Tibetan Royal Year of 2151 | Year of the Wood Dragon

ARCHIVE

Monthly Archives: December, 2020

རེས་གཟའ་ཕུར་བུ། ༢༠༢༠།༡༢།༣༡

ཉན་པ།: Listen ཕབ་ལེན། Download དེ་རིང་ནས་བཟུང་ ༢༠༢༡ ལོའི་སྲིད་སྤྱི་གཉིས་ཀྱི་དྲིལ་བསྒྲགས་ལས་དོན་མཇུག་སྒྲིལ། བལ་ཡུལ་ནང་སླར་ཡང་བོད་མི་ཁག་ཅིག་བཀག་སྐྱིལ། རྒྱ་ནག་གིས་ཧོང་ཀོང་གི་མི་སེར་བཅུར་ཁྲིམས་ཐག་བཅད་པ། རྒྱ་གར་གཞུང་གིས་བོད་ཐོག་འཛིན་པའི་སྲིད་བྱུས་ཁ་གསལ་ཞིག་བཟོ་རྒྱུའི་དུས་ལ་བབ་ཡོད། བུ་ཆུང་ཚེ་རིང་ལགས་སུ་བོད་དོན་རྒྱབ་སྐྱོར་ཁྲིམས་འཆར་གྱི་གལ་གནད་སྐོར་བཅར་འདྲི། Thursday 31/12/2020 Tibet Election 2021: Candidates to cease campaign today, election posters taken down More Tibetans arrested in Nepal 10 of the ‘Hong Kong 12’ activists receive 7 months to 3 Years sentence High time for India to have a clear Tibet policy: Core Group for Tibetan Cause Tibetan Policy and Support Act: Why it matters

བལ་ཡུལ་ནང་སླར་ཡང་བོད་མི་ཁག་ཅིག་བཀག་སྐྱིལ།

ཕྱི་ལོ་ ༢༠༢༡ ལོའི་བཙན་བྱོལ་བོད་མིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་ཆེན་མོ་དང་འབྲེལ་བལ་ཡུལ་ཉེན་རྟོག་པས་སླར་ཡང་བོད་མི་ཁག་ཅིག་འཛིན་བཟུང་གིས་ཚོུད་ཁ་ཤས་རིང་དོ་དམ་བྱས་འདུགརླུང་འཕྲིན་ཁང་གིས་གནས་ཚུལ་དེ་དང་འབྲེལ་ནས་བལ་ཡུལ་འགྲོ་བ་མིའི་ཐོབ་ཐང་ཚོགས་པའི་འབྲེལ་མཐུད་པ་བཟང་པོ་ལགས་སུ་ཞལ་པར་བརྒྱུད་བཀའ་འདྲི་ཞུས་པར་ཁོང་གིས་ཁ་སང་སྔ་དྲོ་ས་གནས་བོད་མི་བདུན་ཅུ་དོན་གྲངས་ཤིག་བལ་ཡུལ་དོན་གཅོད་ལས་ཁུངས་སུ་སྲིད་སྤྱི་གཉིས་ཀྱི་སྔོན་འགྲོའི་འོས་བླུགས་ནས་ཕྱིར་རང་ཁྱིམ་དུ་འབྱོར་རྗེས་བལ་ཡུལ་ཉེན་རྟོག་པས་བལ་ཡུལ་དོན་གཅོད་ལས་ཁུངས་ཀྱི་ཕྱི་ཕྱོགས་སུ་ཡིག་ཆ་གསར་བཟོ་དང་ཡིག་ཆ་ཞུ་བར་བཅར་མཁན་བོད་མི་བཅུ་གསུམ་ཙམ་ཞིག་འོས་བསྡུ་དང་འབྲེལ་བའི་དོགས་གཞིའི་འོག་འཛིན་བཟུང་གིས་ཉེ་འཁྲིས་ས་གནས་ཉེན་རྟོག་ལས་ཁུངས་སུ་བཀག་ཉར་གྱིས་འདྲི་རྩད་བྱས་ཡོད་ཀྱང་ཕྱིས་སུ་བོད་མི་དེ་དག་ཉིན་དེའི་ཕྱི་དྲོ་ཚོུད་ ༥ ཡོལ་ཙམ་ལ་ཀློད་བཀྲོལ་བཏང་ཡོད་པ་གསུངས་སོང་།རྩ་བའི་བལ་ཡུལ་ནང་རྒྱ་ནག་གཞུང་གིས་ཆབ་སྲིད་དང་འབྲེལ་ནས་བཙན་བྱོལ་བོད་མི་རྣམས་ལ་ཤུགས་རྐྱེན་བསྟུད་མར་སྤྲོད་བཞིན་པའི་ཁྲོད་ཁུལ་དེར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་སྲུང་བརྩི་ཞུ་རྒྱུ་གཙོས་བོད་མིའི་ཆོས་ཕྱོགས་དང་ཆབ་སྲིད་ཀྱི་ལས་འགུལ་གང་ཞིག་སྤེལ་བར་དམིགས་བསལ་དོགས་ཟོན་བྱེད་ཀྱི་ཡོད་པ་མ་ཟད། བལ་ཡུལ་གྱི་ས་ཁུལ་དུ་རྒྱ་ནག་གི་ཆེས་མཐོའི་དཔོན་རིགས་མི་སྣ་སུ་ཞིག་འབྱོར་རུང་བོད་རིགས་གནས་སྡོད་གནང་ཡུལ་ས་ཁུལ་ཁག་ཏུ་བལ་ཡུལ་གཞུང་གིས་དམག་མི་འགྲེམས་འཇོག་གིས་དམ་དྲག་བྱེད་ཀྱི་ཡོད་པ་དང་ལྷག་དོན་ཕྱི་ལོ་ ༢༠༡༡ ལོར་བལ་ཡུལ་ནང་བཙན་བྱོལ་བོད་མི་ཚོས་འོས་བསྡུའི་ནང་ཆ་ཤས་བཞེས་ཐབས་བྱས་ཡོད་ཀྱང་། སྐབས་དེར་བལ་ཡུལ་གཞུང་གིས་འོས་སྒམ་ཆ་ཚང་འཕྲོག་ནས་ཕྱིར་རྩིས་སྤྲོད་བྱས་མེད་ཡོད་པ་རེད། གཟའ་འཁོར་འདིའི་ནང་བལ་ཡུལ་ཉེན་རྟོག་པས་འོས་བསྡུ་དང་འབྲེལ་མཆོད་འབྱོར་བོད་མིའི་ས་གནས་འགོ་འཛིན་དང་ཨ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་གཙོས་བོད་མི་ལྔ་འཛིན་བཟུང་བྱས་ཡོད་ཀྱང་བལ་ཡུལ་ནང་གི་འགྲོ་བ་མིའི་ཐོབ་ཐང་ཚོགས་པས་འབྲེལ་ཡོད་ཉེན་རྟོག་ཁང་ལ་ཞུ་སྐུལ་གནང་རྗེས་ཉིན་དེའི་ཕྱི་དྲོ་ཚོུད་ ༦ ཙམ་ལ་བོད་མི་ལྔ་པོ་དེ་དག་གློད་གྲོལ་བཏང་འདུག

