Tibetan Royal Year of 2151 | Year of the Wood Dragon

ARCHIVE

Yearly Archives: 2020

རེས་གཟའ་ཟླ་བ། ༢༠༢༠།༠༡།༠༦

ཉན་པ།: Listen ཕབ་ལེན། Download ༸གོང་ས་མཆོག་གིས་ Australia འི་མེ་སྐྱོན་ཐད་ཐུགས་འཚབ་མཛད་འདུག ངོས་ལ་དགའ་མོས་བྱེད་མཁན་ཚོས་ངོས་ཀྱིས་བཤད་པ་རྣམས་སེམས་ལ་བཟུང་སྟེ་ལག་བསྟར་བྱེད་དགོས་ཞེས་བཀའ་བསྩལ་བ། རྫ་དབོན་པོ་སྡེ་པའི་བོད་མི་སུམ་ཅུ་ལྷག་ཟླ་ཕྱེད་རིང་བཀག་སྐྱིལ། རྒྱ་གར་གྱིས་རྒྱ་ནག་གི་ས་མཚམས་ཕྱོགས་སུ་རྣམ་རིག་སྒྲིམ་རྒྱུ་ཡིན་སྐོར་གསུངས་འདུག རྒྱ་ནག་གི་འགྲོ་བ་མིའི་ཐོབ་ཐང་ལ་སྐྱོན་བརྗོད་བྱ་རྒྱུར་དེ་འཛེམ་ཟོན་མི་བྱེད་པའི་རེ་བ་ཡོད། ཁ་མཆུ་ཨང་ ༢༠ པའི་བཅད་ཁྲར་ངོས་ལེན་ཞུས་པར་ངོས་འཛིན་ཞུ་ཡི་ཡོད་པ་དང་གནད་དོན་འདིའི་ཐོག་གླེང་མོལ་མ་གནང་རོགས་ཞེས་འབོད་སྐུལ། Monday 06/01/2020 Dalai Lama expresses grave concern over wide spread bushfire in Australia Dalai Lama concludes 5 days teaching in Bodh Gaya China detains over 30 Tibetans of Dza Wonpo township for more than two weeks India’s new army chief suggests greater vigilance on its northern border Don’t give China a pass on human rights: Sen. Marco Rubio Kashag abided by TSJC verdict, I urge public not to raise the issue again: Former NA Rep.

ངོས་ལ་དགའ་མོས་བྱེད་མཁན་ཚོས་ངོས་ཀྱིས་བཤད་པ་རྣམས་སེམས་ལ་བཟུང་སྟེ་ལག་བསྟར་བྱེད་དགོས་ཞེས་བཀའ་བསྩལ་བ།

