་དྭགས་ཀྱི་ཁུལ་གྱི་བསོད་ནམས་གླིང་བོད་མིའི་གཞིས་ཆགས་སུ་འཕྲད་བཞིན་པའི་དཀའ་ངལ་གྱི་གནད་དོན་ཐོག་གྲོས་ཚོགས་འཐུས་མི་འཇམ་དབྱངས་ཚེ་རིང་རྣམ་རྒྱལ་ལགས་ཀྱི་ལམ་སྟོན་འོག་ལ་དྭགས་གླེ་རྫོང་དཔོན་གྱི་ཚོགས་ཁང་དུ་ཁུལ་དེའི་གནད་ཡོད་མི་སྣ་དང་མཉམ་དུ་ལྷན་ཚོགས་ཆེས་ཐོག་མ་སྐོང་ཚོགས་གནང་དོན་ལྟར་གནད་ཡོད་མི་སྣ་དག་གིས་ངལ་བ་སེལ་ཐབས་གནང་རྒྱུར་ཞལ་བཞེས་གནང་འདུག

བོད་དོན་ཆེད་མཁས་བ་དང་རྩོམ་པ་པོ་སྐུ་ཞབས་ Claude Arpi ལགས་ཀྱིས་རྒྱ་གར་དང་བོད་གཉིས་ཀྱི་ཐུན་མོང་མ་ཡིན་པའི་འབྲེལ་བ་ཁག་ཅིག་ལུང་འདྲེན་དང་འབྲེལ་ཏེ་རྒྱ་གར་གཞུང་ནས་ཕྱོགས་གཉིས་ཀྱི་འབྲེལ་བ་དེ་དག་བརྒྱུད་ནས་རྒྱ་ནག་སྲིད་གཞུང་ལ་གདོང་ལེན་གནང་དགོས་པ་གསུངས་འདུགསྐུ་ཞབས་ Claude Arpi ལགས་ནས་རྒྱ་གར་གྱི་ Deccan Chronicle ཞེས་པའི་གསར་ཤོག་ཐོག་ Use Tibet links, counter China in the Himalayas  ཞེས་པའི་བརྗོད་གཞིའི་ཐོག་དཔྱད་གཏམ་ཞིག་འདོན་སྤེལ་གནང་འདུག་པ་དང་། དེའི་ནང་ཧི་མཱ་ལ་ཡའི་ས་ཁུལ་དེ་དག་ནི་ལོ་ངོ་སྟོང་ཕྲག་ལྷག་གི་ལོ་རྒྱུས་ཡོད་པའི་བོད་དང་རྒྱ་གར་གཉིས་ཀྱི་མི་སེར་དཔལ་ཡོན་དང་རིག་གཞུང་གྱི་དར་ཁྱབ་སོགས་ཀྱི་ཐོག་ནས་འབྲེལ་བ་ཆེན་པོ་ཡོད་པ་དང་། རིམ་བཞིན་རྒྱ་ནག་གི་འགོ་ཁྲིད་ Mao ཆགས་པ་ནས་བཟུང་བོད་ནང་ལ་བཙན་འཛུན་གྱིས་རྒྱ་གར་དང་བོད་གཉིས་ཀྱི་འབྲེལ་བ་ལ་དོ་ཕོག་བཏང་བར་མ་ཟད་ཕྱི་ལོ་ ༡༩༦༢ ལོའི་རྒྱ་གར་དང་རྒྱ་ནག་དབར་གྱི་དམག་འཁྲུག་རྗེས་སུ་ཧི་མཱ་ལ་ཡའི་རྒྱལ་ཁབ་གཉིས་ཀྱི་ཐུན་མོང་མ་ཡིན་པའི་འབྲེལ་བར་དཀའ་ངལ་ཆེན་པོ་བཟོས་ཡོད་སྐོར་གསུངས་འདུག ༡༩༥༩ ལོར་རྒྱ་ནག་གིས་བོད་བཙན་བཟུང་བྱས་པའི་རྗེས་སུ་རྒྱ་གར་ཕྱོགས་ནས་བོད་དོན་ཐོག་མངོན་གསལ་དོད་པོས་རྒྱབ་སྐྱོར་གནང་མེད་ཀྱང་། དཀའ་ངལ་དེ་དག་ཁྲོད་༸གོང་ས་མཆོག་གིས་དབུས་པའི་བོད་མི་ཚོར་སྐྱབས་བཅོལ་གྱི་ཐོབ་ཐང་ཕུལ་བ་སོགས་བརྒྱུད་དེ་ཕྱོགས་གཉིས་ཀྱི་ཐུན་མོང་གི་འབྲེལ་བ་དེ་དུས་ད་ལྟ་ཡང་གསོན་པོར་གནས་ཡོད་པ་སོགས་འགྲེལ་བརྗོད