རྒྱ་གར་གཞུང་གིས་བོད་ཐོག་འཛིན་པའི་སྲིད་བྱུས་ཁ་གསལ་ཞིག་བཟོ་རྒྱུའི་དུས་ལ་བབ་ཡོད།

ཉེ་ཆར་ཨ་རིའི་གྲོས་ཚོགས་ནས་ཚད་མཐོའི་རྒྱབ་སྐྱོར་ཐོག་གཏན་འབེབས་གནང་སྟེ་བོད་དོན་རྒྱབ་སྐྱོར་གྱི་ཁྲིམས་འཆར་ལ་ཕྱི་ཚེས་ ༢༧ ཉིན་ཨ་རིའི་སྲིད་འཛིན་སྐུ་ཞབས་ Donald Trump མཆོག་གིས་མཚན་རྟགས་བསྐྱོན་ནས་ཡུལ་དེའི་ཁྲིམས་སུ་བཅས་པར་དགའ་བསུའི་འཚམས་འདྲི་ཞུས་པ་དང་སྦྲགས། རྒྱ་གར་གྲོས་ཚོགས་ནང་མའི་བོད་དོན་རྒྱབ་ཚོགས་པའི་ངོས་ནས་བོད་དེ་རྒྱ་གར་གྱི་བདེ་འཇགས་དང་ཐད་ཀར་འབྲེལ་བ་ཆགས་ཀྱི་ཡོད་སྟབས་རྒྱ་གར་དབུས་གཞུང་གིས་བོད་ཐོག་འཛིན་པའི་སྲིད་བྱུས་ཁ་གསལ་ཞིག་བཟོ་རྒྱུའི་དུས་ལ་བབ་ཡོད་པ་གསུངས་འདུགཕྱི་ཟླ་  ༡༢ ཚེས་ ༢༩ ཉིན་རྒྱ་གར་གྲོས་ཚོགས་ནང་མའི་བོད་དོན་རྒྱབ་ཚོགས་པའི་ངོས་ནས་རྒྱ་གར་གིས་ད་ལན་ཨ་རིའི་གྲོས་ཚོགས་གོང་འོག་གཉིས་ཀར་ཚད་མཐོའི་རྒྱབ་སྐྱོར་ཐོག་ Tibet Policy and Support Act 2020 ཞེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མ་འོངས་ཡང་སྲིད་དང་བོད་མིའི་བླ་སྤྲུལ་ངོས་འཛིན་གནང་རྒྱུ་དེ་༸གོང་ས་མཆོག་དང་བོད་མི་ཚོས་ཐུགས་ཐག་གཅོད་རྒྱུའི་བདག་དབང་ཡོད་པར་ངོས་འཛིན་དང་། ༸གོང་ས་མཆོག་གི་མང་གཙོ་གོང་འཕེལ་ཐད་ཀྱི་མཛད་རྗེས་ལ་ངོས་འཛིན་དང་ཆེ་བསྟོད། བོད་མིའི་སྒྲིག་འཛུགས་འདི་བཞིན་བཙོན་བྱོལ་བོད་མིའི་སྐུ་ཚབ་དང་མངོན་འདོད་མཚོན་ཐུབ་མཁན་གྱི་སྒྲིག་འཛུགས་ཤིག་དང་། བོད་མིའི་སྒྲིག་འཛུགས་ཀྱི་འགོ་ཁྲིད་ངོས་འཛིན་གནང་སྐྱོང་ཡོང་བ་སོགས་ཀྱི་འབྲུ་དོན་ཁག་ཆེད་བཀོད་ཀྱིས་ཁ་སྣོན་གནང་བའི་ཁྲིམས་འཆར་དེ་གཏན་འབེབས་གནང་མཁན་ཨ་རིའི་གྲོས་ཚོགས་ཀྱི་འཐུས་མི་རྣམཔ་དང་ལྷག་དོན་སྲིད་འཛིན་སྐུ་ཞབས་ Donald Trump མཆོག་གིས་མཚན་རྟགས་བསྐྱོན་ནས་དངོས་སུ་ཁྲིམས་བཅས་གནང་ཐུབ་པར་ལེགས་གསོལ་བསྔགས་བརྗོད་ཀྱི་བསྒྲགས་གཏམ་ཞིག་སྤེལ་འདུགབསྒྲགས་གཏམ་དེའི་ནང་ད་རེས་བོད་དོན་ཁྲིམས་འཆར་འདི་ཨ་རིའི་གྲོས་ཚོགས་ནས་ཚད་མཐོའི་རྒྱབ་སྐྱོར་གནང་སྟེ་གཏན་འབེབས་གནང་ཡོད་པ་འདི་གཞིས་ལུས་རྒྱ་ཆེ་མང་ཚོགས་རྣམས་ལ་མཚོན་ན་ལོ་རྒྱུས་ཀྱི་རང་བཞིན་ལྡན་པ་ཞིག་དང་དེས་བོད་ནང་གི་བོད་མིར་རེ་བ་དང་དྲང་བདེན་གྱི་འོད་སྣང་སྟོབས་ཆེན་ཞིག་སྦྱིན་པར་མ་ཟད་བོད་མིའི་ཆོས་དད་རང་དབང་དང་འགྲོ་བ་མིའི་ཐོབ་ཐང་། ཁོར་ཡུག་སྲུང་སྐྱོབ་རང་དབང་། དེ་བཞིན་བཙན་བྱོལ་བོད་མིའི་མང་གཙོའི་གནས་བབ་བཅས་སྔར་ལྷག་སྲ་བརྟན་ཡོང་བར་རྒྱབ་སྐྱོར་དང་སྲུང་སྐྱོབ་གནང་བ་ཞིག་མཚོན་སྐོར་གསུངས་འདུག ལྷག་པར་དུ་རྒྱ་གར་གྲོས་ཚོགས་ནང་མའི་བོད་དོན་རྒྱབ་ཚོགས་པས་བོད་དེ་རྒྱ་གར་གྱི་བདེ་འཇགས་དང་ཐད་ཀར་འབྲེལ་བ་ཆགས་ཀྱི་ཡོད་སྟབས་རྒྱ་གར་གཞུང་གིས་བོད་ཐོག་པའི་འཛིན་པའི་སྲིད་བྱུས་ཁ་གསལ་ཞིག་བཟོ་དགོས་པའི་དུས་ལ་བབ་ཡོད་པར་གསུངས་པ་དང་ཆབས་ཅིག་ཏུ་ང་ཚོའི་ངོས་ནས་རྒྱ་གར་མི་མང་ཚོས་རྒྱ་གར་གཞུང་ལ་བོད་ཐོག་པའི་འཛིན་པའི་སྲིད་བྱུས་ཁ་གསལ་ཞིག་བཟོ་རྒྱུའི་ཐོག་ཤུགས་སྣོན་བསྐྱོན་དགོས་པའི་འབོད་སྐུལ་ཞུ་བཞིན་ཡོད་ཅེས་ནན་བརྗོད་གནང་འདུགབསྒྲགས་གཏམ་གྱི་མཇུག་ཏུ་ཨ་རིའི་གྲོས་ཚོགས་ནས་ཚད་མཐོའི་རྒྱབ་སྐྱོར་གནང་ཐོག་གཏན་འབེབས་གནང་བ་དང་དེ་བཞིན་སྲིད་འཛིན་སྐུ་ཞབས་ཌོ་ནལྜ་ཊམ་མཆོག་གིས་དངོས་སུ་མཚན་རྟགས་བསྐྱོན་ནས་ཁྲིམས་སུ་བཅས་པར་བརྟེན་ཨ་རིའི་མང་ཚོགས་དང་ཨ་རིའི་སྲིད་གཞུང་བཅས་ལ་ཐུགས་རྗེ་ཆེ་ཞུས་པ་དང་འབྲེལ། ལོ་མང་རིང་ནས་ཨ་རིས་བོད་ཀྱི་གནད་དོན་ཐོག་ཐུགས་འཁུར་ཆེ་བཞེས་ཀྱིས་རྒྱབ་སྐྱོར་གནང་བ་ལྟར་སླད་མར་བོད་ལ་རང་དབང་མ་འཐོབ་ཀྱི་བར་དུ་མུ་མཐུད་རྒྱབ་སྐྱོར་གནང་སྐྱོང་ཡོང་བའི་ནན་སྐུལ་ཞུས་འདུག