དེ་རིང་ཕྱི་ལོ་ ༢༠༢༠ ལོ་ཟླ་ ༡ ཚེས་ ༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་བཀའ་ཆོས་དང་བཀའ་དབང་མཇུག་སྒྲིལ་མཛད་བསྟུན་ངོས་ལ་དགའ་མོས་བྱེད་མཁན་ཚོས་ངོས་ཀྱིས་བཤད་པ་རྣམས་སེམས་ལ་བཟུང་སྟེ་ལག་བསྟར་བྱེད་དགོས་ཞེས་བཀའ་བསྩལ་སོང་། ༸གོང་ས་མཆོག་གིས་དེ་རིང་འཇམ་དབྱངས་ཆོས་འཁོར་ལས་ཆོས་རྒྱལ་ཕྱི་ནང་གསང་གསུམ་གྱི་རྗེས་གནང་བསྩལ་བ་དང་སྦྲགས་ཏེ་བསྟན་པ་སྤྱི་མཚན་དང་གང་ཟག་དགོས་ཚན་གྱི་ངོ་སྤྲོད་བསྩལ་བ་མ་ཟད་ང་ཚོ་ཚང་མས་དུས་ནས་དུས་སུ་སེམས་ཅན་ཐམས་ཅད་ལ་ཕན་བཏགས་ཕྱིར་བྱང་ཆུབ་ཀྱི་སེམས་དང་། སྟོང་ཉིད་ཀྱི་ལྟ་བ། དེ་བཞིན་བསྟན་པ་སྤྱི་མཚན་ཉམས་ལེན་གནང་དགོས་པ་དང་། ལྷག་པར་དུ་རིམ་བཞིན་ཤེར་རབ་ཀྱི་གྲོགས་དང་སྟོང་རྟེན་འབྱུང་གི་ལྟ་བར་བསམ་བློ་བཏང་ནས་གཞན་ཕན་བསྒྲུབ་དགོས་པའི་ལམ་སྟོན་མཛད་ཡོད། ༸གོང་ས་མཆོག་གིས་གོ་ལའི་ཚ་དྲོད་ཇེ་ཆར་འཕེལ་བཞིན་པའི་ཁྲོད་འགྲོ་བ་མི་དང་དུད་འགྲོ་སེམས་ཅན་དག་ལ་དཀའ་ངལ་མང་དག་ཅིག་འཕྲད་བཞིན་པའི་གནད་དོན་ཁག་ལ་ཐུགས་འཚབ་ཡོད་པ་བཀའ་བསྩལ་བ་དང་ཆབས་ཅིག་ཏུ་ང་ཚོས་དེ་འབྲེལ་འཕྲད་པའི་ངལ་བ་ཁག་མི་བྱུང་བར་རྣམ་ཀུན་ནས་ཁོར་ཡུག་ཐོག་ལ་ཐུགས་སྣང་གནང་གནད་ཡིན་པའི་ལམ་སྟོན་བཀྲིན་ཆེ་བ་བསྩལ་ཡོད། མགོན་པོ་༸གང་ཉིད་མཆོག་གིས་ང་ཚོས་རྒྱུན་དུ་རང་ཉིད་ཀྱི་སེམས་རྒྱུད་མ་ཞི་བ་དེ་རིམ་པས་ཞི་བར་བཟོ་ཐབས་དང་། ལྷག་པར་དུ་མགོན་པོ་༸གང་ཉིད་མཆོག་ལ་དགའ་མོས་བྱེད་མཁན་ཚོས་ངོས་ཀྱིས་བཤད་པ་རྣམས་སེམས་ལ་བཟུང་སྟེ་ལག་བསྟར་བྱེད་དགོས་པ་ལས་༸གོང་ས་མཆོག་གི་༸སྐུ་པར་ལ་སྐྱབས་སུ་མཆིས་ཞེས་བརྗོད་པ་ཙམ་ལས་དེ་མིན་བཀའ་གང་བསྩལ་བ་རྣམས་ལ་ཉམས་ལེན་མ་གནང་ཚེ་ཕན་ཐོགས་དེ་ཙམ་མེད་སྐོར་བཀའ་ནན་བསྩལ་སོང་། ༸གོང་ས་མཆོག་གིས་ད་དུང་བོད་གངས་ཅན་ལྗོངས་འདིར་སངས་རྒྱས་ཀྱི་མདོ་སྔགས་ཟུང་འབྲེལ་གྱི་བསྟན་པ་དར་ཁྱབ་བྱུང་བ་ཅིག་ཆགས་ཡོད་པ་དང་སྒོས་ནང་པ་མིན་པ་རྣམ་དཔྱོད་ཅན་གྱི་མི་མང་པོས་དེར་ཡིད་དབང་འཕྲོག་ནས་དོ་སྣང་གནང་གི་ཡོད་པ་ལྟར། བོད་གངས་ཅན་ལྗོངས་ཀྱི་སངས་རྒྱས་ཀྱི་བསྟན་པ་དེ་བོད་ཙམ་མ་ཡིན་པར་ནང་པའི་ཡུལ་གྲུ་ཡོངས་ལ་ཁྱབ་ཐུབ་པའི་ནུས་པ་ལྡན་ཡོད་པ་དང་བསྟན་པ་དེ་ཡུན་རིང་གནས་ནས་འགྲོ་བ་ཡོངས་ལ་ཕན་པའི་ཐུགས་སྨོན་མཛད་ཀྱི་ཡོད་པ་ལྟར་ཆོས་ཞུ་བ་ཚོས་ཀྱང་དེ་ལྟར་སྨོན་ལམ་གནང་དགོས་པ་བཀའ་བསྩལ་ཡོད། གཞི་རྩའི་༸གོང་ས་མཆོག་གིས་རྡོར་གདན་གྱི་ཆོས་འབྲེལ་དེ་ཟླ་ ༢ ཚེས་ ༢ ནས་དབུ་འཛུགས་གནང་བ་དང་། སྐབས་དེར་མགོན་པོ་༸གང་ཉིད་མཆོག་གིས་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མ་དང་། ཕྱི་ཚེས་ ༣ ཉིན་སྤྱན་རས་གཟིགས་ཀྱི་བཀའ་དབང་དེ་བཞིན་ཕྱི་ཚེས་ ༤ ཉིན་འདས་ལོར་བསྩལ་བའི་འཇམ་དབྱངས་ཆོས་འཁོར་གྱི་འཕྲོ་སྐྱོ་འཇམ་དཔལ་ནང་སྒྲུབ་དང་། སྒྲོལ་དཀར་རྗེ་གནང་། ཁ་སང་ཚེས་ ༥ ཉིན་༸རྗེ་བཙུན་མ་ནག་མའི་བཀའ་དབང་བསྩལ་ཡོད་པ་རེད། གནས་ཚུལ་ཤེས་རྟོགས་བྱུང་བར་གཞིགས་ན་༸གོང་ས་མཆོག་ཕྱི་ཚེས་ ༡༦ འམ་ ༡༧ ཉིན་གྷ་ཡ་ནས་བྷི་ཧཱར་གྱི་གྲོང་ཁྱེར་པཊ་ན་དང་། དེ་བཞིན་པཊ་ན་ནས་མཁའ་ལམ་བརྒྱུད་རྒྱལ་ས་ལྡི་ལི་དང་། དེ་རྗེས་བཞུགས་སྒར་དུ་ཆིབས་༸ཞལ་བསྒྱུར་གནང་མཛད་རྒྱུ་རེད་འདུག