་གནང་འདུག་པ་མ་ཟད། ད་ལྟའི་རྒྱ་ནག་སྲིད་གཞུང་གིས་བརྒྱུད་གཅིག་ལམ་གཅིག་གི་སྲིད་བྱུས་སོགས་བརྒྱུད་རྒྱལ་སྤྱིའི་ཐོག་རྒྱ་ནག་རང་ཉིད་ཀྱི་དབང་ཐང་རྒྱ་སྐྱེད་དང་དེ་སྔ་བོད་དང་རྒྱ་གར་དབར་ཡོད་པའི་ས་མཚམས་ས་ཁུལ་ཁག་ཅིག་སྒོ་བརྒྱབ་པ་དང་། ཁག་ཅིག་ཏུ་བཙན་འཛུལ་གྱིས་བྱ་སྤྱོད་སོགས་སྤེལ་བཞིན་པར་གཞིགས་ཏེ་རྒྱ་གར་གཞུང་ནས་བོད་དང་རྒྱ་གར་གཉིས་ཀྱི་ཐུན་མོང་མ་ཡིན་པའི་འབྲེལ་བ་དེ་དག་གཞི་རྩར་བཞག་ཏེ། “Himalayan and Tibetan Affairs’ Policy ལམ་ཧི་མཱ་ལ་ཡ་དང་བོད་ཀྱི་ལས་དོན་ཞེས་པའི་སྲིད་བྱུས་ཤིག་གཏན་འབེབས་ཀྱིས་རྒྱ་ནག་ལ་གདོང་ལེན་གནང་དགོས་ཞེས་གསུངས་འདུགསྐུ་ཞབས་ Claude Arpi ལགས་ཀྱིས་སྲིད་བྱུས་དེའི་ནང་ལ་རྒྱ་གར་གཞུང་ནས་རང་ཉིད་ཀྱི་ཁེ་ཕན་གཙོ་བཟུང་ཐོག་རྒྱ་གར་དང་འབྲེལ་བ་བཟང་པོ་ཡོད་པའི་བོད་དང་གྲངས་ཉུང་མི་རིགས་ཀྱི་ཁེ་ཕན་ཐོག་ཤུགས་སྣོན་རྒྱག་རྒྱུ་དང་། རྒྱ་གར་ནག་གི་རྒྱ་སྐྱེད་རིང་ལུགས་ཀྱི་སྲིད་བྱུས་ལ་ངོས་ལེན་གནང་རྒྱུ་མེད་པ། དེ་བཞིན་རྒྱ་ནག་གཙོ་བོར་གྱུར་པའི་ཕྱིའི་རྒྱལ་ཁབ་ཁག་དང་གྲོས་ཆོད་བཞག་སྐབས་སུ་གྲོས་ཆོད་ཀྱི་ངོ་གདོང་ལ་མ་བལྟས་པར་དོན་དངོས་ལག་བསྟར་ཐོག་དགོངས་པ་བཞེས་དགོས་པར་མ་ཟད། ལྷག་པར་དུ་སྲིད་བྱུས་གང་འདྲ་ཞིག་གཏན་འབེབས་གནང་ཡང་གཞན་གྱི་གནོན་ཤུགས་འོག་མ་སོང་བ་ཞིག་གནང་དགོས་གལ་ཡིན་པར་གསུངས་འདུག ཁོང་གིས་དེ་སྔ་ཕྱི་ལོ་ ༢༠༡༨ ལོར་རྒྱ་གར་གཞུང་གིས་གཞུང་འབྲེལ་ལས་བྱེད་རྣམས་༸གོང་ས་མཆོག་གིས་དབུས་པའི་བོད་མིའི་འགོ་ཁྲིད་ཚོ་དང་མཇལ་འཕྲད་གནང་རྒྱུ་མེད་པའི་ལམ་སྟོན་གནང་བ་ལུང་འདྲེན་དང་སྦྲགས། རྒྱ་ནག་ཕྱོགས་ནས་དུས་ནམ་ཡིན་ལ་རང་ཉིད་ཀྱི་འདོད་པ་དང་མི་མཐུན་པའི་གནད་དོན་ཞིག་འབྱུང་ཚེ་རྒྱལ་ཁབ་སུ་ཡིན་ལ་བལྟོས་མེད་གནོན་ཤུགས་རིགས་སྤྲོད་པ་ནི་འཆར་ཅན་ལྟ་བུ་ཞིག་ཡིན་སྟབས། རྒྱ་གར་གཞུང་ནས་རྒྱ་གར་རང་ཉིད་དང་དེ་བཞིན་ཉེ་འབྲེལ་ཆེ་བའི་རྒྱལ་ཁབ་དེ་དག་གི་ཁེ་ཕན་སླད་དྲང་བདེན་ཐོག་མདུན་སྐྱོད་གནང་གལ་ཡིན་པ་དང་། སྲིད་བྱུས་འདི་ཡང་དོན་དམ་ལམ་ཐོག་ལག་བསྟར་ཡོང་ཐབས་སུ་སྲིད་བློན་མཆོག་ནས་སྟངས་འཛིན་ཡོད་པའི་རྒྱ་གར་དབུས་གཞུང་གི་ཁྱབ་ཁོངས་སུ་ཧི་མཱ་ལ་ཡ་དང་བོད་ཀྱི་གནད་དོན་ལྷན་ཁང་ཞེས་པ་ཞིག་ཆེད་འཛུགས་གནང་དགོས་པ་གསུངས་འདུག