བོད་དོན་རྒྱབ་སྐྱོར་གྱི་ཁྲིམས་འཆར་གྱི་གལ་གནད་སྐོར་བཅར་འདྲི།

ཉེ་ལམ་ཨ་རིའི་སྲིད་འཛིན་ Donald Trump མཆོག་གིས་ Tibet Policy and Support Act  ༢༠༢༠ ཞེས་ལོ་རྒྱུས་ཀྱི་རང་བཞིན་ལྡན་པའི་བོད་དོན་རྒྱབ་སྐྱོར་གྱི་ཁྲིམས་འཆར་ལ་མཚན་རྟགས་བསྐྱོན་ནས་ཁྲིམས་སུ་བཅས་ཡོད་པ་རེད། གཞི་རྩའི་ཨ་རིའི་བོད་དོན་རྒྱབ་སྐྱོར་གྱི་ཁྲིམས་འཆར་དེ་དེ་སྔ་ཕྱི་ལོ་ ༢༠༠༢ ལོར་ཨ་རི་གཞུང་གིས་གཏན་འབེབས་གནང་བའི་བོད་དོན་རྒྱབ་སྐྱོར་གྱི་ཁྲིམས་འཆར་ལ་བསྐྱར་བཅོས་གནང་བའི་ཁྲིམས་འཆར་ཞིག་ཆགས་ཀྱི་ཡོད་པ་དང་། ཁྲིམས་འཆར་དེའི་འོག་ཨ་རི་གཞུང་གི་བོད་དོན་དམིགས་བསལ་སྐུ་ཚབ་བསྐོ་བཞག་གནང་རྒྱུ་དང་བོད་རྒྱ་ཞི་མོལ་ལ་རྒྱབ་སྐྱོར་གནང་རྒྱུ། དེ་བཞིན་བོད་ནང་ཨ་རིའི་གཞུང་ཚབ་ལས་ཁུངས་གསར་འཛུགས་སོགས་ཀྱི་དེ་སྔའི་འབྲུ་དོན་ཐོག་གལ་ཆེའི་གནད་དོན་ཁག་ཅིག་ཁ་སྣོན་གནང་བའི་ཁོངས་སུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མ་འོངས་ཡང་སྲིད་དང་བོད་མིའི་བླ་སྤྲུལ་ངོས་འཛིན་བོད་མི་ཚོས་ཐག་གཅོད་བྱེད་རྒྱུ་ལས་རྒྱ་ནག་གཞུང་གིས་ཐེ་བྱུས་བྱ་མི་ཆོག་པ་དང་། གལ་ཏེ་རྒྱ་ནག་གཞུང་གི་ལས་བྱེད་མི་སྣས་བོད་མིའི་བླ་སྤྲུལ་ངོས་འཛིན་ཐད་ཐེ་བྱུས་བྱས་ཚེ་ཨ་རིའི་གཞུང་གིས་ཆབ་སྲིད་ཀྱི་ཉེས་ཆད་ལྕི་མོ་གཅོད་རྒྱུ་ཡིན་པ། ༸གོང་ས་མཆོག་གི་མང་གཙོ་གོང་འཕེལ་ཐད་ཀྱི་མཛད་རྗེས་ལ་ངོས་འཛིན་དང་ཆེ་བསྟོད། དེ་བཞིན་བོད་མིའི་སྒྲིག་འཛུགས་འདི་བཞིན་བཙོན་བྱོལ་བོད་མིའི་སྐུ་ཚབ་དང་མངོན་འདོད་མཚོན་ཐུབ་མཁན་གྱི་སྒྲིག་འཛུགས་ཤིག་དང་བོད་མིའི་སྒྲིག་འཛུགས་ཀྱི་འགོ་ཁྲིད་བཅས་ངོས་འཛིན་གནང་དགོས་པ།བོད་ཀྱི་རྒྱལ་ས་ལྷ་སར་ཨ་རིའི་གཞུང་ཚབ་ཡན་ལག་གི་ལས་ཁུངས་མ་བཙུག་བར་དུ་ཨ་རིར་རྒྱ་ནག་གཞུང་ཚབ་ཡན་ལག་ལས་ཁུངས་གསར་འཛུགས་མི་ཆོག་པ། བོད་ནང་ཚོང་འབྲེལ་བྱེད་མཁན་རྣམས་ནས་རྒྱལ་ཚོགས་ཀྱི་ཁྲིམས་སྒྲིག་ལྟར་ཚོང་འབྲེལ་བྱེད་དགོས་པ། བོད་མཐོ་སྒང་གྱི་ཁོར་ཡུག་སྲུང་སྐྱོབ་བྱེད་དགོས་པ། བོད་ཕྱི་ནང་གཉིས་ཀྱི་བོད་མིར་རང་གི་ཆོས་དང་རིག་གཞུང་། སྐད་ཡིག་བཅས་སྲུང་སྐྱོབ་གནང་ཕྱིར་ཕྱི་ལོ་ ༢༠༢༥ བར་རོགས་དངུལ་སྔར་བཞིན་གནང་སྐྱོང་ཡོང་བ་སོགས་ཀྱི་འབྲུ་དོན་ཁག་ཆེད་བཀོད་ཀྱིས་ཁ་སྣོན་གནང་ཡོད་པ་རེད།རླུང་འཕྲིན་ཁང་གིས་རྒྱལ་སྤྱིའི་བོད་དོན་ལས་འགུལ་ཁང་གི་ཚོགས་གཞོན་བུ་ཆུང་ཚེ་རིང་ལགས་སུ་ཁྲིམས་འཆར་གཏན་འབབ་དང་འབྲེལ་ནས་བཀའ་འདྲི་ཁག་ཅིག་ཞུས་ཡོད།