རྫ་དབོན་པོ་སྡེ་པའི་བོད་མི་སུམ་ཅུ་ལྷག་ཟླ་ཕྱེད་རིང་བཀག་བསྐྱིལ།

ཉེ་ཆར་ཕྱི་ལོ་ ༢༠༡༩ ལོའི་ཟླ་ ༡༡ ནང་ལ་སེལ་ཤུལ་རྫོང་རྫ་སྨད་དབོན་པོ་སྡེ་པའི་ནང་དུ་བོད་དོན་ལས་འགུལ་དང་འབྲེལ་བོད་མི་ཁག་གཅིག་སྔ་རྗེས་སུ་འཛིན་བཟུང་བྱས་པའི་ཁྲོད་ནས་ད་ལྟའི་ཆར་ས་གནས་དང་འབྲེལ་བའི་གནས་ཚུལ་གསར་པ་ཤེས་རྟོགས་བྱུང་བར་གཞིགས་ཚེ་དབོན་པོ་སྡེ་པའི་སེར་སྐྱ་སུམ་ཅུ་བརྒལ་བ་ཅིག་ཟླ་ཕྱེད་རིང་བཀག་བསྐྱིལ་བྱས་འདུག སྔ་ལོ་ཕྱི་ཟླ་ ༡༡ ཚེས་ ༧ དང་ ༡༨ དེ་བཞིན་ཚེས་ ༢༡ བཅས་ལ་ཁམས་སེར་ཤུལ་རྫོང་རྫ་དབོན་པར་རྒྱ་གཞུང་གིས་དགེ་འདུན་པ་ལྔ་དང་མི་སྐྱ་མི་གཉིས་བཅས་འཛིན་བཟུང་བཙན་ཁྲིད་བྱས་པའི་རྗེས་སུ་དེ་འབྲེལ་གྱི་ཞིབ་ཕྲའི་གནས་ཚུལ་གང་ཡང་རྒྱུས་ལོན་མ་ཐུབ་པར་ལྷག་ཡོད་པའི་ཁྲོད། དེ་རིང་རྒྱ་གར་ལྷོ་ཕྱོགས་སེར་བྱེས་གྲྭ་ཚང་བྱ་བྲལ་ཁང་ཚན་དབོན་པོ་དགོན་གྱི་དགེ་འདུན་པ་བྱམས་པ་ཡོན་ཏན་ལགས་ཀྱིས་ས་གནས་བོད་མི་བརྒྱུད་ནས་ཕྱི་ཟླ་ ༡༡ ཚེས་ ༢༤ ནས་ཕྱི་ཟླ་ ༡ ཚེས་ ༣ བར་སེར་ཤུལ་རྫོང་རྫ་དབོན་པོ་ནང་དུ་གནས་སྟངས་ཇི་ཆགས་སོགས་དང་འབྲེལ་བའི་འཚོལ་སྒྲུབ་གནང་སྐབས་སུ་སེར་སྐྱ་སུམ་ཅུ་བརྒལ་བ་ཅིག་ལ་རྩམ་པ་གཅིག་པོ་མ་གཏོགས་ཟས་གང་ཡང་མ་སྤྲད་པར་ཟླ་བ་ཕྱེད་རིང་བཀག་ཉར་བྱས་ཡོད་པ་དང་། ཁོང་རྣམས་ནི་དོགས་ཡོད་མི་སྣ་དང་དྲྭ་རྒྱ་དང་འབྲེལ་བ་ཡོད་པ། དེ་བཞིན་ཕྱི་ཕྱོགས་ལ་འབྲེལ་བ་ཡོད་པ་དང་༸གོང་ས་མཆོག་གི་༸སྐུ་པར་བཤམས་ཡོད་པ། སྐད་ཆ་བཤད་སྟངས་ནོར་བ་དང་ཆབ་སྲིད་དང་འབྲེལ་མེད་སྤྱིར་བཏང་གི་རྙོག་གླེང་ཅན་ཞིག་ཡིན་པ་གསུངས་སོང་། དེ་བཞིན་གྲྭ་བ་མང་པོ་ཞིག་ལ་བསམ་བློའི་སློབ་གསོ་དགོས་ཚུལ་གྱིས་ཟླ་ཕྱེད་རིང་ཉིན་ལྟར་བསམ་བློ་སྒྱུར་བཀོད་ཀྱི་སློབ་གསོའི་ཚོགས་འདུ་ཚོགས་པ་དང་མང་ཚོགས་ལ་ཆབ་སྲིད་དང་འབྲེལ་བའི་གནས་ཚུལ་དེ་རིགས་ལྷག་མི་ཆོག་པའི་བསྒྲགས་གཏམ་སྤེལ་ཡོད་པ་མ་ཟད། དབོན་པོ་སྡེ་པའི་ཡུལ་མི་དང་སྡེ་པ་གཞན་གྱི་མི་སོགས་སེར་སྐྱ་མང་པོ་ཞིག་གི་ཁ་པར་སྔོག་གཤེར་བྱས་ཡོད་པ་དང་ཉེན་རྟོག་ཁང་ལ་འབོད་དེ་འདྲི་རྩད་ཀྱིས་ཡིག་ཆ་ཁག་གཅིག་ལ་མིང་རྟགས་བཀོད་བཅུག་པ་སོགས་ཀྱི་གནས་སྟངས་བྱུང་འདུག ལྷག་དོན་དམག་མི་རྣམས་ཀྱི་ལག་ཏུ་མེ་མདའ་དང་ཉེན་འགོག་གྱི་ལག་ཆ་འདྲ་མིན་སོགས་བཟུང་ནས་སྲང་ལམ་དུ་དམག་སྦྱོང་གིས་མི་མང་ལ་ཉིན་ལྟར་འཇིགས་བསྐུལ་བྱས་ཡོད་པ་དང་ཕྱི་ཟླ་ ༡༢ ཚེས་ ༡༢ ནས་སྣང་ཚུལ་ལ་དམག་མི་མང་པོ་ཞིག་རྫ་སྨད་ནས་ཕྱིར་ལོག་བྱུང་བ་མཐོང་ཡོད་པ་རེད་འདུག ད་ལྟའི་ཆར་དབོན་པོ་སྡེ་པའི་ནང་དམ་དྲག་ཤུགས་ཆེ་བའི་རྐྱེན་གྱིས་ས་གནས་ཀྱི་གནས་ཚུལ་དང་འབྲེལ་ཏེ་ས་གནས་ཀྱི་བོད་མི་མང་པོར་ཞལ་པར་དང་སྐད་འཕྲིན་སོགས་ཀྱི་བརྒྱུད་ནས་ཐེངས་མང་རྩད་གཅོད་ཞུས་ཀྱང་འབྲེལ་བ་ཞུ་རྒྱུ་དཀའ་བར་གྱུར་པ་མ་ཟད། སྤྱི་ཚོགས་དྲྭ་ལམ་ཡོངས་རྫོགས་བཀག་འགོག་བྱས་པར་མ་ཟད། མང་ཚོགས་ཁྲོད་དུ་ཉུལ་ཞིབ་རུ་ཁག་མི་སྣ་སོགས་ཕོན་ཆེ་འགྲེམས་འཇོག་བྱས་ཡོད་སྟབས་གནས་ཚུལ་ཤེས་རྟོགས་ཐུབ་ཀྱི་མེད་པ་རེད། གཞི་རྩའི་རྒྱ་གཞུང་གིས་དེ་སྔོན་ཕྱི་ཟླ་ ༡༡ ནང་དུ་རྫ་དབོན་པོ་སྡེ་བ་ནས་སྔ་རྗེས་སུ་འཛིན་བཟུང་བྱས་པའི་དགེ་འདུན་པ་ལྔ་དང་མི་སྐྱ་གཉིས་བཅས་ཐོག་མར་སེལ་ཤུལ་རྫོང་ལ་ཁྲིད་ཡོད་པ་ཤེས་རྟོགས་བྱུང་ཡོད་ཀྱང་རྗེས་སུ་ནང་མི་ཚོ་དང་ཐུག་འཕྲད་བྱུང་ཡོད་མེད། ཁོང་རྣམ་པའི་གནས་སྟངས་ཇི་ཆགས་སོགས་ཤེས་རྟོགས་ཐུབ་ཀྱི་མེད་པ་རེད།