སྐུ་ཞབས་ Claude Arpi ལགས་ཀྱི་དཔྱད་གཏམ་དེའི་ནང་དུ་ཧི་མཱ་ལ་ཡ་དང་བོད་ཀྱི་གནད་དོན་ལྷན་ཁང་གི་ངོས་ནས་བོད་མི་དང་ཧི་མཱ་ལ་ཡའི་མངའ་ཁུལ་གྱི་མང་ཚོགས་རྣམ་པའི་བདེ་དོན་ལ་དམིགས་པའི་འཛུགས་སྐྲུན་གྱི་ལས་གཞི་དང་ཚོང་ལས། དེ་བཞིན་གནས་མཇལ་སོགས་ཀྱི་གོ་སྐབས་སྐྲུན་ཐུབ་ཚེ་ས་གནས་དེ་དག་གི་མི་འབོར་རང་གནས་ཐུབ་པ་ཙམ་མ་ཟད་བོད་དང་རྒྱ་གར་དབར་གྱི་ཆོས་དང་རིག་གཞུང་སོགས་ཀྱི་འབྲེལ་བ་ཁག་ཀྱང་དམ་ཟབ་གནས་ངེས་ཡིན་པ་དང་། དུས་ཚོད་དང་མཚམས་པའི་རྒྱ་ནག་གི་འཁྱོག་བཤད་དྲིལ་བསྒྲགས་ལ་གདོང་ལེན་གནང་རྒྱུའི་ཐབས་ལམ་བཟང་ཤོས་ཤིག་ཀྱང་རེད་ཅེས་གསུངས་འདུག

ཉན་པ།: Listen ཕབ་ལེན། Download ༸གོང་ས་མཆོག་གིས་ནང་ཆོས་དང་ཚན་རིག བྱམས་བརྩེ་བཅས་ཀྱི་སྐོར་ལ་བཀའ་སློབ་སྩལ་བ། རྒྱ་གཞུང་གིས་བོད་བརྒྱུད་ནང་བསྟན་ཉམས་ལེན་གནང་མཁན་རྒྱལ་ཁབ་གཞན་ཚོར་དོ་དམ། Chen Quanguo དབྱིན་ཡུལ་དུ་སྐྱོད་རྒྱུ་བཀག་སྡོམ་དགོས་པའི་ཞུ་སྐུལ། རྒྱ་གར་གྱིས་སླར་ཡང་རྒྱ་ནག་གི་མཉེན་ཆས་ ༤༣ བཀག་སྡོམ་གནང་འདུག སེམས་གུ་ཡངས་ཀྱི་གཟེངས་རྟགས་དེ་ལྕམ་སྐུ་ Nancy Pelosi མཆོག་ལ་ཕུལ། བར་དོ་ཞེས་པའི་སྐད་འཁོར་དེ་ Grammy གཟེངས་བསྟོད་བྱ་དགའི་འོས་མིར་ཚུད་འདུག Wednesday 25/11/2020 Dalai Lama speaks on Buddhism, Science and Compassion China’s claim to HHDL institution affects not just Tibet but other Buddhist countries as well: Oot Geneva UK urged to ban Chen Quanguo for atrocities against Uyghurs and Tibetans Indian govt bans 42 other Chinese apps Free Spirit Award 2020 goes to Nancy Pelosi Tibetan singer Tenzin Choegyal’s Bardo nominated for Grammys