རྒྱ་ནག་གིས་ཧོང་ཀོང་གི་མི་སེར་བཅུ་ལ་ཁྲིམས་ཐག་བཅད་འདུག

འདི་ལོར་རྒྱ་ནག་གིས་གཏན་འབེབས་བྱས་པའི་ཧོང་ཀོང་གི་བདེ་འཇགས་ཀྱི་ཁྲིམས་གཞི་ལ་རྐྱེན་བྱས་ཏེ། ཧོང་ཀོང་གི་ནང་དུ་མི་མང་ས་ཡ་མང་པོ་སྲང་ལམ་དུ་སླེབས་ནས་རྒྱ་ནག་གི་བཙན་འཛུལ་རང་བཞིན་གྱི་ཁྲིམས་གཞི་དེར་རྒོལ་རྡུང་གི་ལས་འགུལ་སྤེལ་ཡོད་པ་ལྟར།  ཁ་སང་རྒྱ་ནག་གིས་སྐབས་དེའི་མང་གཙོའི་ལས་འགུལ་བ་བཅུ་ལ་ཟླ་བ་ ༧ ནས་མི་ལོ་ ༣ རིང་གི་ཁྲིམས་ཐག་བཅད་འདུགཡང་་དེ་རིང་གསར་ལམ་ཁག་ཏུ་གནས་ཚུལ་སྤེལ་ན་ལྟར་ན། འདི་ལོའི་ཧོང་ཀོང་མི་མང་གི་མང་གཙོའི་ལས་འགུལ་དང་འབྲེལ་ནས་རྒྱ་ནག་གི་ཁྲིམས་གཞི་ལ་རྒོལ་རྡུང་གཏོང་མཁན་གྱི་མང་གཙོའི་ལས་འགུལ་བ་བཅུ་གཉིས་མཚོ་གྲུར་བསྡད་ནས་ཐེ་ཝན་དུ་བྲོས་བྱོལ་ལ་ཕེབས་བཞིན་པའི་ལམ་བར་དུ་རྒྱ་ནག་གིས་འདི་ལོའི་ཟླ་བ་བརྒྱད་པའི་ནང་འཛིན་བཟུང་བྱས་ཡོད་པ་ལྟར། ཁ་སང་རྒྱ་ནག་གི་ཧྲིན་ཀྲིན་གྲོང་ཁྱེར་གྱི་ནང་དུ་རྟེན་གཞི་བྱས་པའི་ཁྲིམས་ཁང་ཞིག་གིས། མང་གཙོའི་ལས་འགུལ་བ་ Tang Kai-yin ལགས་སུ་ལོ་གསུམ་དང་། Quinn Moon ལགས་སུ་ལོ་གཉིས། དེ་མིན་གྱི་ལས་འགུལ་བ་བརྒྱད་ལ་ཟླ་ངོ་བདུན་གྱི་ཁྲིམས་ཐག་བཅད་ཡོད་པ་མ་ཟད། ཐེངས་འདིར་ཁྲིམས་ཐག་བཅད་པ་རྣམས་ལ་རྒྱ་སྒོར་ཁྲི་གཉིས་ལྷག་གི་ཉེས་ཆད་ཀྱང་བཅད་ཡོད་པར་ཕྱིར་བསྒྲགས་གནང་འདུག The Hindustan Times གསར་ཁང་གིས་གནས་ཚུལ་སྤེལ་བའི་ནང་དུ།  ཐེངས་འདིར་རྒྱ་ནག་གིས་ཁྲིམས་ཐག་བཅད་པའི་ཧོང་ཀོང་གི་མི་སེར་རྣམས་ཁ་ཉིན་གཟའ་ཟླ་བའི་ཉིན་ཁྲིམས་བཤེར་བྱས་ཡོད་ནའང་།  ཁོང་རྣམས་ཀྱི་ནང་མི་རྣམས་ལ་ཉིན་གསུམ་གྱི་གོང་དུ་མ་གཏོགས་ཁྲིམས་བཤེར་གྱི་གནད་དོན་ཐད་ནས་གསལ་བསྒྲགས་བྱས་མེད་སྟབས། ཕ་མ་རྣམས་ཀྱིས་ཁྲིམས་བཤེར་ལ་འཛུལ་ཞུགས་བྱེད་ཐབས་མེད་པ་དང་། དེ་བཞིན་ཁོང་ཅག་གི་ཁྲིམས་རྩོད་པ་རྣམས་ཀྱང་བཀག་སྐྱིལ་འོག་གི་ཧོང་ཀོང་གི་མི་སེར་བཅུ་ལ་ཐུག་འཕྲད་བྱེད་དུ་མ་བཅུག་མ་ཟད།  