རེས་གཟའ་ཉི་མ། ༢༠༢༠།༠༡།༠༥

ཉན་པ།: Listen ཕབ་ལེན། Download བེུད་ལེ་ཚན། སེམས་ཁམས་འཕྲོད་བསྟེན་སློབ་གསོ་བ་འབུམ་རམས་པ་ཀུན་དགའ་ནོར་འཛོམས་ལགས་དང་གླེང་མོལ། Sunday 05/01/2020 Women of Tibet: Dr. Kunga Norzom, Mental Health Professional

རེས་གཟའ་སྤེན་པ། ༢༠༢༠།༠༡།༠༤

ཉན་པ།: Listen ཕབ་ལེན། Download ༸གོང་ས་མཆོག་གིས་ཉེ་བརྒྱུད་འཇམ་དབྱངས་ཆོས་སྐོར་གི་བཀའ་ཆོས་བཀའ་དྲིན་བསྩལ་བ། སྤྲུལ་སྐུའི་ཡང་སྲིད་དང་ལོ་རྒྱུས་ཀྱི་ངེས་སྲོལ་ལ་སྟངས་འཛིན་ཡང་དག་དགོས་ལུགས་བརྗོད་པ། རྒྱ་གཞུང་གིས་ཕ་རན་སི་ནང་གི་བོད་མི་དང་ཡུ་གུར་བ་སོགས་ལ་གསོ་ཉུལ་བྱས་པར་ཐེར་འདོན། བོད་དོན་ཆེད་རྐང་འཁོར་སྐོར་བསྐྱོད་གནང་མཁན་སྐུ་ཞབས་ Sandesh Meshram གུ་ཇརཱཊ་ནང་དུ་འབྱོར་བ། རྒྱ་གཞུང་གིས་ཕྱི་ལོ་ ༢༠༡༩ ལོའི་མཇུག་ཏུ་ལས་འགུལ་མང་དག་ཅིག་འཛིན་བཟུང་བྱས་འདུག དམིགས་བསལ་ལེ་ཚན། ༸གོང་ས་མཆོག་གིས་བསྩལ་བའི་ལམ་གཙོ་རྣམ་གསུམ་གྱི་བཀའ་ཆོས། Saturday 04/01/2020 Dalai Lama begins ‘The Wheel of Teachings on Manjushri Empowerments’ TAR Chief urges religious leaders to uphold religious rituals and historic conventions on reincarnation China exporting its surveillance of minorities to France: report Lone India cyclist for Tibet reaches Surat China detains activists in year-end crackdown FEATURE: Dalai Lama teaching on Lamtso Namsum

ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་བཀའ་དྲིན་བསྩལ་བ།

དེ་རིང་སྔ་དྲོ་ཚོུད་ ༨ ཡོལ་ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་དུས་འཁོར་ཐང་ཆེན་དུ་ཕྱི་ནང་གི་དད་ལྡན་ཆོས་ཞུ་བ་ ༣༠༠༠༠ ལྷག་ལ་འདས་ལོར་བསྩལ་བའི་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་འཕྲོ་སྐྱོང་མཛད་སོང་། ༸གོང་ས་མཆོག་གི་བཀའ་ཆོས་འདིའི་ཐོག་རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་བྱེས་ཀྱི་གདན་ས་ཆེན་པོ་གསུམ་གྱིས་གཙོས་པའི་དགོན་སྡེ་གྲྭ་ཚང་ཁག་གི་གྲྭ་བཙུན་དང་འདི་བཞིན་ཁྱིམ་པ་ཕོ་མོ་མང་དག་ཅིག་བཀའ་ཆོས་ཞུ་བར་ཆེད་བཅར་ཞུས་ཡོད་པ་དང་བསྟུན་མགོན་པོ་༸གང་ཉིད་མཆོག་གིས་རྡོ་རྗེ་གདན་གྱི་གནམ་གཤིས་ཧ་ཅང་གྲང་ངར་ཆེ་བ་འདིས་ལྷོ་ཕྱོགས་ནས་བཅར་བའི་ཆོས་ཞུ་བ་ཚོར་ཆེད་མངགས་དགའ་བསུ་ཞུ་གི་ཡོད་ཅེས་ཞལ་ཤོབ་མཛད་པ་དང་སྦྲགས་ཏེ་ད་རེས་རྗེས་གནང་བསྩལ་བ་འདི་དྲྭ་རྒྱ་བརྒྱུད་དེ་ཡུལ་ལུང་མང་པོ་ཞིག་ཏུ་ཐད་སྲིང་འགྲོ་བཞིན་ཡོད་སྟབས་མི་རིགས་འདྲ་མིན་མང་པོས་ཐུགས་སྣང་ཆེན་པོས་གསན་གཟིགས་གནང་གི་ཡོད་པས་བླ་མའི་ངོས་ནས་ཕན་སེམས་ཀྱི་འདུན་པ་བཏང་བ་བཞིན་ཆོས་དད་ཅན་རྣམས་ཀྱིས་ཀུན་སློང་དྲགས་པོས་གསན་གཟིགས་གནང་ཚེ་དེ་དག་ལ་བྱིན་རླབས་འཐོབ་ངེས་ཡིན་པའི་བཀའ་བཞེས་བཟང་པོ་སྨིན་བསྩལ་མཛད་ཡོད། དེ་བཞིན་༸གོང་ས་མཆོག་གིས་ཆོས་ཞུ་བ་སུམ་ཁྲི་ལྷག་ལ་རྗེས་གནང་གི་སྤྱི་བཤད་དང་འབྲེལ་ཏེ་རང་ཚོའི་རྒྱུད་ལ་ཡོད་པའི་བློ་འདི་ཐོག་མ་ཉིད་ནས་སྡུག་བསྔལ་མི་འདོད་པ་དང་བདེ་བ་འདོད་པ་ཞིག་ཡིན་ཀྱང་སྡུག་བསྔལ་སེལ་ཐབས་ལ་དོ་སྣང་གནང་གི་མེད་པ་དང་སྒོས་བདེ་སྡུག་མྱོང་མཁན་གཙོ་བོ་དེ་ཡིད་བློ་ཡིན་པར་བཀའ་བསྩལ་སོང་བ་མ་ཟད། ང་ཚོའི་ངོས་ནས་སྟོན་པ་བཅོམ་ལྡན་འདས་དང་དཔལ་མགོན་ཀླུ་སྒྲུབ་ཡབ་སྲས་སོགས་ལ་སྐྱབས་སུ་འགྲོ་གྱི་ཡོད་པ་ལྟར་སྐྱབས་སུ་འགྲོ་ས་དེ་དག་དག་པའི་གཞན་གཅེས་པའི་བྱང་ཆུབ་སེམས་ཉམས་བཞེས་གནང་སྟེ་སྤངས་རྟོགས་མཐར་ཕྱིན་པ་གྱུར་ཡོད་སྟབས་གནས་ཁྱད་པར་ཅན་འདིར་ཆོས་གྲོགས་མང་པོ་ཞིག་འདུས་ཡོད་པ་ཁྱེད་རང་ཚོས་དུས་དེ་རིང་ནས་བཟུང་སྟེ་བྱང་ཆུབ་ཀྱི་སེམས་བསྐྱེད་ཐོག་མི་ཚེ་འདི་ནས་ས་ལམ་གྲོལ་རྒྱུར་འབད་གནད་ཡིན་པ་ལམ་སྟོན་བཀྲིན་ཆེ་བ་བསྩལ་ཡོད། རྩ་བའི་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ནས་དབུ་འཛུགས་ཀྱིས་གནངས་ཕྱི་ཚེས་ ༦ བར་འཇམ་དབྱངས་ཆོས་སྐོར་འཕྲོ་སྐྱོང་མུ་མཐུད་མཛད་རྒྱུ་ཡིན་པ་རེད།

བོད་དོན་ཆེད་རྐང་འཁོར་སྐོར་བསྐྱོད་གནང་མཁན་སྐུ་ཞབས་ Sandesh Meshram ལགས་གུ་ཇརཱཊ་མངའ་ཁུལ་དུ་འབྱོར་འདུག