ཁྲིམས་བཤེར་གྱི་གནད་དོན་སྐབས་སུ་ཡང་གསར་འགོད་པ་སོགས་ལ་མཉམ་ཞུགས་བྱེད་དུ་བཅུག་མེད་མངོན་གསལ་གནང་འདུགསྲིད་གཞུང་གི་བཀའ་མངགས་ལྟར་ཧོང་ཀོང་གི་མི་སེར་བཅུ་ལ་ཁྲིམས་ཐག་བཅད་ཟིན་པའི་རྗེས་སུ། ཁྲིམས་ཆད་ཕོག་པའི་མི་སེར་བཅུ་བོའི་ཁྲིམས་རྩོད་པའི་གསར་ཁང་ལ་འགྲེལ་བརྗོད་བྱས་པ་ལྟར་ན། ཁོང་ཚོར་ས་མཚམས་བརྒལ་བའི་ཉེས་འཛུགས་ལ་དཔག་པའི་ཁྲིམས་ཆད་ལྕི་མོ་བཅད་ཡོད་པར་འགྲེལ་བརྗོད་གནང་འདུག རྩ་བའི་གཟའ་ཟླ་བའི་ཉིན། ཨ་རིའི་གཞུང་ཚབ་ཁང་གི་མགྲིན་ཚབ་པས་རྒྱ་ནག་གིས་བྲོས་བྱོལ་ཁྲོད་འཛིན་བཟུང་བྱས་པའི་ཧོང་ཀོང་གི་མི་སེར་དེ་དག་འཕྲད་དུ་གློད་གྲོལ་གཏོང་དགོས་བའི་ཞུ་སྐུལ་གནང་བ་དང་འབྲེལ་ནས། རྒྱ་ནག་གིས་དུས་རྒྱུན་ནས་རང་དབང་འཐབ་རྩོད་དང་འབྲེལ་བའི་ལས་འགུལ་བ་རྣམས་ལ་སྲུང་སྐྱོབ་བྱེད་ཀྱི་མེད་པའི་སྐྱོན་བརྗོད་གནང་ཡོད་པ་རེད། དེ་བཞིན་རྒྱལ་སྤྱིའི་ཉེས་ཡངས་ཚོགས་པའི་ལྷོ་རྒྱ་མཚོའི་ཁུལ་གྱི་འགན་འཛིན། ལྕམ་Yamini Mishra ལགས་ཀྱིས་ཀྱང་རྒྱ་ནག་གིས་ ཧོང་ཀོང་གི་མི་སེར་དེ་དག་ལ་དྲང་བདེན་མིན་པའི་ཁྲིམས་ཐག་བཅད་ཡོད་སྐོར་ཕྱིར་བསྒྲགས་ཀྱིས། ཐེངས་འདིའི་གནད་དོན་དེ་ཡིས་རྒྱ་ནག་གིས་རྒྱལ་སྤྱིའི་སྒང་ལ་ཆབ་སྲིད་དང་འབྲེལ་བའི་ལས་འགུལ་བ་རྣམས་ལ་ནམ་ཡང་དྲང་བདེན་གྱི་ཁྲིམས་བཤེར་བྱེད་ཀྱི་མེད་པ་མངོན་གསལ་གནང་བ་ཞིག་ཆགས་ཡོད་སྐོར་དང་འབྲེལ་རྒྱ་ནག་གི་བྱེད་བབ་དེར་སྐྱོན་བརྗོད་ཚ་ནན་བྱས་འདུག གཞི་རྩའི་ཐེངས་འདིའི་གྱོད་དོན་ཁྲོད་བྲོས་བྱོལ་བ་བཅུ་གཉིས་འཛིན་བཟུང་བྱས་ཡོད་ནའང་། དེ་དག་གི་ཁྲོད་ཀྱི་མི་གཉིས་ཁྲིམས་ཐོག་ནས་ལོ་ཚོད་ལོང་མེད་པར་བརྟེན་ནས་དམིགས་བསལ་གྱི་ཁྲིམས་ཆད་ཕོག་མེད་པ་རེད།  རྒྱ་ནག་གི་གསར་ལམ་ཁག་ཏུ་གནས་ཚུལ་སྤེལ་བ་ལྟར་ན་གློད་གྲོལ་ཐོབ་པའི་བྱིས་པ་དེ་གཉིས་གཅིག་ནས་ལོ་ཆུང་བ་དང་། གཉིས་ནས་རང་གི་ནོར་འཁྲུལ་ཁས་ལེན་བྱས་པ་སོགས་ཀྱི་དབང་གིས་ཁྲིམས་ཆད་བཅད་མེད་པར་འཁོད་འདུག