བཞུགས་སྒར་དྷ་རྨ་ས་ལ་ནས་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བར་བོད་དོན་གོ་རྟོགས་ཀྱི་རྐང་འཁོར་སྐོར་བསྐྱོད་གནང་མཁན་རྒྱ་གར་བོད་དོན་རྒྱབ་སྐྱོར་བ་སྐུ་ཞབས་ Sandesh Meshram འམ་བོད་མིང་དུ་སྐུ་ཞབས་བསམ་གཏན་ཡེ་ཤེས་ལགས་དེ་རིང་ Gujurat མངའ་སྡེའི་ Surat གྲོང་ཁྱེར་ནང་དུ་འབྱོར་འདུག རླུང་འཕྲིན་ཁང་གིས་དེ་རིང་སྔ་དྲོ་ཞལ་པར་བརྒྱུད་སྐུ་ཞབས་ Sandesh Meshram ལགས་སུ་བཀའ་འདྲི་ཞུས་པར་ཁོང་གིས་ འདས་པའི་ཟླ་བ་གཅིག་ལྷག་ཙམ་གྱི་རིང་ལ་ཁོང་ནས་མངའ་སྡེ་འདྲ་མིན་ ༦ ཙམ་དང་གྲོང་ཁྱེར་མང་དག་ཅིག་གི་ནང་དུ་རྐང་འཁོར་སྐོར་བསྐྱོད་གནང་ཟིན་ཡོད་པ་དང་། ད་ལྟའི་ཆར་ Gujurat མངའ་སྡེའི་ནང་དུ་འབྱོར་རྗེས་མངའ་སྡེའི་ Bharukh གྲོང་ཁྱེར་དང། དེ་རིང་ Surat གྲོང་ཁྱེར་དུ་འབྱོར་གྱི་ཡོད་སྐོར་གསུངས་པ་དང་སྦྲགས་ཏེ་ད་བར་རྒྱ་གར་མང་ཚོགས་དང་བརྒྱུད་ལམ་ཁག་ནས་ཁོང་གི་བོད་དོན་ཆེད་རྐང་འཁོར་སྐོར་སྐྱོད་ལས་འགུལ་སྤེལ་བར་དོ་སྣང་དང་ངོས་ལེན་ཡག་པོ་གནང་གི་འདུག་ཅེས་ངོ་སྤྲོད་གནང་སོང་། ཁོང་གིས་ད་དུང་ཐེངས་འདིའི་སྐོར་བསྐྱོད་ཐོག་ཁོང་ནས་རྒྱ་གར་མང་ཚོགས་ཁྲོད་ “Free Tibet, Save India” འམ་བོད་ཀྱི་རང་དབང་དང་རྒྱ་གར་གྱི་བདེ་འཇགས་ཞེས་པའི་ཐོག་ནས་རྒྱ་གར་སྐྱོབ་དགོས་པ་དང་། རྒྱ་གཞུང་གིས་བཙོན་འཇུག་འོག་གར་སོང་ཆ་མེད་དུ་གྱུར་བའི་༸པཎ་ཆེན་དགེ་འདུན་ཆོས་ཀྱི་ཉི་མ་རིན་པོ་ཆེ་མཆོག་གི་གནད་དོན། དེ་བཞིན་༸གོང་ས་མཆོག་ལ་རྒྱ་གར་གྱི་སྤྱི་དམངས་ཆེ་བསྟོད་གཟེངས་རྟགས་ Bharat Ratna ཕུལ་དགོས་པ་སོགས་ཀྱི་དབུས་པའི་བོད་དོན་དང་འབྲེལ་བའི་གནད་དོན་མང་དག་ཅིག་གི་ཐོག་གོ་རྟོགས་སྤེལ་བཞིན་ཡོད་པ་གསུངས་སོང་། ལྷག་པར་དུ་ཁོང་གི་སྐོར་བསྐྱོད་ལས་འགུལ་གནང་བའི་ཁྲོད་དུ་རྒྱ་གར་མང་ཚོགས་ནས་རྒྱ་གར་ཡུལ་མི་ཞིག་གིས་བོད་དོན་ཆེད་འགན་འཁུར་དེ་ལྟར་བཞེས་དགོས་པའི་རྒྱུ་མཚན་གང་ཡིན་ནམ་ཞེས་བཀའ་འདྲི་ཡང་ཡང་གནང་གི་འདུག་སྟབས་ཁོང་ནས་རྒྱ་གར་མི་མང་རྣམས་ལ་བོད་དེ་རྒྱ་ནག་གིས་ཧམ་བཟུང་བྱས་པའི་རྐྱེན་གྱིས་ད་ལྟ་རྒྱ་ནག་དང་མཉམ་དུ་ས་མཚམས་ཀྱི་རྩོད་རྙོག་དང་ཆུའི་རྩོད་རྙོག དེ་བཞིན་དཔལ་འབྱོར་སོགས་ཀྱི་རྩོད་རྙོག་མང་དག་ཅིག་ཡོད་པས་བོད་ལ་རང་བཙན་ཐོབ་ཚེ་རྩོད་རྙོག་དེ་དག་རང་བཞིན་གྱི་མེད་པར་འགྱུར་བའི་ཆ་ནས་ཁེ་ཕན་མཐའ་མ་དེ་རྒྱ་གར་རང་ལ་རག་རྒྱུ་ཡིན་པ་སོགས་འགྲེལ་བརྗོད་གནང་ཡོད་པ་གསུངས་ཡོད། རྩ་བའི་བོད་དོན་ཆེད་རྐང་འཁོར་སྐོར་བསྐྱོད་ཀྱི་ལས་འགུལ་སྤེལ་མཁན་སྐུ་ཞབས་ Sandesh Meshram ལགས་ཁོང་ད་ལྟའི་ཆར་ Nagpur བོད་དོན་རྒྱབ་སྐྱོར་ནང་མའི་ས་གནས་འབྲེལ་མཐུད་པའི་འགན་ཁུར་བཞེས་བཞིན་ཡོད་པ་དང་། འདས་པའི་ལོ་ངོ་ ༤༠ ཙམ་ནས་བོད་དོན་ལ་ཚོར་ཤུགས་ཆེན་པོས་རྒྱབ་སྐྱོར་གནང་མཁན་རྒྱ་གར་ཡུལ་མི་ཞིག་ཡིན་པ་རེད། བསམ་གཏན་ཡེ་ཤེས་ལགས་ནས་ཐོག་མར་ཕྱི་ལོ་ ༡༩༩༦ ལོར་བཞུགས་སྒར་དྷ་རྨ་ས་ལ་ནས་ལྡི་ལི་བར་ཞི་བའི་གོམ་བགྲོད་ཀྱི་ལས་འགུལ་ནང་མཉམ་ཞུགས་གནང་འདུག་པ་མ་ཟད། ད་བར་བོད་དོན་དྲིལ་བསྒྲགས་དང་འབྲེལ་བའི་རྐང་འཁོར་སྐོར་བསྐྱོད་ཐེངས་གསུམ་གནང་མྱོང་ཡོད་པར་མ་ཟད། ད་རེས་རྐང་འཁོར་སྐོར་སྐྱོད་ཐེངས་བཞི་པ་འདི་འདས་ལོ་ཟླ་ ༡༢ ཚེས་ ༡ ཉིན་གྱི་སྔ་དྲོ་ཚོུད་ ༡༠ སྟེང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་ནས་དབུ་འཛུགས་ཀྱིས་རྒྱ་གར་གྱི་མངའ་སྡེ་ཆེ་ཁག་ ༡༢ ནང་ཕྱི་ལེ་ ༧༥༠༠ ལྷག་བརྒྱུད་དེ་རྒྱ་གར་ལྷོ་ཕྱོགས་བོད་མིའི་གཞིས་སྒར་མོན་གྷོ་འདོད་རྒུ་གླིང་དུ་བོད་མིའི་རང་དབང་སྒེར་ལངས་ཉིན་མོ་སྟེ་ཕྱི་ལོ་ ༢༠༢༠ ཕྱི་ཟླ་ ༣ ཚེས་ ༡༠ ཉིན་མཇུག་སྒྲིལ་གནང་གི་ཡོད་པ་རེད།