རེས་གཟའ་ལྷག་པ། ༢༠༢༠།༡༢།༣༠

ཉན་པ།: Listen ཕབ་ལེན། Download དབྱིན་ཡུལ་དུ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་སྔ་སྣུར། ༸གོང་ས་མཆོག་ཆེས་ཡིད་སྨོན་ཞུ་ཡུལ་གྱི་དབུ་ཁྲིད་རྩེ་ཕུད་བཅུའི་ནང་བདམས་ཐོན། བོད་དོན་རྒྱབ་སྐྱོར་གྱི་ཁྲིམས་འཆར་དེ་ཕྱག་བསྟར་དོན་འཁྱོལ་ཡོང་བར་འབད་དགོས། བོད་དོན་རྒྱབ་སྐྱོར་གྱི་ཁྲིམས་འཆར་གྱི་གལ་གནད་སྐོར་དམིགས་བསལ་བཅར་འདྲི། ཝུ་ཧན་དུ་གཉན་རིམས་ཕོག་མཁན་སྲིད་གཞུང་གི་གྲངས་ཐོ་ལས་ལྡབ་ལྔ་མང་བར་མངོན་གསལ། བཀའ་སློབ། ༸གོང་ས་མཆོག་གིས་བོད་མིའི་བཟང་སྤྱོད་ཉམས་རྒུད་སྐོར་སྩལ་བའི་བཀའ་སློབ། Wednesday 30/12/2020 Tibetans in UK to go to polls from Jan 2 amidst covid surge Dalai Lama again listed among most admired men in Gallup Poll US urged to robustly implement Tibet policy tools to end rights abuses in Tibet COVID-19 cases in Wuhan may have been 10 times higher than reported, study shows FEATURE: Dalai Lama’s speech on lack of moral values