རེས་གཟའ་པ་སངས། ༢༠༢༠།༠༡།༠༣

ཉན་པ།: Listen ཕབ་ལེན། Download ༸གོང་ས་མཆོག་གིས་རྡོར་གདན་དུ་སྤྱན་རས་གཟིགས་ཀྱི་བཀའ་དབང་བཀའ་དྲིན་བསྩལ་བ། མཁན་པོ་བསོད་དར་རྒྱས་ལགས་ཀྱིས་ཤེས་རབ་སྙིང་རྗེ་དགེ་ལས་ཐེབས་རྩ་ཚོགས་པ་སྒོ་བརྒྱབ་འདུག བོད་ཀྱི་སྨན་རྩིས་ཁང་གི་ལས་བྱེད་སློབ་ཕྲུག་གིས་ UNESCO ལ་ངོ་རྒོལ་གནང་བཞིན་པ། ནོར་ཝེ་དཔེ་མཛོད་ཁང་ཞིག་ལས་དཔེ་དེབ་ཅིག་ཕྱིར་འཐེན་བྱེད་རྒྱུའི་དགོས་འདུན་ཆེད་བཏོན། གྷུ་གྷལ་ཚོང་ལས་ཁང་གིས་འགྲོ་བ་མིའི་ཐོབ་ཐང་ལས་ཚོང་གི་ཁེ་ཕན་གནད་ཆེར་ངོས་འཛིན་བཞིན་འདུག དམིགས་བསལ་ལས་རིམ། upside down ཞབས་བྲོ་འཁྲབ་སྦྱོང་ཁང་གི་སྐོར། Friday 03/01/2020 Dalai Lama confers ‘Chenrezig’ initiation to thousands in Bodh gaya Larung Gar abbot’s international centers closed; students suspect Chinese pressure TMAI urges UNESCO to steer away from political interference Chinese skiers want book removed from Meråker library Google slammed for pursuing profits over free speech in China DIASPORA FEATURE: Upside Down Studio

ཕྱི་ནང་གི་དད་ལྡན་རྣམས་ལ་སྤྱན་རས་གཟིགས་ཀྱི་བཀའ་དབང་བཀྲིན་བསྩལ་བ།

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་གནས་མཆོག་རྡོ་རྗེ་གདན་དུས་འཁོར་ཐང་ཆེན་དུ་འཕགས་མཆོག་སྤྱན་རས་གཟིགས་ཀྱི་བཀའ་དབང་བཀྲིན་བསྩལ་སོང་། དེ་རིང་ཕྱི་ལོ་ ༢༠༢༠ ཟླ་ ༡ ཚེས་ ༣ ཉིན་གྱི་སྔ་དྲོ་ཕྱག་ཚོད་ ༨༌༠༠ ཡོལ་ཙམ་ལ་ བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དུས་འཁོར་གསུང་ཆོས་ར་བར་ཆོས་ཞུ་བ་ ༣༠༠༠༠ ལྷག་ལ་སྤྱན་རས་གཟིགས་ཀྱི་བཀའ་དབང་བཀའ་དྲིན་བསྩལ་སྐབས་ཆོས་འབྲེལ་གྱི་སྤྱི་བཤད་དང་འབྲེལ་ཏེ་གནས་ཁྱད་པར་ཅན་རྡོ་རྗེ་གདན་ནི་བདག་ཅག་གི་སྟོན་པ་སངས་རྒྱས་བཅོམ་ལྡན་འདས་མངོན་པར་རྫོགས་པར་སངས་རྒྱས་པའི་གནས་ཤིག་དང་།  སྒོས་སུ་སྟོན་པའི་གཏད་རབས་བདུན་དང་དཔལ་ནཱ་ལེནྡཱའི་མཁས་པའི་དབང་པོ་དཔལ་མགོན་ཀླུ་སྒྲུབ་ཡབ་སྲས་ཀྱིས་གཙོས་པའི་འཕགས་པ་ཐོགས་མེད་སྐུ་མཆེད་སོགས་ནས་སངས་རྒྱས་ཀྱི་བསྟན་པ་ལ་སྨན་པའི་མཛད་རྗེས་རླབས་ཆེན་བཞག་ཡོད་སྟབས། དུས་ད་ལྟ་ཡང་སངས་རྒྱས་ཀྱི་ཆོས་དེ་འདྲ་འདྲ་ནང་ནས་མི་འདྲ་ཞིག་ཆགས་ཡོད་པ་དང་ལྷག་པར་དུ་དེང་རབས་ལ་ཆ་མཚོན་ན་ཕྱིའི་དངོས་པོ་ཡར་རྒྱས་ཚད་མེད་པ་ཞིག་ཕྱིན་ཡོད་ཀྱང་དངོས་པོ་ཡར་རྒྱས་དེས་ཕྱིའི་ལུས་པོའི་བདེ་ཐང་ཡོང་བ་མ་གཏོགས་ནང་སེམས་ཁམས་མ་སྐྱིད་པ་ཡོང་བ་དེར་དོན་དམ་པའི་སྒོ་ནས་བཅོས་རྒྱུ་མེད་སྐོར་བཀའ་བསྩལ་དང་སྦྲགས། ང་ཚོས་ཡིད་བློ་མི་བདེ་བ་བཟོ་མཁན་རྒྱུ་རྐྱེན་གང་ཡིན་ལ་ངེས་པར་དུ་དཔྱད་ནས་ཡིད་བློའི་སྒོ་ནས་བདེ་སྐྱིད་འཚོལ་རྒྱུ་གལ་ཆེན་པོ་ཡིན་པ་ལམ་སྟོན་མཛད་ཡོད། དེ་བཞིན་༸གོང་ས་མཆོག་གིས་སྤྱིར་འཛམ་བུ་གླིང་གི་ཆོས་ལུགས་ཚང་མས་ལོ་ངོ་སྟོང་ཕྲག་རིང་མི་དུང་ཕྱུར་མང་པོ་ལ་ཕན་ཐོགས་གནང་ཡོད་པ་དང་དེའི་ཁོངས་ནས་སངས་རྒྱས་པའི་ཆོས་དེ་ཆོས་ལུགས་གཞན་དང་མི་འདྲ་བར་ཡིད་བློའི་རྣམ་གཞག་ཐོག་ལ་ཞིབ་རྒྱས་གསུངས་ཡོད་སྟབས་སྐྱེ་བ་སྔ་ཕྱི་ཁས་མི་ལེན་མཁན་ཚོས་ཚེ་འདིར་ཉིན་རེ་སེམས་ལ་ཞི་བདེ་བག་ཕེབས་ཡོང་བར་ནཱ་ལེནྡཱའི་གཞུང་ལས་གསུངས་པའི་སེམས་ཁམས་རིག་པར་ཐུགས་སྣང་གནང་ཚེ་དགེ་མཚན་ཡོད་སྐོར་བཀའ་བསྩལ་སོང་། ༸གོང་ས་མཆོག་གིས་ད་དུང་བྱང་ཆུབ་སེམས་རྒྱུད་ལ་བསྐྱེད་ཚུལ་བཀའ་བསྩལ་དང་སྦྲགས། འཛམ་བུ་གླིང་ཞི་བདེ་ཡོང་བར་གཞན་ཕན་གྱི་སེམས་ཁོ་ན་དགོས་གལ་ཆེ་བ་ཡིན་པ་དང་། ཆོས་ཡོད་ཀྱང་རུང་མེད་ཀྱང་རུང་། ནང་པ་ཡིན་ཀྱང་རུང་མིན་ཀྱང་རུང་གཞན་ཕན་གྱི་བློ་དེ་འགྲོ་བ་ཀུན་ཀྱི་སེམས་རྒྱུད་ལ་ངེས་པར་དུ་དགོས་གལ་ཡིན་སྐོར་བཀའ་བསྩལ་བར་མ་ཟད་བྱང་ཆུབ་སེམས་ལ་ཤེས་རབ་ཀྱི་གྲོགས་དང་འཕྲད་ཚེ་འཕྲལ་ལ་བདེ་བ་ཐོབ་པ་ཙམ་མིན་པར་མངོན་མཐོ་དང་ངེས་ལེགས་ཀྱི་གོ་འཕང་ཐོབ་རྒྱུ་དང་། ཁྱད་པར་དུ་སེམས་དེ་ལྟ་བུ་བསྐྱེད་ན་འཕྲལ་ཡུན་གྱི་འདོད་དོན་ཐམས་ཅད་རང་བཞིན་གྱི་འགྲུབ་ཐུབ་རྒྱུ་ཡིན་སྐོར་བཀའ་བསྩལ་དང་ཆབས་ཅིག བྱང་ཆུབ་སེམས་པའི་སྡོམ་པ་འབོག་ཆོག་དང་འཕགས་པ་ཐུགས་རྗེ་ཆེན་པོའི་དབང་ཆེན་བཀའ་དབང་བསྩལ་ཡོད་པ་རེད། གཞི་རྩའི་སང་ཕྱི་ཚེས་ ༤ ནས་ ༦ བར་༸གོང་ས་༸སྐྱབས་མགོན་ཆེན་པོ་མཆོག་གིས་འདས་ལོའི་མགོ་སྟོད་དུ་ཉེ་བརྒྱུད་འཇམ་དབྱངས་ཆོས་སྐོར་གྱི་ཆོས་འབྲེལ་བསྩལ་བའི་འཕྲོས་སྐྱོང་མཛད་རྒྱུ་ཐུགས་གཏན་ཁེལ་ཡོད་པས་གསར་འགོད་པས་འཇམ་དབྱངས་ཆོས་སྐོར་གྱི་ངོ་སྤྲོད་དང་ཆོས་སྐོར་དེ་བསྩལ་དགོས་པའི་གནད་འགག་སོགས་ཀྱི་ཐོག་རྣམ་གྲྭ་དང་རྒྱུད་སྟོད་མཁན་ཟུར་སྐྱབས་རྗེ་བྱ་དོ་རིན་པོ་མཆོག་ ལ་བཀའ་འདྲི་ཞུས་ཡོད།

Latest news