༸གོང་ས་མཆོག་ཆེས་ཡིད་སྨོན་ཞུ་ཡུལ་གྱི་དབུ་ཁྲིད་རྩེ་ཕུད་བཅུའི་ནང་བདམས་ཐོན།

ཨ་རིའི་རྒྱལ་ས་ Washington DC ནང་རྟེན་གཞི་བྱས་པའི་ gallup ཞེས་མང་ཚོགས་ཀྱི་བསམ་ཚུལ་བསྡུ་རུབ་སོགས་ཀྱི་ཐད་ཕྱག་ལས་གནང་མཁན་ནས་འདོན་སྤེལ་གནང་བའི་འདི་ལོ་ ༢༠༢༠ ལོའི་འཛམ་གླིང་ནང་གི་སྐྱེས་བོ་དགའ་མོས་ཆེ་ཤོས་བྱ་ཡུལ་ཁོངས་སུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བདམས་ཐོན་བྱུང་འདུགཚོགས་པ་དེས་ཕྱི་ལོ་ ༢༠༢༠ རྗོགས་ལ་ཉེ་བའི་མཚམས་འདིར་དྲྭ་ཐོག་བརྒྱུད་དེ་མང་ཚོགས་ཁྲོད་འདི་ ༢༠༢༠ ལོའི་ནང་གི་སྐྱེས་ཕོ་མོ་དགའ་མོས་ཆེ་ཤོས་བྱ་ཡུལ་གྱི་འོས་གྲངས་བསྡུ་རུབ་གནང་བ་ཞིག་ཡོངས་གྲགས་གནང་འདུག་པ་དང་། དེའི་ནང་དུ་༸གོང་ས་༸སྐྱབས་མགོན་ཆེན་པོ་མཆོག་འདི་ལོ་མང་ཚོགས་ཀྱི་དགའ་མོས་ཆེ་ཤོས་ཞུ་ཡུལ་གྱི་སྐྱེས་པ་ཨང་བཅུ་པར་བདམས་ཐོན་བྱུང་འདུགའོས་གྲངས་དེའི་ཁྲོད་ཨང་དང་པོར་ཨ་རིའི་སྲིད་འཛིན་ལས་ཐོག་སྐུ་ཞབས་ Donald Trump མཆོག་དང་ཨང་གཉིས་པར་ཨ་རིའི་སྲིད་འཛིན་ཟུར་པ་སྐུ་ཞབས་ Barack Obama མཆོག ཨང་གསུམ་པར་ཨ་རིའི་བདམས་ཐོན་སྲིད་འཛིན་སྐུ་ཞབས་ Joe Biden མཆོག ཨང་བཞི་པར་ཨ་རིའི་ National Institute of Allergy and Infectious Diseases ཞེས་པའི་ལྟེ་གནས་ཁང་གི་འགན་འཛིན་སྐུ་ཞབས་ Anthony Fauci མཆོག དེ་བཞིན་ཨང་ལྔ་པར་ཡི་ཤུའི་བླ་ཆེན་ Pope Francis མཆོག་བཅས་ཆགས་ཀྱི་འདུགདེ་བཞིན་ ༢༠༢༠ ལོར་མང་ཚོགས་ཀྱིས་འཛམ་གླིང་ནང་གི་སྐྱེས་མ་འམ་བེུད་དགའ་མོས་ཆེ་ཤོས་བྱ་ཡུལ་ཁོངས་ནས་ཨང་དང་པོར་ཨ་རིའི་སྲིད་འཛིན་ཟུར་པ་སྐུ་ཞབས་ Barack Obama མཆོག་གི་སྐུ་ཟླ་ Michelle Obama ལགས་དང་ཨང་གཉིས་པར་ཨ་རིའི་བདམས་ཐོན་སྲིད་འཛིན་སྐུ་ཞབས་ Joe Biden མཆོག་གིས་བདམས་པའི་སྲིད་འཛིན་སྐུ་གཞོན་ལྕམ་སྐུ་  Kamala Harris མཆོག ཨང་གསུམ་པར་སྲིད་འཛིན་ལས་ཐོག་སྐུ་ཞབས་ Trump མཆོག་གི་སྐུ་ཟླ་ Melania Trump ལགས། ཨང་བཞི་པར་ཨ་རིའི་གཏམ་གླེང་མདོ་འཛིན་པ་དང་རྩོམ་པ་པོ་ལྕམ་སྐུ་ Oprah Winfrey ལགས། དེ་བཞིན་ཨང་ལྔ་པར་འཇར་མན་སྲིད་བློན་ལྕམ་ Angela Merkel མཆོག་བཅས་ཆགས་ཀྱི་འདུགགཞི་རྩའི་འོས་ཤོག་འདིའི་ནང་ཆ་ཤས་བཞེས་མཁན་མང་ཆེ་བ་ཨ་རིའི་མི་སེར་ཆགས་ཀྱི་ཡོད་སྟབས་ཡུལ་དེའི་ཆབ་སྲིད་ཀྱི་བཞེངས་ཕྱོགས་ཐད་ནས་མང་ཚོགས་ཀྱི་བསམ་ཚུལ་ལ་ཤུགས་རྐྱེན་ཆེན་པོ་ཐེབས་གཞིར་གྱུར་ཡོད་ཀྱང་། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཛམ་གླིང་ནང་གི་སྐྱེས་བོ་དགའ་མོས་ཆེ་ཤོས་བྱ་ཡུལ་ཁོངས་སུ་ད་ལན་ཙམ་མིན་པར་དེ་སྔ་ཡང་མང་ཚོགས་ཀྱི་དགའ་མོས་ཞུ་ཡུལ་ཁོངས་སུ་བསྟུད་མར་བདམས་ཐོན་བྱུང་ཡོད་པ་རེད།

དབྱིན་ཡུལ་ནང་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་སྔ་སྣུར།

བདུན་ཕྲག་འདིའི་རེས་གཟའ་ཉིན་མ་སྟེ་ཕྱི་ཚེས་ ༣ ཉིན་བཙན་བྱོལ་བོད་མི་གནས་སྡོད་འཛམ་གླིང་ས་ཕྱོགས་གང་སར་ཕྱི་ལོ་ ༢༠༢༡ ལོའི་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་ཆེན་མོ་གནང་གི་ཡོད་པ་དེ་ལྟར་ཡང། དབྱིིན་ཡུལ་ཁུལ་དུ་ད་ཆ་ Mutant Covid ཞེས་ཏོག་དབྱིབས་གཉན་རིམས་ཀྱི་ངོ་བོ་འགྱུར་ལྡོག་གིས་གཉན་སྲིན་གསར་པ་ཐོན་པའི་དཀའ་ངལ་དང་འབྲེལ་དབྱིན་ཡུལ་ནང་གྱི་བོད་མི་ཚོས་ཐེངས་འདིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུ་དེ་ཉིན་གཅིག་སྔ་སྣུར་གནང་གཏན་འཁེལ་འདུག ད་ཆ་འཛམ་གླིང་ཁྱོན་ཡོངས་སུ་ཏོག་དབྱིབས་གཉན་རིམས་ཀྱི་དཀའ་ངལ་སྤྱི་དང་ལྷག་པར་དུ་ཟླ་བ་འདིའི་ནང་དབྱིན་ཡུལ་ནང་ Mutant Covid ཞེས་ཏོག་དབྱིབས་གཉན་རིམས་ཀྱི་ངོ་བོ་འགྱུར་ལྡོག་གྱིས་གཉན་སྲིན་གསར་པ་ཐོན་ཏེ་ད་ཆ་ཁུལ་དེའི་རྒྱལ་ས་ལོ་ཊོན་གཙོ་བོར་གྱུར་པའི་དབྱིན་ཡུལ་རྒྱལ་ནང་དུ་ནད་པའི་གྲངས་འབོར་ཉིན་རེ་བཞིན་ཇེ་ཆེར་འཕར་བཞིན་འདུག་པ་མ་ཟད། ད་ཆ་དབྱིན་ཡུལ་གཞུང་གིས་རྒྱལ་ས་ལོ་ཊོན་ཁུལ་དུ་ཚད་མཐོའི་ཁྱིམ་སྡོད་བཀའ་བརྒྱ་བསྡམས་ཡོད་པ་རེད།གསར་འགོད་པས་དབྱིན་ཡུལ་དོན་གཅོད་ལས་བྱེད་དང་ས་གནས་འོས་བསྡུའི་འགན་འཛིན་ལས་རོགས་ཚེ་རིང་མཚོ་མོ་ལགས་སུ་ད་ལྟའི་ས་གནས་ཀྱི་ཛ་དྲག་གནས་བབ་དེའི་འོག་དབྱིན་ཡུལ་ཁུལ་དུ་སྲིད་སྤྱི་གཉིས་ཀྱི་སྔོན་འགྲོ་འོས་བསྡུའི་ལས་དོན་ལེགས་གྲུབ་ཐུབ་མིན་ཐད་བཅར་འདྲི་ཞུས་པར་ཁོང་གིས་ས་གནས་འོས་བསྡུ་ལས་ཁང་གིས་སྲིད་སྤྱི་གཉིས་ཀྱི་སྔོན་འགྲོའི་ཀྱི་འོས་བསྡུའི་ལས་དོན་ཚགས་ཚུགས་དང་དབྱིན་ཡུལ་ཁུལ་གྱི་བོད་མི་ཚོས་འོས་ཤོག་སྟབས་བདེ་ངང་འཕེན་ཐུབ་ཕྱིར་དེ་སྔ་དང་མི་འདྲ་བར་དབྱིན་ཡུལ་ནང་དུ་འོས་བླུགས་སའི་ས་ཚིགས་འཕར་མ་བཞི་གོ་སྒྲིག་གནང་ཡོད་པ་མ་ཟད། དེ་བཞིན་དབུས་འོས་བསྡུ་ལས་ཁང་ལ་ས་གནས་ཀྱི་གནས་བབ་དང་དཀའ་ངལ་ཇི་ཡོད་ཁག་སྙན་སེང་ཞུས་ཏེ་བཀའ་འཁྲོལ་དང་བཅས་རྒྱལ་ས་ལོ་ཊོན་ཁུལ་དུ་ཡོད་པའི་འོས་བསྡུའི་ས་ཁུལ་ཁག་གསུམ་ལ་ཕྱི་ཚེས་ ༢ རེས་གཟའ་སྤེན་པའི་ཉིན་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་དེ་ཉིན་གཅིག་སྔར་སྣུར་གནང་གཏན་འཁེལ་ཡོད་པ་གསུངས་ཡོད། དེ་བཞིན་ཁོང་གིས་དབྱིན་ཡུལ་དོན་གཅོད་ཀྱི་ཁྱབ་ཁོངས་རྒྱལ་ཁབ་གཞན་ནོར་ཝེ་དང་ཌན་མག སུ་ཌན། ཨར་ལན་ཌི། དེ་བཞིན་པོ་ལན་ཌི་བཅས་ཡོ་རོབ་རྒྱལ་ཁབ་ལྔ་ནང་དུ་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་ཆེན་མོའི་དུས་ཚོད་ལ་འགྱུར་གང་ཡང་ཕྱིན་པར་གསུངས་སོང་། སྤྱིར་གསར་འགོད་པས་སླེབས་ལ་ཉེ་བའི་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་དང་འབྲེལ་ད་བར་དུ་ཡོ་རོབ་རྒྱལ་ཁབ་གཞན་ཁག་གྱི་གནས་བབ་རྒྱུས་ལོན་ཞུས་ཏེ་ཤེས་རྟོགས་བྱུང་བར་གཞིགས་ན། དབྱིན་ཡུལ་ཕུད་པའི་ཡོ་རོབ་རྒྱལ་ཁབ་གཞན་ཁག་ཏུ་ད་ལྟའི་ཆར་སྲིད་སྤྱི་གཉིས་ཀྱི་སྔོན་འགྲོ་འོས་བསྡུ་ཆེན་མོའི་དུས་ཚོད་ལ་འགྱུར་བ་གང་ཡང་མེད་པར་དབུས་འོས་བསྡུ་ལས་ཁང་གིས་བཀོད་ཁྱབ་ཇི་གནང་ལྟར་ཚེས་ ༣ ཉིན་གནང་གཏན་འཁེལ་འདུག

ཝུ་ཧན་གྱི་ནང་དུ་ཏོག་ནད་ཕོག་མཁན་སྲིད་གཞུང་གི་གྲངས་ཐོ་ལས་ལྡབ་ལྔ་ལྷག་གིས་མང་བ་མངོན་གསལ།

རྒྱ་ནག་གི་རིམས་ནད་དོ་དམ་དང་སྔོན་འགོག་ཁང་ཞིག་གིས་ཞིབ་འཇུག་བྱས་པ་ལྟར་ན། རྒྱ་ནག་གཞུང་འབྲེལ་གྱིས་ཏོག་དབྱིབས་རིམས་ནད་འགོས་ཁྱབ་གྲངས་ཚད་ཕྱིར་འདོན་བྱས་པ་ལས། དོན་དངོས་ཀྱི་རིམས་ནད་འགོས་ཁྱབ་ཀྱི་དོན་རྐྱེན་ལྡབ་བཅུ་ལས་མང་བ་ཡིན་པར་ར་སྤྲོད་བྱས་འདུག

Latest news